البيت .... الأهل .... الأولاد ... الأخوات [الأرشيـــــف]

عرض كامل الموضوع : البيت .... الأهل .... الأولاد ... الأخوات

ِAbu Alzooz

05/12/2008, 16:56

*Marwa*

05/12/2008, 17:13

فعـلا .. صرت عم حس هيك آخـر فترة.. وخاصة انو إسـا قاعدة بـ وش أهلـي أكتر من قبل!
ومش عارفة يمكن فترة ولازم كل انسان يمرق فيها .. أو يمكن لأنو كتير عم نكون سوا فـ عم نكتشف اشيا عن بعض اكتر (بس ليش لنتصادم؟!!)

بس انو متل ما قلت شغلات تافهة .. انو انا صراحة بلومش أهلي ازا بعصبوا عليي .. لانو صايرة عم انفعل ع أتفه القصص ..مش عم اقدر استحمل حتى نقاش واختلاف بوجهات النظر :shock:

بس انو مش كل يوم عم تصير هالقصص .. لكن في ايام جد الجو بكون مكهرب كتيــــــر وبكون مش طايقة حالي!!

Marooshe

05/12/2008, 17:18

لأنو كتر الأحتكاك بيولد مشاحنات... وجود نفس العالم كل يوم كذا ساعه بنفس الاطار طبيعي بدو يولد انفجارات...
وغير هيك،
احيانا خناقاتنا بتكون على ابسط الاشيا بس لانو منكون معبايين من برا ومننفجر بأكتر ناس منمون عليهن...

Sun Shine Art

05/12/2008, 17:18

كلنا منمر بهل الحالات ....وخناق وتخبيط ...
ورغم كل الاختلاف بين الاخوه والاهل ....
هي بضل علاقه ...كتير خاصه بكل نواحيها ...
ومابتصور نقدر نشرحها ...لنوصل لخصوصيتها ..
مع انه انا طول الوقت بضل اتفف منون ...بس بحبون كتير ...

وحتى لما بتلعنون ....وبتسبون وبتكرهون ... كمان لما بتحس بالضعف ..والعجز ...لح ترجعلون ....

boy freind

05/12/2008, 17:22

ارسلان

05/12/2008, 17:23

في الشدائد ياصديقي تذوب َلمم الخلافات و تنصهر الحياة عن الخلاصة الطيبة لأعضاء الجسد
اما الخلافات الحياتية فهي ناتجة عن الطبيعة النفسية والخلقية المتباينة
او عن الروتين الحياتي المتواتر

sona78

05/12/2008, 17:26

الخناق شغلة طبيعية كتير
يعني اذا كنت بالبيت مع اهلك رح تتخانق معن
واذا عشت مع رفيق الك رح تتحانق معو
واذا قدرلك انو ترتبط بوحدة رح تتخانق معها
واذا اتجوزتها رح تتخانق معها مرفوعة للاس 10
واذا سكنت لحالك رح تتخانق اول شي مع حالك .. بعدين مع الجيران .. بعدبن مع ايا حدا مارر بالطريق
لانو رخ تلاقي انو العيشة هيك مملة بعد وقت
يعني كيف ما كان..... الخناق شغلة موجودة كيف ما كان
لانو مستخيل تلاقي انسان ما تختلف معو ع شي
حتى خيالك ..
فلهيك م كتير اتفكر فيها :D

ِAbu Alzooz

07/12/2008, 03:17

بس انو مش كل يوم عم تصير هالقصص .. لكن في ايام جد الجو بكون مكهرب كتيــــــر وبكون مش طايقة حالي!!

اي و طبعا بما انو هني اهلك و بحبوكي و بخافو عليكي
لازم يعرفوا ليش معصب و يخلو الواحد فوق مالو معصب يعصب بزيادة

لأنو كتر الأحتكاك بيولد مشاحنات... وجود نفس العالم كل يوم كذا ساعه بنفس الاطار طبيعي بدو يولد انفجارات...
وغير هيك،
احيانا خناقاتنا بتكون على ابسط الاشيا بس لانو منكون معبايين من برا ومننفجر بأكتر ناس منمون عليهن...

لا بس انو ليش
برا الواحد بيكون رايئ و بمجرد ما يعقد بالبيت بيحس بتعصيب
انو كلشي بالبيت بحسوا بيعصب احيانا
و اكره شي لما يجي اخي الكبير من السفر و يقعد ينظر انو بالغربة مافي و مافي و مافي
:frown:

كلنا منمر بهل الحالات ....وخناق وتخبيط ...
ورغم كل الاختلاف بين الاخوه والاهل ....
هي بضل علاقه ...كتير خاصه بكل نواحيها ...
ومابتصور نقدر نشرحها ...لنوصل لخصوصيتها ..
مع انه انا طول الوقت بضل اتفف منون ...بس بحبون كتير ...

وحتى لما بتلعنون ....وبتسبون وبتكرهون ... كمان لما بتحس بالضعف ..والعجز ...لح ترجعلون ....

اي بس انو لازم بين فترة و فترة الواحد ياخود اجازة منون :larg:

ِAbu Alzooz

07/12/2008, 03:20

اي والله معك حق اب ويليام

ساعات بحس انو لازم روح قدّم على طلب لدار الايتام من مو كرهان القعدة بهالبيت

كل يوم من عالصبح انتقادات انتقادات و ما حدا عاجبو لو بشعللهن اصابيعي العشرة كلّو عم يرفّس

:pos:

بس ياترى انو لو غيرناهن انو عشنا بدونو لح ننبسط :?

في الشدائد ياصديقي تذوب َلمم الخلافات و تنصهر الحياة عن الخلاصة الطيبة لأعضاء الجسد
اما الخلافات الحياتية فهي ناتجة عن الطبيعة النفسية والخلقية المتباينة
او عن الروتين الحياتي المتواتر

معك حق الروتين انو كل يوم بتفيق و بيسئلوك شو فئت لا و الله عما امشي و انا نايم

الخناق شغلة طبيعية كتير
يعني اذا كنت بالبيت مع اهلك رح تتخانق معن
واذا عشت مع رفيق الك رح تتحانق معو
واذا قدرلك انو ترتبط بوحدة رح تتخانق معها
واذا اتجوزتها رح تتخانق معها مرفوعة للاس 10
واذا سكنت لحالك رح تتخانق اول شي مع حالك .. بعدين مع الجيران .. بعدبن مع ايا حدا مارر بالطريق
لانو رخ تلاقي انو العيشة هيك مملة بعد وقت
يعني كيف ما كان..... الخناق شغلة موجودة كيف ما كان
لانو مستخيل تلاقي انسان ما تختلف معو ع شي
حتى خيالك ..
فلهيك م كتير اتفكر فيها :D
:D

satoman

07/12/2008, 04:46

شي طبيعي بس المشكله انو صاير روتيني

homam85

07/12/2008, 07:18

واللح حسب...

مو شرط يعني كلامك يكون عمومي

بس اذا وجدت هالحالة فبتصور من قلة الحب والحنان بحياة هالعائلة

was616im

07/12/2008, 11:08

was616im

07/12/2008, 11:12

هلق كوجود الاهل و الابناء

بنفس البيت

لمدة معينة بتوصل اخر شي الواحد لمرحلة

الملل و الانفجار

هلق الفكرة انو ليش منوصل لمرحلة

منلعن ساعة الرجعة على البيت

مع انو احيانا متخانئ على شغلات تافهة

يعني يا مشاكل يا ما نقعد مع بعض

هلق هون عما احكي انو مشاكل مو انو منكره بعض

بس انو خيي لا تقلي صباح الخير

بس انو لو بدو كلية من كلاويي بعطي ياهون

انتو شو برئيكون

كل هالحكي اللي حكيتو صحيح بس وحياتك يا ابو وليم اذا بتبعد عنن شي فترة و بتسافر بتشوف شقد رح تشتقلهن و تحن لهالايام ...هالشغلات اللي حكيتها كلها بتصير احلى ذكرياتك...:cry: وعلى فكرة بس ترجع و تشوفهن ما بقى بتعملوا مشاكل و تتخانقوا على شغلات بسيطة متل قبل ... هي عن تجربة شخصية عم قلك ياها لانك غالي :lol:

boy freind

07/12/2008, 11:46

بس ياترى انو لو غيرناهن انو عشنا بدونو لح ننبسط

ما جربت بس بظن لأ

cool girl 35

07/12/2008, 11:57

مو مدة معينة دايما منحس بالانفجار ..:lol:
متل القنبلة النووية بالزبط ..:p

توم و جيري

07/12/2008, 14:11

العشرة بتولد الملل بس منشيلها بالمحبة ........والعاطفة :larg:

THE_unforgiven

07/12/2008, 15:02

لايعرف الإنسان قيمة الشيء حتى يفقده ... وبحالتنا هذه ... يرى أنه كان أكثر من مجرد شيء .. كان كل شيء ..
الله لايحرم الأهل من بعض ..

THE,unforgiven ,,, :D

Damask Rose

07/12/2008, 15:10

لاا بس انو ليش
برا الواحد بيكون رايئ و بمجرد ما يعقد بالبيت بيحس بتعصيب
انو كلشي بالبيت بحسوا بيعصب احيانا
و اكره شي لما يجي اخي الكبير من السفر و يقعد ينظر انو بالغربة مافي و مافي و مافي
:frown:

لانو بكل بساطة بنكون زهئانين من بعض;).اما العالم الي عم تشوفهم برا ماعم تقضي كل العمر معهم...
بعدين دخلك؟؟لما بتزوجو تنين ليش اول سنين بكونو رايئين بعدين بيتفششو ببعض.؟؟؟مو لانو زهئو وبدهم شوية تغيير للروتين؟؟؟

whiterose

08/12/2008, 01:57

الموضوع كتير حلو

هلىء انا من النوع يلي كتير بحاول حافظ على الروابط الأسرية يعني ماعندي مشكلة
قدم تنازلات لأحصل على رضى امي وابي وحتى اختي واخي

ولو الحق مش عليي

وفعلا هيك كتير قدرت اتجاوز واتجنب مشاكل ومشاحنات عديدة

لكن انك تقدر تحصل على علاقة مثالية مع الأهل وحتى اخوتك شيء شبه مستحيل

الأهل دائما بشوفوه حالهم صح
ونحنا دائما منشوف حالنا صح

لهيك نصيحتي لكل واحد فيكم بس ياخد البكالوريا ويقرر يدرس اي شيء
يشتغل ولو ب 100دولار بالشهر

لتتخلص من سلطة والديك عليك بالاستقلال المادي وهيك انت عيني:p

Gazita

08/12/2008, 17:58

ابو اللول والله مافي احلى من البيت وجو العيلة والاكل في سفرة وحدة.
يمكن اذا حدا كان عندو مشاكل بالبيت بيفضل يبقى برا لحتى تهدى النفوس.بس ياريت نتفادى المشاكل مع بعضنا لانو بجد راح نشتاق في يوم من الايام ل لمة العيلة..وساعتها اذا حبينا نجتمع ماراح نلاقي مناسبة.
في عوامل كتيرة بتخلي الواحد يتحسس من جو العيلة خصوصا بمرحلة مابعد الباكالوريا لانو ساعتها بتوصل للجامعة وبيصير الواحد اكتر تطلبا للمصاريف.بس اهم شي مايكون حساس زيادة ويحط في بالو انو راح ييجي اليوم اللي يشتغل فيه ويصير عضو نشيط بالعيلة ويصير هوي كمان يهتم بمصاريف البيت ويجيب هدايا لابويه واخواتو .ساعتها راح يحس بقيمة العيلة اكتر.
ابو اللول لساتك زغير انشا الله بس تشتغل ويصير عندك بيت مستقل عن اهلك راح تحس بقيمتهم وساعتها رغما عنك راح تلاقي حالك ببيت اهلك مشان تقضي معهم احلى الاوقات.
اختك ام انس:p

أبو شريك

08/12/2008, 20:07

الحب متل ما حكيت انتا ، الحب بين الاخوه بضل موجود و عميق .... بس على السطح بكون في شويه كره سببو الخناءات والمشاكل اللي بتصير كل كم ساعه << كل كم ساعه للمحظوظين ، في ناس كل نص ساعه لازم مشكله / امثالي :o

المشكله هي انو لما عم تصير المشاكل والخلافات ما عم تنحل بشكل صح ، يعني عم نعالجها بصياح و بهادل او زعل ومخاصمه ، وهيك بتتراكم مشكله ورا مشكله ، وكل مشكله ما بتنحل ..

واكتر شي بيزعج الانسان يكون عندو مشاكل متراكمه وبدها حل ومو عرفان يحلها .. ( تذكر ايام الدراسه وكيف بتصير حالتك لما يطلع عندك 5 بحوث و 7 واجباتو 3 امتحانات لازم تخلصن خلال اسبوع وانتا مو عارف كيف تدرس ولا ايمتا تدرس .... شي بيحول ما :shock: ؟ ) اي نفس الشي ، بتصير معنا مشاكل بالبيت وما منحلها صح ، بالاخير بنزهق وبنطفش

طيب في ناس مبسوطه ببيوتا ؟؟

اي طبعا

كيف ؟؟

هدول الناس اللي عرفانين يعالجوا مشاكلهم ، عندهم المعرفه والقدرة على حل هالمشاكل ، فما عندي مشكله لو صارت عندهم مشاكل ، بالعكس بعد كل مشكله وكل خناقه بصيروا احسن ..

انا بعتبر البيت حقل الغام :o .... قصدي حقل تدريب ، مرحله تدريب وتأهيل لباقي العمر :

نجاح علاقة الانسان مع اخوتو الصغار العفاريت رح يحدد نجاحو بعلاقتو مع ابناءو ..

نجاح علاقتو مع اخواتو اللي بعمرو رح يحدد نجاح علاقتو مع زوجتو ..

نجاح علاقة مع ابوه وامو رح يحدد نجاح علاقتو بشغلو مع رؤساء عملو ..

خود حياتك بالبيت كانها مرحلة تدريب .......... وعلى قد ما بتتعب لتعيش هالمرحلة حلوه ، على قد ما رح تصير باقي مراحل حياتك حلوه :)

انا هيك عم بعمل ، وفي كتير اشياء بيعملوها اخواتي الصغار و الكبار واهلي بتجنني ... بس عم بمشي على هالمبدأ وعم حاول اتعامل مع كل مشكله بافضل شكل ممكن لحتى حياتي بعدين تكون ناجحه و ممتازه .. بالنهايه ما حدا رح يستفيد قدي ;)

مايسترو

11/12/2008, 09:17

انا باخر 4 سنين عشت لحالي

انو اهلي مسافرين وكنت بحمص وهلق بمصر وهيك

انو اسوا شي انو الواحد يعيش لحالو بعيد عن اهله

انو بتفوت عالبيت ما بتلاقي امك مثلا بتلاقي الحيط هيك على طول

انو شغلة حلوة بس مع العيلة احلى بكتير بجد

باشق مجروح

11/12/2008, 11:16

هلق الاهل هني اكتر شي حقيقي بحياتنا لأننا منشوفهون متل ما هني بدون تصنع . انا رأيي وجودنا معهون على طول واحتكاكنا المستمر فيهون على الرغم من انو كل واحد فينا حفظان التاني عن ظهر قلب بيولد الروتين والملل . ولأنهون ما بيجاملونا منحس انو هني ضدنا او ما عم يفهموا علينا . ببساطة برا البيت منشوف ناس جداد مو خاليين من التصنع . برا منتعرض لضغوط ومشاكل . مكانها الدائم للتفريغ بالبيت ومع الاهل لأنو هني الوسط الوحيد المتاح . وبالأخير منضل ما منتصور شكل الدني بلاهون . وسألني انا الي بتمنى روح هلق بالطيارة وبوس ايد ورجل ابي و امي وارجع من المطار . حتى اخواتي الي ما بتفاهم انا وياهون كل يوم ما بغمض عيوني الا وانا بتخيلهون . متل ما قلتلك الشي الحقيقي الوحيد تقريباً بحياتنا .

أبو شريك

11/12/2008, 14:25

احد اصدقائي وحيد على 3 بنات ، دايما بقلي : بتمنى يكون عندي اخ لـ حسّ بالاخوه ، وبتدمع عينو ..

وبعرف واحد هون بالكويت وتنين بسوريا ، لا عندهم لا اخ ولا اخت وحيدين ، وحلم حياتهم يكون عندهم اخ واحد ..

الحمد لله على نعمه الاخوه :)

sandra

11/12/2008, 15:41

ما في أحلى من العيلة
هلا لأنك معهم طول الوقت بتضيق خلاقك منهم وبتختلفو وأوقات بيفكر الواحد يبعد عن أهلو بس ليخلص من النق :pos:
بس ابعد عنهم شوي بتحس بأهميتهم وبتحس أدي أنت بحاجتهم ... هالشي أنا لمستو ببعدي عنهم أنو صحيح كنا نتخانق بس مو دايماً الحق عليهم .. نحن أوقات كمان منصير غير محتملين ...
كتير تفاصيل كانت تزعجني فيهم هلا بحس إني عم اشتقلا أوقات ... مو دايماً ها :p

في شغلة عنا نحن بمجتمعاتنا
العيلة مهمة وفي ترابط عائلي أحسن بكتير من غير مجتمعات كالغربية
بس تسلط الوالدين عندنا مزعج جداً
يعني لهلا الأهل ما عم يقدرو يقتنعو أنو ولدنا هو كيان مستقل عننا :? حقو الطبيعي يكون الو درج يحط فيه خصوصياتو ... حقو الطبيعي لما يحكي تلفون يسكر الباب على حالو لأن ما بدو حدا يسمع
في فرق بين أنو تنبنى علاقة ثقة وصراحة بين الأهل والابناء وبين التدخل والتسلط يلي عم يصير

لتتخلص من سلطة والديك عليك بالاستقلال المادي وهيك انت عيني////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
صح فيها وجهة نظر ... الاستقلال المادي بيلعب دور كبير ...
بس شو مشان عنا الواحد بيشتغل بيتزوج وبيصير عندو عيلة ولسا أهلو بيتدخلو فيه:o

أبو شريك

14/12/2008, 04:04

ابو ويليم ... تذكرت فيلم شفتو من فتره ، بيحكي عن الاهل .. الاولاد .. وبالبيت .... فيلم حلو كتير ، كوميديا على دراما على شي فوقاني كتييير ... اذا قدرت وكان معك وقت فبنصحك تشوفو :)

هاد بوسترو :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

alhralhr

16/12/2008, 01:40

اخي العزيز احييك موضوع مهم ومن الضروري والواجب الرد عليه...اول شيء ..نحن الادميين يعني البشر سبحان الله ميزنا عن كل مخلوقاتو بالعقل هي اولا....ثانيا ميزنا بميزة كتير بشعة هي عدم الرضا .وكثرة التطلب...وللتبسيط ,..انا شاب الي عايش لوحدي 3 سنوات ...بتعرف شو بتمنى..يكون عندي ميت اخ ينكدو حياتي بس يكونو موجودين معي بالبيت نفسو ....سبحان الله الي قال فاقد الشيء لا يعطيه ما غلط...