من مدة لفت انتياهي اعلان عن ميثاق الشبكة العالمية لليهود المعادين للصهيونية

الميثاق موجود بسبع لغات العربي العبري فرنسي الماني انكليزي اسباني ايطالي وبيدعي لانهاء الاستيطان وحق عودة اللاجئين الفلسطينين لبلادهم وبتدعو لالغاء التمييز العنصري بشكل عام.

بعد قراءة هيدا الميثاق تزاحمت عندي مجموعة من الاسئلة : ياترى الشعوب العربية عامة والاسلامية منها خاصة ( باعتبارها الاغلبية) قادرة فعلا على تقبل هيك نشاط ؟؟هل هيي قادرة على حل الرباط الدائم يلي اتكون عندها من انو كل اليهود صهاينة ام انها قادرة ولو بمشقة على التغلب على العوائق الدينية لما بيكون في هدف مشترك؟.

وانتو

شو رايكون بالميثاق كحركة مناهضة للصهونية بشكل عام

شو درجة المصداقية يلي بتقدموها لنشاطات يهودية ؟ سواء ما يخص بالقضية الفلسطينية او القضايا الانسانية بشكل عام

قادر ايا منا يعمل فعلا مع هيك منظمات؟ اي منظمات يهودية تعنى بالشان الفلسطيني؟ ام انو الرفض غالبا هو الرد الفوري ع هيك نشاطات؟ لم انو تعتبر نوع من الخيانة والتعامل مع العدو

الميثاق يمكن قراءته على العنوان التالي

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بتمنى شوف ارائكم

نظريا اي بس بالواقع مستحيل
اساسا صار العالم كلو مهتم بفلسطين الا العربان
وكلون رح يقولولك انو يهود واهل مكر وخداع وما بنتعامل معون وهدون مخخطون فاشل
يعني ابسط دليل انو لهلق مو عارفين نميز بين يهودي واسرائيلي

يعني برايك هيك منظمات ممكن فعلا تكون فعالة؟؟
وانت قادر انك تتعامل معها او لنقول تتقبل فكرها حتى لا ندخل بمتاهة العمالة والتخوين؟
وما ممكن نعمل شي حتى نحد من الرفض الفوري المتبع عنا ؟
ولا نافض ايدك من هيك شغلة

كل شي بيصير لاحدا يستغرب شي بس السؤال اللي بيطرح نفسو ممكن هالشي يكون غطاء؟

يعني برايك هيك منظمات ممكن فعلا تكون فعالة؟؟
وانت قادر انك تتعامل معها او لنقول تتقبل فكرها حتى لا ندخل بمتاهة العمالة والتخوين؟
وما ممكن نعمل شي حتى نحد من الرفض الفوري المتبع عنا ؟
ولا نافض ايدك من هيك شغلة
انا انا؟
اي مستعد وقادر اني اتعامل معها
بس شو فيني اعمل لحد من هالرفض ؟

كل شي بيصير لاحدا يستغرب شي بس السؤال اللي بيطرح نفسو ممكن هالشي يكون غطاء؟
غطاء لشو؟

حتى لو في هيك جماعة لساتهم مجموعة صغيرة قد ما كانو كتار

غالبية الحكومات الأجنبية بتدعم الصهيونية لأنو مابدها يجو لعندها بدها تخليهم بعاد عنها وكلون بدون رضا اليهود فمالهم مصلحة يدعمو هيك جماعات أولا وبالنهاية إذا اسرائيل مو قبلانة بهيك جماعة فما حدا رح يقبل فيهم كسياسة أمريكية و أوروبية
صعب اتصور واحد يهودي عم يدافع عن القضية الفلسطينية العرب نسيوها وشو مصلحتو انو يدافع عن شي مالو مستفاد منو
بالعكس هنن مصلحتون انو يكون في الهم دولة وكيان
وبالنهاية أي واحد بيدافع عن قضيتي فأهلا وسهلا في ليش لاء بس نشوف شي على أرض الواقع

انا من جهتي فيني إتعامل بس ما بنكر إني بتعامل بحذر يمكن لإنو وبشكل عام عندي تخوف عام تجاه كل منظمات المجتمع المدني من كتر ما بنسمع عن جمعيات ومنظمات إكتشف أو حتى هي نفسا إكتشفت إنو تمويلا كان من cia او من usaed " المنظمة الإنسانية الأميركية اللي ثبت بعدين علاقتها بال cia طيب هالشي بيخليني حس بشكوك تجاه أي منظمة مو بس الشبكة العالمية لليهود المعادين للصهيونية
رغم إني بعرف عنهن إنهن أشخاص علمانيين بس إسم الجمعية بيحاول يأكد على الطابع اليهودي للجمعية والطابع الديني بشكل عام هو طابع عرفي ...
بس مبدئيا طالما في هدف مشترك بنسق معهن بس متل ما قلت بحذر
تحياتي الحارة
ظل جيفارا

تماما

المشكلة انو نحنا بالشكل العام مو قدرانين نتقبلون سواءكصهاينة او يهود

صح في فرق كبير

بالنسبة الي اي قادر اني اتعامل معون

شو رايكون بالميثاق كحركة مناهضة للصهونية بشكل عام

الميثاق عادي ومنو شي جديد... من وقت اعلان دولة اسرائيل استقلالها والحركه المعاديه للصهيونيه "אנטי ציונות" عم تحاول تجذب الها كل الاطراف اليهوديه... وبعد مافشلت صارت تتوجه لباقي القوميات في العالم...


في داخل أسرائيل نفسها هناك بداية لمعارضة تخلق الجو لأسترجاع تراثين مهمين أولهما هو ماتزبن منظمة أسرائيلية- فلسطينية- يهودية معادية للصهيونية و الثاني هو حزب الفهود السود المزراحي . هناك في أسرائيل أيضا حملة متزايدة لرفض الشباب المشاركة بالتجنيد الألزامي و الزج بهم في الجيش.

هلحركه شعبيتها كتير قليله لانو حتى اليهود اليساريين يلي بيدعو للسلام مع فلسطين ويلي بيعملو على مساواة عرب الداخل مع باقي مواطني الدوله من اليهود ما بيآمنو برؤية هي الجمعيه لانو بيعتبرو "حق العوده للاجئين" خطر بيهدد استقرارهن في الدوله...

اما بالنسبه لحزب الفهود السود المزراحي فهو حزب خلق اصلا للأحتجاج على تمييز اليهود الشرقيين (مزراحييم) من قبل اليهود الغربيين (الاشكيناز)... ومن موقعهن بيحكو انهن بيتواصلو مع العرب لتعرضهم لنفس التمييز بس بالحقيقه كلو علاك وحكي فاضي...

هلأ بالنسبه لرفض الشباب الخدمه الالزاميه في الجيش فمزبوط... هي الظاهره عم تنتشر بس برضو مو كتير لانو لي ما بيعمل جيش بيعمل خدمه مدنيه ويلي غالبا ما بتكون في الشرطه (المسؤوله عن قتل مواطنين من عرب الداخل في احداث اكتوبر 2000 بسبب تظاهرهن تضامنا مع انتفاضة الاقصى) ويلي مابيعمل خدمه مدنيه بينسجن عدا عن انو الشريحه يلي بيسمحولها تتوجه للخدمه المدنيه بدل الجيش كتير صغيره...

هلأ سؤال عم يخطر ببالي العرب الفلسطينين الي معهم هوية زرقا لازم يخدمو بالجيش أو يعملو خدمة مدنية شي

هلأ سؤال عم يخطر ببالي العرب الفلسطينين الي معهم هوية زرقا لازم يخدمو بالجيش أو يعملو خدمة مدنية شي
بس الدروز ملزمين بالخدمه العسكريه، الاسلام والمسيحيين بيعارضو مع انو بتلاقي كام واحد بيرطضو ليخدمو فكرهن انو الدوله رح بتصير تشوفهن احسن... ومع الوقت بيعرفو اديش كانو غلطانين (في كام واحد من سوريي الجولان انضمو لهي الفئه وعم يخدمو بالجيش الاسرائيلي)... بس معظم عرب الداخل ما بيخدمو وبيعارضو الفكره طبعا...

بس معظم عرب الداخل ما بيخدمو وبيعارضو الفكره طبعا...

سوري اني عم اطلع عن الموضوع بس ما بيعاقبوهم على الإمتناع عن الخدمة

لسا ما قرأت الميثاق ولكن بحب أشير لنقطة مهمة وهي:

اليهودية كديانة مختلف على تعاليمها بين اليهود أنفسهم، وفي كثير من التناقضات في الرؤى والمواقف بين اليهود تبعاً لهذا الإختلاف العقائدي.

جزء لا بأس به من اليهود تقوم عقيدتهم على أن اجتماع اليهود في فلسطين التي يطلقون عليها في عقيدتهم "أرض الميعاد" يمثل بداية النهاية لليهود، حيث أن عقيدتهم تؤكد أنهم سيخضون حرباً قاسية عندما يجتمعون في أرض الميعاد ستكون أبرز نتائجها هزيمتهم وانتهائهم .

لذلك هناك ناشطين يهود من مختلف المستويات الثقافية و حاخامات أيضاً يناضلون من أجل منع اجتماع يهود العالم في فلسطين من بينهم حاخام يهودي من أصل أمريكي زار قطاع غزة في سفينة كسر الحصار قبل شهرين تقريباً. إضافة للحاخام الذي اعتصم في المقاطعة مع ياسر عرفات عندما حُصر قبل وفاته.

بكل حركة في شواذ والمهم انن يهود ........من نفس الملة يعني محدا فيه يتهمون بمعاداة السامية ........

يهود ومعادين للصهيونيه مستحيل يكونو معادين لها لأنن يهود وبيبقو يهود صهاينه


هيدا كلو علاك عالفاضي :jakoush:

يهود ومعادين للصهيونيه مستحيل يكونو معادين لها لأنن يهود وبيبقو يهود صهاينه


هيدا كلو علاك عالفاضي :jakoush:
هئ منو مستحيل... اليهود المعادين للصهيونيه ما بيآمنو بقيام دولة اسرائيل لهيك ما هاجرو واستوطنو فيها...
في فرق بين يهودي وصهيوني، كل الصهاينه يهود بس مو كل اليهود صهاينه...

هئ منو مستحيل... اليهود المعادين للصهيونيه ما بيآمنو بقيام دولة اسرائيل لهيك ما هاجرو واستوطنو فيها...
في فرق بين يهودي وصهيوني، كل الصهاينه يهود بس مو كل اليهود صهاينه...


بس تنيناتن عنا هم أعداء للأمة

ومرفوضين عنا وغير مرحب بهم وبيبقو صهاينه كلن متل بعض

شورأيك نرفض بس الصهيوني ونرضى باليهودي