رئيس الدولة / رئيس الجمهورية / السيد الرئيس / فخامة الرئيس
هو راس السلطة في البلاد
البعض يقف في صفه والبعض يقف ضده وهذه حريتهم
ولكن السؤال في بالي
هل يعني معارضة الرئيس ان لهم الحق في مهاجمته ؟
بمعنى اخر
انتقاد رئيس الدولة من خلال الحديث او الكاريكتور او اي اسلوب اخر هل يدخل ضمن حرية الراي ام هو حالة من المعارضة الواضحة وعدم الاعتراف به ؟
وهل يعني انتقاده النيل من هيبة او قدسية الدولة ؟

دمتم
رجل من ورق

بالتاكيد الانتقاد اللفطي او الرسمي حق عام لا بينال من هيبة حدا ولا بيزيد ولا بينقص منها
وانما بيعطي انطباع عن الحالة العامة او النظرة العامة للشخصيات العامة
رئبس الدولة ايضا يعتبر شخصيةعامة او برايي اهم شخصية عامة
والنقد او المعارضة لا تعني دائما الغاء الطرف الاخر اي مو كل المعارضة تسعى لتغيير تظام او قائد ما وانما احيانا تعنى بتغيير الاسلوب فقط

بس عنا هون انتقاد الرئيس لحالو سبب اساسي لحجب اخوية
وكاريكترات اللي نزلو من قبل بتعني هالشي
بس كمان بستغرب اوقات
يعني مثلا من فترة نزل موضوع عن انتخابات رئاسية وتفاجات لما احدهم ( مو متذكر مين ) قال عن الرئيس الاسد: شو ما حلك تقوم عن الكرسي ولك ازعر
يعني معقول رئيس الدولة يتخاطب هيك او ينحكى عنه بصورة فجة متل كتير من المواضيع او رسوم الكاريكتير ؟
ام انو عدم الاعتراف فيه بيعطي الاحقية بالحكي بهالاسلوب؟

بس عنا هون انتقاد الرئيس لحالو سبب اساسي لحجب اخوية
وكاريكترات اللي نزلو من قبل بتعني هالشي
بس كمان بستغرب اوقات
يعني مثلا من فترة نزل موضوع عن انتخابات رئاسية وتفاجات لما احدهم ( مو متذكر مين ) قال عن الرئيس الاسد: شو ما حلك تقوم عن الكرسي ولك ازعر
يعني معقول رئيس الدولة يتخاطب هيك او ينحكى عنه بصورة فجة متل كتير من المواضيع او رسوم الكاريكتير ؟
ام انو عدم الاعتراف فيه بيعطي الاحقية بالحكي بهالاسلوب؟

لا هو قصة عدم الاعتراف في مو اللي بتعطي الاحقية

يعني لو كان عنا بسوريا نظام ديمقراطي والرئيس بيوصل للحكم بانتخاب حر, رح لاقي حالي غصبن عني بدي احترم الرئيس اللي بيوصل حتى لو ما انتخبتوا وحتى لو كنت ما ني موافق على فكرو واسلوب حكمو

اما في حالتنا نحني, بتقدر تجاوبني على هالسؤال :

انت شايف انو الرئيس واركان حكمو بيحترموك كمواطن سوري؟؟ انت حاسس انو المواطن السوري عايش بكرامة وهون قصدي على تعامل الدولة معو ؟؟

في ناس بتقلك انو طيب شو دخل الرئيس بهالحكي؟ اي دخلو وستين كمان , لسا باخر مرسوم طالعوا اطلق العنان لاجهزتو الامنية على الاخير بالتنكيل بكرامة المواطن السوري

يعني اذا انا عايش ببلدي مهان , مالي اي قيمة وما حدا سمعان رايي , واذا ما عندي واسطة ما بسترجي اعترض على شرطي المرور اذا قلي يا حمار فشو برايك ضل قيمة لاي شي تاني

الرئيس بمثل هيبة الدولة , ليش شو الها هالدولة هيبة اذا ابناءها ما بيحسوا حالن عايشين الا براتها ؟؟؟

لما بترجع للوطن كرامتو بعودة كرامة ابناؤه ساعتها بصير للدولة ورئيسها هيبة.

طبعا ولإنعدام الديمقراطية في سوريا فالدستور لاغي ومو أنا اللي ألغيته هني اللي ألغوه وفق قانون الطوارئ .
لهيك هيدا الحكي عن إنو رئيس الجمهورية يمثل "بمنصبه وليس بشخصه" رمز من رموز الوطن " برجع بكرر بمنصب رئيس الجمهورية مو بشخص رئيس معين" هيدا الحكي لاغي .
بس قلة أدب من طريقة التهجم على أي شخص مو بس الرئيس بطريقة يا أزعر ويا وسخ وصور بغرفة النوم هيدي بتعكس وقاحة من صاحبها أكتر ما بتعكس وعي معارض حقيقي
هيدا رأيي
تحياتي الحارة
ظل جيفارا

طبعا الرئيس انسان متلنا متلو بس هوي بايدو قرارات ومهام ........
الانتقاد عادي بس لازم يكون بناء مو هدام .........
لذلك المسبة غلط لانو بالنهاية انسان ........وهوي غير هيك يمثل بلده بالمحافل العالمية لذلك الانتقاد يكون لاعماله اذا احتوت على اخطاء وليس على شخصه .........وشكرا