بعد الضربة التي قامت بها إسرائيل لإحد المواقع العسكرية السورية قيد الإنشاء حسب التصريح الرسمي لتعود الحكومة وتعلن أنه منشأة مهجورة ليست مشغولة بشيء.... وهو موقع نووي حسب التصريحات الأمريكية والإسرائيلية...
معلوم ان الوكالة الدولية للطاقة الذرية بدأت تحقيقاتها في سوريا في نيسان بناء على معلومات من الاستخبارات الاميركية مفادها أن الموقع السوري كان مفاعلا شبه مكتمل بنته سوريا بمساعدة كوريا الشمالية وأنه مصمم لانتاج البلوتونيوم الذي يستخدم في القنابل النووية...

هذه الوكالة قد أدرجت الملف السوري مؤخراً على جدول أعمال إجتماع مجلس حكامها الشهر الحالي.. الأمر الذي رأى بعض المحللين فيه وجود مؤشرات قوية تدل على إمتلاكها لأدلة على برنامج نووي من نوع معين.. وقد ذهب البعض منهم إلى مرحلة القول أن المفتشين قد عثروا على بقايا لمواد مشعة في الهواء والتربة تؤشر إلى أن الموقع المقصوف قد كان في أخر مراحله قبل البدء بإنتاج البلوتونيوم وحتى لتخصيب اليورانيوم...

كمواطن سوري...

ما رأيك بإمتلاك سوريا لمفاعل نووي مخصص للأغراض العسكرية أو السلمية؟
ما رأيك بوجود تعاون في المجال النووي بين سوريا وإيران وكوريا؟؟
هل تعتبر أن هكذا تعاون يفيد سوريا بتقوية مكانتها إقليمياً ضمن إطار مايسمى بتوازن الرعب؟؟؟
أم تجده لا ينفع سوريا بل يضعفها ويضعها في موقف محرج أما المجتمع الدولي ويساهم في زيادة الضغط عليها؟؟؟
هل تؤمن أساساً بإمكانية إستعمال السلاح النووي في عالمنا اليوم؟؟ أم تجد الأمر مجرد تقوية لأوراق لعب بعض الدول؟؟؟
هل تصدق ان سوريا بالفعل تمتلك برنامجاً نووياً من أي نوع؟؟ أم أن الأمر لايعدو كونه ضغطاً أمريكياً إسرائيلياً؟؟
هل تعتقد أن كوريا وإيران تستخدم سوريا وأرضيها لمصالحها الخاصة التي تضر بنا ولن ينوبنا شيئ من هذا السلاح؟؟ أم ترى فيهما حليفاً إستراتيجياً وداعماً لسوريا في المعادلة الإقليمية؟؟

بعض المقتطفات الإخبارية المتعلقة بالموضوع:

فاذا استطاع مفتشو الوكالة ان يخرجوا بأي دليل يشير الى انشطة سوريا في اقامة مفاعل نووي في ذلك الموقع، فسيؤدي ذلك الى بداية طريق وسلسلة من التفاعلات ستطال كوريا الشمالية النووية وايران المتهمة بكونها تسعى لذلك، لتنضم اليهما سوريا وتصبح في السلة النووية المستهدفة اميركيا ودوليا.

بي بي سي
وبحسب المصدر عينه, فإن موقع "الكبر" في سوريا الذي دمره الطيران الاسرائيلي بدعم من واشنطن, كان مقررا ان يستخدم لمشروع عسكري مشترك بين سوريا وكوريا الشمالية وايران, وهو عبارة عن مفاعل نووي لغايات عسكرية.

وبحسب مصادر "در شبيغل"، فقد كان مقررا ان تساعد بيونغ يانغ العلماء الايرانيين على التقدم في برنامجهم النووي عن طريق تزويدهم بمعارف اضافية. وكان مقررا ايضا ان يكون "الكبر" موقعا موقتا لايران تطور فيه قنبلتها النووية بانتظار تمكنها من القيام بذلك على اراضيها.



دير شبيغل الألمانية قال وزير الخارجية وليد المعلم اليوم الأربعاء إن "التسريبات الإعلامية حول العثور على يورانيوم مخصب في الموقع الذي قصفته إسرائيل قرب دير الزور تهدف للضغط على سورية" في أول رد فعل سوري على التسريبات الإعلامية حول العثور على ذرات يورانيوم في الموقع الذي قصفته إسرائيل.
وأضاف المعلم خلال مؤتمر صحافي مشترك مع وزير الخارجية العراقي هوشيار زيباري إن "هذا التسريب الإعلامي من مصادر غربية، لم يذكر اسمها، وقبل تقديم رئيس الوكالة الدولية للطاقة الذرية محمد البرادعي تقريره بشان ذلك يؤكد أن الهدف منه هو إيجاد ورقة ضغط على سورية".

سيريا نيوز






ودمتم

طبعا ضد...

مالو أي جدوى استراتيجية أو حربية (بدنا نضرب تل أبيب فيه؟ ليكا 200 كيلومتر عن الشام اذا مو أقل.. يعني عرفانين ما رح نضربهون), عدا عن كلفتو المادية العالية اللي ممكن تفيد بأمور كتيرة تانية غير المغامرة النووية, و بعتقد ماننا بطرانين و لا مصارينا كتار لحتى نفوت هالفوتة, في مليون شغلة أبدى, حتى على المستوى العسكري

أعدائنا اقليميين و اخطارنا اقليمية, ليكا اسرائيل عندا نووي, بس مش النووي هو اللي مكسبها قوة استراتيجية لأنو ما فيها تستخدمو ضد جيرانها كونها متداخلة معهون جغرافيا..

اوافق
واوافق
واوافق جدا
اساسا انا مع انو كل الدول تحوي اسلحة نووية طالما في دولة واحدة تملكها
وطالما الدول الكبرى اخدتها وسيلة ضغط على الدول الاخرى لازم تسعى كل الدولة انو تحصل عليها بشتى الوسائل بحيث لما تصير حرب تصير ابداة ويروح الصالح والطالح بدل الطبقية الوقحة بالتعاملو ( الحفاظ على التوازن العسكري الموجود في المنطقة اي بقاء القوي قوي والضعيف ضعبف )
كوريا مشت العالم ع كيف كيفها وبتلعب فيهون لعب .. واجمل ما قالو الرئيس الكوري الشمالي انو لو العراق ملك الاسلحة فعلا ما كانت الحرب قامت عليه ..
والضغط الدولي لدولة قوية لا يقارن بالنسبة لدولة ضعيفة ...
لهيك يا ريت كل العالم يمشي بهيك طريق .. الى جهنم وبئس المصير

طبعا ضد...

مالو أي جدوى استراتيجية أو حربية (بدنا نضرب تل أبيب فيه؟ ليكا 200 كيلومتر عن الشام اذا مو أقل.. يعني عرفانين ما رح نضربهون), عدا عن كلفتو المادية العالية اللي ممكن تفيد بأمور كتيرة تانية غير المغامرة النووية, و بعتقد ماننا بطرانين و لا مصارينا كتار لحتى نفوت هالفوتة, في مليون شغلة أبدى, حتى على المستوى العسكري

أعدائنا اقليميين و اخطارنا اقليمية, ليكا اسرائيل عندا نووي, بس مش النووي هو اللي مكسبها قوة استراتيجية لأنو ما فيها تستخدمو ضد جيرانها كونها متداخلة معهون جغرافيا..

ضد امتلاك السلاح فقط أما ضد أي تعاون مع إيران وكوريا بمجال انتاج هيك سلاح.. بمعنى تاني رافض الدخول بالمعادلة من الأساس أما فقط رافض الدخول فيها رغبةً منك بتسخير موارد البلد لشي أهم؟؟

على فرض عمليات إنتاج هالسلاح كانت على حساب هالدول هي ونحنا ما لنا أي دور... بتوافق؟

وطالما الدول الكبرى اخدتها وسيلة ضغط على الدول الاخرى لازم تسعى كل الدولة انو تحصل عليها بشتى الوسائل بحيث لما تصير حرب تصير ابداة ويروح الصالح والطالح بدل الطبقية الوقحة بالتعاملو ( الحفاظ على التوازن العسكري الموجود في المنطقة اي بقاء القوي قوي والضعيف ضعبف )
كوريا مشت العالم ع كيف كيفها وبتلعب فيهون لعب .. واجمل ما قالو الرئيس الكوري الشمالي انو لو

برجعلك لنقطة انو السلاح النووي لما يستخدم منذ الحرب العالمية... وبتاريخ البشرية ما استخدم غير مرة وحدة بهيروشيما وناغازاكي... فهو عبارة عن ورقة ضغط لاغير وهالشي متفقين فيه...

برأيك هيك ورقة ضغط مستاهله كل هالضغوط يلي بدها تجي من وراها ومزيد من الحصار؟؟

وبرجعلك لنقطة هل انتي موافقة على دخولنا بتعاون مع ايران وكوريا على أراضينا بغية حصولون هنن على على هالسلاح ويمكن ما ينوبنا منو شي؟؟

يعني هالفلوس يلي رح بفتوها عالمفاعل يحطوها بمطرح تاني يفيد البشر احسنلون اذا كانت القصة للسلاح
بس ليش لا اذا في كان في الية معينة مثلا تمشل عدة دول اقليمية وتعمل مفاعل سلمي كرمال الطاقة وهيك قصص
مثل تركيا وايران ودول اخرى

ضد امتلاك السلاح فقط أما ضد أي تعاون مع إيران وكوريا بمجال انتاج هيك سلاح.. بمعنى تاني رافض الدخول بالمعادلة من الأساس أما فقط رافض الدخول فيها رغبةً منك بتسخير موارد البلد لشي أهم؟؟

على فرض عمليات إنتاج هالسلاح كانت على حساب هالدول هي ونحنا ما لنا أي دور... بتوافق؟

منرجع لنفس القصة.. شو آخدنا نحنا لعند كوريا؟ شو ضاعلنا هنيك؟ علاقات دولية؟

وجود سلاح نووي عنا مالو نفع, أو نفعو أصغرمن ضررو... بخناقة بالشارع ازا واحد شال حجر صغير أو متوسط الناس تروح ركض تحاول تمسكو و تحجزو.. بس ازا شال بلوكة فكلو بيعرف انو ما رح يضرب فيها..

نحنا طلقة مضاد جوي ما ضربنا ع طيارة حلّقت فوق قصر رئاستنا.. و الحجة كانت انو ما رح نرد على استفزاز و ندخل بمعركة ماننا قدها. ما هيك؟ طيب لو امتلكت نووي رح تقلب الموازين؟ النووي اللي عندك راح يكون احسن من النووي تبع اسرائيل أو أميركا؟ رح تخوّفهون فيه؟ أكيد لأ

سلاح ما منقدر نستعملو, و لا رح نستعملو, و رح نفوّت حالنا بسباق ماننا قدو و لا بأي شكل من الأشكال, لا ماديا و لا تكنولوجيا و لا شي, و ما رح نخوّف حدا فيه (ليش لنضحك ع حالنا... ايران سلاح ايران النووي بيخوّف أميركا حقيقة؟ أنا بقلك لأ.. الصاروخ المحمّل برأس نووي بدو نص ساعة أو أكثر بين ما يتركّب على منصة التحميل و ينطلق, و أميركا عندا تكنولوجيا كافية تدمر منصة التحميل و الراس النووي فيها قبل ما ينطلق الصاروخ.. فعشان شو يعني؟)


هاي بما يخص رفضي لألها من الناحية الاستراتيجية..

بخصوص موارد البلد, فاحسب بكلفة برنامج نووي مهما كان بسيط قديه ممكن تتسخّر موارد لأمور أهم بمليون مرة (أهم لأنو السلاح النووي بايدنا يكون... يالله كان مثال مش كتير لائق اذكرو, بس انو متل قلتو)

و على حساب دول تانية و نحنا ما دخلنا... فانو ليش لنضحك على بعض.. مين يعطي شي ببلاش؟ مين رح يصنعلك سلاح نووي اذا مو مقابل شي؟ يجوز مش مادي بس يظل شي أكيد مانو قليل بنوب..

طبعا ضد...
مالو أي جدوى استراتيجية أو حربية (بدنا نضرب تل أبيب فيه؟ ليكا 200 كيلومتر عن الشام اذا مو أقل.. يعني عرفانين ما رح نضربهون), عدا عن كلفتو المادية العالية اللي ممكن تفيد بأمور كتيرة تانية غير المغامرة النووية, و بعتقد ماننا بطرانين و لا مصارينا كتار لحتى نفوت هالفوتة, في مليون شغلة أبدى, حتى على المستوى العسكري
أعدائنا اقليميين و اخطارنا اقليمية, ليكا اسرائيل عندا نووي, بس مش النووي هو اللي مكسبها قوة استراتيجية لأنو ما فيها تستخدمو ضد جيرانها كونها متداخلة معهون جغرافيا..
ما دام صوتت ضدّ فيا ريت تصوّت كرمال توزيع الأصوات!
بس في كمان اقتراح المفاعل النووي لأغراض سلميّة، شو رأيك فيه؟
بعد شوي الدور جاي عليّ.

برجعلك لنقطة انو السلاح النووي لما يستخدم منذ الحرب العالمية... وبتاريخ البشرية ما استخدم غير مرة وحدة بهيروشيما وناغازاكي... فهو عبارة عن ورقة ضغط لاغير وهالشي متفقين فيه...

برأيك هيك ورقة ضغط مستاهله كل هالضغوط يلي بدها تجي من وراها ومزيد من الحصار؟؟

وبرجعلك لنقطة هل انتي موافقة على دخولنا بتعاون مع ايران وكوريا على أراضينا بغية حصولون هنن على على هالسلاح ويمكن ما ينوبنا منو شي؟؟

شو الضغط يلي ناطرينو يا فادي ؟؟ اسوا من الضغط الحالي مثلا يعني ؟؟
اي انا بلاقي انها مستاهلة لانو بعالم وقح كعالمنا ما قادر تعمل ايا شي سيء او جيد اذا ما ملكت قوة لهالعمل وقوة الضغط هيدي هي الاساس حاليا باللعبة السياسية بهالعالم .. وذوريا شوي شوي عم تحقق مطالبها
والتعاون بين الدول معو تماما بس اكيد مامع الانتقائية ( كل الدول ) يعني نحنا وسورية وكوريا من اجل الدول التلاتة مع بعض ...

اكيد السلاح النووي سلاح مرفوض تماما بس برجع باكد مرفوض لكل الدول معا .. بس تلغي كل الدول هالشي بيصير حديث اخر

سلاح ما منقدر نستعملو, و لا رح نستعملو, و رح نفوّت حالنا بسباق ماننا قدو و لا بأي شكل من الأشكال, لا ماديا و لا تكنولوجيا و لا شي, و ما رح نخوّف حدا فيه (ليش لنضحك ع حالنا... ايران سلاح ايران النووي بيخوّف أميركا حقيقة؟ أنا بقلك لأ.. الصاروخ المحمّل برأس نووي بدو نص ساعة أو أكثر بين ما يتركّب على منصة التحميل و ينطلق, و أميركا عندا تكنولوجيا كافية تدمر منصة التحميل و الراس النووي فيها قبل ما ينطلق الصاروخ.. فعشان شو يعني؟)


اذا كان هيك .. ليش عم تحقق امريكا شوي شوي مطالب كوريا ؟؟؟؟ لو كوريا عمليا ما ملكت هيك قوة بتوقع ما كانمت رح تنشال عن القائمة لو بحت من الحكي ومدت حالها زفت لسياراتون ..

ما دام صوتت ضدّ فيا ريت تصوّت كرمال توزيع الأصوات!
بس في كمان اقتراح المفاعل النووي لأغراض سلميّة، شو رأيك فيه؟
بعد شوي الدور جاي عليّ.

أمرك...


بصراحة ماني معو, كلفتو عالية, و أخطارو كبيرة جدا جدا... تخيّل مفاعل نووي بادارة القطاع العام تبعنا و بظل حسن الادارة؟

ناقصنا تشرنوبيل عنا؟ يكفينا مشاكلنا, و عنا موارد انتاج طاقة بشكل ما نحتاج النووي متل ما تحتاجو دول أخرى ما عندا هالموارد.. و احسن ما يبنو مفاعل نووي يعملولون كم مصفاية نفط أحسن ما عم نخسر ملايين الدولارات شهريا لأنو ما عنا طاقة نكرر البترول اللي عم ننتجو, و عم نبيعو خام و نرجع نستوردو مشتقات..

منرجع لنفس القصة.. شو آخدنا نحنا لعند كوريا؟ شو ضاعلنا هنيك؟ علاقات دولية؟

وجود سلاح نووي عنا مالو نفع, أو نفعو أصغرمن ضررو... بخناقة بالشارع ازا واحد شال حجر صغير أو متوسط الناس تروح ركض تحاول تمسكو و تحجزو.. بس ازا شال بلوكة فكلو بيعرف انو ما رح يضرب فيها..

نحنا طلقة مضاد جوي ما ضربنا ع طيارة حلّقت فوق قصر رئاستنا.. و الحجة كانت انو ما رح نرد على استفزاز و ندخل بمعركة ماننا قدها. ما هيك؟ طيب لو امتلكت نووي رح تقلب الموازين؟ النووي اللي عندك راح يكون احسن من النووي تبع اسرائيل أو أميركا؟ رح تخوّفهون فيه؟ أكيد لأ

سلاح ما منقدر نستعملو, و لا رح نستعملو, و رح نفوّت حالنا بسباق ماننا قدو و لا بأي شكل من الأشكال, لا ماديا و لا تكنولوجيا و لا شي, و ما رح نخوّف حدا فيه (ليش لنضحك ع حالنا... ايران سلاح ايران النووي بيخوّف أميركا حقيقة؟ أنا بقلك لأ.. الصاروخ المحمّل برأس نووي بدو نص ساعة أو أكثر بين ما يتركّب على منصة التحميل و ينطلق, و أميركا عندا تكنولوجيا كافية تدمر منصة التحميل و الراس النووي فيها قبل ما ينطلق الصاروخ.. فعشان شو يعني؟)


هاي بما يخص رفضي لألها من الناحية الاستراتيجية..

بخصوص موارد البلد, فاحسب بكلفة برنامج نووي مهما كان بسيط قديه ممكن تتسخّر موارد لأمور أهم بمليون مرة (أهم لأنو السلاح النووي بايدنا يكون... يالله كان مثال مش كتير لائق اذكرو, بس انو متل قلتو)

و على حساب دول تانية و نحنا ما دخلنا... فانو ليش لنضحك على بعض.. مين يعطي شي ببلاش؟ مين رح يصنعلك سلاح نووي اذا مو مقابل شي؟ يجوز مش مادي بس يظل شي أكيد مانو قليل بنوب..

يبدو اني ماوضحتلك حالي منيح.. أنا عم اسألك ضد الدخول بالمعادلة حتى لو من غير كلفة؟؟
يعني على سبيل المثال ممكن يكون التعاون فقط انو يا أخي عملولنا مفاعل لانتاج البلوتونيوم وعطونا هالبلوتونيوم مقابل نعطيكون شي .. أو مقابل نعزز التعاون العسكري ونعطيكون سلاح.. أو مقابل يصير في تعاون عسكري أكتر...

بهالحالة بتبقى صد؟؟

اذا كان هيك .. ليش عم تحقق امريكا شوي شوي مطالب كوريا ؟؟؟؟ لو كوريا عمليا ما ملكت هيك قوة بتوقع ما كانمت رح تنشال عن القائمة لو بحت من الحكي ومدت حالها زفت لسياراتون ..


حالة كوريا غير حالتنا تماما, و بعدين بالعملية السياسية الكورية تدخل عوامل كتيرة ليس النووي البطل الوحيد فيها.. يعني هو عبارة نقطة قوة سياسية أكثر مما هو تلويح بحل عسكري.

يبدو اني ماوضحتلك حالي منيح.. أنا عم اسألك ضد الدخول بالمعادلة حتى لو من غير كلفة؟؟
يعني على سبيل المثال ممكن يكون التعاون فقط انو يا أخي عملولنا مفاعل لانتاج البلوتونيوم وعطونا هالبلوتونيوم مقابل نعطيكون شي .. أو مقابل نعزز التعاون العسكري ونعطيكون سلاح.. أو مقابل يصير في تعاون عسكري أكتر...

بهالحالة بتبقى صد؟؟

كيف رح ندخل بهيك لعبة بدون كلفة؟ ازا الكلفة مو مادية بتكون سياسية, بتكون استراتيجية.. بتكون شو ما كان..

يعني أدناها أدناها.. انك تربط مصيرك بمصير قضية مانا قضيتك مهما كانت الدولة اللي بدها "تحن عليك" صديقتك, و مافي دولة تعمللك هيك شي اذا ما عندا ضمانات انو معا للموت في حال احتاجتك..

و نحنا خلقة ميتين بقضايانا.. ضروري نموت كمان بقضايا غيرنا؟ مشان شو, مشان نمتلك سلاح نووي ما مستفيدين منو شي؟ ما بتوفّي

ما تغير الموقف الامريكي من الكوريين لبعد مشكلة النووي ...
كان هون النقطة الحاسمة بهالموضوع
وحاليا الفزع يلي صياير من باكستان ...اي انقلاب الحكي الموالي للامريكيين لصالح الاسلاميين التشددين ما كان بهالشكل هاد لولا امتلاك باكستان لسلاح نووي ....
الحالات اكيد فيها اختلاف
بس اتحيانا بتتطور ليصير في تعامل موحد معها .. وهوي القوة .. القوة .. او لنسميها البطش .. رغم وحشية هيك تعامل بيضل هوي التعامل الوحيد المتوفر حاليا بعالم متوحش تماما

شو الضغط يلي ناطرينو يا فادي ؟؟ اسوا من الضغط الحالي مثلا يعني ؟؟
اي انا بلاقي انها مستاهلة لانو بعالم وقح كعالمنا ما قادر تعمل ايا شي سيء او جيد اذا ما ملكت قوة لهالعمل وقوة الضغط هيدي هي الاساس حاليا باللعبة السياسية بهالعالم .. وذوريا شوي شوي عم تحقق مطالبها
والتعاون بين الدول معو تماما بس اكيد مامع الانتقائية ( كل الدول ) يعني نحنا وسورية وكوريا من اجل الدول التلاتة مع بعض ...
اكيد السلاح النووي سلاح مرفوض تماما بس برجع باكد مرفوض لكل الدول معا .. بس تلغي كل الدول هالشي بيصير حديث اخر

الضغط يلي ممكن يصيير ما بيتقارن بالضغط الحالي... الضغط الحالي كان أمريكي فرنسي فقط.. أماا بهيك حالة رح يصير دولي عن جد...

بعدين من الأساس انتي نسيانة نقطة انو يجوز الموضوع مانو أكتر من استغلال.. يعني بس عم يستغلونا بشكل معين مشان هنن يصنعو هالسلاح,,, بهالحالة نحنا شو إجانا؟؟ بعدين مشان مانكزب على بعض مين قلك انو ايران ماشية بخطوات تصنيع قنبلة نووية؟؟ لاء عمي لا ايران بدا تصنعها ولا أميركا ممكن تسمحللها بهالشي.. الموضوع مابيعدو كونه شد حبال بين التنين.. يعني مفاوضات بصورة مواجهات...


يعني نحنا وسورية وكوريا من اجل الدول التلاتة مع بعض ...


مين انتو يا بنت؟؟ :? طلعتي ايرانية ومالي خبر :lol:

بعرف انو بالغلط بس حبيت اتحركشك.

ما تغير الموقف الامريكي من الكوريين لبعد مشكلة النووي ...
كان هون النقطة الحاسمة بهالموضوع
وحاليا الفزع يلي صياير من باكستان ...اي انقلاب الحكي الموالي للامريكيين لصالح الاسلاميين التشددين ما كان بهالشكل هاد لولا امتلاك باكستان لسلاح نووي ....
الحالات اكيد فيها اختلاف
بس اتحيانا بتتطور ليصير في تعامل موحد معها .. وهوي القوة .. القوة .. او لنسميها البطش .. رغم وحشية هيك تعامل بيضل هوي التعامل الوحيد المتوفر حاليا بعالم متوحش تماما

طيب بس لازم تلاحظي انو عم تحكي عن دول حجمها بحجم الشرق الأوسط كلو ع بعضو .. هاي أولا


تاني شي, أنا ما شفت تغيّر بموقف أميركا مع كوريا.. كوريا عرضت تتعاون, يعني تنفتح عالمنظومة الدولية المفروضة من أميركا, تدخل بلعبة... متل القذافي.. خلال سنين كان شيطان العالم الرجيم, هلأ حبيب أميركا,

هاد اللي بيسمّوه المحافظين الجدد "تغيير السلوك".. يعني الحوافز لكوريا كانت مقابل تفتح مجال لاختراقها من جميع النواحي, حتى الاقتصادي (يعني وقت يقلولو شيل النووي و بساعد بتنميتك .. المساعدة بالتنمية مانا خسارة لأميركا, انما عم تفتح سوق حجمو 50 مليون نسمة لشركات أميركية رح تشتغل بمرحلة ما لرفع المستوى المعيشي لحتى يصير سوق لألها)..

النووي بيظل رمز.. و لا بأي لحظة حدا كان عندو شكل انو كوريا ممكن تؤذي أميركا, حتى الكوريين نفسهون

أنا صوّتت ضدّ امتلاك سورية في وضعها الحالي لأي سلاح أو مفاعل نووي، لعدّة أسباب:

- نظام مو قادر يطعمي شعبو ومو قادر يحقق أقل وسط ممكن من الحرية خطر جداً أنو يكون قائم على هيك سلاح، لأن متل ما تعوّدنا، بعض القضايا الخارجيّة أو غالبيتها هيّ مكرّسة لترسيخ حكم قائم لا أكثر!

- بركّز على كلمة (حالياً) لأن بظنّ الإنسان قبل ما يفكّر بالرّفاه لازم يكون لابس وشبعان ومتعلّم وبعدين يفكّر بشي اسمو "نووي". وبظن وضع سورية حالياً ما بيسمحلها تقوم بهيك شغلة. لك إذا مؤسسات وطنية عم تسكر بسبب الفساد والخسارات المتلاحقة فحتى احتمال التفكير بهيك أمر مو وارد عندي (كرأي)!

- أنا ضدّ أيّ سلاح وأيّ حرب عامّةً، ما بوقف ضد الدفاع عن بلدي، بس ما بعتقد أنو أي نوع من الأسلحة النوويّة هو دفاع، لأن مجرد استعمالها عن قريب أو بعيد بيعني مآسي رح تتغلغل بتاريخ الإنسان على مدى عقود كتيرة. فكيف بدي وافق عهيك أمر ما في منو إلا الدمار وبس.

- حتى كورقة ضاغطة أو رابحة، أو حلف مع إيران وكوريا الشماليّة، ماني مقتنع فيه، لأن بوكرا أميركا بتضحك على كوريا بكام كلمة وتمرقلا كام شغلة وتسحبا من أي حلف وتلعن أخضرنا ويابسنا! فقصة وجودو كمواجهة مو عملي بنوب.

- وآخر شي بالنسبة لإنشاء مفاعل نووي لأغراض سلميّة ممكن يقبل في مرحلة لاحقة يكون فيها السوري شبعان... إلخ. ما بدي عيد الحكي أعلاه.

لهالأسباب وأسباب أخرى أنا صوتت ضدّ.

مع التحيّة لأبو الفيد ولكل محاور على أرض هالصفحة :D.

يعني أدناها أدناها.. انك تربط مصيرك بمصير قضية مانا قضيتك مهما كانت الدولة اللي بدها "تحن عليك" صديقتك, و مافي دولة تعمللك هيك شي اذا ما عندا ضمانات انو معا للموت في حال احتاجتك..

و نحنا خلقة ميتين بقضايانا.. ضروري نموت كمان بقضايا غيرنا؟ مشان شو, مشان نمتلك سلاح نووي ما مستفيدين منو شي؟ ما بتوفّي

هيك وجهة نظرك صارت واضحة تمام...

مين انتو يا بنت؟؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// طلعتي ايرانية ومالي خبر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بعرف انو بالغلط بس حبيت اتحركشك.


ملعوبة منك يا فادي
شو ايرانية يا زلمة !!!!!!!!:cry:

بالنسبة للباقي اكيد ماني مع استغلال سورية باي شكل من الاشكال لا بسلاح نووي ولا بصناعة بطارية
والضغط الدولي كتير بختلف بين دولة قادرة اتضر مصالح دول اخرى بشكل جذري وبين انو اضرها بشكل رمزي
المفاعل النووي الو دائما قوته حتى لو بشكل رمزي
وانا صراحة بتوقع انو ايران فعليا ماشية للحصول على مفاعل نووي حقيقي

أنا صوّتت ضدّ امتلاك سورية في وضعها الحالي لأي سلاح أو مفاعل نووي، لعدّة أسباب:

صديقي عم استحضر دائماً فكرة.. اذا شلنا موضوع السلاح النووي هل ترفض أي تعاون أو دخول مع لاعبين اقليمين ودوليين مهمين بالمنطقة متل كوريا وإيران بهاللعبة.. يعني مساعده بانتاج أو بتخصيب أو بأي مايمت لهالموضوع بصلة.. مقابل عطائات أو دعم أكبر لسوريا من هالدول؟؟

وأحلى تحية لإلك :D

وآخر شي بالنسبة لإنشاء مفاعل نووي لأغراض سلميّة ممكن يقبل في مرحلة لاحقة يكون فيها السوري شبعان... إلخ. ما بدي عيد الحكي أعلاه.أكيد, مش بس شبعان, انما يكون في ادارة صلبة و متماسكة و صاحبة كفاءة, و يكون عندك تكنولوجيا وطنية و خبرات وطنية تكفي على الأقل لادارة الغالبية العظمى من المشروع حتى لو استعنت بمساعدات خارجية مكمّلة و ليست أساسا بالمشروع

بالوضع الحالي أول شي رح يروح كوم مصاري عليه, رح تستعبدنا "الخبرات الاجنبية" مثل أيام الخبراء السوفييت و جرائمهم الاقتصادية و الزراعية, و رح تظل عبد بايد هالدولة اللي شغلتلك هالمفاعل... و الزمن قلاّب يا جماعة.. بالسياسة مافي شي للأبد و لا حتى على مستوى واطي.. فما بالك على مستوى دول؟ غلط ربط المصير بشكل وثيق بحدا.. و هون اتفق مع الأخ القرصان بالنقطة تبعيت:


حتى كورقة ضاغطة أو رابحة، أو حلف مع إيران وكوريا الشماليّة، ماني مقتنع فيه، لأن بوكرا أميركا بتضحك على كوريا بكام كلمة وتمرقلا كام شغلة وتسحبا من أي حلف وتلعن أخضرنا ويابسنا! فقصة وجودو كمواجهة مو عملي بنوب.


:D

طيب بس لازم تلاحظي انو عم تحكي عن دول حجمها بحجم الشرق الأوسط كلو ع بعضو .. هاي أولا


تاني شي, أنا ما شفت تغيّر بموقف أميركا مع كوريا.. كوريا عرضت تتعاون, يعني تنفتح عالمنظومة الدولية المفروضة من أميركا, تدخل بلعبة... متل القذافي.. خلال سنين كان شيطان العالم الرجيم, هلأ حبيب أميركا,

هاد اللي بيسمّوه المحافظين الجدد "تغيير السلوك".. يعني الحوافز لكوريا كانت مقابل تفتح مجال لاختراقها من جميع النواحي, حتى الاقتصادي (يعني وقت يقلولو شيل النووي و بساعد بتنميتك .. المساعدة بالتنمية مانا خسارة لأميركا, انما عم تفتح سوق حجمو 50 مليون نسمة لشركات أميركية رح تشتغل بمرحلة ما لرفع المستوى المعيشي لحتى يصير سوق لألها)..

النووي بيظل رمز.. و لا بأي لحظة حدا كان عندو شكل انو كوريا ممكن تؤذي أميركا, حتى الكوريين نفسهون

اكيد الحجم بيلعب دور .. بس كمان الموقع الو دور .. وسورية وكوريا مشتركين بعتبارون موقع حساس بمناطق النزاع العالمية
اما من ناحية التعامل ما بوافق ابدا ع التشبيه يلي ذكرتو ..ابدا ما بوافق .
لانو الكوريين لما شافو تاخير بتلبية طلباتون من قبل الامريكيين اعلنو انو رح يرجعو ع النووي وطردو المفتشين .. وبمال معناه مانا شايفينكون ... ونتيجة هيدا تراجعت امريكا عن سياستها وخالفت رغبة حليفتها اليابان .... هيدا كلو بعد النووي يا ياس مو قبل .. لو الوضع متل ما عم تحكي كانت صار من قبل لانو السوق هيك وهيك موجود ... اما الليبيين فعملو متل ما بدها امريكا واكتر بس من شان تبييض الصفحة .. ولا وانضربو منية كمان

ع كل الكلام عن وجهات نظر مختلفة بليناتنا ..
بحب اكد اني ضد الحرب كلها وضد شيء اسمو سلاح عموما بس الواقع شي تاني تماما.. لك انا مع انو جزر والواق واق تملك سلاح نووي طالما فيب دولة وحدة بس بالعالم عندها ياه

وانا صراحة بتوقع انو ايران فعليا ماشية للحصول على مفاعل نووي حقيقي

صديقتي المفاعل النووي لايعني بأي شكل من الأشكال سلاح نووي... كان جدي يقلي متل شعبي: كل طربوش أحمر بس مو كل شي أحمر طربوش... يعني السلاح النووي بحاجة إلى مفاعل نووي بس وجود المفاغل لايعني بالضرورة وجود السلاح...
وبدك ماتنسي انو الايرانيين عم يقولو انو برنامجون النووي سلمي 100% ومفتشي الوكالة لغاية الأن ما لقو أي دليل أو ثغرة بهالكلام اذا استثنينا التقارير الاستخباراتية يلي منعرف انو ممكن تتلفق على قياس الدول...

صديقتي المفاعل النووي لايعني بأي شكل من الأشكال سلاح نووي...

بعرف تماما هالحكي ...بس انا بشكك كتير بالنوايا الايرانية
شكرا ع المثل ها

اكيد الحجم بيلعب دور .. بس كمان الموقع الو دور .. وسورية وكوريا مشتركين بعتبارون موقع حساس بمناطق النزاع العالمية
اما من ناحية التعامل ما بوافق ابدا ع التشبيه يلي ذكرتو ..ابدا ما بوافق .
لانو الكوريين لما شافو تاخير بتلبية طلباتون من قبل الامريكيين اعلنو انو رح يرجعو ع النووي وطردو المفتشين .. وبمال معناه مانا شايفينكون ... ونتيجة هيدا تراجعت امريكا عن سياستها وخالفت رغبة حليفتها اليابان .... هيدا كلو بعد النووي يا ياس مو قبل .. لو الوضع متل ما عم تحكي كانت صار من قبل لانو السوق هيك وهيك موجود ... اما الليبيين فعملو متل ما بدها امريكا واكتر بس من شان تبييض الصفحة .. ولا وانضربو منية كمان

ع كل الكلام عن وجهات نظر مختلفة بليناتنا ..
بحب اكد اني ضد الحرب كلها وضد شسء اسمو سلاح عموما بس الواقع شي تاني تماما.. لك انا مع انو جزر والواق واق تملك سلاح نووي طالما فيب دولة وحدة بس بالعالم عندها ياه


مو أحيانا.. بل دائما بعلم السياسة, خفايا الأمور أكبر من ظواهرها... و المناورات بتكسر الرقبة ازا الواحد راد يتطلّع عليها...

أنا بشوف حركة كوريا تبعيت طرد المفتشين و التعنّت و مدري شو.. هي حركة حفظ ماء الوجه تبع انو نحنا أسياد قرارنا ها! و ع مزاجنا نشتغل.. لا تنسي انو النظام الكوري ايديولوجي مية بالمية و في شغلات لا يمكن تتبرر بشكل براغماتي من قبلهم..

و هي حركة مدروسة بعناية من قبل الطرفين

و لذلك.. كان في شد و جذب لشعرة معاوية الكل عرفان تماما انو ما رح تنقطع.. و سماح أميركا بهالحركة هو بادرة اثبات حسن نية و جدية انو معليه مقبولة منك لصغر سنك... بس قعود عاقل حبيبي..

بالسياسة بيحبسوك بغرفة فيها مليون باب, و شباك واحد.. بيسكرولك كل شي.. بيفتحولك كل الأبواب قدام عيونك.. و فجأة يسكرو كل الأبواب و يفتحو الشباك نص فتحة... و طير ع نص الفتحة يا حلو


:D

بعرف تماما هالحكي ...بس انا بشكك كتير بالنوايا الايرانية


بوجهة نظري متل ما قلت.. الموضوع مو أكتر من ضغط من هون وعطاء من هون على شوية خطابات تصعيدية على شوية مفاوضات... يوم منعلن انو عنا 4000 جهاز طرد مركزي وتاني يوم منقول للمفتشين تفضلو فحصون للتأكدو انون للأغراض السلمية... يعني شد ورخي.. بالأخير لا إيران بدها قنبلة نوورية ولا أميركا ممكن تخليها توصل لهي المرحلة...

وتحية إلك :D

صديقي عم استحضر دائماً فكرة.. اذا شلنا موضوع السلاح النووي هل ترفض أي تعاون أو دخول مع لاعبين اقليمين ودوليين مهمين بالمنطقة متل كوريا وإيران بهاللعبة.. يعني مساعده بانتاج أو بتخصيب أو بأي مايمت لهالموضوع بصلة.. مقابل عطائات أو دعم أكبر لسوريا من هالدول؟؟
وأحلى تحية لإلك :D
عراسي حارتك...

بس الحقيقة يا صديقي أنو نحن مو قادرين نفوت بأي حلف وتريد بحلفلك بشو ما بدك :p.

والأحلاف اللي عم تصير، إذا افترضنا قدرة سورية على ذلك، هي مجرّد أحلاف مؤقتة أو عابرة عم تستفيد منها الدول المتقدمة بينما دول العالم الثالث متلنا عم ترجع لورا!

بظن أنو سورية تبطل تفكير بهيك شي وتلتفت لواقع البلد... وتشيل هالكام غنمة يللي عم يرعوا قدام باب مركز المعلوماتية السوريّة بالحسكة... بشرفي تبهدلنا اليوم بهدلة ما ألا أول ولا آخر! :lol:.

انا بشجع اي دوله عربي على امتلاك النووي ويكون للاغراض الحربيه

يعني حرام ع الدول العربيه وحلال على اسرائيل

وتشيل هالكام غنمة يللي عم يرعوا قدام باب مركز المعلوماتية السوريّة بالحسكة....

شايف كيف دايماً نيتكون سيئة وشو ماعملت الحكومة مابتخلص منكون.. هاد ياسيدي باعتبار تم القضاء على الأمية في مجال المعلوماتية على صعيد المواطنين بالحسكه فبلشت الحكومة بالدورات للغنم والإبل والطيور الداجنة... وهدول الغنمات يلي على الباب كانو فايتين يسجلو بدورة ويندوز فيستا وأوفيس.. هيك قريت بجريدة البعث... بس شو بدي قلك حاقد مو بإيدك :lol:

وشكراً على توضيح وجهة نظرك فيما يخص الأحلاف الاستراتيجية.

انا ضد ورح صوت ضد ضد اي مفاعل اوسلاح فيه خطر سواء على الشعب
السوري او اي شعب اخر وبس

اذا الدول الغربيه عم تحاول تقلص المفاعلات عندها والاسلحه النوويه كمان ليش؟ شو السبب ؟
اكيد وصلو للنتيجه الحتميه انو هيك مفاعلات بينتج عنها هيك اسلحه قاتله
خطر عالبشريه والعالم كلو وبس

حاليا ان امتلاك سورية سلاحا نوويا يعني انو هالسلاح رح يكون بايد نظام البعث الأسدي,
عندها فإن المهدد الأول بهذا السلاح هو الشعب السوري , لأنو مين يضمن ان نظاما وحشيا ارهابيا كنظام بشار الأسد لنيقوم بخطوة طائشة اذا ما شعر بدنو أجله او خسارته امام رغبة الشعب السوري بالحرية.
أما في زمن الحرية فإنه بعد ان يتم تأمين حياة حرة كريمة من مختلف النواحي السياسية و الاقتصادية و الاجتماعية و غيرها للشعب السوري عندها يمكن التفكير بذلك

انا ضد لانو ما راح نقدر نضرب في حدا وبس نضرب في اسرائيل اللي راح يصير عليهون راح يصير علينا هاج من جهة
متل ما قال ياس
بس نظريا انو لو كان في عدل بالدني ما كان لازم يكون عند اسرائيل مفاعل
يعني اذا صار و وافقنا عليه بظن من باب توازن القوى مش اكتر
انا عطيت رأي بدون ما ننظر لأطراف تانية متل ايران وكوريا
بتجرد عن أي دولة تانية
:D

أعلق تصويتي على امتلاك سوريا للأنشطة النووية الى حين صدور نتائج تصويتي على امتلاك سوريا للأنشطة الرياضية .

اذا الدول الغربيه عم تحاول تقلص المفاعلات عندها والاسلحه النوويه كمان ليش؟ شو السبب ؟
اكيد وصلو للنتيجه الحتميه انو هيك مفاعلات بينتج عنها هيك اسلحه قاتله
خطر عالبشريه والعالم كلو وبس

لاحظ هون انك عم تحكي عن دول بتملك فوق الـ 4500 سلاح نووي منوع مع العلم انو 50 قنبلة نووية قادرة على إفناء العالم... هالدول هي وصلت لنتيجة انو شو الجدوى من وجود هالكم الهائل يلي بيلزمو كلف خيالية للمحافظة على جاهزيتو والإعتناء فيه... فهاد هو سبب يلي دعا دول متل أميركا وروسيا لتخفيض عدد الرؤوس النووية

وكمان معلومة موسكو حالياً بتملك 42 غواصه نووية متوقفة على العمل من سنة 1993 ومو عرفانة شو بدها تعمل فيون... لاحظ معي انو كل غواصه تحتوي على مفاعل نووي صغير ... هالغواصات كلفة تفكيك الوحدة منون بتتجاوز الـ100 مليون دولار حسب تقارير الأمم المتحده يلي بلشت تبدي تخوف حقيقي من حصول تسربات اشعاعية من مفاعلات هالغواصات المتوقفة عن العمل...
روسيا غير قادرة على تحمل كلفة التفكيك والأمم المتحده أنشئت صندوق لجمع تبرعات من الدول المانحة لتفكيك هالغواصات...

هاد الحكي بيوضح انو الهدف من تفكيك هالأسلحة هو ضغط النفقات المرتفعه لا أكتر ولا أقل... وبالنتيجة 20 راس نووي متل 200 متل 2000...

هاد الحكي بيوضح انو الهدف من تفكيك هالأسلحة هو ضغط النفقات المرتفعه لا أكتر ولا أقل... وبالنتيجة 20 راس نووي متل 200 متل 2000...





انا معك بهالحكي بس كمان جميع هالدول قدرت الاخطار الناجمه عن هيك اسلحه حتى كمان اوقفت جميع التجارب النوويه لانها اكبر مسبب للاحتباس الحراري اللي عم تعاني منو الارض كلها

فعلا200 راس نووي متل 2000 والنفقات كتير مرتفعه بدول اقتصادها المفروض انو الاقوى بالعالم
فكيف عنا برايك ؟
تحياتي الك

أعلق تصويتي على امتلاك سوريا للأنشطة النووية الى حين صدور نتائج تصويتي على امتلاك سوريا للأنشطة الرياضية .

انا معك بهالحكي برأيك مطوله نتيجة التصويت ؟

انا معك بهالحكي برأيك مطوله نتيجة التصويت ؟
بدنا نضحك عبعضنا يا ساتو مان الدول الي بتمتلك طاقة نووية عم تستخدم الطاقة الشمسية من ميتين سنة , نحن مبارح فكرنا نستثمرها . وبتقلي طاقة نووية حاسس حالي عم اتفرج عبرنامج آفاق علمية تبع طالب عمران

انا معك بهالحكي بس كمان جميع هالدول قدرت الاخطار الناجمه عن هيك اسلحه حتى كمان اوقفت جميع التجارب النوويه لانها اكبر مسبب للاحتباس الحراري اللي عم تعاني منو الارض كلها


لاء ياعيني هالحكي مو دقيق أبداً... هي الدول خففت التجارب النووية بحكم انو ماعد بحاجة لتجارب على هالأسلحة لأنو صارت متلها متل البارودة الروسية "الكلاشينكوف" بالنسبة لإلنا... وماعادو بحاجة يصرفو جهد ومال على تجارب هالأسلحة غير بحالة في تعديل كبير على أحد هالأسلحة...
بس فيك تقلي انو هالدول وقفت كل أنواع التجارب يلي بتساهم بظاهرة الاحتباس الحراري؟؟؟ وحياتك لما يكون عندون سلاح جديد وبدون يجربوه لو بيعمل احتباس حراري ومائي وترابي بوعدك رح يعملو تجارب ليشبعو...

تحياتي إلك.

أعلق تصويتي على امتلاك سوريا للأنشطة النووية الى حين صدور نتائج تصويتي على امتلاك سوريا للأنشطة الرياضية .

والله حقك ياعمي... بس على هالحالة رح تبقى معلق التصويت طول العمر...:lol:

العالم اللي لحنا عايشين فيه عالم قوة :
لذلك انا مع إمتلاكنا لسلاح نووي
بس بحب ضيف شغلة إنو القوة لا تجزأ
قوتنا وإستقلالنا إلها أكتر من بعد
وطنية:هون بيدخل الموضوع العسكري
إقتصادية : خلق إقتصاد وطني مقاوم ..بالنسبة إلي إشتراكي إجتماعي
ديمقراطية: محاولة خلق وعي ديمقراطي عند ابناء الوطن يكون سلاح معرفي بوجه اعدائه
إجتماعية : محاولة قدر الإمكان العمل على خلق عدالة إجتماعية في الوطن
وتحياتي الحارة
ظل جيفارا