برنامج حواري جديد
طرح على قناة المستقلة
البرنامج هو عبارة عن برنامج استفتائي
يتخيل هذا البرنامج أن الوحدة العربية
تحققت
و الان سوف يتم التصويت على الرئاسة
هذا التصويت وصفته المستقلة بأنه أول استفتاء
عربي نزيه لذلك قررت انزال التصويت لنشوف ارائكم
و نفتح موضوع نقاش

بالنسبة الي برفض رفض تام اي فكرة لوحدة اقليمية عربية .. بدن يتحدو العرب يتحدو بس لا يقربو صوب بلادي بالمرة

مع احترامي لكل العرب لكن ما بقدر اتخيل اني انا والسعودي والمصري والسوداني والاردني وال وال وال .. الخ نحمل هوية وحدة....

بس الي مستغربو كيف بشار الاسد مو نازل بالاستفتاء .. والله دكتاتوري الزلمة .. ويملك وسائل لعن رب هالشعب بما فيه الكفاية ليكون مؤهل لينزل بهالقائمة :lol:

لازمنا كمان خيارات

بس الي مستغربو كيف بشار الاسد مو نازل بالاستفتاء .. والله دكتاتوري الزلمة .. ويملك وسائل لعن رب هالشعب بما فيه الكفاية ليكون مؤهل لينزل بهالقائمة :lol:


شكلك ناوي تعملي مشاكل
أنا ما دخلني بالأسماء يلي نازلي هاد الحكي من قناة المستقلي
بعدين كل الومجودين الله رحمون
بعدين أنا حيادي الموضوع فكرتوا منقولي

وحدة مين ؟؟ العرب
اي اهلين والله
مارح تصير بعمرااا

ايه روح خيي ولايهمك ادعس ولا مشاكل ولاشي خلي كل واحد يغني على ليلته...مشكور على الموضوع والله ديمقراطية

طيب يا شباب
بغض النظر عن امكانية الحدوث أو بالرغبي بالحدوث
يعني خلونا نفرض انو نحنا منفيق بكرا منلاقي انو صارت الوحدي يعني انفرضت علينا فرض و بغض النظر عن انو مستحيل او اي شي تاني
:D

شكلك ناوي تعملي مشاكل
أنا ما دخلني بالأسماء يلي نازلي هاد الحكي من قناة المستقلي
بعدين كل الومجودين الله رحمون
بعدين أنا حيادي الموضوع فكرتوا منقولي

لك انو مشاكل يا عمي .. انا بمشي الحيط الحيط وبقول يا ربي سترك ... والدليل عذلك مافي فرع امن تاركو يعتب عليي والله يخليلنا سيداتو :lol:
طيب بما انو الكل ميت .. بطالب انو ينوضع اسم حافظ الاسد معهن .. هاد كمان مرتحم متلهن

بعدين أنا حيادي الموضوع فكرتوا منقولي

هوي فكرة حلوة .. لكن مش معقولة ولا منطقية ... يوتوبيا العرب :lol:

طيب يا شباب
بغض النظر عن امكانية الحدوث أو بالرغبي بالحدوث
يعني خلونا نفرض انو نحنا منفيق بكرا منلاقي انو صارت الوحدي يعني انفرضت علينا فرض و بغض النظر عن انو مستحيل او اي شي تاني
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
عهالفرضية هي .. بستمر متل ما أنا .. بعتبرها حكومة غير شرعية بالنسبة الي طالما انفرضت فرض ..
مش انو عمحطك بنطاق انو بدي عجز ربك اليوم .. لا ولكن .. ما عندي استعداد اقبل بأي شخص فيهن .
وطالما فاتحينلنا باب الديمقراطية .. كان يفترض انو يتم ترشيح الاسماء من الشعب :jakoush:

وحدة :o لاكون عم احلم انا

يعني خلونا نفرض انو نحنا منفيق بكرا منلاقي انو صارت الوحدي يعني انفرضت علينا فرضقبل ما فيق ولاقي بلدي متّحد مع 21 بلد غريب، بفضّل إنّي فيق بكرا ولاقي الحكومة عنّا صارت متحدة مع الشعب، ولاقي الشعب متحد مع نفسو بالأهداف...

بس معلش رح أتخيّل أنّو صارت وحدة عربية (طبعاً رح تكون مفروضة فرض، محلاها تكون غير هيك يعني).

عأيام الوحدة مع مصر جابولنا عالضيعة مدرّس مصري، بوقتا كانت المدرسة عبارة عن غرفة صغيرة وبنفس الوقت مكان إقامة للمدرّس وطبعاً الأكل ع أهل الضيعة. وضيعتنا يمكن كانت -جغرافياً- أبعد ضيعة سوريّة عن مصر -مع ذلك المدرّس مصري!-. هالحكي سمعتو من أبي.

ومن وحي هالقصّة تخيّلت أنّو شخص صومالي صار زعيم ل 22 بلد عربي ومدري ليش اتخيّلت انّو كلّ
الصوماليين (متعلمين أو غير متعلمين) صاروا مدراء بلديات ومدراء شركات ومحافظين أو موظفين بالدول التانية، وإذا ضل حدا صومالي عاطل عن العمل فرح يصير كل سنتين تناوب بينو وبين رئيس المخفر الصومالي يلي بضيعتنا:lol:
واتخيّلت كمان أنّو السوري أو المغربي أو العراقي(مثلاً) إذا سافر عالصومال وركب بالباص فرح يكون ممنوع من الجلوس على المقاعد:o
وكمان اتخيّلت أنّو مواطنيّ 21 دولة صارو عرب درجة تانية (حالياً هالميّزة مقتصرة على بعض الدول فقط).
وقبل الفيقة بشوي شفت موقع الأخوية محجوب بـ 22 دولة:shock:

عذراً stormsmaker بس بجد غير هيك مافيني أتخيل الوحدة العربية.
تحياتي لك وشكراً عالموضوع:D

الموضوع شبيه بموضوع صار بالزمانات عن سوريا.. و يمكن ردي عليه رح يكون مشابه, إن لم نقل متطابق


بغض النظر عن أي امكانية عملية أو نظرية أو حتى منطقية لأي نوع من أنواع الوحدة العربية (نترك هالقصة على جنب). ماني شايف السؤال مكتمل. و السبب بسيط. السؤال عم يفترض دولة, و يقلك انت شو بدك رئيس انو واحد من هدول (و مجموعة اشخاص تحمل نهج مجموعة أشخاص آخرين).

أول شي شو نظام هالدولة؟ شو مؤسساتا؟ شو أسلوب التمثيل الشعبي فيها و مددو و كل شي.. شو آلية اختيار الرئيس؟ الادارة المحلية و الاقليمية كيف مخططة؟ و شو أسلوب الاختيار التمثيلي فيها؟ و هكذا مليون سؤال..

قصدي من هالكلام.. انو اذا بدك تبني دولة, آخر شي مهم مين رح يكون رئيسها... لأنو اذا دولة حقيقية فشخصية الرئيس و فكرو لا أهمية كبرى لها...

لكن للأسف فكرنا السياسي العروبي يجيب الشخص, و يبنيلو دولة ع قياسو و يدجّن شعب ع مراقو... و ليس العكس


تحياتي :D

اول شي اكيد ما برشح ايا من هالاشخاص
تاني شي صراحة ما بامن بشي اسمو وحدة عربية كفكرة
يعني العرب بس لمجرد انون عرب يبنو دولة واحدة . تاسيس ايا دولة او اتحاد مجموعة من الدول ما بيقوم بس ع اساس انو نحنا كلنا اصل واحد هيدا كلام طوباوي هيك عمل بدو اسس سياسية واقتصادية بالاول ... وبيجي بعدها التفاعل الاجتماعي المشترك .. مو معقول تعمل وحدة بين مجتمع منغلق على نفسو متل السعودية مع مجتمع منفتح كلبنان لانو المجتمعين ما بيشتركو بايا شي .. هون بقصد تماما الحياة الاجتماعية ما الاختلاف الديني ..
لما بتاسس لبنيان حقيقي مشترك بين مجموعة دول عربية او غير عربية .. بيصير الرئيس تحصيل لهيك عمل مو اساسو .. فرد واحد ما رح يحقق شي شو ما كانت الافكار يلي حاملها ..
الاتحاد الاوروبي .... جامع دول مشتركة اقتصاديا سياسيا والحياة الاجتماعية بشكل من الاشكال متقاربة جدا .. بلا لغة واحدة وتاريخ مشترك وشو بيعرفني ...

الموضوع شبيه بموضوع صار بالزمانات عن سوريا.. و يمكن ردي عليه رح يكون مشابه, إن لم نقل متطابق


بغض النظر عن أي امكانية عملية أو نظرية أو حتى منطقية لأي نوع من أنواع الوحدة العربية (نترك هالقصة على جنب). ماني شايف السؤال مكتمل. و السبب بسيط. السؤال عم يفترض دولة, و يقلك انت شو بدك رئيس انو واحد من هدول (و مجموعة اشخاص تحمل نهج مجموعة أشخاص آخرين).

أول شي شو نظام هالدولة؟ شو مؤسساتا؟ شو أسلوب التمثيل الشعبي فيها و مددو و كل شي.. شو آلية اختيار الرئيس؟ الادارة المحلية و الاقليمية كيف مخططة؟ و شو أسلوب الاختيار التمثيلي فيها؟ و هكذا مليون سؤال..

قصدي من هالكلام.. انو اذا بدك تبني دولة, آخر شي مهم مين رح يكون رئيسها... لأنو اذا دولة حقيقية فشخصية الرئيس و فكرو لا أهمية كبرى لها...

لكن للأسف فكرنا السياسي العروبي يجيب الشخص, و يبنيلو دولة ع قياسو و يدجّن شعب ع مراقو... و ليس العكس


تحياتي :D

تحية:D
هلأ الشغلي مو هيك
هلأ الموضوع مو هدفو يحكي عن دولة الوحدي أو عن الاعجاز للوصول الها
بس السؤال انو من برأيك صاحب أفضل نهج أو أسلوب قيادي أو سياسي عربي يستطيع النهوض بالأمة في الظروف السيئة الحالية
و مختصر لأسئلتك اعتبر أنو كل شخصيي من هالشخصيات رح تمثل أسلوب الحكم المرتبط بها (مع انو برأيك انو مو الشخص بحدد الأسلوب يا أخي الشعب قرر الأسلوب و باقي ينتخب الرئيس )
و كمان أسلوب اخر للسؤال
اي من هذه التيارات تختاره (يعني لاحظوا انو كل شخص بيمثل تيار معين )
هل هو التيار القومي أم الديني أم المنتدب أم صاحب التجربة الديمقراطية الناجحة أم الملكي أم ........
بتمنى كون عرفت وصل الفكرة

اول شي اكيد ما برشح ايا من هالاشخاص
تاني شي صراحة ما بامن بشي اسمو وحدة عربية كفكرة
يعني العرب بس لمجرد انون عرب يبنو دولة واحدة . تاسيس ايا دولة او اتحاد مجموعة من الدول ما بيقوم بس ع اساس انو نحنا كلنا اصل واحد هيدا كلام طوباوي هيك عمل بدو اسس سياسية واقتصادية بالاول ... وبيجي بعدها التفاعل الاجتماعي المشترك .. مو معقول تعمل وحدة بين مجتمع منغلق على نفسو متل السعودية مع مجتمع منفتح كلبنان لانو المجتمعين ما بيشتركو بايا شي .. هون بقصد تماما الحياة الاجتماعية ما الاختلاف الديني ..
لما بتاسس لبنيان حقيقي مشترك بين مجموعة دول عربية او غير عربية .. بيصير الرئيس تحصيل لهيك عمل مو اساسو .. فرد واحد ما رح يحقق شي شو ما كانت الافكار يلي حاملها ..
الاتحاد الاوروبي .... جامع دول مشتركة اقتصاديا سياسيا والحياة الاجتماعية بشكل من الاشكال متقاربة جدا .. بلا لغة واحدة وتاريخ مشترك وشو بيعرفني ...

تحية :D
هلأ كلامك لا غبار عليه كفكرة عامة عن الوحدة الشاملة
بس مفهوم الوحدة مفهوم يحمل أبعاد واسعة جدا
و الوحدة لم تعد متل أيام زمان نحنا ممكن نتحد و كل واحد ببلدوا يعني أبسط مفهوم للوحدي حاليا و أفضل وحدي برأيي هيي التضامن المنظم كخطوة أولى و برأيي انو الوحدة أمر غير خيالي لهل الدرجي يعني ممكن على المدى بعيد لأنو العالم يتجه نحو التكتلات و بالأخير اذا ما تكتلنا على بعض رح تصير كل دولي عربيي جزء من شي تكتل
و مشان موضوع الاستفتاء بالرد على المعلم ياس بينة فكرة التصويت
:D

تحية:D
هلأ الشغلي مو هيك
هلأ الموضوع مو هدفو يحكي عن دولة الوحدي أو عن الاعجاز للوصول الها
بس السؤال انو من برأيك صاحب أفضل نهج أو أسلوب قيادي أو سياسي عربي يستطيع النهوض بالأمة في الظروف السيئة الحالية
و مختصر لأسئلتك اعتبر أنو كل شخصيي من هالشخصيات رح تمثل أسلوب الحكم المرتبط بها (مع انو برأيك انو مو الشخص بحدد الأسلوب يا أخي الشعب قرر الأسلوب و باقي ينتخب الرئيس )
و كمان أسلوب اخر للسؤال
اي من هذه التيارات تختاره (يعني لاحظوا انو كل شخص بيمثل تيار معين )
هل هو التيار القومي أم الديني أم المنتدب أم صاحب التجربة الديمقراطية الناجحة أم الملكي أم ........
بتمنى كون عرفت وصل الفكرة


برضو مش هيك اخي الكريم

النهوض بأي بلد و أي شعب بدو عوامل ما تلاقي ولا واحد فيها شخصية القيادي أو نهجو أو اسلوبو.. النهج هو قناعة سياسية تتغير بتغير المعطيات.. لكن في شي اسمو ارادة ما بيتغير, و مافي قيادي بالدنيا, لو منزّل من السما تنزيل, يقدر ينهض بشعب اذا هالشعب ما بدو ينهض.

لذلك ظهور قيادي, خدمته الظروف ليكون على رأس تيار نهضوي (و التيار النهضوي مانو اتجاه سياسي,و ازا اختلطو فببشرك انو هالتيار النهضوي فاقد الصلاحية قريبا جدا) هو نتيجة لارادة نهضة لطليعة شعب.. و ليس العكس.

قصدي انو لحتى نصير شعب راقي, ما لازمنا عبد الناصر أو غيرو.. و لا حتى مية منهون... لازمنا ارادة ارتقاء عامة.. مش قيادي, ما لازمنا المسيح المخلّص أو امام الزمان المخفي.. لازمك شعب بدو شي.. و يعرف شو بدو, و لحتى الشعب يكون بدو شي, و يعرف شو بدو, لازم تعطيه فرصة يفكّر.. و تدعوه يفكر.. بل و تجبرو انو يفكر.. و هاي مهمة الطليعة الاجتماعية و ليست مهمة سياسية أو ايديولوجية

تحياتي :D

برضو مش هيك اخي الكريم

النهوض بأي بلد و أي شعب بدو عوامل ما تلاقي ولا واحد فيها شخصية القيادي أو نهجو أو اسلوبو.. النهج هو قناعة سياسية تتغير بتغير المعطيات.. لكن في شي اسمو ارادة ما بيتغير, و مافي قيادي بالدنيا, لو منزّل من السما تنزيل, يقدر ينهض بشعب اذا هالشعب ما بدو ينهض.

لذلك ظهور قيادي, خدمته الظروف ليكون على رأس تيار نهضوي (و التيار النهضوي مانو اتجاه سياسي,و ازا اختلطو فببشرك انو هالتيار النهضوي فاقد الصلاحية قريبا جدا) هو نتيجة لارادة نهضة لطليعة شعب.. و ليس العكس.

قصدي انو لحتى نصير شعب راقي, ما لازمنا عبد الناصر أو غيرو.. و لا حتى مية منهون... لازمنا ارادة ارتقاء عامة.. مش قيادي, ما لازمنا المسيح المخلّص أو امام الزمان المخفي.. لازمك شعب بدو شي.. و يعرف شو بدو, و لحتى الشعب يكون بدو شي, و يعرف شو بدو, لازم تعطيه فرصة يفكّر.. و تدعوه يفكر.. بل و تجبرو انو يفكر.. و هاي مهمة الطليعة الاجتماعية و ليست مهمة سياسية أو ايديولوجية

تحياتي :D
تحية:D
يا سيدي الكريم
جميع الحركات النهضوية يلي قامت ويلي بدها تقوم تحتاج الى قائد او موجه او يلي انتي سميتوا طليعة
طيب ماشي الفكرة وحدي
هالطليعة لازم يكون الا فكر و توجه بدا تعمل هيك و تشيل هيك و تحط هيك من تفضل انت

تحية:D
تشير النتائج الحالية الى:
يحتل حسن البنا المركز الأول
يحتل ميشيل عفلق المركز الثاني

مرحبا انا برايي الوحدة العربية ضرورة يمكن اذا اتحدت مجموعة دول ضعيفة مت حالة الدول العربية ان تصبح دولة اقوى شوي هذا بالنظر للوضع لحالي
وطبع حاليامستحيل ادا اتحاد المغرب العربي من سنين وسنين مقررينو وما قدرويتفقو عليه بسبب قضية الصحراء الغربية
بس لما نحكي بتفاؤل وانو خلص العرب صحيو وصارو واعيين برايي الشخصي انو الوحدة تكون على اساس التكامل الاقتصادي والعسكري اما سياسيا تبقى كل دولة تتكفل بشعبها وممكن انشاء برلمان له صلاحيات قوية يكون اعضاؤو من جميع البلدان العربية ومختارين من الشعب عن طريق الانتخاب الحر هذا البرلمان ه اللي يقرر بشان القرارات الشتركة ويصدر توجيهاتو للرؤساء في حال غلطو او تعدو على حقوق الشعوب
لانو برايي بالجزائر متلا شبه مستحيل اي عربي من جنسية اخرى يعرف يتعامل معنا متلا لو كان رئيس سعودي مصري او سوداني و تونسي او مغربي بعتقد بداية فشل الوحدة رح تبدا عندنا:lol:
اما الوحدة الاجتماعية فهذه حرية شخصية لكل فرد على حدا يسكن وين ما بدوويعيش فاي بلد يختارو
وكل هذا مجرد احلام صعب تتحقق
سلامي

وحدة مين ؟؟ العرب
اي اهلين والله
مارح تصير بعمرااا
كأنو عبالك تصير
:?
اي عمرون ما بتحدو
قال عرب قال
:o

ومن وحي هالقصّة تخيّلت أنّو شخص صومالي صار زعيم ل 22 بلد عربي ومدري ليش اتخيّلت انّو كلّ
الصوماليين (متعلمين أو غير متعلمين) صاروا مدراء بلديات ومدراء شركات ومحافظين أو موظفين بالدول التانية، وإذا ضل حدا صومالي عاطل عن العمل فرح يصير كل سنتين تناوب بينو وبين رئيس المخفر الصومالي يلي بضيعتنا:lol:
واتخيّلت كمان أنّو السوري أو المغربي أو العراقي(مثلاً) إذا سافر عالصومال وركب بالباص فرح يكون ممنوع من الجلوس على المقاعد:o
وكمان اتخيّلت أنّو مواطنيّ 21 دولة صارو عرب درجة تانية (حالياً هالميّزة مقتصرة على بعض الدول فقط).
وقبل الفيقة بشوي شفت موقع الأخوية محجوب بـ 22 دولة:shock:


هذا صار اسمو "الكابوس العربي"!:lol:
تحياتي

بالرغم من عدم وجود مقياس منطقي لكل هذا الإجراء ولأننا لا نعرف الجهة المقترحة والداعمة لمبدأ كهذا
فلو أن العرب بذاتهم قرروا أن يتحدوا لما وقفت مسألة كهذه أمام قيام دولة موحدة
ولأن كل اسم يمثل تيار أكثر مما يمثل منظومة فكر أو رمزية لمبدأ فالمذكورين تتواجد في حياتهم تقلبات أو ما يشبه المناطق المعتمة وهذا ما يحول دون تفضيل أحدهم على الآخر والكلام ينطبق على الأغلبية

ومن حقنا أن نحلم ويا حبذا لو نتعامل عملة واحدة ونسافر مبرزين عروبتنا لا غير .
في شعب يريد كل فرد أن يرأسه لا ضرورة لعناء الانتخاب .
والردود ذاتها تأكد حالومية البعض في مسح الحدود عن خريطة القوب .

في النهاية قد يوحدنا أبناء عمومتنا من يحتلون منا الكثير وأظنكم عرفتموهم أبناء عم أبناء العم سام
وقتها - لا قدر الله - نتوحد على غير مبدأ

للوحدة أبعاد أكثر من صوت يزج صندوق الاقتراع ..
ولك جزيل الشكر .

رأيي وبكل بساطة تنوّع المشارب واختلاف الثقافات والبيئة والتاريخ من الصعب أنو يلتقوا تحت خيمة واحدة فقط بسبب اللغة والدين!!!

بالنسبة ألي أنا أرفض هيك وحدة بشكل مطلق، وبتمنى من هالدول يللي مجتمعين تحت سقف "جامعة" وحدة أنو يهتمّوا شوي بالعلمانية ويجعلوا منها أساس للتشريع وهاد الشي كفيل بأنو يحفظ حق كل مواطن مهما كان انتماؤه أو عرقه أو دينه!

مشكور وطن عالموضوع :D.

اكبر كذبه ....الوحده العربيه ..
انا ماني معها خلينا نعمول وحده اول شي ع صعيد ابناء الوطن الواحد ...

انا ضدي اي منهج من الموجودين ...

أنا مش مع الوحده و ما بشوفها حلم, بشوفها كابوس :lol:

بما أن الموضوع لا يتعدى "اليوتوبيا" و الكاتب قد دعانا إلى مجرد الافتراض، بغض النظر عن إذا ما كنا مع أو ضد، فلماذا لا نمارس قليلا من "الخيال العلمي" و نفترض أن عجلة الزمن قد تقدمت بنا إلى المستقبل و وجدنا أنفسنا ضمن "بلد عربي ضخم"، لا تغيب عنه الشمس (و الله حتى أنا ما بقدر أتخيلها هاي:lol:).
بما أن معلوماتي عن المرشحين هي غير وافية (و أغلب الظن أني لا أنتخب أحدا منهم)، و بما أن الأمر كله لا يتعدى "اطلب و اتمنى"، فأنا أردت أن أسرح بخيالي قليلا، وأتخيل هذه الوحدة "على مقاسي":
وحدة عربية؟ لِم لا؟ ليس على أساس العرق أو الدين، و إنما على أساس المصلحة المشتركة، على غرار الاتحاد الأوروبي. طبعا لتحقيق وحدة كهذه لا بد أن تتوفر لدينا مقومات هذه الوحدة: نظام اقتصادي متكافئ، و على الصعيد السياسي، نظام علماني يكفل لكل شخص حرية اعتقاده ، يكفل له كامل حقوقه، و يلزمه بواجباته.

تحياتي:D

تحية
العديد من الشباب قالولي انو
ما كتير عندن فكرة عن المرشحين رح نزل فكرة صغيري عن كل مرشح
1_الحبيب بو رقيبة قيادي صاحب تجربة ديمقراطية لا بأس بها و دعا في مرحلة من المراحل الى فتح بباب الحوار مع الكيان الصهيوني
2_الاستاذ ميشيل عفلق غني عن التعريف يمثل التيار القومي و هو مؤسس حزب البعث يعني صاحب الفكرة
3_الملك فيصل بن عبد العزيز غني عن التعريف جسد فكرة التضامن العربي في عدة مواقف
4_الشيخ زايد ال نهيان صاحب انجح خطة اقتصادية عربية
5_الرئيس جمال عبد الناصري الذي ينسب له الفكري الناصري و أعجز عن عبر عنه بكلمتين
6_عبد الرحمن سوار الذهب رئيس صومالي صاحب تجربة ديمقراطية صنفت انها ناجحة
7_الشيخ حسن البنا من جماعة الاخوان المسلمين و هو زعيم الحركة
8_عبد الكريم قاسم رئيس وزراء العراق البعض يرى انه يمثل الفكر الشيوعي و البعض يراه يمثل الانتدابي
9_اذا اخترت هذا الاحتمال فعليك ان تطرح بديلا هذا الخيار لا يعني انني ضد فكرة الوحدة هذا الخيار يعني انني أرى لا في هؤلاء شخص يكون كفئا لقيادتي كمواطن عربي الموضوع بأكد مو رأيك بالوحدي عن مين بتفضل يقودك
و دمتم(F)

6_عبد الرحمن سوار الذهب رئيس صومالي صاحب تجربة ديمقراطية صنفت انها ناجحة





عبدالرحمن سوار الذهب رئيس سوداني.

تحية

العديد من الشباب قالولي انو
ما كتير عندن فكرة عن المرشحين رح نزل فكرة صغيري عن كل مرشح

1_الحبيب بو رقيبة قيادي صاحب تجربة ديمقراطية لا بأس بها و دعا في مرحلة من المراحل الى فتح بباب الحوار مع الكيان الصهيوني
2_الاستاذ ميشيل عفلق غني عن التعريف يمثل التيار القومي و هو مؤسس حزب البعث يعني صاحب الفكرة
3_الملك فيصل بن عبد العزيز غني عن التعريف جسد فكرة التضامن العربي في عدة مواقف
4_الشيخ زايد ال نهيان صاحب انجح خطة اقتصادية عربية
5_الرئيس جمال عبد الناصري الذي ينسب له الفكري الناصري و أعجز عن عبر عنه بكلمتين
6_عبد الرحمن سوار الذهب رئيس صومالي صاحب تجربة ديمقراطية صنفت انها ناجحة
7_الشيخ حسن البنا من جماعة الاخوان المسلمين و هو زعيم الحركة
8_عبد الكريم قاسم رئيس وزراء العراق البعض يرى انه يمثل الفكر الشيوعي و البعض يراه يمثل الانتدابي
9_اذا اخترت هذا الاحتمال فعليك ان تطرح بديلا هذا الخيار لا يعني انني ضد فكرة الوحدة هذا الخيار يعني انني أرى لا في هؤلاء شخص يكون كفئا لقيادتي كمواطن عربي الموضوع بأكد مو رأيك بالوحدي عن مين بتفضل يقودك
و دمتم(F)



الغريب انك حاطط أسماء أشخاص كانو بيوم من الأيام يمثلو تيارات معادية للتيار القومي . بغض النظر عن هالحكي انا بشوفهم من خلال تاريخهم انو كانو أشخاص وصوليين استغلو وجدان الشعوب للوصول لأهداف شخصية آنية .

على هامش الموضوع :يقول المفكر الراحل إدوارد سعيد : " امبريالية الغرب وقومية العالم الثالث تتغذى من بعضها بعضا "

ولك شو بنا وما بنا؟؟؟ولك كمان عفلق؟؟؟يعني معظم منتسبي المنتدى ياخوان مسلمين يا بعثيين.......وين الشيوعية الماركسية؟؟

عبدالرحمن سوار الذهب رئيس سوداني.
اسف على الخطأ المطبعي
يعني هني قراب من بعض
بس ما بعرف شلون غلطت

الغريب انك حاطط أسماء أشخاص كانو بيوم من الأيام يمثلو تيارات معادية للتيار القومي . بغض النظر عن هالحكي انا بشوفهم من خلال تاريخهم انو كانو أشخاص وصوليين استغلو وجدان الشعوب للوصول لأهداف شخصية آنية .

على هامش الموضوع :يقول المفكر الراحل إدوارد سعيد : " امبريالية الغرب وقومية العالم الثالث تتغذى من بعضها بعضا "

تحية :D
الشغلي الأولى انو مو أنا حاطط الأسماء
التاني انو هي الشغلي شغلة رأي فانتي ما فيك تحكم بهالأسلوب القاسي هاد على هالأشخاص بعدين ممكن يكونوا هالأشخاص برأيي فئة من الناس هني أقدر شي عالقيادي برأين
و أبسط مثال انو المتصدر حاليا باستفتاء المصدر هوي حسن البنا زعيم الاخوان السابق
و دمتم و دام

النتائج الحالية
ما زالت تشير النتائج الى تقدم حسن البنا
على الأستاذ ميشيل عفلق الى الان
أما عنا النتائج
ما حدا فهم الفكرة
و لا بدو يفهم
:clap:

بغض النظر إنو ما بدي إياها تصير وإنو ما رح تصير بعمرا بس انا رح كمل إفتراض وقول .
لا أرشح أي من هؤلاء في بدائل كتير مهمة
بس بين هيدول بتوقع أقرب شيء للحقيقة ميشيل عفلق
تحياتي الحارة
ظل جيفارا

النتائج الحالية
و للأسف تشير النتائج
الى
المرتبة الأولى يحتلها
فيصل بن علد العزيز 37,46%
الثانية يحتلها حسن البنا 33,91%
الثالثة الناصري 7,82% يا للأسف
الرابعة ميشيل عفلق 4,28% يا للمهزلة
الخامسة زايد
السادسة بورقيبة
السابعة سوار الذهب
الأخير عبد الكريم قاسم

يعني التيارات الديني مسيطرة بالمطلق كم كان متوفع
هزلت يا عرب

النتائج الحالية
و للأسف تشير النتائج
الى
المرتبة الأولى يحتلها
فيصل بن علد العزيز 37,46%
الثانية يحتلها حسن البنا 33,91%
الثالثة الناصري 7,82% يا للأسف
الرابعة ميشيل عفلق 4,28% يا للمهزلة
الخامسة زايد
السادسة بورقيبة
السابعة سوار الذهب
الأخير عبد الكريم قاسم

يعني التيارات الديني مسيطرة بالمطلق كم كان متوفع
هزلت يا عرب


بدي اسألك اللي عم يصوتو مو نفسهن الي كانو عم يصوتو للمسلسلات التركية الشيء الوحيد الي غير عليهم اجا حسن البنا محل يحيى وميشيل عفلق محل مهند . و تف وتفوه وتفيه

هزلت يا عرب
في متابعتي لقناة المستقلة و حواراتها المميزة و المستقلة
اليوم صعقني أحد الأفراد المتصلين
يدعى محمد من لندن
و في خضم حديثه الشيق عن السعودية و الكويت و ريادتها في قيادة شعبها
و عن دناوة و استحقار النظام البعثي و الناصري طيب ماشي بس ليش؟؟؟؟
الجواب و اخخخخخخخخ من الجواب
قال هوي ما بيتخيل انو يكون فيدولة عربية فيها مساوات بين العربي المسلم و العربي الشيعي و العربي النصراني
لك اخخخخخخ
لك اذا هيك فكرك لك رووحح الله يهنيك
لك من وين بدنا .....................
حاج عصبت
و أنا كمان سكرت الباب و طفيت الضو
و بانتظار الأبواب المغلقة لتفتح
و
بلاع يا وطن بلاع

هزلت يا عرب
في متابعتي لقناة المستقلة و حواراتها المميزة و المستقلة
اليوم صعقني أحد الأفراد المتصلين
يدعى محمد من لندن
و في خضم حديثه الشيق عن السعودية و الكويت و ريادتها في قيادة شعبها
و عن دناوة و استحقار النظام البعثي و الناصري طيب ماشي بس ليش؟؟؟؟
الجواب و اخخخخخخخخ من الجواب
قال هوي ما بيتخيل انو يكون فيدولة عربية فيها مساوات بين العربي المسلم و العربي الشيعي و العربي النصراني
لك اخخخخخخ
لك اذا هيك فكرك لك رووحح الله يهنيك
لك من وين بدنا .....................
حاج عصبت
و أنا كمان سكرت الباب و طفيت الضو
و بانتظار الأبواب المغلقة لتفتح
و
بلاع يا وطن بلاع





هزلت اي هزلت وبتقلي حلم عربي يارجل:larg:

والله يا حبيب هيدا الكابوس العربي............

والله يا حبيب هيدا الكابوس العربي............
يعني لهلأ استاذ توم و جيري أنا ما فهمت توجهاتك
طيب اشرحلي يا أستاذ ليش كابوس
و انتي مع مين