الموت الرحيم، رصاصة الرحمة، كل تلك العبارات تدل على امر واحد وهو: انهاء عذاب مريض استحال شفاؤه، وذلك بواسطة اساليب طبية غير مؤلمة
,انقسمت آراء الناس بين مؤيدين ومعارضين، فمنهم من رفض رفضاً تاماً مناقشة المسألة حتى لو كان المريض على فراش الموت ينازع ويحتضر، فيما شجع البعض الآخر على اتخاذ مثل هذا القرار لكونه حسب رأيه، الحل الانسب لوقف عذاب وآلام المريض وبالاخص آلام ذويه.
يفسر الطب الموت الرحيم على انه عملية مساعدة المريض على الانتهاء من عذاباته الاليمة، وبالتالي هي عملية تسريع انهاء حياة مريض وتقصير حالات الالم التي لا امل في الشفاء منها، كذلك مساعدة اهل المريض في تخفيف العذاب الذي يعيشون فيه جراء مشاهدة مريضهم في حالة يرثى لها .
ويتم تطبيق الموت الرحيم في حالات مرضية معينة كحالات الغيبوبة في درجاتها المتقدمة الميئوس من شفائها طبياً حيث تكون أضرار بالغة قد لحقت بالدماغ وتسمى هذه الحالات بالموت السريري , إضافة إلى التهاب الرئة المزمن التي تمنع المريض من التنفس الا من خلال آلات التنفس الصناعي , إضافة إلى أمراض السرطان في مراحلها المتقدمة الميئوس من شفائها , إلى ما هناك من الحالات الصعبة المستعصية لا امل من شفائها طبياً .
اما عن الاساليب المعتمدة لوضع حد لعذاب المريض الميؤوس من حالته فهي: ـ ايقاف عمل الآلة.
ـ تخفيف كمية الاوكسجين.
ـ اعطاء المريض ادوية خاصة على مراحل تؤدي الى توقف عمل القلب.

الموت الرحيم من له الحق في تقرير مصير الانسان ؟
هل الموت الرحيم حالة انسانية أم جريمة قتل متعمدة ؟
ما رأيك بالموت الرحيم ؟

موضوع متشابك و معقّد جدا جدا جدا... و يعني عايشو من الداخل أنا بسبب دراستي و لأني موجود ضمن وسط أكاديمي جدا مهتم بهالقصة.

الموت الرحيم (الإوتاناسيا) مانو ببساطة انو شخص معو مرض نهائي نجي نقتلو و نخلص منو و يخلص من مشكلتو.. انما هو مجموعة تدابير تدريجية تبدأ من العلاج العرضي للألم الشديد بشكل يذهب ادراك المريض لما حوله.. حتى مساعدتو على موتو... بطريقة رحيمة...

هلأ ازا بقول مبدئيا وطج حكي انو أنا مع.. رح يفكروني القرّاء مجرم.. و الشي راجع الى انو بهالموضوع حكى الكل, ما عدا الأطباء

حكو رجال الدين (هدول مش حكو.. هدول صرّخوا)

حكو الفلاسفة

حكو رجال القانون

كل ما سبق يحكي, بدون ما يسمع الطبيب شو بيقول

و طبعا كل السابقين, و الطبيب معهون... مش سائلين عن المريض شو بيقول..

الأمر ببساطة يعود إلى رغبة شخصية من انسان بكامل قواه العقلية بناءا على رأي علمي دقيق و توضيح بامكانيات النجاة من عدمها, و توضيح كامل لكل الاحصائيات الموجودة عن ناس بحالتو شفيو أو لأ...


الإيوتاناسيا مانها مساعدة كل من هب و دب على الانتحار كما يقول الكثيرون من الديماغوجيين اللي ما بيعرفو عن شو عم يحكو.. انما هي خيار علمي بحت.. يأخذ الموت كأمر محتوم...

و على فكرة... بعتقد انو قبل ما اي جهة قانونية تقرر ازاء هالموضوع, لازم يروحو يقعدو عند شي مريض صرلو ينازع أسبوع يمكن, و ما طايق حياتو من الألم.. و كل المؤشرات العلمية تؤدي الى انو رح يموت... ساعتا يمكن وقت يسمعو صراخو و كيف يرفض يشرب الدوا مشان يموت, و كيف يرمي كل شي و ما بدو ياكل... يجوز يشوفو الأمر من منطلق آخر


على الأغلب لي عودة


:D

الموضوع معقد نوعا ما ...
لدرجة انني لا اعرف هل انا مع او ضد...
ولكنني متأكدة من امر واحد وهو انني اذا كنت مكان المريض....
فأفضل ان لا يحسم مصيري بالضغط على زر...
فانا سأنتظر رحمة الله لا رحمة الطبيب والالة.....
وسأفضل الالم على ان اتسبب في الالم لمن اراد ان يرحمني..طبيبي....فهو سيتعرض للمساءلة...
ولكن سمعت في احدى المرات ان الشريعة ترفض هذا....والله اعلم...

ادعو الله ان يبعد عنا الامراض ويعفينا من التعرض لمثل هذا الموقف

انا بشوف إنو الشخص الوحيد المصرح له أن ينهي حياة أي شخص ...هو الشخص نفسه
الموضوع مو بإيد طبيب ولا بإيد ذوي المريض ....قرار الإنسان بالدرجة الاولى هو الاهم لإنو الوحيد اللي رح يتأثر بالقرار بشكل كامل ..
(( هامش : شكرا كتير لياسين على مجموعة المعلومات اللي عطانا إياها ))
تحياتي الحارة
ظل جيفارا

موضوع مهم
انا لفت انتباهي شغلة يمكن ما تكون مظبوطة بس في احد افلام Anthony Hopkinsواللي هو فلم FRACTURE قرر الزوج(أ.هوبكينز) عملية الموت الرحيم لزوجتو فهل هالشي موجود فعلا ومين بقرر؟الدكتور أم ولي الامر للمريض؟؟
علما انو بالفلم اعتبرت فيما بعد جريمة قتل....؟

فسحة .. تطرقت لموضوع صعب أن نفكر به حتى مع أنفسنا رغم ماكنا نسمع

عنه ورغم ماقيل بشأنه والضجة التي احيطت بهذا الموضوع

حتى رد ياس كان يحتاج الى الكثير من العقلانية لنتقبله ... لكن يبقى رأيه

لكن نحن ان واجهنا الامر انسانياً سيكون مريراً جداً وعقلياً لن يكون سهلاً أبداً

أن نقنع أنفسنا بسلب حق الحياة .. وهل نحن سنشرع الموت ؟؟؟

أكيد ضد ......... .

الانسان الوحيد الي ممكن ينعطا اله الحق هوي صاحب العلاقه .. فقط وفقط ...

بالزمنات .. كنت مع الحق المطلق للانسان باعطائه الحق بتحديد نهايته ... حالياً ممكن فكر مليون مره قبل ما قول أي ...

بحالة وحدة بس...لما ناخد موافقة اعز واغلى الناس على يللي بدنا نطلق عليه رصاصة الرحمة

الموت الرحيم (الإوتاناسيا) مانو ببساطة انو شخص معو مرض نهائي نجي نقتلو و نخلص منو و يخلص من مشكلتو.. انما هو مجموعة تدابير تدريجية تبدأ من العلاج العرضي للألم الشديد بشكل يذهب ادراك المريض لما حوله.. حتى مساعدتو على موتو... بطريقة رحيمة...


كل ما سبق يحكي, بدون ما يسمع الطبيب شو بيقول

و طبعا كل السابقين, و الطبيب معهون... مش سائلين عن المريض شو بيقول..

الأمر ببساطة يعود إلى رغبة شخصية من انسان بكامل قواه العقلية بناءا على رأي علمي دقيق و توضيح بامكانيات النجاة من عدمها, و توضيح كامل لكل الاحصائيات الموجودة عن ناس بحالتو شفيو أو لأ...



على الأغلب لي عودة


:D
هلا هون السؤال الي بهمني من وجهة النظر الطبية
بالنسبة للي مأشر عليهن بالاحمر شو المعايير الي بتخلي الطبيب يقرر أنو هاد المريض ممكن أنو يتطبق عليه الموت الرحيم بما انو أنت ذكرت انو ما أي حالة نهائية ممكن يطبق فيها الموت الرحيم.وممكن توضحلنا أكتر شو التدابير المتخذة
تاني شي هل المريض الي بعني من الوجاع اللي عم تحكي عنها قادر يتخذ قرار بهل المصيرية , هل ممكن في حال هاد المريض في حالة موت سريري حدا من أهلو يقرر موتو الرحيم ؟
:D

الموضوع معقد نوعا ما ...
لدرجة انني لا اعرف هل انا مع او ضد...
ولكنني متأكدة من امر واحد وهو انني اذا كنت مكان المريض....
فأفضل ان لا يحسم مصيري بالضغط على زر...
فانا سأنتظر رحمة الله لا رحمة الطبيب والالة.....
وسأفضل الالم على ان اتسبب في الالم لمن اراد ان يرحمني..طبيبي....فهو سيتعرض للمساءلة...
ولكن سمعت في احدى المرات ان الشريعة ترفض هذا....والله اعلم...

ادعو الله ان يبعد عنا الامراض ويعفينا من التعرض لمثل هذا الموقف


كمان لا تنسي في حالات من الموت السريري ممكن تدوم لمدة أعوام وأعوام والموضوع ما بس متعلق بالمريض ومعاناتو كمان متعلق بأهل المريض الي بكونو عايشين بهل الفترة معاناه رهيبة ما عارفينو ميت ولا عايش

كبوس هون خود فكرة عن رأي اعضاء قديمين صرلهن زمان ما فاتو او فوتاتهن قليلة

(////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// %84%D8%B1%D8%AD%D9%8A%D9%85)

الانسان الوحيد الي ممكن ينعطا اله الحق هوي صاحب العلاقه .. فقط وفقط ...

بالزمنات .. كنت مع الحق المطلق للانسان باعطائه الحق بتحديد نهايته ... حالياً ممكن فكر مليون مره قبل ما قول أي ...

بحالة وحدة بس...لما ناخد موافقة اعز واغلى الناس على يللي بدنا نطلق عليه رصاصة الرحمة
في ناحية أنو هاد المريض ممكن يكون (( بسبب حالتو المرضية )) غير قادر على التعبير عن رأيو هون مين بقرر

قلنالك اعز الناس عليه هني بيقررو لانه مستحيل يهون الهم فيه..ازا كان الموت ارحم اله هني بيسخو فيه

كمان لا تنسي في حالات من الموت السريري ممكن تدوم لمدة أعوام وأعوام والموضوع ما بس متعلق بالمريض ومعاناتو كمان متعلق بأهل المريض الي بكونو عايشين بهل الفترة معاناه رهيبة ما عارفينو ميت ولا عايش

لأ عزيزي الموت السرير هو انسان عمليا ميت, دون أي امكانية علمية للعودة, جهازو العصبي ميت و غالبا يكون هناك بعض الوظائف الجسمية متبقية بمساعدة ميكانيكية..

و هون يعني يتفهّم للأهل انو هالشخص ميت, عم يتنفس بس لأنو مركبيلو جهاز تنفس اصطناعي, و ساعتها يقولو الأهل للدكتور انو افصلو (لأنو خلص, ميت)

هاي مانا ايوتاناسيا, هاد أمر طبيعي و موجود بكل دول العالم, و حتى بسوريا و من زمان كمان

لكن لازم يكون واضح شو معنى موت سريري


تحياتي :D

هلا هون السؤال الي بهمني من وجهة النظر الطبية
بالنسبة للي مأشر عليهن بالاحمر شو المعايير الي بتخلي الطبيب يقرر أنو هاد المريض ممكن أنو يتطبق عليه الموت الرحيم بما انو أنت ذكرت انو ما أي حالة نهائية ممكن يطبق فيها الموت الرحيم.وممكن توضحلنا أكتر شو التدابير المتخذة
تاني شي هل المريض الي بعني من الوجاع اللي عم تحكي عنها قادر يتخذ قرار بهل المصيرية , هل ممكن في حال هاد المريض في حالة موت سريري حدا من أهلو يقرر موتو الرحيم ؟
:D



أول شي صديقي مش الطبيب اللي يقرر هالشي, و لا حتى يوحي بهالشي مجرد ايحاء.

الطبيب ملزم على انو يعطي دائما معلومات دقيقة قدر الامكان عن حالة المريض, و احصائيات عن تطور حالتو. يعني تخيل اعطيك مثال:

مريض سرطان رئة حالة 4 M2N4T2 (لا حدا يدقق عالأرقام خصوصي ازا في طبيب هون لأنو عم اشلفهون شلف):

الدكتور يقلو انو احصائيا الناس اللي بحالتك.. ستين بالمية منهون بدون أي دوا عاشو, و لنفرض 6 شهور (هون في قاعدة بيانات احصائية عالمية دقيقة جدا يتم الأخذ بها).. نحنا نعرض عليك العلاج الكيمياوي الفلاني أو العلاج الجراحي أو أو أو.. اللي هو, و هالعلاج, الناس اللي بنفس حالتك و أخدوه, ارتفع معدل استمرار الحياة إلى 3 سنوات (برجع و بقول أرقام للمثال فقط).

هون بئا بعتقد لازم ترجع للمريض يقرر انو يا ترى توفّي معي اتشنطط و اتشرشح فترة العلاج الكيماوي (اللي هي فترة صعبة جدا الله لا يمرّقها على حدا) و اتحمل كل المضاعفات.. مشان أعيش بالكتير 3 سنين عذاب؟ لأ خيو عطوني علاج Paliativo (اسم بالاسباني و بتوقع بالانكليزي شي مشابه) مشان اتحمّل الألم و خليني عيش هالست شهور بأمان الله و أمور ببيتي و بين أهلي و ما أقضي آخر أيامي متشنطط بهالمستشفيات.

هاي الحالة الكلاسيكية.. مش حالة الأبرة القاتلة...

قانونيا, بأغلب دول العالم, يفترض انو الطبيب يرفض يتعامل معو إلا بما يعني استنزاف كل الفرص العلاجية و اعطاءو أكبر نسبة حياة ممكنة (يعني ازا احصائيا أكبر اجراء بيخليه يعيش 3 سنين, يا أما يقبل فيه يا أما مالو شغل معي يروح لعند غيري).. و هون عادة يتدخلو رجال الدين جدا... انو لازم الواحد يحاول كل ما بوسعه مشان يعيش لأنو الحياة هبة من عند الله و كل هالحكي...

يبقى هون الرد على رجال الدين سهل... لأنو صفاقتهون غالبا تكون واضحة جدا, يكفي تقلو عيني عمو الشيخ أو عمو الخوري... ازا موجود علاج يعيشو 3 سنين فهاد أكيد مو بفضلكون... لأنو لو لساتكون حاكمين هالدنيي كان الطب ما تطوّر بفرنك.. فلا تقسمو ع ربنا شرفيات

فلذلك نجي ع انو الحالة الكلاسيكية هي انو يتفق مع المريض انو ما نستمر بالعلاج, و نساعدك على تحمّل الآلام و نساعدك على انو تقضي أخر أيامك مرتاح بين اهلك


تجي الحالات الاستعراضية تبع الأبرة المميتة, هاي تجي وقت في مرض نهائي, يجوز مانو قاتل على المدى المنظور.. لكن لا علاج منو (متل حالة رامون سان بيدرو.. اللي كان مصاب بشلل كامل و ما بدو يعيش هيك).. فهاي برأيي أصعب الحالات.. و أكيد الحل تبعها مانو انو تعيش لأنو بدك تعيش و انتهينا... لأنو بتظل هاي حياتو


بعتقد انو هالشخص لازم ينعمللو دراسة نفسية كاملة, و يتلقى كل دعم نفسي ممكن, و تنفتحلو كل الأبواب و التسهيلات اللازمة مشان تنفتح أمامو آفاق جديدة بالحياة.. انو يقدر يكون نشيط و يحس حالو نافع بشيء ما...

بعد كل هدول.. ازا لسى بدو يموت... فيعني ما بعرف... بعتقد بتظل حياتو...


عذرا للاطالة :D

بشر الحكي حلو

انا لح احكي من وجهة نظر القانون (( قانون العقوبات السوري ))
في مادة خاصة بالقتل بدافع الشفقة (( الموت الرحيم ))
في حاليتن

الحالة الأول : عندما يصاب المريض بمرض عضال لا شفاء له و يطلب من احد وضع حد لحياته
فيقدم هذا الشخص على قتله اشفاقا عليه و تخليصا من عذابه

و لكن الحالة التانية القتل بدافع الشفقة يمتد إلى أكثر من ذلك
لأنه قد يقع دون رضاء المريض كما هو الأمر مع (( المعتوهين و المشوهين و العجزة و ذوي الاحتياجات الخاصة ...))
لكن بهذه الحالة لا يتحقق فيها رضاء المجني عليه لعدم الأهلية القانونية لدى الضحية
- هون في اختلاف انو القتل عما يصير دون رضاء المجني عليه بس بدافع الشفقة بينما الحالة الأولى المجني عليه عما يطلب الموت -


المادة 538 من قانون العقوبات عدت هذا القتل جريمة يعاقب عليه القانون لكن بعقوبة أخف من عقوبة القتل القصد


. المادة 538 يعاقب بالاعتقال عشر سنوات على الأكثر من قتل انساناً قصداً بعامل الاشفاق بناء على إلحاحه بالطلب

اهم نقطة بالمادة اخر كلمتين إلحاحه بالطلب


:D

أنا شفت فيلم بيحكي عن الموت الرحيم
انو المريض طلب من المسعف انو يقتلو ع اساس انو يرتاح من العذاب اللي عم يعيشو ويخفف ع عيلتو اللي ماقدرت تشوف مريضا يتعزب كل هالقد

انو انا بنظري يتركوها لله لا موت رحيم ولا هم يحزنون الله هيك كاتبلو

لمادة 538 من قانون العقوبات عدت هذا القتل جريمة يعاقب عليه القانون لكن بعقوبة أخف من عقوبة القتل القصد

ليش ليعاقبو واحد نفذ رغبة المريض؟

اذا المريض هيك بدو ... بيريد ينهي حياتو وما يعيش بعذاب واجا الطبيب نفذ هالشي ... شو ذنب الطبيب ؟!

الموت الرحيم... برايي ما بكون موت رحيم الا لما بكون هدا قرار المريض ذات نفسو ..مع اني مو مع هل الشي بس بكون هدا قرارو.. لانو بالنهاية هو الشخص اللي بكون عم يتعذب و يعاني مو العكس.. (متل ما قال ياس.. المفروض انو يتم اقناعو و دعمو نفسيا و انو يتم تحسيسو بأنو هو وجودو مهم وووو الخ,, بس اذا المريض ضل ع رايو فــ بالنهاية بضل حياتو و هو حر فيها لانو متل ما قلت هو اللي عم يتعذب و ما حدا بيقدر يحس فيه)

اما لنفرض انو انا كنت بدي اخد هل القرار عن هل المريض و رضيت بانو يتم قتلو منشان ريحو,
فبعتبر حالي اني عم ارتكب جريمة قتل.. لانو لنفرض انو ولو واحد بالمية هل المريض تم شفاءه يا ترى ما بكون
انا رتكبت خطأ كبير بأتخاذي هادة القرار..؟؟
فانو انا مو ممكن ولا بأي شكل من الاشكال اني ارضى بهيك شي.. و بتمسك بآخر امل عندي ولو كان بنسبة
%1..

:D

الموت الرحيم... برايي ما بكون موت رحيم الا لما بكون هدا قرار المريض ذات نفسو ..مع اني مو مع هل الشي بس بكون هدا قرارو.. لانو بالنهاية هو الشخص اللي بكون عم يتعذب و يعاني مو العكس.. (متل ما قال ياس.. المفروض انو يتم اقناعو و دعمو نفسيا و انو يتم تحسيسو بأنو هو وجودو مهم وووو الخ,, بس اذا المريض ضل ع رايو فــ بالنهاية بضل حياتو و هو حر فيها لانو متل ما قلت هو اللي عم يتعذب و ما حدا بيقدر يحس فيه)

اما لنفرض انو انا كنت بدي اخد هل القرار عن هل المريض و رضيت بانو يتم قتلو منشان ريحو,
فبعتبر حالي اني عم ارتكب جريمة قتل.. لانو لنفرض انو ولو واحد بالمية هل المريض تم شفاءه يا ترى ما بكون
انا رتكبت خطأ كبير بأتخاذي هادة القرار..؟؟
فانو انا مو ممكن ولا بأي شكل من الاشكال اني ارضى بهيك شي.. و بتمسك بآخر امل عندي ولو كان بنسبة
%1..

:D

بالنسبة للكلام بالأحمر.. هاد شرط من دونو ما بينحكى حتى بالموضوع.. ازا مو قرارو الحر و المسؤول بعد انتهاء جميع وسائل التأكد انو بكامل قدراتو العقلية و ملكاتو النفسية, فهاد اسمو جريمة


ما حدا فينو يتخذ قرار باسم المريض, و لا حتى أقرب اهلو.. الشغلة ذاتية فقط و فقط...


:D

ليش ليعاقبو واحد نفذ رغبة المريض؟

اذا المريض هيك بدو ... بيريد ينهي حياتو وما يعيش بعذاب واجا الطبيب نفذ هالشي ... شو ذنب الطبيب ؟!


اي ام الريم
اول شي في عنا مبدأ عام بخصوص جرائم الدم رضاء المجني عليه (( رضاء المجني عليه : يعني قبول الضحية ان يقع عليه فعل اجرامي -- كضربه أو جرحه أو قتله -- )) لا يبرر الجرم في جرائم الدم * و لا يعتد به
و أثره فقط على تخفيف العقوبة و هون منشوف انو المبدأ مطبق لأنو قتل انسان قصد من 10 - 20 سنة
بينما بالقتل الرحيم العقوبة 10 سنوات على الاكثر


لأنو بيضل في عنا جرم قتل و الدافع الى القتل ما بيغير الوصف الجرمي لفعل ازهاق روح انسان
و ان كان واقعا تحت طلب المجني عليه

هلق كل الشرائع السماوية و المذاهب الاشتراكية لا تجيز للفرد التصرف بحياة غيره لاعتبارها من صنع الله

و تبني هالفكرة منشوف انو القانون ما بيعاقب على الانتحار او المحاولة على الانتحار بينما
بيعاقب على التحريض و المساعدة على الانتحار حسب المادة 539 يلي بتنص

المادة 539 1 ـ من حمل انساناً بأية
وسيلة كانت على الانتحار أو ساعده بطريقة من الطرق المذكورة في المادة
218 الفقرات (أ، ب، د) على قتل نفسه، عوقب بالاعتقال عشر سنوات على
الأكثر إذا تم الانتحار.
2 ـ وعوقب بالحبس من ثلاثة أشهر إلى سنتين في حالة الشروع في الانتحار إذا نجم عن ايذاء أو عجز دائم.
3 ـ وإذا كان الشخص المحمول أو المساعد على الاتجار حدثاً دون الخامسة عشرة من عمره أو معتوهاً طبقت عقوبات التحريض على القتل أو التدخل فيه

______________________
جرائم الدم هون 3 حالات :
1- القتل بدافع الشفقة
2- الانتحار
3- المبارزة

و تبني هالفكرة منشوف انو القانون ما بيعاقب على الانتحار او المحاولة على الانتحار بينما

اسفه رح اطلع شوي عن الموضوع ..بس هالحكي بس بسوريا او بمعظم الدول؟ لانو حسب ما اذكر انو بالاردن القانون بيعاقب عالانتحار .. وشبه متأكده من معلومتي ...

اسفه رح اطلع شوي عن الموضوع ..بس هالحكي بس بسوريا او بمعظم الدول؟ لانو حسب ما اذكر انو بالاردن القانون بيعاقب عالانتحار .. وشبه متأكده من معلومتي ...

كيف القانون بدو يعاقب على الانتحار ؟

اسفه رح اطلع شوي عن الموضوع ..بس هالحكي بس بسوريا او بمعظم الدول؟ لانو حسب ما اذكر انو بالاردن القانون بيعاقب عالانتحار .. وشبه متأكده من معلومتي ...

ام الريم انا عما احكي عن سوريا مشان الاردن بسئلك و بردلك خبر


يعاقب على الانتحار ؟
في يعاقب على الشروع بالانتحا
ر (( يعني واحد انتحر مامشي الحال معو فات على المشفى كم يوم بيطلع على الحبس بيكملو على نفسيتو هنيك ))

في يعاقب على الشروع بالانتحا
ر (( يعني واحد انتحر مامشي الحال معو فات على المشفى كم يوم بيطلع على الحبس بيكملو على نفسيتو هنيك ))

تماماً ... قال لانو في حق عام للدوله .. والروح البشريه مش ملك لصاحبها ...

تماماً ... قال لانو في حق عام للدوله .. والروح البشريه مش ملك لصاحبها ...
كيف الروح ما ملك لصاحبها لكن ملك لمين للدولة؟!
بعدين شو دخل الرأي العام فيني اذا بدي انتحر ولا لأ . فوق الموت عصة قبر