خبر اليوم, بل خبر العام, رغم كونه متوقعا جدا نظرا للاستطلاعات و الاستبيانات المكثّفة التي جرت في الأسابيع الأخيرة, يملأ افتتاحيات نشرات الأخبار, و عناوين الصحف..

أوباما رئيسا للولايات المتحدة الأميركية..

لا شك أن وصول شخص كأوباما إلى رئاسة الولايات المتحدة هو شيء, مثير للاهتمام على أقل تقدير, و أعتقد أنه لم يمكن أن يكون ممكنا منذ عامين, بل و هناك من يقول, منذ شهور. فهو يمثّل عكس ما هو موجود تماما على الصعيدين الداخلي و الخارجي, و عدا عن ذلك, و رغم عدم اهتمامي الشخصي بذلك, فإنني لا أستطيع ألا أذكر أن أصوله و نشأته ليستا المعتادتين لنزيل البيت الأبيض.

يوجد متّسع كبير نوعا ما من الوقت, حتى استلام السلطة فعليا في الثلث الأخير من شهر كانون الثاني العام المقبل, و حتى تسليم الحقائب و تعيين المسؤولين الذين يملك صلاحية تعيينهم, كي تتضح الأمور بعض الشيء, فالآن من المتهوّر جدا محاولة توقّع ما يمكن أن يحدث.

أعتقد أنه أمام أوباما مهمة ليست سهلة بتاتا, و هناك صعوبات كثيرة تعترض طريقه, بعضها خارجي الأصل, لكن هناك جزء هام جدا نابع من الطريقة التي وصل فيها إلى رئاسة الولايات المتحدة الأميركية.

الصعوبة الأولى التي عليه الوقوف بوجهها, هي الأزمة الاقتصادية الخانقة, الناتجة عن مزيج من الوحشية الرأسمالية و سوء التصرّف الحكومي, إنه أمام معضلة كبيرة جدا يمكن أن تكون منعطفا تاريخيا شبيها بأزمة بدايات القرن الماضي, و التي نشأت عنها متغيرات دولية شديدة جدا لم تنته إلا بحرب عالمية. قد لا نواجه خطر حرب عالمية من الطراز القديم, كونها طريقة لحل الأمور قد تم استبدالها, لكن لا شك أنه يستلم مسؤولية لا يحسد عليها بقيادة الدولة في هكذا ظروف.

الأزمة الاقتصادية, الآنفة الذكر, أعتقد أنها الصعوبة الأهم, و بالتالي هي التي سوف تستحوذ على كم هائل من مجهود ادارته, و هنا تبدأ مشاكله التي تنبع من فلسفة "ظاهرة أوباما"..

باراك أوباما وصل إلى البيت الأبيض عن طريق الاستفادة من أصوات شرائح اجتماعية مهمشة سياسيا, أو غير مهتمة سياسيا, و حرّك طبقات شعبيه ضخمة لم تكن لتقضي الساعات الطوال للتصويت لو لم يكن هناك عامل تحريك نفسي كبير جدا... ألا و هو الأمل. فخطاباته النارية, و وعوده الثورية (ثورية بالنسبة للخطاب السياسي الأمريكي الداخلي) دغدغت الرغبة بالتغيير لدى قطاعات شعبية ضخمة, تعاني من التجاهل من قبل النظام السياسو- اقتصادي الأمريكي الحالي.

هذا الأمل نفسه, هذه الرغبة بالتغيير ذاتها, التي أوصلته إلى البيت الأبيض, قد تكون من ألد أعدائه, فهو الآن يمثّل رغبة عليه تحويلها إلى واقع في فترة صعبة جدا, أو على الأقل إعطاء إسقاطات واقعية ملموسة لهذه الرغبة خلال فترة وجيزة, و إلا فإن هذا الأمل و "الثورية" الذي كان حليفه, قد يتحوّل إلى عدو لدود.. و تكون النتيجة عودة شخص كجورج بوش أو أسوء حتى, بعد أربع أعوام, فخيبة الأمل الشعبية دائما, و في كل الشعوب, تتجسد في السفر نحو النقيض لما هو موجود.

أما بما يخص السياسة الخارجية, فأعتقد أنها لن تكون أولوية بأي شكل من الأشكال لدى الإدارة الجديدة, غالبا ستكون التهدئة و المهادنة و تأجيل العوالق هي السمة الغالبة, بغية التفرّغ للشؤون الداخلية الهامة, و لذلك أرى من الخطأ أن تتأمل أي دولة لها قضايا عالقة مع الولايات المتحدة بشكل مباشر أو غير مباشر, حلولا جذرية أو اهتماما بحل هذه القضايا, بل سيكون هناك مجهود للتنويم و التأجيل.

كل هذا الكلام لا يعني التقليل من أهمية التغيير الذي يبدأ بالتجسّد على أرض الواقع, فالعارفون بالتركيبة السياسية و الاجتماعية للشعب الأميركي يؤكدون أن ما جرى ليس قليلا, و له قراءات إستراتيجية يجب أن تؤخذ بعين الاعتبار و تُدرس بشكل ملائم. لكن أعتقد أن من يجب أن يتأمل أشياءا ملموسة على المدى المنظور, ليس نحن, إنما الشرائح الاجتماعية الأميركية التي صوتت له, و التي يواجه التحدي الكبير المتمثل بعدم تخييب أملها, فنحن لسنا ناخبيه, رغم أننا ننسى ذلك أحيانا.

و ختاما, لا أستطيع تجاهل إعجابي, رغم كل شيء, بالرغبة التغييرية و الأمل الذي استطعنا رؤيته في وجود الكثيرين من الذين كانوا حتى يوم أمس.. مهمشين في وطنهم.. عسى أن تكون بداية موفقة, لكي يحتذى بذلك في جميع أقطار الأرض...


و ليس سهلا... ذلك




Yass

على الصعيد الداخلي اي بالنسبة للولايات المتحدة ..يمكن اوباما تغيير حقيقي
وبيعكس نزعة قوية للتغيير عندون
بس ع الاصعدة الاخرى
شو صار يعني ؟؟
زهر اللوز
واستوت الشمس تحت الاكيدنيا ..!!!!.
شو صار ؟؟
كلها يومين تلاتة ومنخلص من الحدث العظيم وتبعياته
ومنرجع لكوارثنا اليومية
ما بعرف ... يا ريت المتفائلين بحدوث تغير ما بسياسة العالم بعد الانخابات العظيمة
يعطوني شي من شان اتفائل فيه

على الصعيد الداخلي اي بالنسبة للولايات المتحدة ..يمكن اوباما تغيير حقيقي
وبيعكس نزعة قوية للتغيير عندون
بس ع الاصعدة الاخرى
شو صار يعني ؟؟
زهر اللوز
واستوت الشمس تحت الاكيدنيا ..!!!!.
شو صار ؟؟
كلها يومين تلاتة ومنخلص من الحدث العظيم وتبعياته
ومنرجع لكوارثنا اليومية
ما بعرف ... يا ريت المتفائلين بحدوث تغير ما بسياسة العالم بعد الانخابات العظيمة
يعطوني شي من شان اتفائل فيه


تماما... هاد قصدي...

لكن مع ذلك, جد ما بيسوئني الناس تتأمل و تتفاءل, بالعكس..

أنا ما بخاف من الأمل... بالعكس بحبو و جدا... بس بخاف من خيبة الأمل...


تحيتي :D

بصراحة انا ما الي كتير بالسياسة,,,
بس اليوم من اول ما فقت وانا عم فكر باوباما وانو شو رح تكون الاحداث التابعة لفوزو بالانتخابات\
مقالتك ياس اختصرت كتير من الامور يللي كنت عم فكر فيها
بس هلق في نقطتين مبهمتين وما في شي ممكن يوضحهن اكتر من التاريخ,,,
هل اوباما رح يكون بالنسبة النا احسن من يللي قبلو؟
هل اوباما رح يكون بالنسبة للمهمشين في امريكا الامل في التغيير؟
هل اوباما رح يقدر يطلع من هالازمة يللي مو سهل بنوب انو تطلع امريكا منها
هل فوز اوباما بهالظروف رح يكون شي لصالحو ام انو رح يكون نقطة سلبية بالنسبة الو

كل الامور هاي رح تتوضح مع مرور الزمن وبتمنى انو ما تكون مرحلة سودا متل كل المراحل يللي قبلا

يا خسارة ... كان بدي ماكين يفوز لانو ماكين كان رح يكمل تدمير الولايات المتحدة وإفلاسها اللي بدأه بوش و بالتالي قريبا كنا منخلص من شي اسمو دولة عظمى و قطب وحيد اسمو اميركا ( ما بعرف ليش كان عندي هيك امل :p ) , أما نجاح أوباما فيعني انتعاش الاقتصاد الأمريكي و تعافيه و بعدين بيجي رئيس جديد و بترجع القصة منل بوش بعد كلينتون ... يعني ما تغير شي ...

هل اوباما رح يكون بالنسبة النا احسن من يللي قبلو؟

هاد منتركو للوقت... لكن بعتقد انو حتى لو كان عندو رغبة بانو يغيّر شي تجاهنا... فمجال مناورتو ضيق جدا.. لكن على كل حال بتوقّع رح يكون في تهدئة بسيطة و مستقرّة نوعا ما بالمنطقة, لأنو ماعندو خطاب حربي (مبدئيا) بالاضافة لعامل آخر, و هو الأهم, و هو انو اقتصاد أميركا ما بيتحمل زيادة انفاق حربي دولار واحد...

هل اوباما رح يكون بالنسبة للمهمشين في امريكا الامل في التغيير؟

هو حاليا الأمل.. و عندو مهمة صعبة جدا و هيي منع خيبة الأمل...
بعتقد رح يشتغللهون, عندو فرصة منيحة ليشتغللهون

هل اوباما رح يقدر يطلع من هالازمة يللي مو سهل بنوب انو تطلع امريكا منها

تطليعة أميركا من هالأزمة مش بايدو فقط, انما في عوامل كثيرة و مراكز قوى عديدة "مافوق السياسية" هو مانو قادر يسيطر عليها, و مجبور يتعايش معاها.. فحسب علاقتو فيها رح نعرف هالشي

هل فوز اوباما بهالظروف رح يكون شي لصالحو ام انو رح يكون نقطة سلبية بالنسبة الو

بعتقد بغير هالظروف مستحيل شخص مثلو يربح انتخابات رئاسة بأميركا, فلذلك نظرية انو لو طالع بظرف أحسن كان يقدر يعمل شغلات أكتر ما كتير فايتة مخي, لأنو بعتقد انو لو الوضع الاقتصادي (و بالتالي الاجتماعي) بأميركا أحسن من هلأ, كان ما وصل حتى لمرشح... كان طلعت هيلاري و يجوز ربحت...




سلامات:D

يا خسارة ... كان بدي ماكين يفوز لانو ماكين كان رح يكمل تدمير الولايات المتحدة وإفلاسها اللي بدأه بوش و بالتالي قريبا كنا منخلص من شي اسمو دولة عظمى و قطب وحيد اسمو اميركا ( ما بعرف ليش كان عندي هيك امل :p ) , أما نجاح أوباما فيعني انتعاش الاقتصاد الأمريكي و تعافيه و بعدين بيجي رئيس جديد و بترجع القصة منل بوش بعد كلينتون ... يعني ما تغير شي ...

هاد كلام مزبوط لو ما مصير العالم كلو و للأسف مرتبط بمصير أميركا...

يجوز هلأ سياسيا و اقتصاديا منيح لو تاكل كم ضربة ع راسا... لكن انهيارها ممكن يكون الو نتائج وخيمة جدا.. لسبب بسيط انو مافي نظام عالمي بديل! يعني منعرف انو هالنظام العالمي سيء جدا.. لكن مافي غيرو, على الأقل... الحل لازم يكون بتغييرو بشكل مدروس..

نظرية الفوضى الخلاّقة أحيانا تزبط على نطاق ضيق, لكن صعب تكون مزبوطة لما عم نحكي عن نظام عالمي


تحية:D

أنا بعرف انو أبيض ولا أسود ولا أخضر أو أحمر ، كلّوا نفس الشي ، الرئيس الأمريكي هو ذاتو من لما صار شي اسمو ولايات متحدة أمريكية ، في شي تحت الطاولة هو الي بدير سياسة أمريكا الداخلية أو الخارجية ، وأوباما هو اللعبة الي ماسكينها الشباب ، إذا بيطلع عن المسار اللي راسمينلو اياه ، بيصير فيه متل كيندي .
اخخخخخ يا عيني على الديمقراطية ، أحسن شي اتسمع على زياد وبلا ولا شي .

أنا بعرف انو أبيض ولا أسود ولا أخضر أو أحمر ، كلّوا نفس الشي ، الرئيس الأمريكي هو ذاتو من لما صار شي اسمو ولايات متحدة أمريكية ، في شي تحت الطاولة هو الي بدير سياسة أمريكا الداخلية أو الخارجية ، وأوباما هو اللعبة الي ماسكينها الشباب ، إذا بيطلع عن المسار اللي راسمينلو اياه ، بيصير فيه متل كيندي .
اخخخخخ يا عيني على الديمقراطية ، أحسن شي اتسمع على زياد وبلا ولا شي .

مش تحت الطاولة, انما فوق الأساطيح :lol:

على كل الديمقراطية بتظل فلسفة حياة أكبر بكتير من سياسة دولة

باراك أوباما وصل إلى البيت الأبيض عن طريق الاستفادة من أصوات شرائح اجتماعية مهمشة سياسيا, أو غير مهتمة سياسيا, و حرّك طبقات شعبيه ضخمة لم تكن لتقضي الساعات الطوال للتصويت لو لم يكن هناك عامل تحريك نفسي كبير جدا... ألا و هو الأمل. فخطاباته النارية, و وعوده الثورية (ثورية بالنسبة للخطاب السياسي الأمريكي الداخلي) دغدغت الرغبة بالتغيير لدى قطاعات شعبية ضخمة, تعاني من التجاهل من قبل النظام السياسو- اقتصادي الأمريكي الحالي.


مو نفس الحكي الي حكاه بوشت الابن والي قبلو والي قبلو ، طيب بعد فترة من هي الرئاسة( المباركة ) ، والزلمي ما فيه عمل اي تغيير ولو طفيف ، شو ممكن تعمل هي الشرائح من الشعب ، لك نحنا ليش لنوجع راسنا فيهن - شعب مابيعرف اسرائيل شو هي ، أو استراليا وين بتصير ، وإذا بتقلو شو بتعرف عن شي اسمو عربي بيقلك مسلم وارهابي .

حياتنا سياسيا .. اجتماعيا .. لك حتى ثقافيا
مليانة خيبات
صار الامل احيانا مرادف لخيبة الامل
انا لما عم احكي عم احكي كمواطنة عربية تعيش باسوا منطقة عربية
صار بدي اعرف شو يعني امل ؟؟ اني احلم بعيد عن الواقع ؟؟
هيدا صار اسمو وهم
انو ابني شي على اساس الواقع ؟؟
الواقع تعيس
اكيد بيبقى الحلم والسعي للحلم .. لحد الان ما قدرو يسرقو احلامنا
علنا لسا منقدر نحمي احلامنا
بس بهنيك على التفاؤل .. لازمنا جرعات منو احيانا

حياتنا سياسيا .. اجتماعيا .. لك حتى ثقافيا
مليانة خيبات
صار الامل احيانا مرادف لخيبة الامل
انا لما عم احكي عم احكي كمواطنة عربية تعيش باسوا منطقة عربية
صار بدي اعرف شو يعني امل ؟؟ اني احلم بعيد عن الواقع ؟؟
هيدا صار اسمو وهم
انو ابني شي على اساس الواقع ؟؟
الواقع تعيس
اكيد بيبقى الحلم والسعي للحلم .. لحد الان ما قدرو يسرقو احلامنا
علنا لسا منقدر نحمي احلامنا
بس بهنيك على التفاؤل .. لازمنا جرعات منو احيانا

لأ لأ انا ماني متفائل (بعتقد ما كتير وصلت فكرة مداخلتي).. بالعكس عم قول للناس لا تطيرو بالعالي مشان الوقعة ما تكون مؤلمة.. عم قلهون هاد الزلمة ازا مجبور بحدا, فهو مجبور باللي صوّتولو.. مانو مجبور فيكون

انو هو طالب فرصة لحتى يبرهن انو رح يحل عن ربنا... فانو نعطيه هالفرصة, بس بدون بناء قصور من الرمال

بعتقد انو من المحزن نتفائل ع جية رئيس دولة تبعد عنا آلاف الكيلومترات...

بعدين ليش نطالبو بشي.. ما منسترجي نطالب فيه حكامنا العرب؟ الأميركان بيدعسو ع رقابنا مشان مصلحتون؟ ليش شو بيعملو الحكام العرب؟

هيك صار الحكي واضح اكيد ...

اخخخخخخ بس بدك مين يفهم :D

مات الملك وعاش الملك وكلو اضرب من بعضو شو رح يختلف عن البوشت على قولة ابوريتا

هو حاليا الأمل.. و عندو مهمة صعبة جدا و هيي منع خيبة الأمل...
بعتقد رح يشتغللهون, عندو فرصة منيحة ليشتغللهون

هلق السؤال يللي بطرح نفسو؟؟؟
الشعب الامريكي وهديك الفئات على وجه التحديد شو بإمكانهم يعملوا فيما لو انو اوباما ما كان عند حسن ظنهم ونسيهم وكانهم ما كانوا؟؟؟؟

يعني رح يفرقوا عن الشعوب العربية؟

فوز اوباما هو فوز رمزي كبير .. يعني ابوه كان مهاجر لاميركا و اليوم هو الرئيس !!


سياسة الديمقراطيين على الارض ما رح تختلف كثير عن الجمهوريين ....


هو قال رح ينحسب من العراق .... بس الظروف ما رح تساعدو :lol:

هلق السؤال يللي بطرح نفسو؟؟؟
الشعب الامريكي وهديك الفئات على وجه التحديد شو بإمكانهم يعملوا فيما لو انو اوباما ما كان عند حسن ظنهم ونسيهم وكانهم ما كانوا؟؟؟؟

يعني رح يفرقوا عن الشعوب العربية؟

شو بامكانهم يعملو؟ ببساطة ما يرجعو يصوتو مرة تانية, و يروح الحزب الديمقراطي بخبر كان.. و يجي شوارزينغر رئيس ع أميركا :gem: (الحمد لله مافينو لأنو ما ولدان هنيك... بس نبعتلو مجلس الشعب تبعنا يعدللو الدستور:lol:.. ولو.. كلو لعيون تيرميناتور)

فوز اوباما هو فوز رمزي كبير .. يعني ابوه كان مهاجر لاميركا و اليوم هو الرئيس !!


سياسة الديمقراطيين على الارض ما رح تختلف كثير عن الجمهوريين ....


هو قال رح ينحسب من العراق .... بس الظروف ما رح تساعدو :lol:


صح أنا معك برمزية الفوز, و قلت انو أنا معجب بما يمثّل أوباما.. أي التغلّب على الحواجز العرقية و الأمل و كل هالأمور.. ما يمثّل, مش هو..

هو لسى لازم يثبت.. و ما كتير متأمل انو يطلع بايدو يثبت كتير


بالنسبة للانسحاب من العراق, يعني بعتقد كلامو حق يراد به باطل.. لأنو بتخيّل انو هلأ لو أميركا بتقول بكرا طالعين من العراق... كل دول الجوار رح تعترض و من ضمنها سوريا.. انو وين رايحين و تاركيلنا هالمصيبة؟

ما بعرف... الزمن كفيل باثبات شو طالع منو


تحياتي ابن العم :D

شو بامكانهم يعملو؟ ببساطة ما يرجعو يصوتو مرة تانية, و يروح الحزب الديمقراطي بخبر كان.. و يجي شوارزينغر رئيس ع أميركا :gem: (الحمد لله مافينو لأنو ما ولدان هنيك... بس نبعتلو مجلس الشعب تبعنا يعدللو الدستور:lol:.. ولو.. كلو لعيون تيرميناتور)
هاي مفروغ منها بس انا بقصد خلال فترة رئاستو

هاي مفروغ منها بس انا بقصد خلال فترة رئاستو

خلال فترة رئاستو؟؟ يلعنو أبوه ع أبو اللي بدو يرجع يصوتلو..

غير هيك مافي :lol:

لسا بذكر أيام الانتخابات الماضية والمنافسة بين بوش وآل غور(مو هيك) كان أبي وجدي يدعولو لبوش وفاز بوش وهلق راح بوش ومات جدي وضليت انا وابي ماشيين بهالسرداب وعم ندعيلو لأوباما وفاز أوباما ورح يجي أحفادنا يكملو المسيرة من بعدنا.

بالنسبة لشعارو تبع التغيير خايف يطلع متل تبع التحديث والتطوير :lol: . هلا داخليا بتوقع رح يغير , أما خارجيا اذا ما صار في ظروف تستدعي التغيير ما بتوقع.
ويلي متلنا ناطر منو تغيير : من إتكل على ذاد غيره طال جوعه.

ويلي عم يراهن عليه بسبب اصوله العرقية أو المسلمة : قالولو للبغل مين أبوك قال الحصان خالي وفهمكن كفاية

لسا بذكر أيام الانتخابات الماضية والمنافسة بين بوش وآل غور(مو هيك) كان أبي وجدي يدعولو لبوش وفاز بوش وهلق راح بوش ومات جدي وضليت انا وابي ماشيين بهالسرداب وعم ندعيلو لأوباما وفاز أوباما ورح يجي أحفادنا يكملو المسيرة من بعدنا.

بالنسبة لشعارو تبع التغيير خايف يطلع متل تبع التحديث والتطوير :lol: . هلا داخليا بتوقع رح يغير , أما خارجيا اذا ما صار في ظروف تستدعي التغيير ما بتوقع.
ويلي متلنا ناطر منو تغيير : من إتكل على ذاد غيره طال جوعه.

رؤساء أميركا كلهم بلا استثناء يشتركون بصفة وحدة: نترحم عاللي قبلو, و نترجّى جيّة اللي بعدو...

و تستمر السلسلة

والله مافيهن واحد منيح للعرب كلون متل بعضون بوكرة بنقول وينك يا بوش ترجع عالبيت الأبيض

والله مافيهن واحد منيح للعرب كلون متل بعضون بوكرة بنقول وينك يا بوش ترجع عالبيت الأبيض

أنا ما بنطر من رئيس أميركي يكون منيح للعرب... يمكن بنطر منو يكون شوي حقاني, لكن ما بيطلعلي اطلب منو يكون منيح للعرب.. لأنو العرب مو مناح, حتى ع حالهون


:D

أنا ما بنطر من رئيس أميركي يكون منيح للعرب... يمكن بنطر منو يكون شوي حقاني, لكن ما بيطلعلي اطلب منو يكون منيح للعرب.. لأنو العرب مو مناح, حتى ع حالهون


:D

وأنا بقصد بكلمة منيح يعني عندو نظرة صحيحة تجاه العرب يعني يصير في تغيير شوي تجاه النظرة للعرب لأنو بالمجتمع الغربي غالبا العربي يا أما زلمة معو كتير مصاري ولازم نستغلو أو انو زلمة ارهابي جاية يعمل عملية

والجملة الأخيرة أنا واحد الماني قلي ياها بوشي قلي أنا لما كون راكب بالمترو أو بالباص أو بأي وسيلة نقل وبشوف حدا عليه ملامح عربية بحط ايدي على قلبي وبخاف على حالي موت لأنو ممكن يكون ملغم حالو هالزلمة هاد
هلأ في حق على بعض الجماعات العربية بهالنظرة هي بس كمان في حق على أميركا بسياستها ان كانت سياسية أو اقتصادية أو إعلامية يعني ما بتحاول توضح للعالم انو كل هالأمور ما الهون علاقة فيها العرب كشعب عربي, لاء بيحاولوا يزودو فيها وبيهروها ويزتوا الحمل كلو علينا

آسف إذا طلعت عن نطاق الموضوع :D

bdon enou esoud el amricaine hatine amal kbira fih kaman elkara esamra tam3ana fi enou damou el ifriki rah yechfa3elhoun edam elkasad el iktisadi yali mou b3id ou rah ifajer majmou3a mnel azamat bidouwal namya
bes elkhouf enou hal obama metel ma tnakar la ism el3ila ou dine abouh kaman yetla3 andal men GWB ou yemsah el3arab wel douwal enamya ou bel akhas elmouslimine men hal koura la3youn melle israel


wel ayam rah tbayen nawayah ma3a enou 99.99 bel 100 ma rah yekder tashih ma kharabahou men sabakouh

lanchouf elma3na elhakiki lidimokratya el amrikya hala;)

سلامة يا شبيبة... اشتقتلكن :D
كتار منكن عم يحكو عن الموضوع من وجهة نظر خارجية
خليني اعطيكن لمحة عن الوضع جوا... بالنسبة لاهل البلد اللي مهتمين... و بالنسبة للي تاركين البلد بعد فترة متلي
يعني حتى انا اللي احتمال كبير اني اترك اميركا و امشي بعد فترة... بكيت مبارح وقت اللي فاز...
انا عشت مع هالسباق لحظة بلحظة... و حكيت مع كتير ناس
اللي زعجني انو العنصرية و التعصب شفتن بكتير ناس... و اللي خلاني افرح من قلبي مبارح انو بالرغم من هالشي في وعي عند الناس و كتار انبسطو
يمكن متل ما قلتو انو اوباما مارح يطلع بإيدو كتير... بس فتح الباب لكتار كتير كتير انو يتأملو و يقدرو يعملو شي بهالبلد
كنت عم احضر CNN اليوم و واحد من الاشخاص قال (هوي اسود) انو لو حتى اوباما ماعمل شي... بس اقل شي صار انو وقت اللي واحد من ولاد اختي بيقللي عمو انا بس اكبر بدي صير رئيس... بقدر قللو اي فيك... ماضل الموضوع حسرة او امنية
حتى المعسكر الجمهوري... يمكن كتير ناس صوتو لمكين لانو هيك المفروض.. و لاني هيك صورتن بالمجتمع... بس من جوا كتير ناس ارتاحت لفوز اوباما...
الشعب صار عندو حماسة ليشتغل... ليعمل شي
اليوم الناس عم تضحك... ناس كتير لسا لهلأ عم يباركو لبعض (هالشي مو كتير طبيعي هون... بالعادة الاحتفال بيخلص بساعتو)
اللي بدي قولو حتى لو اوباما ماقدر يعمل شي عالصعيد الخارجي (و مابتوقع انو يعمل شي من الفترة الرئاسية الاولى) بس قدر يرجع للشعب الاميركي ثقتو بحالو و بديمقراطيتو... ببساطة ثقتو بأميركا.. اللي هي حلم الحرية
و على فكرة الشعب الاميركي شعب كتير طيب... مصدق و مقتنع تماما انو اوباما معو التغيير... و قليلين كتير اللي بيقولو انو لاء هوي رح يكون لعبة بإيد اسرائيل او غيرها
التغيير لو صار باميركا... رح يوصل للعالم كلو... يمكن مو بنفس السرعة اللي وصلت فيها آثار الازمة المالية... بس بيوصل
-------------------------------------
شوية ملاحظات (صارت معي شخصيا) عن تعصب الشعب الاميركي
*في وحدة معي بالشغل كانت من اكبر الديمقراطيين... و مع هيلاري كلينتون للموت... و انا ديمقراطية و هالشي مابيغيرو شي.. بس وقت اللي خسرت هيلاري رجعت سألتها لمين رح تصوتي... قالتلي مابعرف... ليش؟ على اساس انتي ديمقراطية... قام قالت I don't know if blacks are ready to take over this country
مع انها هيي native american من الهنود الحمر اللي داقو الويل على ايد البيض
* مبارح رفيقتي بالشغل قالتلي مابتخيل رئيس اميركا يكون باسمو في قنبلة ( قصدها انو اسم اوباما قريب لقنبلة بالانكليزي اللي هيي bomb ) :lol:
----------------------------------------------------
ملاحظات هالهامش
* للاسف الشديد (جدا ) proposition 8 نجح بكاليفورنيا... و اللي هوي كان ضد زواج المثليين جنسيا بكاليفورنيا... شي بستغربلو كتير كتير كتير لانو الشعب الكاليفورني من اكتر الولايات تفتح و تقبل للموضوع ( الفرق كان 4% بس )


و على فكرة... كتير من العرب هون اصحاب رؤوس الاموال (ناس بعرفون كتير منيح) من انصار مكين و صوتولو... لمجرد انو كان رح يرفع الضرائب عن الاغنياء و يزيدها على الفقرا او الطبقة المتوسطة.. بينما اوباما رح يرفع عالكل... و هيي شغلة كتير كويسة بلكي بترخص قسوطة الجامعة شوي و بيصير التأمين الصحي ارخص
-----------------------------------

حكيت كتير... تعبتكن معي
زمان عن مناقشات اخوية :D

هذا الأمل نفسه, هذه الرغبة بالتغيير ذاتها, التي أوصلته إلى البيت الأبيض, قد تكون من ألد أعدائه, فهو الآن يمثّل رغبة عليه تحويلها إلى واقع في فترة صعبة جدا, أو على الأقل إعطاء إسقاطات واقعية ملموسة لهذه الرغبة خلال فترة وجيزة, و إلا فإن هذا الأمل و "الثورية" الذي كان حليفه, قد يتحوّل إلى عدو لدود.. و تكون النتيجة عودة شخص كجورج بوش أو أسوء حتى, بعد أربع أعوام, فخيبة الأمل الشعبية دائما, و في كل الشعوب, تتجسد في السفر نحو النقيض لما هو موجود.
باشا فورا بدنا نطلع عالنص الفاضي :sly: ..
اللي قدر اوباما يخـلقو بـنفوس الشـعب الاميركي ما عادو متعلّق بنجاح او فـشل اوباما نفسه خلال فتره توليه - مع انّي واثقه من نجاحه - لكن اللي عملو اوباما هوّ انّو فتح باب للمسـتحيل أمام كل الدنيا .. غيّر التاريخ اي يعني فينا نعتبر انّو صار تاريخ 4 تشرين التاني 2008 هو تاريخ تغير محوري و بكرى لما يصير عندك أحفاد رح يدرسو عن هالتاريخ و بوقتها انت رح تتزكر حوارنا هون و تخاف تضحك مشان ما تبيّن بدله السنان :lol: .. يعني بذكرني كتير - بعيدا عن الالوان و الاعراق - بروز السيده السـودا الي رفضت توقف كرمال شـخص ابيض يقعد مكانها بالباص متل ما كان القانون يقتضي بوقتها .. هي ما بعدها لليوم قاعده بالباص و عالمقعد اللي رفضت تقوم من عليه بس القانون تغيّر و صار شي بنضحك على انّو كان موجود ..
قصدت من هالمقارنه هوّ فعل كـسر الحواجز و زرع الامل .. لو اوباما زارع الامل بمجموعه صـغيره من الـناس كان مشـكله و لكن لا حدود للامل و الاحلام اللي زرعها اوباما و اللي شخـصيته بتدل على انّو رح يكون على قدر الحمل ..
بعبارات اقصر خليني اقتبس توقيع قديم للحكيم بيقول بما معنى انو الاهم من اللي بيرفع الرايه هو بقاء الرايه مرفوعه و بالتالي فانو اوباما رفع الرايه و ما عادت معلّقه فيه فقط لانها صارت مرفوعه بالسمـا و عم ترف بفـضله ..
طبيعي جدّا انو الترشيحات الانتخابيه و الوعود تختلف قليلا عن اللي رح يتنفذ و طبيعي جدا تكون الدعايه احسـن من النتيجه و لكن الاكيد الاكيد بالموضوع انو اوباما كان افضل من ماكين او هيليري و افضل من بوش ..

يا خسارة ... كان بدي ماكين يفوز لانو ماكين كان رح يكمل تدمير الولايات المتحدة وإفلاسها اللي بدأه بوش و بالتالي قريبا كنا منخلص من شي اسمو دولة عظمى و قطب وحيد اسمو اميركا ( ما بعرف ليش كان عندي هيك امل :p ) , أما نجاح أوباما فيعني انتعاش الاقتصاد الأمريكي و تعافيه و بعدين بيجي رئيس جديد و بترجع القصة منل بوش بعد كلينتون ... يعني ما تغير شي ...

مابعرف صراحه قديـشك عرفان الله وين حاطط الدنيا لحتّى عم تحكي هيك :?


اليوم الناس عم تضحك... ناس كتير لسا لهلأ عم يباركو لبعض (هالشي مو كتير طبيعي هون... بالعادة الاحتفال بيخلص بساعتو)
اللي بدي قولو حتى لو اوباما ماقدر يعمل شي عالصعيد الخارجي (و مابتوقع انو يعمل شي من الفترة الرئاسية الاولى) بس قدر يرجع للشعب الاميركي ثقتو بحالو و بديمقراطيتو... ببساطة ثقتو بأميركا.. اللي هي حلم الحرية
ليلى أجمل ما قرأت صـراحه الجمله الي بالاحمر خصيصا تختصر الكثير الكثير من اللي مش كننت عم اعرف عبّر عنه و بتفق معك 101% بالنـسبه لهالحكي ..
تعليقا على الناس اللي عم تضحك و تبكي و سـريعا اليوم بالراديو اتصلت وحده عم تنط من لفرحه لما سألها المذيع ليش كل هالبسط مشان اوباما او لانو الطقس حلو - هون بصير في احتفالات بالطقس لما بتصير درجه الحراره بالـ 60 فهرنهايت - .. قالتلو ببـساطه انت متوقع بحياتو بقى بـتشرين الثاني يصـير شي اعظم من اللي صار مبارح ؟ اوباما نجح و الحراره بـ 70 :lol: ..
متل ما ذكرت ليلى اللي عم يطلّع عالوضع من الخارج ما كتير رح يفهم الي صاير بالداخـل و رح يضل يتأمّل انو اوباما او غيره اذا ما وزع ثروته عالعرب فمعناها بلا ضمير ..
يا زلمه صار الواحد فيه برياحه يفيق الصبح مش خايف يقرا الاخبار و مش مرعوب يطلع من البيت ..

هلا ليلى وشوش.. انا معكون.. انو في راحة بشكل عام.. والعالم مبسوطة من قلبها وانا اولون.. بس في شغلة كتير غلط.. انو اغلب العالم عندا فكرة انو اول ما اوباما يدخل الاوفيس ب 22 جانيوري.. حتنحل مشاكلنا كلنا.. اليوم كنت اعدة عم احكي مع كم حدا فانو بتجي بتقللي i'm not gonna worry abt my mortgage payment or my car insurance انو ياجماعة والله اوباما ممكن عندو افكار وحيساعد ويشتغل.. بس اوباما مارح يجي يدفعلنا البيمنتز تبعوتنا.. ومارح يجي يقلنا بس طلبو اديش بدكون لاعطيكون انا...
بس انو YES WE CAN

هلا ليلى وشوش.. انا معكون.. انو في راحة بشكل عام.. والعالم مبسوطة من قلبها وانا اولون.. بس في شغلة كتير غلط.. انو اغلب العالم عندا فكرة انو اول ما اوباما يدخل الاوفيس ب 22 جانيوري.. حتنحل مشاكلنا كلنا.. اليوم كنت اعدة عم احكي مع كم حدا فانو بتجي بتقللي i'm not gonna worry abt my mortgage payment or my car insurance انو ياجماعة والله اوباما ممكن عندو افكار وحيساعد ويشتغل.. بس اوباما مارح يجي يدفعلنا البيمنتز تبعوتنا.. ومارح يجي يقلنا بس طلبو اديش بدكون لاعطيكون انا...
بس انو YES WE CAN
:lol::lol: اكيد لاء... و مابتخيل هيي هيك قصدها
قصدها بوصول اوباما للبيت الابيض في امل ينتعش الاقتصاد.., و ماعد حدا ينجبر يشيل من حق الاكل لحتى يدفع دفعات اجار البيت و الانشورنس
يمكن الوضع الاميركي لهلأ ماصار بهالصعوبة... بس صدقيني اذا كان مكين وصل للرئاسة... كان الوضع رح يرجع متل (اذا مو اصعب) وقت الاكتئاب الاقتصادي الكبير او ال great depression اللي صار باوائل القرن الماضي... و اللي بيعرف شوي عن التاريخ الاميركي بيعرف عن شو عم احكي

سلامة يا شبيبة... اشتقتلكن :D
كتار منكن عم يحكو عن الموضوع من وجهة نظر خارجية
خليني اعطيكن لمحة عن الوضع جوا... بالنسبة لاهل البلد اللي مهتمين... و بالنسبة للي تاركين البلد بعد فترة متلي
يعني حتى انا اللي احتمال كبير اني اترك اميركا و امشي بعد فترة... بكيت مبارح وقت اللي فاز...
انا عشت مع هالسباق لحظة بلحظة... و حكيت مع كتير ناس
اللي زعجني انو العنصرية و التعصب شفتن بكتير ناس... و اللي خلاني افرح من قلبي مبارح انو بالرغم من هالشي في وعي عند الناس و كتار انبسطو
يمكن متل ما قلتو انو اوباما مارح يطلع بإيدو كتير... بس فتح الباب لكتار كتير كتير انو يتأملو و يقدرو يعملو شي بهالبلد
كنت عم احضر CNN اليوم و واحد من الاشخاص قال (هوي اسود) انو لو حتى اوباما ماعمل شي... بس اقل شي صار انو وقت اللي واحد من ولاد اختي بيقللي عمو انا بس اكبر بدي صير رئيس... بقدر قللو اي فيك... ماضل الموضوع حسرة او امنية
حتى المعسكر الجمهوري... يمكن كتير ناس صوتو لمكين لانو هيك المفروض.. و لاني هيك صورتن بالمجتمع... بس من جوا كتير ناس ارتاحت لفوز اوباما...
الشعب صار عندو حماسة ليشتغل... ليعمل شي
اليوم الناس عم تضحك... ناس كتير لسا لهلأ عم يباركو لبعض (هالشي مو كتير طبيعي هون... بالعادة الاحتفال بيخلص بساعتو)
اللي بدي قولو حتى لو اوباما ماقدر يعمل شي عالصعيد الخارجي (و مابتوقع انو يعمل شي من الفترة الرئاسية الاولى) بس قدر يرجع للشعب الاميركي ثقتو بحالو و بديمقراطيتو... ببساطة ثقتو بأميركا.. اللي هي حلم الحرية
و على فكرة الشعب الاميركي شعب كتير طيب... مصدق و مقتنع تماما انو اوباما معو التغيير... و قليلين كتير اللي بيقولو انو لاء هوي رح يكون لعبة بإيد اسرائيل او غيرها
التغيير لو صار باميركا... رح يوصل للعالم كلو... يمكن مو بنفس السرعة اللي وصلت فيها آثار الازمة المالية... بس بيوصللك روح يا أوباما الله يوفقك و يعزّك و يجعل أيامك فرح و سعادة كلهون كلهون... و انشالله كل يوم تفوز بانتخابات لو كان ع مجلس الشعب السوري, مشان تجي ليلى تزورنا


انشالله بخير ليلى, اشتقنالك :D


هلأ من جهة انو قلتي انو البعض عم يحكي من وجهة نظر خارجية, فبرأيي, و أنا من هدول, انو هاد الطبيعي و الواقعي... اللي عايش ببلد بتهمو السياسة الداخلية, و اللي عايش خارج هالبلد بتهمو السياسة الخارجية (الا بسوريا... بتلاقي عنا الأخ بتعطيه معطيات التعان أفطاس الشعب السوري و بيقلك السياسة الخارجية السورية, و بل و الأنكى.. حافظ بصم كل وزراء لبنان و كل اللعبة السياسية اللبنانية و كل تاريخ الحرب الأهلية اللبنانية و يشرحلك كل التوازنات و التحالفات العلنية منها و المخفية.. بس تسأليه مين رئيس وزراء سوريا بيقلك ما بعرف :?).

المهم, نرجع لموضوعنا.

أنا معك بكل اللي قلتيه بانو الأوباما مانيّا عملت شي كتير بالسيكولوجيا الاجتماعية للشعب الأميركي... لكن كمان, رغم انو نحنا مندفع ضرايب للحكومة الأميركية, ماننا من الشعب الأميركي, فلذلك, ماني شايف طبيعي انو ظاهرة أوباما تتعمم على كل العالم بالطريقة اللي عم تتم حاليا, لسبب بسيط و هو انو لا هو قادر و لا هو مجبور يجي يصلحلنا بلادنا مثلا.. لأنو مانا شغلتو.. و لا هو قادر و لا هو مجبور يجي يقول لشوايا الجزيرة yes we can متل ما قال للطبقات العاملة بشيكاغو, كمثال..

انو أي حلو الأمل اللي زرعو, رغم انو أنا بربطو بفينومينولوجيا اقتصادو اجتماعية محددة, لو ما موجودة كان ما سمعنا بأوباما أساسا, لكن هذا موضوع آخر

ماعم شيل أهمية للي عملو أوباما, و شو مثّل و شو رح يمثّل.. أبدا... لكنها قضية ليست قضيتي بالدرجة الأولى, و الجانب اللي يهمني, و انتظرو من أوباما, مانو الشي اللي عم تحكيه (برجع بقول, ماعم قلل أهميتو أبدا, بالعكس سجّلت اعجابي فيه.. )

كل هذا الكلام لا يعني التقليل من أهمية التغيير الذي يبدأ بالتجسّد على أرض الواقع, فالعارفون بالتركيبة السياسية و الاجتماعية للشعب الأميركي يؤكدون أن ما جرى ليس قليلا, و له قراءات إستراتيجية يجب أن تؤخذ بعين الاعتبار و تُدرس بشكل ملائم. لكن أعتقد أن من يجب أن يتأمل أشياءا ملموسة على المدى المنظور, ليس نحن, إنما الشرائح الاجتماعية الأميركية التي صوتت له, و التي يواجه التحدي الكبير المتمثل بعدم تخييب أملها, فنحن لسنا ناخبيه, رغم أننا ننسى ذلك أحيانا.يعني أنا مبارح يمكن شفت شي خمس مرات متتالية عاليوتيوب منظر جيسي جاكسون (اللي هو يمكن من رجال الدين القلة... اللي ارفعلون القبعة و بكامل الفخر) و هو عم يبكي... انو جد هزني المشهد, و حرّك جواتي شغلات كتيرة, و بفهم انو هالمشهد بيعني منعطف تاريخي جدا جزيلا...

لكن برجع بقول.. هاي مش قضيتي بالدرجة الأولى... و بالتالي من الطبيعي انو ما أعطيها أهمية درجة أولى, لسبب بسيط و هو انو ما بنتظر من أوباما يترك قضاياه الأولى ليجي يساعدني بحل قضاياي ...

و كلامك مزبوط تبع العدوى العالمية من هالظاهرة, و أنا معو, لأنو سلبا أو ايجابا, عجبنا أو ما عجبنا, الولايات المتحدة هي قدوة هالعالم حاليا, و بكل شي, و ختمت مقالتي بهالحكي لما قلت:

و ختاما, لا أستطيع تجاهل إعجابي, رغم كل شيء, بالرغبة التغييرية و الأمل الذي استطعنا رؤيته في وجود الكثيرين من الذين كانوا حتى يوم أمس.. مهمشين في وطنهم.. عسى أن تكون بداية موفقة, لكي يحتذى بذلك في جميع أقطار الأرض...
و كلامي كلو عن انو بتمنالو يظل حائز على أمل الناس اللي انتخبوه... راجع لأنو كمان بتمنى نتعلم من هالشي, و لأنو بتمنى بيوم من الأيام بحضر خطاب لمرشح رئاسي سوري و هو عم يقول: "و حياة عيونكون منقدر" (هاد يس وي كان سيريان ستايل :lol:).


يمكن في شغلات تانية كمان حابب احكيها بس على اعتبار تتقاطع كمان مع الرد مع حج شوش فبالتالي بحكيهون هنيك


تحياتي ليلى:D

باشا فورا بدنا نطلع عالنص الفاضي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ..
اللي قدر اوباما يخـلقو بـنفوس الشـعب الاميركي ما عادو متعلّق بنجاح او فـشل اوباما نفسه خلال فتره توليه - مع انّي واثقه من نجاحه - لكن اللي عملو اوباما هوّ انّو فتح باب للمسـتحيل أمام كل الدنيا .. غيّر التاريخ اي يعني فينا نعتبر انّو صار تاريخ 4 تشرين التاني 2008 هو تاريخ تغير محوري و بكرى لما يصير عندك أحفاد رح يدرسو عن هالتاريخ و بوقتها انت رح تتزكر حوارنا هون و تخاف تضحك مشان ما تبيّن بدله السنان :lol: .. يعني بذكرني كتير - بعيدا عن الالوان و الاعراق - بروز السيده السـودا الي رفضت توقف كرمال شـخص ابيض يقعد مكانها بالباص متل ما كان القانون يقتضي بوقتها .. هي ما بعدها لليوم قاعده بالباص و عالمقعد اللي رفضت تقوم من عليه بس القانون تغيّر و صار شي بنضحك على انّو كان موجود ..
قصدت من هالمقارنه هوّ فعل كـسر الحواجز و زرع الامل .. لو اوباما زارع الامل بمجموعه صـغيره من الـناس كان مشـكله و لكن لا حدود للامل و الاحلام اللي زرعها اوباما و اللي شخـصيته بتدل على انّو رح يكون على قدر الحمل ..
بعبارات اقصر خليني اقتبس توقيع قديم للحكيم بيقول بما معنى انو الاهم من اللي بيرفع الرايه هو بقاء الرايه مرفوعه و بالتالي فانو اوباما رفع الرايه و ما عادت معلّقه فيه فقط لانها صارت مرفوعه بالسمـا و عم ترف بفـضله ..
طبيعي جدّا انو الترشيحات الانتخابيه و الوعود تختلف قليلا عن اللي رح يتنفذ و طبيعي جدا تكون الدعايه احسـن من النتيجه و لكن الاكيد الاكيد بالموضوع انو اوباما كان افضل من ماكين او هيليري و افضل من بوش .و الله ياشوش أفندي لا نص فاضي و لا نص مليان.. أساسا مين سائل ع أي نص اتطلّع أنا لحتى اقدر جيب نصاص و رباع :lol:


هلأ بعدين لا تعمليلي أوباما بعثي انتي و التغييرات التاريخية و المنعطفات الجسيمة :pos:

ببساطة أنا بعتقد انو الظاهرة الاجتماعية المصاحبة لأوباما كانت تحصيل حاصل, كانت رح تصير بأوباما و بدونو.. لأنو هي تجسيد لحالة نفسية اجتماعية انتبنت على مدى سنين و سنين.. و أوباما ببساطة عرف "يدغدغ" هالحالة النفسية بشكل ساحر, و عرف يستغل الظرف الحالي.. و يحوّل قضية نضال من أجل حقوق اجتماعية أساسية إلى موجة شعبية داعمة لألو بشكل جارف. و هالشي أنا ما بشوفو سلبي, بالعكس, بعتقد انو أمر جيد طالما هو قادر يلبّي طموحات هالموجة الشعبية اللي وصّلتو للبيت الأبيض (لاحظي انو أنا ما قلت انو هو مانو قدها.. انما قلت انو لازم يلبي هالطموحات).

رح اعطيكي مثال... بيذكرني هالشي بطالب البكلوريا, اللي يجيب مجموع الطب و يدخل الطب.. بعد نضالو من أجل علامة الطب على مدى سنتين يجوز صرلو عم يحضّر للبكلوريا.. هو بيعتبر انو تحصيلو علامة الطب هو انجاز حياتو, و شايفو قد الدنيي و شايف الدنيا بلون الورود و الرياحين لأنو جاب مجموع الطب و دخل أعلى اختصاص..

مش غلط حدا يذكرو انو أي برافو عليك و الله دخلت طب, بس ترا موادك صعبة و بدهون سهر و تعتير.. و يجوز تلاقي قدامك امتحانات بتتمنى ترجع بكلوريا مليون مرة قبل ما تدرسهون..و ازا ما نجحت بموادك ممكن تستنفذ و تتقلّع من الجامعة... ساعتا شو نفعك كل التعتير لتحصّل هالمجموع بالبكلوريا؟ لعمى تاري ما بيكفي واحد يجيب مجموع الطب ليصير دكتور :pos:

الحكي هاد مش تنكيد, أو تطليع عالنصف الفارغ, انما تذكير للناس, انو فوز أوباما هو خطوة أولى في بداية الطريق و ليست نهايتو.. لما مارتن لوثر كينغ قال انو هو عندو حلم, ما كان يعني بالحلم انو بس يوصل واحد أسود لرئاسة أميركا و انتهى... هاد البداية, و فقط البداية... لازم ما حدا ينسى هالشي..

التاريخ السياسي للبشرية ملئ بقادة ركبو موجة أحلام شعوبون.. و صارو شبه آلهة يُنتظر منهم المعجزات, و للسبب اللي كان ما قدرو يلبو هالآمال, و الأمل تحوّل لاحباط أوقع شعوبهون باكتئاب اجتماعي خطير جدا... و أنا فقط عم قول انو بتمنى انو أوباما يقدر (لأسباب ذاتية و خارجة عنو كمان) يلبّي الطموح و الأمل اللي خلى الناس توثق فيه و تراهن عليه...

اللي عم يبكي لأنو أوباما وصل عالرئاسة بتوقع ما عم يبكي لمجرد الفكرة.. انما لسبب ضمني و هو انو هو عندو دافع أو أمل ينتظر من أوباما تلبيتو... و يجوز فرط الأمل يخليه ينتظر انو من لحظة يدخل أوباما عالمكتب البيضاوي كلب جيرانون يبطّل يعوي بالليل, و باب الكراج يتصلّح لحالو, و يكون كل نهار الجو حلو و العصافير تزقزق...

أي شو سيدي؟ مافي غير طوني بالجيش؟ شو بدو يلحق ليلحق؟!!! ماشالله تركة جورج بوش بتهلك كتيبة بغال

ما بعرف ازا وضّحت الفكرة

تحياتي :D

موضوع رائع ياس ..

من الغير المنطقي أنو نفكر بإي تغيير جزري بالسياسة الخارجية بفترة الـ 4 سنين الأولى ..
لعدة أسباب .. البلد تركلو إياها بوش المعظم بحالة دمار داخلي على كافة الأصعدة , فقطعنا راح يكون التركيز على الترميم الداخلي ..
السبب التاني أو أوباما هو ( رئيس ) أميركا و ليس ( ملك ) أميركا .. صلاحيته جداً محدودة .. لأنو السياسة الخارجية وقراراتها بتمر من تحت أقلام ناس حواليين أوباما إلهون كلمة الفصل , و هني نفسهون الي كانو على دور بوش ما تغيرو ..
السياسة الخارجية ليست شخص .. هيي منظومة كاملة , ما بتتغير بتغير الشخص ..
بس الحلو بالموضوع أنو منتأمل .. ومننتظر إذا ما ظبط هلـ المرة مرة الجاي بتظبط .. بس وقتها ما بيكون في لا شي إسمو فلسطين و لا شي إسمو عراق .. !

lanchouf elma3na elhakiki lidimokratya el amrikya hala////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

إي و شفناها و من المجحف بحقنا بداية أنو ننكر أنو الديمقراطية تجسدت من يومين بأجمل صورها ..
بغض النظر و ين و كيف ..
نجاح أوباما نقطة تحول بالتاريخ الإنساني أولاً .. و كتير سعيدة أني كنت من الشاهدين عليها ..
شخص من 60 سنة ما كـــان يحلم أنو يكون إلو مكان بمقد باص نقل داخلي و لا بمقعد مدرسة ..
اليوم إعتلى أعلى كرسي بالدولة بأصوات أولاد أسيادو الي كانو ..
شخص جسد تحقيق الحلم ممكن بالإصرار و نجح ..

فما بتلاقي أنو الديمقراطية كان إلها كلمة الفصل هون ..

و للي عم يفكرو أنو ممكن أصلو و فصلو يلعبو دور بنهج التغير الي / ناطرينو / بقلهون إنسو ..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

حلو نقاشكن عن وحول أوباما...
صحيح أنّو الأزمة الأقتصادية هيي من أهم الصعوبات الي رح تواجها حكومة أوباما، بس كمان حتى وإذا ما قدرت هالحكومة تحلّ الازمة بسرعة فاحتمال تستمر الحكومة 4 اعوام تانية مع أنو البلد بعدو ما انتعش اقتصادياً على اكمل وجه (إلّا إذا عملت حكومة أوباما أخطاء تزيد الطين بلّة).. لأنو أول شي الأزمة الاقتصادية بشكل عام مانا مسؤولية الحكومة فقط وماكانت مسؤولية الحكومة السابقة كمان(في ظروف تانية بتلعب دورا)، وتاني شي فيها الحكومة الحالية حتى بعد عدة أعوام تلقي اللوم على حكومة(أو على ظروف) فترة ما قبل استلاما للحكم... هيك بيعملو الحكومات....
بألمانيا لهلا عم يتحجّجوا بالحكومة السابقة..

وبالنسبة لأوباما والعرب، متل ماقال ياس حلو الأمل بس خيبة الأمل ماحلوة... ليش لتتحسن أمورنا نتأمل بأوباما اصلاً؟

مع تسجيل إعجابي بردّ مايا*

موضوع رائع ياس ..

من الغير المنطقي أنو نفكر بإي تغيير جزري بالسياسة الخارجية بفترة الـ 4 سنين الأولى ..
لعدة أسباب .. البلد تركلو إياها بوش المعظم بحالة دمار داخلي على كافة الأصعدة , فقطعنا راح يكون التركيز على الترميم الداخلي ..
السبب التاني أو أوباما هو ( رئيس ) أميركا و ليس ( ملك ) أميركا .. صلاحيته جداً محدودة .. لأنو السياسة الخارجية وقراراتها بتمر من تحت أقلام ناس حواليين أوباما إلهون كلمة الفصل , و هني نفسهون الي كانو على دور بوش ما تغيرو ..
السياسة الخارجية ليست شخص .. هيي منظومة كاملة , ما بتتغير بتغير الشخص ..
بس الحلو بالموضوع أنو منتأمل .. ومننتظر إذا ما ظبط هلـ المرة مرة الجاي بتظبط .. بس وقتها ما بيكون في لا شي إسمو فلسطين و لا شي إسمو عراق .. !


إي و شفناها و من المجحف بحقنا بداية أنو ننكر أنو الديمقراطية تجسدت من يومين بأجمل صورها ..
بغض النظر و ين و كيف ..
نجاح أوباما نقطة تحول بالتاريخ الإنساني أولاً .. و كتير سعيدة أني كنت من الشاهدين عليها ..
شخص من 60 سنة ما كـــان يحلم أنو يكون إلو مكان بمقد باص نقل داخلي و لا بمقعد مدرسة ..
اليوم إعتلى أعلى كرسي بالدولة بأصوات أولاد أسيادو الي كانو ..
شخص جسد تحقيق الحلم ممكن بالإصرار و نجح ..

فما بتلاقي أنو الديمقراطية كان إلها كلمة الفصل هون ..

و للي عم يفكرو أنو ممكن أصلو و فصلو يلعبو دور بنهج التغير الي / ناطرينو / بقلهون إنسو ..


تحياتي مايا!

أنا مع كلامك تماما.. و بعتقد متفقين


سلامات :D

حلو نقاشكن عن وحول أوباما...
صحيح أنّو الأزمة الأقتصادية هيي من أهم الصعوبات الي رح تواجها حكومة أوباما، بس كمان حتى وإذا ما قدرت هالحكومة تحلّ الازمة بسرعة فاحتمال تستمر الحكومة 4 اعوام تانية مع أنو البلد بعدو ما انتعش اقتصادياً على اكمل وجه (إلّا إذا عملت حكومة أوباما أخطاء تزيد الطين بلّة).. لأنو أول شي الأزمة الاقتصادية بشكل عام مانا مسؤولية الحكومة فقط وماكانت مسؤولية الحكومة السابقة كمان(في ظروف تانية بتلعب دورا)، وتاني شي فيها الحكومة الحالية حتى بعد عدة أعوام تلقي اللوم على حكومة(أو على ظروف) فترة ما قبل استلاما للحكم... هيك بيعملو الحكومات....
بألمانيا لهلا عم يتحجّجوا بالحكومة السابقة..

وبالنسبة لأوباما والعرب، متل ماقال ياس حلو الأمل بس خيبة الأمل ماحلوة... ليش لتتحسن أمورنا نتأمل بأوباما اصلاً؟

مع تسجيل إعجابي بردّ مايا*




بالزبط.. مافي عصا سحرية لحتى تجي تحل الأمور بلمسة.. و يبدو فرط الأمل هيك عم يعطي انطباع للناس, و هيك انطباع ممكن يكون خطير..


بعتقد انو جبت الدق انت بجملتين رح اقتبسهون تحت:


لأنو أول شي الأزمة الاقتصادية بشكل عام مانا مسؤولية الحكومة فقط وماكانت مسؤولية الحكومة السابقة كمان(في ظروف تانية بتلعب دورا)،



ليش لتتحسن أمورنا نتأمل بأوباما اصلاً؟





تحياتي ابن العم :D

و الله يا شباب أنا ماني شايف شي مستاهل عدم المؤاخذة يعني , مع احترامي لكل الاراء اللي من جوا و اللي من برا . انا شايف الموضوع تغيير الوان , و فقط لا غير .... لأنو باراك حسين اوباما مانو جيري روبن مثلاً يعني لنقول انو هالتغيير الي صار , و كمان الحزب الديمقراطي مانو الييبيز لحتى نندهش , طول عمرو الحزب الديمقراطي بيستلم بعد الحزب الجمهوري اللي بكون استلم من الديمقراطي ! , اي يعني شو الجديد ؟ الله وكيلكن ماني فهمان شي ....:?

هلا شبيبة..
هلأ بعتقد كلنا متفقين على نفس النقطة بس كل واحد عم يقولها بطريقة مختلفة و هيي انو الزلمي هلأ الامور الخارجية آخر اولوياتو...
لسا ما شفت الاخبار اليوم لحتى شوف مين الاسامي اللي مقترحة لتكون بفريق اوباما... بس اغلب الظن انو الفريق رح يتضمن جمهوريين بنسبة منيحة...
الحلو بهالزلمي انو عندو قدرة ( او potential بس ماعارفة شو المعنى الحرفي بالعربي ) انو متل مابيقولو يغير وجه التاريخ
نسبة الذكاء اللي عندو مخيفة... و وراه فريق كمان مو قليل ابدا... و اذا صدقت التوقعات و عين كولن باول معو بمنصب مهم (بتمنى يكون الخارجية) بيكون قدر يركز عالسياسة الداخلية بشكل عام و اساسي... و بيكون اتطمن انو في شخص قادر يتعامل مع السياسة الخارجية بحكمة
على كل حال الكم يوم الجايين بيبنو كتير من الاسئلة المطروحة هلأ... و عالقليلة بيوضحو الخط اللي رح تمشي عليه الاربع سنين الجايين ولو بنسبة بسيطة :D

بس عنجد تحية لديمقراطية الولايات المتحدة الامريكية و الشعب الأمريكي الذي اختار الرجل على اساس برنامجه وليس لونه او ديانته او مذهبه وهذا يدل على مستى عال من الوعي , يعني بدنا شي الف سنة لنصير متلهن هي اذا صرنا.

يعني بدنا شي الف سنة لنصير متلهن هي اذا صرنا.

و هاي إذا هني وقفو محلون .. !

إي و شفناها و من المجحف بحقنا بداية أنو ننكر أنو الديمقراطية تجسدت من يومين بأجمل صورها ..
بغض النظر و ين و كيف ..
نجاح أوباما نقطة تحول بالتاريخ الإنساني أولاً .. و كتير سعيدة أني كنت من الشاهدين عليها ..
شخص من 60 سنة ما كـــان يحلم أنو يكون إلو مكان بمقد باص نقل داخلي و لا بمقعد مدرسة ..
اليوم إعتلى أعلى كرسي بالدولة بأصوات أولاد أسيادو الي كانو ..
شخص جسد تحقيق الحلم ممكن بالإصرار و نجح ..

فما بتلاقي أنو الديمقراطية كان إلها كلمة الفصل هون ..

و للي عم يفكرو أنو ممكن أصلو و فصلو يلعبو دور بنهج التغير الي / ناطرينو / بقلهون إنسو ..
OK HELOU HALHAKI 3AN INKILAK ELWAD3 WA TAHASOUN ELWAD3 ESOUD BI AMERKA OU ENOU SAROU OU WASALOU LAL HOURYA ETAMA BES
MANEK CHAYEFA TANAKOUD BIHAKYEK KIF HAL ASWAD ASAR 3ALA ENOU BYOUM YETHAWAL ESOUD MEN MOUWATININE MEN DARAJA TANYA ILA HOUKAM BI AMERKA OU ENOU IHAKEKOU HACHI LEANOU HENEN SOUD OU MEKHTELFINE OU BES YOUSALOU LELHOUKM BYENSOU 3ALA HASAB KOULEK ENOU HENEN SOUD OU AFAREK OU YETNAKAOU LA ASELHOUN HACHI KTIR GHARIB OU METNAKAD

فوز اوباما هو فوز رمزي كبير .. يعني ابوه كان مهاجر لاميركا و اليوم هو الرئيس !!


سياسة الديمقراطيين على الارض ما رح تختلف كثير عن الجمهوريين ....


هو قال رح ينحسب من العراق .... بس الظروف ما رح تساعدو :lol:
فوز رمزي كبير , شلون خيّو , مارح تظبط معك ولا ظبطت معي , ليش في شي أخو أختو قبل منّو ما نو مهاجر , ولازم ما ننسى أنّو كالون باول "يعني كولن باول " وما يروح فكرك لبعيد من نفس البضاعة ولسّا ما خرفنا لننسى عرضو لأدلة
الأسلحة النووية العراقية بمجلس الأمن , ولسا الست كوندي كل يوم بتعرض أزياء بدولة من دول الإعتدال
مو كتير تشد إيدك على هالزبون وخاصة مبين عنّو أشطر من كوندا بعرض الأزياء

لسا بذكر أيام الانتخابات الماضية والمنافسة بين بوش وآل غور(مو هيك) كان أبي وجدي يدعولو لبوش وفاز بوش وهلق راح بوش ومات جدي وضليت انا وابي ماشيين بهالسرداب وعم ندعيلو لأوباما وفاز أوباما ورح يجي أحفادنا يكملو المسيرة من بعدنا.

بالنسبة لشعارو تبع التغيير خايف يطلع متل تبع التحديث والتطوير :lol: . هلا داخليا بتوقع رح يغير , أما خارجيا اذا ما صار في ظروف تستدعي التغيير ما بتوقع.
ويلي متلنا ناطر منو تغيير : من إتكل على ذاد غيره طال جوعه.
يعني رح نضّل نوقع بالجورة ؟؟؟؟؟؟؟ ممكن ؟؟؟!!!!!!!
بس هاي تبع التطوير والتغيير ما عجبتني بنوب لسببين
الأول أنو كتير المجتمع تطور بعد تطبيق الشعار وما ضل في طبقة وسطى ومعترة
واتاني ما فشرو يصيرو متلنا , بحياتون لا يحلمو يصيرو متلنا
وبعدين كل عمرنا ننطر التغيير من الله شو بلشنا نبدلو بأوباما , على كل تغيير وممكن يكون الإتكال عليه (أوباما ) أهم من الإتكال عليه (رب العالمين)

فوز رمزي كبير , شلون خيّو , مارح تظبط معك ولا ظبطت معي , ليش في شي أخو أختو قبل منّو ما نو مهاجر , ولازم ما ننسى أنّو كالون باول "يعني كولن باول " وما يروح فكرك لبعيد من نفس البضاعة ولسّا ما خرفنا لننسى عرضو لأدلة
الأسلحة النووية العراقية بمجلس الأمن , ولسا الست كوندي كل يوم بتعرض أزياء بدولة من دول الإعتدال
مو كتير تشد إيدك على هالزبون وخاصة مبين عنّو أشطر من كوندا بعرض الأزياء


ما تنسى هو من عائلة مهاجرة من اوربا او اصول اوربية ... هو (ابوه) مهاجر من افريقيا ..


انا اقلك ليش فوز رمزي ...
يعني الطرفين الجمهوري و الديمقراطي صوتوا على حرب العراق و أكدوا للعالم انه العرق ممكن يكون القنبلة النووية ب45 دقيقة !
و الطرفين عملوا كذا و كذا ....

و لذلك يبقى الفوز رمزي :lol:


حتى لو تحاور مع كوبا او فنزويلا او ايران !

ما طبيعي الاعلام الامريكي شو ابن حرام و مقطع موصل !..و ما طبيعي دهاة كواليس السياسة الامريكية شو ولاد حرام و مقطعين موصلين !!

ما طبيعي قديش عندن قدرة ع الايهام ..و ما طبيعي قديش عندن قدرة يخلونا نصدق كذبات كبيرة..كبيرة كتير ...كتير !

ما طبيعي قديش شاطرين بلعبة العصا و الجزرة ....!!

و ما طبيعي قديش عندن سحبات قوية , يعني اكبر حشاش بالعالم ممكن ما يعرف يسحب سحبة من سحباتن !!

كمان ما طبيعي , قديش نحنا غشما !

اللي ما طبيعي كمان , قديش العالم غشيم , انو نحنا يا اخي عنا اسبابنا انو نكون غشما , بس بقية هالعالم ليش هيك صاير فيهن .؟ ..ما طبيعي !!!

ما طبيعي قديش عنا حب للقصص الرومنسية ....و ما طبيعي قديش قادرين نسرح بالاحلام انطلاقاً من نص كلمة !

ما طبيعي قديش ايماننا كبير و عقلنا صغير !

ما طبيعي , كيف نحنا مقتنعين انو فوز اوباما شي خارق و مانو طبيعي مع انو هو ك مرشح للحزب الديمقراطي كان طول الوقت الخيار الطبيعي الوحيد !! و غير هيك , كان لازم يكون شي ما طبيعي .

ما طبيعي قديش ذاكرتنا ضعيفة , هاد اذا كان عنا ذاكرة أصلاً .

و ما طبيعي قديش سمعنا ضعيف ...اذا كنا منسمع من الاساس .

ما طبيعي أنا ..يمكن لازم روح نام :lol:

ما طبيعي الاعلام الامريكي شو ابن حرام و مقطع موصل !..و ما طبيعي دهاة كواليس السياسة الامريكية شو ولاد حرام و مقطعين موصلين !!
ما طبيعي قديش عندن قدرة ع الايهام ..و ما طبيعي قديش عندن قدرة يخلونا نصدق كذبات كبيرة..كبيرة كتير ...كتير !
ما طبيعي قديش شاطرين بلعبة العصا و الجزرة ....!!
و ما طبيعي قديش عندن سحبات قوية , يعني اكبر حشاش بالعالم ممكن ما يعرف يسحب سحبة من سحباتن !!
كمان ما طبيعي , قديش نحنا غشما !
اللي ما طبيعي كمان , قديش العالم غشيم , انو نحنا يا اخي عنا اسبابنا انو نكون غشما , بس بقية هالعالم ليش هيك صاير فيهن .؟ ..ما طبيعي !!!
ما طبيعي قديش عنا حب للقصص الرومنسية ....و ما طبيعي قديش قادرين نسرح بالاحلام انطلاقاً من نص كلمة !
ما طبيعي قديش ايماننا كبير و عقلنا صغير !
ما طبيعي , كيف نحنا مقتنعين انو فوز اوباما شي خارق و مانو طبيعي مع انو هو ك مرشح للحزب الديمقراطي كان طول الوقت الخيار الطبيعي الوحيد !! و غير هيك , كان لازم يكون شي ما طبيعي .
ما طبيعي قديش ذاكرتنا ضعيفة , هاد اذا كان عنا ذاكرة أصلاً .
و ما طبيعي قديش سمعنا ضعيف ...اذا كنا منسمع من الاساس .
ما طبيعي أنا ..يمكن لازم روح نام :lol:
حلو هالحكي عند الصبح!

هناك مقولة مشهورة لفرناندو السابع، قالها و هو يتفقد الجيش الملكي: فبعد ثورة 1820، تمَّ حلّ مليشية مدريد بعد دخول الفرنسيين في 1823، و تعويضُها ب "المتطوعين الملكيين"، فعندما حضروا لأول مرة أمام فرناندو السابع، تفاجأ بـأن هؤلاء الجنود "الجدد" هم ذاتهم من كان يشكل الميليشيا الليبرالية التي قام بحلها، فقال لرفيقه: "إنهم نفس الكلاب، بأطواق مختلفة"

لا أدري لماذا خطرت ببالي هذه المقولة ما إن عرفت الخبر..:D