السلام عليكم بالأول,


بعض الناس بينقال عنن بأنو دمن حار أو سخن, لأنو من كلمة بيجنوا وبيعصبوا, بيرتفع ضغطن وبيعلى صوتن وبيصيروا مابيشوفوا قدامن, هلا أنا والحمد لله ماني من هدول الناس, بس كعيلة نحن منن, أنا قدرت اتحكم بغضبي وأوجد وسائلي الخاصة بمواجهتو, وأساليبي متنوعة لأنو أسباب الغضب مختلفة, فمو ديماً الحل الواحد ممكن يفي بالغرض, طيب, أنا لما بعصب بقوم بالتالي وبالترتيب من حيث الأهمية والأولوية عندي حسب خبرتي مع الغضب والتعامل مع الغضبانين
1- بتوقف عن الحكي وبنعزل عن سبب غضبي.
2- بروح بغسل وشي واذكر ربي بسري واحتسبو واتوكل عليه.
3- بحاول اتسطح شوي وغمض عيوني ومافكر بأي شي وخاصة موضوع أو سبب غضبي.
4- أكل خاصة إاذ كان الغضب أو التوتر مرتبط بالزمن, كأن يكون وقت مشكلة عائلية أو امتحانات مثلاً.
5- بسوق سيارة أو بركب مع حدا مو بهدف السرعة, بس إنو امشي بالسيارة لأنو بنسى وتها سبب غضبي.
6- اتسمع لموسيقى بحبها.
7- بحكي مع أقرب شخصة إلي قلبي إذا كان في بحياتي حدا طبعاً.



برجع وبقول إنو موكل هالأمور بأهمية وحدة إلي وهالاهمية مو ديماً ثابتة, يعني ممكن ايام أول شغلة اعملها إنو احكي مع أقرب شخصة إلي, وأحياناً هي بالتحديد مابعملها ولو كان الموضوع مو متعلق فيها وعادي إنو تعرفو, يعني حسب الحشيشة بسوق.

فهاتوا لنشوف, أدلوا بدلوكم وخبروني شو بتعملوا بمواقف الغضب.

بالمناسبة هلا أنا طالع تازة من مشكلة كبيرة مع أخي الكبير فقلت بنشوف بلكي غيري عندو أساليب أنجح من أساليبي, رغم إنو مابظن في حدا عندو أسلوب أنجح من أول نقطة حكيتها.


سلام

أبتسم وَ أسخر وَ أسحبُ سيجارة وَ أشّـعِلـُها

وَ أصّمِت ,.

أبتسم وَ أسخر وَ أسحبُ سيجارة وَ أشّـعِلـُها

وَ أصّمِت ,.




والله يعني كانك براسي ياصديقي :deal:

أنا الآن غاضب وَ ساخر وَ ناقم على الحياة

أحتسي قهوة ً سوداء وَ أدخنُ بـِ شَراهة

أأنتَ قريبٌ مني ؟

أينَ أنت ؟

مابظن اقدر ساوي هيك بلحظه غضب
ممكن اسكت وادخل على غرفه لحالي
او ابكي
او اضرب شي او كسر شي
بفش قهري فيه
ومن زمان كنت دخن بس هلا لا
بطنش ووببكي
وبقعد لحالي وبسمع اغاني بحبها
او بحكي مع الي بحبهم
يسلموا على هالموضوع بيجنن

بقعد بغرفتي لحالي وبفتح الانترنيت أو بدرس شوي و بدخن سيكارهههههههههه



برتاح

بس على فكره موضوع حلو ومهم جدا

بعزف ... و بعزف ... وبعزف ... وبالاخير بعزف ....

بروح عند عوني تبع بار الواحة الخضراء وبسمع فيروز طلعلي البكي

بعزف ... و بعزف ... وبعزف ... وبالاخير بعزف ....


باكل ... وباكل ... وباكل ... وبالاخير ما بشبع :o

لا بس انو جد .. بفش خلقي بالاكل ... وبالدخان

أنا الآن غاضب وَ ساخر وَ ناقم على الحياة

أحتسي قهوة ً سوداء وَ أدخنُ بـِ شَراهة

أأنتَ قريبٌ مني ؟

أينَ أنت ؟





انت غاضب؟ انت ناقم ؟ لاشيء يلجم غضبك الانيران السيجاره

انا بعيد عن الواقع ضائع في هذه الدنيا

ببكي
باكل ..
بصرف مصاري ( كتير بفضي عصبيتي بصرف المصاري )
لأ والأحسن أني اصرف مصاري عالأكل :lol:
بس انو يعني .. هيك

- بتوقف عن الحكي وبنعزل عن سبب غضبي.

واردة

2- بروح بغسل وشي واذكر ربي بسري واحتسبو واتوكل عليه.

ما زبطت

3- بحاول اتسطح شوي وغمض عيوني ومافكر بأي شي وخاصة موضوع أو سبب غضبي.

اي هوي الواحد بأوج إنبساطو ما بتزبط معو

4- أكل خاصة إاذ كان الغضب أو التوتر مرتبط بالزمن, كأن يكون وقت مشكلة عائلية أو امتحانات مثلاً.

لا لا ما زبطت معي

5- بسوق سيارة أو بركب مع حدا مو بهدف السرعة, بس إنو امشي بالسيارة لأنو بنسى وتها سبب غضبي.

احلا شي انو سوق وانا معصب :o يا اما بعمل شي حادث يا اما بتفشش بشي شفير تاني

6- اتسمع لموسيقى بحبها.

هئه

7- بحكي مع أقرب شخصة إلي قلبي إذا كان في بحياتي حدا طبعاً.

يعني بس ما كتير مشان ما تقع براسو



بس غالبا بطلع وبدخن وبشمي

الغضب، ذلك المارد.. لكم يصعب علينا أن نرجعه إلى قمقمه.. ما إن يفلت!
لست ممن يثور بسرعة، لكن عندما أثور، يصبح غضبي عاصفة لا تهدأ إلا بعد أن تدمر، و لأني أدرك مدى سلبية هذا الشعور، أفضل العزلة حتى لا ألحق بدماري من هم حولي..
لحسن الحظ، عواصفي نادرة الحدوث!
:D

أفضل العزلة






المُتوحد يلتهمُ نفسـه ُ في العُزلة

وَ مع الحشـود تلتهمه ُ أعداد ٌ لا مُتناهية




نيتشه

يا إماا ..

بأركل ..

او بعيط وبضل عيط ..

او باكل شوكولا .. وبعدها شويه زعتر مشان وازن :p

بسمع اغاني بصوت عالي \\ ان كان في مجال بطلع على شي مكان فيو ازعاج كتير \\


او بنط عالحبله .. او بسبح .. او بتخانق مع ماما ..

برسم وهي كتييييييييييييييييييييييي ير بتصير معي ..

تحية
من جهتي و الله بفوت على كيسي الملاكمة
يلي بالغرفة المعزولة
و بضل بطخ فيه
لحتى ما يضللي حيل عصب
بس المشكلة اليوم انكسرت السلسلي
و خايف عصب قبل ما ظبتو
:lol:
:D

بمسك المخدة وبحط ع وجهي وبضل بصرخ... باكل شوكولا...
بضل نق.. وبفشا بشي حدا...
بطلع بالسيارة وبسوق وبضل سوووووووووق

وهففففففففففففففففففففففف فففففف

أبتسم وَ أسخر وَ أسحبُ سيجارة وَ أشّـعِلـُها

وَ أصّمِت ,.





هلا إنت بلحظة الغضب, بتتذكر السيجارة, وبيطلبها جسمك, فلما اتلبي ندائو, بتحس حالك ارتحت, ولو كانت راحة مزيفة, المهم إنك ارتحت. بس أنا ما بدخن, ولا بشرب, ولا بأركل..... لشو حياتو:o:o
والله يعني كانك براسي ياصديقي :deal:



أنا الآن غاضب وَ ساخر وَ ناقم على الحياة

أحتسي قهوة ً سوداء وَ أدخنُ بـِ شَراهة

أأنتَ قريبٌ مني ؟

أينَ أنت ؟






أهلين ع المرور, كمان النقطة هون إنو بندخن, بس موضوع القهوة بيعطي احساس بمحاولة تهدية الأعصاب واسترخاءها بتركيبة القهوة والدخان ولو كان بشراهة, ومراقبة خيوط الدخان. حلو كثير.

مابظن اقدر ساوي هيك بلحظه غضب
ممكن اسكت وادخل على غرفه لحالي
او ابكي
او اضرب شي او كسر شي
بفش قهري فيه
ومن زمان كنت دخن بس هلا لا
بطنش ووببكي
وبقعد لحالي وبسمع اغاني بحبها
او بحكي مع الي بحبهم
يسلموا على هالموضوع بيجنن

يسلمو ع مرورك, البكى وخاصة للصباية وسيلة مفيدة للتنفيس عن الغضبو خاصة لما بيكون وسيلتها الصامتة الوحيدة, أما التكسير فعلى فكرة في مراكز طبية بأوربة بتعتمد هالاسلوب لعلاج الغضب, بتفوتيع غرفة ملينة غراض وبيسكروا الباب عليكي وخدي ع تكسير, بس ديري بالك منها ببيتك لأنو أنا بشوف إنو من أكثر الأمور اللي بتعصب الرجل أكثر موضوع التكسير هاد, لأنو بيشو فيه ثورة عليه وهاد شي ابيرضاه أبداً.

بقعد بغرفتي لحالي وبفتح الانترنيت أو بدرس شوي و بدخن سيكارهههههههههه



برتاح

بس على فكره موضوع حلو ومهم جدا


موضوع إنك اتفوت على عالم النت وإنت معصب كمان وسيلة حلوة برأيي للتنفيس عن الغضب, لأنو بتنسى همك مع الناس اللي بهالعالم, أو بصورة بتشوفها هون أو كلمة بتقراها هون, أ, برنامج بتنصبو وبتبحبش فيه هونيك.. شكراً ع المرور حمودي
بعزف ... و بعزف ... وبعزف ... وبالاخير بعزف ....
هلا أنا بحياتي ما حسدت أو ع القليل ماسمحت لحالي أحسد حدا, وديماً قنوع برزقتي وبحاول نميها بجهدي مو بالتمني, إلا بموضوع الموهبة الفنية والموسيقية بالتحديد, فبحسد كل شخص الله غرس فيه هيك موهبة لأنها فعلاً رائعة وبتفتح أبواب الابداع بلحظات الغضب والنكسات الداخلية.

إلك كل الشكر ع المرور

بروح عند عوني تبع بار الواحة الخضراء وبسمع فيروز طلعلي البكي

قلتلي أبو عوني ها؟؟؟ ماشي عمي هشام, ماشي

باكل ... وباكل ... وباكل ... وبالاخير ما بشبع :o

لا بس انو جد .. بفش خلقي بالاكل ... وبالدخان

والله معك حق, أنا هيك بحالات الغضب الطويل أو الجو المكهرب والمليان مشاكل, بيزيد وزني جداً وقتها.
ببكي
باكل ..
بصرف مصاري ( كتير بفضي عصبيتي بصرف المصاري )
لأ والأحسن أني اصرف مصاري عالأكل :lol:
بس انو يعني .. هيك



موضوع صرف المصاري كمان صحيح, إنو الواحد بتصير معهو هيك متل إنو أسوء من هيك مارح يصير, فاصرف مافي الجيب يأتيك مافي الغيب.


بس غالبا بطلع وبدخن وبشمي
هلا ع زبطت ومازبطت, كل شخص عندو أساليبو الشخصية اللي بتزبط معو ومابتزبط مع غيرو, شكراً ع المرور

الغضب، ذلك المارد.. لكم يصعب علينا أن نرجعه إلى قمقمه.. ما إن يفلت!
لست ممن يثور بسرعة، لكن عندما أثور، يصبح غضبي عاصفة لا تهدأ إلا بعد أن تدمر، و لأني أدرك مدى سلبية هذا الشعور، أفضل العزلة حتى لا ألحق بدماري من هم حولي..
لحسن الحظ، عواصفي نادرة الحدوث!
:D


والله كلامك صحيح, وخاصة بموضوع العزلة, أنا جداً اجتماعي, بس لما بيتعكر مزاجي مابحب خالط حدا, وبحب انعزل بصمت نمو لريح راسي ومنو مشان ماعكر ع حدا غيري

يا إماا ..

بأركل ..

او بعيط وبضل عيط ..

او باكل شوكولا .. وبعدها شويه زعتر مشان وازن :p

بسمع اغاني بصوت عالي \\ ان كان في مجال بطلع على شي مكان فيو ازعاج كتير \\


او بنط عالحبله .. او بسبح .. او بتخانق مع ماما ..

برسم وهي كتييييييييييييييييييييييي ير بتصير معي ..

والله بصراحة, عندك مزيج غريب شوي, من شوكلا, لرياضة, لعياط, لضجيج, لنطوطة ع الحبلة, لموهبة الرسم...

بس في نقطة ليش بتتفشفشي بالماما, ماعندك اخوة بتتفشفشي فين؟؟؟؟
تحية
من جهتي و الله بفوت على كيسي الملاكمة
يلي بالغرفة المعزولة
و بضل بطخ فيه
لحتى ما يضللي حيل عصب
بس المشكلة اليوم انكسرت السلسلي
و خايف عصب قبل ما ظبتو
:lol:
:D



ذركرتني بهالنقطة, لأني بمارس الجودو, فلما بيكون عندي تمرين بوقت بكون فيه معكر أو معصب, بفش قهري باللي قدامي, بس للأسف مانها متل الملاكمة أو الكرتيه بحيث يكون فيني مارسها كل ماعصبت. فروح ركض ولحق حالك وزبط الكيس تبعك.

بمسك المخدة وبحط ع وجهي وبضل بصرخ... باكل شوكولا...
بضل نق.. وبفشا بشي حدا...
بطلع بالسيارة وبسوق وبضل سوووووووووق

وهففففففففففففففففففففففف فففففف
الله يعين زوجك يارب:o:o شكراً لمرورك

باكل ... وباكل ... وباكل ... وبالاخير ما بشبع :o

لا بس انو جد .. بفش خلقي بالاكل ... وبالدخان

فكرت بس انا بفترس الاشيا لما عصب

:cry:بصير بخوف وبفقد السيطره الكامله ع حالي

بتنهد وببعد عن الموقف اللي معصبني وانا بطبيعتي بهدا بعد دقيقتين

كل موقف و الو تصرف
و كل تعصيبة و الها ردة فعل :larg:

انا ببكي وبسمع فيروز وبصرخ
وبرقص كمان
:cry:

اصمت كثيرا وابتسم

:cry:بصير بخوف وبفقد السيطره الكامله ع حالي

طيب مافكرتي اتحاربي هالموضوع, لأنو مافي أسوء من احساس الندم لكلمة أو تصرف طلع بلحظة غضب

بتنهد وببعد عن الموقف اللي معصبني وانا بطبيعتي بهدا بعد دقيقتين

نيال قلبك, أنا مابهدي إلا بعد فترة مليحة والله

كل موقف و الو تصرف
و كل تعصيبة و الها ردة فعل :larg:

لهون أنا مع ع الخط, اعطيني نماذج بالله

انا ببكي وبسمع فيروز وبصرخ
وبرقص كمان
:cry:

اي رقوص لقلك رقوص:yahoo::yahoo:

اصمت كثيرا وابتسم


حلو الهدوء إذا فيك عليه بلحظة غضب

أنو أول شي بسلمون عالموضوع

أنا بس عصب بحاول أبتعد عن الشخص الزي عصبني (بقلو عن إزنك بدي أمشي لأن حاسة حالي رح عصب) وبعدين بحاول روق حالي بأي شي (بتمشى عادة ):gem:
أحيانا ما بقدر أمشي من إدام يلي عصبني لكتير أسباب فلا إراديا بدمعو عيوني وبسكت وما عد أحكي شي وبتجيني الجمدة مع كم دمعةإزا كان هو معصب كمان:? :cry:

بنروح وبنرع على إنو الصمت عن النقاش بلحظة الغضب, هي من أنجح الأساليب لدرئ فورة الغضب من الاستمرار

بحييكي وبحي دمعتك لأنها إذا نزلت بتكون عفتك من كلمة بتندمي عليها بعدين

بطلع بمشي
وإذا كان الوقت مش مناسب للطلعة برا البيت باخد دوش ساخن
المهم أعمل شي بيبعد عني الشي اللي زاعجني

وأحياناً ممكن الجأ لمصارحة حدا من أصدقائي بشو اللي زاعجني فبمجرد التعبير الكلامي بصوت مرتفع .. هالأمر مريح وبينفس عن الغضب

ببكيلي شوي :cry:
بعدين بقول لحالي شوها الغبا
بعدين بقوم دور على شي فلم حلو شوفو

بس في نقطة ليش بتتفشفشي بالماما, ماعندك اخوة بتتفشفشي فين؟؟؟؟

لااا تؤبر قلبي بتجنن .. انو ما بتفشش فيها بس كتير في بينا اختلاف بوجهات النظر من كل النواحي ..

لهيك انوو ممكن وانا معصبه تقلي شي انا مابدي ياه فانو منتخانق


بس بعداا بنراضي بعض:oops:

انا عن نفسي لما بعصب بدخل ع غرفتي بفش خلقي بالبكي وما بيعود حدا يقدر يحكي معي لحتى روق

الله يعين زوجك يارب:o:o شكراً لمرورك
اي واتذكرت فانو يفضل محدا يحاكيني... لانو الله يعين اللي بدو يحاكيني.. رح ياكل بهدلة مرتبة بدون سبب

بلا منها عم بيكي زيارة عوني..بوعدك في الاستراتيجية الجاية روح عن الشيخ ابوسليم اشرف قرفة بس ماتزعل

انا بسيب الناس وبفوت عغرفتي وبضل صافنة بالحيط لحد مااهدا..بس طبعا هاد بدو وقت كتير طويل
وللاسف حتى ممكن يكون في حدا عم يصرخ علي واضل صافنة فيو بدون ردة فعل
متل الحيط:cry:

انا وقت بعصب مابشوف حدا قدامي
بكل بساطة وقت بعصب بصير مو انا

انا اذا عصبت على اخواتي بصرخ عليهم او بسكت وبحمل حالي وبتركهم على غرفة تانية
او ببكي على حسب الحالة او التعصيبة

انا مو كتير عصبية كتار بحاولو يستفزوني بس ما بيئدرو ...بس في حال عصبت ما بحكي ولا كلمة بسكت و بخبي جوا و بلائي حالي شي اخدني ع المي لاشرب ...بحس في نود بجبييني و بتروح...بعدين شوي تانية و برووء و بلائي حالي عم غني,,لانسى..,

ههههههههههههههههههههههههه هههههههههههههه:lol:

بضحك لانو هي اكبر مشاكلي:p ..............الغضب:x


انا لما بضايق بطلع على الاسطوح وبصير لف ودور واحكي مع حالي:shock::shock:
اشي على اللي عصبني ...اشي بلوم حالي ........واهم شي بالاخير بصير اضحك على حالي

ههههههههههههههههههههههه.... ............بعدين بحس بحالة من الراحة والشعور بأني مجنونة


بس والله برتاح بالاخير;);)

ببكي :oops:

بنعزل لحالي لحتى كون هديت باغلب الاوقات ببكي اذا كان الموضوع يلي معصبني عاطفي
واذا كان موضوع بعيد شوي عن العاطفة بفكر وبفكر وبفكر حتى اهدى

ايام زمان كانت ردود فعلي كتير عنيفة
سواء صرخ او حتى احيانا ضرب للي قدامي
هلق غالبا ببعد عن سبب التعصيب
وبحاول عد للعشرة
احسن ما ترجع ردود الفعل
يا بسمع شي بيهديني
او بطلع بمشي
وحاليا بسعى ما احكي وانا معصبة لانو تكلفتها احيانا كتير كبيرة

بجن بصرخ وبعيط وبضرب وبكسّر وما بعرف شو بعمل....
وبعدين:larg:

ولي

الله لا يورجيكن كيف بكون لما بعصب

ما بنطاق خاصة اذا خناقة بالشارع مثلا

بعيط وبخانق كتير لمدة قصيرة لانو اذا ما عيطت لح امرض بالنهار يلي بعدو بس بعد 10 دقايق بروووق فورا

يا لطيف الطف...

الغضب دون سيجارة تحرقها غضبا قد يحرقك انت

يعني أنا فيني جمع كل الردود اللي أجت أو أغلبها برد بسيط مع ملاحظة صغيرة, الملاحظة, إنا نحن شعب عصبي جداً ويا لطيف من عصبيتنا, بناكل اللي عصبنا أكل وبنحرقوا حرق

الرد البسيط هو إنو الغالب عندو ردة فعل مشتركة وهي السيكاة, العياط, البكي

طيب, لجميع العصبية والعصبيات, جبتلكن كتاب عن التحكم بالغضب, ياريت يعجبكن,

لاحدا يعصب علي بس الكتاب بالعنجليزي



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////