الحضارة العربية .. من أين .. وإلى أين ؟؟

لا أستطيع أن أقنع نفسي بأنه هناك حضارة عربية في الوقت الحالي فهي ليست إلا تراكماً لأشياء متوارثة عن الحقب السابقة ابتداءً من الحضارات البدائية الى الحضارات التي نورت العالم اليوم مرورا بالثقافة العشائرية و تراكمات الاحتلالات المتعاقبة علينا

سألني أحد أصدقائي كيف نستطيع النهوض بالمجتمع ؟
أقول لكَ يا صديقي لن تستطيع النهوض بمجتمعك هذا إلا عندما تزيل الحقد والكره والتخلف والطائفية ( الاجتماعية والاقليمية والدينية وكل انواع الطائفية ) والانحيازية والقذارة والكذب وتضع مكانها الضمير والثقافة والحيادية والصدق والمحبة والمعرفة.
وأطلب منكَ يا صديقي ألا تسألني كيف ؟ لأنني لو كنت أعرف الإجابة لما ذكرت لكَ كلّ هذه الأوهام.


أين هي الحضارة العربية ؟
عندما تكون المحسوبيات هي القانون و فقو القانون !
عندما تغيب الاصول البسيطة في التعامل بين الناس ؟
عندما تمشي البنت و تتعرض للمضايقات ؟
عندما نرى ام تبهدل ابنها (بالشارع) بدل الكلام معه بالبيت ؟

عندما تنتشر الازبال اذا لم تطبق البلدية القوانين ؟!
و غيرها كثير


هذا ليس اظهار للسلبيات المعروفة .. و لكن .. السؤال المتبادر الى اذهاننا

هل الحضارة هي التغني بالماضي ... ؟



لو نعود الى الماضي و نسأل عن العروبة في مرحلة من المراحل نجدها القبيلة و السيف و الخيل

فهل علينا العودة الى القبيلة في يومنا هذا !

و السؤال الي يطرح نفسه: هل العشائر اليوم تتحلى بنفس ما تحلت به القبائل العربية في يوم من الايام ؟


يُتبع

تتمّة..

فالعشائرية موجودة ومتأصلة لدينا بشكلٍ من الأشكال، ولم نستطع أن نزيلها على مرّ العقود .. وعلى مرّ العقود التي ستمرّ، حتى لدى أرقى الأشخاص سنجد أن لديه تصرفاً عشائرياً واحداً.
أتسائل دائماً .. لماذا رأيناها من زاويةٍ واحدة، ألم يكن الأفضل لنا لو أننا قبل شتمها، أن نتخلى عن الأشياء السلبية التي ورثناها عنها.؟

ألم يكن الأجدر بنا أن نأخد إيجابياتها قبل شتمها ؟
نبول عليها ونتيمم بها في نفس الوقت ؟

أخذنا منها "ثأر - تخلف - شرف كاذب - رأس حاكم واحد"
إذاً أين "الكرم - الأخلاق النبيلة" أو مبدأ الكل للواحد والواحد للكل؛ لم لا نجعل العشيرة عامل بناء المجتمع الحديث ... بدل كونها عامل رجعي ...

هل التعلق بالعروبة .. يعني التمسك بالفصل العشائري (الدية) في ظل دولة القانون و الدستور الحديثة ؟

في ظل الدولة الحديثة .. هناك جهاز قضائي و جهاز تنفيذي ..
لم ايجاد بديل عن القانون و السلطة التنفيذية
و ما هي مؤهلات رئيس العشيرة... حتى يكون بديلاً عن القاضي و الحاكم !
احيانا يتحول الولاء للعشيرة .. يعبر الى الولاء المذهبي و الولاء الحزبي .. و هذه مصادرة فكرية و اتباع اعمى ...

ان كان التأصل بالحضارة العربية بهذه الطريقة .. فهذا التمسك سلبي للغاية
لم ما زلنا نصر ان العشيرة هي مرادف للدولة ؟؟
بدل ان تكون عامل بناء للمجتمع المدني الحديث من خلال التآخي و الكرم و الاخلاق و الاصول ... الخ

انتهى
:akh:

و السؤال الي يطرح نفسه: هل العشائر اليوم تتحلى بنفس ما تحلت به القبائل العربية في يوم من الايام ؟

لا ما بتتحلى .. اذا ضل الوضع متل هيك وضل الاخ ما بيحب الخير لاخوه والصديق بيخون صديقو ... ولا بعمرها رح تتحلى ... يرحم ايام زمان مقارنة بهالايام ....

لم ما زلنا نصر ان العشيرة هي مرادف للدولة ؟؟



انو حلو الشخص يكون عندو انتماء لعشيرتو بس انو ما تصير مرادف للدولة ..

المجتمعات العربية هلا عايشة بمرحلة ركود وانحطاط بكافة المجالات بس النواحي الاهم هيي النواحي الفكرية والاجتماعية , حتى التراكمات الحضارية الي عم تحكي عنها ما اخد منها المجتمنع العربي الا النواحي السلبية,
والمفهاهيم المشوهة والخاطئة , يعني ممكن تشبه الوضع الحضاري بالعالم العربي هلا بالوضع الي كان سائد باوروبا بالعصور الوسطى , تخلف في كافة المجالات السياسية والاجتماعية والاقتصادية والفكرية والعلمية .
مجي لتفصيل الواقع العربي , من الناحية الفكرية في حالة جمود فكري خطيرة ألها عدة عوامل متل الرقابة الحكومية إضافة الى الرقابة الدينية أي افتقاد حرية التعبير والابداع الفكري الي دائماً بيصطدم بعوائق بيفرضها المجتمع المتقوقع ضمن افكار معينة وهاد عامل اساسي للركود الحضاري أو التأخر الحضاري , يعني لما اي مفكر أو أي كاتب بعبر عن أفكار جريئة لتغيير واقع معين بالمجتمع العربي بيبدأ القمع الفكري يعني اذا كان عم يمس اي نظام من الانظمة اعربية ألو تلت خيارات يا أما المعتقل يا اما النفي يا امى أنو ينضب ببيتو ويسكت , واذا كان عم يمس بتابو ديني اجتماعي كمان بيتعرض للقمع الفكري وبكون امام خيارين يا اما التكفير وهدر الدم يا أما الاستتابة يعني التوبة والرجوع عن افكارو . والعامل الفكري الي كتير مهم بتطور المجتمعات حضارياص معطل بالوطن العربي لأساباب عديدة منها الي ذكرتها .
اما من الناحية الاجتماعية فالمجتمعات العربية فيها أمراض اجتماعية لا تعد ولا تحصى واهنها الكبت الاجتماعي , أضف الى ذلك انعدام الحريات في المجتمع العربي الي دائماً بتكون مقولبة ضمن قوالب جاهزة مفصلة ممنوع الخروج عنها , أضف إلى ذلك عدم وجود ثقافة المواطنة بشكل عملي وعلمي يعني عدم وصول الشعب العربي لأدراك معاني الحقوق والواجبات بالشكل الصحيح , وعدم احترام الافراد لشي اسمو خصوصية , أضف لذلك التمسك بشكل متعنت بأفكار و عادات وتقاليد اجتماعية ممكن تكون مدمرة بكتير من الاحيان وبتعيق التطور والنهضة الحضارية , ناهيك عن الشي الي ذكرو أب سارة عن الطائفية والعشائرية والمناطقية .
أما من الناحية السياسية الي بيتحكم بشكل عام بكل ما ذكرنا سابقاً فالوضع العام بالوطن العربي متفكك سياسياً , والعداوة بين العرب أنفسن اشد من العداوة بين العرب واسرائيل بكتير من الاحيان , إضافة غلى انعدام مفهوم المجتمعات المدنية بالعالم العربي , وضيق حيز الحريات والديموقراطية . وهاد كمان عامل مؤثر بالتقدم الحضاري.
وعلى كلن الحضارة العربية مرت بفترات متقطعة من الحضارة بالماضي ولا كتير تشد أيدك

الحضارة العربية .. من أين .. وإلى أين ؟؟

لا أستطيع أن أقنع نفسي بأنه هناك حضارة عربية في الوقت الحالي فهي ليست إلا تراكماً لأشياء متوارثة عن الحقب السابقة ابتداءً من الحضارات البدائية الى الحضارات التي نورت العالم اليوم مرورا بالثقافة العشائرية و تراكمات الاحتلالات المتعاقبة علينا

سألني أحد أصدقائي كيف نستطيع النهوض بالمجتمع ؟
أقول لكَ يا صديقي لن تستطيع النهوض بمجتمعك هذا إلا عندما تزيل الحقد والكره والتخلف والطائفية ( الاجتماعية والاقليمية والدينية وكل انواع الطائفية ) والانحيازية والقذارة والكذب وتضع مكانها الضمير والثقافة والحيادية والصدق والمحبة والمعرفة.
وأطلب منكَ يا صديقي ألا تسألني كيف ؟ لأنني لو كنت أعرف الإجابة لما ذكرت لكَ كلّ هذه الأوهام.


أين هي الحضارة العربية ؟
عندما تكون المحسوبيات هي القانون و فقو القانون !
عندما تغيب الاصول البسيطة في التعامل بين الناس ؟
عندما تمشي البنت و تتعرض للمضايقات ؟
عندما نرى ام تبهدل ابنها (بالشارع) بدل الكلام معه بالبيت ؟

عندما تنتشر الازبال اذا لم تطبق البلدية القوانين ؟!
و غيرها كثير


هذا ليس اظهار للسلبيات المعروفة .. و لكن .. السؤال المتبادر الى اذهاننا

هل الحضارة هي التغني بالماضي ... ؟



لو نعود الى الماضي و نسأل عن العروبة في مرحلة من المراحل نجدها القبيلة و السيف و الخيل

فهل علينا العودة الى القبيلة في يومنا هذا !

و السؤال الي يطرح نفسه: هل العشائر اليوم تتحلى بنفس ما تحلت به القبائل العربية في يوم من الايام ؟


يُتبع

بيقول الكاتب حسين مروة في كتابه الموسوعي النزعات المادية في الفلسفة الإسلامية "الإسلام " إنو اول ما بدأ المفكرين العرب بالتفكير بمرحلة الإستقلال القومي كان القومية عندهن تاخذ الشوفينية الأدبية حيث محاولة إستنساخ التراث الادبي ...بعدين في فترة المد القومي العربي إنشغل على قصة تانية من بعض العلمانيين العرب التقدميين - من امثال المؤلف نفسه وطيب تيزيني وهالشلة- على نظرة تقدمية -مادية- للتراث بس للأسف أخصيت هذه المحاولة بإيدي الكثيرين أهمهم السلفيين اللي شافوا بالنظرة المادية للتراث محاولة لنزع التراث من القداسة ووضعه في مصافي التجارب البشرية وهو تاريخ وتراث منزه عن البشرية .كمان تم خصي هالمحاولات من القوميين العرب اللي شافوا بالرؤية التقدمية للتراث محاولة لتفريغ القومية العربية من الشوفينية بإظهار التناقضات القائمة بين ما يستلذون بتسميته "أقطار"
اخر شي بضيف شي من عندي إنو لو المطلق كان بالتاريخ ما كان التاريخ انتهى لكان إستمر وصار مستقبل
بس لإنو كان بتراث الماضي تناقضات فهيدي التناقضات من الطبيعي اطاحت بالنظام باكمله
تحياتي الحارة
ظل جيفارا

لو نعود الى الماضي و نسأل عن العروبة في مرحلة من المراحل نجدها القبيلة و السيف و الخيل
فهل علينا العودة الى القبيلة في يومنا هذا !
و السؤال الي يطرح نفسه: هل العشائر اليوم تتحلى بنفس ما تحلت به القبائل العربية في يوم من الايام ؟


لما منرجع ع ماضينا القديم .. يعني ماضي القبائل
ما بتوقع رح نلاقيه افضل من اليوم
لانو ماضي كلو عايش ع السلب والنهب والتعصب القبلي
روحو ارجعو ع قصائد عنترة ...امروء القيس ( غير الخمريات ) عمرو بن كلثوم ... وغيرون من رموز الشعر القديم عنا ..قصائد مليئة بالهنجعية الفوقية والبطش بالاخرين واخذ بالثائر ظالما او مظلوما...
فبهديك الايام كانت الصفات الحميدة للعرب تبقى ضمن اطار القبيلة الواحدة .. اي انو افراد القبيلة فقط مع القبائل يلي بتتبع الها... هني متلاحمين متكاتفين وكرماء لبعض .. بس حتى هيدا الكرم يلي كتير انحكى فيه كان نتيجة سلب ونهب القبائل الاضعف لانو الكل كان عايش على هيدي الوسيلة ..
فايا ماضي عريق عم نحكي عنو ؟؟
الحضارة العربية بمفهومها الحرفي اي فقط العربية ( اي القادمة من شبه الجزيرة العربية) .. بيتوقع الها اثر قليل جدا بتاريخنا .. بس لما منحكي عن حضارة اسلامية .. اي يلي قامت ايام سيطرة الدولة الاسلامية ( فترة الدولة العباسية ) وانحسار موجة الغزو.. بلشت اشكال الحضارة العلمية والتقنية والاجتماعية تظهر وهون الفضل مو بس للعرب وانما لكتير امم انطوت تحت لوائها ....وما كانت مقتصرة على المسلمين وحدون وانما الاديان الاخرى ساهمت فيها ايضا بحكم وجودها بقلب الدولة الاسلامية.

فلهيك كجواب على التساؤل .. في كتير من العادات القبلية السلبية عم تتحكم فينا لحد الان .. بس التكاتف يلي طبع القبيلة الوحدة عم نتخلى عنو

.. بس التكاتف يلي طبع القبيلة الوحدة عم نتخلى عنو
صديقتي إذا التكاتف بياخد شكل لا إنساني " كما الطابع الغالب على تكاتف القبائل " فما بدنا إياه زيادة عليه في إله ناس بتتقبله ..
يعني نصرة القبائل وتاراتها بدون ما يكون فيهم رجل واحد حكيم او مفكر يقول لأ انا ماني فاضي للتار والحكي الفاضي هيدا شي حلو ...إنشاءالله عمره ما يكون
تحياتي الحارة
ظل جيفارا

صديقتي إذا التكاتف بياخد شكل لا إنساني " كما الطابع الغالب على تكاتف القبائل " فما بدنا إياه زيادة عليه في إله ناس بتتقبله ..
يعني نصرة القبائل وتاراتها بدون ما يكون فيهم رجل واحد حكيم او مفكر يقول لأ انا ماني فاضي للتار والحكي الفاضي هيدا شي حلو ...إنشاءالله عمره ما يكون
تحياتي الحارة
ظل جيفارا

بيني وبينك ...ما فهمت ردك منيح

لانو التكاتف القبلي ( وبتوقع ذكرت هيك شي بردي بشكل غير مباشر ) هوي اولا واخيرا لا انساني وانما منفعي .. يعني انا ما شايفة انو العادات القبلية شغلة منيحة بالمرة سواء ضمن القبيلة او خارجها .
هي بخصوص الشطر الاول من كلامك ..
اما البقية يلي تحتها خط.. فما فهمت شو قصدك:oops:

قصدي إنو التكاتف تبع القبيلة اللي قلتي عنه إنو راح " على فكرة بسوريا خف كتير بس بالأردن ما زال يسعر في الرمضاء " هيدا التكاتف كان يخلي القبيلة كلها تطلع تقوم قومة "جحش واحد -اسف على المصطلح-" بغض النظر عن سبب الطلعة وانا واثق إنو في كتير من المقاتلين بوقتا لو تسألهن ليش عم تقاتلو او مين عم تقاتلو ما بيعرفوا لهيك هيدا التكاتف تبع القبائل ما بدنا إياه اذا بدنا تكاتف فهو تكاتف فعال
مبدئيا خلونا نتكاتف لنشيل هالحكومة بسوريا "الله ما بيشيلا"حاجة جاعوا العباد...
تحياتي الحارة
ظل جيفارا

مبدئيا خلونا نتكاتف لنشيل هالحكومة بسوريا "الله ما بيشيلا"حاجة جاعوا العباد...


قبل ما تشيلها ... دور او شكل بديل الها......... بس المهم ما يعمل متل القبائل انو ع الصح والغلط المهم نشيلها.. لا هيك وقتها منرجع لنفس العادات القبلية الخاسرة والمخسرة ...
التكاتف لما بيقوم فقط على المصالح........... بيروح بس تروح المصالح.......تماما متل ما راحت قبائل واجت غيرها واجا مين روحها ... وهلم جرا...خلونا نتكاتف على مبادئ او مبدا واحد ع الاقل.

لما منرجع ع ماضينا القديم .. يعني ماضي القبائل
ما بتوقع رح نلاقيه افضل من اليوم
لانو ماضي كلو عايش ع السلب والنهب والتعصب القبلي
روحو ارجعو ع قصائد عنترة ...امروء القيس ( غير الخمريات ) عمرو بن كلثوم ... وغيرون من رموز الشعر القديم عنا ..قصائد مليئة بالهنجعية الفوقية والبطش بالاخرين واخذ بالثائر ظالما او مظلوما...
فبهديك الايام كانت الصفات الحميدة للعرب تبقى ضمن اطار القبيلة الواحدة .. اي انو افراد القبيلة فقط مع القبائل يلي بتتبع الها... هني متلاحمين متكاتفين وكرماء لبعض .. بس حتى هيدا الكرم يلي كتير انحكى فيه كان نتيجة سلب ونهب القبائل الاضعف لانو الكل كان عايش على هيدي الوسيلة ..
فايا ماضي عريق عم نحكي عنو ؟؟
الحضارة العربية بمفهومها الحرفي اي فقط العربية ( اي القادمة من شبه الجزيرة العربية) .. بيتوقع الها اثر قليل جدا بتاريخنا ..

تماما .. كانت الحروب بين القبائل العربية و الثارات و .... الخ ..

بس يعني ممكن نشوف الحيرة على سبيل المثال ...


يبقى هناك بعض الامور الايجابية بحضارة القبائل و البدو ...


بس المشكلة صاير الاعتزاز بالالقابئل العربية ... اعلى من الاعتزاز بحضارة الرافدين و سوريا !!!


المشكلة الاكبر .. في الاصرار على ابقاء مظاهر بدل اخلاقيات


فلهيك كجواب على التساؤل .. في كتير من العادات القبلية السلبية عم تتحكم فينا لحد الان .. بس التكاتف يلي طبع القبيلة الوحدة عم نتخلى عنو

اي اذا حل مكان التكاتف و التعصب للمنطقة اللي اجينا منها ... المواطنة

اذا حل مكانه ..... شعور المواطنة و حب الوطن و و حب الانسانية بشكل راقي


المواطنة ... كثير احسن من التكاتف على الزين و الشين ... و مساعدة المجرم و دفع الدية عنه و نراه حرا طليقا بدل الحبس !



بس لما منحكي عن حضارة اسلامية .. اي يلي قامت ايام سيطرة الدولة الاسلامية ( فترة الدولة العباسية ) وانحسار موجة الغزو.. بلشت اشكال الحضارة العلمية والتقنية والاجتماعية تظهر وهون الفضل مو بس للعرب وانما لكتير امم انطوت تحت لوائها ....وما كانت مقتصرة على المسلمين وحدون وانما الاديان الاخرى ساهمت فيها ايضا بحكم وجودها بقلب الدولة الاسلامية.

فلهيك كجواب على التساؤل .. في كتير من العادات القبلية السلبية عم تتحكم فينا لحد الان .. بس التكاتف يلي طبع القبيلة الوحدة عم نتخلى عنو


صحيح الحضارة العربية او الحضارة الاسلامية او الحضارة الشرقية ... نورت العالم في يوم من الايام

و الكل ساهم فيها ... و الفرس و بلاد السند ساهموا كثيرا كثيرا فيها ..
هي الحضارة نتيجة التواصل الحضاري



بس المشكلة . وين نحنا اليوم ؟؟؟


أين التقدم الحضاري قبل التقدم العلمي و الادبي ؟؟


نحتاج الى اشواط كبرى حتى نعيش الحضارة الحقيقية ..





شكرا على مرورك :D

بيقول الكاتب حسين مروة في كتابه الموسوعي النزعات المادية في الفلسفة الإسلامية "الإسلام " إنو اول ما بدأ المفكرين العرب بالتفكير بمرحلة الإستقلال القومي كان القومية عندهن تاخذ الشوفينية الأدبية حيث محاولة إستنساخ التراث الادبي ...بعدين في فترة المد القومي العربي إنشغل على قصة تانية من بعض العلمانيين العرب التقدميين - من امثال المؤلف نفسه وطيب تيزيني وهالشلة- على نظرة تقدمية -مادية- للتراث بس للأسف أخصيت هذه المحاولة بإيدي الكثيرين أهمهم السلفيين اللي شافوا بالنظرة المادية للتراث محاولة لنزع التراث من القداسة ووضعه في مصافي التجارب البشرية وهو تاريخ وتراث منزه عن البشرية .كمان تم خصي هالمحاولات من القوميين العرب اللي شافوا بالرؤية التقدمية للتراث محاولة لتفريغ القومية العربية من الشوفينية بإظهار التناقضات القائمة بين ما يستلذون بتسميته "أقطار"
اخر شي بضيف شي من عندي إنو لو المطلق كان بالتاريخ ما كان التاريخ انتهى لكان إستمر وصار مستقبل
بس لإنو كان بتراث الماضي تناقضات فهيدي التناقضات من الطبيعي اطاحت بالنظام باكمله
تحياتي الحارة
ظل جيفارا




بس ما فهمت الشوفينية الادبية ؟؟

بس النقاط اللي حكيت عليها فيها وجهة نظر ...


من ناحية التاريخ مليئ بالتنقاضات و يناقض نفسه .. صحيح



بس اذا استفدنا من تناقضات التاريخ ... ممكن نمحيها !


شكرا على مرورك

شو منشان انكم عم تحكو عن الحضارة العربية يلي هيي جزء من الحضارة الاسلامية ,يلي الأولى عطتها اللغة والطاقات البشرية والتانية اعطتها الروح والدفعة المعنوية وما ضل منها اليوم غير العاهات النفسية

شو منشان انكم عم تحكو عن الحضارة العربية يلي هيي جزء من الحضارة الاسلامية ,يلي الأولى عطتها اللغة والطاقات البشرية والتانية اعطتها الروح والدفعة المعنوية وما ضل منها اليوم غير العاهات النفسية
ما ضل من التنين غير العاهات سواء الحضارة العربية أو الحضارة الاسلامية.
ونحنا عايشين على أشلاء حضارة عربية .حتى الحضارة العربية كانت استمرر وستكمال للحضارات الي سبقتها
يعني كانت نتاج حضارات سابقة .
وكانت نسيج من حضارات الشعوب الي كانت منضوية تحت راية الدولة .

ما ضل من التنين غير العاهات سواء الحضارة العربية أو الحضارة الاسلامية.
ونحنا عايشين على أشلاء حضارة عربية .حتى الحضارة العربية كانت استمرر وستكمال للحضارات الي سبقتها
يعني كانت نتاج حضارات سابقة .
وكانت نسيج من حضارات الشعوب الي كانت منضوية تحت راية الدولة .

ما هو نتيجة التزاوج بين التنين خلفو العاهات يعني لسا لحد الآن ما رسوا على بر , لا دولة اسلامية ولا قومية ولا انتماء ولا هوية , متل الافريقي يلي تزوج روسية وجابو ولد لون جلدو أسود وشعرو أشقر وعيونو خضر .
وضاع الولد ما بين خط الاستواء وسيبيريا

ما هو نتيجة التزاوج بين التنين خلفو العاهات يعني لسا لحد الآن ما رسوا على بر , لا دولة اسلامية ولا قومية ولا انتماء ولا هوية , متل الافريقي يلي تزوج روسية وجابو ولد لون جلدو أسود وشعرو أشقر وعيونو خضر .
وضاع الولد ما بين خط الاستواء وسيبيريا
يا عيني عليك :D

بس ما فهمت الشوفينية الادبية ؟؟

بس النقاط اللي حكيت عليها فيها وجهة نظر ...


من ناحية التاريخ مليئ بالتنقاضات و يناقض نفسه .. صحيح



بس اذا استفدنا من تناقضات التاريخ ... ممكن نمحيها !


شكرا على مرورك


الشوفينية أدبيا أن تقتبس شكل من التراث الأدبي في كتابتك فلا تحيد عنه ,مؤكدا على فكرة أصل الأدب ونوعية الأدب التراثي في منطقة أسمى وافضل نوعية وجودة من المناطق الاخرى ..
كالشوفينية بمصطلحها العام ولكن أن تأخذ شكلا أدبيا
تناقضات التاريخ لطالما كانت تقصي نفسها بنفسها ...فلندرس كل الحضارات تناقضاتها الصغيرة مع ذاتها ومع الأخرين هي التي أدب لزوالها مع الزمن
إضطهاد قومية لقومية أخرى هو من ادى بزوال الدولة بشكلها القومي ....
إضطهاد دين للأديان الأخرى هو من أودى بالنظام الديني
تحياتي الحارة
ظل جيفارا

اي اذا حل مكان التكاتف و التعصب للمنطقة اللي اجينا منها ... المواطنة

اذا حل مكانه ..... شعور المواطنة و حب الوطن و و حب الانسانية بشكل راقي


المواطنة ... كثير احسن من التكاتف على الزين و الشين ... و مساعدة المجرم و دفع الدية عنه و نراه حرا طليقا بدل الحبس !


لنشوف المواطنة بدنا نعرف نبني وطن
ونبني جيل ولائه للوطن اولا
من دون نزعات لا دينية ولا وذهبية
لا قومية ولا عنصرية
وطن بيساع الكل والكل فيو الو حقو .
دولنا لسا لحد الان عايشة على بقايا الخلافة والسلطان .. اي لسا ما صار فيهاا شي اسمو دولة ...

لما منقدر نجتث هيك بقايا من نفسنا اولا ..
ونقدر ننقلها لاجيال تانية ثانيا
وقتها منقدر نشتغل بشي اسمو مواطنة .
غير هيك لا .
المسيحي رح يضل مسيحي .ز والمسلم مسلم .. الابيض ابيض .. والاسود اسود .
وما حدا عندو شي اسمو لا وطن ولا مواطنة