ينطبق المثل العربي القديم الذي يقول فيه صاحب ابل تعرض لغارة استحوذت على ابله وذهبت بها فعاد بعد ام ركض خلف الغارة لفترة ولما سئل عما فعله بالغزاه

قال ( لقد ذهبوا بالإبل ولكنني اوسعتمهم شتماً)

هذا ما يفعله النظام السوري في كل مرة تتعرض سوريا لغزاه من هذا النوع ولذلك يكتفي بالكلام الكاذب ويرقص على عذابات الشعب السوري النبيل الذي لا يستحق مثل هذا القتل ولا يستحق مثل هذا النظام الذي يجيد الكلام ولكنه لا يجيد أي شيء غيره.

لقد ضربت اسرائيل عام 2003م معسكرات لحركة فتح وجبهة التحرير الفلسطينية قرب دمشق الفيحاء وخنس النظام السوري ولم يعلن حتى عن الضربة واراد أن يمسحها بدقن الشعب السوري لكن اسرائيل فضحته فردد كلمات ببغائية ان النظام السوري

سيختار الرد المناسب ولم يأتي هذا الرد حتى هذه اللحظة

كما ضربت اسرائيل اثنتاعشرة بطارية صواريخ في البقاع اللبناني ودمرتها تدميرا كاملا فبلعها النظام ولازال يردد

ستختار سوريا الوقت المناسب للرد ولم يأت هذا الوقت المناسب.


كما أعلن الرئيس السوري أن انسحاب الجيش السوري من لبنان يحتاج إلى عشرة سنوات من الموضعة قبل أن يستطيع الأنسحاب الكامل ... لكن بعد انذار من كونداليزا رايس انسحب النظام السوري ولا اقول الجيش السوري الذي يستحق أن يكون بحال أفضل ... انسحب خلال ثمان ساعات حتى أن اللبنانيين يتهكمون بالقول أن بعض الجنود السوريين كانوا نائمين ولم يوقظهم القادة وتركوهم لأنه لم يكن لديهم الوقت الكافي لأيقاظهم بعد أن توالت برقيات النظام السوري على رؤوس القادة بالأنسحاب الفوري ونسي الرئيس في غمرة هذا الخوف الهالع أن الجيش يحتاج إلى عشر سنوات للتموضع بل نسي حتى معنى كلمة الموضعة.

حامت الطائرت الأسرائيلية عام 2006م فوق بيت الرئيس بشار الأسد وخنس النظام كما هي عادته ولم يتحدث عن هذه الغارة الا اسرائيل ثم اضطر النظام السوري إلى الأعلان عن ذلك

وتكرار اسطوانة اختيار الوقت المناسب للرد.


في بداية عام 2008 قامت الطائرات الأسرائيلية بتوجيه ضربة لما سمي بالمفاعل النووي السوري ودمرته بالكامل وخنس النظام السوري واعلنت اسرائيل عن الضربة الفضيحة ونفاها نائب الرئيس السوري وقال ان ذلك غير صحيح ولما ظهرت الصور التي تؤكد ذلك اعلن الرئيس تحت ضغط الرأي العام أن اسرائيل ضربت منطقة فيها مكان تدريب وانه خالي وقت الضربه

ولم ينس بالطبع أن يذيل تصريحه بأختيار الوقت المناسب للرد.


قبل ثلاثة أيام قامت طائرات امريكية بالأغارة على مدينة البوكمال في سوريا وقتلت ثمان اشخاص ودمرت مكان عربي سوري ولا زال النظام السوري يوسع الغزاة شتماً

ويقول (سيختار النظام السوري التوقيت المناسب للرد)

فما هذا الوقت المناسب فيما يتوجع الشعب السوري ويقتل ويهان والنظام سالم من كل هذا ..... ماذا سيحصل بعد كل هذا يا سيادة النظام السوري حتى تتحرك؟؟؟

أين العنتريات التي يدلي بها رؤوس النظام ضد كل ما هو عربي ؟ ماذا عن المعادلة التي تقول طالما ان النظام بخير فسوريا بخير وهل الواقع عكسة تماماً.

اسئلة بدون اجابة ....

المقال منقول عن احد المواقع العربيه

كنت مفكر المثل كالتالي: "أوسعوني ضرباً فأوسعتهم شتماً"...

بس عالحالتين المثل بمحلّو.

المقال منقول عن احد المواقع العربيه
يا ريت لو قلتلنا مين هالموقع حتى نعرف شو نرد عليه لأنو كل موقع على النت بيكتب مواضيع بيهدف فيها لشي معين

و طبعا في ناس ما شاطرة غير بالنقل بدون ما تفكر ولو واحد بالمية شو تبعيات العنتريات الي عم يحكوا عنها
و لا اذا كان الرد السوري وصل ولا لأ
و لا اذا كان العقل و المنطق و الحكمة خلونا ناخد بتارنا و نرد الصاع صاعين ...


بس رح يبقى الرئيس المفدى بشار الأسد و النظام الحاكم بسوريا شوكة في حلق كل الحاقدين

مفهوم سيدي مفهوم

أنثاف الرجال يتكلمون على نظامنا ؟

هزلت ...دنتو مسخرة

عليك به.......لانجوت ان نجاااااااااا

بس رح يبقى الرئيس المفدى بشار الأسد و النظام الحاكم بسوريا شوكة في حلق كل الحاقدين

حلو , بس يازلمي ما شفناك اليوم بالمسيرة عم تعبر عن واجبك الوطني ورافع صور السيد الرئيس المفدى وصور اخو وابو


انا من جهتي أشد على يديك , وبقول للامريكيين والاسرائليين وعملائن في هذا المنتدى

سيبقى بشار الاسد شوكة في حلق كل السوريين

شوكة نمرة 12...بس وينك مو ضروري يللي بيآمن بفكرة يطلع مسيرة

حلو , بس يازلمي ما شفناك اليوم بالمسيرة عم تعبر عن واجبك الوطني ورافع صور السيد الرئيس المفدى وصور اخو وابو
انا من جهتي أشد على يديك , وبقول للامريكيين والاسرائليين وعملائن في هذا المنتدى
سيبقى بشار الاسد شوكة في حلق كل السوريين

لو كنت بسوريا كنت طلعت و ما نطرت تعليمات ....

و الشوكة الي بحلق كل واحد بتنخزو ...

أنت معتبرو شوكة بحلقك و أنا معتبرو وسام على صدري بفخر فيه

الله محيي الاوفيا.................لسه في مخلصين؟؟؟؟؟

أنثاف الرجال يتكلمون على نظامنا ؟
هزلت ...دنتو مسخرة
هلأ هي ما فيك تعتب عليه فيها لأنو خلقة الله

أما تقليد الناس ... فهي مو خلقة الله

خلقة ابليس ايه

يا ريت لو قلتلنا مين هالموقع حتى نعرف شو نرد عليه لأنو كل موقع على النت بيكتب مواضيع بيهدف فيها لشي معين




السيد صياد الطيور
ليس المهم من هو الموقع ومن هو الكاتب , المقال مكتوب بسياق منطقي و معقول , واذا كانت لديك حجه لدحضه فانا اول المستمعين لك , اما ان نرفض قراءه فلان او سماع علان , و الحكم عليه مسبقا على نيته المضمره , او اتجاهه السياسي ( المساير او المعادي ) , فاسمح لي ان اقول لك ان هذا الكلام غير مقبول منطقيا , ولا عمليا , و زمان الفكر الواحد , والصحافه الواحده , والتعتيم الاعلامي الموجه , انتهى في كل بلاد العالم .

وهنا ياتي دور القارئ السوي , كي يقرا من اتجاهات عده , فينظر و يبسر الاخبار من عده روايات , ويسمع الاتهامات والمدافعات , بعدها تتكون لديه فكره , وهذه الفكره , لا تكون ابديه , لانها ايضا معرضه للتغير حسب تغيرات الاوضاع , و الشروح التي تلي ردا على الاحداث.

النقل ليس عيبا , بل سمه للتواصل بين افكار الناس , الا اذا كنت معترضا على هذا ..!!

للجميع تحيه

:D

على راسي ..

كلنا سوريين ... و من المعروف عنا أنو دمنا حامي و ما منرضى بالزاحلة ...
و كرامتنا هي أغلى شي علينا ...

هي صفات مشتركة عنا كلنا كسوريين ..

يس يا أخي يا صديقي يا معارض

لازم يكون الرد دائماً على طريقة أبو شهاب ؟؟!!

يا شباب مو كلشي بيجي من بالضرب و حركات الزعران ...
و الحوادث الي ذكرتها فوق بموضوعك المنقول صحيحة 100% و حرقت قلبنا يومها متل ما حرقت قلبنا هالغارة

و يومها سبينا النظام و الحكومة و خلينا كلمة ألا و حكينا و أنا أول واحد اتمسخر على ( نحتفظ بحق الرد )

بس يا شباب المراجل ما هيك ...
يعني خلينا نفكر شوي بحيادية ..... موافق ؟

شيل توب المعارضة عنك ... و أنا رح شيل توب الموالاة عني ..
و خلينا نكون على الحياد و الواعية ...

أميركا لما قررت تقوم بهالعملية ... بتتوقع يكون قرار إفرادي من الضابط المناوب ؟ أكيد لأ ... و أكيد الموافقة جاي من الكونغرس و وزارة الدفاع الأمريكية و أكيد حاسبين حساب أي ردة فعل عسكرية سورية ...و الأهم من هادا كلو أكيد ألهم أهداف من ورا هالعملية ...

طيب كلنا اعترضنا على المعملية و على نتائجها ... بس حدا منافكر شو سبب هالغارة و شو أهدافها ...

شي طبيعي و بديهي مو قتل الحارس و مرتو و عمال البناء ... و أكيد مو الارهابي الي كانو عم يحكو عنو

أنا بقول هدف العملية رح يكون توريط سوريا أما بالرد على أميركا وبالتالي دخولنا بمعركة غر متكافئة مطلقاً و غير مستعدين ألها بالوقت الي الطرب التاني ( الامريكان ) جاهزين و مستعدين لكل شي
أو الهدف التاني هو توتر العلاقات مع العراق و يمكن تحويل الموضع لنزاع مسلح

طيب الكل بيسال شو الرد السوري على عمليات سابقة و ضربات احتفظنا بحق الرد فيها

أنا ما فيي جاوب بشكل دقيق
بس أنا بعرف انو سوريا ردت على بض العمليات بشكل كبير و بالسياسة و مجالس كبيرة
و استغلت بعض المواقف و حققت فيها مكاسب سياسية كبيرة

هلق في ناس رح تقلي انو استغلت الموضوع سياسياً ... و أنا رح قول طبعا رح نستغلها سياسياً
لأنو لو دخلنا بحرب على سبيل المثال ... مليون واحد رح يطلع و يقول بعد فترة

كرمال 8 أشخاص دخلنا بحرب و خسرنا البلد الملايين و قتل من جنودنا و شعبنا المئات !!!!

برجع بقلك مو باب الدفاع عن النظام ... لا و الله على العكس ... أنا من النوع الي بتمنى أنو هلق تقوم فرقة من الوحدات الخاصة و تنفذ عملية على شي قاعدة أو دورية أميركية و رد الدين ...
بس أنا بقلك الحكمة ومعرفة عدوك بتخليك تعرف كيف تتعامل معو و بأي طريقة بترد عليه

و لك مني التحية :D

كبداية الطلب من الزميل صاحب الموضوع ادراج مصدر الخبر (كتحقيق للحقوق الفكرية للموقع الأساسي و هذا التزام من قبل منتدانا)


بالنسبة للأخ مازن...


صديقي حكيك كلو صح, و عالراس و العين.. ما حدا بدو حرب, و من السذاجة التفكير بحرب ضد أميركا... كل ما هنالك أنه من غير المنطقي و العقلاني (وحتى الأنيق) التلويح بشيء نحنا ما قادرين عليه...

كلامك قمة بالعقلانية, بس يا ترى الحكومة عم تتعامل بشكل يتناسب مع هالمنطق العقلاني؟ انو كطريقة اعلامية حتى... أو كطريقة تعامل شعبي.. يعني مش معقول يعتبرو تعليق عالانترنت هي قضية أمن دولة, بالوقت اللي يحكو هالحكي!

يا أخي نحنا دولة صغيرة, بشكل أو بآخر محكومة بظروف صعبة.. فانو لشو تكبير الكلام و بدنا و بدنا و بدنا, لما أنا و انت و هداك و حتى محسن بلال, يعرف انو ما نقدر؟

اخترقو حدودنا و عملو عملية ارهابية (لأنو هاد اسمو ارهاب اللي عملوه الأميركان).. طيب كل الحكي اللي من سنين عم ينحكى وينو؟ لاحظ ما عم قول انو يروحو يقصفو بغداد طبعا, أكيد لأ, و لا أي رد عسكري لأنو ببساطة ما منقدر.. لكن يا أخي لشو كتر الحكي عن الردود الزلزالية العاصفية, ازا هاد رابع اختراق للحدود خلال الخمس سنين الأخيرات, و ما ردينا ع ولا واحد؟ ليش بيع الأوهام للشعب, و الكبس على أنفاسو بحجة شي, ما منقدرلو؟

ما حدا زعلان من الحكومة لأنو ما تقدر ترد بالمثل... هاد أمر بعتقد يتفهمو كل الناس, لكن يا أخي لا تقضّي سنين تبيع أوهام انك قادر ترد الصاع صاعين و انك رح تعمل و تترك و تكسّر الدنيي, و بناءا على هالشي تعمل تجاوزات خطيرة بحق شعبك بحجة الدفاع عن الدولة, لما وقت الصحيح, ما بتقدر, و المشكلة انو ما حدا زعلان منك لأنو ما تقدر!

بدايه
الشكر للسيد صياد الطيور على رده الواضح , دون الوقوع ( كغالبيه الاحيان بين الموالين والمعارضين ) في سقطات لغويه , اقل ما يمكن ان يقال عنها انها لا حضاريه .

على الرغم من عدم اتفاقي بتحليلاته , و موافقتي التامه مع جواب السيد ياس


كما اريد ان اوضح موقفي من النظام السوري , بانني مواطن مستقل لا انتمي لاي حزب سياسي و غير متعصب لاي طائفه ولا احب التفرقه , كل همي ان ارى وطني عاليا مرفوع الراس , بما لدينا من اماكانيات هائله , سواء ثقافيه , علميه , او حتى حرفيه , و السوري مشهور بتفانيه بالعمل ( اقصد السوري الاصيل ) , وهذا ما هو همي اليومي و هاجسي الذي اتمنى ان ارى بلدي يعيش في حريه وعداله ورفاهيه , فليس الاخرون احسن منا , كما ان لدينا المؤهلات لذلك , ان احببنا ان نسلك الطريق السليم .


كما انني اضع رابط المقال بناء على طلب السيد اياس


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


مع التحيه للجميع

:D

أنا بقول هدف العملية رح يكون توريط سوريا أما بالرد على أميركا وبالتالي دخولنا بمعركة غر متكافئة مطلقاً و غير مستعدين ألها بالوقت الي الطرب التاني ( الامريكان ) جاهزين و مستعدين لكل شي
أو الهدف التاني هو توتر العلاقات مع العراق و يمكن تحويل الموضع لنزاع مسلح




يعني برايك لو امريكا قررت تحتل سوريا , او على الاقل توجهلها ضربة عسكرية , بحاجة هي لرد او ذريعة؟؟

بعدين انت شايف انو اميركا حاليا فاضية لتدخل بنزاع مسلح كبير هلق , وايمتى قبل كم يوم من الانتخابات

الامريكيين بيعرفوا نظامنا منيح , ومنيح كتير, وهني نفذوا العملية وعرفانين انو ما حدا رح يرد بشي وما حدا رح يعملن شي , على الاقل بيعرفوا هالشي من خبرة الاسرائيليين الطويلة مع النظام بهالمجال

وبرجع بقلك , ما في حدا جاب سيرة رد عسكري , المطلب اللي تقريبا الكل طالب في , هو اغلاق السفارة الامريكية , بطلب رسمي سوري , وسحب السفير السوري من واشنطن


بكل دول العالم , الناس لما بتتعرض لهيك ازمات بتقعد بتراجع نفسها , يعني بتنخفض شعبية فلان او بتم محاكمة فلان او بيستقيل فلان , الا عنا نحني لازم الرئيس تبقى شعبيتو 99.9999 بالمية حتى لو خرب البلد من جوا و ما قدر يحميها من العدوان الخارجي


النظام هلق عم يستخدم كل جبروتو الاعلامي وماكينة غوبلز بتحريف الوقائع والكذب على الشعب شغالة باقصى استطاعة , لانو حاسين انو انكشفوا امام الراي العام , والمزيد من الكبت والقمع اللي عم يزيد داخليا اكيد ما رح يكون من صالحن

لو ردت سوريا على الغارة لكانت اميريكا ستتهمها بانها تعدت عليها وسيجتمع مجلس الأمن ويتبنى وجهة النظر الاميركية و سيغلقون اذانهم عن سماع موقفنا و ستقوم الولايات المتحدة بالرد وستقصف دمشق وحلب و اللاذقية ....و سندخل في نفق مظلمو...عندها رح نسمع علاك بالمنتدى وبرا المنتدى من نوع اخر
النظام السوري الغبي يقامر بمستقبل البلاد ..بشار الأسد يقتل شعبه
وكنا شفنا تعليقات من قبيل "العمى بربن هي اميركا ليش عم يلعبوا معها"...وبينطلك واحد تاني بيقول "انو والله لو مشوا هالغارة ومتلوا كم واحد ما كان أحسن".... وكانوا نفس هدول المعلقين ووسائل الاعلام يللي عم بيسبوناهلأ بيفلوقنا بتحليلاتن وكيف انو النظام السوري يسعى للهروب من المحكمة الدولية على جثث شعبو......الخ
يعني هيك هيك مو خلصانيين .....

لو ردت سوريا على الغارة لكانت اميريكا ستتهمها بانها تعدت عليها وسيجتمع مجلس الأمن ويتبنى وجهة النظر الاميركية و سيغلقون اذانهم عن سماع موقفنا و ستقوم الولايات المتحدة بالرد وستقصف دمشق وحلب و اللاذقية ....و سندخل في نفق مظلمو...عندها رح نسمع علاك بالمنتدى وبرا المنتدى من نوع اخر
النظام السوري الغبي يقامر بمستقبل البلاد ..بشار الأسد يقتل شعبه
وكنا شفنا تعليقات من قبيل "العمى بربن هي اميركا ليش عم يلعبوا معها"...وبينطلك واحد تاني بيقول "انو والله لو مشوا هالغارة ومتلوا كم واحد ما كان أحسن".... وكانوا نفس هدول المعلقين ووسائل الاعلام يللي عم بيسبوناهلأ بيفلوقنا بتحليلاتن وكيف انو النظام السوري يسعى للهروب من المحكمة الدولية على جثث شعبو......الخ
يعني هيك هيك مو خلصانيين .....

ولك مين عم يطالب الحكومة انو ترد عسكريا , يا عيني المنطق بهيك امور هو اغلاق السفارة الامريكية فورا و استدعاء السفير السوري في واشنطن, بقى لا تغير الموضوع و تخترع تبريرات وهمية لهؤلاء البعثيين المجرمين

سمحولي شباب انه احكي شوي انا مرتاح من كلشي اسمه سياسة وجع راس بس ياترى معقول انه اي شي بيصير انه نرد عليه لنفرض انه ردينا ع الاميركان وع الاسرائليين وانا واثق مية بالمية انه لو بدون الشباب يسقطوا الطائرات كانوا سقطهون من وقت يلي طلعوا من المطار بس في اسمه سرية يعني مو معقول انا اكشف السلاح يلي عندي للعدو كرمال طيارة او طيارتين منشان يعرف شو نوعه ويرجع يصنع مضاد له وبها العملية بكون انا خسرت فعالية السلاح يلي ماحدا بيعرفه شو وبكون خسرت ملايين من غير فائدة يعني مو معقول اضرب صاروخ ع طيارة وحدة ودمرها منشان يقولوا عني بطل معلش هلاء الواحد يحسبها شوي هلاء قبل حرب تشرين طلع طيران اسرائيلي بس ولا صاروخ نضرب حتى حرب تشرين طلعت هالصاوريخ واثبتت فعاليتها وانا بنظري كلشي محسوب حسابه وما حدا يصدق انه نحنا السوريين او حتى النظام ما قادر يدافع عن ارضه او شعبه بالعكس قادر بس في شي اسمه الاستراتيجية العسكرية . هيدا راي الشخصي انا وقناعتي ودمتم

محيط :

زعمت صحيفة بريطانية بأن الغارة الأمريكية, التي استهدفت مزرعة السكرية في منطقة البوكمال القريبة من الحدود العراقية الأحد الماضي, تمت بالتعاون مع أجهزة المخابرات السورية.
وقالت صحيفة "صنداي تايمز" في تقرير حمل عنوان: تساؤلات حول تواطؤ سوري بشأن الغارة الأمريكية": إنها حصلت على تصريحات من مصادر أمريكية لم تعلن عن هويتها، تشير إلى أن أجهزة المخابرات السورية أيدت الغارة سرًّا.
وأضافت:" عقب هجمات الحادي عشر من سبتمبر، كان تعاون المخابرات السورية ملحوظا ثم تقطعت العلاقات، إلا أنها استؤنفت حديثًا, فالأمريكيين يتصلون بالسوريين من خلال قناة خلفية تُدار من خلال إدارة المخابرات الجوية السورية".
وفي تفسيرها لرد الفعل السوري الغاضب على الغارة الأمريكية رغم هذا التعاون بشأنها، كتبت الصحيفة أن الأمور خرجت عن المتفق عليه بين الجانبين، فالسوريون الذي وافقوا على إغماض أعينهم على ما يفترض أنه غارة "اعتقال وانتزاع" هادئة، لم يستطيعوا أن يغضوا الطرف على إطلاق نار قُتل فيه العديد من الأشخاص.
وبحسب راوية المصادر الأمريكية؛ فإن المخابرات السورية هي التي نقلت للأمريكيين معلومات عن المكان الذي يتواجد فيه "أبو غادية"، ومن ثم استطاع الطيران الأمريكي رصد مكانه بدقة عن طريق تتبع تليفونه المحمول ووجهت المروحيات إلى حيث يوجد, وكان من المفترض أن يقوم الأمريكيون باعتقال "أبو الغادية" واقتياده للعراق للتحقيق، في عملية سريعة لا يراق فيها الدم.
إلا أنه عندما اقتربت المروحيات الأمريكية من الحدود السورية، رصدتها أجهزة الرادار السورية، وطلبت القوات الجوية بدمشق التصريح بالتدخل، إلا أن طلبها لم يُستجب له من قبل قادة جيش كبار لأن الغارة الأمريكية كانت متوقعة، طبقًا لما أوردته "صنداي تايمز".
ويُعتقد أن المسلحين استطاعوا رصد المروحيات الأمريكية عند اقترابها منهم، ومن ثم وقع تبادل لإطلاق النار؛ وهو الخطأ الذي بدد ستار ما يُفترض أنه عملية سرية, حيث تقول الصحيفة إن هذه الرواية أيدها زعيم عشيرة محلية؛ حيث قال إن قذيفة صاروخية أطلقت من المجمع السكني على إحدى المروحيات المهاجمة.
وتدلل الصحيفة على صحة الرواية التي قدمتها بأن التخلص من "أبو غادية" القيادي بتنظيم القاعدة كان في صالح الحكومة السورية. فـ "أبو غادية" ينتمي إلى "تنظيم متطرف" معادٍ للنظام السوري العلماني, وكان الخبير الاستخباراتي "الإسرائيلي" رونين بيرجمان" قد صرح الأسبوع الماضي بأن الاستخبارات السورية كانت على علم مسبق بالغارة الأمريكية على منطقة البوكمال السورية، وأنها تعاونت مع الأمريكيين في تنفيذها.
وبحسب شبكة تلفزيون سكاي البريطانية فقد ادعى بيرجمان، المحلل الأمني والاستخباراتي في صحيفة "يديعوت أحرونوت" "الإسرائيلية"، أنه حصل على تصريحات لاثنين من كبار المسئولين الأمريكيين، أحدهما كان موظفًا رفيع المستوى في وزارة الدفاع الأمريكية, وزعم بيرجمان أن الغارة وقعت بعد الضغط المكثف الذي مارسته الولايات المتحدة على سوريا لوضع حد للنشاطات التي يقوم بها تنظيم القاعدة عبر الحدود السورية ـ العراقية.
وأضاف بيرجمان مؤلف كتاب "الحرب السرية مع إيران": "السوريون لم يكونوا مستعدين لمواجهة المسلحين المرتبطين بالقاعدة كي لا يظهروا أمام الرأي العام وكأنهم انحنوا للضغوط الأمريكية، وفي نهاية الأمر قرروا إعطاء الضوء الأخضر للأمريكيين للقيام بالمهمة بأنفسهم", وزعم بيرجمان أن الحكومة السورية أبلغت الأمريكيين أنها ستمنحهم ممرا لضرب المسلحين ولن تؤذي قواتهم.
وادعى الخبير "الإسرائيلي" أن الاستخبارات السورية كانت تتعاون بصورة سرية مع نظيرتها الأمريكية خلال حربها مع تنظيم القاعدة. وأشار إلى أن الغارة الأميركية "الغامضة" على البوكمال أثارت عدة أسئلة يصعب الإجابة عليها، وعلى وجه الخصوص لماذا لم تظهر القوات السورية أية مقاومة للطائرات الأمريكية.


المصدر
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


======================================

مقال اخر و رابط اخر تم نشره في جريده الشرق الاوسط
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

سمحولي شباب انه احكي شوي انا مرتاح من كلشي اسمه سياسة وجع راس بس ياترى معقول انه اي شي بيصير انه نرد عليه لنفرض انه ردينا ع الاميركان وع الاسرائليين وانا واثق مية بالمية انه لو بدون الشباب يسقطوا الطائرات كانوا سقطهون من وقت يلي طلعوا من المطار بس في اسمه سرية يعني مو معقول انا اكشف السلاح يلي عندي للعدو كرمال طيارة او طيارتين منشان يعرف شو نوعه ويرجع يصنع مضاد له وبها العملية بكون انا خسرت فعالية السلاح يلي ماحدا بيعرفه شو وبكون خسرت ملايين من غير فائدة يعني مو معقول اضرب صاروخ ع طيارة وحدة ودمرها منشان يقولوا عني بطل معلش هلاء الواحد يحسبها شوي هلاء قبل حرب تشرين طلع طيران اسرائيلي بس ولا صاروخ نضرب حتى حرب تشرين طلعت هالصاوريخ واثبتت فعاليتها وانا بنظري كلشي محسوب حسابه وما حدا يصدق انه نحنا السوريين او حتى النظام ما قادر يدافع عن ارضه او شعبه بالعكس قادر بس في شي اسمه الاستراتيجية العسكرية . هيدا راي الشخصي انا وقناعتي ودمتم


ايه شو هدا يا معلم , عن جد تحليل سياسي عسكري شامل , بعمري ما شفت هيك شي باخوية

بس بتعرف , يخرب بيت العرق شو بيعمل بالبني ادم

ايه يخرب بيت العرق شو بيعمل بالبني ادم
:o:o
ليس بيعمل العجايب ..

حديث أخونا ( شبح الليل ) ذكرني لما كنت دافع عن تصرفات حكومتنا و أنا مو مقتنع ...


بس بتعرف كلامو فيو شوية واقعية ... يعني ممكن يكون كلامو مزبوط ..:p

حبيب القلب يا ( شبح الليل )
على فرض كلامك سليم و مزبوط 100 % و طبعا ياريت يكون مزبوط ( الله يلعن الزعلان ) بس برأيك استشهاد 8 مواطنين سوريين مو كافي لنطالع الي عنا ؟
وشو بيضمن الحكومة السورية انو تكون النتائج 8 بس ؟!!!

يعني كان ممكن تكون النتيجة بالمئات ... و كان ممكن يكون سد الفرات العظيم ... شو وقتها بتسوى الملايين الي عم تحكي عنها ؟

سورية لحد هلق ماسكة العصاية من النص و عم تلعب هاللعبة ... انشالله يمشي حالها
رغم اني مو متفائل

زعمت صحيفة بريطانية بأن الغارة الأمريكية, التي استهدفت مزرعة السكرية في منطقة البوكمال القريبة من الحدود العراقية الأحد الماضي, تمت بالتعاون مع أجهزة المخابرات السورية.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بربك أنت مقتنع بهالكلام ؟!!

يعني ما ضل علينا غير ناخد أخبارنا من يدعنوت أحرنوت

كلمتين الى شباب الموالاة والمعارضة الكيسين :
يا شباب الموالاة يا حلوين انا شايف من الي عم تكتبوه انكم عم تمارسوا استمراء الواقع يعني شايفين الغلط ومصرين انو صح متل الي عم يدخن وبيعرف انو الدخان بيضر بس بشكل أو بآخر بدو يقنع حالو انو مفيد . كيس هالحكي . يعني بالمختصر عم تضحكو عحالكن .

وبالنسبة لشباب المعارضة المرتبين : هالكلمات هاللي عم تكتبوها او تنسخوها وتلصقوها عم تزيد الطين بلة , عم تقدموها بطريقة فجة تحاكي قوة الغريزة وليست عقلانية وبالتالي عم تأدي لردود فعل منعكسة وليس شرطية ان صح التعبير.بالمختصر عم تضحكو عحالكن.

عم تضحكو عحالكن = عبارة ميلودرامية تعني ان الفعل غير ذي نفع

بربك أنت مقتنع بهالكلام ؟!!

يعني ما ضل علينا غير ناخد أخبارنا من يدعنوت أحرنوت

الكلام يبقى كلام حتى تثبت صحته او خطاه , ولقد تم نشره في صحيفه ( صنداي تايمز) البريطانيه .

طبعا الصحافه في العالم كلها تخضع لسياسه موجهه , ولا توجد صحافه مستقله مطلقا , لكن نسبه تحري الحقائق في الصحف الغربيه ( حينما تكتب عن العالم بدون اسرائيل ) , تكون مصداقيتها اكبر من الصحف العربيه ,ولا يعني هذا انني بلعت كل ما جاء بالخبر , لكنها تبقى اخبارا , تحتاج الى توثيق او تكذيب .

على الرغم من طريقه تنفيذ الحادثه(امريكيا ) تم بطريقه مثيره للعجب , ضد دوله ذات سياده و امكانيات عسكريه كسوريا , وطريقه التعامل اعلاميا ( سوريا ) مع الحدث يثير التساؤلات والفضول , و يدفع المرء لنبش المدفون و محاوله العثور على اسرار الخيوط .

اليوم قرات خبرا على ان سوريا طلبت من المدرسين الامريكيين بمغادره سوريا :lol: هذا يمكن اعتباره اجراء تاديبي لامريكا .

هناك سلوكيات دبلوماسيه متعارف عليها عالميا , عندما تحصل مشاكل عويصه بين الدول ان تكون باغلاق سفارتها , فما بالك بهجوم عسكري على ارض دوله مستقله وذات سياده :shock:

الايام القادمه يمكن ان تخبرنا بالمزيد من التفاصيل , فربما عند جهينه الخبر اليقين .

سلامات للجميع
:D

يا جماعة الخير الي عم بتنتظر الرد......

طيب انتو شو اقتراحكوا عن طريقة الرد ؟

هي سفير امريكي ما عنا ..... السفارة مسكرة لاجل غير معلوم
المركز الثقافي والمدرسة سكروها..... المدرسين قللعوهون اليوم

شو بتريدو يعني اكتر من هيك ؟

اذا كنتوا بدكوا رد عسكري ... فهادا اغبى اسلوب رد ممكن تقوم فيه اي حكومة ضد قوة اكبر منها

عا كل في اكتر من طريقة لازعاج امريكا بدون الرد عسكريا
في متل بيقول.... الايد اللي ما بتقدر تكسرها .... بوسها وادعي عليها بالكسر:jakoush:


لو ردت سوريا على الغارة لكانت اميريكا ستتهمها بانها تعدت عليها وسيجتمع مجلس الأمن ويتبنى وجهة النظر الاميركية و سيغلقون اذانهم عن سماع موقفنا و ستقوم الولايات المتحدة بالرد وستقصف دمشق وحلب و اللاذقية ....و سندخل في نفق مظلمو...عندها رح نسمع علاك بالمنتدى وبرا المنتدى من نوع اخر
النظام السوري الغبي يقامر بمستقبل البلاد ..بشار الأسد يقتل شعبه
وكنا شفنا تعليقات من قبيل "العمى بربن هي اميركا ليش عم يلعبوا معها"...وبينطلك واحد تاني بيقول "انو والله لو مشوا هالغارة ومتلوا كم واحد ما كان أحسن".... وكانوا نفس هدول المعلقين ووسائل الاعلام يللي عم بيسبوناهلأ بيفلوقنا بتحليلاتن وكيف انو النظام السوري يسعى للهروب من المحكمة الدولية على جثث شعبو......الخ
يعني هيك هيك مو خلصانيين .....

بأيد هالرأي تماما

العجلة بتودي الى الندامة دائما

أنا سوري أه يا نيالي

انا برأيي الغارة كانت اسبابها لدعم موقف ماكين .. لانون شافوا أوباما رح يفوز بالانتخابات .. مشان هيك قرروا يعملو هالغارة مشان يدعموا موقف أمريكا اتجاه الارهاب وضرورة التصدي ... وهي سياسة ماكين ..
تحياتي ...:D

سمحولي شباب انه احكي شوي انا مرتاح من كلشي اسمه سياسة وجع راس بس ياترى معقول انه اي شي بيصير انه نرد عليه لنفرض انه ردينا ع الاميركان وع الاسرائليين وانا واثق مية بالمية انه لو بدون الشباب يسقطوا الطائرات كانوا سقطهون من وقت يلي طلعوا من المطار بس في اسمه سرية يعني مو معقول انا اكشف السلاح يلي عندي للعدو كرمال طيارة او طيارتين منشان يعرف شو نوعه ويرجع يصنع مضاد له وبها العملية بكون انا خسرت فعالية السلاح يلي ماحدا بيعرفه شو وبكون خسرت ملايين من غير فائدة يعني مو معقول اضرب صاروخ ع طيارة وحدة ودمرها منشان يقولوا عني بطل معلش هلاء الواحد يحسبها شوي هلاء قبل حرب تشرين طلع طيران اسرائيلي بس ولا صاروخ نضرب حتى حرب تشرين طلعت هالصاوريخ واثبتت فعاليتها وانا بنظري كلشي محسوب حسابه وما حدا يصدق انه نحنا السوريين او حتى النظام ما قادر يدافع عن ارضه او شعبه بالعكس قادر بس في شي اسمه الاستراتيجية العسكرية . هيدا راي الشخصي انا وقناعتي ودمتم

ولك يا عيني الهيلوكبترات الامريكية اللي قصفت البوكمال بتتنزل برشاش روسية اذا بدك ومافي داعي يطالعوا هالاسلحة الألاوية السحرية اللي رح تمحي اسرائيل و امريكا من الوجود ,. عنجد شي بضحك.

انا برأيي الغارة كانت اسبابها لدعم موقف ماكين .. لانون شافوا أوباما رح يفوز بالانتخابات .. مشان هيك قرروا يعملو هالغارة مشان يدعموا موقف أمريكا اتجاه الارهاب وضرورة التصدي ... وهي سياسة ماكين ..
تحياتي ...:D

ما بظنّ أنو هي كانت غاية امريكا..
هالاسلوب نجح بقضية بن لادن واحداث 11/9 بوقت الانتخابات السابقة (بوش/كيري) لما بن لادن صرح قبل الانتخابات وبشكل رسمي عن مسؤلية القاعدة بالتفجيرات، وهالشي كان دعم كبير لحملة بوش الانتخابية..
بس هلا الموضوع مختلف شوي، لو هيك الامر، كانت اميركا عالقليلة اعلنت عن مسؤوليتا عن الغارة بشكل رسمي وذكرت الأسباب وفبركت القصة شوي، أو أنّا حكت اكتر عن ابو غادية، وهني بيعرفو تماما خطورة ابو غادية...

بس هلا الموضوع مختلف شوي، لو هيك الامر، كانت اميركا عالقليلة اعلنت عن مسؤوليتا عن الغارة بشكل رسمي وذكرت الاساباب وفبركت القصة شوي، أو أنّا حكت اكتر عن ابو غادية، وهني بيعرفو تماما خطورة ابو غادية...


بالعكس ... انا برأيي الموضوع ما اختلف ... وحسب معلوماتي , أمريكا اعلنت مسؤوليتا عن الغارة وذكرت الاسباب (( يلي هي انو في ارهابيين )) ... والقصة فبركة اكتر من هيك ما بتصير ..
انا متل ما ذكرت انو رأيي كل هالحركة هي لدعم موقف ماكين ...
وبرأيي انو أمريكا عالحالتين ربحانة من ورا هالعملية ... يعني لو كانت سوريا ردت عسكريا" على الغارة لكانت نجحت خطة أمريكا الاعلامية ضد الارهاب ووجوب التصدي له ...
ولو سوريا ما ردت عسكريا" ... فهاد كمان لصالح امريكا .. استعراض لعضلاتها ..

تحياتي الك ...:D

وحسب معلوماتي , أمريكا اعلنت مسؤوليتا عن الغارة وذكرت الاسباب (( يلي هي انو في ارهابيين ))
في فرق كبير مابين تقارير وتحليلات الصحف والتصريحات الرسمية للحكومة.

يا هلا :D