قال الخبير الاستخباراتي الإسرائيلي رونين بيرغمان إن الاستخبارات السورية كانت على علم مسبق بالغارة الأميركية على منطقة بوكمال السورية، وأنها تعاونت مع الأميركيين في تنفيذها.

وذكرت شبكة تلفزيون سكاي البريطانية أن بيرغمان، الذي يعمل محللا أمنيا واستخباراتيا في صحيفة يديعوت أحرونوت الإسرائيلية، استند في مزاعمه على تصريحات لاثنين من كبار المسؤولين الأميركيين، أحدهما كان موظفا رفيع المستوى في وزارة الدفاع الأميركية.

ونقلت شبكة سكاي عن بيرغمان قوله إن الغارة وقعت بعد الضغط المكثف الذي مارسته الولايات المتحدة على سوريا لوضع حد للنشاطات التي يقوم بها تنظيم القاعدة عبر الحدود السورية-العراقية.

وأضاف بيرغمان أن السوريين لم يكونوا مستعدين لمواجهة المسلحين المرتبطين بالقاعدة كي لا يظهروا أمام الرأي العام وكأنهم انحنوا للضغوط الأميركية، وفي نهاية الأمر قرروا إعطاء الضوء الأخضر للأميركيين للقيام بالمهمة بأنفسهم.

ونقلت شبكة سكاي عن بيرغمان قوله إن الحكومة السورية أبلغت الأميركيين أنها ستمنحهم ممرا لضرب المسلحين ولن تؤذي قواتهم.

وزعم الخبير الإسرائيلي أن الاستخبارات السورية كانت تتعاون بصورة سرية مع نظيرتها الأميركية خلال حربها مع تنظيم القاعدة.

وأشار إلى أن الغارة الأميركية "الغامضة" على البوكمال أثارت عدة أسئلة يصعب الإجابة عليها، وعلى وجه الخصوص لماذا لم تظهر القوات السورية أية مقاومة للطائرات الأميركية؟

وتابع بيرغمان أن الغريب في الأمر أن صور الفيديو التي التقطت للغارة الأميركية لم تظهر أي رد من قبل الدفاع الجوي أو الأرضي السوري ضد المروحيات الأميركية التي شاركت بالهجوم، علما بأن سوريا ينتابها ارتياب من الطائرات المروحية التي تستخدمها إسرائيل عادة لغايات تجسسية وقد أنفقت الكثير من المال لتطوير دفاعها الجوي خاصة ضد المروحيات.

وقالت صحيفة يدعوت أحرنوت انه بموجب تنسيق مسبق بين وكالة الاستخبارات المركزية الاميركية "سي آي ايه" والاستخبارات السورية, توغلت قوة المغاوير الاميركية التي تم نقلها بمروحيات الى داخل الاراضي السورية ونفذت هجومها الذي استمر عشر دقائق وعادت الى مواقعها.

وتساءلت "يديعوت أحرونوت" عن سبب عدم تصدي طائرات مقاتلة سورية لتوغل المروحيات الاميركية في المجال الجوي السوري رغم ان الجيش السوري موجود في حالة تأهب عليا, وحول تمكن قوة المغاوير الاميركية من تنفيذ الهجوم في سورية في وضح النهار وامام نظر السكان المذهولين من دون ارسال اي دورية عسكرية سورية الى موقع الهجوم.

وأشارت الى شريط مصور بواسطة هاتف نقال ونشره احد المواقع الالكترونية السورية, وتظهر فيه المروحيات الاميركية تحلق في الاجواء السورية دون اي مواجهة معتبرة انه "من الصعب التفكير في تزامن احداث كهذا في دولة شرطة مثل سورية".

ونقلت "يديعوت أحرونوت" عن مصدر استخباري اوروبي قوله ان منظومة الدفاع الجوي السوري المحلي التقطت المروحيات الاميركية, لكن عندما طلبت قوات الدفاع الجوي من قيادة سلاح الجو في دمشق اذنا بإطلاق النار جاءهم رد قاطع بعدم القيام بذلك.


المرصد السوري - راديو سوا- سكاي نيوز

بغض النظر عن دقة التحليل بس بالفعل ملفت للنظر انو طائرات عامودية تدخل الأراضي السورية على علو منخفض جداً وتعمل انزال على الأرض وما يجي شرطي يقلون شو عم تعملو هون يا شباب !!!

طيب العملية تمت بواسطة 4 مروحيات وأسفرت عن مقتل 8 اشخاص، يعني معقولة الحكومة السورية ماكانت قادرة على تولي الأمر وتصفية هالـ 8 أشخاص إذا كانو بالفعل من تنظيم القاعدة "إذا افترضنا أنو التحليل يلي بالخبر صحيح"؟
عدا عن ذلك، معقولة يصير هيك هجوم على وكر للقاعدة وما يتم تبادل إطلاق النار من قبل المتمردين؟ معقولة وكر للقاعدة ومايكونو مسلحين؟
غريب

بغض النظر عن دقة التحليل بس بالفعل ملفت للنظر انو طائرات عامودية تدخل الأراضي السورية على علو منخفض جداً وتعمل انزال على الأرض وما يجي شرطي يقلون شو عم تعملو هون يا شباب !!!
قولتك كل حدود بلدنا (من جميع الجهات) مزودة برادارات ومضادات طيارات؟ :humm:

بس معقول هالعالم البسطاء هدول يكونوا هني القاعدة ولا على الطريقة الامريكية قتل عن طريق الخطأ

IGأنا مابدي سئ الظن لأنو بكل الأحوال جيشنا مالو أي عذر بالدفاع عن أراضينا وبأي حال من الأحوال, بس عندي تعقيب إنو ليش مابدها سوريا اتواجه القاعدة, لكن حربها ضد جند الشام هي واجهة نحن صنعناها ولا في فعلاً شي اسمو جند الشام؟؟؟؟

يعني هو التعاون بين المخابرات السورية و الامريكية امر معروف قديم ولكن شغلة انو النظام ما بدو يحارب القاعدة مشان الرأي العام و الضغوط صراحة مو مقنعة كتير. لأنو من المفترض ان هناك اجماع وطني على محاربة القاعدة التي تشكل خطرا علينا اكثر من امريكا ولا اعتقد ان قتل اعضاء القاعدة سيثير حساسية الراي العام السوري

هلأ بما انو التحليلات اغلبها اسرائيليه من قاده وصحف اسرائيليه مو كلها قابله للتصديق وبالنسبه لموضوع انو 8 اشخاص من القاعده هاد تبرير لقتل مواطنين سوريين ابرياء لابيقبلو لا عقل ولا شي تاني
وبالنسبه للتعاون السوري الامريكي اكيد كذبه وكبيره كمان يعني شو بتستفاد الحكومه السوريه من هالشي
موت 8 اشخاص مالهم ذنب ويمكن هالشي يعمل اذمه للحكومه ويشكك بمصداقيتها سواء كانت عنا او في اي بلد تاني مافي شي بصب بمصلحة الحكومه او الجيش بهيك موضوع يعني الموضوع كلو افتراء وتلفيق بس كان الامل انو الرد السوري يكون غير التنديد

والله شي حلو صارت مصادر الاخبار و التحليل اسرائيليه شي فاخر عالاخر ..

قال الخبير الاستخباراتي الإسرائيلي رونين بيرغمان

و هاد نفـسو اذا بتسألو رح بقلك انو الجولان ارض اسرائيليّه عفكره :sly:

و هاد نفـسو اذا بتسألو رح بقلك انو الجولان ارض اسرائيليّه عفكره :sly:


انو بس الجولان مايمكن الكره الارضيه كلها مابتكفيهن

والله شي حلو صارت مصادر الاخبار و التحليل اسرائيليه شي فاخر عالاخر ..



بدك تنتبهي على نقطه انو التحليل اسرائيلي بس مصدر الخبر نص مواقع الأخبار بالعالم... واذا بتنتبهي انو بالتحليل في عدة مصادر وعدة استنادات...

هلأ هون ماني حابب فوت بدوامة المصدر والخبر ومين وليش وكيف... لأنو بصراحة صارت ممله هالقصه وتحديداً بتعليق حول هيك خبر أبداً ماني بوضع اني إقعد برر وناقش ورح إكتفي بنقطه وحده : الغارة نفذتها أميركا وبتخيل إسرائيل بتقدر منيح تحلل تصرفات الأميركان ولعلمك اسرائيل كان عندها خبر بالغاره قبل 3 ساعات من وقوعها...



و هاد نفـسو اذا بتسألو رح بقلك انو الجولان ارض اسرائيليّه عفكره :sly:


وفي مصادر تانيه صرلها 40 سنة بتقلك الجولان عربي سوري وسوف نحرره بكل الطرق الممكنة... بس الغريب بعدون عم يهللو للذل وللاحتفاظ بحق الرد...

قال 4 طيارات فاتو وقتلو 9 وعملو انزال على الأرض ونحنا بدنا نقعد نحكي عالمصادر... خلينا بالتحليل وبالمعطيات يلي عالأرض بتصور أهم..

no comment

لنقدر نعرف او نلم بجوانب خبر ما لما بيتعلق بامور سورية كتير مهم نعرف شو القراءة الاسرائيلية تحديدا لانو من بديهيات فهم الامور معرفة الاراء كلها خاصة اراء العدو .. لانها بتحكي الشي الممنوع ينحكا بوسائل اعلام الدولة المعنية ...

الغارة نفذتها أميركا وبتخيل إسرائيل بتقدر منيح تحلل تصرفات الأميركان ولعلمك اسرائيل كان عندها خبر بالغاره قبل 3 ساعات من وقوعها...
..

ظريف هالحكي
أنو لما كان الموضوع مجرد نقل خبر ... كنا نقول أنو عادي صار نقل الخبر حر من وين ما كان .. ( مع أنو البعض عندون هواية بنقل الاخبار من المصادر الاسرائيلية )
بس أنو نتبنى الرأي و التحليلات الاسرائيلية .... فهي عليها مليون اشارة استفهام
من وجهة النظر الاسرائيلية ..و حسب النحليلات الاسرائيلية ... أمريكا لازم تبقى بالعراق للأبد ..
من وجهة النظر الاسرائيلية .. ضروري يكون في قاعدة أمريكية بكل عاصمة عربية
حسب التحليلات الاسرائيلية أمريكا هي شرطي السلام العالمي يللي لازم تطول عصاه كل انسان في العالم

بقى ما بعرف يللي بيتبنى وجهة نظر ..و تحبليلات اسرائيل للواقع الدولي .. شو بكون ..؟؟




وفي مصادر تانيه صرلها 40 سنة بتقلك الجولان عربي سوري وسوف نحرره بكل الطرق الممكنة... بس الغريب بعدون عم يهللو للذل وللاحتفاظ بحق الرد...
و كأنك عم تقول .. أنو وجهة النظر السورية بهالخصوص غلط ..
و وجهة النظر الاسارئيلية هي الصح ... ولازم تكون الجولان لأسرائيل ...


إذا ما قدرنا نحرر الجولان .. هاد ما بيعني إنها مو إلنا
غريب هالتبسيط يللي عم تحكي فيه ...

عن جد عيب

لنقدر نعرف او نلم بجوانب خبر ما لما بيتعلق بامور سورية كتير مهم نعرف شو القراءة الاسرائيلية تحديدا لانو من بديهيات فهم الامور معرفة الاراء كلها خاصة اراء العدو .. لانها بتحكي الشي الممنوع ينحكا بوسائل اعلام الدولة المعنية ... ...
عم تحكو عن اسرائيل كأنها مصدرموضوعي للخبر و للتحليل
عادي انك تسمعي كل الآراء .و كل وجهات النظر ..
بس الغلط ..إنك تتبني وجهة نظر اسرائيل ..

ظريف هالحكي
أنو لما كان الموضوع مجرد نقل خبر ... كنا نقول أنو عادي صار نقل الخبر حر من وين ما كان .. ( مع أنو البعض عندون هواية بنقل الاخبار من المصادر الاسرائيلية )
بس أنو نتبنى الرأي و التحليلات الاسرائيلية .... فهي عليها مليون اشارة استفهام
من وجهة النظر الاسرائيلية ..و حسب النحليلات الاسرائيلية ... أمريكا لازم تبقى بالعراق للأبد ..
من وجهة النظر الاسرائيلية .. ضروري يكون في قاعدة أمريكية بكل عاصمة عربية
حسب التحليلات الاسرائيلية أمريكا هي شرطي السلام العالمي يللي لازم تطول عصاه كل انسان في العالم

بقى ما بعرف يللي بيتبنى وجهة نظر ..و تحبليلات اسرائيل للواقع الدولي .. شو بكون ..؟؟




اقرا دخيل عينك :

بغض النظر عن دقة التحليل بس بالفعل ملفت للنظر انو طائرات عامودية تدخل الأراضي السورية على علو منخفض جداً وتعمل انزال على الأرض وما يجي شرطي يقلون شو عم تعملو هون يا شباب !!!

بتصور اني موضح اني ماني واثق بدقة التحليل... فما بعرف مين تبنى وجهة نظر اسرائيلية.. مع انو في كتير شباب يتتبناها بس تكون مناسبتون..

برجع بقول في تساؤل عن يلي صار.. وتساؤل مشروع كتير لأي مواطن سوري بيفكر ومو مسكر مخو على يلي بيقولو النظام.




و كأنك عم تقول .. أنو وجهة النظر السورية بهالخصوص غلط ..
و وجهة النظر الاسارئيلية هي الصح ... ولازم تكون الجولان لأسرائيل ...


إذا ما قدرنا نحرر الجولان .. هاد ما بيعني إنها مو إلنا
غريب هالتبسيط يللي عم تحكي فيه ...


شو هاد؟؟؟؟ كمان اقرا:





وفي مصادر تانيه صرلها 40 سنة بتقلك الجولان عربي سوري وسوف نحرره بكل الطرق الممكنة... بس الغريب بعدون عم يهللو للذل وللاحتفاظ بحق الرد...
..

لوضحلك ياها لأنو شكلها ما وصلت... يلي بيقول انو الجولان سوري من 40 سنة وبيطبل وبيزمر بالقصه بدو يكون عن جد عم يحكي وعم يتصرف لتحرير هالأرض... مو بيوصل لمرحلة انو يسكت عن ضرب بلده وبيسكت عن احتلال أرضو... والأنكى من هيك انو بيهلل وبيهتف بالروح بالدم ليلي ساكتين عن احتلال ارضو وعن ظلم شعبو وعن بهدلتو...

يعني بتصور انو وجهة نظري أصح من وجهة نظر جماعة الممانعه والصمود... الجولان سوري سوري سوري حتى ينقطع النفس... بس المصيبة انو في عالم نسيانتو وساكتين عنو من 36 سنة... وفوق البلا بيعطو دروس بالوطنية وبحب الوطن للناس يلي عم ينادو انو نتحرك مشان نحرر أرضنا..


عن جد عيب


العيب على يلي بيعمل العيب... العيب على يلي بيخوّن الناس يلي بيحبوا بلدون.. العيب على يلي ماعندو شي يحكيه لمصلحة بلدو... العيب على الديكتاتورية والظلم والفساد والقمع.. العيب على يلي بيسجن الوطنيين وبيسكت لاسرائيل وأميركا... والعيب الأكبر على يلي بيسكت على هالمصايب بحق بلدو...

هاد العيب وقلة الوطنية

هي عينة عن العيب... الطيارات الأمريكية على أساطيح بيوتنا والنظام عم يشجب ويستنكر:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ليلي مابيعرف معنى العيب... هاد هو العيب.

هوي صحيح أنو "يا داخل بين الوردة والوردة ما بينوبك غير ريحتن".... بس لأيمتى الحرب عالمصادر الموثوقة والغير موثوقة؟؟
هدّوا اللعب شباب ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عم تحكو عن اسرائيل كأنها مصدرموضوعي للخبر و للتحليل
عادي انك تسمعي كل الآراء .و كل وجهات النظر ..
بس الغلط ..إنك تتبني وجهة نظر اسرائيل ..

ما فهمت وين شفت انو في تبني لوجهةالنظر الاسرائيلية ... انو نقرا ونعرف شو بيقولو ما يعني ابدا انونتبنى وجهة نظرون .......في فرق كبير وما بيصير تحكي كلام عشوائي بهيك حالة .. لانها صايرة كاتهام مو كراي
بعدين اذا كان في خبر صحيح ونقلتو اسرائيل بيصير مو صحيح فورا بس لانو هيي يلي قالتو .. او اذا حللت موضوع بيصير فورا خطا بس لانها هيي يلي قدمتو ؟؟؟؟ ما بعرف بس هيك تصرف ما الو علاقة بالتفكير السياسي .. لانو مهما كان موقفنا من اسرائيل لا يعني انو خلص كلشي بيقولوه خطا ..
في مبالغات وفي تلفيقات لا خلاف على هيدا الكلام .. بس بالحالة هلق في تحليل وهيدا فرق كبير .. هني عم يحكو عن خفايا امور ممكن كتير تكون صحيحة وممكن لا .. بس انو خلص فورا اكس بس لانو المصدر هوي العدو؟؟؟؟
بتوقع في هيك خطا

ماعم افهم رب المعارضة الي انت تومن فيها, الي بيستشهد بمصادر اسرائيلة وتحليلات اسرائيلية بضربة اميركية علي بلد ليوصف جهاز الامن والجيش السوري بالعميل للاميركان ماعندو اي احساس بالوطنية
انت والي بيحمل فكرك عار علي كل معارضة وطنية شريفة وانت وامثالك بتعطو باراكن الخنفشارية الذريعة للسلطة منشان تعتقل الشرفاء من المعارضة الي بالبلد..
هاد اكثر تقرير مقرف شفتو بالاخوية من يوم تسجيلي فيها

بس تحت اي تبرير بيندرج معناتا رفض الدفاع الجوي التصدي لها ؟
يعني شو مبرر انو ما تطلع الطيارات وتصدون
لك اخي عالاقل تصفر صفارات الانذار

بتصور اني موضح اني ماني واثق بدقة التحليل... فما بعرف مين تبنى وجهة نظر اسرائيلية.. مع انو في كتير شباب يتتبناها بس تكون مناسبتون..
و انت اقرا هون ..
بوضع اني إقعد برر وناقش ورح إكتفي بنقطه وحده : الغارة نفذتها أميركا وبتخيل إسرائيل بتقدر منيح تحلل تصرفات الأميركان
يعني من كل عقلك إذا اسرائيل عرفت تحلل امريكا .. رح تصرح غير التصريح يللي بناسبها
و أكيد ...يللي عم ينقل عنها تحليلها .. عم ينقلو لأنو بناسبو

برجع بقول في تساؤل عن يلي صار.. وتساؤل مشروع كتير لأي مواطن سوري بيفكر ومو مسكر مخو على يلي بيقولو النظام.
بضل يللي مسكر مخو عالنظام .. أفضل من يللي عم يرمي مخو بزبالة اسرائيل و زبالة غيرها .. لأنو مفكر أنها رح تلبي مصالحو و رح ترضي حقدو










لوضحلك ياها لأنو شكلها ما وصلت... يلي بيقول انو الجولان سوري من 40 سنة وبيطبل وبيزمر بالقصه بدو يكون عن جد عم يحكي وعم يتصرف لتحرير هالأرض... مو بيوصل لمرحلة انو يسكت عن ضرب بلده وبيسكت عن احتلال أرضو... والأنكى من هيك انو بيهلل وبيهتف بالروح بالدم ليلي ساكتين عن احتلال ارضو وعن ظلم شعبو وعن بهدلتو...
قد ما كان ظلم دولتنا .. بضل أرحم من مجرد اعتناق الافكار الاسرائيلية يللي عم تتغنى فيها ..
الجولان سورية ..
إذا ما قدرت تجيبها هالحكومة .. بتجيبها حكومة بعدها .. مو مشكلة ..
بس انك تتبنى الافكار الاسرائيلية .. بس لأنو الحكومة الاسرائيلية قدرت تحتفظ بالجولان لهلأ ..... فهادا اسمو خيانة للوطن .. و خيانة للشرف من الاساس





هاد العيب وقلة الوطنية



كل يللي حكيتيهون .....حتى لو فرضنا جدلاً أنهون صحيحين ..... ما بيتقارنو ... بمجرد اعتناق الافكار الاسرائيلية
ما ببررو .. انك تصير توثق باسرائيل ..
ما ببررو .. انك تروح تشوف عدوك شو عم يسب على وطنك .. و تعتتنق أفكارو






كل هادا يللي عم تحكيه .. رح يضل جعجعة بلا طين ..
لأنو ما بيتعدى كونو مراهقة سياسية




اعتبر من جنبلاط جربها قبلك ..و رجع ندم عليها :p

هي عينة عن العيب... الطيارات الأمريكية على أساطيح بيوتنا والنظام عم يشجب ويستنكر:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ليلي مابيعرف معنى العيب... هاد هو العيب.

هادا اختراق أمني .. بصير بأي دولة بالعالم
أما العيب فـ كان بكلامك من بدايتو ..
العيب .. لما الحقد بخلينا نستورد مسبات من القاموس العبري

ما فهمت وين شفت انو في تبني لوجهةالنظر الاسرائيلية ... انو نقرا ونعرف شو بيقولو ما يعني ابدا انونتبنى وجهة نظرون .......في فرق كبير وما بيصير تحكي كلام عشوائي بهيك حالة .. لانها صايرة كاتهام مو كراي
اي انا اتهمتو .. و مصر على اتهامي ..أنو متبنى التحليلات الاسرائيلية ...

بعدين اذا كان في خبر صحيح ونقلتو اسرائيل بيصير مو صحيح فورا بس لانو هيي يلي قالتو .. او اذا حللت موضوع بيصير فورا خطا بس لانها هيي يلي قدمتو ؟؟؟؟

بالنسبة للخبر ... مو دايماً .. بس بالنسبة للتحليلات .. أي أكيد ..
تحليلاتون مسيسة ..
و لا تجربي حتى تقنعينا بحسن نيتهون

بس تحت اي تبرير بيندرج معناتا رفض الدفاع الجوي التصدي لها ؟
يعني شو مبرر انو ما تطلع الطيارات وتصدون
لك اخي عالاقل تصفر صفارات الانذار
بيندرج بإطار الروتين المعروف بالجيش ..
بيندرج بإطار سوء التخطيط
بيندرج بإطار ضعف الجاهزية ...
يللي خدم جيش بيعرف هالحكي منيح ..بيعرف أنو الطيارة بتطلع .. ما في ضابط بيتجرأ يعطي أمر اسقاطها على مسؤوليتو ..و هادا غلط كتير كبير
لازم يكون في أمر دائم بهالشي ...لازم يكون في ديناميكية بتحرك الجيش




بس كل هادا شي..
و عنوان الموضوع شي تاني
ما بصير تتهم أجهزة الامن بالخيانة ... لأنو صار اختراق أمني ..هيك كتير صار في تسطيح للأمور

بيندرج بإطار الروتين المعروف بالجيش ..
بيندرج بإطار سوء التخطيط
بيندرج بإطار ضعف الجاهزية ...
يللي خدم جيش بيعرف هالحكي منيح ..بيعرف أنو الطيارة بتطلع .. ما في ضابط بيتجرأ يعطي أمر اسقاطها على مسؤوليتو ..و هادا غلط كتير كبير
لازم يكون في أمر دائم بهالشي ...لازم يكون في ديناميكية بتحرك الجيش




بس كل هادا شي..
و عنوان الموضوع شي تاني
ما بصير تتهم أجهزة الامن بالخيانة ... لأنو صار اختراق أمني ..هيك كتير صار في تسطيح للأمور

مين قلك اني اتهمت الامن بالخيانة ؟
بس برجع بطرح السؤال ليش برايك ما طلعت الدفاعات بقصد طلعت اوامر من الشام انو تصدون؟
معقول مثلا خافوا انو يتدهور الوضع ؟

مين قلك اني اتهمت الامن بالخيانة ؟

مو انت يللي اتهمت ..
عنوان الموضع فيه اتهام صريح

بس برجع بطرح السؤال ليش برايك ما طلعت الدفاعات بقصد طلعت اوامر من الشام انو تصدون؟
معقول مثلا خافوا انو يتدهور الوضع

لكتير أسباب .. بتتعلق بالجيش نفسو
من تخلف النظام فيه .. لضعف سلاح الاشارة ...لكتير اشيا.. بنصحك تشوف هالمقطع .. بتاخد فكرة عن جيشنا


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


بس أكيد مو بسبب خيانة ..

شي متوقع والله من البعض, لما ما بيضل عندن حجج بيبدأ التخوين


النظام اللي مو شاطرين الا بالدفاع عنو واختلاق اعذار لكل فضيحة جديدة وعار جديد بيسببوا لسوريا وللسوريين , على اساس يعني انو الفساد والحالة المترهلة اللي وصلها الجيش مو خيانة بحد ذاتها

الخيانة بس لما الواحد يجيب خبر مترجم من صحيفة اسرائيلية , بس كل هالبلاوي اللي عم تصير بالبلد من ورا القيادة الحكيمة الاسدية معلش

ما بعرف انو ليش بحس الموضوع بيصير ياخد شكل شخصي
الافكار اللي طرحها الاسرائيلي والاسئلة كمان الي طرحها
موضوعية جدا جدا
طبعا موضوعية بمحل معين
انو طيرات عامودية على ارتفاع منخفض بتفوت لاكتر من 8 كم بعمق الأرضي السورية
وكمان مو انو بتطلع بسرعة بتقصف وبتعمل انزال جوي وبتروح بطلع
بدون اي ردة فعل من السوريين
انو مو غريب !!!!!!!
كل واحد بدو يقول انوا عادي بيكون عم يضحك ع حالوا
يعني اذا شفنا تبسيط بكلام فيفا
كمان ماد ماكس بسط القصة بأنها بتصير بأي بلد
القصة مانها سهلة انزال جوي
وقتل ناس بدم بارد
في غلط وفي تقصير من الجيس بشكل كبير
انا طبعا برفض بشكل قاط انو يكونوا السوريين بعلم على الغارة
بس رفضت كمان ردة الفعل السورية
اللي هي اقل من اللازم بكتير
انا بعتقد انو ام صار رد لانو امنون قد امريكا
وهاد السبب الموضوعي مو المبرر

معلومات جديدة تؤكد تورط النظام السوري في الغارة الأميركية على " البوكمال "
مصدر طبي لـ " الحقيقة " : التلفزيون السوري أخفى العدد الحقيقي للإصابات وعرض سبعة نعوش فقط، والمخابرات العسكرية نقلت جثثا إلى المشفى العسكري في دير الزور

مصدر أمني : اجتماع بين قائد الوحدة الأميركية " تاسك فورس 88 " والعميد جامع جامع في دير الزور سبق الغارة ببضعة أيام !

بلدة أبو كمال ( شمال شرق سوريا) ، الحقيقة ( خاص) : أكد مصدر طبي في مشفى باسل الأسد الحكومي ببلدة " أبو كمال " السورية لـ " الحقيقة " أن التلفزيون السوري ، والناطق الإعلامي الرسمي ، مارسا عملية خداع كبيرة على الرأي العام حين ادعيا أن ثمانية فقط أصيبوا في الغارة الإجرامية التي نفذتها أربع طائرات هيلوكبتر أميركية على مزرعة السكرية ، قرب بلدة البوكمال ، مساء الأحد الماضي . وقال المصدر إن التلفزيون السوري ، والناطق الإعلامي الرسمي ، كانا صادقين جزئيا فقط ، حيث سقط فعلا سبعة أبرياء من العمال البسطاء ، أربعة منهم من أسرة واحدة ، لكن هذا لا يمثل إلا جزءا من الحقيقة . وأكد المصدر أن جثتين على الأقل تم نقلهما إلى مشفى باسل الأسد في بلدة أبو كمال قبل نقلهما لاحقا إلى المشفى العسكري في دير الزور من قبل فرع المخابرات العسكرية .

وقال المصدر إن دورية تابعة لمفرزة المخابرات العسكرية في بلدة أبو كمال حضرت إلى مكان الغارة بعد أقل من عشر دقائق على تنفيذها ، وضربت طوقا أمنيا على المنطقة المستهدفة ، قبل أن " تنتقي " عددا من الإصابات وتنقلها إلى مشفى باسل الأسد الحكومي في البلدة المذكورة ، ثم إلى المشفى العسكري في مدينة دير الزور ( مقر المحافظة الذي يبعد حوالي 120 كم عن المنطقة) .

وأوضح المصدر الطبي أن أيا من الأهالي أو طواقم الإسعاف المدني لم يسمح له بدخول المنطقة المستهدفة إلا بعد أن نفذت المخابرات العسكرية مهمتها ( انتقاء الجثث التي تعنيها) . ولاحظ المصدر أن التلفزيون والناطق الإعلامي الرسمي تحدثا عن ثمانية شهداء ، لكن الجميع بات يعرف أن التشييع لم يظهر سوى سبعة توابيت ، وهو ما يعني أن جثة واحدة على الأقل تم إخفاؤها ، وهي جثة المسؤول اللوجستي في " القاعدة " المدعو " أبو غادية " ( بدران تركي هشام المزيدي ) .


على صعيد متصل ، علمت " الحقيقة " من مصادر سورية موثوق بها أن قائد الوحدة Task Force 88 في العراق ، وهي الوحدة الخاصة التي نفذت " غارة أبو كمال " ، اجتمع مع العميد جامع جامع ، رئيس فرع المخابرات العسكرية بدير الزور الأسبوع الماضي في القاعدة الجوية الواقعة جنوب شرق المدينة . وبحسب المصدر ، فإن اللقاء كان " بمثابة لقاء تعارف بين الرجلين ، بعد تعيين جامع جامع رئيسا للفرع المذكور قبل بضعة أسابيع " . ويدخل في صلب مهمات الفرع المذكور منطقة البادية السورية والعراق .
تبقى الإشارة إلى أن الوحدة الخاصة " تاسك فورس 88 " تتبع للمخابرات الأميركية ، وهي التي نفذت عددا من العمليات النوعية الخاصة ، لاسيما تصفية " أبو مصعب الزرقاوي " زعيم تنتظيم " القاعدة " الإرهابي في العراق سابقا.




موقع الحقيقة

يا حبيباتي
لازم لما تجيبو خر متل هيك اخبار
تكون من مصدر حيادي
ما بعتقد
يديعوت احرنوت حيادية
ولا حتى الحقيقة

و انت اقرا هون ..

يعني من كل عقلك إذا اسرائيل عرفت تحلل امريكا .. رح تصرح غير التصريح يللي بناسبها
و أكيد ...يللي عم ينقل عنها تحليلها .. عم ينقلو لأنو بناسبو



القصة مو بيعة فجل حتى اشتريها اذا بتناسبني وما اشتريها اذا ما بتناسبني... مو تنقايه الحكاية.. في خبر وفي تحليلات... حقي اقرا كل شي وحقي ناقش كل شي.. وبالنهاية كل واحد بيقتنع بيلي بيشوفو صح... ويلي بيناسبني أكتر شي هو يلي فيه مصلحة بلدي...

بضل يللي مسكر مخو عالنظام .. أفضل من يللي عم يرمي مخو بزبالة اسرائيل و زبالة غيرها .. لأنو مفكر أنها رح تلبي مصالحو و رح ترضي حقدو زبالة اسرائيل وغيرها؟؟؟ تخوين رخيص مارح جاوب عليه... ولعلمك ممكن كون حاقد.. حاقد على كل حدا بيظلم شعبي وبيسرق بلدي وبيتمرجل على الشرفاء والمثقفين وبيسكوت لأميركا واسرائيل...



قد ما كان ظلم دولتنا ..دولتي اسمها سوريا... وسوريا ما بتظلم حدا... بس اذا انت بتختصر دولتك بالنظام الحالي هي مشكلتك وهالشي بيبين الفرق بيناتنا وبيبين المشكلة وين... دولتك انت هو نظام حارق شعبو ودابحو... ودولتي أنا وطن وشعب... الله يهنيك,,,


بضل أرحم من مجرد اعتناق الافكار الاسرائيلية يللي عم تتغنى فيها ..عم اتغنى فيها؟؟؟ كمان تخوين رخيص مو غريب على واحد بيعتبر السلطة الحالية هي دولته الظالمه.. مو غريب عن واحد "دولتو" المحترمة بتتهم الوطنيين باضعاف الشعور القومي... اذا "دولتك" نظامك هاد أسلوبو مافي عتب عليك...

خليني أعطيك فكرة بس عن اعتناق الأفكار الاسرائيلية... يلي نايم على الجولان من 40سنة هو يلي عم يعتنق الأفكار الاسرائيلية...يلي ظالم شعبو وقامعو بحجة دولة المواجهة "يلي ما كنا نجهزلا" هو يلي عم يخدم مصلحة اسرئيل... يلي عم يسجن كل مفكرين البلد هو يلي عم يعمل بدها ياه اسرائيل... ويلي عم يهلل لكل هالشغلات هو خاين أكتر من يلي عم يعملون..


الجولان سورية ..
إذا ما قدرت تجيبها هالحكومة .. بتجيبها حكومة بعدها .. مو مشكلة ..
بس انك تتبنى الافكار الاسرائيلية .. بس لأنو الحكومة الاسرائيلية قدرت تحتفظ بالجولان لهلأ ..... فهادا اسمو خيانة للوطن .. و خيانة للشرف من الاساسيلي ما قدر يجيب الجولان طول هالوقت خلي غيرو يجرب يجيبو... ولعلمك الجولان مابيرجع بالخطابات وبالفساد... الجولان بدو رجال صادقين ليرجعوه... وباعتبارك فتحت سيرة الشرف ويلي كنت بفضل انك تخليها مسكرة بدي قلك انو يلي عم تدافع عنون هنن يلي خلو اسرائيل تحتفظ بالجولان لهلأ.. ونعم الشرف والوطنية




كل يللي حكيتيهون .....حتى لو فرضنا جدلاً أنهون صحيحين ..... ما بيتقارنو ... بمجرد اعتناق الافكار الاسرائيلية اعتناق؟؟!!! برجع بقلك مو غريب عليك... بس معك حق بحكم مافي حجة ومنطق تناقش فيون فمجبور تنط على التخوين والعماله واضعاف الشعور القومي... أسهل طريق علموك ياه...


ما ببررو .. انك تصير توثق باسرائيل ..
ما ببررو .. انك تروح تشوف عدوك شو عم يسب على وطنك .. و تعتتنق أفكارو إعتناق؟؟!!! ياريتك جاوبت أو ناقشت بشي غير هالتخوين الرخيص.. لك ياريتك حكيت شي جملة مترابطه.. بس بتصور وضح شو فكرك... ولعلمك بعمرها ما كانت متابعة الجرايد الاسرائيلية خيانة... ولا كانت قراية تحليلات الاسرائيلين عماله...
واذا مابتعرف في صفحة بجريدة تشرين اسمها الصحافة الاسرائيلية وفي برنامج على المنار اسمو صحافة العدو... طبعاً هالحكي للعلم بالشيئ مع انو بعرف انو حكيي عالفاضي... هلأ بتردلك بكم تخوين واتهام...


كل هادا يللي عم تحكيه .. رح يضل جعجعة بلا طين ..
لأنو ما بيتعدى كونو مراهقة سياسية مراهقة سياسية؟؟؟ منيح يلي ركبت كلمتين ورا بعض بعدين.. دخلك شو تعريف المراهقة السياسية باعتبارو مصطلح جديد.. ولعلمك هالمصطلح أبداً ما رفع من سوية ردك...
بتبقى الجعجعة يلي بلا طين أشرف من الجعجعة يلي بطين بس طين وسخ عم ينزل على راس الشعب والبلد...


اعتبر من جنبلاط جربها قبلك ..و رجع ندم عليها كمان تشكيك وتخوين حقو ليرتين وقت الغلا...
نصيحة عالهامش لا كتير تمسك قصة وليد جنبلاط لأنو بكرا بس نظامك "دولتك" يصالحوه بدك تنجبر تحط صورتو بصدر بيتك... متل ما كانو حاطينها زمان... على اعتبار انو نظامك دايماً صح ولازم تصقفلو



اي انا اتهمتو .. و مصر على اتهامي ..أنو متبنى التحليلات الاسرائيلية ...



اتهمتني؟؟ بيبقى اتهامك رخيص للهروب من واقع ومن حقيقة... اتهامك سخيف وأصغر من انو يتجاوب عليه باعتبار واضح شو هدفو...

كلمتين بالأخير كتير سهل كون متلك وردلك الاتهام بعشرة... بس ماني بهالضعف...

بتصور بعد ردك الأخير وضح فكرك ونهجك ومبادئك " كلون تبعوت نظامك بس انت متقمصون"... مشان هيك ماعد في داعي كمل معك...

سلام...

أنّو أنا اللي بستغرب منّو هوّ النّظام وهالحثالة يللي عم تحمل الذيل تبع ثوبو الطويل...

مروحيّات يا جماعة مروحيّة مو طائرة حربيّة بتفوت على بلدة سوريّة وتعمل إنزال وتقتل وتطلع وبدم بارد ولسّاك بتقلي الجماعة مو عرفانين... لك اطلع من هالبواب وحاجة تضحك عالعالم وعلى حالك لمجرّد بدّك تفرجي وطنيتك المنقوعة بالخل!

اتنين ضربوا حجارة على بعض بملعب أثناء مباراة كرة قدم في القامشلي بعد دقيقة وحدة خبر سيادة الرئيس بشّار وبعد يوم واحد ضل القطار ينزل أسلحة وذخيرة لأكثر من 4 ساعات!!! لشوووووووو؟! لضرب الخونة والأكراد...

لك *** أخت هيك نظام مستعدّ بثواني يطمر حماة والجزيرة وغيرا وغيراتا بس أجبن منّو ما في قدّام أميركا وإسرائيل!!!

ولسّاك عم تقلي جيش ونظام دفاع... طيّب ما في شرطة ما في أمن يحمي المواطن ما في بطّيخ ما في عفريت؟! شاطرين بس على ولاد البلد!

العمى بربكن على قلة هالذوق الجماعة ماتوا وبأحقر جنازة وطلعوا الشباب يستنكروا ويشجبوا وقال شو؟! سكروا المركز الثقافي الأميركي... الله الله مبروك يا شباب الاستنكار وتسكير الدكّان!

والمشكلة إذا الواحد فتح تمّو: خاين... قليل الوطنيّة... إسرائيلي... غربي!
لك شو بكن... مو من فترة اعتقلوا رفقاتكن هون بحجة الخيانة وإضعاف الشعور القوميّ... لك ليش لتعملوا متلن وتخونوا البشر ولا لأن الكرسيّ والسلطة بتخوّن حتى لو بأصغر مكان بهالبشريّة يللي هوّ منتدى شباب افتراضيّ؟!!!

صحيح اللي اختشوا ماتوا! والله يسامح كل مطبّل ومزمّر للي عم يصير بسورية!

:D.

مزبوط هوي فادي عميل اسرائيلي

بس التلفزيون السوري بشكل دائم بيجيب من مصارد اسرائيلية يلي بتناسبو بتلاقية عم يطبل ويزمر ويلي مابتناسبو بيجبو شي حدى يحلل ويتمسخر علية وبما أنو موقع أخوية غير تابع للحكومة السورية وتحليلاتها فهوي خاين .. وهي تصنف تحت بث اخبار كاذبة بتشل عرض الامة

الزلمة ماحكا شي جاب تحليل للعملية من وجهة نظر العدو هلء هي خيانة ؟



يلي ما قدر يجيب الجولان طول هالوقت خلي غيرو يجرب يجيبو... ولعلمك الجولان مابيرجع بالخطابات وبالفساد... الجولان بدو رجال صادقين ليرجعوه... وباعتبارك فتحت سيرة الشرف ويلي كنت بفضل انك تخليها مسكرة بدي قلك انو يلي عم تدافع عنون هنن يلي خلو اسرائيل تحتفظ بالجولان لهلأ.. ونعم الشرف والوطنية
الفساد والتعذيب والاعتقلات .

في مين خطب فينا بخطاب اسمو القسم وعدنا بمكافحة الفساد ... والفساد صار سياسة وجزء من ثوابتو هي وطنية

وعدنا بشي اسمو ديموقراطية .. حدى شاف غير البسطار العسكري

وعدنا بالتوجهه للأقتصاد والتنمية وطلع اكذب من يلي قبلو

القائد الي مابيوفي بوعودو شو بنقلو

خليني أعطيك فكرة بس عن اعتناق الأفكار الاسرائيلية... يلي نايم على الجولان من 40سنة هو يلي عم يعتنق الأفكار الاسرائيلية.استنا ليجي حافظ التاني .. كلها 30 سنة تانية وبيستلم ولح يرجع الجولان

يلي ما قدر يجيب الجولان طول هالوقت خلي غيرو يجرب يجيبو... ولعلمك الجولان مابيرجع بالخطابات وبالفساد... الجولان بدو رجال صادقين ليرجعوه... وباعتبارك فتحت سيرة الشرف ويلي كنت بفضل انك تخليها مسكرة بدي قلك انو يلي عم تدافع عنون هنن يلي خلو اسرائيل تحتفظ بالجولان لهلأ.. ونعم الشرف والوطنية


هات فسر لنا الكلام يللي فوق..
أنا شايف ...أنو سوريا عم تعمل يللي بتستطيعو لترجع الجولان ..و ما عم تقدر ..
و انت قلت أنو اسرائيل معها الحق ..و منطقها هو الصح
و على اعتبارك ما حبيت نظام دولتك .. فحبيت تعتنق المنطق الآخر
أنو ... بتقدرو تبلشو تراسلوها .. و يمكن تفتلحكون بوابها كمان .. متل ما فتحتها لناس قبلكون



اعتناق؟؟!!! برجع بقلك مو غريب عليك... بس معك حق بحكم مافي حجة ومنطق تناقش فيون فمجبور تنط على التخوين والعماله واضعاف الشعور القومي... أسهل طريق علموك ياه...


من بعد ما صرحت يللي بقلبك ..و قلت انك بتبنى المنطق الاسرائيلي .. فـ بأي حجة ممكن نجاوبك ..
من زمان كانت الناس تعتبر مناصرة اسرائيل تهمة ..
هلأ صرتو تفتخروا بهالمناصرة



إعتناق؟؟!!! ياريتك جاوبت أو ناقشت بشي غير هالتخوين الرخيص.. لك ياريتك حكيت شي جملة مترابطه.. بس بتصور وضح شو فكرك... ولعلمك بعمرها ما كانت متابعة الجرايد الاسرائيلية خيانة... ولا كانت قراية تحليلات الاسرائيلين عماله...
واذا مابتعرف في صفحة بجريدة تشرين اسمها الصحافة الاسرائيلية وفي برنامج على المنار اسمو صحافة العدو... طبعاً هالحكي للعلم بالشيئ مع انو بعرف انو حكيي عالفاضي... هلأ بتردلك بكم تخوين واتهام...



مبين لهلأ مانك عم تجمع ..و لا عم تركز شو عم نحكي ..
المشكلة مو انك عم تتابع ..
المشكلة انك مقتنع بهالتحليل و عم تدافع عنو
بهالاعلام يللي عم تحكي عنو .. بيحكو عن اسرائيل من باب اعرف عدوك ..
مو من باب انصر اسرائيل


مراهقة سياسية؟؟؟ منيح يلي ركبت كلمتين ورا بعض بعدين.. دخلك شو تعريف المراهقة السياسية باعتبارو مصطلح جديد.. ولعلمك هالمصطلح أبداً ما رفع من سوية ردك...
بتبقى الجعجعة يلي بلا طين أشرف من الجعجعة يلي بطين بس طين وسخ عم ينزل على راس الشعب والبلد...


كمان مرة بقلك .... ممكن اتحمل ظلم ( حكومتي ) عمر كامل ..
بس مستحيل مد ايدي لعدو
و بعمري ما بكون رخيص
لك يحرق حريشكون ... غلو سعركون شوي .. مشان عالقليلة اسرائيل تحترمكون


كمان تشكيك وتخوين حقو ليرتين وقت الغلا...
نصيحة عالهامش لا كتير تمسك قصة وليد جنبلاط لأنو بكرا بس نظامك "دولتك" يصالحوه بدك تنجبر تحط صورتو بصدر بيتك... متل ما كانو حاطينها زمان... على اعتبار انو نظامك دايماً صح ولازم تصقفلو


أنو ما في داعي تنزعج من الزلمي كتير ..
بكرا بيقلب و بيرجع لصفكون ... لا كتير تزعل ع فراقو




اتهمتني؟؟ بيبقى اتهامك رخيص للهروب من واقع ومن حقيقة... اتهامك سخيف وأصغر من انو يتجاوب عليه باعتبار واضح شو هدفو...



ليش خيو .. خدنا على قد عقلنا ..و احكيلنا ليش معجب بالسياسة الاسرائيلية .. ما بتعرف ..يمكن تلاقي شي حدا ضميرو حقو فرنك ..و يلحقكون :p



كلمتين بالأخير كتير سهل كون متلك وردلك الاتهام بعشرة... بس ماني بهالضعف...

بتصور بعد ردك الأخير وضح فكرك ونهجك ومبادئك " كلون تبعوت نظامك بس انت متقمصون"... مشان هيك ماعد في داعي كمل معك


اي بكون أفضل ..
خبي مواهبك لشي منتدى اسرائيلي :o

في شي اسمو حرب وسائل الاعلام هي يلي بيأثروا فيها على عقولنا..
هي يلي كل ما صار حدث معين بتبدأ التحليلات "الملغمة "
ليزبطو موقفهن قدام الرأي العالمي وليلعبوا بعقولنا
هي لعبتهن يلي حفظناها بغض النظر عن نوع الخبر وعن مؤيد او معارض
لذلك ما فينا ناخد الموضوع بحياد ولا فينا نتعامل معو بمصداقية دام عدونا يلي محللو .

لك احكو بصراحة هيك من الاول
قولو ليش كرهانين رب الحكم .... ما كنا ناقشناكون

أمرك سيدي العقيد شو بدك بعترف كمان ... بس بدي افهم شو حكيت معك حتى مخك شطح ولا الشغلة معششة بالمخ !

طبعاً كلنا مدانون وطائفيون وخونة حتى نثبت العكس ، وبما أن الحكم والخصم واحد فلا مجال مدان

لوكنت ضابط بالفعل وعم تحقق معي على ما أقولة بأخوية لن أشك لحظة واحدة أنك ستدوسني وكل من معي من أجل حماية النظام فقط لان الرئيس من الطائفة العلوية ؟

لكن السؤال الاصعب هل من الممكن أن تبلغو عنا لو استدعا الامر حسب منطقهم الامني والتخويني ؟ مستحيل اعوذ بالله مابيعملوها

عليك أن تتسأل ليش حسام ملحم و كريم غيرهم كتير كرهانين هل النظام

ليش أذا كان الواحد مسلم سني أذا عارض فلازم يكون معارض لاسباب طائفية ؟

هاد الاتهام القذر والسفيه لكل من ينتمي لهذة الطائفة، وكل سني اخونجي او سلفي تكفيري حتى يثبت العكس !

اعارضة لانه رمز من رموز الفساد الاقتصادي المالي الامني القضائي شو بدك عدلك لعدلك عن هل القذارات

اعارضة لانه استباح السطلة التنفيذية والتشريعية والقضائية ، اعارضة لانة يستهين بحقونا ،اعارضة لانة لم يأتي للسوريين الا بالتخلف ،اعارضة وقت اسمع انو لبنان استقطبت 6 مليار دولار استثمارت في عز الازمة السياسية وسوريا 600 مليون دولار ,اعارضة لانة يمارس التعذيب وأمتهان لابسط حقوقنا الانسانية ،اعارضةبسبب محاكمه العسكرية ,اعارضة بسبب قانون الطوارىء ،اعارضة لانة لايمثل الا نفسة ولايعبر الا عن نفسة ...طبعاً كلو هاد حلال ومباح فقط لانو الرئيس علوي وحرام نعارضو ؟ وأذا عارضنا فنحنا خونة وطائفيين !

ولكن بفضل الضعف بالحوار

البشر واستشهدوا والبلاد عم تنضرب والشعب وعم يتبهدل وممنوع علينا نقرا... واذا قرينا منصير خونة.. برجع بأكد انو التغاضي عن الانزال بيثير ألف اشارة استفهام وبغض النظر مين هيك يلي قايل... والاتهامات والتخوين والعلاك الفاضي يلي اتعلمو البعض من النظام القمعي مردود عليهون..

الغارة كلها وطريقة تعامل الجيش وقوى الأمن والشرطة وعمال البلدية معها كان غريب غريب غريب... جنود أميركان على الأرض وبين البيوت وماحدا قلون شو عم تعملو ببلد اذا تنين فيه بيوقفو بالشارع بدون تصريح بياخدون الأمن..

توضيح من زمان كنت حابب وضحو وبتمنى من كل الشباب يقروه وتحديداً الشباب المعارضين للمارسات هاد النظام:

النظام الحاكم في سوريا ليس طائفياً ولا يمثل الطائفة العلوية بأي شكل من الأشكال.. هو نظام يمثل نفسه وأتباعه ومرتزقته فقط...

قرى الساحل العلوية تفتقر إلى الخدمات والإنماء وتفتقر إلى الاهتمام مثل كل المناطق السورية... أبناء الساحل يعانون كما يعاني كل الشعب السوري من ظلم هذا النظام...

العلويون في سوريا مضطهدين مثلهم مثل الشعب السوري ومكممي الأفواه مثل كل الشعب.. طائفة عارف دليلة تعاني مثل كل الشعب..

الطائفة العلوية ليست ممثلة بأي شكل من الأشكال بهذا النظام... والطائفة العلوية براء من ممارساته.. وانتقاد هذا النظام لايعتبر بأي شكل من الأشكال مساساً بهذه الطائفة... فهذه الطائفة أشرف وأطهر من أن تمثل بهكذا نظام...

فرجاءً توخي الدقة عند وصف النظام بأنه طائفي... وتوخي الحذر عند الدفاع عن هذا النظام بحجة الطائفية...

تعليق بسيط مشان قصة تبني رأي اسرائيلي
لو بتابعوا قناة الدنيا الخاصة السورية الأكتر من حكومية
بتلاقوها انو هي بتتبنى كتير اخبار اسرائيلية ومن يديعوت احرنوت
بالذات اليوم جابت خبر رئيسي بالاخبار
انو ملك السعودية دعا رسميا اسرئيليين إلى منتدى الاديان بنيويورك
والكلام جايبينو من يديعوت احرنوت
طبعا علقوا انو هي بتكون المرة الاولى اللي يصي دعوات رسمية بين اسرائيل والسعودية
بس غريب
انو بيصدقوا الخبر اللي بدون ياه من اي مصدر ولو كان شو ماكان وبيكذبوا الخبر اللي بدون ياه لو شفنا اجكرة

في لقاء مفتوح في برنامج الاتّجاه المعاكس على أرضِ الأخويّة دوت كوم أفادنا فيصل القاسم بالحوار التالي:

- عزيزي "رجل من ورق" شو رأيك باللي صار بألبو كمال؟! المايك معك:
"رجل من ورق": أنا ما عندي حاليّاً غير أنّو أتساءل:
بس تحت اي تبرير بيندرج معناتا رفض الدفاع الجوي التصدي لها ؟
يعني شو مبرر انو ما تطلع الطيارات وتصدون
لك اخي عالاقل تصفر صفارات الانذار

- سيّد مادماكس ممكن تجاوب عن النظام الأمني العسكريّ السوريّ:
"مادماكس":
بيندرج بإطار الروتين المعروف بالجيش ..
بيندرج بإطار سوء التخطيط
بيندرج بإطار ضعف الجاهزية ...
يللي خدم جيش بيعرف هالحكي منيح ..بيعرف أنو الطيارة بتطلع .. ما في ضابط بيتجرأ يعطي أمر اسقاطها على مسؤوليتو ..و هادا غلط كتير كبير
لازم يكون في أمر دائم بهالشي ...لازم يكون في ديناميكية بتحرك الجيش

- معنا وزير الإعلام السوريّ محسن بلال من دمشق... معالي الوزير شو رأي معاليكم بالروتين وسوء التخطيط وضعف الجاهزية... إلخ يعني حكي السيّد مادماكس كسبب على عدم الرد عسكريّاً؟!

"وزير الإعلام السوريّ":
إن سورية لم ترد عسكريا على الهجوم الأمريكي في البوكمال لأنها "لا تريد الوقوف أمام قرون ثور هائج".
وردا على سؤال عن عدم تصدي المضادات الأرضية السورية للمروحيات الأمريكية في البوكمال قال بلال إن "سورية رأت كيف دمرت الولايات المتحدة العراق وأفغانستان".
وأضاف "الآن أصبحت هذه الإدارة الأمريكية في رمقها الأخير وأصبحت كالثور الهائج, وسورية لا تريد الوقوف أمام قرون ثور هائج". واعتبر أن "هناك وسائل كثيرة للرد على هذا العدوان".
راجع: ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

فيصل القاسم يعودُ إليكم من جديد:
كشفَ الوزير محسن بلال عن الأسباب الحقيقيّة التي منعتْ الجيش السوري عن التصدّي للمروحيّات الأميركيّة... ومن حديثه يبدو أنّ السلطة الحاكمة كانت على دراية بما يحدث في قرية السكريّة في ألبوكمال شرق سوريّة منذ اللحظة التي دخلت فيها المروحيّات الأميركيّة الأجواء السوريّة وهو من أصدرَ أوامره لمنع الردّ العسكريّ كما هو واضح من خطاب معالي الوزير لأنه يعتبر أميركا ثوراً هائجاً وهو أجبن من أن يقف أمام هذا الثور!!!

بالمختصر سيّد مادماكس التبريرات يللي اخترعتها نفاها سيادة الوزير فيا ريت تجيبلنا غيرها بركي بتزبط معك الشلفة الجديدة.


وبانتظار تحقق أقوال سيادة الوزير محسن بلال في الردّ على أميركا بهدوء وتروّي فيصل القاسم يحييكم من الأخوية والسلام عليكم ورحمة الله وبركاته!


وردنا خبر جديد يقتضي بأنَّ سورية قررت تخفيض عدد القوات السورية المكلفة بحراسة الحدود مع العراق احتجاجا على الغارة الامريكية على قرية السكرية الاحد الماضي:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

لك يا زلمة وجودن وعدمو متل بعض فليش هالعلاك المصدي؟! :lol:.

وأخيراً حابب أقتطف جملة حلوة كتير من وصيّة كريم عربجي قال فيها:
"إلى جماعة الموالاة... لك نيّالكم ما أهنا بالكم".

وهاي وردة للشباب :D.