بعد سماعي من وسائل الإعلام أنه سيكون هناك جزء رابع لمسلسل باب الحارة ومدى رغبة أسرة العمل في مطمطة المسلسل بشكل فاضح حتى كأنهم يريدون أن يوصلوا الأحداث إلى عصرنا الحالي وأنا سأختصر لكم أحداث الجزء الرابع عشر وكيف ستكون شخصياته :


معتز صار يمشي بالشقلوب من كتر ما هو زكرت وبيشتري أفانتي اتوماتيك بالتقسيط مشان يشفط بالحارة



أبو غالب صار يبيع بطاقات شحن للموبايلات سيريتل وأريبا ويصيح الصبح اشتروكِ وعالسهرة خلصوكِ.



عصام بكمل دكتوراة طب وبشتغل بمستشفى الضبع وبعد الدوام بيفتح كوافير نسواني



أبو النار بروح يعمل شوية عمليات تجميل حتى يشيل تشطيبات أبوشهاب من على وجهه وبيفتح ورشة طورنجي وحدادة



أبو حاتم بفتح بدال القهوة إنترنت كافيه و بفتح جنبها صالة بلياردو.



وكل نسوان الحارة بيكبوا الببور الأخرس وبيجيبوا فرن وتار



والثوار بجيبلهم ابو شهاب أسلحة نووية من إيران وكوبا.



أبو بشير بقلب المخبز تبعه آلي وبفتح جنبه مطعم معجنات شامية
وشاورما.



فريال بتتعرف على واحد من حارة الماوي عالإنترنت(عالتشات) وبيحبوا بعض والعرس بالجزء القادم




أبو شهاب بينكمش عم يهرب شاشات سامسونج وبينحط بسجن تدمر 15 سنة وبيعمل تاتو على كتفو وبيكتب الشام شامك ولو الزمن ضامك




أبو حسن بيشتري 50 موتور سنفور مشان يعطيون لشباب الحارة لتحرير أبو شهاب




وكلوا كرمال الشام وأهل الشام

ههههههههههههههههههههههههه ه

حلووووووووووووووووووووووو ه

حلووووووووة كتيييير وخصوصي هاي
'أبو غالب صار يبيع بطاقات شحن للموبايلات سيريتل وأريبا ويصيح الصبح اشتروكِ وعالسهرة خلصوكِ.'
يسلمو

((والثوار بجيبلهم ابو شهاب أسلحة نووية من إيران وكوبا.))
الله يستر على يللي بتحبيهن بلا منه هاي شنو الوضع الدولي والاقليمي ما بيتحمل مو ناقصنا....يعني يادوب صواريخ توما هوك من هالمحددة تبع ابو شهاب:p;):x

هههههههههه حلووووة
وجديدة

ههههههههههههههههههههههه ظريفة
ويا سيدي اذا لكل جزء باب لحالو؟؟؟بتصفّي الحارة بلا حيطان...