اذا ردينا بالقوة... هاد دليل على "الحنكة السياسية للقيادة الحكيمة"..

اذا ما ردينا بالقوة.. هاد دليل على "الحنكة السياسية للقيادة الحكيمة"..

اذا شجبنا و استنكرنا.. هاد دليل على "الحنكة السياسية للقيادة الحكيمة"..

اذا ما عملنا شي.. هاد دليل على "الحنكة السياسية للقيادة الحكيمة"..


يعني يا مواطن يا عربي سوري لا تهتم... رغم انو كل العالم فوقك لكن معليه.. "قيادتك الحكيمة عندا حنكة سياسية"...

يكسّر حناكهون انشالله.. حدا يقول آمين


الله يرحم الشهداء, و الصبر و السلوان لأهاليهم.. و لو ظل عند حكومتنا شوي, شوي ها من الكرامة كان تكفّلت بهالعائلات المنكوبة فورا.. و على الأقل 3 أيام حداد رسمي...


آمييييييييييييييين

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

تشييع ضحايا المجررة الأمريكية في البوكمال



غريب هالعهر والحقارة... بتصور هالشهداء بيستاهلو جنازة رسمية على القليلة... انو ينلفو بعلم بلدهون على القليلة... لك يجي كم واحد من حكومة الصمود والممانعه يحضر الجنازه...

بس بصراحة منيح يلي ماحدا منون حضر ولا كان تشييع رسمي... خلي الجثمان طاهر والجنازه شريفه.

أمنية اخيرة: بفرض لو حدث هالامر ببلد اروبي او بشي بلد غير بعيد عنا لكان استقال وزير الدفاع ورئيس اركان الجيش من مناصبهم، فهل هالشي رح يحصل عنا ويحطوا انفسهم تحت تصرف المسائلة امام الشعب؟

بانتظار الاجابة


لا بأحلام ولا بأوهامك...

لك حتى بلحلم مافيك تحلم فيها...قال يستقيلوا قال..

صور الجنازة فعلا مؤسفة... هاي جنازة شهداء؟؟ وين رئيس الجمهورية عم يعزّي الأهالي, وين فرقة مراسم الجيش حاملة النعوش؟ وين طلقات التحية؟؟؟

طبعا بعد يومين ما حدا متذكر الضحايا و أهلهم... اللي تيتّم و اللي ترمّلت... الجيش ما عندو مصاري يتكفّلون لأنو لازمون الميزانية لشراء اللكزس و المرسيدس...

لك شي بيقرّف ...

ما الهون عين يوصلو عند اهالي الشهداء...

مافهت شوي بتقلي انو طول عمرنا عم نرد عليون وعم يحسو بردودنا الموجعة حتى لو الشعب ماحس..شوي بتقول لازم نرد مشان نحفظ كرامتنا... معناها انت معترف انو كرامتنا عم تتبعزق...

بس حابب أعطيك معلومة صغيرة انو نحن لو رادين بأرضنا وموقعين هالطيرات أو على القليلة آسرين الجنود ماحدا بالأرض بيقدر يحكي حرف... بحكم انو الهجوم صاير على أرضنا وبالداخل السوري ولعلمك أميركا وقت بدها تجتاح سوريا مو ناطرة حجة ولا ناطرة مبررات.... بس القصة قصة عملو يلي بدكون ياه بس لاتقربو على الكراسي تبعوتنا..


إي أنـا بشوف أنو بأغلب الأوقات سوريا بتستخدم نقاط قوتها كـ (سوريا) ، وهاد شي مو غلط ،
يعني نحنا ممكن نكون ما عنا إستطاعة عسكرية لأي سبب كان (كمان شي مؤسف) ومو حديثنا ليش وصلنا لـ هالمرحلة
لكن الأهم أنو نستخدم أي نقطة قوة إلنـا رداً على هالشي يلي عم يصير ،
مو كل الدول قوية عسكرياً ، (هاد الشي مو دفاع ، لكن إذا كان بتملك قوة بمكان آخر .. ببقى الموضوع أهون من الضعف الكلي)

وهلأ عم نطالب سـوريا تلعب و تستخدم هالأوراق ضد العدو الأمريكي ، بأي طريقة كانت تحفظ فيها كرامتنا

و أمريكا تريد إستفزاز سوريــا لغاية في نفس يعقوب ، يعني الأمر سياسي أكثر ماهو عسكري ..

المهم أنو المخططات الأمريكية في الشرق الأوسط , العراق , لبنان و فلسطين أفشلناها وبكل جدارة
ونحن فقط من أفشلها!



(بيني وبينك أنا بتمنى الرد السوري يكون عسكرياً وبقوة .. لكن السؤال أنو هل سوريا جاهزة للحرب الآن؟)
لهيك أنـا عم قول ما بفضل الخيار العسكري ل سوريا وبفضل تستخدم أوراق اللعب بـ هالوقت الحالي


:D

المهم أنو المخططات الأمريكية في الشرق الأوسط , العراق , لبنان و فلسطين أفشلناها وبكل جدارة
ونحن فقط من أفشلها!

أي واضح جدا الافشال... لدين ربو واضح...

حاج مشان ألله حاجتك... عم نحكي عن قتلى سوريين ع ايد كوماندوس أمريكي و حكومتنا متل الدجاجة ما استرجت حتى تطرد القائم بالأعمال (لما ع أقل منها كان لازم يوصل ع واشنطن برفسة من أول حمار تلاقيه بالبرّية)

دخيل النبي اللي بدك ياه, موضوع عن جريمة قتل من الطراز الأول... احترم رهبة الموت على الأقل ازا ما جاي ع بالك تحترم شوية هالذكاء اللي عنا, و خليلنا الاجتماعات الحزبية لغير وقت


و شكرا

المهم أنو المخططات الأمريكية في الشرق الأوسط , العراق , لبنان و فلسطين أفشلناها وبكل جدارة
ونحن فقط من أفشلها!

ماعد فيني غير هنيك... عن جد الله يهنيك ويهني حكومتك فيك

بشرفي ماعد طلع معي الحكي... لك الحقيقة عم تنكتب بدمنا صارت وفي ناس مصره تدعس على هالدم... عمي اهتفوا وهللو والقو خطابات لتشبعو... بس مو تدعسو على جثامين شهداء أبرياء وأطفال ونساء مشان ترفعو لافتة تأييد للنظام...

أبو حلب يرضى عليك مابدنا نحتد على بعض ولا نزعل بعض... روح عملك كم تصميم وكم صورة لبطل الصمود والتصدي واتركنا نحكي بهالجريمة وبجريمة السكوت عن الجريمة...

دخيل عينك والله عم حاكيك وأنا ضغطي مرتفع... مشان مانزعل بعض... لأنو والله ماعد طلع معي حكي ولاعد اقدر ناقشك... مابعرف شو بدي قلك عن جد...

كتير حابب قلك شغلات بس كل مابقرا اجوبتك بنزعج أكتر.... الله يرحم يلي ماتو والله يتنقم من كل الخونة والأذلاء والفاسدين والساكتين على دمار بلدون بأي طريقه كانت...

بشرفي ماعد طلع معي الحكي... لك الحقيقة عم تنكتب بدمنا صارت وفي ناس مصره تدعس على هالدم... عمي اهتفوا وهللو والقو خطابات لتشبعو... بس مو تدعسو على جثامين شهداء أبرياء وأطفال ونساء مشان ترفعو لافتة تأييد للنظام...

أبو حلب يرضى عليك مابدنا نحتد على بعض ولا نزعل بعض... روح عملك كم تصميم وكم صورة لبطل الصمود والتصدي واتركنا نحكي بهالجريمة وبجريمة السكوت عن الجريمة...

دخيل عينك والله عم حاكيك وأنا ضغطي مرتفع... مشان مانزعل بعض... لأنو والله ماعد طلع معي حكي ولاعد اقدر ناقشك... مابعرف شو بدي قلك عن جد...

كتير حابب قلك شغلات بس كل مابقرا اجوبتك بنزعج أكتر.... الله يرحم يلي ماتو والله يتنقم من كل الخونة والأذلاء والفاسدين والساكتين على دمار بلدون بأي طريقه كانت...


,والله يا معلم معك حق شي بيرفع الضغط عن جد

يعني شي غريب , قال افشلنا المخططات الامريكية وما نسترجي نطرد القائم بالاعمال الامريكي من بلدنا بعد اللي صار ,

على كل اليوم قال المعلم وليد بيك المعلم نترنا تصريح , قال المرة الجاي رح يردوا الشباب

يعني ببساطة هالمرة مو محسوبة , والمرة الجاية(الله لايقدر ويكون في مرة جاية) منعتبرها تحذير و هيك بقى لانو نحني ما عنا وقت لهيك حوادث تافهه , عم نفشل المخططات الامريكية لانو

يعني ما قلتلنا ابو حلب , هي ما رح يردوا الشباب ولا رح يعملوا اي شي , ما رح تغير رايك فين ؟؟؟


اما قصة الجنازة فالنظام بدو القصة تنتسى بسرعة , لانو هو عم يعتمد على عامل الوقت , وكل شوي مناكل ضربة والعالم بتنسى

الله يرحمن عن جد منيح اللي ما حضروا الرفاق المجرمين الجنازة , لانو كانوا دنسوا دماء الشهداء

,
على كل اليوم قال المعلم وليد بيك المعلم نترنا تصريح , قال المرة الجاي رح يردوا الشباب

يعني ببساطة هالمرة مو محسوبة , والمرة الجاية(الله لايقدر ويكون في مرة جاية) منعتبرها تحذير و هيك بقى لانو نحني ما عنا وقت لهيك حوادث تافهه , عم نفشل المخططات الامريكية لانو


يا سيدي هالتصريح قصة لحالو.. لحالو خرج ينفتح عليه عشر مواضيع... قاعد هيك ولا كأنو في شي بيقلك المرة القادمة سوريا لن تسكت وستدافع عن أرضها...

يعني بكل ندالة عم يقلك انو نحنا ساكتين وماعم ندافع عن أرضنا... بس المرة الجاية ياويلكون شو بدنا نعمل... بيجوز نستدعي القائم بالأعمال السيرلانكي...

هالمره سماح يلي ماتو مو محسوبين... المرة الجاية ياويلكون.

صور الجنازة فعلا مؤسفة... هاي جنازة شهداء؟؟ وين رئيس الجمهورية عم يعزّي الأهالي, وين فرقة مراسم الجيش حاملة النعوش؟ وين طلقات التحية؟؟؟

طبعا بعد يومين ما حدا متذكر الضحايا و أهلهم... اللي تيتّم و اللي ترمّلت... الجيش ما عندو مصاري يتكفّلون لأنو لازمون الميزانية لشراء اللكزس و المرسيدس...

لك شي بيقرّف ...

خليها هيك احسن يا ياس
ع الاقل بلا المراءاة واكل الهوا وطق الحنك . يلي مات مات وبالت=ناثض من جنازة فيها من النفاق بخلي الناس تقرف بدل ما تحزن .. عن جد احسن

الشماته بسوريا؟؟؟ والله ماحدا شمتان بسوريا غير يلي ساكتين وعم يطبلو ويزمرو ويهللو لكل هالمصايب والبلاوي.


لا في كتير شمتانين . انت ادخول ع موقع العربية او الجزيرة نت واقرا التعليقات..... احلى شي واحد كاتب انو كل المجرمين يلي عم يقتلو العراقيين هيك رح يصير مصيرون .... وطبعا شماتة بالنظام السوري .. وقلة قليلة اتذكرت انو يلي مات مو رجال النظام وانما افراد من الشعب ..

خليها هيك احسن يا ياس
ع الاقل بلا المراءاة واكل الهوا وطق الحنك . يلي مات مات وبالت=ناثض من جنازة فيها من النفاق بخلي الناس تقرف بدل ما تحزن .. عن جد احسن

انو ما اختلفنا, غالبا لو أنا ابن أحد الضحايا فما بدي شوف قدامي حدا منهون... لكن انو يا ألله يعملو شي يثبت انو في بطيخ في دولة ورا هالشعب المعتّر... شاطرين بالشفط و النهب و التمجيد لبعض... و السوري آخر صرماية ببلدو, و ما قبل الأخيرة براة بلدو


شي بيأسّي فعلا..

انو ما اختلفنا, غالبا لو أنا ابن أحد الضحايا فما بدي شوف قدامي حدا منهون... لكن انو يا ألله يعملو شي يثبت انو في بطيخ في دولة ورا هالشعب المعتّر... شاطرين بالشفط و النهب و التمجيد لبعض... و السوري آخر صرماية ببلدو, و ما قبل الأخيرة براة بلدو


شي بيأسّي فعلا..

لك له .. وين رحت؟؟؟؟؟؟؟؟؟ ما قال المعلم انو بدون يردو بالمرة التانية؟؟؟؟؟ كيف لكن ما في دولة ؟؟؟؟ بعدين الشعب هوي يلي ورا الدولة .. هي نعمة جديدة دولة ورا الشعب.. كتير جديدة .. ... هي اعتبرون شهداء والعلمية عملية ارهابية .. ما كافي !!!!!!!

شر البلية ما يضحك ......

الله يتغمد أرواح الشهداء برحمة وجنان عرضها السموات و الأرض ،

مشاركة من أحد الشباب بأخوية بس مو حابب يحطها هو بحكم وجودو داخل سوريا:



أنا المواطن السوري رقم 17395468 أقر وأعترف بأني كتبت هذه الكلمات وأنا بكامل غضبي وأنا بكامل خنوعي وأنا بكامل ذلي..

أقر وأنا محتفظ بحق الرد بالتالي:

يومين..يومين كاملين والغصة بحلقي..وغصة بقلبي
أتصفح الشبكة العنكبوتية أقرأ..تدمع عيوني وأغلق الصفحات
أفتح مرة ثانية نفس الشعور. خبر مقزز أول الأمر كانت الدمعة دمعة حزن على أرواح شهداء دمهم سال على تراب غالي .
الدمعة بعد قليل صارت نارا تحرقني
اخوتي الذين استشهدوا ... يحملون هوية كالتي أحملها مسجل فيها عند خانة الجنسية " سوري" . يحبون مثلما احب ويكرهون مثلما اكره يكرهون الظلم ويكرهون الذل.. مثلي أنا ..أو يا ليتني انا أكون مثلهم. فقد كانوا يعملون تحت الشمس بينما أنا جالس تحت نسمة التكييف الباردة.
هم كانو يزرعون القمح وتجرح أيديهم عند الحصاد..وأنا هنا أتأفف من الحر أتأفف من الغبار في الشارع.
أخيرا دمائهم روت التراب وأنا.... لا أعرف ماأفعل أريد ان أكون مثلهم ..أريد ألا يذهب دمهم سدى...
لا بد أن هناك امرا ما أستطيع فعله لأرد القليل من الاعتبار لنفسي وان سئلت يوما أن أقول بأنني فعلت لم اصمت ..لم أقف مكتوف اليدين كغيري!!!!!!!!!

لم يعد يخطر ببالي في هذين اليومين الا قصتين وقصيدة

أما القصة فهي قصة معركة ميسلون وكلنا يعرف كيف خرج يوسف العظمة بجيشه الصغير وهو يعلم أنه لن يعود..ولما حاولوا منعه بانه لن يستطيع الوقوف في وجه غورو وجيشه قال على ما أذكر " أعرف .. لكن أريدهم أن يعرفوا أنهم لم يدخلوا سوريا بسهولة .. ويعلموا أن سوريا غالية علينا " .

القصة الثانية كانت في حرب احتلال العراق الأخيرة عندما رأينا كيف أسقط أحد الفلاحين طائرة هيلوكوبتر أمريكية بواسطة بندقية الصيد.
" فهمكم كفاية "

وقصيدة حكاية عباس لأحمد مطر
عباس وراء المتراس،
يقظ منتبه حساس،
منذ سنين الفتح يلمع سيفه ،
ويلمع شاربه أيضا، منتظرا محتضنا دفه،
بلع السارق ضفة،
قلب عباس القرطاس،
ضرب الأخماس بأسداس،
بقيت ضفة
لملم عباس ذخيرته والمتراس،
ومضى يصقل سيفه ،
عبر اللص إليه، وحل ببيته،
أصبح ضيفه
قدم عباس له القهوة، ومضى يصقل سيفه ؛
صرخت زوجة عباس:
ضيفك راودني، عباس ،
قم أنقذني ياعباس،
أبناؤك قتلى، عباس،
عباس ــ اليقظ الحساس ــ منتبه لم يسمع شيئا ،
زوجته تغتاب الناس
صرخت زوجته : "عباس، الضيف سيسرق نعجتنا،
قلب عباس القرطاس ، ضرب الأخماس بأسداس ،
أرسل برقية تهديد،
فلمن تصقل سيفك ياعباس؟
وقت الشدة
إذا، اصقل سيفك ياعباس

عباس يستخدم تكتيكاً جديداً
عباس شد المخصرة
ودس فيها خنجره
واستعد للجولة المنتظرة
اللص دق بابه
اللص هدّ بابه
وعابه وانتهره
يا ثور أين البقرهْ؟
عباس دس كفه في المخصره
واستل منها خنجره
وصاح في شجاعة:
في الغرفة المجاورة
اللص خط حوله دائرة
وأنذره
إياك أن تُجاز هذي الدائرهْ
علا خوار البقرة
خفت خوار البقرة
خار خوار البقرة
ومضى اللص بعدما قضى لديها وطره
وصوت عباس يدوي خلفه
فلتسقط المؤامرة
فلتسقط المؤامرة
- عباس:
والخنجر ما حاجته؟
- ينفعنا عند الظروف القاهرة
- وغارة اللص؟

- قطعت دابره
ألم تشاهدوني وقد غافلته
واجتزتُ خط الدائرة!

أما أنا فقد شددت ظهري ورفعت رأسي فأنا سوري مثل يوسف العظمه...

سوريٌ رغم ماحاولات الجميع أن يجرحونا ...سوريٌ أحاول تلميع صورتي أمام الجميع رغم ما فيها من الداخل من تشويه .
سوريٌ لن أتخلى عن سوريا ولو حاول بعض أهلها أن يبعدوني ..أن يذلوني... أن يقتلوني .. أنا يعتقلونني
سوريٌ والدمعة تغرغر في عيني............


التوقيع

سوريٌ أخٌ لتسع شهداء سقطوا منذ يومين

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
تشييع لاتليق بكم أيها الشهداء... ربي يرحمكون

هاي الصورة اللي كان بدي جيبا... شفتا بالمرصد السوري من شوي...

يفترض هاي صورة صلاة الجنازة... يعني لو في "وجه سحّارة" كان طلع بأول صف...

بحكم اني ابن المنطقة الشرقية فيني قلكون انو لو جنازة شيخ عشيرة كان لاقيتو المحافظ و أمين الفرع و قائد الشرطة و وين في أمين شعبة و عضو قيادة فرع و مجلس تنفيذي و رئيس بلدية ... كلهون محتكرين الصف الأول... لأنو بفلسفة الـ "لا للعشائرية, لا للطائفية .. نعم للُحمة الوطنية" شيخ العشيرة مهم كتير... حاكم ع عشيرة لأنو, و بالتعريف هو انسان متخلّف يسهل اللعب بعقلو...

بينما هون شايفين انو الصف الأول "يبدو" انو ناس بسطاء فقط شاركو بالجنازة

بدي ينفهم علي صح.. بعرف انو من الأفضل عدم وجودون (و بالعكس هيك حقيقية أكتر... لأنو هاد الشعب عم يشيّعون.. أهلهون.. الشعب البسيط)... لكن يا أخي و الله كبيرة انو بجنازة شهداء مافي تمثيل رسمي.. بيظل هاد تمثيل للدولة يا ألله !!! بينما لو جنازة شي فاسد أو شي منافق بتلاقيهون متسابقين...


الله يرحم الشهداء...

على مايبدو مابدون يكبرو القصة وبدن ياها تنتهى بأقل تغطية اعلامية... انو ماتو الله يرحمون يلا دفنون وبلا مهرجانات وخطابات وبلا تغطية اعلامية... انو مشوها هيك...

وعلى فكرة أنا مابستعد انو في خوف من ردة فعل أهل الشهداء لأنو عن جد ممكن انو حدا ينفعل ويعمل فيون شي مصيبة... مشان هيك قالولون تخبوا بمكاتبكون...

بدال العلم السوري ملفوفة الجثامين بشراشف.... منيح شكلو متل العلم النمساوي بس ناقصو نسر بالنص... ياحرام بس

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

تشييع لاتليق بكم أيها الشهداء... ربي يرحمكون

الله يرحمهم
فعلاً ... تشييع لا يليق بهم كشهداء على الإطلاق

لك ياااااااااااااانااااااااا س....

ارحمونا بقى ....عن جد القصة زادت عن حدا .. لك شو قطيع غنم اللي راح ولا كم كلب جعاري -استغفر الله- اللي

ماتو؟؟.....اي لك لو ميت كلبو لابن شي واحد منن علي الحلال بيزعلو علي اكتر من هالشهداء اللي راحو...

معقول!..الخبر بينزل ع الفضائية متل كأنو صاير بشي بلد تاني أو شي عالم تاني ......ووزير خارجية بيطلع بيقول

بكل برودة دم....

المروحيات الأمريكية توغلت لعمق ثمانية أميال داخل الأراضي السورية وإنها أسفرت عن مقتل ثمانية أشخاص غير مسلحين.

انو حاسبينا كمان .......تمن أميال ع التكة.....

الله يرحمكن ياولاد بلدي.......

وأخيراً أتى الرد الحكومي الساحق على المجزرة الأمريكية:


الجزيرة :مجلس الوزراء السوري يقرر إغلاق المركز الثقافي والمدرسة الأميركيين في دمشق.


بالفعل يا أخي لقينا طريقة موجعة للغاية... وأنا من هون بدي وجه اعتذار لكل الشباب يلي كانو عم يقولوا انو الرد قادم وأنا ماكنت مصدق... وبصراحة ماتوقعت الرد يكون بهالقسوة وبهالنوعية...


والاعتذار الحقيقي من الشهداء الأبرار على هالرد المخزي.

عيب والله عيب ... راسنا صار بالارض بشرفي .. قال نشجب ونستنكر .. شي بوطي الراس
ولو برجعوا مرة تانية وبضربوا بنص الشام كمان رح نشجب ونستنكر

وان *ريناها بوصلوا لمجلس الامن ..
جد شي بيخجل

وأخيراً أتى الرد الحكومي الساحق على المجزرة الأمريكية:


الجزيرة :مجلس الوزراء السوري يقرر إغلاق المركز الثقافي والمدرسة الأميركيين في دمشق.



هذا ردهم المناسب بالمكان والوقت المناسب ..
:frown:

محسسيني المركز الثقافي رح تنضرب امريكا كلا منو .. بكون كلو ع بعضو معهد تعليم لغات بمنهج امريكي .. 99% بالمية من طلابو سوريين
يعني قطعو عليهن الدراسة ع جماعة البكالوريا والتوفل

مسخرة

و حياة الرب مخنوق صرلي يومين

يوسف العظمة ...انت هلق متت

يرحمك الله يا يوسف العظمة

يرحمك الله يادريد لحام

يرحمك الله يوم قلت:
الله وكيلك يا ابي صرنا فرجة

الله يرحمك يوم صرخت وقلت:الله يرحمك يا ابي مو ناقصنا الا شوية كرامة بس

قمة الوقاحة تظهر لما الاستخبارات السورية تعرف وتتساهل مع تنفيذ العملية وهي اللي بتعرف انو الاميركان شغلتون بالحياة القتل بالغلط
يعني بكرا بتوصل لحمص والشام ةبحجة والله في عندكون ارهابيين بدنا نصفيهون
سلام على سوريا

يعني مع انو جزء من الاراضي السورية محتلة و باقي الاراضي مستبحة من قبل الامريكان و اسرائيل و بدون ان يتجرأ احد من شراذمة البعث الاسدي على الرد , بطلعلك دكتاتور دمشق ويتهم البعض على انهم انصاف رجال وانو هو الرجل بصراحة ما بعرف انا, هل الرجولة هي اغلاق المركز الثقافي الامريكي الرائع مقابل تسعة قتلى سوريين و استباحة الاراضي

أكد نائب وزير الخارجية "فيصل المقداد" في محاضرة له أمس, أن سورية ستتخذ إجراءات مؤلمة رداً على العدوان الأميركي الذي طال أراضيها يوم الأحد الماضي, وأشار إلى أن هذه الإجراءات ستصب في مصالحتها الوطنية من جهة ولن تتعارض مع القانون الدولي من جهة أخرى, ذلك لتمسك سورية بمنهجها العقلاني (الذي يتسم بضبط النفس).
و أضاف: إن بعض هذه الإجراءات سيتم تطبيقها عما قريب بشكل تتابعي, أما بقية الإجراءات فإن الجهات المعنية ما زالت تناقشها.
كما وصف المتحدث باسم الحكومة العراقية "علي الدباغ" (بالمعتوه) وذلك دون تسميته بشكل مباشر, نتيجةً لتصريحات الأخير حول العدوان الأميركي وتبريره لها.
ودون ذكر أسماء, اتهم "المقداد" بعض الحكومات والدول العربية بتمويلها للإرهاب ودعمه وزراعته في الأراضي السورية, إضافة إلى شمال لبنان وذلك لتحقيق غاياتها المشبوهة والمكشوفة لدى الجميع.
أما بالنسبة (لقوى 14 شباط) فقد عبر عن أمله في تخفيف روحهم العدائية التي يتميزون بها, و إعطاء المجال للحوار حتى يتمكن السفير السوري المرتقب من الجلوس معهم والتوصل إلى حلول ترضي الطرفين».

أكد نائب وزير الخارجية "فيصل المقداد" في محاضرة له أمس, أن سورية ستتخذ إجراءات مؤلمة رداً على العدوان الأميركي الذي طال أراضيها يوم الأحد الماضي, وأشار إلى أن هذه الإجراءات ستصب في مصالحتها الوطنية من جهة ولن تتعارض مع القانون الدولي من جهة أخرى, ذلك لتمسك سورية بمنهجها العقلاني (الذي يتسم بضبط النفس).
و أضاف: إن بعض هذه الإجراءات سيتم تطبيقها عما قريب بشكل تتابعي, أما بقية الإجراءات فإن الجهات المعنية ما زالت تناقشها.
كما وصف المتحدث باسم الحكومة العراقية "علي الدباغ" (بالمعتوه) وذلك دون تسميته بشكل مباشر, نتيجةً لتصريحات الأخير حول العدوان الأميركي وتبريره لها.
ودون ذكر أسماء, اتهم "المقداد" بعض الحكومات والدول العربية بتمويلها للإرهاب ودعمه وزراعته في الأراضي السورية, إضافة إلى شمال لبنان وذلك لتحقيق غاياتها المشبوهة والمكشوفة لدى الجميع.
أما بالنسبة (لقوى 14 شباط) فقد عبر عن أمله في تخفيف روحهم العدائية التي يتميزون بها, و إعطاء المجال للحوار حتى يتمكن السفير السوري المرتقب من الجلوس معهم والتوصل إلى حلول ترضي الطرفين».



إبره بنج ...

برافو ....شي رهيب
أجهزة الأمن ماهرة جدا في إبتكار الطرق التي تنهي بها أي حالة معارضة في سورية ...وبيصيروا الأشخاص خطر على الأمن القومي ...
طيب ما الأمن القومي إلتعن أبو دين ربه بهالغارة ما شفت بوش ب سجن عدرا قولكن ليش؟
معقول يكون ما بيحب يفوت سجون الزلمة ولما اجوا المخابرات لياخدوه قلهن انا ما بحب السجون ....قاموا تركوه
طيب بس ييجوا يعتقلوني رح قلهن أسف انا ما بحب السجون
...
هامش : اعلن فرحي الشديد لأننا حفظنا ماء الوجه بأن أغلقنا المركز الثقافي...يا سلام يا سوريا
عمار يا شام
تحياتي الحارة
ظل جيفارا

السفارة الامريكية بدمشق تقول إن هناك احتمال لاغلاق السفارة
قالت السفارة الأمريكية في دمشق إن هناك احتمالا لاغلاق السفارة بعد الغارة على البوكمال.

syria-news

شي بيخجل والله...الرد السوري كتير بيخجل...معقولة ما حدا شاف هالطيارات وقت فاتو؟؟ ولا حدا قاومن او اي شي ضدن يا الله؟؟؟؟؟؟؟؟؟؟؟؟؟؟؟؟ ما في شي الواحد يحكيه والله ما عم يطلع الحكي....
الله يرحم الشهداء الابرياء...

إبره بنج ...
يمكن أنت هيك بتشوفها ( و أنا كمان لما بيكون الدم حامي )

بس لما بيفكر الواحد فيها بعقل و واقعية
بتكون ردود الأفعال مدروسة و متل ما قال المقدام ( بشكل تتابعي )

و يمكن كون عم أضحك على حالي و صدق أنوممكن يكون في رد سوري عالي المستوى

يمكن أنت هيك بتشوفها ( و أنا كمان لما بيكون الدم حامي )

بس لما بيفكر الواحد فيها بعقل و واقعية
بتكون ردود الأفعال مدروسة و متل ما قال المقدام ( بشكل تتابعي )

و يمكن كون عم أضحك على حالي و صدق أنوممكن يكون في رد سوري عالي المستوى
يعني شو ما كان الرد يكون شو عملت الحكومة لاهل الشهداء؟؟ شو قدمتلن؟؟
يعني اذا الحكومة شايفة انو الرد يكون سياسي اكتر منو عسكري طيب اوكي بس يوقفو جنب اهل الشهداؤ قبل كل شي....

والله أنا كمان محروق دمي على الطريقة الي طلعت فيها الجنازة و كيف كانوا ملفوفين بشراشف تخت
و ما كان في رعاية رسمية للدفن

بس بعتقد أنو موضوعهم ما رح يروح عالسكت وما رح ينسوهم

العملية الي صارت على طريق المطار من فترة تكفلوا فيهم بقى كيف هالشهداء ...

بس ما في أي مبرر للغياب الرسمي على الجنازة و الطريقة الي طلعت فيها الجنازة

أول شي تحية لصياد الطيور على هالمشاعر الصادقة والموقف الوطني المعتدل يلي عم يحكي فيه مو متل بعض الشباب يلي مافيني إلون غير الله يهديكون...

بس ياريت تقلي شو رأيك بهالمقطع من كلام المقداد:

ذلك لتمسك سورية بمنهجها العقلاني (الذي يتسم بضبط النفس).

إنو ماشبعنا من هالمنهج؟؟ يعني صرنا ملطشة لإسرائيل وأميركا وماخلصنا بقا؟؟ هاد نفسو المنهج يلي ساكتين فيه عن كل الغارات الاسرائيلية وعن الاغتيالات يلي عم تصير بسوريا.. لك هاد نفسو المنهج يلي مسكتنا عن الجولان...

واستوقفني هالمقطع من كلام المعلم الكبير وليد المعلم:

وأضاف المعلم في مقابلة حصرية مع هيئة الإذاعة البريطانية بثت ليل الثلاثاء إننا "ننتظر من الحكومتين العراقية والأمريكية توضيحات بنتائج التحقيق في هذه العملية, وان سورية ستتخذ الخيارات المناسبة على ضوء هذه التوضيحات إن كانت مقنعة أو واهية", مستبعدا أن "تشمل الخيارات السورية الخيار العسكري".
سيريا نيوز

بالله شو هالمسخرة؟؟ يعني شو ممكن يكون في توضيحات تقنعنا لتبرير هيك مجزرة؟؟ أخي هدول يلي استشهدوا بالغارة ارهابيين أكتر من بن لادن ومو مخليين شي سيئ ما عملوه "مع احترامي لأرواح الشهداء" ... بس شو في سبب بالأرض بييخليني اقتنع انو أميركا تفوت تقتل ولاد بلدي ببلدي واقتنع؟؟

مو كتير هيك شوي؟؟ يعني والله لو بيسكتوا أشرف.

ربي يرحمهن ويحمي البئايا بجاه كل من إلو جاه
لك والله بكيت متل الزغار
والله السوريي مابيستاهلو هالشي
وربي يهدي اللي بيستاهلو هيك إشيا
سلام لأغلى أرواح

للاسف الشديد الحكومات العربيه ما تبرز وتظهر عضلاتها وقواتها الا على شعوبها وقمع شعوبها مش على اعدائها


الله يرحم شهدائنا

فعلا استغرب لم لم تتفجر المشاعر القومية والاسلامية والعروبية ..الخ عند البعض الا عندما يتعلق الموضوع بسوريا ..هل هو من قبيل ان الشجرة المثمرة هي فقط التي تضرب بالحجارة أم تدخل في اطار الحملة المشبوهة التي تدار من الغرف السوداء لمحاربة سوريا و كل من يدور في فلكلها لوقوفهم في وجه المصالح الامريكية والاسرائيلية في المنطقة ...ولم لم نسمع من هذا البعض شيئا مشابها عندما قصفت اميريكا في عمق اراضي باكستان "النووية" الحليفة لها أو عندما تم استهداف سيادة اليمن و الصومال وغيرها.علما ان هذه الدول لم تفعل شيئا يذكر للرد على مثل تلك الانتهاكات . كما فعلت سوريا وسفعل انشاء الله في المستقبل القريب

بيان السفارة الأمريكية في دمشق : السفارة قد تغلق لأجل غير مسمى


"وأن أحداثا أو ظروفا غير متوقعة قد تحدث"
قال متحدث باسم السفارة الأمريكية في سورية يوم الأربعاء إن "السفارة الأمريكية في سورية قد تغلق لأجل غير مسمى في أعقاب الغارة التي شنت على سورية".

وأضاف المتحدث في بيان للسفارة إن "الجالية الأمريكية في سورية عليها أن تدرك أن أحداثا أو ظروفا غير متوقعة قد تحدث مما قد يتسبب في إغلاق السفارة الأمريكية في دمشق أمام الجمهور لأجل غير مسمى".
وحول وضع الدبلوماسيين الأمريكيين في سورية امتنع المتحدث عن الرد "فيما إذا كان عدد أو وضع الدبلوماسيين الأمريكيين في سورية قد يتغير".
ويأتي بيان السفارة الأمريكية باحتمال إغلاقها عقب قرار الحكومة السورية بإغلاق المدرسة والمركز الثقافي الأمريكيين بدمشق, ومطالبة وزيري التربية والثقافة لاتخاذ الإجراءات اللازمة للتنفيذ بالتنسيق مع الجهات المعنية.
وكان نائب وزير الخارجية فيصل المقداد قال إن "سورية ستتخذ عددا من الإجراءات السياسية والدبلوماسية والقانونية للرد على العدوان الأمريكي الذي استهدف مزرعة السكرية في منطقة البوكمال".
ونفذت أربع مروحيات أمريكية الأحد الماضي هجوما على مزرعة السكرية في منطقة البوكمال مستهدفة مبنى قيد الإنشاء أدى إلى مقتل 7 مواطنين وجرحت آخرين.
وكانت سورية استنكرت هذا العمل "العدواني" وحملت القوات الأمريكية كامل المسؤولية وكافة تبعاته، كما طالبت الحكومة العراقية بتحمل مسؤولياتها والتحقيق الفوري بهذا "الانتهاك الخطير "ومنع استخدام الأراضي العراقية للعدوان على سورية.
من جهتها طالبت وزارة الخارجية الأمريكية سورية بالقيام بمزيد من مراقبة حدودها مع العراق، في وقت امتنعت الإدارة الأمريكية على لسان المتحدثة باسم البيت الأبيض دانا بيرنو التعقيب على أي عمليات تتعلق بالهجوم في سورية، وقالت "ليس بوسعي أن أعقب على تقارير بشأن هذا الحادث.

و مازالت المهزلة مستمرة

بالله بانو عين نحنا بدنا نواجه اولادنا عالاقل بعد 20 سنة؟

و مازالت المهزلة مستمرة

بالله بانو عين نحنا بدنا نواجه اولادنا عالاقل بعد 20 سنة؟

معك حق المهزلة مستمرة , مو بس انو ما صار اي رد لحد هلق , بل المهزلة محاولات البعض تجميل الواقع البغيض واستمرار العزف على وتر الشعارات الفارغة من صمود ومابعرف شو , وكلام فاضي ما جاب لسوريا والسوريين الا الذل والمهان

اليوم قريت انو قال بجريدة تشرين , عم يدينوا العرب اللي رفضوا ادانة الغارة الامريكية, يعني اللي نافش ريشو وعامل حالو رجل على اساس ,عم يطالب انصاف الرجال انو يدينوا وهو صار اكل شي مية كف ولسا عم نستنى منو الرد الموعود وعم نستنى الامريكيين يقرروا يسكروا سفارتن لحالن مو لانو نحني قررنا نسكرها ردا كابسط رد على الهمجية الامريكية

فعلا (كما قال ياس) عنجهية المهزوم اوسخ من عنجهية المنتصر

كلامك 100% صح

لك والانكى انو ولا حداد رسمي لمدة يوم واحد على الاقل

شي بيفقع يا

يلعغن دين العالم ما عم افهم شي
ولك الله رضيان على صالح العلي وابراهيم هنانو و يوسف العظمة وسلطان باشا الاطرش

ولك حتى على العكيد ابو شهاب الشخصية الخيالية انو مو شايفين اللي صاير وانن ميتين

فعلا استغرب لم لم تتفجر المشاعر القومية والاسلامية والعروبية ..الخ عند البعض الا عندما يتعلق الموضوع بسوريا ..هل هو من قبيل ان الشجرة المثمرة هي فقط التي تضرب بالحجارة أم تدخل في اطار الحملة المشبوهة التي تدار من الغرف السوداء لمحاربة سوريا و كل من يدور في فلكلها لوقوفهم في وجه المصالح الامريكية والاسرائيلية في المنطقة ...ولم لم نسمع من هذا البعض شيئا مشابها عندما قصفت اميريكا في عمق اراضي باكستان "النووية" الحليفة لها أو عندما تم استهداف سيادة اليمن و الصومال وغيرها.علما ان هذه الدول لم تفعل شيئا يذكر للرد على مثل تلك الانتهاكات . كما فعلت سوريا وسفعل انشاء الله في المستقبل القريب

هلئ هدول الدول متل سوريا؟؟؟ لا هادا مغالطة لأنو مثلا منطقة وزيرستان في باكستان التي تتعرض للقصف من قبل امريكا هي منطقة لا يوجد فيها سلطة او مؤسسات حكومية و الجيش الباكستاني لم يسيطر عليها حتى الآن, فبرأيك البوكمال متل وزيرستان. بعدين نحن ما عم ننتقد سوريا انما النظام السوري المجرم و هناك فرق كبير بينهما ,هادا يا سيدي في مطرب اذري ايراني معارض للنظام الايراني بقول في احدى اغانيه مخاطبا ايه الله على خامنئي: ساجينز صاقلنز اغارمش , انجق ملتنه باقان يوزونز قارالمش ,, يعني: لقد اصبح شعر رأسك و لحيتك ابيض من البياض و لكن وجهك الذي تنظر به الى شعبك اسود من السواد. بتمنى تكون الفكرة وصلت

قررت الولايات المتحدة إغلاق سفارتها في دمشق في وجه الجمهور الخميس 30-10-2008 لاسباب أمنية فيما تتصاعد التوترات بين البلدين عقب الغارة التي شنتها الولايات المتحدة على سوريا، ومن المزمع تنظيم مظاهرة في دمشق ستنظمها جماعات وصفت نفسها بأنها مستقلة للاحتجاج على الغارة التي وقعت الأحد الماضي وتقول سوريا إنها أسفرت عن مقتل ثمانية مدنيين.

وفي وقت سابق قال متحدث باسم السفارة إن "الجالية الأمريكية في سوريا عليها أن تدرك أن أحداثا أو ظروفا غير متوقعة قد تحدث مما قد يتسبب في اغلاق السفارة الامريكية في دمشق أمام الجمهور لاجل غير مسمى."

وأضاف "أن السفارة الأمريكية في دمشق ما زالت قلقة بشأن استمرار التهديد بوقوع هجمات إرهابية ومظاهرات وغير ذلك من أعمال العنف ضد المواطنين الامريكيين"، وامتنع المتحدث عن التعليق عما إذا كان عدد الدبلوماسيين الأمريكيين في سوريا أو وضعهم سيتغير

عظم الله اجوركم بهذا المصاب اخوتي

اضع بين ايديكم ملف فديو للحظات الاولى للجريمة وهو تصوير بالموبايل

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

قررت الولايات المتحدة إغلاق سفارتها في دمشق في وجه الجمهور الخميس 30-10-2008 لاسباب أمنية فيما تتصاعد التوترات بين البلدين عقب الغارة التي شنتها الولايات المتحدة على سوريا، ومن المزمع تنظيم مظاهرة في دمشق ستنظمها جماعات وصفت نفسها بأنها مستقلة للاحتجاج على الغارة التي وقعت الأحد الماضي وتقول سوريا إنها أسفرت عن مقتل ثمانية مدنيين.

وفي وقت سابق قال متحدث باسم السفارة إن "الجالية الأمريكية في سوريا عليها أن تدرك أن أحداثا أو ظروفا غير متوقعة قد تحدث مما قد يتسبب في اغلاق السفارة الامريكية في دمشق أمام الجمهور لاجل غير مسمى."

وأضاف "أن السفارة الأمريكية في دمشق ما زالت قلقة بشأن استمرار التهديد بوقوع هجمات إرهابية ومظاهرات وغير ذلك من أعمال العنف ضد المواطنين الامريكيين"، وامتنع المتحدث عن التعليق عما إذا كان عدد الدبلوماسيين الأمريكيين في سوريا أو وضعهم سيتغير

قال مستقلة قال!!! اي سكروا باب المدينة الجامعية ومنعونا من الذهاب للجامعة و طالعونا غصب عنا للمسيرة مع انو والله نحن مستعدين نطلع من دون ما يقولولنا بس هن هيك بدون قمع و ارهاب ما يقدروا يعيشوا. بعدين السفارة الامريكية سكرت من خالها يعني من دون اي طلب من جلادي الشعب السوري و هكذا تستمر المهزلة

ساجينز صاقلنز اغارمش , انجق ملتنه باقان يوزونز قارالمش ,,

:shock::shock::shock::shock:

ترجملك الزلمة ليش هيك مدهوش


يعني: لقد اصبح شعر رأسك و لحيتك ابيض من البياض و لكن وجهك الذي تنظر به الى شعبك اسود من السواد