أعان مصدر اعلامي رسمي سوري أنا مروحيات أمريكية قد قامت بقصف مدينة حدودية سورية ( البوكمال ) والتابعة لمحافظة دير الزور, علماً أن الفضائية السورية قد قامت بعرض شريط لخبر عاجل لمدة قصيرة بالخبر وكأنه رفع عتب, أما قناتي العربية والجزيرة فقد قطعتا نشرتهما الرئيسيتين للكلم عن هذا الخبر والتواصل مع مراسليهم في سوريا, الجدير بالذكر أن الشهداء الذين خلفتهم هذه العملية هم خمسة شهداء من عائلة واحدة وعاملين بأحد البساتين في تلك المنطقة, اذافة الى وجود من أربعة الى سبعة مصابين حيث لم يؤكد العدد بعد.
وقد أشار مدير مكتب قناة الجزيرة في سوريا الى أن العملية تمت باستخدام أرح مروحيات اثنتين حطتا على الأرضو ترجل منها جنود أمريكان فتحوا النار على العمال السوريين الذين لاحول لهم ولا قوة فيما ظلت الطائرتان الأخرتان تحومان في السماء


أسئلتي هي, أين مضاضاتنا الأرضية من هكذا توغل, أين حرسنا الحدودي من هكذا أمر, أين حكومتنا من هكذا عملية سافرة وخاصة أن هناك شهداء وأرواح أزهقت, وهل سنقبل باعتذار رسمي ونسكت مع احتفاظنا بحق الرد فيما بعد؟؟؟؟؟؟؟


رحم الله الشهداء السبعة وأسكنهم فسيح جناته وعوض أهلهم وصبر ذويهم

علمت سيريانيوز أن مروحيات أمريكية اخترقت الأجواء السورية بعد ظهر اليوم الأحد قرب مدينة البوكمال وأطلقت النار على عمال موجودين في مزرعة قريبة الأمر الذي أدى إلى مقتل سبعة أشخاص وجرح ثلاثة آخرين على الاقل.
وقال شهود عيان لـسيريانيوز إن أربع مروحيات أمريكية دخلت إلى الأجواء السورية فوق مدينة البوكمال التابعة لمحافظة دير الزور حوالي الساعة الرابعة من بعد ظهر الأحد بعمق عدة كيلومترات قرب جسر خشبي قديم على نهر الفرات قريب من جسر "الرئيس الأسد" الذي يصل بين مدينة البوكمال وعدة قرى تابعة لها.
وتابع الشهود أن مروحيتين من المروحيات "أطلقتا النار من رشاش على عمال بناء موجودين في المكان, الأمر الذي أدى إلى مقتل سبعة أشخاص وجرح ثلاثة آخرين بينهم امرأة, قبل أن تعود المروحيات جميعها إلى الأراضي العراقية".
وأكد مدير مشفى الباسل الحكومي في البوكمال سليمان الغضبان لـسيريانيوز أن جثث سبعة أشخاص وصلت إلى المشفى مساء الأحد كما أدخل إلى المشفى ثلاثة جرحى بينهم امرأة, والجميع مصابون بطلقات نارية.
وشاهد عدد كبير من الموجودين في المكان المروحيات الأمريكية بشكل واضح, خاصة وأن كثيرا من العمال الذين يجمعون محصول القطن كانوا موجودين في المنطقة.
يذكر أن مدينة البوكمال تبعد عن الحدود السورية العراقية حوالي خمسة كيلومترات, ويتبع لها معبر حدودي نظامي بين البلدين, وتقابلها على الطرف العراقي من الحدود منطقة القائم.
سيريانيوز
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أسئلتي هي, أين مضاضاتنا الأرضية من هكذا توغل, أين حرسنا الحدودي من هكذا أمر, أين حكومتنا من هكذا عملية سافرة وخاصة أن هناك شهداء وأرواح أزهقت, وهل سنقبل باعتذار رسمي ونسكت مع احتفاظنا بحق الرد فيما بعد؟؟؟؟؟؟؟
رحم الله الشهداء السبعة وأسكنهم فسيح جناته وعوض أهلهم وصبر ذويهم
شو هاد؟! مضادات؟! شو بدك نضرب مروحيات أميركيّة؟! يا شماتة أبلة ظاظا فيَّ!
لا وبدك نحتفظ بحق الردّ في ما بعد؟! يا عيني يا عيني... أكلنا هوا!
خيّو هنّ بدون ضرب مو سائلين عالمنطقة الشرقيّة... يموتوا ولا ستين جهنم ما يموتوا: جوع بهدلة تخلف ضرب أميركي... أبتفرق معن! المنطقة الشرقيّة كلا صايرة متل البقرة بيحلبوها نفط وثروات وزراعة وسمك وكلو وبس تختير يدبحوا! الله وستين وكيلك!

مو غريب على الغطرسة الامريكية يطلع منها هيك ........الله يستر من الجاي

الله يعين يارب


العملية كانت لاقتحام موقع مدني قيد الإنشاء, يعني القصة هي تتمة لموضوع الموقع النووي السوري المزعوم.

الشهداء صاروا 8 خمسة من عيلة وحدة ( أب وأربع أبناء), اضافة إلى عاملين وزوجة حارس البناء المقتحم.

وحسب الوكالة الفرنسية للأنباء, الموضوع مو بس قصف جوي من المروحيات, بل وعملية إنزال, عملاً أن القرية المستهدفة تابعة لمدينة البوكمال التابعة بدورها لمحافظة دير الزور, هذه القرية لاتحوي أي شيئ عسكري لامن قريب ولا من بعيد.

هذه العملية تعد الأولى من نوعها من قبل الجيش الأمريكي منذ احتلاله للعراق

الله يرحم الشهداء اللي راحو و انقتلو ب هالغارة الهمجية و بحب قول للجهات المعنية :
ما في داعي تعملو شي او حتى تتلو بيان وزاري لانو الرد معروف وواضح :
نحتفظ بحق الرد حتى اشعار اخر

مابعرف ؟؟
بس كان الشباب كانو عم يمسحو جوخ لبعض من عشره تيام ...ولا شو ..:shock:

يعني الله يستر

مو غريب على الغطرسة الامريكية يطلع منها هيك ........الله يستر من الجاي

لك خليهن يتغطرسوا متل مابدن, لأنو نحن لو طالعلنا ماكنا قصرنا, بس سؤالنا إنو نحن شو رح تكون ردة فعلنا, السكوت؟؟؟؟؟؟؟؟؟؟ أم الشجب؟؟؟؟؟؟؟ أم التنديد واللجوء لمجلس الأمن؟؟؟؟؟؟؟؟؟؟؟

الله يرحمهون ,,

انو شو بدها تكون ردة الفعل ,, اذا اسرائيل ما قدرو يعملولها شي ,, شو بدون يعملو لأميركا !

مابعرف ؟؟
بس كان الشباب كانو عم يمسحو جوخ لبعض من عشره تيام ...ولا شو ..:shock:

يعني الله يستر

iهي هي السياسة, بيقرصوا بايد وبيسلموا بايد, فأي ايد بدك اتصدقي وتبني سياستك ع أساسها؟؟؟؟

الله يرحمهون ,,

انو شو بدها تكون ردة الفعل ,, اذا اسرائيل ما قدرو يعملولها شي ,, شو بدون يعملو لأميركا !

الله يرحمن بس شو يعني إنو أمريكا وما أمريكا, إنو هيك بتفوت حومات وبتقوم بالانزال وبتقتل وبتشيل حالها وبتروح وما بنعمل شي, يعني أخي مابدنا انهاجم أمريكا لأنو مانا قد انهاجمها, بس إنو مابنكسر ايد اللي بيفوت ع أرضنا وبيقتل ولادنا ويطلع؟؟؟؟؟؟

ماشي

اول شي الله يرحمهن

... يوم عن يوم .. سياسة حكومتنا الرشيدة "خارجياً" .. عمتأثبت مدى نجاحها .. وتوجت نتائجو عأرض الواقع ... من خازوق ... لخازوق .... ويانيال هالشعب فيكن :D

وبخوازيئكن:cry::cry::cry::cry::cry::cry: :cry::cry:

بعد ما دمروا العراق .... يريدون تهديد سوريا ..


هذه سياسة التخبط الامريكية


بس أتسائل عن موقف حكومة العراق !

اها بكرا بطلع خبر انو المنطقة فيها شي نووي يا ابصر اي حجة تانية
والحكومة السورية بتقول انو بالغلط كان المقصود العراق ...
انو حضرانين هيك فلومي من قبل
....
الله يرحمهن ...

الله يكسّر ايديهون المجرمة على هالعملة...

الله يرحم الضحايا, و الصبر و السلوان لأهاليهم

بعد ما دمروا العراق .... يريدون تهديد سوريا ..

هذه سياسة التخبط الامريكية

بس أتسائل عن موقف حكومة العراق !

بس بظن حكومة العراق ليست مسؤولة عن اللي حصل بأي شكل من الأشكال .. و لاتتحمل مسؤولية هالشي .. حتى الحكومة الأمريكية ليست مسؤولة

الخطأ يلقى على عاتق هيك حكومة معفنة ... حكومة ليست قادرة على حماية المواطن بأدنى درجات الحماية

هلئ بيكونو هالكم ضابط اللي لسانهن ما بيفوت لحلقن بشي خمّارة عميشربو ويهزو براسهن لبعض
أما بالنسبة ل 8 مواطنين عميلحقو لقمة عيشهن .. فهي أمور لاحقين ينظروا فيها

بظن الأجدر نشوف هالمبرر الرباني من حكومتنا عاختراق اجوائها عبعد مسافة 5 كم بدون أي رادع لهالموضوع وفوق كل هيك يحطو عالأراضي السورية ويروح فيها 8 أشخاص ...

يفترض يصيغو كزبة بتتسدئ قبل ما يطلع أي علاك فيهن يفتح تمو بحرف

يلعن رب هيك مسخرة

لك أخي خلي الحكومة العراقية اتدبر أمر بلدها بالأول بعدين خلينا نسألها مشان هيك موضوع

رغم إنو هلا ع الجزيرة عم بيقولوا إنو سوريا استدعت القائمين بالأعمال العراقية والأمريكية في سوريا للتواصل معهم بخصوص هذه العملية.


عمي أحمد, ماحبيتلك أخر جملة, إنت عيني, خبيها بقلبك ولا تكتبها لأنو مو الكل بيوافق عليها. وهي وردة لأحلى أبو حميد:D

الله يرحمهم

يمكن هالمرة مالح يمروئها على خير

الله يرحمهم

يمكن هالمرة مالح يمروئها على خير

بتمنى هالشي بس مابتوقع, نحن نحن, سياستنا معروفة وعقليتنا معروفة دخلياً ودولياً فمارح يطلع من وراها شي للأسف الشديد

سورية تطالب الحكومة العراقية بتحمل مسؤولياتها وأجراء تحقيق
قال مصدر مسؤول إن سورية تطالب الحكومة العراقية بتحمل مسؤولياتها وبالتحقيق الفوري بهذا الانتهاك الخطير ومنع استخدام الاراضي العراقية في العدوان على سورية.


انو هلئ طلع الذنب ذنب العراق ؟

يمكن هالمرة مالح يمروئها على خير

لو بدو يطلع شي ياحجي .. طلع من 35 سنة .. مو هلئ يجو يطلعو شي

انو هلئ طلع الذنب ذنب العراق ؟
اكيد ذنب العراق مهو مش طايلين "هدوك" بتبلو "هدوك"
انو ما في امل
.........
الله يرحمهن ..
لك الحكومات العربية هدفها تحمي حالها وبس والمواطن .... خليها على الله

أنا بشوف إنو سياستنا الحكيمة بلشت تشتغل, إنو بنعمل الموضوع كوقة ضغط على أمريكا والعراق, والله فكرة, يخرب بيتنا ما أذكانا

الله يرحم الشهدا
بس بدي افهم شغلة
وين هالجيش الباسل اللي صرعو راسنا فيه ؟؟
مو على اساس منتشر على طول الحدود ؟؟

أسئلتي هي, أين مضاضاتنا الأرضية من هكذا توغل

بتكون كانت الكهربا مقطوعة عن المضادات :lol:


ع فكرة تفاجأت بالخبر ، وهلأ لحتى شفته ..
أنـا شخصياً أدين هذا العمل الإجرامي .. و إن شاء الله يكون في رد سـوري ( سياسياً أو بورقة لعب)
رحمة الله على كل القتلى ، و الله يستر من الأعظم ،

الله يرحم الشهداء , الرصاص الامريكي الاعمى ما بيميز بين سوري وعراقي
بس يمكن الضحايا كانوا مفكرين حالن بامان شوي كونن عندن دولة وجيش المفروض انو يحموهن

بس عبث ..........





و إن شاء الله يكون في رد سـوري ( سياسياً أو بورقة لعب)
،

اي اكيد رح يكون في رد سياسي مزلزل رح يخلي الامريكيين يندموا على الساعة اللي فكروا فيها يخترقوا اجوائنا , متل الرد على غارة دير الزور اللي تمثل بجولات المفاوضات مع اسرائيل

بتكون كانت الكهربا مقطوعة عن المضادات :lol:


ع فكرة تفاجأت بالخبر ، وهلأ لحتى شفته ..
أنـا شخصياً أدين هذا العمل الإجرامي .. و إن شاء الله يكون في رد سـوري ( سياسياً أو بورقة لعب)
رحمة الله على كل القتلى ، و الله يستر من الأعظم ،

أصلا كل يللي عالحدود كام واحد وما معهن أسلحة، وكلشي شغال عالكهربا بكونوا شايلينوا وحاطين بدالو أباريق المتة وسخانات الصندويش. عكل حال مو وقت هالحكي، لازم يكون في رد جذري عالموضوع وإلا بيتعودوا علينا، بس وين إيران وروسيا وحزب الله يللي على أساس حلفائنا وشادين ضهرنا فيهن؟؟ والله يرحم الشهداء يللي ماتوا ويصبر أهلهن.

بعد ما دمروا العراق .... يريدون تهديد سوريا ..


هذه سياسة التخبط الامريكية


بس أتسائل عن موقف حكومة العراق !

اي حكومه ؟؟؟؟

السفير الامريكي هو الي يحكم العرااق

لا يكون فاكرين في حكومه بجد بالعراق ................ !!!!!!!!!!!

وين هالجيش الباسل اللي صرعو راسنا فيه ؟؟




الجيش يا حبيب قلبي مو موجود ل هالشغلات بالنسبة ل بلد ك سوريا
الجيش موجود لحتى القائمين عليه يسكرو و يعربدو و يشفطو مصاري
اما بدك تقللي جيش و عم يدافع ........... هاي شغلة فرطط عنا من زمان ......
يعني من وين ما جبتها بتضلها الشغلة عوجا

الله يرحم الضحايه شو الهن دخل هدول وين الجيش عفوا يمكن هيك امور مالو علاقه الجيش فيها هيك امور بتنطوى

الله يرحمهم ..:D


.. ويستر من اللي جاية ..

صاروا 8 قتلى والباقي بحالة خطرة للأسف.........
غريب هالصمت؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لك خليهن يتغطرسوا متل مابدن, لأنو نحن لو طالعلنا ماكنا قصرنا, بس سؤالنا إنو نحن شو رح تكون ردة فعلنا, السكوت؟؟؟؟؟؟؟؟؟؟ أم الشجب؟؟؟؟؟؟؟ أم التنديد واللجوء لمجلس الأمن؟؟؟؟؟؟؟؟؟؟؟
لما ما يكون في توازن استراتيجي ما في شي اسمه رد مباشر......فيه رد بس

الله يرحمهم . ويصبر أهليهم

أنا من جهتي تماشيا مع التوجهات . بستنكر بتلاتة كيلو وبشجب بكيلين وأدين بشدة قوية هذا العمل الأجرامي

ومازالت أرضنا مستباحة وما زالت أرواحنا رخيصة...

رحم الله الشهداء.... والحمدلله يلي وليد المعلم كان مجتمع بكونداليزا رايز الأسبوع الماضي في إنجاز تاريخي... بالفعل سياستنا الداخلية والخارجية والدفاعية يوم بعد يوم عم تثبت صوابيتها...

باسمي وباسم الشعي السوري نسجل تضامننا مع الأشقاء في جمهورية البوكمال الصديقة ونعدهم بدعم أكبر من الذي قدمناه لجمهورية الجولان وجمهورية اسكندرون وجمهورية عين الصاحب....

والخلود لرسالتنا.

الله ينتقم من الأميركان ومن اسرائيل.... والله ينزل المطر...

سقطت ورقة التوت الاخيرة

الله يرحم شهدا الوطن ويكسر ايدين اللي ورا هالعمل

يالطيف لما بتشوف منظر محزن اكيد بتدمع عينك انا ماعندي خبر لاني كنت مناوب امبارح و شوية شفت المنظرعلى قناة اخبارية عالمية المبكي بالموضوع هؤلاء

االابرياء الي فقدوا ارواحهم هيك بس المضحك هل لهدرجة صار يستخف فينا و ينضحك كمان لان الحلل السياسي قال ان القوات الامريكية كانت تلاحق ارهابين و اكيد هون كل الطاقم الي حس بحزني سالني احدهم هل يوجد عندكم ارهابين شو بدي رد عليه انا

اي حكومه ؟؟؟؟

السفير الامريكي هو الي يحكم العرااق

لا يكون فاكرين في حكومه بجد بالعراق ................ !!!!!!!!!!!


موجودة حكومة نقول ان هذه العملية استهدفت متمردين و ما اشارت الى منفذ العملية !!!


و كل يوم يرددون انه العراق له سيادة !

نحتفظ بحق الرد حتى اشعار اخر
ولك عمي في ناس بدها تشتغل شو بدك الناس تخسر بمشاريعها , مخزن حفظ حقوق الرد شلون بدو يشتغل
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الله يعين أسر الشهداء الضحايا

رفض البيت الابيض الاثنين التعليق على هجوم بالمروحيات قالت سورية ان الجيش الامريكي قام به على اراضيها على الجانب الاخر من الحدود العراقية.
وقالت الناطقة باسم البيت الابيض دانا بيرينو في رد على سؤال بهذا الشأن عبر البريد الالكتروني "لا تعليق".
ومن جانبه، أعلن العراق ان الغارة التي استهدفت منطقة حدودية داخل سورية تنطلق منها عناصر مسلحة تنشط في العراق، ولم ترد إشارة إلى منفذ العملية.

وكانت قوات التحالف بقيادة الجيش الامريكي في العراق قد أعلنت ان "لا معلومات" لديها حول الغارة التي شنتها مروحيات على منطقة البو كمال السورية قرب الحدود مع العراق مساء الاحد.
ونسبت وكالة أسوشيتدبرس للأنباء في وقت سابق لمسؤول عسكري أمريكي لم يكشف عن هويته القول "إن القوات الأمريكية الخاصة هاجمت مقاتلين أجانب مرتبطين بالقاعدة".


يعني الجيش الامريكي ينفي الحادث .... (سخرية الفدر) !


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

حدا منكن انتبه لهي الصورة ,


هي اثار قدم جندي امريكي , بس هالمرة فوق الارض السورية


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عن جد مابعرف اذا صور الضحايا مؤلمة اكتر ولا هالصورة هي

انو أطالب بحق الرد على الاستهتار بدماء الأطفال والأبرياء بإلغاء الخدمة العسكرية لأنو عيب بقى
انو على حدود دولة فيا حرب متل العراق ما قدرنا نحمي شعبنا لشو عيشتنا بالله
انو بتقولوا رح نجر المنطقة لحرب انو بالله بالله كانو نحنا ما بحالة حرب ؟؟؟
بعدين خلينا نموت ونحنا عم ندافع مو نحنا عم نبني شي بناية تجي الاباتشي الامريكية وترشنا رصاص وتمشي؟؟لك إنو الأحلا العراقيين قال شو هدول مقاتلين وهني عم بضربوا العراقيين :clap:لك إنو شو الواحد بدو يحكي لك انو بتصدقوا انو لما سمعت الخبر صرت اضحك وابكي سوا!!!!! لك بجد نحنا شووو لك عم بخجل فوت عالمنتديات العربية وناقش بهيك موضوع لك وربي صارت حجتنا ضعيفة ومتل ما قالوا اخوتنا من ضربة لضربة ومن خا... لخا....

إنو بجد بالله لشو بقى الخدمة العسكرية والي عم طفش الشباب لبرا البلد وليش الواحد ليتحمل انو تنسب امو وابوه بالعسكرية ؟؟ لك كرمال شو كرمال نحتفظ بحق الحفوضات ؟؟؟؟:frown:

ليكو الزحف العربي عبر القدس والاراضي الاردنية وجاي لنصرة سوريا...وعبد الناصر عم يخطب من قبره...والاموات بيتحركو.........والله شفتهن

حكومة المالكي: المنطقة السورية التي استهدفها الهجوم الامريكيمعادية لنا

بغداد –الشرقية: اكدت حكومة رئيس الوزراء نوري المالكي الاثنين ان المنطقة الحدودية مع سوريا التي استهدفها هجوم الاحد كانت مسرحا لنشاطات "تنظيمات معادية للعراق، تنطلق من سوريا".
وقال الناطق باسم الحكومة علي الدباغ ان "الحكومة العراقية على اتصال مع الجانب الاميركي حول الانباء التي تتحدث عن هجوم على المنطقة الحدودية مع سوريا" مؤكدا انها "كانت مسرحا لنشاطات تنظيمات معادية للعراق، تنطلق من سوريا".
واضاف "كان اخرها مجموعة قتلت 19 شخصا من الداخلية العراقية في قرية حدودية" مشيرا الى ان "العراق طلب من السلطات السورية تسليم المجموعة التي تتخذ من سوريا مقرا لنشاطاتها المعادية للعراق".
وقالت سوريا إن طائرات هليكوبتر أمريكية نفذت الضربة في ساعة متأخرة من مساء أمس الأحد وإنها تسببت في مقتل ثمانية أشخاص. ولم تصدر واشنطن تعليقا ولم يذكر الدباغ من الذي نفذ الهجوم.
***

في نفس الوقت الجيش الامريكي
يقول لاعلم له عن هذه العمليه

يا ترى

هل المالكي يعرف اكثر من الامريكان

لك والأحلى إنو المعلم تبعنا ( وليد ) قال إنو إذا اتكرر هالشي, سوريا رح تقوم بالدفاع عن أراضيها, وكأنوا متل ألعاب الطفولة, أول داس إفلاس, كنا بنعملها لأنو مابنكون داخلين بجو اللعبة, فأول دورة من اللعبة مابتنحسب, فهل سياسيينا بتعاملوا مع الدفاع عن الأراضي السورية من مبدأ أول داس افلاس؟؟؟؟؟؟؟؟؟

وكالة: سوريا تغلق المؤسسات الامريكية عقب الغارة

10/28/2008 5:02:00 PM

دمشق (رويترز) - أفادت الوكالة العربية السورية للانباء بأن الحكومة السورية قررت يوم الثلاثاء اغلاق مدرسة أمريكية ومركز ثقافي أمريكي في دمشق بعد يومين من غارة شنتها الولايات المتحدة في شرق سوريا.
وقالت دمشق ان الغارة التي استهدفت قرية السكرية أسفرت عن مقتل ثمانية مدنيين. ولكن مسؤولين أمريكيين قالوا انها أسفرت عن مقتل عضو نشط في القاعدة ساعد في تهريب المقاتلين الاجانب الى العراق. ونفى وزير الخارجية السوري وليد المعلم تلك المزاعم.
وأضافت الوكالة أن مجلس الوزراء السوري قرر تأجيل موعد اجتماع اللجنة العليا السورية العراقية المزمع انعقاده في بغداد يومي 12 و13 أكتوبر تشرين الثاني القادم.
ووصف المعلم الهجوم بأنه "عدوان ارهابي" وأنه اذا تكرر فستدافع سوريا عن نفسها. ووجه دعوة الى اجراء تحقيق أمريكي وعراقي في الهجوم.
وقالت سوريا ان أربع طائرات هليكوبتر هاجمت المنطقة الحدودية بين سوريا والعراق. وقالت الولايات المتحدة انها استهدفت مكانا يتم من خلاله تهريب المقاتلين الاجانب الى العراق. وأدانت فرنسا وروسيا الهجوم.