في القانون السوري لايعاقب القاتل باي عقوبة على الاطلاق اذا قتل احدى النساء من قريباته من الدرجة الاولى او الثانية في جرم الزنا المشهود
المادة 528 من قانون العقوبات السوري للعام 1949 التي تنص على ان "يستفيد من العذر المحل من فاجأ زوجته أو أحد أصوله في فروعه أو أخته في جرم الزنا المشهود او في صلات جنسية فحشاء مع شخص آخر، فأقدم على قتلهما او ايذائهما او على قتل او ايذاء احدهما بغير عمد"

المادة 192 تنص على ان «يستفيد مرتكب القتل او الاذى من العذر المخفف اذا فاجأ زوجته أو أحد أصوله أو فروعه أو أخته في حالة مريبة مع آخر».
اعذر المخفف يعني انه إذا كان الفعل جناية توجب الإعدام أو الأشغال الشاقة المؤبدة أو الاعتقال المؤبد حولت العقوبة إلى الحبس سنة على الأقل.
وإذا كان الفعل يؤلف إحدى الجنايات الأخرى كان الحبس من ستة أشهر إلى سنتين.

لم يوضح القانون السوري معنى تعبير الزنا المشهود او الصلات الفحشاء او تعبير حالة مريبة..
فحالة مريبة قد تعني بالنسبة لشخص فتاة جالسة في حديقة عامة مع شخص وقد تعني بالنسبة لاخر فتاة في سرير شخص اخر..

يعني هذه التعابير مطاطة للغاية غير واضحة مما يزيد الطين بلة ويسمح لمن تسول له نفسه التلاعب الالفاظ وايجاد الحجج لكي يتملص القاتل من جريمته السوداء..

لاتستفيد المراة من عذر مماثل في حال اقدمت على قتل زوجها اذا وجدته يخونها..
وتعاقب وفقا لقانون العقوبات السوري في تجريمه لجريمة القتل العمد او غير العمد

وإذا كان الفعل يؤلف إحدى الجنايات الأخرى كان الحبس من ستة أشهر إلى سنتين.

على كتابة مقالة بيروح الواحد 3 سنين...

شي رهيب فعلا.. و مخجل



شكرا :D

صحيح شي بيخجل فعلا...
رح نزل امثلة عن حوادث وقصص حقيقية صارت بس اعرف الاراء بالمبدأ...
شكرا على المرور ياسين..

صحيح شي بيخجل فعلا...
رح نزل امثلة عن حوادث وقصص حقيقية صارت بس اعرف الاراء بالمبدأ...
شكرا على المرور ياسين..

رائع جدا.. متابعين و باهتمام شديد

:D

متابعة معك باهتمام ... وألم

انا ضد الغاء قانون الشرف ولكن مع تعديل فقرات
يعني يفترض ان يكون القانون اكثر تحديدا وتفسيرا لبنود من كلمة وضع مريب وبنفس الوقت يفترض المشرع يعطي الحق بالتساوي للجنسين لان من المسخرة عدم تساوي المراة والرجل امام القانون
بنفس الوقت انا ضد فكرة اللغي لان لا انا ولا انتو ولا انتي فيكي تشوفي زوجك زوجتك مع اي حدا بسريرك وبغرفة نومك وتاخدها بروح اخوية:pos:...

بنفس الوقت انا ضد فكرة اللغي لان لا انا ولا انتو ولا انتي فيكي تشوفي زوجك زوجتك مع اي حدا بسريرك وبغرفة نومك وتاخدها بروح اخوية////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لأ طبعا ما تاخدا بروح أخوية بنوب... بس ما تفك الا بالقتل؟ :?

انا ضد الغاء قانون الشرف ولكن مع تعديل فقرات
يعني يفترض ان يكون القانون اكثر تحديدا وتفسيرا لبنود من كلمة وضع مريب وبنفس الوقت يفترض المشرع يعطي الحق بالتساوي للجنسين لان من المسخرة عدم تساوي المراة والرجل امام القانون
بنفس الوقت انا ضد فكرة اللغي لان لا انا ولا انتو ولا انتي فيكي تشوفي زوجك زوجتك مع اي حدا بسريرك وبغرفة نومك وتاخدها بروح اخوية:pos:...


انت قصدك انو القتل بصير بهالحالة تحت تاثير الغضب والانفعال الشديد , طيب فيك تقلي بجرائم الشرف اللي عم تصير واللي عم تسمعها قديش نسبة الجرائم اللي بتصير بعد م الزوج او الاخ او الاب يضبط المراة مع رجل تاني؟؟

بعدين باي قانون ما في شي انو واحد قتل التاني تحت تاثير الغضب والانفعال منقوم منحكم علي ب 6 اشهر سجن؟؟؟

المفروض يتم التعامل مع هيك نوع من الجرائم متل اي جريمة قتل عادية

انا ضد الغاء قانون الشرف ولكن مع تعديل فقرات
بنفس الوقت انا ضد فكرة اللغي لان لا انا ولا انتو ولا انتي فيكي تشوفي زوجك زوجتك مع اي حدا بسريرك وبغرفة نومك وتاخدها بروح اخوية:pos:...

هي يا صديقي موجودة بالقانون السوري بمادة مختلفة عن هي المادة وبيتساوى فيها الرجل مع المرأة فيها..
المادة 242 " يستفيد من العذر المخفف فاعل الجريمة الذي أقدم عليهابثورة غضب شديد ناتج عن عمل غير محق وعلى جانب من الخطورة أتاه المجني عليه ".
والداعين لالغاء المواد 192و 528 بيدعو للابقاء على المادة 242 اللي بتساي بين الرجل والمرأة لانو ما حدا ضد فكرة تخفيف العقوبة على فاعل الجريمة في ثورة غضب شديد

جرائم القتل في سورية تبلغ 600 جريمة سنويا
جرائم الشرف من ضمن جرائم القتل 200 الى 300 جريمة
يعني نصف جرائم القتل هي جرائم شرف وفقا للدكتور عبود السراج عميد كلية الحقوق السابق

فاجأ زوجته أو أحد أصوله في فروعه أو أخته في جرم الزنا المشهود او في صلات جنسية فحشاء مع شخص آخر

لازم اذا شفتهم اعطيهم كم كوندوم موهيك ؟؟
الاصح انو ينحط قانون يعاقب المراة والرجل المتزوجين في حال الخيانة
بس هاد بدو شي كم سنة ضوئية لحتى تقتلعي اثار الحمية من صدور شعبنا هي اذا قدرو يغيرو من طباعو

امتدت جرائم الشرف لتطال الفتيات اللوتي تزوجن من خارج الطائفة او الدين..
او الى فتيات كن على علاقة حب مع شاب غير مرغوب فيه من قبل العائلة
وهنا يستند الأهل إلى حجة الانحراف الأخلاقي، الذي يحددون هم ، وهم وحدهم، وجوده وحدوده ومداه، من أجل الاستفادة من الغطاء القانوني الذي يحيل الجريمة إلى جريمة شرف ، فيستفيد القاتل من الأحكام المخففة، التي يقرها القانون في مواده المتعلقة بجرائم الشرف
الدكتورة مية الرحبي

قتلت هدى أبو عسلي على يد أخيها ، وبمباركة العائلة والأقارب، لزواجها من رجل من خارج طائفتها زواجا شرعيا مسجلا بالمحكمة، وأقام أهلها بعد مقتلها عرسا، ففتحت المضافة ، وانطلقت الزغاريد، ودارت فناجين القهوة المرة، واستقبل الأهل الضيوف المهنئين، ووجوههم يعلوها البشر.
وقد أشاع أفراد العائلة أن الحكم أصدرته ونفذته العائلة على خلفية سلوكها المنحرف، لا زواجها، ربما كي يستفيد القاتل من العذر المحل في عقوبة جرائم الشرف في القانون السوري، والذي نجا بفضله آلاف المجرمين والقتلة بفعلتهم، بعد أن قتلوا قريباتهم لمجرد الشبهة في سلوكهن.ورج الاخ بعد عدة اشهر من السجن بطلا يرفع به الراس

لأ طبعا ما تاخدا بروح أخوية بنوب... بس ما تفك الا بالقتل؟ :?

انا ماراح احكيلك من منطلق الروح البريطانية او السويدية بل بقانون عم يطبق علي شعب شرقي عاطفي
وبالتالي فكرة القتل منها مستبعدة وانا هون قصدي رجل وامراة بدون تفريق


انت قصدك انو القتل بصير بهالحالة تحت تاثير الغضب والانفعال الشديد , طيب فيك تقلي بجرائم الشرف اللي عم تصير واللي عم تسمعها قديش نسبة الجرائم اللي بتصير بعد م الزوج او الاخ او الاب يضبط المراة مع رجل تاني؟؟

بعدين باي قانون ما في شي انو واحد قتل التاني تحت تاثير الغضب والانفعال منقوم منحكم علي ب 6 اشهر سجن؟؟؟

المفروض يتم التعامل مع هيك نوع من الجرائم متل اي جريمة قتل عادية

ضمن ردي كتبت اني مع فكرة تعديل القانون الي شكل لينعرف مين المستفيدين منو وبالتالي هيك راح نمنع ان حدا لقا اختو مع رفيقها بالكفتيريا قام قتلهن هاد هوه الي يفترض ان نكون ضد


[/color]
هي يا صديقي موجودة بالقانون السوري بمادة مختلفة عن هي المادة وبيتساوى فيها الرجل مع المرأة فيها..
المادة 242 " يستفيد من العذر المخفف فاعل الجريمة الذي أقدم عليهابثورة غضب شديد ناتج عن عمل غير محق وعلى جانب من الخطورة أتاه المجني عليه ".
والداعين لالغاء المواد 192و 528 بيدعو للابقاء على المادة 242 اللي بتساي بين الرجل والمرأة لانو ما حدا ضد فكرة تخفيف العقوبة على فاعل الجريمة في ثورة غضب شديد

لكن شو الفائدة من الغاء القانونين 192 و528 اذا هيك هيك الجناة راح يستافدو من 242 ثم شو معناة ثورة الغضب؟
انا مابدافع عن اي امراة او رجل متزوج او متزوجة بيمارس الجنس مع اي بنت او رجل لان هاد الموضوع غير اخلاقي ولا انساني وبالتالي بلاقي ان الموضوع مابيستحق ان ندافع عنن
اما الي انا مع ان نشكل اليه لردع هوه الجرائم الي بيروح ضخيتها شباب متزوجين بشكل رسمي وضمن القانون السوري ولكن ذنبن انن من طوائف مختلفة وهاي الي بيسمو زواج خطيفة

في كتير معلومات قانونية خاطئة
اول شي المادة المخصة بجرائم الشرف هي المادة 548 من قانون العقوبات


المادة 548
1 ـ «يستفيد من العذر المحل من فاجأ زوجه أو أحد أصوله أو فروعه أو اخته في جرم الزنا المشهود أو في صلات جنسية فحشاء مع شخص آخر فأقدم على قتلهما أو ايذائهما أو على قتل أو ايذاء أحدهما بغير عمد».

2ـ يستفيد مرتكب القتل أو الأذى من العذر المخفف إذا فاجأ زوجه أو أحد أصوله أو فروعه أو أخته في حالة مريبة مع آخر


بدنا لحتى تتنفذ هالمادة في كم كلمة حمرا لازم تتحق لتكون هالمادة هي المادة المطلوبة
بس بالفقرة التانية من المادة 548 عبارة حالة مريبة هون بتعمل مشلكة لأنو مالها محدد
و كمان لازم يكون في عنصر التفاجئ بالظروف لأنو اصل المادة هوي وجود استثارة للشخص
هلق هي كتحليل بسيط للمادة 548

هلق كرئيي انو القانون السوري أعطى العذر المحل و العذر المخفف لكل من الزوج و الزوجة
مو بس الزوج متل ما عمل القانون المصري

و للأسف كلمة الجرم المشهود هون هوي بالمعنى العام يلي بكون مو بالضرورة
انو انشاف جرم الزنا بس تم التأكد من حدوثه
و هون صارت القصة مطاطة


هلق المادة 242



. المادة 242:
يستفيد من العذر المخفف فاعل الجريمة الذي أقدم عليها بثورة غضب شديد ناتج عن عمل
غير محق وعلى جانب من الخطورة أتاه المجنى عليه.



من قانون العقوبات مالها علاقة بجرائم الشرف بشي هي الجرائم يلي الواحد بيستفيد
من العذر المخفف
لأنو هوي تم اثارتو بعمل غير محق من المجني عليه


المادة 192



. المادة 192 إذا تبين للقاضي أن الدافع كان شريفاً قضى
بالعقوبات التالية: ـ الاعتقال المؤبد أو الخمس عشرة سنة بدلاً من
الأشغال الشاقة المؤبدة. ـ الاعتقال الموقت بدلاً من الأشغال الشاقة
الموقتة. ـ الحبس البسيط بدلاً من الحبس مع التشغيل. وللقاضي فضلاً عن
ذلك أن يعفي المحكوم عليه من لصق الحكم ونشره المفروضين كعقوبة

كمان هالمادة هي مالها علاقة بجرائم الشرف حتى و لو كانت عما تحكي عن الدافع الشريف
لأنو في فرق بين جرائم الشرف و الدافع الشريف


و بخصوص الأستاذ الدكتور عبود السراج هوي رئيس قسم القانون الجزائي بجامعة دمشق
و لم يكن عميد كلية الحقوق ابدا

___________

هامش : بتمنى لما نتعامل مع المواد القانونية نتعامل بنوع من القدسية

و شكرا على الطرح :D

لكن شو الفائدة من الغاء القانونين 192 و528 اذا هيك هيك الجناة راح يستافدو من 242 ثم شو معناة ثورة الغضب؟


الفرق انو المادة 242 بتقل انو ثورة الغضب ناتجة عن عمل على جانب من الخطورة قام بها الطرف الثاني وبشرح المادة مكتوب انو العمل بيهدد الطرف القاتل..
يعني الخيانة انو العلاقة غير الشرعية ما بتهد الشخص القاتل.. ومن اهم القواعد القانونية لتبرير او تخفيف العقوبة انو لازم يكون رد القاتل على درجة متساوية مع فعل المقتول..
يعني اذا واحد بدو يصربك بالعصاية ما بيصير تقتلو بالمسدس...
كمان فكرة الشرف مطاطة متل ما قلت في واحد بيشوف اختو بحضن شب بيقول عادي
وفي شب بيشوفا ماشية مع شب بسوق الحميدية بيدبحها

في كتير معلومات قانونية خاطئة
اول شي المادة المخصة بجرائم الشرف هي المادة 548 من قانون العقوبات



بدنا لحتى تتنفذ هالمادة في كم كلمة حمرا لازم تتحق لتكون هالمادة هي المادة المطلوبة
بس بالفقرة التانية من المادة 548 عبارة حالة مريبة هون بتعمل مشلكة لأنو مالها محدد
و كمان لازم يكون في عنصر التفاجئ بالظروف لأنو اصل المادة هوي وجود استثارة للشخص
هلق هي كتحليل بسيط للمادة 548
هلق كرئيي انو القانون السوري أعطى العذر المحل و العذر المخفف لكل من الزوج و الزوجة
مو بس الزوج متل ما عمل القانون المصري

و للأسف كلمة الجرم المشهود هون هوي بالمعنى العام يلي بكون مو بالضرورة
انو انشاف جرم الزنا بس تم التأكد من حدوثه
و هون صارت القصة مطاطة




___________

هامش : بتمنى لما نتعامل مع المواد القانونية بنوع من القدسية

و شكرا على الطرح :D


يسلمو كتير عالتوضيح لان الشائع ان القانون عنا بيجيز هالنوع من الجرائم للرجل دون المراة وبالتالي هالقانون بيصفي منو كلمة (وضعية مريبة) وبالتالي بعتقد الدعوة نازم تكون لتوضيخ او شطب هالجملة لان ساعتها اي حدا فيه يستغلها علي كيفو

يعني الخيانة انو العلاقة غير الشرعية ما بتهد الشخص القاتل.. ومن اهم القواعد القانونية لتبرير او تخفيف العقوبة انو لازم يكون رد القاتل على درجة متساوية مع فعل المقتول..
يعني اذا واحد بدو يصربك بالعصاية ما بيصير تقتلو بالمسدس...

فيني اعرف ان اذا شفت زوجك عم يمارس الجنس مع بنت بغرفتك وعلي سريرك شو فيه يكون موقفك
وان كيف بهالحالة يكون الرد من جنس العمل؟

بالنسبة للدكتور عبود السراج اكيد اكيد كان عميد كلية الحقوق.. اتاكد انت من المعلومة... ما بعرف اذا لسا بيدرس قانون عقوبات كمان
بالنسبة للمادة 242 ماحدا قال انو الها علاقة بجرائم الشرف انا قلت انو هي مادة عادلة وبتكفي لتبرير فعل قام بثورة غضب شديدة.. وهي بديل للمادة 548
بالنسبة للمادة 192 عم تستعمل لتبرير نفس الجريمة
بعتذر للخطا بالرقم كتبت 528 بدل 548

فيني اعرف ان اذا شفت زوجك عم يمارس الجنس مع بنت بغرفتك وعلي سريرك شو فيه يكون موقفك
وان كيف بهالحالة يكون الرد من جنس العمل؟


بس للعلم انا بالاصل صد عقوبة الاعدام او العقوبات الانتقامية..
مافي حدا شرير بالفطرة يعني حتى الاشخاص اللي بيقتلو بالحالات العادية فيك تلاقيلهن مبررات كتير..
انك تشوف زوجتك عم تخونك ما بيبرر القتل ابدا..
اذا بدك رايي تحديدا .. بتركو للابد.. بنجرح كتير.. ومستبعد كتير اقتلو ..بس اذا صار هادا ما بيبررلي انو ما اتعاقب ابدا..

يسلمو كتير عالتوضيح لان الشائع ان القانون عنا بيجيز هالنوع من الجرائم للرجل دون المراة وبالتالي هالقانون بيصفي منو كلمة (وضعية مريبة) وبالتالي بعتقد الدعوة نازم تكون لتوضيخ او شطب هالجملة لان ساعتها اي حدا فيه يستغلها علي كيفو
اي القانون السوري بيعطي العذر المحل والمخفف بس للرجل مو للمراة..
يمكن بيقصد صديقنا انو القانون المصري اعطى العذر للمراة كمان الى جانب المراة

بالنسبة للدكتور عبود السراج اكيد اكيد كان عميد كلية الحقوق.. تاكد من المعلومات...

انا بعتذر معك حق
الدكتور عبود كان عميد للكلية بس ما ضل يمكن سنة وحدة :D


بالنسبة للمادة 242 ماحدا قال انو الها علاقة بجرائم الشرف انا قلت انو هي مادة عادلة وبتكفي لتبرير فعل قام بثورة غضب شديدة.. وهي بديل للمادة 548

في شروط لاستغلال فكرة الاثارة و الغضب
واحد لازم يكون العمل غير محق يلي اقدم عليه يعني مو ايا عمل اثار غضب الاخر
بيستفيد من العذر المخفف



بالنسبة للمادة 192 عم تستعمل لتبرير نفس الجريمة


الدافع الشريف بيفرق عن جرائم الشرف
و على فكرة عمليا ما بيستفاد الجاني من استخدام فكرة دافع الشرف بالدفاع
لأنو ما بتغير الصفة الجرمية من جناية لجنحة
بس تخفيف بنوع العقاب من اشغال شاقة ل حبس
و للتأكد اليوم براجع الدافع الشريف اكتر لاني ماني متذكرو كتير
:D

يسلمو كتير عالتوضيح لان الشائع ان القانون عنا بيجيز هالنوع من الجرائم للرجل دون المراة وبالتالي هالقانون بيصفي منو كلمة (وضعية مريبة) وبالتالي بعتقد الدعوة نازم تكون لتوضيخ او شطب هالجملة لان ساعتها اي حدا فيه يستغلها علي كيفو
اي القانون السوري بيعطي العذر المحل والمخفف بس للرجل مو للمراة..
يمكن بيقصد صديقنا انو القانون المصري اعطى العذر للمراة كمان الى جانب المراة
لا يا عزيزتي القانون السوري عطى العذر المحل و المخفف للرجل و المرأة
لأنو كلمة زوجه يقصد بها الذكر و الانثى

و اذا بتحبي التأكد اكتر فيكي ترجعي لنص المادة باللغة الفرنسية

بالعكس القانون المصري بنص المادة الموجودة فيه مع اعتذار ماني حافظ رقم المادة ((من فاجئ زوجته ))))

الدافع الشريف بيفرق عن جرائم الشرف
و على فكرة عمليا ما بيستفاد الجاني من استخدام فكرة دافع الشرف بالدفاع
لأنو ما بتغير الصفة الجرمية من جناية لجنحة
بس تخفيف بنوع العقاب من اشغال شاقة ل حبس
و للتأكد اليوم براجع الدافع الشريف اكتر لاني ماني متذكرو كتير
:D
بالملتقى الوطنى حول جرائم الشرف كانت التوصيات الغاء الفقرة الثالثة من المادة 192 لانو مافي تعريف بالقانون السوري للدافع الشريف ..رغم انو نحنا وقت اللي درسنا الدافع الشريف بالجامعة ما كان مذكور انو الو علاقة بالشرف يعني معك حق انت انو الدافع الشريف غير الشرف.. بس المشكلة انو عم يستعمل كعذر مخفف لجرائم الشرف

أنا برأيي أنو مو من حق الرجل ولا المرأة قتل الشريك عند الخيانة لأنو ببساطة مو من حقو ينهيلو حياتو ..
هلأ أنا ضد الخيانة بكل أشكالها بين الزوجبن بس برأيي علاج الخيانة أنو أترك يلي خانني وببساطة الطلاق بس أكيد مو من حقي أقتلو وموتو ,وفي حال ارتكايب جريمة القتل ضد الشريك الخائن لازم القاتل يلاقي عقوبة قوية مو 6 أشهر
هاد رأيي
شكرا للموضوع

[quote=Nay;1144833]
لا يا عزيزتي القانون السوري عطى العذر المحل و المخفف للرجل و المرأة
لأنو كلمة زوجه يقصد بها الذكر و الانثى

كلمة زوجه بيقصد فيهاالذكر والانثى بس كلمة اخته شووووووووو.... يا حلووو

أنا برأيي أنو مو من حق الرجل ولا المرأة قتل الشريك عند الخيانة لأنو ببساطة مو من حقو ينهيلو حياتو ..
هلأ أنا ضد الخيانة بكل أشكالها بين الزوجبن بس برأيي علاج الخيانة أنو أترك يلي خانني وببساطة الطلاق بس أكيد مو من حقي أقتلو وموتو ,وفي حال ارتكايب جريمة القتل ضد الشريك الخائن لازم القاتل يلاقي عقوبة قوية مو 6 أشهر
هاد رأيي
شكرا للموضوع

والله ما حدا فهم عليي غيرك ... انا كمان بشاركك الرأي
اهلا فيكي بيناتنا..

لسؤال اللي بيطرح نفسو
انو ليش المرأة اذا دخلت على زوجها أو اخوها وشافتون عم يزنوا
أو بوضع مريب
ليش اذا ارتكبت فيون جريمة ما بتتسمى جريمة شرف
؟؟؟؟؟؟!!!
مع أنو التبرير اللي بنعطى للشب اذا قام بهيك عمل بشع
انو عقلوا بعد ما يشوف هالمنظر بيصير غايب وبتتحكم فيه المشاعر الغاضبة والحمية
و المفارقة
انو بيقولوا أنو المرأة بنصف عقل لأنو بتستخدم مشاعرها
شو هالمفارقة الغريبة
!!!!!!!!!!!
طبعا أنا ضد الجهتين وضد هيك شي بشكل قاطع بس حبيت اطرح مفارقة غريية
و انشالله بالقريب العاجل راح تنشال هالمادة من القانون
بلشو يحكو بالموضوع

لسؤال اللي بيطرح نفسو
انو ليش المرأة اذا دخلت على زوجها أو اخوها وشافتون عم يزنوا
أو بوضع مريب
ليش اذا ارتكبت فيون جريمة ما بتتسمى جريمة شرف
؟؟؟؟؟؟!!!
و انشالله بالقريب العاجل راح تنشال هالمادة من القانون
بلشو يحكو بالموضوع
انشا الله يازين .. شكرا على مرورك الغالي

اذا حدا حب يسجل اسمو بالوثيقة الوطنية لايقاف العنف ضد النساء وجرائم الشرف..هيدا اللينك لموقع نساء سوريا


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

في 7-10-2008 لبنى فتاح من مواليد حمص بابا عمرو 1991 خرجت من منزل اهلها بعد شجار عائلي وقضت الليلة في منزل اختها المتزوجة في مكان غير بعيد عن منزل اهلها..
في اليوم التالي قضى والد لبنى عدة ساعات بجلدها بخرطوم مياه ثم ثار عمها غضبا واطلق عليها ست رصاصات

حلب _ حملت (ف أ) 18 عاما سفاحاً بصورة غير شرعية وقد صبر عليها أهلها لمدة ثمانية أشهر مع أن علامات الحمل واضحة عليها ليقرر شقيقها أخيراً التخلص منها بالتعاون مع الأهل والأقرباء وعن طريق وضع السم لها في الشراب فنجت من المحاولة الأولى في 16 شباط ليعاود الأخ المحاولة بعد يومين حيث لم تنج حينها وفارقت الحياة على إثرها, ومع استمرار التحقيق بالموضوع من قبل جنائية الكلاسة منذ ذلك التاريخ ولغاية 3/3/2007 توصلوا أخيراً إلى معلومات تفيد بتورط عشرة أشخاص 6 رجال و4 نساء واشتراكهم جميعاً في إجهاض المغدورة عنوة وهي في شهرها الثامن ورمي جنينها المتوفى بالحاوية ومن ثم قتلها بالسم ودفنها بطريقة غير نظامية وقد تمت إحالة المتورطين إلى القضاء مع إنكار الجميع بعدم معرفتهم بالسفاح والد الطفل.

عن جريدة الثورة 20/3/2007

في 7-10-2008 لبنى فتاح من مواليد حمص بابا عمرو 1991 خرجت من منزل اهلها بعد شجار عائلي وقضت الليلة في منزل اختها المتزوجة في مكان غير بعيد عن منزل اهلها..
في اليوم التالي قضى والد لبنى عدة ساعات بجلدها بخرطوم مياه ثم ثار عمها غضبا واطلق عليها ست رصاصات

فينا نعرف شو االاحكام القضائية الي صدرت بحق الجناة ...وياريت مصدر القضايا :D

فيني اعرف ان اذا شفت زوجك عم يمارس الجنس مع بنت بغرفتك وعلي سريرك شو فيه يكون موقفك
وان كيف بهالحالة يكون الرد من جنس العمل؟


بفهم من هالحكي انو من الغضب الشديد يبرر جريمة قتل؟

الغضب ما بيبرر جريمة قتل
والله أنا عصبت من شخص ما ورحت قتلتو ... هاد أبدا مش مبرر
الجريمة جريمة
لما بتعرف وعلى مستوى وعيك أنو فعلك غلط فالغضب ما رح يخليك توصل لمرحلة انك تقتل ... لأن وعيك صاحي وقوي ... اللهم إلا بحالات خاصة
لكن لما الفرد بيعرف أنو هالشي محلل الو على مستوى الوعي... فطبعاً رح يطلق العنان لغضبو ويقتل لأن هو عارف أنو الحق معو ومافي شي يوقفو ... لاعقل ولا منطق ولا محاكمة عقلية

فكرة جرائم الشرف صارت شي موجود بعقلية الفرد كأنها أمر عادي جداً
في اختبار بعلم النفس اسمو اختبار موراي لتفهم الموضوع ... بتطرح صور على الطفل وبتخلي الطفل يحكي عن الصورة ويشرح شو عم يشوف ... غالباً الصور بتحاكي مواقف حياتية
إحدى صديقاتي عملتو بسوريا ... متل ستاج بإحدى المناطق الشعبية
تفاجأت بنسبة الأولاد يلي فسروا بعض الصور على انها جريمة شرف وحكولا قصص بتقشعر لها الأبدان

انا هالكلام بشوفو خطير جداً
ولد صغير ... عم يدخل لعقلو مفهوم الشرف (البالي كونو متعلق بغشاء البكارة ) ... ومفهوم جرائم الشرف
معناها هالطفل لما رح يشوف اختو مع شب بالحديقة .. عادي جداً يرتكب فيها جريمة .... صار هالشي عندو من البديهيات لأن
وأسفة إذا خرجت عن الموضوع بدون قصد

الغضب ما بيبرر جريمة قتل
عم يدخل لعقلو مفهوم الشرف (البالي كونو متعلق بغشاء البكارة ) ... ومفهوم جرائم الشرف
معناها هالطفل لما رح يشوف اختو مع شب بالحديقة .. عادي جداً يرتكب فيها جريمة .... صار هالشي عندو من البديهيات لأن
وأسفة إذا خرجت عن الموضوع بدون قصد

اصلا مو خارب بيوت العالم غير هالغشاء البكارة... لانو بطلو يفكرو غير فيه...بالوعي وباللاوعي بالعقل الباطن وبالاحلام ...
وشكرا ساندرا..
بالنسبة للمصادر الجرائم المذكورة الثلاثة موجودة بموقع نساء سورية وبموقع جريدة الثورة انا اختصرت قدر الامكان لانو في حكي كتير بالمقالات...
تم تقديم هي اجرائم مرفقة مع مجموعة اخرى الى مؤتمر النخبة اللي انعقد بفندق الشام حول جرائم الشرف هذا العام..
بالنسبة للعقوبات فبجريمة هدى ابو عسلي اللي تزوجت من غير طائفتها استفاد الاخ من العذر المخفف وطلع بعد كم شهر من السجن
اما الجريمتين التانيين ما عندي معلومات بس بتوقع انو الموضوع معلق لانو مافي بالعادة يصدر حكم بسرعة بأي قضية بسوريا وخاصة انو الجريمتين ارتكبوا بالعام 2007 و2008

بفهم من هالحكي انو من الغضب الشديد يبرر جريمة قتل؟

انا سوالي كان شو بيكون رد فعلك انت او اي حدا ضمن شي انا وبفرض انت تعتبر شي مقدس بالنسبة الك ويمكن يقدم اي حدا لهالخيار ضمن هيك حالة

انا سوالي كان شو بيكون رد فعلك انت او اي حدا ضمن شي انا وبفرض انت تعتبر شي مقدس بالنسبة الك ويمكن يقدم اي حدا لهالخيار ضمن هيك حالة

رد فعلي اني اطبش الدنيي و يجوز تتدمّر حياتي نفسيا كمان.. أكيد مانا سهلة أبدا و لا بأي شكل من الأشكال, لكن كل هالشي لا يبرر و لا حتى جزئيا بشكل بسيط دافع قتل شخص, مهما هالشخص جرحنا..

بعدما قرأتُ هذا الموضوع المُثير بالفعل

أتساءل

ألا يُدرك المُشرع وجود هذهِ الثغرات في النص القانوني ؟

ألا يوجد أصوات تنادي بـِ توضيح أو إلغاء تلكَ الأحكام ؟


لي عَودة ,.

ما في غير حل واحد

بيتعدل القانون وبيصير

يعاقب مرتكب جريمة الشرف بالاعدام شنقا بالساحة العامة

ولك نحنا شعوب متخلفة حصرت شرفها بغشاء بكارة ونسيت انو في شرف اكبر من هيك عم يتدنس كل يوم



واااا اسفي

يسلمو شباب على المرور وبتمنى اذا كتنتو بتشاركوني الراي انو توقعو على الوثيقة الوطنية لالغاء جرائم الشرف..
المشكلة انو الحكومة متخوفة من ضغوطات من رجال الدين من كل الطوائف..

على الرغم من انو محمد سعيد رمضان البوطي ومفتي حلب وحتى مفتي الجمهورية اعربو عن مساندتون للحملة ورايون السلبي بجرائم الشرف.. ورح نزل اراؤهون لاحقا.. الا انو هي الاراء يا اما ظاهرية فقط او انو هدول الاشخاص ما الهون اهمية عند الناس..

آراء بعض الشخصيات الدينية حول "جرائم الشرف والمادة 548 من قانون العقوبات السوري"

الأستاذ الدكتور محمد سعيد رمضان البوطي : يجب إلغاء المادة 548 من قانون العقوبات السوري بحيث تبرر جرائم القتل بحجة الشرف, وأوضح أنه لا يوجد سبب شرعي لتخفيف عقوبة القاتل بدافع الشرف.

الشيخ أحمد سلمان الهجري شيخ العقل الأول لطائفة الدروز في سوريا : النص الديني في مذهبنا حرّم القتل, وما يتعارف عليه بفورة الدم والقتل بسببها يبررها العرف والعادات الاجتماعية, وليس في مذهبنا ما يشير إلى شرعنة القتل.

البطريرك زكا الأول عيواظ بطريرك السريان الأرثوذوكس في أنطاكيا وسائر المشرق : القاتل يجب أن يحاسبه القضاء, لأن النفس ملك ربها, والأديان جميعها دعت إلى التسامح.‏

المفتي العام للجمهورية العربية السورية الشيخ احمد بدر الدين حسون: يجب علينا أن نتساءل "هل المادة 548 موافقة للشريعة أو للشرائع أم هي قانون فرنسي صيغ بأيد عربية ابتعدنا فيها عن الشريعة وسمحنا للعادات بأن تتحول إلى أعراف وعادات نتمسك بها".
أما جريمة "الشرف" في نظر الشرع فقد بيّن سماحته أن الشرائع السماوية جاءت متكاملة لا متصادمة حيث أن جريمة الشرف في رسالة الأنبياء هي كيف نعيد الخاطئ والمخطأ إلى رحاب الله وليس كيف نقتلهم , موضحاً أن الله لم يسمح لأحد أن يقوم بمفرده بذلك حيث ضمّن الشريعة حد لمرتكبي فعل الزنا، يشترط وجود أربعة شهود، لذلك حتى القاضي لا يستطيع أن يقيم الحد دون وجود شهود وأدلة, وقال "كل من يريد الدفاع عن شرفه، فليتفضل. الأمة انتهك شرفها. كم من مسلمة في سجون العدو. إذا كنت بطلا، فهناك طريق للدفاع عن الشرف بمقاومة الظلم والاحتلال.
المعلومات من :
موقع نساء سوريا
موقع سيريا نيوز
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

نطالب برفع التحفظات عن سيداو قبل ما نطالب بتعديل القوانين يا جماعه

في القانون السوري لايعاقب القاتل باي عقوبة على الاطلاق اذا قتل احدى النساء من قريباته من الدرجة الاولى او الثانية في جرم الزنا المشهود
المادة 528 من قانون العقوبات السوري للعام 1949 التي تنص على ان "يستفيد من العذر المحل من فاجأ زوجته أو أحد أصوله في فروعه أو أخته في جرم الزنا المشهود او في صلات جنسية فحشاء مع شخص آخر، فأقدم على قتلهما او ايذائهما او على قتل او ايذاء احدهما بغير عمد"



بتستاهلوا :clap:

أنتو بتربوا المتطرفين الاسلاميين ليفرحوا و يهللوا بقتل النساء و تشجعونهم على الأحكام البدوية
من رجم و قتل و ضرب لتخرج بهذا الشكل .

قناعتي ان المراة الأم تربي جلادها و تتركه بين ايادي الشيوخ فلماذا تاتي و تتباكى و هي من يزرع هذا الفكر و يروج له ..

رجم امراة بصورة و أكاذيب الصحافة و تعليق المعلقين

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ما أقرفه من خبر - استيقظت عليه هذا الصباح ..

طمر امرأة لحد الرقبة في قرية صومالية و جمهور من الرعاع الإسلامي و المجانين يرمون بالحجارة على رأسها حتى ماتت وسط التهليل و الفرح و من يعلم قد تكون نساء صحويات هللن و رقصن فرحاً لمقتل امرأة ..

بصراحة لا تهمني الأحكام الدينية السادية و الشاذة و التي تمس الجسد البشري بالإيذاء ..لكن لماذا هؤلاء الحوش و المجانين يفعلون فعلتهم بكل بساطة و أنا واثق معظمهم يشتهي لو يزني معها بدل أن يرميها بحجره ,,

هكذا بكل سادية و إجرام و وحشية و قذارة بشرية و نجاسة آدمية .. فعل هؤلاء المجرمون فعلتهم الشنعاء و الأنكى أنهم ادعوا كذباً أنها هي من ذهبت لعند القاضي و طلبت أن تنفذ بها هذه العقوبة الوحشية ..

و ليس المشلكة بالخبر بل بما قرات من تعليقات

نسئل الله ان يبدلها دارا خير من داراها واهل خير من اهلها وجزاء الله خير من ساهم في رميها

المصدر (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

لا أدري .. يخالجني شعور أن المراة قبل الإسلام كانت معزّزة و محترمة و مبجلة .. و لها حريتها الشخصية و كيانها و كرامتها و احترامها من قبل المجتمع . أكثر من وضعها الحالي الذي تطور عبر قرون من الظلم و الاستعباد الديني ..لصورة لا تّطاق من الذل و الاستعباد ..
.
.

طمر امرأة لحد الرقبة في قرية صومالية
.
الله يرضى عليك اتركنا بهمّنا،
اتركنا من الصومال وخلّينا ضمن سوريا ولا تشتّت هالموضوع !!

ووردة لصاحبة الموضوع :D
اتمنى ان تستمرّي فيه...

ابتسام سردست من موقع نساء سوريا

فكر.. ألا يوجد معان للشرف غير هذا المعنى في حيّهم، وهل اكتملت كل معاني الأخلاق عندهم، ولم يتبق لهم إلا فتياتهم ليكونوا عليهم نواطيرا لأغشية بكارتهم المقدسة.. أهذا ما يريده إلههم حقا!!
ترك الجمع وانسلّ عائداً، علّه يجد في وحدته ما يخفف شعوره ببشاعة جريمته.
كانت أنفاسه متسارعة ووجهه يتصبب عرقا، ورأسه تكاد تنفجر كبركان ناري ينتظر إشارة البدء.. كم تمنى الموت في تلك اللحظة.
قادته قدماه إلى غرفتها، مازالت أشياؤها تنتظرها، تأمل الغرفة.. والجدران، صور لأفراد عائلتها كانت تزينها.. وجد صورة له على يمين سريرها.. آه كم كانت تحبه.
كانت قد أتمت الخامسة عشر من عمرها منذ أيام.. مازالت طفلة.. كيف قتلها!! كان عليه قتلها.. نعم هي لم يكن لها ذنب فقد تعرضت صغيرتهم لاعتداء جنسي متوحش من قبل مجرم ينقصه أن يكون إنسانا.. لكنها دفعت الثمن..
حدث ذلك منذ أشهر عندما كانت أخته عائدة من زيارة لها لبيت أقرباء لهم، كان الجو ماطرا، والطرق خالية إلا من القطط الشاردة، فاستغل المجرم وحدتها، واغتصبها في مدخل أحد الأبنية المهجورة.

م يتصلوا بالشرطة، فلم يكن ينقصهم مزيدا من الفضائح.
وهرب المجرم بفعلته باحثا عن ضحية جديدة ليغتصبها.

منذ ذلك الحين، لم يكن يجرؤ على النظر في وجوه الناس.. خنقه شعوره بالذل والعار.. يعرف أن صغيرتهم لا ذنب لها.. لكنه الشرف.
تحمل نظرات الناس في حيهم، حتى هذا المساء عندما كان عائدا من عمله، وقد صادف وجود ابن جار لهم ذلك المراهق المتسكع دائما.. كيف حال أختك؟.. قال له.. ألا تريد صديقا لها؟! ثم ضحك تلك الضحكة المقززة.
لم يعد يتذكر شيئا بعد ذلك.. لا يتذكر إلا نظراتها البائسة المعاتبة.. كانت تريد أن تقول له شيئا، لكنه لم يسمع.. أصابه الصمم.. سحبها كالنعجة إلى تلك الساحة.. ساحة النعاج.. وانتهى كل شيئ بسرعة، حتى أنها لم تعِ ماذا يحدث.. كانت المسكينة تصرخ.. أخي.. أرحمني.. أنا لا ذنب لي.. لم يسمعها.. كانت تناديه يوسف.. أرجوك يوسف.. يو.. ثم سكتت.
ذبحها بسرعة.. ذلك أرحم لها، فهو لا يريدها أن تتعذب كثيرا.. فهو يحبها.. ضحكة كئيبة خبيثة أطلقتها روحه.. يحبها ؟! نعم يحبها.. أهذه هي عنوايين الحب لديهم.. القتل ؟ !! ما هو عنوان الكراهية.. إذا ؟!!
جلس على كرسي في غرفتها.. هذه طاولتها، كان يحلو لها كتابة خواطرها عليها.. كانت تحب الكتابة، وكانوا يسمونها الراوية الصغيرة. فنجان الشاي الذي كانت تشرب منه.. مازال دافئا كدمها.. لم يبرد بعد..
اقترب من سريرها، تخيلها غافية فوقه.. رفع الغطاء.. قربه من أنفه.. أنعشته رائحتها الذكية التي تعبق برائحة الصابون.. كيف يمكن لمن بنظافتها أن تدنسهم؟!
تلمس وسادتها الزهرية الطرية.. وجد ورقة مطوية بعناية.. ما هذا؟! تسارعت دقات قلبه.. هذا خطها.. بدأ يقرأ:
" يا رب ساعدني.. كوابيس تنتابني كل ليلة منذ ذلك المساء.. ولا أستطيع النوم أتخيل أشباحا يعتدون علي ويغتصبوني مرارا كل مساء.. وأصحو باكية خائفة يا رب.. أنا بحاجة لمن يساعدني، لكن أحدا من أهلي لا يطيق رؤيتي، حتى أمي الحبيبة الحنونة.. لماذا يقسو قلبها عليّ؟! وأخي يوسف الذي كثيرا ما لجأت إليه لحل مشاكلي.. يتهرب مني.. لا ينظر حتى إليّ.. كان ما حدث فظيعا، لقد تألمت كثيرا.. ذلك الحيوان.. أشعرني أني خلقت حيوانا منتهكا ولست إنسانة.. لكني أحتاج إلى أهلي لأتخلص من هذه الكوابيس.. أحتاج إلى أمي.. أنا أتألم كثيرا.. كم أتمنى الموت.. "
بقيت عينا يوسف جامدتين.. محدقتين في ما بين السطور.. وجه جامد بلا تعبير وكأن الزمن قد توقف.. صورة ثابتة لوجه رجل محنط.. لا حياة فيه..
مرت الدقائق بطيئة جدا.. وشعر يوسف أخيرا بالاختناق.. أراد أن يتنفس.. فتح النافذة.. نسمة عليلة داعبت وجهه المتيبس..
شعر بروحه تعود من جديد..
من عينه انهمرت دمعة حسرة.. وألم..
مسح دمعته بيده الملطخة بالدماء..
انهمرت دمعة أخرى.. تبعتها دمعات
خطوط حمراء تتعرج على خديه..
ها هو الآن يبكي أخته الحبيبة.. الطفلة البريئة..
ها هو يبكي.. ندما
ودموعه تجري.. دما