من منجزات فيروز ؟؟ [الأرشيـــــف]

romel tawil

24/08/2005, 05:22

انا هنا لا اتحدث عنها كفنانةلا يستطيع شيء سحبي من الفراش الا صوتها او دورية مخابرات
المهم ما لايعرف عن فيروز ان اغنيتها ( خبطة ادمكن على الارض هدارة ) كانت كلمة السر في حرب تشرين التحريرية الساعة 2 ظهرا باذاعة دمشق
:gem:

aboziad

24/08/2005, 21:39

اي بجوز هني استغلوا الغنية... بس الحرب من انجازات الحزب القائد والحركة التصحيحية المجيدة
:jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush:

krimbow

24/08/2005, 22:07

حلو كتير هالكلام و مشكور رومل

في قصة تانية معاكسة لهي

مسرحية " بياع الخواتم " يلي صارت فيلم من اخراج يوسف شاهين
بتصور الكل بيعرفها
ليللي ما بيعرفها
المسرحية بتحكي عن مختار ضيعة (خال ريما يللي هيي فيروز) بيألف شخصية خرافية مجرمة و شريرة اسمها " راجح " و بيحكي كل يوم لأهل الضيعة عن صراعاتو مع " راجح " الوهمي و عن بطولاتو
مالنا بالطويل بييجي ع الضيعة شخص اسمو " راجح " عن جد و بيطلع بالنهاية " راجح" شخص كتير كتير منيح و حباب

المهم

اذاعة اسرائيل ضلت تحط هالمسرحية كل يوم اربعاء لمدة 14 سنة :o

السبب

المختار بيمثل الحكام العرب
راجح بيمثل اسرائيل
المختار ( او الحكام) بيكذبوا ع " اهل الضيعة " او الشعوب و بيصورولهم " راجح " او اسرائيل على انو مجرم خطير
بينما الحقيقة انو " راجح " او اسرائيل ( حسب تصور القيميين ع ازاعة اسرائيل ) هوي بعكس ما يقال عنو هوي كتير حباب و طيوب كمان

:D

architecturer

25/08/2005, 06:57

اذاعة اسرائيل ضلت تحط هالمسرحية كل يوم اربعاء لمدة 14 سنة :o

السبب

المختار بيمثل الحكام العرب
راجح بيمثل اسرائيل
المختار ( او الحكام) بيكذبوا ع " اهل الضيعة " او الشعوب و بيصورولهم " راجح " او اسرائيل على انو مجرم خطير
بينما الحقيقة انو " راجح " او اسرائيل ( حسب تصور القيميين ع ازاعة اسرائيل ) هوي بعكس ما يقال عنو هوي كتير حباب و طيوب كمان

:D

يا سلام اذا هالحكي مظبوط :frown:

sous

25/08/2005, 07:11

معلوماتكون قيمة يا romel tawil و krimbow

وعلى فكرة بياع الخواتم مسرحية كتير حلوة لفيروز

romel tawil

26/08/2005, 00:51

لا اعتقد ان فيروز كانت تقصد ما ذكرت ( يعني مو منطقية ) بشكل عام و الجزء الخاص بان العرب بهايم في المسرحية فهذا صحيح :jakoush:
و السبب ان فيروز هي التي غنت للقدس ( مدينة اليلام )
و غنت ( اجراس العودة فل تقرع ) للحرب ضد اسرائيل و تقول انها تساند فلسطين
بالمنسبة ان فيروز تعتبر الاب الروحي للحزب القومي السوري و ساذكر لك هذه الحادثة لتصدق ما اقصد
منذ سنوات غنت فيروز (لاول مرة ) في القاهر ة
و سالها احد مذيعي التلفزيون المصري لماذا كل هذا الزمن لتاتي فيروز لمصر و باقي الفنانيين يبدؤن من مصر
فجاوبت ان لا اغني برات لبنان ( باللهجة اللبنانية كان جوابها )
و هنا تشاطر المذيع و قال لكنك كنت كل عام كنت تغني في معرض دمشق الدولي فردت عليه و من قال دمشق خارج لبنان !!! :o

krimbow

26/08/2005, 01:10

مرحبا روميل

اول شي فيروز ما دخلا ... الرحابنة هنين مؤلقي المسرحية و ما جاوبوا ع السؤال لما انطرح عليهم " هل كانوا يقصدون ام لا" رح تبقى الحقيقة بقلب الشاعر
لكن الواقع انو اسرائيل عرضت المسرحية 14 سنة ع هالاساس سواء هيك قصدوا الرحابنة او لأ

بالنسبة للحزب السوري القومي ... ما حدا بينكر انو الرحابنة ( متل معظم الفنانين بهداك الوأت ) كانوا متأثرين بالافكار القومية الاجتماعةي لكن ما كانوا يوما اعضاء فيه و لو تأثروا بافكارو متل الكل
الرحابنة كانوا عم يدوروا ع احياء التراث الموسيقي اللبناني و بطبيعة الحال رح يتلاقوا مع غاية الحزب حول بعث النهضة السورية القومية

بالنسبة للحادثة تبع مصر ...
فيروز غنت بدول الخليج و غنت باوروبا و باميركا اكتر من مرة

لا انكر اطلاقا وطنية و قومية الرحابنة التي لا غبار عليها

بس ازاعة اسرائيل استغلت الموضوع افضل استغلال

هاد اللينك هدية مني الك
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

فيو سيرة حياة احد اعظم العظماء :D :D :D

krimbow

26/08/2005, 01:15

معلوماتكون قيمة يا romel tawil و krimbow

شكرا :D

وعلى فكرة بياع الخواتم مسرحية كتير حلوة لفيروز

مزوقة :D

romel tawil

26/08/2005, 01:34

شكر كريمبو على الرابط
صحيح حفلات فيروز كانت في كل دول العالم مقبولة و لكنها للعرب المغتربين
اما عدم غنائها في مصر و محافظتها على اللهجة اللبنانية في الغناء ( و لم تستعمل اللهجة المصرية )اتوقع انها مقصودة
و نفس الشيء حصل مع فناننا صباح فخري
فقد تعرض لحرب اعلامية كبيرة في بداية حياته لرفضه شق طريقه من مصر (يعني بالعربي الفصيح تقديم فروض الطاعة )
للاعلام المصري ....
عندما كنت بدبي هل تعلم ان 75 % من الشعب المصري يعتقد ان ( اصالة -فريد الاطرش -اسمهان -صباح ) هم مصريين و لولا مصر لما كانوا مطربين (هيك عندهم اعتقاد ؟)

krimbow

26/08/2005, 01:43

صحيح كلامك

يعني هاد موضوع تاني

ام كلتوم كمان كانت كتير حقيرة و خصوصي مع السوريين

فريد الاطرش لحنلها " وردة من دمنا " و ضل يلحقا عشر سنين مشان تغنيها و ما غنتلو ياها من كتر ما كانت متعصبة و عنصرية

لما طلبت من نزار يعطيها قصيدة مشان تغنيها قلها " الحقي فريد ع القبر و خلي يعطيكي لحن بعدين تعي لعندي لأعطيكي قصيدة" :gem:

not me

26/08/2005, 03:53

كنت عم اتصفح الموضوع و لقيت شي غلط :

لما طلبت من نزار يعطيها قصيدة مشان تغنيها قلها " الحقي فريد ع القبر و خلي يعطيكي لحن بعدين تعي لعندي لأعطيكي قصيدة"

"صار عندي الآن بندقية" .....قصيدة لنزار غنتها ام كلتوم ...و في وحدة تانية غايبة عن بالي :roll: :roll:

krimbow

26/08/2005, 04:10

كلامك صحيح و شكرا ع تصويب خطأي

اسم القصيدة " اصبح عندي بندقية " و لحنها محمد عبد الوهاب

بس هيي كانت بدها تغني " رسالة الى امرأة" بس ما عطاها ياها عطاها لنجاة الصغيرة

بس بعد النكسة عطاها "اصبح عندي بندقية"

و شكرا لتصويب الخطأ مرة تانية :D

و اهلا و سهلا فيكي بالمنبر :D

not me

26/08/2005, 09:32

بحب ألك ان ام كلثوم بهداك الزمان كانت جواز سفر لشهرة كبيرة ...أو دعنا نقول لأنتشار كبير ....بما انو نزار كان مشهور و معروف ع الحالتين ........" قصيدة : أغضب " يلي غنتها أصالة هية يلي كان المفروض تغنيها ام كلثوم

بس هي ما قبلت على حالها ......تغني هيك غنية من اجل المعنى ( راجع الغنية )

رسالة الى رجل ما ....بتصور حسب معلوماتي ....ما كانت لام كلثوم .....و شكراً عزيزي krimbow

ظل جيفارا

17/01/2008, 19:28

mohammedgh

20/01/2008, 20:03

المسرحية بتحكي عن مختار ضيعة (خال ريما يللي هيي فيروز) بيألف شخصية خرافية مجرمة و شريرة اسمها " راجح " و بيحكي كل يوم لأهل الضيعة عن صراعاتو مع " راجح " الوهمي و عن بطولاتو