لفت نظري حديث العضو ابو حلب المتكرر عن السياسة الخارجية السورية في وقت تشهد فيه دمشق توترا مع عدد من الدول العربية والعالم لاسباب عدة

وفي وقت اخر تشهد فيه علاقات سوريا مع دول اخرى فترة غزل متبادل رغم انها كانت في مرحلة من المراحل من الكبائر في التعامل معها
من المعروف ان السياسة الخارجية السورية تتعامل بمبدأ دبلوماسية الربع ساعة الاخيرة او كم يصفها احد الساسة اللبنانيين : سياسة لا لا لا نعم
البعض اليوم يرى ان الخارجية السورية انهت فكرة العشيرة وبدات تتعامل بمبدأ المصلحة بينها وبين الغير والبعض الاخر يرى ان الخارجية تتعامل مع القضايا الخارجية على مبدأ الله محيي الثابت .
كيف ترى السياسة الخارجية لسوريا؟

رجل من ورق

سياسة اللعب مع الوقت وخاصة الوقت الضائع والاضافي بتوقع بتلخص السياسة السورية الخارجية ويلي برايي الى الان بينت انها فعالة لتحقيق الطبقة الحاكمة عنا اهدافها دون النظر انو اولاواخيرا شعب باكملو عم يتعرض لمنعكسات هالسياسة سواء اكانت ايجابية او سلبية.
الى الان ما اجت سياسة خارجية قادرة على التعاطي بتشعب وتضاد متل السياسة السورية ويلي شوي شوي عم تجني ثمار هيك سياسات .
صوابية هيك اسلوب او عدمها هيي موضوع تاني . برايي انو تكلفتها عم اتكون باهظة على فئات كتيرة من الشعب السوري ومجدية على الصعيد الخارجي

تحية
خليني احكي ضميري
بغض النظر عن الظروف و الأوضاع الداخلية التي لا يمكن غض النظر عنها
و بغض النظر عن التوقيت التي تتم فيه هالقصص و اللي كمان صعب الواحد يغض نظر عنها

برأيي:انو السياسة الخارجية السورية ناجحة نسبيا (مشكور انشتاين)
دعونا ننظر الى العالم من فوق يعني اقصدي من شي قمر صناعي
منلاحظ انو كفة الميزان منزاحة حاليا بدون ادنى شك الى القطب الوحد حاليا يلي هوي اميركا و ولايتها الجديدة (نسيت شو اسمها ما عندي ياها بالقاموس:p)
طيب منطلع على كافة المناطق الأخرى منشوف انو في مجموعة قوى عالمية جديدة قيد البناء بس سريعة بشكل لا يمكن ايقافه
هالقوة الجديدة ممثلة بروسيا _الصين_الهند_جزء من كوريا_بعض الدول الوروبية هاي الدول يلي برأيي الشخصي انها قادرة على خلق توازن جديد بالعالم سوريا عم تبني معها علاقات خارجية جيدة جدا (ما بدي اطلع عن الموضوع بس برأيي انو الأزمة الاقتصادية العالمية يلي الكل بيعرف انو اميركا هيي سببها هدفها محاولة ايقاف النمو الهائل لدول العالم الأول الجديد)و السياسة الخارجية السوريا برأيي عم تعرف تتعامل مع الموضوع(لعفا نسينا ايران هلأ بيزعلوا الشباب) و ما حابب احكي عن العلاقات السورية العربية لأنو بستحي و بحبط كمان
تحية:D

من مصطلحات الخارجية السورية:

حق الرد في المكان الوقت المناسبين

السلام العادل والشامل

دورنا الوطني والقومي

تعزيز العمل العربي المشترك والتضامن العربي

من مصطلحات الخارجية السورية:

حق الرد في المكان الوقت المناسبين

السلام العادل والشامل



هي فعلا مصطلحات بتستخدمها الخارجية بس غالبا بتعني فيها اوضاع داخلية . السياسة الخارجية هيي علاقتها مع بقية الدول سواءالعربية او غير العربية وكيفية التعاطي معها يعني التعبيرين الباقيين . يعني لا تقارن ساسى سورية يالتعاطي مع لبنان او ايران او امريكيا بسياستها مع الكيان الصهيوني . مع الاولى متذبذة ومتغيرة جدا وبتلعب ع عشر محاور . اما التانية فواضحة جدا : لا حرب مباشرة محبذة ولا سلم كامل مرحب به سواء بالنسبة لسورية او اسرائيل اي انو هون السياسة مستقرة على نهح ومحور واحد.

يعني بصراحة وبدون لف ودوران.........هلأ يمكن سياستنا الخارجية ناجحة نسبيا بس بدك تشوف ع حساب شو
يعني نحنا مثلا قضينا حوالي 30 سنة نتاجر بالقضية الفلسطينية وبالسلام العادل والشامل وتحملنا البهدلة والتعتير كرمالها......وهلأ مستعدين نبيعون بقشرة بصلة -مع احترامي للقضية- كمان لأنو هنن باعو القضية .........
يعني كل هالوقت راح ع الفاضي .......

موضوع حلو ،


هلأ بالنسبة للعلاقات الخارجية ، فـ أنـا بشوف سـوريا بأغلب الأوقــات بتلعب الدور الذكي بسياستها الخارجية
و بثوابت مواقفها إن كان شعباً أو حكومة ..

هلأ بالنسبة للعزلة و المشاكل يلي صابت سـوريا خارجياً من فترة ..
فـ هاد الشي يا جماعة مو يعني أنو سـوريا كانت على طريق خطاً .. لأ !!

في شغلة بحب قولها "إن من إستباحت كرامته وفضت بكارته مستعد أن يفعل أي شيء لكي يسلب الآخرين ما فقده"

وهاد هوه كان حال أغلب الدول العربية ضد ســوريا وللأسف طبعاً ،
و المشكلة أنو عتبوا و قاطعوا سوريا لأنها تتحالف مع إيران لدرء الخطر الصهيوني !!


وبكل صراحة .. بـ فترة العزلة نوعاً ما .. كنت جداً مستغرب من مقالات و مشاركات نُشرت على الإنترنت
تكيل المدائح للأنظمة العربية التي تدور في الفلك الأمريكي بينما تصب جام تعليقاتها الحاقدة
على سورية الدولة التي ما زالت تحاول المقاومة و الصمود رغم تكالب الغريب و القريب عليها.

وبـ موضوع القمة العربية .. لكل الـ "زعماء" يلي ما حضروا القمة أثبتوا وبكل جدارة أنهم
وكما قال الرئيس بشار الأســد فيهم أاشبها و أنصاف رجال ، قرارهم ليس بيدهم وإنما بأيدي الصهاينه والأمريكان.


فـ لما بشوف كل هالأحداث ، وكل هالمواقف .. و تكالب القريب و البعيد على سـوريا ..
بعتبر هالشي نقطة قوّة إلي كـ سـوري صامد .. صامد .. و ثابت ..

وبالنهاية .. بالنهاية .. الغرب أتى إلى سـوريا .. و فـكت العزلة ..
(هلأ ما بهمنا أنو صار يلي بدهن يصير .. ع قد ما بهمنا أنو صار بإرادة و مع مصالح و مكاسب و إحترام لـ سوريا)
لأنو نحنا ما منجي بالعالي .. و لا منجي بالغصب .. نحنا دولة إلها سيادة والمفروض إحترام هالشي

من هالمنطلق بالذات .. بخليني أشعر بالفخر كـوني سـوري ،
ويا جماعة الخير صدقوني أنـا وين ما رحت بدول الغير عربية .. بلاقي حـُب عميق من قبل الشعب لـسوريا
أمـا الشي السلبي يلي عم يتعرض إله الشعب السوري بكل مكان .. فـ هاد شي سياسي فقط!
يعني أميركا بتقول ضيقوا ع السوريين .. أذناب أميركا شاطرين يقولوا أمرك ماما .. رح نضيّق



آخر شي ، ما بحسن أجزم على أنو السياسة الخارجية دائماً على صواب ..
لكن بأغلب الأوقات بشوف أنو سـوريا بتتعامل بذكاء و دهاء وحكمة ، و الأيــام رح ثبتت و رح تثبت هاد الشي.


تحياتي ,

وبالنهاية .. بالنهاية .. الغرب أتى إلى سـوريا .. و فـكت العزلة ..
(هلأ ما بهمنا أنو صار يلي بدهن يصير .. ع قد ما بهمنا أنو صار بإرادة و مع مصالح و مكاسب و إحترام لـ سوريا)

هاد كلام يلخّص منطق العشائرية السياسية... انو أيه عملنا اللي بدهون ياه بس بكرامتنا.. عملت اللي بدو ياه بس ببوس الشوارب مو بالعين الحمرا (رغم انو عمليا ما عملناه ببوس الشوارب انما عملناه مجبرين و جدا كمان.. و الانفتاح الأخير كان مكافأة ع انا "قعدنا عاقلين و سمعنا الكلمة" مش انو اجو أقنعونا بالحسنى)

كرامتنا انو ساركوزي يجي يشرب قهوة عنا؟ ازا هاي كرامتنا فما أرخصها من كرامة...


وين المصالح؟ اذا عملنا بالنهاية ما هو مطلوب منا و أكتر كمان... و حاج يا زلمة مكاسب و احترام لأنو فوق ما عملنا شو بدنا لسى فوقها لساتنا محاصرين... و بحاجة "أنصاف الرجال" اللي عم تحكي عنهون.. لأنو بذكرك انو أكتر من مليون سوري عم يشتغلو بالبلاد المحكومة بـ "أنصاف الرجال", و هالشي لا يعني انو لازم ينمسحلهون جوخ لكن مانك قادر تعمل سياسية ناجحة (و السياسة الناجحة هيي انك ما تكون بحاجتون و ستين طز فيهون)

عدا عن أنو في كتير رؤوس أموال مهرّبة من سوريا, لكبار مسؤولين, و عينك عينك و عالمكشوف, عم يروحو يستثمروها ببلاد "أنصاف الرجال"

أخي أبو حلب من الآخر, لأنو ما بدي فوت بمعمعة طويلة ما رح يطلع منها طائل.. السياسة علم (أي أي علم) و متل كل علم.. اللي بالقدر يطلع بالمغرفة.. يعني ما بينفع تقلي السياسة الخارجية ناجحة لأنو يُفترض انو حفظت كرامتنا (بقول يفترض لأنو أنا ما شايف هيك شي), لما نتيجتها كانت كسرة عين و من العيار الثقيل.. فالشغلة مانا شغلة حفظ كرامة, لأنو اي حكومة تحترم حالا تكون كرامتا و كرامة شعبا أكبر بكتير من انو حتى ينحكى فيها, مفروغ منو هالشي, انما تكون سياسة ناجحة أو خاسرة, تبعا للنتائج, و النتائج واضحة و هيي انو عملنا المطلوب منا.. و اجو عطونا قطعة سكر مكافئة

يعني بصراحة وبدون لف ودوران.........هلأ يمكن سياستنا الخارجية ناجحة نسبيا بس بدك تشوف ع حساب شو

يعني نحنا مثلا قضينا حوالي 30 سنة نتاجر بالقضية الفلسطينية وبالسلام العادل والشامل وتحملنا البهدلة والتعتير كرمالها......وهلأ مستعدين نبيعون بقشرة بصلة -مع احترامي للقضية- كمان لأنو هنن باعو القضية .........
يعني كل هالوقت راح ع الفاضي .......



يعني مين قال انو عم نتاجر من وين جبتا هي برايي الشخصي انو السياسه عتا غامضه بس اثبتت تفوقها على كتير سياسات عربيه وهاد انجاز

هاد رايي الشخصي وبحترم كل الاراء الموجوده

والله يا ساتو رايك في محله.........سياسة ناجحة ومبهرة كمان

في كتير سؤال عم يخطر ببالي انو ليش سياستنا الخارجية تتبلكم(كلمة ما بعرف من اي لهجة) لما بيصير في ازمة
متل وقت تقرير ميليس وغيره ؟
يعني في شي اسمه دبلوماسية الازمات وينها عنا؟

يا سيدي أنا اللي عم أقول انو نحنا عم نتاجر بالقضية ......مابعرف إذا في حدا تاني عم يقول متلي بس هاد رأيي

أنا ماقلت انو سياستنا الخارجية فاشلة ولا شي بس عم انو اللي ماسكين البلد عم يتاجرو بهالقضية ...........

يعني كأنو لاحظت انو ما عدنا نحكي ع تلازم المسار ووحدة المصير وووو....

يعني هلا لما صارت مفاوضات غير مباشرة مع اسرائيل عن طريق تركيا ماكنا مستعدين انو نتخلى عن حماس

والجهاد الإسلامي كرمال نعمل سلام مع اسرائيل ؟

و بقلك كمان انو هالشي ما كان راح يأثر ع علاقتنا مع إيران لأنو سلامنا مع اسرائيل هو ضمن اتفاقية اقليمية

من ضمن بنودها النشاطات النووية الإيرانية واستعداد سوريا لتقديم ضمانات بهالخصوص........


وممكن تقلي انو انت يعني مقهور او محبط من الدولة لأنك مو واصل أو مدعوم.... بالعكس أنا مع أنو عمي عندو

مركز كتير مهم بالدولة عم أحكي هالشي .........

وبعرف -مابحسن قلك اني بعرف كل شي- بس يعني على الأقل بحسن قول اني بعرف شلون سياستنا

بتشتغل.........

كيف بدها تكون السياسة الخارجية ناجحة خيي أبو حلب والداخليو ملتعن سلاف سلافها , كيف بدها تكون السياسة الخارجية ناجحة وأنا كإنسان سوري عندي إمكانية أحصل على أجر شهري بيعادل رواتب الشرف لنص الوزارة وبنرفض لأنو جنسيتي سورية , كيف فيك تفصل سياسة البلد لداخلية وخارجية وكل وحدة ماشي باتجاه , كيف البلد ملعون ربها وسياستنا الخارجية ناجحة , دخلكون حدا يقلي شو الغاية من كل السياسة , إذا كان الغاية أنو يصير المواطن السوري متسول على أبواب أنصاف الرجال بعد اللي الرجال الكاملين خلصو كلشي حتى لقمة العيش
ومقارنة عم مين عم نقول إنو الساسة الخارجية ناجحة , مقارنة بموزامبيف ونيكاراغوا والصومال
ميك ناجحة وأجت على بالي قصة بتأكد أنو ناجحة بامتياز ورح أكتبلكون القصة بقسم القصة , إذا لا سمح الله أنصاف الرجال اللي هون ما سكروا الموقع متل الرجال ونص اللي مسكرين الموقع من سوريا , ورح سمي القصة "تفوق "

كيف ترى السياسة الخارجية لسوريا؟


من مصطلحات الخارجية السورية:
حق الرد في المكان الوقت المناسبين
السلام العادل والشامل
دورنا الوطني والقومي
تعزيز العمل العربي المشترك والتضامن العربي

في كتير سؤال عم يخطر ببالي انو ليش سياستنا الخارجية تتبلكم(كلمة ما بعرف من اي لهجة) لما بيصير في ازمة
متل وقت تقرير ميليس وغيره ؟
يعني في شي اسمه دبلوماسية الازمات وينها عنا؟


بالبداية شو رأيك تثبت على موضوع واحد لنتناقش فيه
لأنو كل رد ألك بدها موضوع كامل ...

تاني شي ...

أنا مؤيد تماماً للسياسة الخارجية السورية ( معارض تماماً للسياسة الداخلية السورية )

يعني سوريا أثبتت للكل و بدون استثناء أنها عم تشتغل صح و سياستها صح و حققت كل نتائجها و كانت كل تحذيراتها و كل مخاوفها بمحلها
اللعبة السياسة الي بتلعبها سوريا بالنسبة للعلاقات الخارجية عاجزة أكبر دول العالم على لعبها
المدرسة الدبلوماسية السورية محترفة و بتعلم الكتير من الدول و السياسيين

بس طبعا لما بيكون الشخص معارض للحكومة بشكل كامل بدون ما يعطي أي مجال لرؤية الإيجابيات و السلبيات فأكيد ما رح تعجبوا السياسة السورية مو من ناحية شي بس من ناحية المبدأ أنو أنا لازم عارض
وفي كتير مواقف و سياسات اخدتها سوريا و الكل عارض و ما عجبتو ( و منهم أنا ) بس بالأخير توضحت أمور و أكتشفنا أنو .... الحق معنا و التصرف كان سليم

الحنكة بالسياسة السورية ممتازة و ما في شبيه ألها

ياريت من الشباب يلي عم يمدحوا السياسة الخارجية . وكأنو الحكومة حكومة الشعوب الخارجية . مو حكومة سورية . يذكرولنا شو أستفاد الشعب السوري من هالسياسة المحنكة الفظيعة . يعني أي أتجاه المفروض يبين أثرو على الشعب لأنو هاد الشعب هو المهم . وهو يلي بينجح بالأنتخابات . والسياسة الخارجية بتكون ناجحة لما بتحقق لمواطني البلد بعد أقتصادي تجاري معرفي عالمي . مو مجرد تدخل بشؤون الدول المجاورة . أو أقامة تحالفات ضد كل ماننادي به من قومية وعروبة وأمة واحدة الخ الخ

...

أنا مؤيد تماماً للسياسة الخارجية السورية ( معارض تماماً للسياسة الداخلية السورية )

انا معك بها الشي

بس طبعا لما بيكون الشخص معارض للحكومة بشكل كامل بدون ما يعطي أي مجال لرؤية الإيجابيات و السلبيات فأكيد ما رح تعجبوا السياسة السورية مو من ناحية شي بس من ناحية المبدأ أنو أنا لازم عارض
وفي كتير مواقف و سياسات اخدتها سوريا و الكل عارض و ما عجبتو ( و منهم أنا ) بس بالأخير توضحت أمور و أكتشفنا أنو .... الحق معنا و التصرف كان سليم

وبهالشي كمان


الحنكة بالسياسة السورية ممتازة و ما في شبيه ألها


وكمان يسلمولي الفهمانين مافي احلى من سياستنا الخارجيه

بس طبعا لما بيكون الشخص معارض للحكومة بشكل كامل بدون ما يعطي أي مجال لرؤية الإيجابيات و السلبيات فأكيد ما رح تعجبوا السياسة السورية مو من ناحية شي بس من ناحية المبدأ أنو أنا لازم عارض
وفي كتير مواقف و سياسات اخدتها سوريا و الكل عارض و ما عجبتو ( و منهم أنا ) بس بالأخير توضحت أمور و أكتشفنا أنو .... الحق معنا و التصرف كان سليم

الحنكة بالسياسة السورية ممتازة و ما في شبيه ألها
ممكن توضحلنا كيف كنا ننادي بتلازم المسارات وبعدين ماعاد في تلازم . ممكن تفرجينا وين الصوابية

كنا ندعم كل فريق 14 أذار ولحنا يلي كنا ننجحهم بالانتخابات وعملنالهم زعامات . وبعدين أنقلبو ضدنا ممكن تفرجينا وين الصوابية

حاربنا كل الدنية مشان نعيد أنتخاب لحود . وبعد بفترة قلبنا برئيس نتوافق عليه مع الباقي ممكن تتفرجينا وين الصوابية

عملنا أحتفالات مجلجلة لما أجا شيراك لعنا . وعملناه حفيد ديغول اللي مالو مثيل . بعدين صار هو حامل لواء محاربة سورية . كمان مرة وين الصوابية

نادينا لأنتخاب سيغولين رويال بأجهزة أعلامنا . وكأنها سورية مرشحة للأنتخابات الفرنسية . ولما زارنا ساركوزي صار هو الرئيس الفرنسي يلي مالو مثيل . مو متل سلفو شيراك يلي كان حقير متل ماقالت وسائل أعلامنا وخاصة بدعاء أخترعوه بيجي مكتوب لممثل أبله . وبيلبش يولول فيه . حتى مسمى دعاء أبو درويش . فممكن نعرف وين الصوابية

وغيرها عشرات الامثلة
بقال بدل مانسكت يلي بينتقد وطبعا هو بيحكي محبة لبلدو . وبيحكي من وجهة نظرو . ونتهموا أنو بيعارض لمجرد المعارضة . مع أني ماقدرت حدد مكاسبو من المعارضة لمجرد المعارضة
ياريت تحكيلنا عن المكاسب المحققة من نجاحات السياسة الخارجية

هاد كلام يلخّص منطق العشائرية السياسية... انو أيه عملنا اللي بدهون ياه بس بكرامتنا.. عملت اللي بدو ياه بس ببوس الشوارب مو بالعين الحمرا (رغم انو عمليا ما عملناه ببوس الشوارب انما عملناه مجبرين و جدا كمان.. و الانفتاح الأخير كان مكافأة ع انا "قعدنا عاقلين و سمعنا الكلمة" مش انو اجو أقنعونا بالحسنى)
كرامتنا انو ساركوزي يجي يشرب قهوة عنا؟ ازا هاي كرامتنا فما أرخصها من كرامة...

وين المصالح؟ اذا عملنا بالنهاية ما هو مطلوب منا و أكتر كمان... و حاج يا زلمة مكاسب و احترام لأنو فوق ما عملنا شو بدنا لسى فوقها لساتنا محاصرين... و بحاجة "أنصاف الرجال" اللي عم تحكي عنهون.. لأنو بذكرك انو أكتر من مليون سوري عم يشتغلو بالبلاد المحكومة بـ "أنصاف الرجال", و هالشي لا يعني انو لازم ينمسحلهون جوخ لكن مانك قادر تعمل سياسية ناجحة (و السياسة الناجحة هيي انك ما تكون بحاجتون و ستين طز فيهون)
عدا عن أنو في كتير رؤوس أموال مهرّبة من سوريا, لكبار مسؤولين, و عينك عينك و عالمكشوف, عم يروحو يستثمروها ببلاد "أنصاف الرجال"
أخي أبو حلب من الآخر, لأنو ما بدي فوت بمعمعة طويلة ما رح يطلع منها طائل.. السياسة علم (أي أي علم) و متل كل علم.. اللي بالقدر يطلع بالمغرفة.. يعني ما بينفع تقلي السياسة الخارجية ناجحة لأنو يُفترض انو حفظت كرامتنا (بقول يفترض لأنو أنا ما شايف هيك شي), لما نتيجتها كانت كسرة عين و من العيار الثقيل.. فالشغلة مانا شغلة حفظ كرامة, لأنو اي حكومة تحترم حالا تكون كرامتا و كرامة شعبا أكبر بكتير من انو حتى ينحكى فيها, مفروغ منو هالشي, انما تكون سياسة ناجحة أو خاسرة, تبعا للنتائج, و النتائج واضحة و هيي انو عملنا المطلوب منا.. و اجو عطونا قطعة سكر مكافئة


هلأ أنــا بحترم وجهة نظرك و رؤيتك للموضوع من زاوية إنو جينا بالعين الحمرا و .. و ..
لكن أنـا مالي شايف هاد الشي .. شايف أنو حاول الغرب يفرض علينا أمور بالفرض ،
ونحنا رفضناها كون ممكن كانت تتعارض مع مواقفنا و تتعارض مع إحترام سيادة الدولة ..
حاليــاً لما عرف الغرب أنو مافي أي أمر بينحل إلا عن طريق سـوريا ( وبشهادة وسائل إعلام غربية)
أتى إلى ســوريا .. و بالحكي و التفاهم وبالصفقات و .. و .. إنحلت كل الإشكــالات.
وهيك بتكون سـوريا كسبانه ، و بتكون لعبت الدور المهم و الله محيي الثـــابت

وياهلا. :D


يعني سوريا أثبتت للكل و بدون استثناء أنها عم تشتغل صح و سياستها صح و حققت كل نتائجها و كانت كل تحذيراتها و كل مخاوفها بمحلها
اللعبة السياسة الي بتلعبها سوريا بالنسبة للعلاقات الخارجية عاجزة أكبر دول العالم على لعبها
المدرسة الدبلوماسية السورية محترفة و بتعلم الكتير من الدول و السياسيين


أنــا معك و أوافقك الرأي :D



شو أستفاد الشعب السوري من هالسياسة المحنكة الفظيعة


سبق و جاوبت وقلت .. أنو مو شرط يكون إستفاد ماديــاً !!
أنـا واثق أنو هالمواقف يلي وقفت عليها سـوريا .. أبعدت عنا مخططات كـانت رح تدمرنا و تدمر المنطقة
وغير هيك .. صدقني غالبية الشعب العربي بيعتبر سـوريا الأمل الوحيد للعرب بعد ما فقدوا الأمل من حكوماتهن الصهيوعربية

((((((((0سبق و جاوبت وقلت .. أنو مو شرط يكون إستفاد ماديــاً !!
أنـا واثق أنو هالمواقف يلي وقفت عليها سـوريا .. أبعدت عنا مخططات كـانت رح تدمرنا و تدمر المنطقة
وغير هيك .. صدقني غالبية الشعب العربي بيعتبر سـوريا الأمل الوحيد للعرب بعد ما فقدوا الأمل من حكوماتهن الصهيوعربية))))))))))
يسلم لسانك ابو حلب حلب هيدا المزبوط....ومعها شوية اجنحة عم تقاوم في الاراضي المحتلة ولبنان

سبق و جاوبت وقلت .. أنو مو شرط يكون إستفاد ماديــاً !!
أنـا واثق أنو هالمواقف يلي وقفت عليها سـوريا .. أبعدت عنا مخططات كـانت رح تدمرنا و تدمر المنطقة
وغير هيك .. صدقني غالبية الشعب العربي بيعتبر سـوريا الأمل الوحيد للعرب بعد ما فقدوا الأمل من حكوماتهن الصهيوعربية
مين قال ماديا بس . مع انو الراحة الأجتماعية هية الاساس لأي حكومة بالعالم
ياريت تذكرلنا بعض المخطاطات يلي كانت رح تدمر المنطقة . مشان مايكون الكلام مبهم ونتناقش فيه .

ليكو الموقف اجا لحاله وشفنا بعينا شو عم تعمل السياسة الخارجية
مبروك

توقعت أنو أهل الخليج يشمتو و يفرحو لما سوريا بتنضرب و بيموت سوريين
أما أنو نحن سوريين نشمت بسوريا ... هي جديدة على مواقفنا ..

توقعت أنو أهل الخليج يشمتو و يفرحو لما سوريا بتنضرب و بيموت سوريين
أما أنو نحن سوريين نشمت بسوريا ... هي جديدة على مواقفنا ..

الاولانية فهمناها كونه بترجع لحلقة داروين المفقودة
الثانية ما فهمتا كيف بنشمت بسوريا وضحلي ياها ابو حيدر بعد اذنك

هذا الذي حصل من أمريكا ما هو إلا غيظ من فيض لما تقوم به سوريا من مواقف مناهضة لأمريكا
و ما هو إلا دليل كبير على إفلاس سياسة بوش تجاه سوريا .. مقابل سياسة الصمود التي تنتهجها سـوريا

و التي أنتجت ما نراه الآن من انفتاح العالم على سوريا و نجاح سياساتها
و ما إنفجار دمشق و ضربة أمريكا إلا محاولة بائسة للإنقضضاض على هذا الإنفتاح

عشتم و عاشت سورية حرّة أبية.
والله محيي الثابت ..


:D

صدقني غالبية الشعب العربي بيعتبر سـوريا الأمل الوحيد للعرب بعد ما فقدوا الأمل من حكوماتهن الصهيوعربية


:da7ook::da7ook::da7ook:

قال الأمل الوحيد للعرب قال لأ وكمان فقدوا الأمل بحكوماتهون التي تستقبل اكثر من مليون مغترب سوري على اراضيها :o والله انك نهفة زمانك هههههههههههههههههههه

عشتم و عاشت سورية حرّة أبية.
والله محيي الثابت ..


:D

احلى شي الخطابات الرنانة بدون افعال ..

يعيش .. يعيش ... يعيش:metal::metal::metal: