ممممممممم ..

من زمان .. شوي كتير .. ما أتحفناكم بأفكارنا الظلحفوطية .. ولا رفدنا مسيرة الفلسفة والتفلسف ..


ببساطة كل انسان بيحلم بالانطلاقة ..


بيحلم يمكن يبلش ..


بيحلم يمسكـ ايد الرحمن .. ويقول ياااا الله ..




وأنا بعرف أنو أنت .. حبيبي .. كتير حابب تنطلق ..

بس ياواش ياواش .. سماع هالكلمتين ..



أنو تنطلق .. يعني كتير قصص مطربشة .. و أمور فايتة ببعضا

*أنو تنطلق يعني أولا ً .. يكون وراكـ قوة دفع ..

هلأ .. ازا كان عليكـ كتير دفع .. هون شرقطت الحكاية .. وتجعلكت الامور معكـ

وأغلبنا .. بل .. جملتنا عندهن أكتر شي :

الدفع ..




*أنو تنطلق يعني كمان أولا ً .. أنو يكون في قدامكـ قوة سحب ..

يعني أنو شي يشدكـ لعندو لتتــــنيل على عينكـ .. وتهوينا بقا وتنطلق ..

هلأ المشكلة .. انو أنت يا صديقي طيــ * كـ تقيلة .. يعني (ونش) بقدرة ألله ما خرج يسحبكـ ..


طيب أنو احترنا مع الي نفضكـ


لا من قدام عم تجي .. ولا من ورا عم تجي ..


*طيب منجرب من فوق ..

بس مشكلتكـ أنو أنت مضبوع .. يعني كلمة فوق بتساوي عندكـ شيزوفرنيا الانمعاس تحت الصبابيط ..

لأنو حضرتكـ .. ممعوس طول حياتكـ وانبطاحي ومن يتهيب صعود الجبال يعش أبد الدهر بين الحفر ..



..

ازا جربنا .. نجيكـ من تحت .. فاا بتصور .. مو حلوة ..

بحقكـ مو حلوة ..


اتطلع ع حالكـ أنت أكيد .. أكيد .. حالة من هالحالات الآنفة الزكر .. (حشاة الدكر) ..



شوف حبيبي .. اتأكد أنو مقومات الانطلاقة السابقة هيي بالمختصر .. اسمها

(دعم)

مالكـ مدعوم ..

باي باي انطلاقة ..



لمزيد من المعلومات .. اطلب قسم (الدعم) التقني ..

تحيي الك
حلوين كتير
طيب سؤال ليش ما جربت لتحت
يمكن ما في اوطى من هيك
موو؟؟؟؟:D

شوف ياصاحبي في كتير أمور تعتمد على مهارة الشخص وسمعته يلي بيقدر أنو يفرض حاله فرض اذا عرف وين يحط رجله وبالمهارات يلي اكتسبها بيعلي وبيعلي غصب عن الكل طبعا عم نحكي على القطاع الخاص في معاناة وبيجوز ماتزبط من أول حطة رجل ولكن على الانسان مايتملكه اليأس ويضل يحاول يمكن تقول هادا الزلمة عم يتفلسف .........بس هادا يلي صار معي انحطيت بقعر المسبح وعمت وافرضت نفسي

والله للأسف يا حبيب قوة الدفع عنّا من الأمام للخلف وقوى السحب كلها للخلف ما في ولا قوة بتدفعك للأمام

تماما متل ما قال الاخ همام
إنو يابا لحنا قوة الدفع اللي جاي من ورا بنفهما بإنو قوة السحب كمان لازم تكون لورا
ف بنتطلع لقوة السحب نظرة سلفية طوطمية وبنتطلع على قوة الدفع إنها مطلقة لإنها هي المثال الأعلى
يا خيي معصلجة وحياة اللي طربزني بطربيزة
تحياتي الحارة
ظل جيفارا

بس بالنهاية .. الكل واقف ومستني الدعم ..

دعم من وين .. وكيف ؟؟ ما حدا بيعرف ..


الا أنو الكل .. واقف .. ما عم يساوي شي .. ومستني الدعم ..


والله لطعة ..

إي خيو ...ليش فكرك يعني قليلة هيدي النطرة
هيدي قصة إنو ينطر الدعم ما حدا بيعرف كيف إنشغل عليها اذا ما إنشغل لقرون بل لعشرات القرون
إنو يعني ما في شي تعمله وما رح تقدر تعمل شي حتى لو فكرت ...فيفضل إنك تنطر
وناطرين ....
وحياة اللي كفرني...هيدا كفر
تحياتي الحارة
ظل جيفارا