لا تقاس مساحة الأوطان بالكيلومترات أو بالأمتار أو بأي من وحدات القياس..بل تقاس بتاريخها وبنضالات شعوبها وبقيمها وبتراثها ... تقاس مساحتها بثوراتها و بشهدائها أو بعطائاتها على مر العصور... فكيف ان كان الوطن تميز بكل هذه العوامل على مر التاريخ...كيف ان كان هذا الوطن وطناً كـ سوريا...

سوريا التي ابتلاها الزمن بكل أشكال الاحتلال وكل أشكال الظلم...سوريا التي قدمت للتاريخ كل مايمكن أن يقدم... سوريا التي قدم شعبها للإنسانية كل القيم...

سوريا اليوم التي تعيش بدوامة غريبة... دوامة اختلطت بها الأسماء والتعاريف... لصوص يتحكمون بكل مفاصل الحياة وأوغاد يتحكمون بتفاصيل حياة المواطن... وسفلة يقسمون الأرزاق على الشعب... وفاسدون يعلموننا معنى الشرف..

شعب يظلم وينهب ويسرق... شعب أصبح الذل والخوف من مسلماته بعد أن كانت الكرامة والشرف معتقده الوحيد... شعب يرتجف عند ذكر بعض الكلمات... شعب يسمي الجزء اليسير من حقه منحة...شعب يهلل للغلاء...يهلل للظلم...يصفق للإرهاب..يهتف للذل... يفدي بالروح والدم كل ما يزهق روحه ودمه...

هل نسيتم الأحلام؟؟؟
هل نسيتم كيف يكون الأمل؟؟؟
هل توقفتم عن التفكير بمستقبلكم وبمستقبل الأجيال من بعدكم؟؟؟
هل وصلنا إلى تلك المرحلة من الغباء والتسليم بالأمر الواقع التي لم نعد نميز بها الخطأ من الصواب؟؟ فباتت الوطنية هي خيانة الوطن والسكوت على الفاسدين... ليتكم تكتفون بالسكوت عنهم بل أصبحتم تمجدونهم !!!

أحلام صغيرة... العيش بكرامة كأي من الشعوب... المساواة بين أفراد الشعب بالحقوق والواجبات... حرية الرأي والتعبير... حرية الحرية...

نريد أن نفكر بحرية...أن نعيش بحرية... أن نكون شركاء ببناء وطننا... أن لايحتكر الوطن بأشخاص وبأسماء...

حلمنا الصغير وطننا !!!

ودمتم.

كي تصبح رجلاً في زمن الغضب البارد
لا ترهب حد السيف
كي تصبح إنساناً يتحدى ضعفه
في هذا الزمن المتراخي
لا ترهب حد السيف
اشمخ
فالذل رجيم
واغرس في قلب الخوف وعين العار
إيمانك بالحرية
فالذل رجيم
ولكي لا يقهر فيك الإنسان
لا ترهب حد السيف
صديقي العزيز , ما يزال في البلد الكثير من هؤلاء الرجال , وما زالت الزنازين مفتوحة لا تشبع
شعب أصبح الذل والخوف من مسلماته بعد أن كانت الكرامة والشرف معتقده الوحيد... شعب يرتجف عند ذكر بعض الكلمات.
ولماذا ترفع الصوت إذا , ليكن تفاؤلنا دائما أكبر من حجم المأساة

ل نسيتم الأحلام؟؟؟
هل نسيتم كيف يكون الأمل؟؟؟
هل توقفتم عن التفكير بمستقبلكم وبمستقبل الأجيال من بعدكم؟؟؟
وكيف ننسى الأحلام يا صديقي , ربما لم يعد لنا ما نحلم به , ولكننا نحلم لأطفالنا بوطن غير الوطن الذي نشلهم من أحضاننا ورمانا في صحاري النفط , ونأمل بوطن يعيدنا إلى ترابه ولو ببعض من كرامة وكبرياء
سنحلم ونحلم ونحلم ونحلم , فيصادروا الأحلام إن استطاعو ا لذلك سبيلا

شردوا أخيارها بحرا وبرا
واقتلوا أحرارها حرا فحرا
إنما الصالح يبقى صالحا
آخر الدهر ويبقى الشر شرا
كسروا الأقلام هل تكسيرها
يمنع الأيدي أن تنقش صخرا
قطعوا الأيدي هل تقطيعها
يمنع الأعين أن تنظر شزرا
طفئوا الأعين هل إطفاؤها
يمنع الأنفاس أن تصعد زفرا
أخمدوا الأنفاس هذا جهدكم
وبه منجاتنا منكم فشكرا
مع تحيات المرحوم خليل مطران

اخخخخخخخخخخخخخخخخخخخخخخخخ خخخخخخخخخ
يا زلمي ...................................... الي رجعة ب

((هل نسيتم الأحلام؟؟؟
هل نسيتم كيف يكون الأمل؟؟؟))
كل الاحلام صارت كوابيس مرعبة والامل ما بنعرفه الا من اسم بنت الحانوتي ابو مرزوق.........روق اعصابك شوي ووطي صوتك..........الشتي على الابواب

الله يافيفا حاطط الوطن عكتافك وماشي بس بدك مين يسمع مين يقدر ومين يحس بس عبث

والله أنو لحنا شعب نقاق

في عنا مين يفكر عنا ويقرر عنا ويتاجر ويبني ويبيع فينا . ولسا بدنا نشارك

يلي عندو عشي ليش ليزفر أيديه

وكيف ننسى الأحلام يا صديقي , ربما لم يعد لنا ما نحلم به , ولكننا نحلم لأطفالنا بوطن غير الوطن الذي نشلهم من أحضاننا ورمانا في صحاري النفط , ونأمل بوطن يعيدنا إلى ترابه ولو ببعض من كرامة وكبرياء
سنحلم ونحلم ونحلم ونحلم , فيصادروا الأحلام إن استطاعو ا لذلك سبيلا

مشكلتنا يا صديقي أننا نسينا الحلم..ما لم يستطيعوا فعله بنا صنعناه نحن بأنفسنا... نحن الذين بتنا أذلاء..ونحن الذين بتنا نساير أنفسنا ونواسيها بصناعة أمجاد من الخيال... حتى أننا بتنا مقتنعين أن أصغر الأشياء هي إنجازات بحجم الوطن..

((هل نسيتم الأحلام؟؟؟
هل نسيتم كيف يكون الأمل؟؟؟))
كل الاحلام صارت كوابيس مرعبة والامل ما بنعرفه الا من اسم بنت الحانوتي ابو مرزوق.........روق اعصابك شوي ووطي صوتك..........الشتي على الابواب

قولتك حتى الحكي صار تهمة..

الله يافيفا حاطط الوطن عكتافك وماشي بس بدك مين يسمع مين يقدر ومين يحس بس عبث

إلا ماحدا يسمع بالأخير... خلينا نسميها حالة طرش مؤقت..

والله أنو لحنا شعب نقاق

في عنا مين يفكر عنا ويقرر عنا ويتاجر ويبني ويبيع فينا . ولسا بدنا نشارك

يلي عندو عشي ليش ليزفر أيديه

شايف شايف... بالفعل ما مننعطى وجه.. الجماعة قايمين بالواجب وزيادة ليش عم ناكل هوا ماني عرفان..

أحلام صغيرة... العيش بكرامة كأي من الشعوب... المساواة بين أفراد الشعب بالحقوق والواجبات... حرية الرأي والتعبير... حرية الحرية...

احلام صغيرة صح .....
بس بتحتاح لارادة وتضحية كبيرة ......
وقلة من ترضى بدفع الثمن ...
هي الاحلام ما بتجي لحالها وما بتنعطى من حدا.. بدها حدا بكلو يكسر باب عزلتها ويفتح شبابيك الزنزانة.. ليرجع يحس فيها شعب نسي او اتناسى معانيها .....
بدك مين يآمن فعلا.. ويشتغل ليوصلها

الوطن من لون الناس.............والسجن لون الحراس

رغم كل ما مرت به سوريا ورغم كل ما تمر به من قمع للحريات ومن ضغوط خارجية وأهم ما في المرحلة رغم كل محاولات اللصوص الحاليين لنهب الثروات عبر تمرير تلك المشاريع الرأسمالية إلى الداخل السوري أقول
سوريا لطالما كنت سباقة في شرقنا المظلم ...
لطالما كانت منك بدايات النهضة
عشت سوريا لنا ...
وستنهضين ..
تحياتي الحارة
ظل جيفارا

لقد أكل الخوف القلوب حتى اصبح الغالبية يتجنبون السياسة و يفكرون فقط بلقمة العيش و استمرار حياتهم كما هي بدون تقدم الى الامام او تراجع الى الخلف, أنا لست متفاؤلا بولادة حركة شعبية فاعلة واسعة تطالب بالتغيير و الطريق الوحيد الى الحرية اصبح مع الأسف هو الانتظار حتى استفحال الخلافات الداخلية بين شراذمة البعث الأسدي واسقاط بعضهم البعض.

سوريا اليوم التي تعيش بدوامة غريبة... دوامة اختلطت بها الأسماء والتعاريف... لصوص يتحكمون بكل مفاصل الحياة وأوغاد يتحكمون بتفاصيل حياة المواطن... وسفلة يقسمون الأرزاق على الشعب... وفاسدون يعلموننا معنى الشرف..النظام ورجالاته وابتداء من رأس الهرم ومن حوله نشأوا وتربوا ثقافيا وفكريا وعقائديا على القمع واحتكار القرار والاستهتار بالآخرين ، الشعب، المواطن، أحزاب، وتسفيه رأي مثقفينا لدرجة تخوينهم ،
ماتركو شي حلو الا وخربو

على سيرت يتحكمون بعد صدور مرسوم ازالة الابنية المخالفة اصبح للفاسدين شغلة جديدة الا وهي : ان تدور البلدية على كل من قام بمخالفة بناء علية المصالحة عليها بس كيف ؟
بتدفع 50 الف مصالحة للبلدية و 25 الف تحلاية للشباب وبيسجلولك مخالفتك قبل تاريخ المرسوم

ودمشق مقبلة على أزمة سكن مرعبة لانو معظم المناطق التي تم تنظيمها وتخطيطها أنتهت وما تبقى أراضي زراعية لاهم وعدو بتنظيم مدن جديدة ولا المدة يلي ممكن يصدور فيها المخطط ، بقا الشعب وين بدو يروح بحالو .. والاحلى مصادرة واستملاك أراضي وبيعها لشركة قطرية ( الاميرة موزة) ومشروع عظيم اسمو ديار دمشق ، الارض المستملكة فقط 420 ضنم بقلب العاصمة دمشق يعني مايعادل 400 الف متر مكعب فتصور وين وصل فيهم الاستهتار باملاك الموطن !!؟


وصلو لمرحلة متقدمة من التعفن السياسيي والاقتصادي والتي لا تحتمل أي نسمة إصلاحية أو حرية نسبية تكشف للشعب الأرقام الفلكية من النهب الاقتصادي والدرك المتهاوي من الفساد الإداري والتي ان ظهرت ستؤدي الى ثورة عارمة من شعب كريم عزيز تعرض لعملية افقار وقهر وإذلال مبرمجة.



شعب يظلم وينهب ويسرق... شعب أصبح الذل والخوف من مسلماته بعد أن كانت الكرامة والشرف معتقده الوحيد... شعب يرتجف عند ذكر بعض الكلمات... شعب يسمي الجزء اليسير من حقه منحة...شعب يهلل للغلاء...يهلل للظلم...يصفق للإرهاب..يهتف للذل... يفدي بالروح والدم كل ما يزهق روحه ودمه... للأسف طعمونا جبنة من كل الانواع شي بلدي، لاباشكري ، اشقوان ، ناعمة ، شلل، فالحمدلله شبعانين جبنة
إذا لم يجد هذا النظام البائس من يوقفة عند حدوده في تدمير الوطن ونسيجه الاجتماعي فتهيؤ بالمستقبل لثورة جياع ومحرومين عارمة لا تبقي ولا تذر نسبت الفقراء في سوريا تزداد بشكل اشبة بالمبرمج وبعدت أعوام بأذن الله لن يبقى شيىء مما يسمى بالطبقة الوسطا فهي تنحدر للأسفل والفقير الى الهاوية . ماعاد في شي اسمو اصلاحات ولا على أي صعيد .ويلي عم يصير بالعراق ماهوي الا نزهة لما سيجري في سورية

وأن كنت متفائل اقول لك أننا نسير في نفس الطريق الذي ساره المصريين بعد كامديفد بس للأسف مافي تشابهه ، تجربتنا ستكون مخاض صعب ومؤلم والله يعين الاجيال القادمة على هل الارث الثقيل

ودمشق مقبلة على أزمة سكن مرعبة لانو معظم المناطق التي تم تنظيمها وتخطيطها أنتهت وما تبقى أراضي زراعية لاهم وعدو بتنظيم مدن جديدة ولا المدة يلي ممكن يصدور فيها المخطط ،


من يومين جايب صديق لألي خريطة التنظيم الجديدة لمحافظة دمشق وريفها . ليشوف شو وضع مزرعتو فيها . أحلى مافي المخطط أنو وصلان لحد أرض للسيد أبو الريم العظيم ولافف حولينها مشان مايشملها التخطيط وتروح عليه مشاريعو . جد شكل المخطط مضحك مبكي كيف وصلان بقدرة قادر لعند أرض ألو وخالص . كلها كم سنة ومنشوف مشروع للسيد أبو الريم متل مو مخططلو ومتل مابيجبلو أرباح .
طبعا الأرض للتوضيح تقع على أول أستراد درعا قبل التاون سنتر

من يومين جايب صديق لألي خريطة التنظيم الجديدة لمحافظة دمشق وريفها . ليشوف شو وضع مزرعتو فيها . أحلى مافي المخطط أنو وصلان لحد أرض للسيد أبو الريم العظيم ولافف حولينها مشان مايشملها التخطيط وتروح عليه مشاريعو . جد شكل المخطط مضحك مبكي كيف وصلان بقدرة قادر لعند أرض ألو وخالص . كلها كم سنة ومنشوف مشروع للسيد أبو الريم متل مو مخططلو ومتل مابيجبلو أرباح .
طبعا الأرض للتوضيح تقع على أول أستراد درعا قبل التاون سنتر
شو قصدك إنت بدك إياها تمر من أرضه يعني
أستغفر الله يا زلمة
إذا مرقت من أرضه ف هيدا خطر على الأمن القومي وفيه ما قد يزلزل عرش الله ويمكن قد ما يتزلزل العرش الله نفسه يوقع بالغلط ما يعود قادر يهدي جاله عالعرش يقوم يفرط هو وعرشه
كل هيدا لإنو كل مشروع التنظيم بيمرق بيمرق بأرض عمو رامي
دير بالك يا زلمة كل متل هيك ممكن تطلعك عن الملة لتصير مع عصبة الكفار
:lol:
تحياتي الحارة
ظل جيفارا

الوطن
ماذا نريد من الوطن؟؟
او ماذا يريد منا هذا الوطن
تلك العلاقة التبادلية لا تنتهي
نعطيه فيعطينا ما أعطيناه
نزرع فاسدين فيخرج لنا وطنٌ برائحة نتة
نزرع عيون الأطفال فيخرج لنا وطن فتي بعمر الزهور
نزرع القلم والكتاب يخرج لنا وطن عالم مثقف
لابد أن نبدأ بأنفسنا
وحين نصل لوقت يخجل فيه "للا أخلاقيون" من الوطن
سنكون بخير

شكرا على طرحك للموضوع

وحين نصل لوقت يخجل فيه "للا أخلاقيون" من الوطن
سنكون بخير

إنهم يرون في الوطن صفقة تجارية رابحة بإمتياز فهل يخجلون ؟

تحياتي الحارة
ظل جيفارا

من يومين جايب صديق لألي خريطة التنظيم الجديدة لمحافظة دمشق وريفها . ليشوف شو وضع مزرعتو فيها . أحلى مافي المخطط أنو وصلان لحد أرض للسيد أبو الريم العظيم ولافف حولينها مشان مايشملها التخطيط وتروح عليه مشاريعو . جد شكل المخطط مضحك مبكي كيف وصلان بقدرة قادر لعند أرض ألو وخالص . كلها كم سنة ومنشوف مشروع للسيد أبو الريم متل مو مخططلو ومتل مابيجبلو أرباح .
طبعا الأرض للتوضيح تقع على أول أستراد درعا قبل التاون سنتر

ع راسي الزعيم ابوليم

أما صاحبك أذا كان بريف دمشق فماعندي معلومات كافية عن الاوضاع الي ممكن تصير وخاصتاً الامور خيار وفقوس

بس للتوضيح مدينة دمشق وكل المناطق الزراعية بالمدينة استملاك حتى بعض اطراف الريف او المدن المعدة أن تنضم للمدينة متل حرستا وداريا ،

بس هاد الاستملاك لجديد كيف ؟

مشروع الاستملاك أجا على القانون 26 يلي بيمنح المالك 40% من مساحة المسكن الحالي شي حلو ماحكينا شي ، بس الوجائب والحدائق على مين ؟ للأسف على المالك لاالمتعهد ولا الشركة المنفذة تتحمل ملم واحد بعد حساب الوجائب والحدائق يبقى للمالك 20%

أما الخاذوق الاكبر يكمن وين ؟الدولة ستمنحك منزل وين غير الله مابيعرف لحسنية اليقطينة الكسوة المهم خارج المدينة وهاد بيعني أنو المالك سيدفع ثمن الباقي من المنزل الذي ستمنحنه إياه المحافظة ،

شو قصدك إنت بدك إياها تمر من أرضه يعني
أستغفر الله يا زلمة
إذا مرقت من أرضه ف هيدا خطر على الأمن القومي وفيه ما قد يزلزل عرش الله ويمكن قد ما يتزلزل العرش الله نفسه يوقع بالغلط ما يعود قادر يهدي جاله عالعرش يقوم يفرط هو وعرشه
كل هيدا لإنو كل مشروع التنظيم بيمرق بيمرق بأرض عمو رامي
دير بالك يا زلمة كل متل هيك ممكن تطلعك عن الملة لتصير مع عصبة الكفارمافشر يمروق بأرضو وأرض ابأو واجدادو :x

لك ياعمي النا صاحب عندو معمل للطباعة والتغليف بصحنايا ستملكو كل الاراضي الي حولية الا كم معمل الي حولية السبب انو في معمل طلاس للألبان والأجبان بينما هنيك في شي 300 عائلة بيوتها طارت بالاستملاك

بشرفك مين أهم 300 عائلة ولا معمل طلاس للألبان والأجبان:sly:

ع راسي الزعيم ابوليم

أما صاحبك أذا كان بريف دمشق فماعندي معلومات كافية عن الاوضاع الي ممكن تصير وخاصتاً الامور خيار وفقوس

بس للتوضيح مدينة دمشق وكل المناطق الزراعية بالمدينة استملاك حتى بعض اطراف الريف او المدن المعدة أن تنضم للمدينة متل حرستا وداريا ،

بس هاد الاستملاك لجديد كيف ؟

مشروع الاستملاك أجا على القانون 26 يلي بيمنح المالك 40% من مساحة المسكن الحالي شي حلو ماحكينا شي ، بس الوجائب والحدائق على مين ؟ للأسف على المالك لاالمتعهد ولا الشركة المنفذة تتحمل ملم واحد بعد حساب الوجائب والحدائق يبقى للمالك 20%

أما الخاذوق الاكبر يكمن وين ؟الدولة ستمنحك منزل وين غير الله مابيعرف لحسنية اليقطينة الكسوة المهم خارج المدينة وهاد بيعني أنو المالك سيدفع ثمن الباقي من المنزل الذي ستمنحنه إياه المحافظة ،

مافشر يمروق بأرضو وأرض ابأو واجدادو :x

لك ياعمي النا صاحب عندو معمل للطباعة والتغليف بصحنايا ستملكو كل الاراضي الي حولية الا كم معمل الي حولية السبب انو في معمل طلاس للألبان والأجبان بينما هنيك في شي 300 عائلة بيوتها طارت بالاستملاك

بشرفك مين أهم 300 عائلة ولا معمل طلاس للألبان والأجبان:sly:
يا زلمة هيدول الناس حماة الوطن بدك اراضيهن تتصادر
مين بده يحمي الوطن اذا شي مرة قلق تفكيرهن موضوع تافه متل لقمة عيشهن ....؟
كيف الوطن بيعيش على القدرة الربانية ؟
طيب ما حكينا إنو عرش الرب نفسه بيهتز إذا طارت مصاريهن ...وقد ما رح يهتز ممكن يوقع ربنا عن عرشه
شو بيصير فينا بوقتا ...
بنصير ناكل بالتركيب الضوئي ؟؟ ... بنركب جهاز يخضوري؟
إستغر الله يا زلمة
مليون بيت لمواطن عادي ولا غرفة لكلب الباشا:p
تحياتي الحارة
ظل جيفارا

بشرفك مين أهم 300 عائلة ولا معمل طلاس للألبان والأجبان:sly:


لأ طبعا معمل طلاس.. شو هالسؤال السخيف هاد:sly:

ما بعرف ليش تذكرت من يومين لما اجا البابا على سوريا و عملو جدار كبير كتير مشان يغطّي منطقة مخالفات كان رح يمر موكب قداستو من جنبها... مشان المنظر السياحي للبلد...

البرغوثي لما اجا لهون حكالنا انو في ضيعة فلسطينية بالضفة بين مستوطنات فمحاوطينا بجدار اسمنتي كبير جدا على طراز جدار الفصل العنصري, و جنب هالجدار يمر أوتوستراد خاص بالاسرائيليين, فشي مستوطن مرهف الحس اعترض ع انو منظر الجدار بنوب مو حضاري انو اسمنتي و هيك....


اجو دهنوه بالأزرق و الأبيض, من الجهة المطلة على الأوتوستراد :lol:


حضرتنا, سيء النية و طويل اللسان, نرى شبها كبيرا بين الحالتين.. و نرى أن قيمة المواطن السوري لدى حكومتنا لا تختلف كثيرا عن قيمة فلسطيني لدى مستوطن...


و استرو ما شفتو منا و سامحو سوء نيتنا :p

لأ طبعا معمل طلاس.. شو هالسؤال السخيف هاد:sly:
ما بعرف ليش تذكرت من يومين لما اجا البابا على سوريا و عملو جدار كبير كتير مشان يغطّي منطقة مخالفات كان رح يمر موكب قداستو من جنبها... مشان المنظر السياحي للبلد...
البرغوثي لما اجا لهون حكالنا انو في ضيعة فلسطينية بالضفة بين مستوطنات فمحاوطينا بجدار اسمنتي كبير جدا على طراز جدار الفصل العنصري, و جنب هالجدار يمر أوتوستراد خاص بالاسرائيليين, فشي مستوطن مرهف الحس اعترض ع انو منظر الجدار بنوب مو حضاري انو اسمنتي و هيك....
اجو دهنوه بالأزرق و الأبيض, من الجهة المطلة على الأوتوستراد :lol:
حضرتنا, سيء النية و طويل اللسان, نرى شبها كبيرا بين الحالتين.. و نرى أن قيمة المواطن السوري لدى حكومتنا لا تختلف كثيرا عن قيمة فلسطيني لدى مستوطن...
و استرو ما شفتو منا و سامحو سوء نيتنا :p
لأ سيدي ما في سوء نية ....
الحالتين كتير متشابهين ....

تحياتي الحارة
ظل جيفارا

الوطن كبيركبير كتير والسفله كتار كتار كتار والحلم ضايع

لك آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآخ
دبحتني.......وصرت متل هالوطن؟؟؟

يأس ...يأس
يأس يأس يلف المكان
تحياتي الحارة
ظل جيفارا