ذكر شهود عيان أن عناصر الأمن العسكري في معرة النعمان (محافظة ادلب) قتلوا مواطناً رمياً بالرصاص داخل مقر مفرزتهم قبل أن يلقوا بجثته في الشارع.

ووفق رواية الشهود، فإن عناصر المفرزة، وبعدما قاموا بإلقاء جثة المواطن أحمد رمضان (26 عاماً) من فوق سور المفرزة إلى الشارع، قاموا بتطويق المكان وإبعاد الناس عن الجثة مطلقين التحذيرات بأن الجثة تحمل حزاماً ناسفاً.

وكان أحمد رمضان مطلوباً للأمن العسكري على خلفية إسلامية. وقبل فترة قصيرة أقدم عناصر الأمن على اعتقال أهله وزوجته وأجبروهم على التوقيع على تعهد بأن يساعدوا في إلقاء القبض على ولدهم قبل أن يخلوا سبيلهم. وبعد عدة أيام اعتقلت الزوجة بحجة أن الأمن تلقى إخباراً بأن زوجها جاء إلى المنزل ولم تقم بالتبليغ عنه.

وفي 13/10/2008 حضر رمضان إلى مفرزة الأمن العسكري في معرة النعمان، بعد معرفته بأمر اعتقال زوجته. وروى شهود العيان أنه دخل من الباب الرئيسي بعد أن تحدث مع الحارس، وبعد لحظات سُمعت أصوات طلقات نارية داخل المفرزة ثم شوهدت الجثة وهي تلقى من فوق سور المفرزة إلى الشارع.

وقال أحد الشهود: "كنت أسير في الشارع المحاذي لمدرسة أبي العلاء المعري سمعت صوت عدة طلقات نارية بجهة المفرزة وبعد لحظات قذفت جثة إلى الشارع الرئيسي المحاذي لبناء المفرزة ثم طوق المكان بسرعة وتم إبعاد الناس بحجة أن الجثة مفخخة".

وقد تضاربت الروايات بشأن ما إذا كان رمضان يحمل سلاحاً لحظة مقتله، ففي حين قال بعض الجوار إنه كان يحمل سلاحاً فردياً "وتحت ثورة الغضب قرر الهجوم على مقر الأمن لتحرير زوجته"، أكد شهود آخرون أنه كان أعزل وكان ينوي تسليم نفسه مقابل الإفراج عن زوجته.

ورغم مرور عدة أيام على الحادثة، لا يزال الاستنفار الأمني بارزاً في المدينة، كما لا زالت الحواجز الأمنية في الشوارع وعناصر الأمن المدججين بالسلاح منتشرين على نطاق واسع. وقد عبر بعض المواطنين عن قلقهم من احتمال استغلال السلطات مثل هذه الحوادث لممارسة المزيد من الضغط على المواطنين، مذكرين بالحملات الأمنية مطلع الثمانينات.

أخبار الشرق

يا عمي والله مابدنا نظلم حدا ولا نتهجم على الأمن بدون مانعرف شو القصه ومع مين الحق... بس مو لازم هيك شغلات يطلع فيها بيان علة القليلة وينعمل فيها تحقيق؟؟؟

يا أخي على فرض هاد يلي انقتل أكبر ارهابي بالأرض بس بيبقى اسمو بني أدم وجنسيتو سورية... يعني حقنا كسوريين نعرف شو القصه..أخي على القليلة نعرف نقول الله يرحمو أما بيستاهل...

تعبنا من قاعده انو أرخص شي بسوريا البني أدم.

اسمو شو ؟؟؟؟ بني ادم ....ها اي مو عند الشباب الطيبه ...
قلتلي أرخص شي البني ادم ......اي نحن ماشين ع قاعده كل شي بيغلى الا البني الادم مشان يضل توازن طبيعي مع مستلزمات الحياه ..

لاحول ولا قوة إلا بالله ، و بالفعل لازم يطلع بيـان رسمي بـ هالموضوع

لاحول ولا قوة إلا بالله ، و بالفعل لازم يطلع بيـان رسمي بـ هالموضوع


مشكور على تعاطفك يعني بس عندي سؤال

ما بتلاقي فيها شوية تناقض انك تتعاطف مع الضحية وانت بنفس الوقت بتحب الجلاد و معتبرو بطل رافع راسك في؟؟؟

مشكور على تعاطفك يعني بس عندي سؤال

ما بتلاقي فيها شوية تناقض انك تتعاطف مع الضحية وانت بنفس الوقت بتحب الجلاد و معتبرو بطل رافع راسك في؟؟؟


بالنسبة لسؤالك عزيزي ،
كل إنسان بـ هالدني عنده سلبيات و عنده إجابيــات ،
لهيك أنـا ما بنكر أنو في أمور عم تسير بشكل سيء داخليـاً (و هالشي بيرجع للرأس الأكبر أكيد كونه الرأس) و أكيد أنا بدين هالشي
و بنفس الوقت عزيزي ، خـارجيـاً أنـا بعتبر هالرأس يلي عم نحكي عنه بطل و رافع لي رأسي ،

بيكفيني أنو إنسان مثقف ، فهمان ، سياسي ، محنك ، صاحب مواقف ، داهية و أحسن من غيره ;)
وبغض النظر إش هوه الشي يلي ما بنعرفه لسه .. بس نحنا عم نشوف من هالرأس دعم لأغلب قضايا العرب
و في شغلة عزيزي في عنا آية بالقرآن بتقول "و لن ترضى عنك اليهود والنصارى حتى تتبع ملّتهم"
هذا هو الميزان ، و ســوريا مغضوب عليها من اليهود و النصارى
فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيار


بتمنى تكون وضحت لك الصورة .. أو بالأحرى توضّح لك موقفي من هالموضوع
ويا هلا. :D

بالنسبة لسؤالك عزيزي ،
كل إنسان بـ هالدني عنده سلبيات و عنده إجابيــات ،
لهيك أنـا ما بنكر أنو في أمور عم تسير بشكل سيء داخليـاً (و هالشي بيرجع للرأس الأكبر أكيد كونه الرأس) و أكيد أنا بدين هالشي
و بنفس الوقت عزيزي ، خـارجيـاً أنـا بعتبر هالرأس يلي عم نحكي عنه بطل و رافع لي رأسي ،

بيكفيني أنو إنسان مثقف ، فهمان ، سياسي ، محنك ، صاحب مواقف ، داهية و أحسن من غيره ;)
وبغض النظر إش هوه الشي يلي ما بنعرفه لسه .. بس نحنا عم نشوف من هالرأس دعم لأغلب قضايا العرب
و في شغلة عزيزي في عنا آية بالقرآن بتقول "و لن ترضى عنك اليهود والنصارى حتى تتبع ملّتهم"
هذا هو الميزان ، و ســوريا مغضوب عليها من اليهود و النصارى
فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيار


بتمنى تكون وضحت لك الصورة .. أو بالأحرى توضّح لك موقفي من هالموضوع
ويا هلا. :D

اخر شي كنت اتوقعو انك تربط تاييدك للنظام بالدين؟؟

لاء وشو قال اليهود والنصارى, يا سيدي بهنيك على هالتحليل السياسي المتقن وبقلك انو غسيل الدماغ اللي بتعملوا الانظمة الديكتاتورية لشعوبها عن جد مصيبة

،

بيكفيني أنو إنسان مثقف ، فهمان ، سياسي ، محنك ، صاحب مواقف ، داهية و أحسن من غيره ;)


اي هدول الشغلات بيكفوك بس تكون رايح تخطب أو تتزوج من عندو من العيله أو هو جاية يخطب من عيلتكون.. أما وقت تكون عم تحكي عن رئيس جمهورية هالشغلات مابيكفوك.

وبغض النظر إش هوه الشي يلي ما بنعرفه لسه .. بس نحنا عم نشوف من هالرأس دعم لأغلب قضايا العرب
و في شغلة عزيزي في عنا آية بالقرآن بتقول "و لن ترضى عنك اليهود والنصارى حتى تتبع ملّتهم"
هذا هو الميزان ، و ســوريا مغضوب عليها من اليهود و النصارى مافهمت يعني نحنا يهود هلأ باعتبار مو رضيانين؟؟ غريب عم تحكي وكأنك عم تحكي عن خلافة اسلامية وعن هجوم صليبي يهودي عليها... بشرفك فكر بالكلام قبل ما تكتبو لأنو كتير بيسيئ وبيعطي قيمة زايده أو ناقصة للأشياء... بعدين شو دخل النصارى بالقصة؟؟ والله هالحكي معيب...

طلعت الأية نازلة عن الرئيس وأنا مو عرفان؟؟ :? شو مشان ساويتو بالرسول؟؟ :shock:

فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيارحضرتك فرنسي أما سوري؟؟ يعني انت بيهمك المواقف الخارجية الخطيرة وشعبك عم يموت من الجوع ونصو بالسجن؟؟


بتمنى تكون وضحت لك الصورة .. أو بالأحرى توضّح لك موقفي من هالموضوع ياعمي مو ليكون عندك صورة مشان توضح...

يعني هي اخبار الشرق شو وضعها

و ســوريا مغضوب عليها من اليهود و النصارى

فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيار


غريب التناقض بالراي بين الجملتين يلي أنا أقتبستهم

بعدين قلتلي مواقف خارجية على الطريق الصحيح . ليش النظام أكل هم باقي الشعوب أكتر من الشعب السوري ؟ ... أبقى خليلي المواقف الخارجية تسكنا ببيوت وتبعتلنا فرص عمل

الشيء بالشيء يذكر

أقدمت أحد الفروع الغير معروفة . على أعتقال الشاب منتصر شاهين من محافظة دمشق وأقتادته

لجهة غير معروفة ولأسباب مجهولة . منذ أكثر من عشرين يوم . دون أن تطلق سراحه

طيرتولنا السكرة يا اوادم..........معقولي هاااااااااااااااااااي؟وال له عم تحسسونا انا بدار فور

اخر شي كنت اتوقعو انك تربط تاييدك للنظام بالدين؟؟
لاء وشو قال اليهود والنصارى, يا سيدي بهنيك على هالتحليل السياسي المتقن وبقلك انو غسيل الدماغ اللي بتعملوا الانظمة الديكتاتورية لشعوبها عن جد مصيبة


أنـا ما عم بربط دين بـ نظام ، أنـا عم بعطيك مثال قريب لواقعنا العربي ،
عندك الدول العربية الـ "مرضية" من قبل بابا أمريكا و ماما إسرائيل .. (اليهود و النصارى) أقرب مثال
شي كتير حلو برأيك؟ شي كتير حلو مثلاً لما يكون قرارات هالدول الـ "مرضية" مربوطة بقرارات ماما و بابا ؟
شي كتير حلو لما بتتلقى الأوامر هالدول الـ "مرضية" و عليها التنفيذ غصباً عنها؟

بشار الأسد القائد العربي الوحيد الذي رفض مبدأ تقديم التنازلات والرضوخ للشروط الأميركبة المفروضة
سوريا بغض النظر عن النظام البعثي فيها ، ولكن تعتبر من أشرف الأنظمة القومية ،
لها مشاكلها الداخلية إلا أنها الاقوى قومية وعروبية من جميع الدول العربية التي تدعي أنها عربية!


اي هدول الشغلات بيكفوك بس تكون رايح تخطب أو تتزوج من عندو من العيله أو هو جاية يخطب من عيلتكون.. أما وقت تكون عم تحكي عن رئيس جمهورية هالشغلات مابيكفوك.
مافهمت يعني نحنا يهود هلأ باعتبار مو رضيانين؟؟ غريب عم تحكي وكأنك عم تحكي عن خلافة اسلامية وعن هجوم صليبي يهودي عليها... بشرفك فكر بالكلام قبل ما تكتبو لأنو كتير بيسيئ وبيعطي قيمة زايده أو ناقصة للأشياء... بعدين شو دخل النصارى بالقصة؟؟ والله هالحكي معيب...
طلعت الأية نازلة عن الرئيس وأنا مو عرفان؟؟ :? شو مشان ساويتو بالرسول؟؟ :shock:
حضرتك فرنسي أما سوري؟؟ يعني انت بيهمك المواقف الخارجية الخطيرة وشعبك عم يموت من الجوع ونصو بالسجن؟؟
ياعمي مو ليكون عندك صورة مشان توضح...

مممـ بالنسبة للشطر الأول ، أنـا بفخر فيه كـ رئيس متعلم و فهمان و مثقف ، وجهة نظر!

و أنـا عزيزي ما بقصد إنتوا مو رضيانين ، و ما عم بحكي عن خلافة إسلامية أو .. أو ..
أنـا عم بحكي عن واقع عربي مخزي للأسف ، بيكفي (خارجياً) أنو الأسد رافض الإنبطاج لـ أمريكا مثل بقية المنبطحين العرب
وهون بكون عم بقصد لطالما أمريكا و إسرائيل غاضبين على سـوريـا لأنها لم تتبع ملتهم
*ملتهم ما بقصد فيها دينياً فقط ممكن تكون ولاء ، سمع ، طاعة ، ..........
فهي على الطريق الصحيح ،

و بالنسبة لسؤالك إذا كنت فرنسي أو سـوري ،
قلت قبل هيك أنو كل إنسان عنده إيجابيات وعنده سلبيات .. أنـا بفخر بـ هالإيجابيات يلي عم شوفها
و بدين هالسلبيات يلي عم شوفها كمان!
الإيجابيات عم نشوفها خارجياً ، و السلبيات عم نشوفها داخلياً!
لهيك أنـا بحب أعطي كل شي حقه بالنقد و بالرأي ، أمـا إذا بدك تسألني إجمالاً كـ رئيس شو ؟ ممكن تتغير وجهات النظر.

و ع فكرة ، أنـا ما عندي مشكلة لو هالصورة تتوضح أكتر إن كان عندي أو عندك من خلال نقاش بنّاء
نوصل فيه لنتيجة. :D

غريب التناقض بالراي بين الجملتين يلي أنا أقتبستهم

بعدين قلتلي مواقف خارجية على الطريق الصحيح . ليش النظام أكل هم باقي الشعوب أكتر من الشعب السوري ؟ ... أبقى خليلي المواقف الخارجية تسكنا ببيوت وتبعتلنا فرص عمل



لا مو غريب ،
أنـا قلت في نقاط إيجابية بتستاهل الواحد يفتخر فيها ، و بنفس الوقت في نقاط سلبية بينقدها الواحد ،


:D

-------------------------------


و ما زلت أرحّب بأي نقاش بنّاء ، نقتنع فيه و نوصل لقناعة :D

لهيك أنـا ما بنكر أنو في أمور عم تسير بشكل سيء داخليـاً (و هالشي بيرجع للرأس الأكبر أكيد كونه الرأس) و أكيد أنا بدين هالشي
و بنفس الوقت عزيزي ، خـارجيـاً أنـا بعتبر هالرأس يلي عم نحكي عنه بطل و رافع لي رأسيعزيزي أبو حلب...
أنت تقول أنو الرئيس رافع راسك "خارجياً"! ممكن تقلي وين مرفوع راس السوري؟
بالبلدان العربية ولا الأجنبية؟!


و في شغلة عزيزي في عنا آية بالقرآن بتقول "و لن ترضى عنك اليهود والنصارى حتى تتبع ملّتهم"
هذا هو الميزان ، و ســوريا مغضوب عليها من اليهود و النصارى
فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيارطيب شو رأيك بالمسيحيين السوريين؟ هدول كمان غاضبين على سورية؟!
ولا قصدك بس المسيحية الغربية؟!

لا مو غريب ،
أنـا قلت في نقاط إيجابية بتستاهل الواحد يفتخر فيها ، و بنفس الوقت في نقاط سلبية بينقدها الواحد ،


:D

-------------------------------


و ما زلت أرحّب بأي نقاش بنّاء ، نقتنع فيه و نوصل لقناعة :D
كيف مو غريب انت قلت انو لن ترضى عنك اليهود ولا النصارى . ويلي هدول تلت رباع الدول بالكرة الأرضية . وحتى بالنسبة للعرب فعلاقاتنا سيئة مع كذا دولة . وبنفس الوقت بتقلي أنو السياسة الخارجية في الطريق الصحيح . كيف هي ؟؟

وخلينا ننسى السلبيات ونحكي بالأيجابيات ممكن تذكرلي شو ايجابيات الطريق الصحيح للسياسة الخارجية وأنعكاسها على الوطن والمواطن

عزيزي أبو حلب...
أنت تقول أنو الرئيس رافع راسك "خارجياً"! ممكن تقلي وين مرفوع راس السوري؟
بالبلدان العربية ولا الأجنبية؟!
!

يا أخي بدك كتير لتفهم على أبو حلب... خارجياً عم يقلك خارجياً كتير... يعني لا بين العرب ولا على مستوى العالم.. هالدول هدول مابيهمو...

هو بيقصد خارجياً على مستوى الكواكب التانيه... يعني بمجرة درب التبان بشكل عام بس نحنا ما منعرف أو بتعرف بسبب بعد المسافات لسا ماوصلتنا الأخبار انو بالزهرة وبعطارد مرفوع راس السوريين..

عندك الدول العربية الـ "مرضية" من قبل بابا أمريكا و ماما إسرائيل .. (اليهود و النصارى) أقرب مثال
شي كتير حلو برأيك؟ شي كتير حلو مثلاً لما يكون قرارات هالدول الـ "مرضية" مربوطة بقرارات ماما و بابا ؟
الحكي عن إسرائيل على أنها يهوديّة صحيح لأنا هي أعلنت هالشي، بس أميركا بتعتبر نفسا علمانيّة وهيك حسب الدستور تبعا.
ورجاءً لا تدخّل الموضوع الديني بالنص لأن الإسلام كمان (ما شالله) مو ناقصو شي!

المنبطحين العرب





على هالسيرة ممكن أعرف رأيك بالقواعد العسكرية الروسية في سورية

يا أخي بدك كتير لتفهم على أبو حلب... خارجياً عم يقلك خارجياً كتير... يعني لا بين العرب ولا على مستوى العالم.. هالدول هدول مابيهمو...
هو بيقصد خارجياً على مستوى الكواكب التانيه... يعني بمجرة درب التبان بشكل عام بس نحنا ما منعرف أو بتعرف بسبب بعد المسافات لسا ماوصلتنا الأخبار انو بالزهرة وبعطارد مرفوع راس السوريين..
هاهاهاهاها... لك يلعن غيمك موتتني... شو بين الكواكب ما كواكب!
إذا بين العرب فما بيطيقو رب السوريين لا أهل لبنان ولا أهل الأردن ولا غيرن، وإذا بالدول التانية مجرد ما يشوفو الباسبورت تبعي لينفضوني نفضة غير شكل! لك مرة الجمارك هون هلكو وهلكوني وأنا عم فهمون شو هو المكدوس وقمر الدين والشنكليش... إلخ!

عزيزي أبو حلب...
أنت تقول أنو الرئيس رافع راسك "خارجياً"! ممكن تقلي وين مرفوع راس السوري؟
بالبلدان العربية ولا الأجنبية؟!
طيب شو رأيك بالمسيحيين السوريين؟ هدول كمان غاضبين على سورية؟!
ولا قصدك بس المسيحية الغربية؟!



كيف مو غريب انت قلت انو لن ترضى عنك اليهود ولا النصارى . ويلي هدول تلت رباع الدول بالكرة الأرضية . وحتى بالنسبة للعرب فعلاقاتنا سيئة مع كذا دولة . وبنفس الوقت بتقلي أنو السياسة الخارجية في الطريق الصحيح . كيف هي ؟؟

وخلينا ننسى السلبيات ونحكي بالأيجابيات ممكن تذكرلي شو ايجابيات الطريق الصحيح للسياسة الخارجية وأنعكاسها على الوطن والمواطن



لا لا عفواً أنـا بقصد أميركا و إسرائيل ، أمـا بالنسبة للعرب قل لي بربك متى كان العرب مع سوريا ؟؟
العرب شاطرين بتنفيذ أوامر أمريكا فقط .. فهنيئاً لهم هذا الشرف

وبالنسبة للعرب عزيزي فـ شي طبيعي أنو تكون علاقتنا سيئة مع بعض هالدول
في متل بقول "إن من إستباحت كرامته وفضت بكارته مستعد أن يفعل أي شيء لكي يسلب الآخرين ما فقده"

بالنسبة لـ الإيجابيات للطريق الصحيح للسياسة الخارجية ، فـ بجوز شي ما بتلاحظه بالوقت الحالي
لكن بحسن قلك أنو ســوريا الأمل الأخير الصامد في وجه العنجهية و الإستكبار و التسلط الأمريكي الصهيوني الغربي.


:D

لا لا عفواً أنـا بقصد أميركا و إسرائيل ، أمـا بالنسبة للعرب قل لي بربك متى كان العرب مع سوريا ؟؟
العرب شاطرين بتنفيذ أوامر أمريكا فقط .. فهنيئاً لهم هذا الشرف

وبالنسبة للعرب عزيزي فـ شي طبيعي أنو تكون علاقتنا سيئة مع بعض هالدول
في متل بقول "إن من إستباحت كرامته وفضت بكارته مستعد أن يفعل أي شيء لكي يسلب الآخرين ما فقده"

بالنسبة لـ الإيجابيات للطريق الصحيح للسياسة الخارجية ، فـ بجوز شي ما بتلاحظه بالوقت الحالي
لكن بحسن قلك أنو ســوريا الأمل الأخير الصامد في وجه العنجهية و الإستكبار و التسلط الأمريكي الصهيوني الغربي.


:D

ياعمي مشان يلي خلقط فهمني هلأ عم تقول سياستنا الخارجية شي خمس نجوم وبترفع الراس ويالطيف شو قوية... هون بترجع بتقول انو العرب كلاب وعلاقتنا معون مو منيحة والأميركان والغرب علاقتنا فيون بتهوي... كيف معناها سياستنا الخارجية طلعت بتقييمك مميزة؟؟

عن جد هلأ صرت عم اسأل شو بتقصد بالسياسة الخارجية اذا انت عم تقول انو أمورنا بتهوي مع كل الدول؟

الحكي عن إسرائيل على أنها يهوديّة صحيح لأنا هي أعلنت هالشي، بس أميركا بتعتبر نفسا علمانيّة وهيك حسب الدستور تبعا.
ورجاءً لا تدخّل الموضوع الديني بالنص لأن الإسلام كمان (ما شالله) مو ناقصو شي!


أنـا بعتذر لأنو ربطت الدين بـ الموضوع (خصوصاً أنو ما فهمتوا علي منيح) أنـا يلي بقصده هوه أميركا و إسرائيل فقط ، :D

ياعمي مشان يلي خلقط فهمني هلأ عم تقول سياستنا الخارجية شي خمس نجوم وبترفع الراس ويالطيف شو قوية... هون بترجع بتقول انو العرب كلاب وعلاقتنا معون مو منيحة والأميركان والغرب علاقتنا فيون بتهوي... كيف معناها سياستنا الخارجية طلعت بتقييمك مميزة؟؟

عن جد هلأ صرت عم اسأل شو بتقصد بالسياسة الخارجية اذا انت عم تقول انو أمورنا بتهوي مع كل الدول؟


يا عزيزي ،
هلأ مزبوط نحنا آخدين موقف .. و رفضنا الإنبطاح ..
لكن هاد الشي بالنهاية أجبر الدول الغربية على الذهاب إلى سورية ،
لما أنـا بفرض عليك أمر معين و بطلب منك تنفيذه (بحكم إني القوي و بحكم إنو ما حدا بيعصي لي أمري)
فـ إنت بمواقفك رح ترفض هاد الشي ، و أنـا رح أعاقبك و .. و .. و .. و أتهمك تهم باطلة ..
بالأخير بدي طلّع ع حالي بدي شوف أنو أنـا عم بخسر (العراق تبهدلت فيه ! و لبنان فلت ، و الدنيا قامت وئعدت عندي)


فـ تعا لهون عمي ، قلي إش بدك؟ يعنلي خلينا نتناقش شوي !

وهاد يلي عم يصير هلأ ، إنسكرت العزلة عن سوريــا ، و علاقات جيدة مع فرنسـا ، و رجعنا متل أول
لكن الفرق هوه أنو هالشي صار بدون ما نركع و نبوس أيادي ، صار هالشي وسيادة سـوريا محفوظة
صار هالشي مو رغم عن أنف سوريا ،

وهاد هوه الفخر يلي أنـا مفتخر فيه ، :D

أنـا بعتذر لأنو ربطت الدين بـ الموضوع (خصوصاً أنو ما فهمتوا علي منيح) أنـا يلي بقصده هوه أميركا و إسرائيل فقط ، ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ما بعرف لأي درجة ما فهمنا عليك منيح، وخصوصاً مع آية من القرآن فيها طعن واضح بالدينين التانيين!
هاللهجة يا صديقي ما عادت مقبولة في عالم اليوم يللي عم نسعى كلنا فيه لنتكاتف ضد الظلم بكل أشكالو الدينية والسياسية والاقتصادية والاجتماعية... إلخ.
وبتمنى منك ومني نخلي الدين والعبادة على المستوى الشخصي وقضايا الوطن والمجتمع على بقية الصعد العامة.
وقبل ما أنهي حابب ذكرك أنو أميركا ما بتمثل الموقف المسيحي وخصوصاً مع التناقض الصريح بين ما عم تقوم فيه وبين نصوص هالدين اللي تدعو للتسامح والمحبة!

ولا يهمك ما في داعي لتعتذر... إلا ما يحصل سوء فهم... :D.

لكن هاد الشي بالنهاية أجبر الدول الغربية على الذهاب إلى سورية ،

لك أخي معليه ليش ما تشوفا بغير طريقة, طريقة مختلفة عن العشائرية السياسية شوي...

ليش الغرب حنّش ع سوريا؟

- كان بدو الجيش السوري يطلع من لبنان

- كان بدو يجي رئيس مانو موالي لسوريا

- كانو بدو يصير في تبادل سفارات و تمثيل ديبلوماسي بما يعني التوقيع الأخير باعتراف استقلال لبنان

- كان بدو سوريا تضبط حدودا مع العراق و تتعاون أمنيا مع الأميركان



و شو النتيجة؟

- الجيش السوري طلع من لبنان

- اجا رئيس مانو موالي لسوريا (حيادي ايجابي ازا بدك)

- رح يصير تبادل سفارات و تمثيل ديبلوماسي

- و سوريا شغالة أمنيا مع الأميركان آخر حلاوة, إن كان ع حدود العراق أو غيرها ( و غريب انو يمكن من دول الجوار العربي, أفضل علاقة, أو أقلها سوءا, هي مع الحكومة العراقية العميلة)


انو الغرب ازا فينو يحقق كل هالحكي بدون ما يذلّك, فأحسنلو ما يذلّك.. انو بتعمل حالك قبضاي عليهون و تعلّي صوتك و تشوبر.. هاد كلو ما بيهمهون.. بس عميل اللي بدهون ياه.. بدهون العنبات و طز بالناطور


و سوريا بالنهاية, بشكل أو بآخر, عملت اللي الغرب بدو ياه.. فلذلك ما كتير زابطة انو مناطحين الغرب..

لك صحيح هالموضوع مو عن الشب اللي انقتل - الله يرحمو-؟

حلو المواضيع تتشعب و تتوسع شوي لكن بعتقد هون طلعنا كتير عن سياق الموضوع, لذلك بلكي نرجع لسياقو و نخلي النقاش التاني لمواضيع تانية مخصصة أكتر


و شكرا :D

أ

يا عزيزي ،
هلأ مزبوط نحنا آخدين موقف .. و رفضنا الإنبطاح ..
لكن هاد الشي بالنهاية أجبر الدول الغربية على الذهاب إلى سورية ،
لما أنـا بفرض عليك أمر معين و بطلب منك تنفيذه (بحكم إني القوي و بحكم إنو ما حدا بيعصي لي أمري)
فـ إنت بمواقفك رح ترفض هاد الشي ، و أنـا رح أعاقبك و .. و .. و .. و أتهمك تهم باطلة ..
بالأخير بدي طلّع ع حالي بدي شوف أنو أنـا عم بخسر (العراق تبهدلت فيه ! و لبنان فلت ، و الدنيا قامت وئعدت عندي)


فـ تعا لهون عمي ، قلي إش بدك؟ يعنلي خلينا نتناقش شوي !

وهاد يلي عم يصير هلأ ، إنسكرت العزلة عن سوريــا ، و علاقات جيدة مع فرنسـا ، و رجعنا متل أول
لكن الفرق هوه أنو هالشي صار بدون ما نركع و نبوس أيادي ، صار هالشي وسيادة سـوريا محفوظة
صار هالشي مو رغم عن أنف سوريا ،

وهاد هوه الفخر يلي أنـا مفتخر فيه ، :D

أخي انت كيف عم تقيس الانتصارات والهزائم مابعرف... انو اذا اجا ساركوزي شرب عنا فنجان قهوة هاد انتصار... وبيروح على اسرائيل بيعمل صفقة عسكرية بـ3 مليارات يورو هاد مو بهدلة لإلنا؟؟؟

طيب سؤال تاني اذا عندك واحد بالحارة منتح راسو وبيضل يعمل مشاكل مشان يضل مستولي على حارتو ومسكت كل السكان... وانت مختار الحارة يلي جنبو شو بتعمل؟؟؟ انو بتروح بتسايرو وبتضحك عليه بكلمتين ومن تحت لتحت بتعمل يلي بدك ياه.... انت معتبر التناحه على الصعيد الخارجي انجاز.. طيب قلي هالإنجاز العظيم رجعلنا الجولان؟؟ جبلنا أسلحة من فرنسا؟؟ خلا فرنسا تطلع قرار من مجلس الأمن تطلب فيه من اسرائيل تطلع من الجولان؟؟

وين الانجاز بالقصة؟؟ انو والله كانو مقاطعينا ومقلعينا ورجعو يحاكونا... والنعم من هيك انجاز انو أنا كل يوم بضربك كف اذا ماضربتك بيكون كتر خيري وبتكون انت حققت انجاز...
وشو مقابل هالإنجازات الخطيره "التناحه" انو يحترق سما الشعب كرمال الصمود والممانعه والتصدي..

بالنسبة لـ الإيجابيات للطريق الصحيح للسياسة الخارجية ، فـ بجوز شي ما بتلاحظه بالوقت الحالي



:D
صرعتو ربنا من 40 سنة بالسياسة الخارجية الحكيمة مشان تجي تقلي مابلاحظو هلأ !!!!!!!!!!!!!!

أيمت ممكن لاحظو بعد شي 200 سنة :?

بعدين اذا مابينت النتائج . ليش أنت مفترض أنت أنو منيحة

شوية منطق مشان الله . وخلصونا من هالقصة . أذا حكيت بشكل منطقي وحطيتا النقط على الحروف . ماحدا بيقلك أنو أنت هيك مو وطني . حب الوطن لحال . والدفاع عن الخطأ لحال

لك أخي معليه ليش ما تشوفا بغير طريقة, طريقة مختلفة عن العشائرية السياسية شوي...

ليش الغرب حنّش ع سوريا؟

- كان بدو الجيش السوري يطلع من لبنان

- كان بدو يجي رئيس مانو موالي لسوريا

- كانو بدو يصير في تبادل سفارات و تمثيل ديبلوماسي بما يعني التوقيع الأخير باعتراف استقلال لبنان

- كان بدو سوريا تضبط حدودا مع العراق و تتعاون أمنيا مع الأميركان



و شو النتيجة؟

- الجيش السوري طلع من لبنان

- اجا رئيس مانو موالي لسوريا (حيادي ايجابي ازا بدك)

- رح يصير تبادل سفارات و تمثيل ديبلوماسي

- و سوريا شغالة أمنيا مع الأميركان آخر حلاوة, إن كان ع حدود العراق أو غيرها ( و غريب انو يمكن من دول الجوار العربي, أفضل علاقة, أو أقلها سوءا, هي مع الحكومة العراقية العميلة)


انو الغرب ازا فينو يحقق كل هالحكي بدون ما يذلّك, فأحسنلو ما يذلّك.. انو بتعمل حالك قبضاي عليهون و تعلّي صوتك و تشوبر.. هاد كلو ما بيهمهون.. بس عميل اللي بدهون ياه.. بدهون العنبات و طز بالناطور


و سوريا بالنهاية, بشكل أو بآخر, عملت اللي الغرب بدو ياه.. فلذلك ما كتير زابطة انو مناطحين الغرب..

النظام بيشتغل سياسة خارجية حسب مصالحو الشخصية . ومو حسب مصالح الوطن . وكلشي بيكون صارعنا فيه من قيم ومابدئ . وعلى وزن منبطحين والخ . بيرجع عنو وبيعمل عكسو

المشكلة أنو في ناس بتصفق مثلا لما منسب ساركوزي
وبترجع بتصفق لما منمدح ساركوزي ومنعملو صديق الشعب السوري
مع أنو متل ماقلت منكون عملنا كلشي بدو ياه ومع ذلك لحنا دين الممانعة والصمود وهالكلام الفاضي

لك صحيح هالموضوع مو عن الشب اللي انقتل - الله يرحمو-؟

حلو المواضيع تتشعب و تتوسع شوي لكن بعتقد هون طلعنا كتير عن سياق الموضوع, لذلك بلكي نرجع لسياقو و نخلي النقاش التاني لمواضيع تانية مخصصة أكتر


و شكرا :D
حقك ياخال . بس شي غريب صراحة يلي بتسمعوا

سامحونا :D

أنـا ما عم بربط دين بـ نظام ، أنـا عم بعطيك مثال قريب لواقعنا العربي ،
عندك الدول العربية الـ "مرضية" من قبل بابا أمريكا و ماما إسرائيل .. (اليهود و النصارى) أقرب مثال
شي كتير حلو برأيك؟ شي كتير حلو مثلاً لما يكون قرارات هالدول الـ "مرضية" مربوطة بقرارات ماما و بابا ؟
شي كتير حلو لما بتتلقى الأوامر هالدول الـ "مرضية" و عليها التنفيذ غصباً عنها؟

أقحمت الدين عندما ذكرت الاية .. هاي أولاً .. ثانياً .. هاي الدول المرضية كما تزعموا حضرتكم عالاقل باسطة شعوبها ومو مطلعة دين هالشعب المنتوف مابيهم متل ماذكروا زملائي السياسة الخارجية المهم السياسة الداخلية ..

بشار الأسد القائد العربي الوحيد


يارجل شبك لسا قائد عربي وزعيم عربي .. فهمناها طيب من زاوية أخرى
شلون قائد عربي وحيد بساحة المعركة .. وأمة عربية واحدة ذات رسالة خالدة ؟! شو هالتناقض




الذي رفض مبدأ تقديم التنازلات والرضوخ للشروط الأميركبة المفروضة



لااوافقك الرأي .. هاي وافق على الشروط الأمريكية والعربية المدعومة من أمريكا بفتح سفارة سورية ببيروت .. وشاف حاله بعكس التيار قام فتح سفارة سورية ببغداد ... واستقبل لجنة التحقق من الموقع المزعوم أنه موقع لصنع الاسلحة النووية .. وماهنالك
بتعرف شغلة البعض بيحترم بشار الاسد بس بسبب تصاريحك تلك لاأظن أن احد سيحترم تلك الشخصية




سوريا بغض النظر عن النظام البعثي فيها ، ولكن تعتبر من أشرف الأنظمة القومية ،

مع احترامي الشديد .. طز ومية طز بالقومية اذا بدها تكون على حساب لقمة عيش الشعب وكرامة الشعب وحياة الشعب .. أنا مواطن سوري أولاً مسلم ثانياً بعديييييييييييين بالاخير عربي


لها مشاكلها الداخلية إلا أنها الاقوى قومية وعروبية من جميع الدول العربية التي تدعي أنها عربية!


ههههههههههههههههه تدعي أنها عربية؟قلتلي
يارجل دعها تدعي ماتدعي وندعي نحن ماندعي .. ومن يضحك أخيراً يضحك كثيراً
هاي الدول اللي عم تدعي انها ليست بعربية .. ونحن زعمائها بسبب قوميتنا وعروبيتنا ..
هاي الدول تحوي مايقارب المليون مواطن سوري وتؤمن لقمة العيش لأكثر من 5 ملايين مواطن سوري بمن فيهم عوائلهم ... مين الأقوى بهاي الحالة
خسئت القومية والعروبية اذا بدها تنبنى على كرامة الشعب ... سوريا أولاً





مممـ بالنسبة للشطر الأول ، أنـا بفخر فيه كـ رئيس متعلم و فهمان و مثقف ، وجهة نظر!

وانا بفتخر انو رئيسي متعلم ومخلص جامعة انا معك بهالناحية !!

عمتحسسني بكلامك هاد أن اغلبية الشعب جدبان والحمد لله أن رئيسنا طلع أحسن واحد بهالشعب



أنـا عم بحكي عن واقع عربي مخزي للأسف ، بيكفي (خارجياً) أنو الأسد رافض الإنبطاج لـ أمريكا مثل بقية المنبطحين العرب


هدول المنبطحين العرب عم تفوتهم عبلادك بدون فيزا واهلا وسهلا ومابعرف شو يارجل شو هالتناقض بكلامك ... هدول المنبطحين العرب الف مين بيتمنى أنه يحصل على فيزا ليشتغل عندهم ..
هدول المنبطحين العرب خلينا ساكتين احسن .. (اكيد فهمتها لحالك)
هدول المنبطحين العرب بياكلو احلى اكل وبيشربو احلى شرب وبيركبوا افخم السيارات وبيتعلموا احسن تعليم بارقى وافضل الجامعات والمدارس وبيتعالجوا باحسن المستشفيات وباسطين حالهم وشعبهم

حاج تقلي رفض الانبطاح لأمريكا ومابعرف شو ... الاسطوانة المشروخة




وهون بكون عم بقصد لطالما أمريكا و إسرائيل غاضبين على سـوريـا لأنها لم تتبع ملتهم
*ملتهم ما بقصد فيها دينياً فقط ممكن تكون ولاء ، سمع ، طاعة ، ..........
فهي على الطريق الصحيح ،

أول شي مابيجوز تلف وتدور وتضرب مثل بآية قرانية للدلالة على معنى غير ديني ..
تاني شي أي طريق صحيح بتحكي عنو ؟! وشو نهاية هالطريق اللي حيكون فيه نهاية الشعب؟


الإيجابيات عم نشوفها خارجياً ، و السلبيات عم نشوفها داخلياً!

الجبهة الداخلية أن كانت قوية ومتماسكة ومتينة فمن المؤكد أن الاوضاع الخارجية ستكون افضل من الوضع الحالي بكثير ... الاوضاع الداخلية هي الاهم .. الشعب السوري أولاً .. سوريا أولاً .. مصحلة الشعب أولاً .. الوضاع الخارجية ملحوق عليها ..









و ما زلت أرحّب بأي نقاش بنّاء ، نقتنع فيه و نوصل لقناعة :D

أنت تريد أقناعنا بسياسة الأمر الواقح ونجحت بتحوير الموضوع لصالحك





عزيزي أبو حلب...
أنت تقول أنو الرئيس رافع راسك "خارجياً"! ممكن تقلي وين مرفوع راس السوري؟
بالبلدان العربية ولا الأجنبية؟!

انا كنت بدي قول خليها بالقلب تجرح ولاتطلع لبرا وتفضح ... بس رح قول أن رأسي كسوري غير مرفوع بالمغترب لا وبالعكس انا كسوري منبوذ من جميع سفارات الدول الغربية التي قدمت عليها ... وأحمد ربي أن العملاء العرب كما يزعم أخونا رضيوا فيني كمواطن سوري بأدنى الحقوق .. ورضيت وسكتت لأنني مجرد مواطن سوري ... هاي أنا مثال حي عن ملايين المغتربين السوريين في دول العملاء العرب والخونة والانبطاحيين وماهنالك :frown:




صرعتو ربنا من 40 سنة بالسياسة الخارجية الحكيمة مشان تجي تقلي مابلاحظو هلأ !!!!!!!!!!!!!!

أيمت ممكن لاحظو بعد شي 200 سنة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بعدين اذا مابينت النتائج . ليش أنت مفترض أنت أنو منيحة

شوية منطق مشان الله . وخلصونا من هالقصة . أذا حكيت بشكل منطقي وحطيتا النقط على الحروف . ماحدا بيقلك أنو أنت هيك مو وطني . حب الوطن لحال . والدفاع عن الخطأ لحال


اقسملك بالله انو قيمة الباكستاني والبنغالي صارت احسن من قيمة السوري خصوصا محل مو انا قاعد ..
يارجل السفارة السورية بتطلع دينك مشان تنجزلك معاملة بالشهر والشهرين وبيقلك سياسة خارجية .. لك اغلب الدول مشددة عالمواطن السوري وبطلوع الروح وبعد ماتشيب ويلتعن نفسك بيقبلوا فيك انسان درجة عاشرة بس لأنك سوري ... ايمتا كنا نشوف عمالة سورية بتشتغل بالسعودية مقابل 1200 ريال؟؟؟ :shock:
وكلا هاد بسبب السياسات الخارجية ماشالله ..


يا أخي بدك كتير لتفهم على أبو حلب... خارجياً عم يقلك خارجياً كتير... يعني لا بين العرب ولا على مستوى العالم.. هالدول هدول مابيهمو...

هو بيقصد خارجياً على مستوى الكواكب التانيه... يعني بمجرة درب التبان بشكل عام بس نحنا ما منعرف أو بتعرف بسبب بعد المسافات لسا ماوصلتنا الأخبار انو بالزهرة وبعطارد مرفوع راس السوريين..
:o:lol:
شر البلية مايضحك :cry:

لك صحيح هالموضوع مو عن الشب اللي انقتل - الله يرحمو-؟

حلو المواضيع تتشعب و تتوسع شوي لكن بعتقد هون طلعنا كتير عن سياق الموضوع, لذلك بلكي نرجع لسياقو و نخلي النقاش التاني لمواضيع تانية مخصصة أكتر


و شكرا :D

بالاذن منك عمي ياس آسف على تحوير الموضوع بس كان لازم أرد :D

نرجع لموضوعنا الرئيسي ...

ان كان هذا الشخص مجرم وارهابي فلايجوز الرد على الارهاب بالارهاب .. ويجب عمل تحقيق ونشر هذا التحقيق على الملأ لكي يعرف الحق مع مين والحق على مين !

وشكراً:D

يعني انا مستغربه ليش عذبتو حالكون ورديتو ع ابو حلب ...مع احترامي للجميع ....

يعني انا بتابع كل واحد فيكون بالردود وبحترم رأيكون كتير ..وبتعجبني الاراء الي بتطروحها ...بس كان من المفروض انه يطنش وماتردو عليه ......مو مشان شي مشان الجنازه تبع المرحوم ....بس شو طلع بيان بالموضو ولا لأ

لكن بحسن قلك أنو ســوريا الأمل الأخير الصامد في وجه العنجهية و الإستكبار و التسلط الأمريكي الصهيوني الغربي.

يازلمة مابعرف شو صرلي لمن قرأت جملتك الخزعبلائية هاي حسيت أن الدمعة نزلت بقوة من عيني:cry:
أمة عربية واحدة ... ذات رسالة خالدة :cry:

الفتنة قاااااااااااااااائمة.......... ...من اشعلها؟؟؟

ما بعرف لأي درجة ما فهمنا عليك منيح، وخصوصاً مع آية من القرآن فيها طعن واضح بالدينين التانيين!
هاللهجة يا صديقي ما عادت مقبولة في عالم اليوم يللي عم نسعى كلنا فيه لنتكاتف ضد الظلم بكل أشكالو الدينية والسياسية والاقتصادية والاجتماعية... إلخ.
وبتمنى منك ومني نخلي الدين والعبادة على المستوى الشخصي وقضايا الوطن والمجتمع على بقية الصعد العامة.
وقبل ما أنهي حابب ذكرك أنو أميركا ما بتمثل الموقف المسيحي وخصوصاً مع التناقض الصريح بين ما عم تقوم فيه وبين نصوص هالدين اللي تدعو للتسامح والمحبة!
ولا يهمك ما في داعي لتعتذر... إلا ما يحصل سوء فهم... :D.

أنـا كنت بقصد أميركا و إسرائيل ، و شكراً للتفاهم
وبكرر إعتذاري بالنسبة لموضوع الطعن بالأديـان الأخرى ، وفيك تعتبره سـوء تعبير! :D


لك أخي معليه ليش ما تشوفا بغير طريقة, طريقة مختلفة عن العشائرية السياسية شوي...
ليش الغرب حنّش ع سوريا؟
- كان بدو الجيش السوري يطلع من لبنان
- كان بدو يجي رئيس مانو موالي لسوريا
- كانو بدو يصير في تبادل سفارات و تمثيل ديبلوماسي بما يعني التوقيع الأخير باعتراف استقلال لبنان
- كان بدو سوريا تضبط حدودا مع العراق و تتعاون أمنيا مع الأميركان
و شو النتيجة؟
- الجيش السوري طلع من لبنان
- اجا رئيس مانو موالي لسوريا (حيادي ايجابي ازا بدك)
- رح يصير تبادل سفارات و تمثيل ديبلوماسي
- و سوريا شغالة أمنيا مع الأميركان آخر حلاوة, إن كان ع حدود العراق أو غيرها ( و غريب انو يمكن من دول الجوار العربي, أفضل علاقة, أو أقلها سوءا, هي مع الحكومة العراقية العميلة)
انو الغرب ازا فينو يحقق كل هالحكي بدون ما يذلّك, فأحسنلو ما يذلّك.. انو بتعمل حالك قبضاي عليهون و تعلّي صوتك و تشوبر.. هاد كلو ما بيهمهون.. بس عميل اللي بدهون ياه.. بدهون العنبات و طز بالناطور
و سوريا بالنهاية, بشكل أو بآخر, عملت اللي الغرب بدو ياه.. فلذلك ما كتير زابطة انو مناطحين الغرب..


كلامك سليم ، و وجهة نظرك وتحليلك للموضوع سليم ،
بس أنـا بدي أتوقف عند كلمة "كان بدو" ، مزبوط كان بده ، بس بقا هون منرجع لموضوع إحترام سيادة الدولة
يعني لما أنـا بفرض عليك هالشي فرض و إنت غصباً عنك بدك تنفذ ، هون ما عاد في إحترام
أمـا لما بنتناقش نقـاش ، و منحل الموضوع وديـاً مع صفقات يمين و صفقات يسـار ،
و بكون علّمتني أنو بعمري ما بحكي معي بـ هاللهجة هاي ، و ببقى ع طول محترمك و مقدّرك.
هون الفرق بين الـ 2 ( بغض النظر إش هوه الحدث ، أكيـد أكيد سـوريا ما بتطلع من الموضوع بدون ما تكون كسبانه)
كسبانه ممكن تكون سياسياً ، صفقات معيّنة ، ....... إلخ
بالنهاية السياسة فن ، و كل طرف بدو يحقق مكاسب أو مصالح ،

بتمنى تكون عرفت الفرق بين الـ 2 ، و شلون لازم تكون طريقة التعــامل مع إحترام الطرفين. ;)

ياهلا. :D

أخي انت كيف عم تقيس الانتصارات والهزائم مابعرف... انو اذا اجا ساركوزي شرب عنا فنجان قهوة هاد انتصار... وبيروح على اسرائيل بيعمل صفقة عسكرية بـ3 مليارات يورو هاد مو بهدلة لإلنا؟؟؟
طيب سؤال تاني اذا عندك واحد بالحارة منتح راسو وبيضل يعمل مشاكل مشان يضل مستولي على حارتو ومسكت كل السكان... وانت مختار الحارة يلي جنبو شو بتعمل؟؟؟ انو بتروح بتسايرو وبتضحك عليه بكلمتين ومن تحت لتحت بتعمل يلي بدك ياه.... انت معتبر التناحه على الصعيد الخارجي انجاز.. طيب قلي هالإنجاز العظيم رجعلنا الجولان؟؟ جبلنا أسلحة من فرنسا؟؟ خلا فرنسا تطلع قرار من مجلس الأمن تطلب فيه من اسرائيل تطلع من الجولان؟؟
وين الانجاز بالقصة؟؟ انو والله كانو مقاطعينا ومقلعينا ورجعو يحاكونا... والنعم من هيك انجاز انو أنا كل يوم بضربك كف اذا ماضربتك بيكون كتر خيري وبتكون انت حققت انجاز...
وشو مقابل هالإنجازات الخطيره "التناحه" انو يحترق سما الشعب كرمال الصمود والممانعه والتصدي..


هلأ أنـا ما بعرف إش يلي صار بالضبط ، خصوصاً أنو في أمور يُعلن عنها ، وفي أمور لأ
بس بحسن قلك أنو الإنتصارات بتكون لما إنت بتحقق يلي بدّك ياه بأقل خسائر ممكنه ،
ولما بتجبر الكل على أنو يرجع لك و يشوف طلباتك و تنتاقشواً سوياً (دون أي فروض)
و ينحل الموضوع مع إحترام إلك أول شي ، و لشعبك تاني شي.

الموضوع بقارنه مع بقية الدول العربية ، و أقرب مثال كان موضوع القمة العربية
كلنا رأينا كيف أن (كونداليزا رايس) أعطت موعداً لعباس وقت القمة العربية
وفي اليوم التالي ذهبت للأردن للضغط على ملك الأردن بعدم ذهابه للقمة و إرسال مندوب عنه
علماً أن ملك الأردن كان قد أبلغ خطياً القيادة السورية أنه سيحضر القمة.
فـ من هالمثال عزيزي بتحسن تشوف أنو كيف هالدول قرارها مو بإيدها
مع العلم كل من تخلفوا عن القمة ، لم يكن لهم الإختيار فى ذلك ،
فلو أشّرت لهم طنط - كوندليزا رايس - بالحضور فلسوف يأتون القمة ( زحفاً )
فـ أنـا ما بلوم هالزعماء العرب ، بوجه اللوم لبشــار الأسـد لعصيانه طنط كوندا ليزا الخبيثة
فهم بالنهاية قرارهم ليس بيدهم ، وإنما بأيدي الصهاينه والأمريكان ..
عمليـاً بدون سوريا تصبح أمريكا خاسرة فاشلة ، كذلك إسرائيل و لذلك يسعون لضم سوريا لدائرة المفاوضات
هلأ ما حدا يقلي بالنهاية عم يصير يلي بدهن ياه (المهم هالشي عم يصير مع إحترام سيادة الدولة و مع مكاسب ومصالح لسوريا)
هون بكون الفن بالسياسة ، ;)

:D

صرعتو ربنا من 40 سنة بالسياسة الخارجية الحكيمة مشان تجي تقلي مابلاحظو هلأ !!!!!!!!!!!!!!

أيمت ممكن لاحظو بعد شي 200 سنة :?

بعدين اذا مابينت النتائج . ليش أنت مفترض أنت أنو منيحة

شوية منطق مشان الله . وخلصونا من هالقصة . أذا حكيت بشكل منطقي وحطيتا النقط على الحروف . ماحدا بيقلك أنو أنت هيك مو وطني . حب الوطن لحال . والدفاع عن الخطأ لحال


أهلاً أيها المحارب العتيق ،
قصدي أنو ممكن يكون في كتير أمور دُفعت عن المنطقة و عن البلد وعن سـوريا
نتيجة لـ هالمواقف السياسية الخارجية التي ثبتت عليها ســوريا
مثال: وقوفه إلى جانب لبنان ودعمه لـ لبنان ضد إسرائيل ، دفع و صد إسرائيل إنها تحتل المنطقة!
رفضه لمخططات أميركا حيال الشرق الأوسط الجديد ، دفع ضرر كبير كان ممكن يكون على بلدك و ع منطقتك

هاي هيه النتائج يلي كنت عم بحكي عنها ،
و ع فكرة ، أنــا ما عندي أي مشكلة لو أنو نوصل لقناعة مشتركة (خصوصاً إني ما عم بفرض أي رأي)
ومالي متعصّب لأي فكرة ، إنما أنـا عم بطرح وجهة نظر من خلال متابعة ، قراءة و مشاهدة
وكتير عجبتني هالجملة "إذا حكينا بشكل منطقي ما حدا بقلك أنت مو وطني ، حب الوطن لحال .. الدفاع عن الخطأ لحال"
و أنـا أبداً ما بدافع عن خطـأ ، الخطأ خطأ و الصح صح ، لكن ممكن تكون وجهة النظر غير سليمة

يا هلا. :D






-------------------------------


عزيزي maged-syrian ,
أنـا أول شي ما عم قيّم الرئيس كـ كل ، أنـا عم بحكي عن نقاط إيجابية شايفها بـ هالرئيس
إنما بالمقابل في نقاط سلبية ، عم ندينها ..
لهيك أول شي ما تخلط السلبي مع الإيجابي ، لأنو مارح رد أو دافع عن السلبي إطلاقــاً

وطبعاً بالنسبة لإقتباساتك ، فـ أغلبها صرت مجاوب عليها سابقاً بغير ردود مع الزُملاء ،

وانا بفتخر انو رئيسي متعلم ومخلص جامعة انا معك بهالناحية !!
عمتحسسني بكلامك هاد أن اغلبية الشعب جدبان والحمد لله أن رئيسنا طلع أحسن واحد بهالشعب

لا أنـا ما عم قيسه مقارنة مع الشعب ، عم قيس مع زملائه الرؤســاء ، ;)


الجبهة الداخلية أن كانت قوية ومتماسكة ومتينة فمن المؤكد أن الاوضاع الخارجية ستكون افضل من الوضع الحالي بكثير ... الاوضاع الداخلية هي الاهم .. الشعب السوري أولاً .. سوريا أولاً .. مصحلة الشعب أولاً .. الوضاع الخارجية ملحوق عليها ..


كمان مرة أنـا بكلامي و بنقاشي هاد ، أبداً ما عم دافع عن الخطأ و السلبيات ،
بالنسبة لأنو المفروض تكون الأوضاع الداخلية أهم ، أنـا معك بالنقطة هاي
لكن كمان بالمقابل الأوضاع الخارجية أصبحت مهمة خصوصاً بعد أحداث سبتمر و هيمنة أميركا على العالم.





أنت تريد أقناعنا بسياسة الأمر الواقح ونجحت بتحوير الموضوع لصالحك

أنـا بدي نوصل لقناعة من خلال نقاش بنّاء ، أنـا ما عم بفرض أي شي عليك أو على غيرك ،
بنبسط لما بقرأ وجهات نظر وبحترمها ، و ما عندي أي مشكلة لو حسيت أنو وجهة نظري غير سليمة
في حال تبيّن لي هالشي ، من خلال نقاش بنّاء ، :D


***
وبالنسبة للمواطن السـوري ، بالعكس أنـا شايف أنو وين ما رحت و وين ما جيت الكل بيحترم سـوريا (شعوباً)
و أنا أذكر أنو أول مرة رحت فيها ع بلد أجنبي ، سئلت عن جنسيتي مع التخمين إن كنت هولندي أو بريطاني
فـ جاوبت بسرعة أنـا ســوري ،
أول شغلة عملها رفع الإبهام و قالي " Good , Good Syria good bashar assad"
علاوة على ذلك ، لاحظت أنو السوريين غيرواً نظرة الأجانب للعرب (يلي كان بإعتقادهن أنو عرب = خليجي أو سعودي)

أمـا إذا بدك تحكي كـ حكومات ، فـ هاي شغلة سياسية ، يعني حسب الوضع منشتغل
ما بعرف صراحة أنـا عم بحكي عن تجربة شخصية ، :deal:


:o:lol:
شر البلية مايضحك :cry:

بحيي فيك إحترامك للنقاش و إحترامك لأصحاب النقاش ، وياهلا :D

شباب ، ما لازم نطلع كتير عن الموضوع الأصلي ،
كنا عم نقول أنو تحقيق وما تحقيق ، إش صار بعدين ؟ :D