علم المرصد السوري لحقوق الإنسان أن دورية أمنية سورية أطلقت النار مساء اليوم الثلاثاء 14/10/2008 على الناشط الحقوقي سامي معتوق احد نشطاء المرصد السوري لحقوق الإنسان عندما كان يقف أمام منزله في قرية المشرفة على الحدود السورية اللبنانية بحجة ملاحقة مهربين .

جدير بالذكر ان الناشط الحقوق سامي معتوق يبلغ من العمر 31 عاما وهوخريج أدب انكليزي و ابن شقيق المحامي خليل معتوق محامي نشطاء حقوق الإنسان في سورية

إن المرصد السوري لحقوق الإنسان إذ يستنكر بشدة جريمة قتل الناشط الحقوقي سامي معتوق يحمل السلطات السورية المسؤولية الكاملة عن مقتله ويطالبها بتحقيق فوري وشفاف ومحايد وتقديم الجناة إلى المحاكمة .


المرصد السوري

عمبدأ.... يبولون علينا ويقولون تمطر ؟

سبحانك يا ربي .... عميدفنو شعب بكاملو .. تحت ظل قيادتو الحكيمة " بس كلو بدون قصد" وكلو بسبيل الوطن

شعب كامل يفنوه ... بس كرمال الوطن (تبعهم)

الله يرحمو اولاً واخيراً .... بس للوطن أولاً
ويرحمو لسامي

الله يرحمو .. وعقبال اليوم .. اللي يجي ..

ونسمع فيه .. انو في مين يسمع الكلمة .. قبل ما .. يكمّل عليك ..

:D

عمبدأ.... يبولون علينا ويقولون تمطر ؟

سبحانك يا ربي .... عميدفنو شعب بكاملو .. تحت ظل قيادتو الحكيمة " بس كلو بدون قصد" وكلو بسبيل الوطن

شعب كامل يفنوه ... بس كرمال الوطن (تبعهم)

الله يرحمو اولاً واخيراً .... بس للوطن أولاً
ويرحمو لسامي
هلق الوطن كلو صار ممثل بالمرحوم سامي ؟؟

هلق الوطن كلو صار ممثل بالمرحوم سامي ؟؟

لا سيمو ..

بس .. اللي عم يصير .. والتكرار بهي العمليات .. وتخريس الناس .. بهيك طريقة .. وتخويفهم ..
عم تكون يا كون هالشعب متل ما بدنا .. يا اما اللي ما عجبو .. ما بدنا ياه ..

لزلك كان كاتب .. الوطن ابو حميد .. واكيد .. المرحوم سامي جزء من هاد الوطن ومن القلام .. اللي كانت عم تعبر عن وجهة نظرها .. " سواء كانت وجهة نظرو صحيحةة او خاطئة .. "

:D

ع راسي الرايق ابو اليمن والله:D
خيو هلق الغريب انو ما منسمع بهيك اشياء كتير نحنا ... انتو عم تعايشوها ف اكيد بتعرفو اكتر و بتسمعو اكتر بس انو قصدي الواحد من هيك ناس ما بينعرف الا بعد ما يموت او يصرلو شي طيب ليش ؟؟؟

ليش مثلا ما في عالم بتحكي عن ناس متل المرحوم سامي على حياة عينن؟؟
يعني هون باخوية ما شالله المعارضين للحكم كتار ... خليهن يعملو شي موضوع يذكرولنا فيه اعلام المعارضو الشريفة و عن شو بيحكو و هيك امور يعني ....

هلق مثلا انا متلي متل كتيرين هون اول مرة بسمع بالمرحوم سامي ...

يعني مثلا يا يمان : مين هاد سامي؟؟؟ كل اللي عوفتو انا ( ما بدي احكي عن غيري اخي كل واحد بيحكي عن حالو بس بتوقع انو في كتيرين ناس متلي ما بيعرفو منو هاد سامي معتوق) انو خريج ادب انكليزي و الله ترى هو من المعاضة و مشان هيك قتلوه ....
اي يعني بلا مؤاخذة ماننا ولاد صغار ... بقى نورونا و احكولنا عن هالناس حاجة كل واحد فيكن بيجي و بيكتبلي شي اسم هون و بيقعد بيفخم فيه و بيقلك معقول مثلا يا رجل ما بتعرف فلان ؟؟؟؟؟ يا زلمي ولك هاد فلان يا رجل اشهر من نار على علم و بياخدك و بيجيبك بالحديث و كانو هالشخص عنجد شغلة كبيرة و بالحقيقة انت ما بتعرف عنو شي ...
فهمت عليي حبيبي؟؟ ولا اشرحلك اكتر ؟

اي وانا معك .. لزلك كتبتلك فوق ..

لزلك كان كاتب .. الوطن ابو حميد .. واكيد .. المرحوم سامي جزء من هاد الوطن ومن القلام .. اللي كانت عم تعبر عن وجهة نظرها .. " سواء كانت وجهة نظرو صحيحةة او خاطئة .. "

كتبتلك ياها .. لاني انا كمان بنفس الوضع .. وفي كتير عالم .. مالها معروفة .. بالنسبة لشريحة كبيرة ..
هلا بغض النظر عن طريقة الحكي وشو ما كانت .. ما حقك تاخد حياة انسان كرمال تخرسو .. فيك تواجهو .. تقنعو بالحكي يصير في نقاش .. ازا لقيت انو فعلا حيط .. وانت .. واثق من حالك انو .. انت فعلا كلامك واقعي وصح ... ولقيتو لسا معند .. خلص بتعرف انو من العاللم اللي بدا تعارض لتعارض وبس .. بس ما حقك ابدا انك تقتلو مثلا او تسجنو .. لا .. ورجي العالم كلو انو هوة غلطان وكلو بيزبلو وما بعود بيسمعلو ..

اما منشان شغلة عرفونا وقلولنا عنن من قبل وهيك .. فهاد موضوع تاني .. اللي بحب يتكلف فيه او يساعدك فيه او انت تدور مالو علاقة هون ..

عراسي بو السيم ..:D

يعني ليك بربك كمان هنن كيف ناشرين الخبر وكانو رفع عتب حاسو يا رجل :

جدير بالذكر ان الناشط الحقوق سامي معتوق يبلغ من العمر 31 عاما وهوخريج أدب انكليزي و ابن شقيق المحامي خليل معتوق محامي نشطاء حقوق الإنسان في سورية

طيب انا وقت بسمع هيك معلومات عن هيك رجل بقلك ما عندة هالاهمية البالغة الخطورة لحتى يستهدفوه و يقتلوه يعني ...

الناشط الحقوقي سامي معتوق احد نشطاء المرصد السوري لحقوق الإنسان
يعني هو الشب بيشتغل لصالح المرصد السوري حلو الكلام ؟ و شوف انت الخبر كيف صايغينو يا رجل عنجد و كانو رفع عتب ... انو والله خيو كان في عنا واحد يشتغل معنا اسمو سامي معتوق والله و مات .... قال قتلوه المخابرات ... بدنا محاكمة بالله خيو ... لا شو رايك جبلك اركيلة كمان ؟؟؟:?
اي بربك شو هالمرصد السوري العظيم هاد ؟؟ و بعدين منو هنن هدول تبعون المرصد؟؟ و مين عم يرصد ؟؟ شو اهدافو مين مؤسسينو؟؟
يا رجل في اسماؤ غريبة عجيبة كل يومين بتطلع امرهن غريب والله :shock:

ممكن بالله العظيم ( و عم اطلب بكل جدية لانو ما بعرف ) ممكن شي حدا بس هيك يذكرلي اسماء المواقع او الجماعات المعارضة للحكم و مين بيمثلها ؟؟؟ و شو عم يشتغلو م منين اسسو حالن و ثرواتهن و شو هيي اهدافهن ؟؟؟ مشان الواحد اذا اقتنع يصير يعارض معن يعني :larg:

اي وانا معك .. لزلك كتبتلك فوق ..



كتبتلك ياها .. لاني انا كمان بنفس الوضع .. وفي كتير عالم .. مالها معروفة .. بالنسبة لشريحة كبيرة ..
هلا بغض النظر عن طريقة الحكي وشو ما كانت .. ما حقك تاخد حياة انسان كرمال تخرسو .. فيك تواجهو .. تقنعو بالحكي يصير في نقاش .. ازا لقيت انو فعلا حيط .. وانت .. واثق من حالك انو .. انت فعلا كلامك واقعي وصح ... ولقيتو لسا معند .. خلص بتعرف انو من العاللم اللي بدا تعارض لتعارض وبس .. بس ما حقك ابدا انك تقتلو مثلا او تسجنو .. لا .. ورجي العالم كلو انو هوة غلطان وكلو بيزبلو وما بعود بيسمعلو ..

اما منشان شغلة عرفونا وقلولنا عنن من قبل وهيك .. فهاد موضوع تاني .. اللي بحب يتكلف فيه او يساعدك فيه او انت تدور مالو علاقة هون ..

عراسي بو السيم ..:D
صحيح يمان كلامك عالعين والراس
هلق انا بتوقع انو شغلة القتل صرات اسلوب كتير قديم و في امثلة كتير على هالشي انو في عالم مشهورة و اسماء كبيرة ما انقتلت و انما انحطت بالسجن ...
هلق ما رح نختلف انو اللي صار غلط و جريمة و لازم اصحابها يتعاقبو عليها
اما مشان البقية فهي اعتبرها متل بداية لغير موضوع خلي شي حدا من الشباب يتكرم علينا و يفتحو :D

يعني هو الشب بيشتغل لصالح المرصد السوري حلو الكلام ؟ و شوف انت الخبر كيف صايغينو يا رجل عنجد و كانو رفع عتب ... انو والله خيو كان في عنا واحد يشتغل معنا اسمو سامي معتوق والله و مات .... قال قتلوه المخابرات ... بدنا محاكمة بالله خيو ... لا شو رايك جبلك اركيلة كمان ؟؟؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اي بربك شو هالمرصد السوري العظيم هاد ؟؟ و بعدين منو هنن هدول تبعون المرصد؟؟ و مين عم يرصد ؟؟ شو اهدافو مين مؤسسينو؟؟
يا رجل في اسماؤ غريبة عجيبة كل يومين بتطلع امرهن غريب والله ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ممكن بالله العظيم ( و عم اطلب بكل جدية لانو ما بعرف ) ممكن شي حدا بس هيك يذكرلي اسماء المواقع او الجماعات المعارضة للحكم و مين بيمثلها ؟؟؟ و شو عم يشتغلو م منين اسسو حالن و ثرواتهن و شو هيي اهدافهن ؟؟؟ مشان الواحد اذا اقتنع يصير يعارض معن يعني ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

سيمو هلا لو حدا من الشباب .. واشتغل هيك شي .. بكون هوة عبالو ..
بس في 100 طريقة وطريقة .. لو بدك بتصل لايا تساؤل انت بدك توصلو .. روح وبحبش ..
ودور .. وازا بدك شي خاص عن جدا ما معين .. اسال بجوز تستفيد سساعتا .. اما تحكي بشكل عام ..
ما بتوقع انو هاد الشي ضروري حاليا .. " يعني بشوف صراحة من وجهة نظري انو مو مع فتح هيك موضوع .. وتحليل كل موقع وكل فئة من المعارضة .. نظرا لانو التحليل بجوز يكون شخصي اكتر مانو .. تحليل .. حيادي او تحليل .. فينا نقول .. مجتمع عليه " .. لزلك عم قلك روح ودور وبحبش واقرا .. حتلاقي كتير وجهات نظر كتيرة ..
وقت بتاخد من اكتر من مصدر .. وبتقارن انت بعقلك .. بصير عندك الخلفية اللي بدك ياها .. واللي عم تطلبا واللي انت شفتا .. احسن ما تاخد صورة جاهزة ..:D

سوري لانو خرجنا شوي عن الموضوع .. :D

والله يا شباب ما منقدر ننكر انو في ناس كتير بتاجر بالقضايا... يعني بيستغلو اسم شهيد أو اسم معتقل أو اسم قضية وبيصيرو يطبلو فيها مع انو هنن بيكون علاقتون بهالقضية متل علاقة أي واحد من سكان المكسيك بأي معارض سوري معتقل...

بالفعل بيكون الشخص مو معروف أحياناً وقدم شي للبلد متل حالتنا هون انو استشهد.. بيجيك 100 حقير بيتاجر بقضيتو مع انو أول مرة بيسمع باسمو...وبيجيك 100 موقع معارض بيصير الزلمه من جماعتون ومحسوب عليون متل موقع خدام مابيصير شي مع حدا من البلد غير بيطلع حبيبون وزلمتون... مع انو بشرفي بيكونو مابيعرفو مين هاد...

ماعلينا منرجع للموضوع حبيبنا was616im للأسف مافينا نختصر توصيف جيد أو سيئ على أحد لا على المعارضة ولا على السلطه بحكم انو التوصيفات نسبية وفضفاضة بس يلي بقلك ياه انو في أطياف من المعارضة السورية متل ربيع دمشق وإعلان دمشق ومنظمات المجتمع المدني ماحدا بيقدر يشكك بنزاهتون وبوطنيتون...

هلئ هي نقطه بس كمان ما بنكر انو تحت نطاق هالاسم العريض يلي هو معارضة كمان بيندرج سفله متل خدام والغادري وماشابه.. إذاً التوصيف الشمولي مستحيل لأنو فيه تجني كبيير....مع العلم انو أنا مابقدر سمي هالسفلة معارضة.

هون في نقطه بدي وضحلك ياها انو مواقع متل المرصد السوري لحقوق الانسان ومركز أخبار الشرق وهالكم موقع يعني لسا إلون شوية مصداقية بحكم انو مانون محسوبين على حدا بشكل مباشر وانما هنن منظمات تدعي الاستقلالية ولحد هلأ ماثبت عليون غير هالحكي..

طبعاً بعكس موقع مأمون الحمصي ومايسمى بإعلان دمشق" أمانة بيروت" وموقع سوريا الحره وموقع شبكة الأخبار العربية يلي كل واحد محسوب على طرف معين بيخليه يفقد أي مصداقية...

عوده للخبر الله يرحم الشهيد وبالفعل التستر على الفاعل وعدم محاكمته أمام الرأي العام هو مشاركة بالجريمة..

لاتأخذونا طولنا عليكون

المحامي خليل معتوق :الأمن السوري أطلق النار على الناشط الحقوقي سامي معتوق عن بعد متر واحد


اتهم الناشط الحقوقي السوري المحامي خليل معتوق الأمن العسكري السوري تحديدا بالوقوف خلف إصدار قرار بإطلاق النار بشكل عشوائي على مجموعة من الشباب السوريين جالسين أمام منازلهم بالقرب من الحدود السورية ـ اللبنانية على نحو أدى لمقتل شخصين.


وأوضح المحامي خليل معتوق في تصريحات خاصة لـ "قدس برس" أن دورية أمنية سورية أطلقت النار مساء أمس الثلاثاء (14/10) على الناشط الحقوقي سامي معتوق أحد نشطاء المرصد السوري لحقوق الإنسان عندما كان يقف أمام منزله في قرية المشرفة على الحدود السورية اللبنانية بحجة ملاحقة مهربين، وقال: "لقد أطلق مجموعة من ضباط الأمن السوري الذين جاؤوا إلى القرية بشكل مفاجئ النار على الشبان الثلاثة على بعد متر واحد، فقتلت سامي وأحد أصدقائه، وقد كان بإمكانهم إلقاء القبض عليهم، لأنهم كانوا عزل ولم يبدوا أي ممانعة في التجاوب مع الضباط".
ورفض المحامي معتوق القول بأن عملية القتل كانت بقرار مسبق ومتعمد، لكنه قال: "لا أستطيع أن أقول إن عملية القتل تمت عن سابق إصرار وترصد، ولكنني أجزم بأن مقتل سامي معتوق وزميله كان أحد نتائج الخلافات بين الأجهزة العسكرية والمهربين على بعض الأمور التفصيلية، ذلك أن التهريب في هذه المناطق يتم بالتنسيق بين المهربين وأجهزة الأمن، وليس عملا بعيدا عن أعين الأمن".


ونفى معتوق أي علاقة لضخامة عدد قوات الأمن التي تحرس الحدود السورية ـ اللبنانية بمكافحة الإرهاب أو التهريب، وقال: "لا أعتقد أن تواجد القوات السورية على الحدود مع لبنان يأتي لمكافحة الإرهاب أو التهريب، ذلك أن الإرهاب غير موجود، أما التهريب، وتحديدا تهريب المازوت، فيتم بالتنسيق بين المهربين وأجهزة الأمن"، كما قال.


وكان المرصد السوري لحقوق الإنسان قد استنكر في بيان له أرسل نسخة منه لـ "قدس برس" بشدة عملية القتل التي تعرض لها أحد نشطائه على الحدود السورية ـ اللبنانية، وحمل السلطات السورية المسؤولية الكاملة، وقال البيان: "إن المرصد السوري لحقوق الإنسان إذ يستنكر بشدة جريمة قتل الناشط الحقوقي سامي معتوق يحمل السلطات السورية المسؤولية الكاملة عن مقتله ويطالبها بتحقيق فوري وشفاف ومحايد وتقديم الجناة إلى المحاكمة".


يذكر ان الناشط الحقوق سامي معتوق يبلغ من العمر 31 عاما وهوخريج أدب انكليزي وابن شقيق المحامي خليل معتوق محامي نشطاء حقوق الإنسان في سورية.



المرصد السوري

يعني شو رح نتوقع من عصابات المافيا اللي بتسمي حالها اجهزة امنية , وخاصة انو كلن محميين بقوة القانون , قانون الغاب الاسدي اللي بيمنع المواطن يعترض على تصرفات هالوحوش البشرية

لك الفلسطينيين بيحقلن يرفعوا دعاوي قضائية على الاسرائيليين اللي عم يقتلوا فين , والمواطن السوري ببلدو بيموت متل ال........ ما الو اي قيمة

لعنة الله عليهم و على هيك امن

الله يرحم كل صاحب كلمة حق .ويرحم كل صاحب قضية عادلة

في شي حدا يشرحلنا عن نشاطاتو الحقوقية ؟؟

أكيد كان نشاطه إله تأثير ع الوحدة الوطنية ، ;)

ورفض المحامي معتوق القول بأن عملية القتل كانت بقرار مسبق ومتعمد، لكنه قال: "لا أستطيع أن أقول إن عملية القتل تمت عن سابق إصرار وترصد، ولكنني أجزم بأن مقتل سامي معتوق وزميله كان أحد نتائج الخلافات بين الأجهزة العسكرية والمهربين على بعض الأمور التفصيلية، ذلك أن التهريب في هذه المناطق يتم بالتنسيق بين المهربين وأجهزة الأمن، وليس عملا بعيدا عن أعين الأمن".

شايف شلون....يعني القصة هي على هوا عم القتيل ما عم يحكي انو مشكلة تهريب مو مشكلة نشاط سياسي...بما انو التهريب عم يتم بالاتفاق بين المهربين و الاجهزة الامنية معناها شي بعيد كتير عن نشاط الزلمي السياسي المعارض مو هيك؟؟

شايف شلون....يعني القصة هي على هوا عم القتيل ما عم يحكي انو مشكلة تهريب مو مشكلة نشاط سياسي...بما انو التهريب عم يتم بالاتفاق بين المهربين و الاجهزة الامنية معناها شي بعيد كتير عن نشاط الزلمي السياسي المعارض مو هيك؟؟

أخي حتى لو شو ماكانت المشكله.... في قتيل بالنص يلي لازم يصير تحقيق نزيه وتحديد مسؤولية ومحاكمات عادلة... بسيطة القصة يعني بغض النظر عن الشخص ومين وكيف وليش... الوضع الطبعي هيك يصير.

في شي حدا يشرحلنا عن نشاطاتو الحقوقية ؟؟

"شو درس علوم"

الزلمة الو سوابق بالدفاع عن معتقلين الرأي وعلى رأسهم ميشيل كيلو

"شو درس علوم"

الزلمة الو سوابق بالدفاع عن معتقلين الرأي وعلى رأسهم ميشيل كيلو
مازالك بتعرف هات لنشوف نورنا

مازالك بتعرف هات لنشوف نورنا

يا خيي .. مضطر اني انحرف عن الموضوع شوي معكن

قبل ما نخبرك شو نشاطاتو

فيك تخبرني نشاطات واهتمامات شو عندن خطط حققوها وبدن يحققوها شو انتجو ... سيادة رئيس دولتكن واعضاء دولتو الرشيدة والحكيمة .. والشباب اللي تحت ايدو .. والعساكر الي عندو .. والضباط والاجهزة الامنية واللامنية
فيك تخبرني كل اللي ذكرتن انا هلئ ... شو بيعرفو عن هال 20 مليون مواطن ؟
بيعرفو اكتر من شو عميحكي وعميفكر .. بيعرفو اكتر من شو عميقبض وشو عميدفع
بيعرفو انو المواطن .. لما يطالب بشي .. باسوئ الحالات .. وباسوأ الحضارات .. وباسوأ الدول .. هية اول شي بياخدو ... بس عندهن هنن ان اخدو ولا ما اخدو متل رجلهن
شو بيعرفو عن هالمواطن .. غير اللي بيخدم مصلحتن الشخصية وبيخدم الجيبة ؟

بس تجبلي الاجابة الشافية والوافية عن كل هالاسئلة .. اللي من حئي اعرفها باعتباري مواطن سوري .. من ارض سورية ..

وقتها عندي استعداد اكرتلك كل شي بتحب تعرفو عن كل شي بيتعلق بالمرصد السوري لحقوق الانسان ونشاطاتو الحقوقية .. وكل شي اعضاء عندهن وكانو عندهن .. وكل شي اسمو معارض بالمعنى الايجابي للمعارض

أكيد كان نشاطه إله تأثير ع الوحدة الوطنية ، ;)

يحرء حريشك شو دمك خفيف وزريف كتير :o:o
هلق يازلمة من كل عقلك عم تحكي اذا كان هاد الشخص اله تأثير على الوحدة الوطنية كما تزعم حضرتك يقتل بهذه الطريقة الهمجية ولايقدم الى محاكمة عادلة أمام الملأ !!... ياعيب الشوم بس اديش ارواح البشر رخيصة عندك وعند اسيادك :jakoush:

أخي حتى لو شو ماكانت المشكله.... في قتيل بالنص يلي لازم يصير تحقيق نزيه وتحديد مسؤولية ومحاكمات عادلة... بسيطة القصة يعني بغض النظر عن الشخص ومين وكيف وليش... الوضع الطبعي هيك يصير.
يا عيني عليك هاد حكي بينسمع .... انو في قتيل و في قاتل و لازم يصير تحقيق اما انو والله كل ما دق الكوس بالجرة تقومو الدنيي و ما تقعدوها و من شخص ما حدا نهائيا سمعان عنو شي ينعمل فجاة بطل مغوار و مناضل لا يشق له غبار:shock: و ما تخلو كلمة عالرئيس و النظام و الامن ما بعرف شو و و كتم الحريات اي يعني بلا مؤاخذة بس بدها شوية عقل الشغلة ....
تحياتي :D

يا خيي .. مضطر اني انحرف عن الموضوع شوي معكن

مين نحنا ؟؟

يا خيي .. مضطر اني انحرف عن الموضوع شوي معكن

قبل ما نخبرك شو نشاطاتو

فيك تخبرني نشاطات واهتمامات شو عندن خطط حققوها وبدن يحققوها شو انتجو ... سيادة رئيس دولتكن واعضاء دولتو الرشيدة والحكيمة .. والشباب اللي تحت ايدو .. والعساكر الي عندو .. والضباط والاجهزة الامنية واللامنية
فيك تخبرني كل اللي ذكرتن انا هلئ ... شو بيعرفو عن هال 20 مليون مواطن ؟
بيعرفو اكتر من شو عميحكي وعميفكر .. بيعرفو اكتر من شو عميقبض وشو عميدفع
بيعرفو انو المواطن .. لما يطالب بشي .. باسوئ الحالات .. وباسوأ الحضارات .. وباسوأ الدول .. هية اول شي بياخدو ... بس عندهن هنن ان اخدو ولا ما اخدو متل رجلهن
شو بيعرفو عن هالمواطن .. غير اللي بيخدم مصلحتن الشخصية وبيخدم الجيبة ؟

بس تجبلي الاجابة الشافية والوافية عن كل هالاسئلة .. اللي من حئي اعرفها باعتباري مواطن سوري .. من ارض سورية ..

وقتها عندي استعداد اكرتلك كل شي بتحب تعرفو عن كل شي بيتعلق بالمرصد السوري لحقوق الانسان ونشاطاتو الحقوقية .. وكل شي اعضاء عندهن وكانو عندهن .. وكل شي اسمو معارض بالمعنى الايجابي للمعارض
مرحبا ابو حميد
اول شي طول بالك و روق معي حبتين يخليلي عينك شغلك سيكارة اذا بتدخن :larg:
خيو تاني شي دولتنا و ئيسنا هنن دولة و رئيس كل السوريين شاؤوا ام لا ...
تالت شي انت عن اي دول بالعالم عم تحكي انو حضارات و الله و ما بعرف شو و بيعطوهن على الاقل بس اللي بيطالبو فيه.؟؟؟ يعني لسى بيعطوهن زيادة؟؟ منين بتجيب هالتخيلات العظيمة يا رجل؟؟؟؟ هلق بيقللي بالدول الراسمالية الكبرى :shock: او بكوبا :o
رابع شي نسيتو :?
سلامات ميدو :D

نعم يا سادتي من قتل يمثل الوطن فإن لم يك الوطن ممثلا بمجموعة مواطنيه فبما نمثله بتلك الهتافات الفارغة في كل " عيد وطني " بالروح بالدم ..وتسيل دماء طاهرة إن لم يمت فقد سالت دمائه في جلسة تعذيب ..إن لم يمت برصاصة كانت تلاحق "المهربين المدعومين اصلا من مطلق الرصاصة " فقد سالت الدماء من عينيه حمراء قاتمة لإنه لا يملك لأولاده رغيفا ...
لأيمت بدنا نضل ساكتين اليوم مات ..بكره بنقتل كلنا ...
شو الحل حدا يقلي؟
خسئتم يا عصابات الموت ..
الحرية لنا..
تحياتي الحارة
ظل جيفارا

تقــريــــر لجنــــة تقــصي الحقـائــق الخاصــة بحادثة قرية المشيرفة السورية


نتيجة للغط والروايات المتناقضة والمتعددة المصادر التي تناولت حادثة قرية المشيرفة السورية ( غرب مدينة حمص ) ، والتي أسفرت عن سقوط عدد من القتلى والجرحى ، قامت لجنة مشتركة لتقصي الحقائق بزيارة قرية المشيرفة بتاريخ 19 / 10 / 2008 وذلك للوقوف على حقيقة ماجرى من أحداث مؤسفة مساء يوم 14 / 10 / 2008 .

وبعد معاينة اللجنة لمكان الحادث وتوثيقها لشهادات شهود عيان بالاضافة إلى أحد الجرحى خلصت اللجنة إلى الحقائق التالية :

1-رصدت اللجنة في مكان الحادث بقالية صغيرة يفصلها شارع ضيق ( لايتجاوز عرضه 6 امتار ) عن منزل الضحية سامي معتوق وامام البقالية كان هناك مقعد طويل يتسع لثلاثة أشخاص مغطى بحصيرة ، ولدى الكشف عنها وجدت اللجنة آثار دماء كثيرة تغطي المقعد إضافة لوجود بقعة كبيرة من الدماء تغطي الأرض مع وجود ( شحاطة ) ملوثة بالدم تعود للضحية المغدور سامي معتوق ، كما شاهدت اللجنة بوضوح كامل آثار عيارات نارية متعددة على الجدران والأشجار وواجهة البقالية يتراوح إرتفـاعها ( 50 سم – 150 سم ) ، كما عاينت اللجنة إحدى الطلقات التي إخترقت البراد المخصص للمرطبات داخل المحل ، كما شاهدت اللجنة آثار طلقات عديدة إخترقت زجاج البقالية المجاورة التي تبعد عن مكان الواقعة حوالي / 20 م / تتطابق وتتماثل مع الفجوات المعاينة في مكان الحادث ، الأمر الذي يؤكد رواية الشهود بأن السيارة المهاجمة بدأت بإطلاق النار منذ لحظة ظهورها وحتى لحظة مغادرتها مكان الحادث .

2-أكد شهود عيان للجنة أن السيارة المسلحة (بيك آب نوع شيفروليه – حمراء اللون منصوب فوقها مدفع رشاش آلي متوسط ) قامت بإطلاق النار الكثيف فور ظهورها على الأشخاص المتواجدين أمام البقالية وذلك دون أن توجه أي إنذارأو تحذير .

3-أكد الشهود للجنة بأن الدورية المسلحة المهاجمة لم تتوقف لمعرفة نتائج هجومها أو لسحب الجثث أو للتحقق من وجود جرحى وهو الأمر الذي يعزز قناعتنا بأن الهدف الرئيسي للعملية كان يتقصد القتل وليس الإعتقال .

4-أكد جميع الشهود وبشكل قاطع عدم حيازة الضحايا لأي نوع من أنواع السلاح أثناء تواجدهم أمام البقالية بلباس راحة منزلي ( شورت – بيجامة – شحطات ) الأمر الذي يؤكد عدم تبادل لاطلاق النار مع الدورية المسلحة كما زعمت بعض المصادر .

5-فوجئت اللجنة بأنه ( حتى ساعة إعداد هذا التقرير) لم تقم أي جهة حكومية وعلى أي مستوى بالتحقيق في ملابسات هذه الحادثة بالرغم من النداءات المتكررة لذوي الضحايا وأهالي القرية وبعض المحامين والعديد من المنظمات الحقوقية السورية لفتح تحقيق فوري في القضية ، علما بان أهالي الضحايا مايزالون يتحفظون على كافة الأدلة المتعلقة بالحادثة من آثار دماء وآثار الطلقات بإنتظار وصول لجنة حكومية مختصة للتحقيق .

6-أسفرت الحادثة المؤسفة عن سقوط قتليين ( سامي معتوق – جوني سليمان ) وجريحين ( ايهاب ديب – يوسف ابراهيم ) .

التوصيــــــــات :

1-فتح تحقيق فوري وجدي وعادل من قبل القضاء المختص والتحقق من وقائع الحادثة وإتخاذ كافة الاجراءات القانونية بحق كل من يثبت تورطه في القضية سواء كان منفذا أو شريكا أو مخططا .

2-إلقاء القبض على الجناة وإحالتهم إلى القضاء المختص بأسرع وقت وإنزال أقصى العقوبات بحقهم بما يتلائم مع يشاعة الجريمة .

3-إلغاء كافة المراسيم والقرارات والتوجيهات التي تبيح للسلطات الأمنية إنتهاك حقوق المواطنين والاستهانه بامنهم وسلامتهم .

تعرب اللجنة عن أملها بأن تتحمل السلطات السورية مسؤولياتها القانونية الكاملة تجاه مواطنيها عبر القيام بالكشف عن ملابسات هذه الحادثة المفجعة وتقديم كافة الجناة المتورطين بها مهما كان موقعهم إلى القضاء المختص .

لجنة تقصي الحقائق

1-عبدالكريم ريحاوي ( رئيس الرابطة السورية للدفاع عن حقوق الإنسان ) .

2-د. إلياس حلياني ( رئيس التجمع العلماني الديمقراطي الليبرالي ) .

3-د. أسامة نعيسة (لجنة المتابعة في قضايا المعتقلين والمنفيين ومجردي الحقوق المدنية والجنسية ) .

4-سعد جرجس ( نائب رئيس لجان الدفاع عن الحريات الديمقراطية وحقوق الإنسان في سوريا ) .

5-أحمد الخازم ( المنسق العام للشبكة السورية لحقوق الإنسان ) .

المرصد السوري لحقوق الإنسان

مرحبا ابو حميد

خيو تاني شي دولتنا و ئيسنا هنن دولة و رئيس كل السوريين شاؤوا ام لا ...
تالت شي انت عن اي دول بالعالم عم تحكي انو حضارات و الله و ما بعرف شو و بيعطوهن على الاقل بس اللي بيطالبو فيه.؟؟؟ يعني لسى بيعطوهن زيادة؟؟ منين بتجيب هالتخيلات العظيمة يا رجل؟؟؟؟ هلق بيقللي بالدول الراسمالية الكبرى :shock: او بكوبا :o


لا سيدو اسمحلي قلك دولتنا هي دولة المنتفع منها واللي ماشية مصالحو معها, وهدا الرئيس بس يسترجي يعمل انتخابات حرة من دون تدخل المخابرات , ويلاقي خمسة بالمية تنتخبوا ساعتها تعى قلي هدا رئيس للسوريين .

واي بكل دول العالم صار الواحد لما عم يطالب عم يطلعلوا, بس المشكلة لما بيكون عندك دول ما بيحقلوا الواحد اصلا يفكر انو يطالب

.

5-فوجئت اللجنة بأنه ( حتى ساعة إعداد هذا التقرير) لم تقم أي جهة حكومية وعلى أي مستوى بالتحقيق في ملابسات هذه الحادثة بالرغم من النداءات المتكررة لذوي الضحايا وأهالي القرية وبعض المحامين والعديد من المنظمات الحقوقية السورية لفتح تحقيق فوري في القضية ، علما بان أهالي الضحايا مايزالون يتحفظون على كافة الأدلة المتعلقة بالحادثة من آثار دماء وآثار الطلقات بإنتظار وصول لجنة حكومية مختصة للتحقيق .




ليش ايمتى الن بالعادة يقتلو حدا ويحققوا بمقتلو, بعدين حتى لو حققوا , اذا رئيس النظام اعطى القتلة حصانة , انو خيو قوصوا على كيفكن هدا البني الادم اللي اسمو سوري ما بيسوى شي في دولة الاسد , فشو الفائدة


انشاء الله بس يكون في توثيق لهيك جرائم , مشان لما بتجي ساعة الحقيقة تتم محاكمة رؤوس هالنظام على كل هالجرائم

يحرء حريشك شو دمك خفيف وزريف كتير :o:o
هلق يازلمة من كل عقلك عم تحكي اذا كان هاد الشخص اله تأثير على الوحدة الوطنية كما تزعم حضرتك يقتل بهذه الطريقة الهمجية ولايقدم الى محاكمة عادلة أمام الملأ !!... ياعيب الشوم بس اديش ارواح البشر رخيصة عندك وعند اسيادك :jakoush:



بدك كتير لحتى تفهم المغزى بردّي ، حاول مرة أخرى :D


;)

بدك كتير لحتى تفهم المغزى بردّي ، حاول مرة أخرى :D


;)

أنا فهمتو انت عم تتمسخر على جماعة النظام وتلفيق التهم للبشر وتخوين الناس عالطالع والنازل ماهيك؟

أنا فهمتو انت عم تتمسخر على جماعة النظام وتلفيق التهم للبشر وتخوين الناس عالطالع والنازل ماهيك؟



... :deal: ...

بدك كتير لحتى تفهم المغزى بردّي ، حاول مرة أخرى :D


;)


آخر شيء انا كنت متوقعه أنك انت تحكي بالالغاز :o

أظن أن هاذا الموضوع جدي ومابيحتمل اسلو الالغاز والمسخرة ماهيك!!