سعادة الإدارة الكريمة الفائقة القداسة... تحيّة وبعد

أودّ السّؤال عن نمطٍ من أنماط الخطوط العربيّة وهو Traditional Arabic! هل من الممكن إدراجه بين الخطوط المستعملة؟ فهو، على جمالِه، أفضل الخطوط المتناسبة مع حركات الإعراب، كما أنّه الأقرب إلى خطّ "النسخ".

مع التحيّة والشّكر.

بعتقد أكتر قسم منزل فيه مواضيع أنت هو البريد :p
عم أمزح معك ولو بلا زعل :pos:
:D

ساندرا يا حبيبتي ما لي أراكِ تمازحين بحياءٍ دونه حياء؟!
سُألتُ يوماً عن الأقسام التي أحبّ فأجبتُ البريدَ... أوَ تشكّين بصحّة هذا الكلام؟!

واللهِ وباللهِ وتالله وبكسرِ الهاءِ مثنى وثلاث ورباع وباللاتِ والعزّى ومناة وكلّ آلهةِ الدنيا إنّي لأحبّك حباً جماً يفوقُ بجمالِه زنبقةً ترتديَ ندى الصّباح عندَ فجرٍ أحمر.

وإنَّ من يزعلَ منك لهو أخرقٌ أحمق لا يفهم في عرفِ النّساء!

يا إدارةً مقدّسةً أغيثوني وأمطروا عليَّ رذاذاً من غيثِ خطوطِكم العربيّة علّي أقفل صفحتي وأفتح بريداً آخرَ قد احمرَّ واشتعلَ تحت رمادٍ يأبى التناثر أمام عواصف الانتظار!

و الله يا صديقي لازم نشوفلك الوضع.. انا ما عندي صلاحيات اضافة خطوط و ما بعرف ازا ممكن ينعمل هالشي, رح ابعت لحسام يشوف شو الوضع


انو وين هالغيبة :D

و الله يا صديقي لازم نشوفلك الوضع.. انا ما عندي صلاحيات اضافة خطوط و ما بعرف ازا ممكن ينعمل هالشي, رح ابعت لحسام يشوف شو الوضع
انو وين هالغيبة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لك ميت أهلا وسهلا بالغالي... بس خيّو شو بدّك فيّ أنا زلمة محدا يسأل عنّي ولا حتّى بسيجارة!
الله وكيلك مبارح لوصلت وهالمرّة بدّي كبّ هالمرساة وما عاد أتحرّك بنوب...
هيك بدّي بس ماني عرفان لسّا وين بدّي نام! تشرّد بعيد عنّك :lol:.

أنت يا زلمة حيّرت السما والأرض وماني عرفان من وين أبتدي فيك: بلّش بأرجوحتك ولا أتأمّل بثلاثائيّاتك ولا أتعلّم من مدوّناتك... حلها إذا بتنحلّ! أهمّ من كل هاد أنت بقلبي وبصلاتي.

خيّو أنا رح قفّل الموضوع بس دخيل عيونك ما تنسالنا قصّة هالخطّ.

وهاي وردة بس بدي ياها زنبقة شنّو الزنابق رافعة راسها وصدرها للعلالي وبتليق بالغوالي :D.