أمثال سورية [الأرشيـــــف]

رجل من ورق

08/10/2008, 23:03

مرحبا
هون بدنا نحط امثال شعبية بتنقال بالحياة بسوريا ونقول بينضرب فيها المثل بشو؟

رجل من ورق

08/10/2008, 23:05

يا اخد القرد على ماله راح المال وبقي القرد لحاله

بظن بيتقال على اللي بياخد شي عاطل كرمال المال او يمكن اللي بيكون بشع او كبير ومدسم وبده ياخد وحدة صغيرة

ابو ريتا

08/10/2008, 23:10

ياداخل بين البصلة وإشرتها ما ينوبك غير ريحتها
بتنقال للحشري , على ما أظن يعني ما تحشر أنفك بشغلات ماإلك فيها:larg:

رجل من ورق

08/10/2008, 23:18

طول عمرك يا تينة مجعلكة

بيتشابه مع فكرة ما افي امل / دنب الكلب اعوج

نتالي سوريا

08/10/2008, 23:48

الخنفسة شافت ولادا عالحيط قالتلون تسلمولي متل اللولية بالخيط:lol:
بتنقال عن الاهل يلي بشوفوا ولادون حلوين وهني مو حلوين:lol:

satoman

08/10/2008, 23:55

حط الجره على تمها بتطلع البنت لامها
يعني حركات البنت وتصرفاتها رح تكون نفس حركات امها سابقا

rama1985

09/10/2008, 00:33

بالوش مراي وبالقفا صرماي

يعني شغل كزب ونفاق

هشام ابو شرار

09/10/2008, 01:25

الكبير كبير ولو حشرتو تحت السرير
بينقال للشخص يللي بكون زعيم بين اهل ضيعته بس ظروفه المالية خلتهن يطنشوه وما يوجبوه

بلاك 1

09/10/2008, 12:18

سكتنالو .. دخل بحماروووووووووووووووووووو ...

فهمكم كفاية

ابو ريتا

09/10/2008, 12:24

طنجرة ولاقت غطاها
بتطبّق على عاشق ومعشوق عاسبيل المثال:larg:

rama1985

09/10/2008, 12:41

دق المي و هي مي

بتصور واضح المعنى هاد المتل كل يوم بسمعو

امل ب

09/10/2008, 12:57

يا مآمنة ب الرجال متل المي بالغربال بيعني انو الرجال ما بيتامنلهن

sona78

09/10/2008, 13:11

بقلو تيس ....... بيقلي احلبو!!!!!!!!!

هيدا المثل بنطبق على كل التنحين من دون ما يشغلو عقلون :o

fernanda bachchan kfoury

09/10/2008, 13:17

قالوا للبغل مين أبوك ؟ قال الحصان خالي:o = بينئال ع حدا شايف حالو وهوي ولا شي

رجل من ورق

09/10/2008, 18:46

قالو للفرعون مين فرعنك قلون ماحدا مسكني

Miss Petals

09/10/2008, 22:12

قالو للفرعون مين فرعنك قلون ماحدا مسكني
من زمان عم دور و بحبش على هيك مثل....ع شوي كنت انا رح طالعو...يسلمو....في ككتيير ناس حولي لازمن هالمتل...

ابن البلد3

10/10/2008, 04:50

القرد بعين امو غزال وفهمكن كفاي

ِAbu Alzooz

10/10/2008, 04:57

عالوعد يا كمون

قصتو على حسب زمة اب سمرا
انو الكمون ما بدو سقاية مي كتير بقا كل ما يكون المزارع عما يسقي
بيوصل لعند الكمون وهوي ما بدو كتير سقاية و على اساس بكرا و بكرا و بكرا
و بيموت الكمون بلا سقاية

اي بقا عالوعد يا كمون

Sun Shine Art

10/10/2008, 10:20

خود البنات من حضن العمات ....

انه البنات دائما بيطلعو لعماتهون مهما صار ......

في متل تاني بيحكي عن هل الجيل الجديد بقول :
هل الجيل بيروح وما بيرجع ...بياكل ما بيشبع ...بتعيطلو ما بيسمع ...

أم الجود

19/02/2009, 20:34

قالوا للبغل مين أبوك ؟ قال الحصان خالي:o = بينئال ع حدا شايف حالو وهوي ولا شي

هادا متل :

القرعة بتتباهى بشعر بنت خالتها

:lol::lol::lol:

a7la lolo

19/02/2009, 21:07

كل ما حدو خيل السلطان مدت الخنفسة (الخنفساء) رجلها
فهمكم كفاية

بنت المهاجرين

19/02/2009, 21:11

خبزي ذره وخبزك ذره فعلى شو هالأنبره؟!!
(بتنقال لشخصين بنفس المستوى و واحد فيهم عم يتكبر عالتاني)

أم الجود

20/02/2009, 10:28

حبلى و مرضعة و وراها أربعة و طالعة عالجبل تجيب دوا للحبل

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بظن ما في داعي للشرح ...

I_Love_Syria

20/02/2009, 12:09

الحلو حلو ولو فاق من النوم والبشع بشع ولو تغسّل كل يوم

a7la lolo

20/02/2009, 12:27

لا تندم ولا تشكر إلا بعد سنة وست أشهر

I_Love_Syria

20/02/2009, 12:34

الجمل لولا الفزة كان حمل المزة

ابو نجبو

20/02/2009, 12:36

طلع من بيت ال..طز مأدّن
لما بتكون شي عيلة كلها بهايم و بيطلعلو واحد من بيناتون فهيم شوي..بيشوفو حالن فيه
الناس بتقول ....ولي عليهن على شو شايفين حالن.. يعني طلعلو من بيت الطز.. مأدّن

mary belle

20/02/2009, 12:41

صار للدباني دكان و صارت تسكر عبكير..

a7la lolo

20/02/2009, 12:43

حط العدس واشعل تحتو مو متل الخال إلا ابن اختو

بنت المهاجرين

20/02/2009, 12:50

حط العدس واشعل تحتو مو متل الخال إلا ابن اختو

حلو هالمتل اول مره بسمعو:D

I_Love_Syria

20/02/2009, 12:52

قلو يا عبد القادر قوم اشتغل قلو مالي قادر, قلو اوم كول قلو وين معلقتي الكبيرة

أم الجود

20/02/2009, 14:21

أبوك بصل و أمك توم .. منينلك هالريحة الطيبة يا منظوم ؟! ;)

بنت المهاجرين

20/02/2009, 14:23

أبوك بصل و أمك توم .. منينلك هالريحة الطيبة يا منظوم ؟! ;)

كمان هاد حلو :lol:

أم الجود

20/02/2009, 14:44

طولو طول الفارة و صيتو معبّي الحارة

و تقال للي ما بيتاخد بالعين بس مفعولو كبير :lol:

so0o0so0o0

21/02/2009, 14:25

يعني انا ما عندي امثال سورية مالي حافظة
المهم عندي تركي ازا بدكون

( إيت إيتّا بيورور إيت قويوقرنا بيرور ) =):lol:

هلى فكرة المثل موسيقي بس لو تقرأو صح
انا ما كتبي بالتركي لا نوما رح تفهمو

inodessa

21/02/2009, 15:02

الحجر يلي ما بيعجبك بفجّك

بتنقال لواحد شايفك مو مهم!

أم الجود

21/02/2009, 17:05

so0o0so0o0

22/02/2009, 12:44

يعني لما حدا يكلف حدا بشغلة بيروح التاني يكلف التاني

يعني بالمشرمحي ( الكلب يأمر الكلب والكلب يأمر ديلو ) حاشاكون يعني

mhsen77

24/02/2009, 02:27

عيش يا كديش لينبت الحشيش

مو لازمها شرح ما؟

أم الجود

24/02/2009, 03:18

الله يلعن هالزمان اللي خلا النونية شمعدان
:lol:

لجين مهند قطيش

24/02/2009, 03:53

دق المي و هي مي

بتصور واضح المعنى هاد المتل كل يوم بسمعو

قصدك دق الحديد وهو حامي

أم الجود

24/02/2009, 03:57

قصدك دق الحديد وهو حامي

لأ بالإذن من معلميتك ما نفس الشي ;)

دق المي و هي مي : يعني عبث ما في مجال لتغيير شي من الواقع

و دق الحديد و هوحامي : يعني يلا قوام ما بدا صفنة خير البر عاجله

:D

لجين مهند قطيش

25/02/2009, 00:51

لأ بالإذن من معلميتك ما نفس الشي ;)

دق المي و هي مي : يعني عبث ما في مجال لتغيير شي من الواقع

و دق الحديد و هوحامي : يعني يلا قوام ما بدا صفنة خير البر عاجله

:D

مشكووووره ع التصحيح ولو اني مافهمته هههههههه

mhsen77

25/02/2009, 01:13

الجنازة كبيرة والفاطس كلب

أم الجود

25/02/2009, 01:14

مشكووووره ع التصحيح ولو اني مافهمته هههههههه

الجملة اللي اخترتا لحطها بتوقيعي كتير معبّرة بهالموقف هاد

:lol::lol::lol:

ابو نجبو

25/02/2009, 02:02

ذكوور الجحش...بيطحش طحش

لجين مهند قطيش

25/02/2009, 06:26

الجملة اللي اخترتا لحطها بتوقيعي كتير معبّرة بهالموقف هاد

:lol::lol::lol:

قصدك الجمله <<دق المي وهي مي ؟؟؟؟؟؟؟؟

تبين تحطينها توقيعك !!!

ابو نجبو

25/02/2009, 06:44

قصدك الجمله <<دق المي وهي مي ؟؟؟؟؟؟؟؟

تبين تحطينها توقيعك !!!
مع انو أم الجود ماعمتحكي سنسكريتي...بس مو مشكلة.. لانك أخت طازجة...
المهم..القصد انو المثل (دق المي و هي مي) مضمونو بيشابه توقيع أم الجود...

هامش...
بمعية الصبايا و الشباب...حدا يعمل للاخت كورس لهجة سورية.. من أجل التواصل