صحيفة: ضابط اسرائيلي يعترف باغتيال الحريري


قالت صحيفة الخبر الجزائرية في عددها الصادر يوم الجمعة ان ضابط في المخابرات الإسرائيلية اعترف باغتيال ريس الوزراء اللبناني الاسبق رفيق الحريري.
وبحسب الصحيفة "اعترف أحد ضباط المخابرات العسكرية في كيان الاحتلال الإسرائيلي، بارتكاب المخابرات الإسرائيلية جريمة اغتيال رئيس الوزراء اللبناني السابق رفيق الحريري. مشيرا في ذات الوقت إلى أن هذه العملية سمحت لأميركا بالسيطرة على لبنان بما ينفع الاستراتيجية الإسرائيلية بالمنطقة."

وقالت "ذكر موقع شبكة الأخبار العربية أمس، نقلا عن موقع ''فيلكا'' الاستخباراتي الإسرائيلي 'أن الضابط أمان رؤفين أرليخ اعترف بارتكاب المخابرات الإسرائيلية جريمة اغتيال الحريري الذي لقي مصرعه في انفجار سيارة ملغّمة استهدفت موكبه عام 2005، مما أسفر عن مقتله وسبعة من حرسه الخاص، إضافة إلى 10 آخرين.'"
وتابعت "وهو ما يؤكد مصداقية تقارير سابقة تحدثت عن تورط الموساد الإسرائيلي بالتعاون مع الإدارة الأميركية بالضلوع في مقتل الحريري الذي أعقبته حوادث اغتيال أخرى لمسؤولين وسياسيين لبنانيين، إلا أن بعض الأطراف من داخل لبنان وخارجه لا تزال تتهم النظام السوري بوقوفه وراء العملية."

سمعنا هيك شي من زمان ....
لو موثقة الجريدة مصادرها بشكل أكبر....

على كل حال شكراً كتير الك على هالخبر المهم... :D

وقالت ذكر موقع شبكة الأخبار العربية


موقع شبكة الأخبار العربية بالإنكليزي يعني Arab News Network إختصاراً ANN يعني محطة رفعت الأسد بسلامتو...


نقلا عن موقع ''فيلكا'' الاستخباراتي الإسرائيلي


موقع اسرائيلي ولا فخر...

يعني الخبر ناقلتو وسيلة إعلام رفعت الأسد عن موقع إسرائيلي... شو مشان شايف يلي بينطو بالعادة مشان المصادر المشبوهة ساكتين وأخر رواق؟؟؟!!!

يعني المشكلة مشكلة انو الخبر على قياسنا وكيفنا أما لاء.. لا مشكلة مصادر ولاشي... الخبر يلي بيعجب منروق عليه حتى لو مصدرو إسرائيل.. ويلي مابيعجب منكزبو ومنبلش تخوين وتشكيك لو نازل من عند الملائكه.

اي روق فادي روق صديقي
الخبر من زمان ذايعتو المنار وحاطه تقارير كبيرة عنو
ومش مهم اذا ذاعتو قناة رفعت الاسد او لا

قال قتلوا القتيل ومشيوا بجنازته
لك ولله برائة اسرائيل من دم الشهيد مثل برائة الذئب من دم يوسف
نيالك يا رستم برؤؤؤؤؤؤؤك:?

بظن الجملة الوحيدة بكل الخبر الي تم ذكر سوريا فيه .. من قريب او من بعيد . هي :


إلا أن بعض الأطراف من داخل لبنان وخارجه لا تزال تتهم النظام السوري بوقوفه وراء العملية."


انو


موقع اسرائيلي ولا فخر...

يعني الخبر ناقلتو وسيلة إعلام رفعت الأسد عن موقع إسرائيلي... شو مشان شايف يلي بينطو بالعادة مشان المصادر المشبوهة ساكتين وأخر رواق؟؟؟!!!

يعني المشكلة مشكلة انو الخبر على قياسنا وكيفنا أما لاء.. لا مشكلة مصادر ولاشي... الخبر يلي بيعجب منروق عليه حتى لو مصدرو إسرائيل.. ويلي مابيعجب منكزبو ومنبلش تخوين وتشكيك لو نازل من عند الملائكه.

اولاً : لما هيك خبر .. بكون متعلق بسوريا .. ويكون خبر سوري بشكل مباشر .. وينتقل خبر عن هيك مصدر ... وقتها تعا نظّر على رب الله تبعن .. واحكي بيعجبن وما بيعجبن .. ولا تقعد تقيم برب العالم من عندك ...
والخبر ما بظن لازم يكون منزل من عند الله .. او وارد ذكرو بشي كتاب مقدس .. لحتى يكون موثق الخبر
اي انو خبر وجاية من اسرائيل .. لازم يكون مو صح ؟
خبر جاية من نص السيريانيوز او شام برس ( عاعتبار انهن مطبلين مزمرين ) .. خلص .. آمنا انو هاد صح .. ومنساوي الخبر نبي ؟
الشغلة مانها لا بـ اذا كان المصدر سوري ولا اسرائيلي ولا لبناني ولا كويتي ولا موزمبيقي حتى
الشغلة بترتبط بشي اسمو عقل ... في شي اسمو واقع وتحليل ... هون بس يكونو زابطين هدول .. والخبر مو زابط .. تعا قلّي مصادر .. وماالى زالك

وتانياً : هالـ عالم الي عمتحكي عنهن "جماعة المصادر" .. بظنهن بشر متلن متل اي انسان بشري تاني ... عندهن حياة تانية يعيشوها .. ومانهن لاطيين بس عالمواضيع ليقيّمو مصادرها

بظن الجملة الوحيدة بكل الخبر الي تم ذكر سوريا فيه .. من قريب او من بعيد . هي :



انو

اولاً : لما هيك خبر .. بكون متعلق بسوريا .. ويكون خبر سوري بشكل مباشر .. وينتقل خبر عن هيك مصدر ... وقتها تعا نظّر على رب الله تبعن .. واحكي بيعجبن وما بيعجبن .. ولا تقعد تقيم برب العالم من عندك ...
والخبر ما بظن لازم يكون منزل من عند الله .. او وارد ذكرو بشي كتاب مقدس .. لحتى يكون موثق الخبر
اي انو خبر وجاية من اسرائيل .. لازم يكون مو صح ؟
خبر جاية من نص السيريانيوز او شام برس ( عاعتبار انهن مطبلين مزمرين ) .. خلص .. آمنا انو هاد صح .. ومنساوي الخبر نبي ؟
الشغلة مانها لا بـ اذا كان المصدر سوري ولا اسرائيلي ولا لبناني ولا كويتي ولا موزمبيقي حتى
الشغلة بترتبط بشي اسمو عقل ... في شي اسمو واقع وتحليل ... هون بس يكونو زابطين هدول .. والخبر مو زابط .. تعا قلّي مصادر .. وماالى زالك

وتانياً : هالـ عالم الي عمتحكي عنهن "جماعة المصادر" .. بظنهن بشر متلن متل اي انسان بشري تاني ... عندهن حياة تانية يعيشوها .. ومانهن لاطيين بس عالمواضيع ليقيّمو مصادرها


عفوا ع التدخل
بس فادي معو حق كتير
لما بتراجع بعض التعليقات ع الاخبار يلي بيكتبها هوي بتلاقي كيف لاحقينو بالمصداقية والنقد وهلق ما في كلام عن هيدا الشي !!!!
هوي ما عم يعلق اذا الخبر صادق او لا ... بس عم يعلق انو لما منطالب بمصداقية ما نستثني اخبار ومصادر ونهمل التانية .. هوي قال من قبل انو الواحد لازم يجيب الاخبار من كل المصادر المتوفرة والناس ما رضت كلامو .. ليش هلق رضيانين؟؟؟ بتوقع هيدا بس كان القصد من كلامو ... ما كان القصد انو هيدا الخبر الو مصداقية او لا ..
هيدا تعليق ع الاقتباس

بالنسبة للخبر
الخبر بحد ذاتو ممكن يكون صح كتير وبرايي الو الاسبقية ع انو نحنا يعني السوريين يلي عملو الاغتيال بتوقع ما كان من مصلحة الحكومة السورية انو تم عملية بهيك حجم ويلي استغل هي المسالة هني الاسرائليين واللبنانيين يلي حبو الحياة وبذات الوقت وقفو بوجه فتح ملفات التحقيقات بهالقضية على العموم لانو اكيد ما مصلحتون تنكشف الحقيقة .. ؟؟؟ ع كل بتوقع انو هالقضية ما رح تنكشف حيثاتها قريبا لانو حاليا ما عاد من مصلحة حدا تنعرف الحقيقة او ع قولة محبي الحياة الحئيئة لا السوريين ولا اللبنانيين ولا الامريكان ولا الفرنسيين لانو فيما يبدو الوضع الحالي ملائم متل مانو ومانون بحاجة لتغيرات مهمة .. مجرد راي

بظن الجملة الوحيدة بكل الخبر الي تم ذكر سوريا فيه .. من قريب او من بعيد . هي :



أول شي بدي الفت نظرك لموضوع انو قضية اغتيال الحريري هي قضية سورية أكتر مانها لبنانية.. اذا بتقرا شوية ساية فيك تستذكر كل شي صار من 14 شباط 2005 لليوم.. بداية بقرار مجلس الأمن 1559 ومو انتهاءً بالـ 1701 ومروراً بانسحاب الجيش السوري من لبنان واستجواب الضباط السوريين بفيينا والمقاطعه الدولية والحصار الدولي يلي عشناه طول هالفترة...

اذا سمعت شي عن هالقصص بتعرف أديش اغتيال الحريري قضية سورية




اولاً : لما هيك خبر .. بكون متعلق بسوريا .. ويكون خبر سوري بشكل مباشر .. وينتقل خبر عن هيك مصدر ... وقتها تعا نظّر على رب الله تبعن .. واحكي بيعجبن وما بيعجبن .. ولا تقعد تقيم برب العالم من عندك ...
والخبر ما بظن لازم يكون منزل من عند الله .. او وارد ذكرو بشي كتاب مقدس .. لحتى يكون موثق الخبر


حطلك كمان كم الله ورب ورب الله بلكي بحس بقوة جوابك أكتر... بعرف انو طريقة الجواب ما بترقى لتكون طريقة جواب بقسم سياسي وما فينا نعتبرها نقاش سياسي... بس مجبور جاوبك مشان الناس يلي ممكن تمر على جوابك...



اي انو خبر وجاية من اسرائيل .. لازم يكون مو صح ؟
خبر جاية من نص السيريانيوز او شام برس ( عاعتبار انهن مطبلين مزمرين ) .. خلص .. آمنا انو هاد صح .. ومنساوي الخبر نبي ؟
الشغلة مانها لا بـ اذا كان المصدر سوري ولا اسرائيلي ولا لبناني ولا كويتي ولا موزمبيقي حتى
الشغلة بترتبط بشي اسمو عقل ... في شي اسمو واقع وتحليل ... هون بس يكونو زابطين هدول .. والخبر مو زابط .. تعا قلّي مصادر ..


هاد الحكي رد على ردي عن جد؟؟؟!!! ماعم افهم هاد تأكيد لحكيي أما جواب؟؟

اقرا دخيلك:

يعني المشكلة مشكلة انو الخبر على قياسنا وكيفنا أما لاء.. لا مشكلة مصادر ولاشي... الخبر يلي بيعجب منروق عليه حتى لو مصدرو إسرائيل.. ويلي مابيعجب منكزبو ومنبلش تخوين وتشكيك لو نازل من عند الملائكه.

هاد حكيي قريتو؟؟
يمكن اذا بتقراه منيح بتعرف انو أنا يلي عم اطلب انو الأخبار تتناقش وتتحلل بغض النظر عن المصادر... ويمكن طول عمري بقول هيك.. فأكيد حضرتك غلطان الحكي ما لازم يتوجه لإلي.. والمصيبة انك مقتبس ردي ومو قريانو...

وماالى زالك

عجبتني زالك.. طالعه ظريفة منك بس من صاحبها أظرف بتبقى :lol:


وتانياً : هالـ عالم الي عمتحكي عنهن "جماعة المصادر" .. بظنهن بشر متلن متل اي انسان بشري تاني ... عندهن حياة تانية يعيشوها .. ومانهن لاطيين بس عالمواضيع ليقيّمو مصادرها


شو مشان مين جاب سيرة الحياة الطبيعية " باعتبار انت مسميها حياة تانية غلط لأنو بتصير انفصام شخصية متل يلي صايب كتيرين"....
شوف لقلك هي جملة انو عندون حياة طبيعية غلط تستعملها هون باعتبار انو مو كل واحد بيرد على موضوع أو بينتقد شي بأخوية بيكون ماعندو حياة طبيعية وماحدا هيك قال ولا حدا قال انو يلي بينتقدو المصادر ناس بلا حياة طبيعية... يعني اختار شو عم ترمي حكي.. والجمله يلي بدك تقولها حاول تقولها بمحلها مشان ما تبين فاضية...

موقع ''فيلكا'' الاستخباراتي الإسرائيلي عطيا استخباراتي!

للعلم, هالموقع الخطير هو عبارة عن مدونة هرتك.. حتى مدونتي متعوب عليها و مصروف عليها أكتر منها, و لا اسرائيلي و لا شي انما هي مدونة خضر عواركة, و فتحها وقت تعالق مع نزار نيّوف بس ليحط تقارير من تأليفو عن نزار نيّوف و علاقات نزار نيّوف و عن صداقة زوجة نزار نيّوف مع صاحبة كباريه بباريس:lol: ( و فيها اخطاء املائية و قواعدية باللغة الانكليزية ما بيغلط فيها طالب اعدادي... )

صارت عليها طنة و رنة لأنو انرفع دعوى على الشخص اللي يفترض انو هو دكتور بالجامعة العبرية, و تبيّن انو هالشخص مانو موجودة, و بالتحقيق تبيّن انو كل منشورات هالمدونة صادرة من كندا

يا سيدي حتى لو كان مصدر الخبر موقع تاني غير هالنصاب ربيب اجهزة المخابرات السورية , فوين المنطق انو الضابط الاسرائيلي اللي نفذ عملية اغتيال الحريري يعترف وقدام مين اعترف؟؟ وليش اعترف ؟؟؟ انبو ضميرو مثلا

هيك اخبار شبيهه بفبركات من نوع انو ديتليف ميليس امو يهودية ومدفونة بالجولان


ومتل ما قال فادي, بس الخبر يوافق هوى البعض بيغضوا نظر عن موضوع المصادر

عطيا استخباراتي!

للعلم, هالموقع الخطير هو عبارة عن مدونة هرتك.. حتى مدونتي متعوب عليها و مصروف عليها أكتر منها, و لا اسرائيلي و لا شي انما هي مدونة خضر عواركة, و فتحها وقت تعالق مع نزار نيّوف بس ليحط تقارير من تأليفو عن نزار نيّوف و علاقات نزار نيّوف و عن صداقة زوجة نزار نيّوف مع صاحبة كباريه بباريس:lol: ( و فيها اخطاء املائية و قواعدية باللغة الانكليزية ما بيغلط فيها طالب اعدادي... )


كلام ماعليه غبار أبداً...

والله أنا خفت قول هالحكي قوم اطلع ضد الثورة...وينقال انو عم شكك بالمصدر.. من حوالي عشرين يوم ووقت نزل خبر انو دانيال بالمار بالسعودية واتهم كل النظام السعودي بااغتيال الحريري نقلاُ عن فيلكا... والأحلى كان بأخر الخبر محطوط انو ( يذكر أن موقع فيلكا أنشئ من قبل بعض ضباط الموساد المتقاعدين).. اجيت بدي قول شو صرلها سنتين بتقول المعارضة السورية عن هالموقع خفت انو ينفهم اني عم شكك بالمصادر وشكك بمصداقية المصدر...




ومتل ما قال فادي, بس الخبر يوافق هوى البعض بيغضوا نظر عن موضوع المصادر

ونعم المصادر الحقيقة... موقع فيلكا بعمرو ماحكا خبر أو معلومة إلها مصداقية.... وهالموقع "الإسرائيلي" مسخر حالو وضياطو "هيئة التحرير" بس للدفاع عن السلطة عنا ونشر تقارير عن المعارضه والهجوم على كل حدا بيحكي كلمة مابتعجب النظام... لك بزمناتو نفس الموقع من شي سنة ونص طلع معو والدة نيكولا ساركوزي يهودية إسرائيلية... وانو جدو أبو والدته كان ضابط بالجيش الإسرائيلي وشوي تاني بيقولو انو أمو كانت غولدامائير.. ووسائل اعلامنا المحترمة طبلت وزمرت بالقصه أما اليوم رجع ساركوزي بطل قومي وأشرف من عليها...

شي بجد بيضحك :lol:
الشغلة واضحة مثل الشمس وما بدها هالقد
كلاب ايران الموجودين على الساحة البنانية اثبتوا تبنيهم للجريمة لما عرضوا عضلاتهم ب7ايار2008
وكل ما انفتح موضوع المحكمة الدولية بيعملوا ضجًة بالبلد ,الاعتصام بالوسط التجاري كمان دليل اكبر على اصرارهم لتوقيف المحكة والخ....طيب اذا كانو برائة من الجريمة ,ليش بس يفتح موضوع المحكمة, شياطين الكون بتركبهم ,وبيحتاروا كيف بدن يغيروا الموضوع....
الشغلة لا وراها ظابط اسرائيلي .......ولا حتى اسرائيل نفسها.........
النظام السوري وايران (وكلاب سوريا وايران من حاملي الجنسية اللبنانية هم اول المتهمين........)
وكل متهم مدان حتى يثبت برائته .......والعلم الاكبر عند الله
رحمك الله يا شهيد.....انشاءالله في جنات الخلود
الله قادر على قاتليك............

رابط موقع فيلكا اسرائيل الخطير:lol:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شي يوم بدي اعمل موقع هيك من حالي.. و اخترع خبر و ابعتو لشي وسيلة اعلام من هدول "ذوات المصداقية" ....



رح تكون تسالي كتير لو نشروه:lol:

كلاب ايران الموجودين على الساحة البنانية اثبتوا تبنيهم للجريمة لما عرضوا عضلاتهم ب7ايار2008

النظام السوري وايران (وكلاب سوريا وايران من حاملي الجنسية اللبنانية هم اول المتهمين........)
..

والله هالحكي كبير كتير ومعيب كتير... عمي شو رأيك تسمي الأشخاص مشان نعرف شو بدنا نجاوبك... يعني هيك عم تشمل ناس كتير بهالحكي ويمكن في جزء أشرف بكتير من انك تجيب سيرتون بهالطريقة...

شوف حبيب كلنا ضد جريمة الاغتيال وكلنا منعترف انو كان في أغلاط ارتكبتها أجهزة المخابرات بلبنان... بس هالشي ما بيبرللك انك توصف تيارات وأحزاب وجمهور بهيك طريقة رخيصة...

عيب كتير

شو مشان شايف يلي بينطو بالعادة مشان المصادر المشبوهة ساكتين وأخر رواق؟؟؟!!!

يعني المشكلة مشكلة انو الخبر على قياسنا وكيفنا أما لاء.. لا مشكلة مصادر ولاشي... الخبر يلي بيعجب منروق عليه حتى لو مصدرو إسرائيل.. ويلي مابيعجب منكزبو ومنبلش تخوين وتشكيك لو نازل من عند الملائكه.



يحرق حريشك شو تسالي :larg:

أول شي بدي الفت نظرك لموضوع انو قضية اغتيال الحريري هي قضية سورية أكتر مانها لبنانية.. اذا بتقرا شوية ساية فيك تستذكر كل شي صار من 14 شباط 2005 لليوم.. بداية بقرار مجلس الأمن 1559 ومو انتهاءً بالـ 1701 ومروراً بانسحاب الجيش السوري من لبنان واستجواب الضباط السوريين بفيينا والمقاطعه الدولية والحصار الدولي يلي عشناه طول هالفترة...

اذا سمعت شي عن هالقصص بتعرف أديش اغتيال الحريري قضية سورية


...
لك 3 محققين دوليين لهلأ .. ما قدروا يكتشفوا يللي اكتشفتو حضرتك بصفنة وحدة

ليش مضيّع مواهبك هون ..؟؟

لك 3 محققين دوليين لهلأ .. ما قدروا يكتشفوا يللي اكتشفتو حضرتك بصفنة وحدة

ليش مضيّع مواهبك هون ..؟؟

شفت انك هيك بترد شغل الله... شفت تفكيرك وين وصلك؟؟ أنا كل شي قلتو انو قضية اغتيال الحرير شأن سوري متل مانو لبناني وكان إلها تبعات علينا كسوريين وعالداخل السوري بشكل كتير كبير...
حضرتك هيك فتت متل العاده مافهمت شي من يلي كاتبو أنا وحللت اني اكتشفت واتهمت... دخلك بس هيك سؤال انت مما حسيت انو قضية الحريري قضية أثرت كتير علينا وصرلها شاغلتنا 3 سنين كشعب سوري؟

يحرق حريشك شو تسالي :larg:

حريشك لحالك أبو حريش :larg:

أنا كل شي قلتو انو قضية اغتيال الحرير شأن سوري متل مانو لبناني وكان إلها تبعات علينا كسوريين وعالداخل السوري بشكل كتير كبير...

و الله حسب عن مين بالداخل عم تحكي ..
و حسب شو بتعني كلمة تبعات .. هل تأثيرات سلبية أم ايجابية
انا بعرف كتير ناس عيّدو ...
و كانو مفكرين اجاهون الفرج



و لما ضاقت فيهون الدنيا .. صاروا يقروا السياسة الكويتية ... لترجعلون شوية تفاؤل


مما حسيت انو قضية الحريري قضية أثرت كتير علينا وصرلها شاغلتنا 3 سنين كشعب سوري؟

اي أثّرت .. بس مو 3 سنين ..
أثرها استمر لحرب تموز .....و بس

و الله حسب عن مين بالداخل عم تحكي ..
و حسب شو بتعني كلمة تبعات .. هل تأثيرات سلبية أم ايجابية
انا بعرف كتير ناس عيّدو ...
و كانو مفكرين اجاهون الفرج



عيني أنا عم احكي عن تبعات القضية... قرارت مجلس أمن ومقاطعه أوروبية وعربية نوعاً ما وانسحاب جيشنا من لبنان وكل هالمصايب... ما أثرت فيك وفيني وبأهلك وبأهلي وببلدنا كلها؟؟؟
3 سنين المشاكل والقصص مع لبنان ما أثرت فيك؟؟ الضباط السوريين يلي تحقق معون والحكي يلي صار يطلع بالشوارع والتهديد بالمحكمة الدولية وحالة القلق يلي عشناها.. ما أثرت فيك؟؟

انت عن جد مو شايف انو قصة الحريري أثرت علينا؟؟




و لما ضاقت فيهون الدنيا .. صاروا يقروا السياسة الكويتية ... لترجعلون شوية تفاؤل

اي أثّرت .. بس مو 3 سنين ..
أثرها استمر لحرب تموز .....و بس


فيني اعتبر هالحكي انو أثرت فينا وانها قضية بتمسنا كسويين .. ماهيك؟

هلأ قضية الحريري صرلا بس 3 سنين و نص... صرعو ربنا فيها بشكل حاسس انو هيي و ميلاد المسيح صارو بنفس السنة...


انو أي حلو... يعملو محكمة دولية بقضية الحريري.. بطريقهون بلكي كمان يشوفولنا غسان كنفاني مين قتلو.. و يفرضو حصار عليه..

هلأ قضية الحريري صرلا بس 3 سنين و نص... صرعو ربنا فيها بشكل حاسس انو هيي و ميلاد المسيح صارو بنفس السنة... ..
1332 لأجل لبنان







بالفعل شي مسخرة

عيني أنا عم احكي عن تبعات القضية... قرارت مجلس أمن ومقاطعه أوروبية وعربية نوعاً ما وانسحاب جيشنا من لبنان وكل هالمصايب... ما أثرت فيك وفيني وبأهلك وبأهلي وببلدنا كلها؟؟؟
3 سنين المشاكل والقصص مع لبنان ما أثرت فيك؟؟ الضباط السوريين يلي تحقق معون والحكي يلي صار يطلع بالشوارع والتهديد بالمحكمة الدولية وحالة القلق يلي عشناها.. ما أثرت فيك؟؟

انت عن جد مو شايف انو قصة الحريري أثرت علينا؟؟




فيني اعتبر هالحكي انو أثرت فينا وانها قضية بتمسنا كسويين .. ماهيك؟
بالرغم من كل هالحكي ..
ما بتقدر تقول انها قضية سورية أكتر مانها لبنانية
التغييرات الجذرية ....و التحولات امصيرية صارت بلبنان ..مو عنا ..
عنا صار شوية تأثيرات عالمجتمع عن طريق الاعلام فقط ..
يعني لو هالشغلة صاير بالتمانينات ( ايام الاعلام الموجه ) ... صدقني ما حدا كان حس بشي .. غير أنو رئيس حكومة مات

بالرغم من كل هالحكي ..
ما بتقدر تقول انها قضية سورية أكتر مانها لبنانية

أكتر قضية سورية أما لبنانية وأكتر وأقل هو موضوع وجهات نظر وموضوع نسبي... يعني كل واحد بيقدر يحلل على طريقته وبناءً على تفكيرو...


التغييرات الجذرية ....و التحولات امصيرية صارت بلبنان ..مو عنا ..
عنا صار شوية تأثيرات عالمجتمع عن طريق الاعلام فقط ..
يعني لو هالشغلة صاير بالتمانينات ( ايام الاعلام الموجه ) ... صدقني ما حدا كان حس بشي .. غير أنو رئيس حكومة مات


مابعرف انو بتقصد الإعلام اختلق الأحداث أما غطى الأحداث؟؟ بغض النظر عن توجهات بعض وسائل الاعلام وتزويرها للحقائق واختلاقها لإكاذيب وتغطيتها لأحداث معينة...
بس بكل الأحوال أكيد نحنا بعصر الإعلام صاير إلو تأثير كبير على الشعوب... بس بيضل اسمو تأثير وبيضل الشعب تأثر بهالقضية وبشكل كبير.. مو بس الشعب الاقتصاد والدولة ككل تأثرت داخلياً وخارجياً.

انا عم ئول ياجماعه انه ياللي ئتل زلمة السعودية بلبنان نسيت اسمه .... إيه اتزكرت .. الحريري بأعتئد انه الشخص زات نفسه ياللي ئتل سوزان تميم .... انا هيك رأيي بالموضوع ... ولا شو رأيكم :clap:

انا عم ئول ياجماعه انه ياللي ئتل زلمة السعودية بلبنان نسيت اسمه .... إيه اتزكرت .. الحريري بأعتئد انه الشخص زات نفسه ياللي ئتل سوزان تميم .... انا هيك رأيي بالموضوع ... ولا شو رأيكم :clap:
سعد الحريري ...مات ؟؟؟؟:x
مين سوزان .... ثاني مرة باسمع باسمها:shock:

يا أحونا صحصح احنا هون عم نحكي عن رفيق الحريري (زلمة السعودية)!
وإزا بدك تعرف مين هيه سوزان فادخل على هالوصله:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انا عم ئول ياجماعه انه ياللي ئتل زلمة السعودية بلبنان نسيت اسمه .... إيه اتزكرت .. الحريري بأعتئد انه الشخص زات نفسه ياللي ئتل سوزان تميم .... انا هيك رأيي بالموضوع ... ولا شو رأيكم :clap:

سعد الحريري ...مات ؟؟؟؟:x
مين سوزان .... ثاني مرة باسمع باسمها:shock:

شو ياشباب.. مافهمت شو دخل سوزان تميم بسعد الحريري وبالقصه؟

عن جد احيانا بتضحكوني كتيرررررررررررررررر انه هلاء كل وحد بيجي ويسب ياترى انت اذا سبيت شو استفدت يحرق حريشكون هههههههههه شو لذيذين