عن اخوية 2008 [الأرشيـــــف]

اممي

04/10/2008, 03:31

ان اكيد في شباب جداد اجو وفي شباب ماعاد طلو بنوب
بس مابعرف ليش حاسس ان اخويتنا بدها نفض من جديد
يعني رغم ان الشباب ماعم يقصرو وفي بين فترة وفترة مواضيع جديدة بس كل الاخويين فيهن يحسو ان في فرق بمستوانا هالسنة
هل كان خلال السنين ال5 لعمر الاخوية استنفذت الاخوية كل المواضيع يعني سياسة علي اجتماع علي موسيقي وكانو ماعاد في شي جديد عم ينضاف غير طق الحنك ولا ياترى الشباب ماعاد عندن مروة للشغل بالموقع او ان الرفاق الاخوين ماعادو بمستوا الي مرو
حابب اليوم نعمل استفتاء حول ليش ماعاد في شي جديد وكيف فينا نرجع الاخوية متل ماكانت
وشكرا :D

Kelo_Bzr

04/10/2008, 03:39

مرحبا ..

كلامك موجود وملموس هون .. بجوز وعندك .. بس في عندي مداخلة بسيطة بدي اسالك ياها ..

بحياتك العملية .. وقت بتكون انت ناقشت كلشي .. وعملت كل اللي ببالك وعملت كلشي وحكيت فيو وجربت .. شو بقيلك منها ؟ ...

بقيلك انك ترجع تناقش عالم جداد .. بقيلك انو ترجع تجرب .. شي ما زبط معك .. ترجع تشوف شي ما انفهم معك .. ترجع تحاول انك تحدد شي .. ما كتير كنت رضيان عن نتيجتو ..

حياتك ما خلصت .. لزلك .. لسا قدامك شغل ... وبتوقع الوضع هون نفس الشي .. المواضيع بجوز انطرحت من قبل .. حاليا اتناقشت من قبل اعضاء .. سابقين .. ولسا في اعضاء جداد الهم الحق بابداء الراي .. بجوز يجي راي ويغيير اراء كتير .. بجوز الراي الجديد مانو صح .. او مبعد عن وجهة نظر .. او راح عليه شي .. ممكن انو ترجع تنطرح .. بجوز فكرة قديمة وماانا وصلانة منيح ممكن ترجع تنشرحلو ..

ما في شي اسمو انتهاء لحياتنا .. الحياة مستمرة وفيها شي متجدد دائما ..

بتمنى كون وصلت فكرة ضمن الموضوع .. بسياقو .. ويعطيك العافية :D

باشق مجروح

04/10/2008, 03:42

كل شي الو عهد ذهبي . وعهد اخوية الذهبي راح . هلق ممكن يرجع ؟ بتصور ما في شي مستحيل .
المواضيع الهامة للطرح دائماً موجودة بس الاسلوب مفقود والمستوى الثقافي كمان مو عالي .
انا بشوف الابداعات موجودة وفي كتير شي مهم عم ينعمل بكل الاقسام .
مو ضروري نبكي ع الاطلال . منتمنى لأخوية تكون أحسن ومستوى الأعضاء يتحسن وهامش الحرية يتوسع و الابداعات تزيد وتتطور .

زوربا

04/10/2008, 03:49

شي طبيعي هالشي يصير....لأنو المواضيع ببدايتها بتكون مغرية أكتر...وبيني وبينك أنا لهلق بشوف أخوية صرح ثقافي كبير...بمكتبتها وأقسامها الفنية...وكمان دائما عم تتابع أحداث البلد والعالم...
وطق الحنك موجود لطقيقين الحنك...وما بنزعج من وجودهم..طالما فيه أقسام خاصة لهالشي
وأهم شي أنها صارت بعدد أعضائها الكبير متل عينة من المجتمع العربي...فيك تعرف من خلالها نظرة عن آراء الشعب العربي بمختلف المواضيع

stormsmaker

04/10/2008, 04:15

يعطيك العافي لانو موضوع مهم و كنت عم فكر بطرحوا هاليومين
هلا انا رح قول رايي يلي ممكن يعرضني للمقاطعة و الهجوم و ممكن لاء لانو بيضل رايي هو وجهة نظر ممكن تكون غلط وممكن تكون صح
هلا انا بشكل عام بلعب دور المشاهد و المتفرج بشكل عام يعني دون ما اتدخل لأسباب صعب اذكرها علنا
فأنا برايي انو السبب هو المشرفين مع احترام و تقدير الجميع (لأنو بلاهن الموقع ولا شي ) بس انتي اذا بتلاحظ انو من قبل كانوا المشرفين هني الدينامو تبع القسم المسأولين عنو فيطرحوا مواضيع و يردوا و يكتبوا و يتناقشوا بينما هلأ (طبعا أنا عم احكي ببعض الأقسام مو بالموقع ككل لأنو في أقسام بالعكس نشطت )بتلاقي انو بعض المشرفين عم يكتفوا بالاشراف دون التعقيب متل قبل سواء لما كانوا أعضاء قبل ما يصيروا مشرفين أو متل المشرفين يلي قبلن
طبعا أنا ماني عم لوم حدي او عم اطلب شي من حدي لاني ما بعرف شو ظروفن او دراساتن او اي شي عن حالتن
و بيضل هاد وجهة نظر و شكرا لجميع المشرفين:D

اممي

04/10/2008, 14:24

مابعرف اذا لاحضتو ان في 15 واحد استفتا بس 4 ردو يعني النسبة اقل من 30%

رجل من ورق

04/10/2008, 14:27

اممي

04/10/2008, 15:20

لكل فترة فترتها يا فوف
اللي واضح انو هاد مو زمن اخوية الذهبي بدون ما قول انو اللي عم يتعمل هلق مو كويس بالعكس تمام بس المشكلة انو كتير من المواضيع استهلكت ونحنا صرنا بنعرف بعضنا لحد كبير
بس لسا في الكتير الللي ما اتقال

طيب كيف فينا نرجع الزمن الذهبي؟
يعني رفيق نحنا صارلنا زمان هون ودفع المنتدي لقدام نحنا مسولين عنو وعفكرة انا حاسس ان الجيل القديم هنن الي خافة الحماسة فيهن :pos: وماعاد شفنالهم مواضيع (عفكرة هالحكي مني وراجع فلا حدا ياخدها شخصية )

boy freind

04/10/2008, 15:27

انا بشوف انشغال الاعضاء هو السبب الرئيسي

و ما بقي الا جماعة التسالي يلي دائما بالمسابقات و السقيفة

تاني شي الاعضاء بشكل عام عندون ميل للقدم و الشغلات المخضرمة

يعني انا مثلا بحب انو اقعد اتصفح قسم الموسيقى من اول ما تم انشاؤو

احسنلي من انو شوف جديد المواضيع لأنو رح تكون اما تافهة او مكررة للمرة المليون

نحنا بدنا ناس منفتحة عندها افكار جديدة و للأسف هدول قلال هالايام

boy freind

04/10/2008, 15:30

المشرفين عم يكتفوا بالاشراف دون التعقيب متل قبل سواء لما كانوا أعضاء قبل ما يصيروا مشرفين أو متل المشرفين يلي قبلن

تمام هاد يلي كنت بدي قولو كمان

انو يا ريمي و يا ياس كان عندكون مواضيع بتجنن ( شنو انا بحب البحبشة بالبروفايلات )

بس هلأ اذا شفنا موضوع لريم معناها في شي صاير بالكون

لك شبكون

حتى مرام و مرسيل ما عم يعملو مواضيع و ما بقي الا جماعة التسالي يعملو مواضيع

HashtNasht

04/10/2008, 16:46

أنا نصحتك تروح ع دكتور ...أذا بدك مر لعندي منروح سوا ..صار بدي روحة ضروري و الله !!!:frown:

bki

04/10/2008, 17:21

أنا شخصياً حبيت أخويا, وكانت هي أول منتدى بحاول شارك فيه بحياتي. وكان مرحب فيني, بس لما حسيت إنو سلبيات بأخوية ممكن انزيلها لنرتقي اكثر, طلعلي مية صوت ليفهمني إنو أخوية خالية من السليبات وإنو السلبيات فيني

رح اكتفي بهالرد لأنو كافي

HashtNasht

04/10/2008, 17:27

فسحة أمل

04/10/2008, 17:41

أنا معك أممي مية بالمية قبل سنة لما كنت فوت على أخوية ما كنت اهدا بين الأقسام يضل فيه مواضيع جديدة ويضل فيه نقاش . بس من 3 شهور وأنت جاي ما عاد فيه مواضيع بتجذب وحتى لما بكون فيه موضوع حلوبتلاقي النقاش بارد وبعيد عن الموضوع, حتى في أقسام بتمر عليها أيام بتكون فاضية ما فيها ولا موضوع جديد.

butterfly

04/10/2008, 17:41

أنا نصحتك تروح ع دكتور ...
وأنا ...
هادا الرد رح يستهلك الكثير من الوقت
نستعرض سوا .. شو صار تطورات .. بال 2008 ؟
رح احاول اعرض اغلب التغييرات اللي لاحظتا ( إذا بيقدر خدا يساعدني بيكون كتير كتير منيح :gem: )
قسم دردشات
( أغلب اقسام اخوية مفهرسة لتسهيل التصفح عالأعضاء )
دفعتين منسقين جدد
المكتبة بال 2007 كان عنا 1500 كتاب .. هلق بال 2008 صاروا 4000
قسم الموسيقى خطير جدا جدا جدا
غزراة بالأقسام الإبداعية ( تميز رهيب للرسم والادب الساخر والخواطر + نشاط بالشعر والقصة )
برأيي قسم الفلسفة وعلم النفس حاليا ً .. عصرو الذهبي
مسابقات بالأقسام + ألعاب تنشيطية

هدول الاقسام اللي بتابعن أنا .. كعضو بأخوية .. وبرأيي انو ما تراجعو .. بالعكس انا السنة الأخيرة راضية عنها اكتر من قبل بكتير ..

هلق أما بخصوص :
مرسيل ما عم يعملو مواضيع و ما بقي الا جماعة التسالي يعملو مواضيع

:? لكان يا زلمي من وين جايبة 10,862 مشاركة ؟

40 موضوع نزلت بال 2008 يعني تقريبا تقريبا :lol: 3 مواضيع ونص بالشهر

رح ارجع لرد مرة تانية هلق .. مرضانة ومالي خلق اكتب كتير

اممي

04/10/2008, 18:38

.
هادا الرد رح يستهلك الكثير من الوقت
نستعرض سوا .. شو صار تطورات .. بال 2008 ؟
رح احاول اعرض اغلب التغييرات اللي لاحظتا ( إذا بيقدر خدا يساعدني بيكون كتير كتير منيح :gem: )
قسم دردشات
( أغلب اقسام اخوية مفهرسة لتسهيل التصفح عالأعضاء ) يعطيكن العافية وجهد اكثر من رائع
دفعتين منسقين جدد مابعرف شو خص هالشي بالموضوع
المكتبة بال 2007 كان عنا 1500 كتاب .. هلق بال 2008 صاروا 4000 مضبوط هالحكي بس شو منشان التفاعل مع هالكتب ؟
قسم الموسيقى خطير جدا جدا جدا بعتقد ان ال2008 ماكان خطير جدا جدا بالنسبة لهاقسم مقارنة بالسنين الماضية واذا بدك ترجعي علي هالقسم تحديدا كنا بنشوف قبل نقاشات اكبر حول مواضيعو
اليوم الي عم يصير ان اعمل داون لود واذا اتكرمت حط كلمة يسلمو كتير او يعطيك العافية
غزراة بالأقسام الإبداعية ( تميز رهيب للرسم والادب الساخر والخواطر + نشاط بالشعر والقصة )
برأيي قسم الفلسفة وعلم النفس حاليا ً .. عصرو الذهبي
مسابقات بالأقسام + ألعاب تنشيطية بعتقد ان هاد الي كان نازم ينحط اول شي لان اليوم يومو بالاضافة الي اقسام طق الحنك واخبار باب الحارة ونور وكلشي مستورد من تركيا

هدول الاقسام اللي بتابعن أنا .. كعضو بأخوية .. وبرأيي انو ما تراجعو .. بالعكس انا السنة الأخيرة راضية عنها اكتر من قبل بكتير ..

هلق أما بخصوص :

:? لكان يا زلمي من وين جايبة 10,862 مشاركة ؟

40 موضوع نزلت بال 2008 يعني تقريبا تقريبا :lol: 3 مواضيع ونص بالشهر

رح ارجع لرد مرة تانية هلق .. مرضانة ومالي خلق اكتب كتير سلامتك رفيقة وانشالله الله يقومك بالسلامة

دلوعة سوريا

04/10/2008, 18:53

انا بعتقد انو السبب يمكن يكون انشغال الشباب

لانو كل واحد صار عندو مسئولية اكبر من التاني

و اكيييييد هاد الشي اثر سلباً عأخوية..

boy freind

04/10/2008, 18:55

40 موضوع نزلت بال 2008 يعني تقريبا تقريبا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 3 مواضيع ونص بالشهر

مبلى شفتهن بس بدنا كمان من ابداعاتك

انا دائما مواضيعك بتعجبني :D

MadMax

04/10/2008, 18:55

مين قلك أنو بأخوية مافي سلبات !!!! :shock:

ولو
أخوية رب السلبات
و خاصة بالـ 2008

fernanda bachchan kfoury

04/10/2008, 18:57

صح ، وانا كمان شايفة هالشي فؤاد
وياما حكيت لاعضاء معنا هالشي بس مافيون يعملو شي هنن التانيين

وبعتقد هالشي خلق من ابتعاد الاعضاء عن المناقشة

marioma alghzayala

04/10/2008, 19:05

دفعتين منسقين جدد مابعرف شو خص هالشي بالموضوع

كيف شو خص؟؟؟

لو مانن فعالين ما صاروا منسقين ...وهادا بدل انو في مستوى :?

المكتبة بال 2007 كان عنا 1500 كتاب .. هلق بال 2008 صاروا 4000 مضبوط هالحكي بس شو منشان التفاعل مع هالكتب ؟

كتير من العالم بفوتوا بحمّوا والسلام عليكم ..شو يعني؟؟

قسم الموسيقى خطير جدا جدا جدا بعتقد ان ال2008 ماكان خطير جدا جدا بالنسبة لهاقسم مقارنة بالسنين الماضية واذا بدك ترجعي علي هالقسم تحديدا كنا بنشوف قبل نقاشات اكبر حول مواضيعو
اليوم الي عم يصير ان اعمل داون لود واذا اتكرمت حط كلمة يسلمو كتير او يعطيك العافية

شو بدك تناقش بالموسيقى؟؟
تقيّم الفنان ؟؟
تنزّل صولفيج؟؟
على عيني المرفقات واقفي .. وعم يصير الرفع ع مواقع تحميل .. يعني هادا مانو مجهود؟؟
ما صار في حملي طويلي عريضة بالقسم مشان الرفع ...والشباب كلن ما قصروا ..

أنا نصحتك تروح ع دكتور ...أذا بدك مر لعندي منروح سوا ..صار بدي روحة ضروري و الله !!!////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

خود بنصيحة نهالو ....:D

هامش :

عم تحكي بهاليومين .. اي الدنيي عيد ..وكل حدا مشلوف بمحافظة يعيد مع عيلتو ..

اممي

04/10/2008, 19:17

مابعرف ليش المشرفين ماخدينها قصة شخصية
قبل كلشي ماحدا فيه يقول كلمة عن التعب الي عم تقدموا بالمجان لهالموقع
ثانيا انا عضو هون من سنتين وبالتالي ماني فايت علي الاخوية امبارحة وعم حاول نقر عليها لان الاخوية هيه المنتدي الوحيد الي انا مشارك فيه
اخيرا يارفاق في لحد هلق 78% من الاعضاء بالاستفتاء شاعرين ان في شي ناقص بالاخوية وان نجي كمشرفين لنقول ان مافي هيك شي فراح نعمل متل الاحزاب اليسارية الي بتعتبر اي نقد لالها عبارة عن عداء للثورة
في شي مخلي الاخوية تتراجع بنظر هالشريحة الي لحد هلق مشاركة بالموضوع وبالتالي هالشي مافينا ننكر
بكل االاحوال يسلموا كتير علي تعبكن مرة تانية وبرجع بقول هالموضوع منو محطوط لنقد طرف او اهانة علي قد ما الهدف منو ان نعرف شو ناقصنا وكيف فينا نرمم :D

marioma alghzayala

04/10/2008, 19:22

وين وين الشخصنة .؟:?

بروليتاري

04/10/2008, 19:36

ان اكيد في شباب جداد اجو وفي شباب ماعاد طلو بنوب
بس مابعرف ليش حاسس ان اخويتنا بدها نفض من جديد
يعني رغم ان الشباب ماعم يقصرو وفي بين فترة وفترة مواضيع جديدة بس كل الاخويين فيهن يحسو ان في فرق بمستوانا هالسنة

تحياتي فؤاد

أنا وانت حكينا بهادا الموضوع بشكل خاص وما تناقشنا فيه بشكل علني لحتا ما

يصير حساسيات..

بس هلق بدي أحكي شوي من رأيي بالموضوع بس بتمنى يضل بلا حساسيات.

يا صديقي بالبداية انت حددت أنوفي شباب جديد أجو وأنو في فرق بالمستوى بين

االقديمين وبين الجداد يعني هون صار في تعصب

وهادا الحكي بيعني انو أستبيانك محدد للنقاش بس من قبل أعضاء أخوية

القديمين طبعا هادا الشي مو مبين غير بدهاليز الامور!!!

أنا يا صديقي شايف اللي شايفو وشايف المواضيع يلي عم تنكتب وركاكتا

وانت بتعرف اني من أوائل الناس بأخوية بس ما كنت شارك

بس بنفس الوقت لما اي عضو بأخوية بيحط موضوع حلو للنقاش بيجي واحد من

محاربي أخوية القدماء وبيقول بكل أستهزاء هادا الموضوع قديم وتناقشنا فيه يبدو

طيب يا محارب أذا انت تناقشت فيه وكونت فكرة وصار عندك الفكرة الصحيحة

ناقش في مرة تانية وعلم غيرك..

منشان ما يصير في شي تحبيطي ،

طبعا هي شغلة من كتير شغلات بتصير بس ما بدي مطمط الامور.

هلق بيرد عليي واحد من المحاربين((متل ما شفت مرة رد أحد الاعضاء على

صديق جديد منزل موضوع)) وبيقول شو نحنا وقتنا مخصصينو للنقاشات

القديمة

تنويه :

أنا هون ما قاصد حدا وبيهمني تكون أخوية دائما صرح ..

وبالنهاية أي عضو بأخوية هو صديق ويرجى ان تفهم المداخلة بأخوية:D

وشكرا

marioma alghzayala

04/10/2008, 19:45

محاربي أخوية القدماء وبيقول بكل أستهزاء هادا الموضوع قديم وتناقشنا فيه

انو وين صار هالشي؟:?

hanny dagher

04/10/2008, 19:51

الروح :D

بروليتاري

04/10/2008, 19:55

انو وين صار هالشي؟:?

ما كنت حابب حدد

بس أخر مرة شفت في هي الظاهرة كانت من يومين بموضوع أسمو أعدام

LiOnHeArT.3LA2

04/10/2008, 20:30

ما بعرف .. انا ماني شايف

بيجوز لاني جديد

او ما بعرف

انا الخيار الرابع ..

MadMax

04/10/2008, 20:36

أنو طالما متفقين كلكون انو أخوية زمان كانت أحلى
و كمان متفقين كلكون أنو الأعضاء القديمين غايبين

طيب .... المشكلة من مين بهالحالة ..؟؟

اممي

04/10/2008, 20:50

أنو طالما متفقين كلكون انو أخوية زمان كانت أحلى
و كمان متفقين كلكون أنو الأعضاء القديمين غايبين

طيب .... المشكلة من مين بهالحالة ..؟؟

صحيح رفيق سامر ...
ماسمعت رايك ,انتو شو رايك ؟

Damask Rose

04/10/2008, 20:53

هو في عدة شغلات..يعني انا متلا بظن انو المواضيع مافيها تجديد
شي تاني الاسلوب الهجومي والاستهزائي من بعض الاعضاء بخلي البعض يبتعدو عن اي شي فيه نقاش.......حطو الف خط تحت بعض الاعضاء..فبهالحالة الحيوية بالردود والحماس بقل..
وكمان شي اممي..انامابشوف انو الشغلة الها علاقة بالاعضاء القدام..بس الها علاقة بالناس الي حبتهم وتعلقت فيهم..فلما راحو هدول الي ضلو صارو يملو

طبعا هاد رايي مو اكتر..ويمكن كون غلطانة

SelavI

04/10/2008, 20:59

انت فتحت موضوع بحاجة لتدقيق كتير

يعني

في فرق بمستوانا هالسنة

مستوى شو بالتحديد وكيف تمت الملاحظة انو في فرق
ما هو السبب

يجب تحديد نوع الفرق مع بعض الاثباتات

ماعاد في شي جديد عم ينضاف غير طق الحنك

طيب صار بدا مراجعة دقيقة لكل الموضيع قبل اصدار حكم شامل على ان كل المواضيع مجرد طق حنك

الاخوين ماعادو بمستوا الي مرو

نفس النقطة, لحتى نقدر ننتقض ونعرف الخلل لازم نعرف اي مستوى تقصد بالتحديد

الاخوين ما عادو بمستوا الي مرو...
كلامك يعني انو المستوى الحالي ممكن يكون افضل
او اسوء

وكيف فينا نرجع الاخوية متل ماكانت
وشكرا

كيف كانت اخوية, اكيد التقريبا جدد (من سنة او اكثر)لن يتعرفو على اخوية قديما
اذا دعوتك للنقاش قصرا للقديمين فقط؟

الا اذا عرفت عن اخوية قديما بشكل دقيق

اظن الموضوع بدو تدقيق وجمع اشياء ملموسة اكثر
مع ذكر الفروقات وتحديدها بشكل اكبر حتى نتوصل الى نقطة تغير اخوية للأفضل او للأسوء

مع احترامي

MadMax

04/10/2008, 20:59

صحيح رفيق سامر ...
ماسمعت رايك ,انتو شو رايك ؟

أنا بشوف القصة من زاوية أخرى

مثلاً ملاحظ أنو الكل متفقين أنو أخوية كانت أول ما سجلوا فيها .. أحلى
مع أنو البعض سجل بالـ 2006 و البعض بالـ 2007 و البعض بالـ 2008 ..و يمكن في قبل هيك

و على فكرة .... أنا بسمع هالرأي من كذا سنة .. يعني من الايام يللي كانو يقولوا عنها أيام ذهبية

هلأ منطقياً ... الواحد أول ما بفوت عالمنتدى (و أنا واحد من هالحدا ) بينبهر فيه ..أنو جو غير باقي المنتديات
في مخزون كبير و نوعي من المواضيع يللي هو نتاج تراكمات بس نحنا عملياً عم نشوفون دفعة وحدة أول ما منسجل
بس شوي شوي منتعود أكتر عالجو .. بصير طبيعي
و مناخد فكرة عن كل المواضيع ..و منصير بقى ننطر الجديد .. بس منكون متوقعين بنفس الغزارة يللي شفناها أول ما فتنا
مع أنو متل ما قلنا المنتدى ككل عبارة عن تراكمات
يعني عملياً راح الانبهار
المنتدى يمكن متل ما هو .... بس نحنا متوقعين و منتظرين أكتر

boy freind

04/10/2008, 21:03

أنو طالما متفقين كلكون انو أخوية زمان كانت أحلى
و كمان متفقين كلكون أنو الأعضاء القديمين غايبين

طيب .... المشكلة من مين بهالحالة ..؟؟
انا بقلك

المشكلة من كم عضو عم يتبعو سياسة المسخرة بكل ارنة

بتحاكيه عالفن بيقلك شفت هيفا شو لابسة

بتحاكيه بالسياسة بيقلك و الله المازوت غليان

بتسألو سؤال واضح و صريح لأنك معتبرو بيفهم بيرد عليك بجواب استفزازي

هدول لازم يتم تصفيتون

boy freind

04/10/2008, 21:05

يعني عملياً راح الانبهار
المنتدى يمكن متل ما هو .... بس نحنا متوقعين و منتظرين أكتر

صح لأنو انا مثلا لما بنقطع عن اخوية شي شهر برجع بنبهر :D

..AHMAD

04/10/2008, 21:11

انا بقلك
المشكلة من كم عضو عم يتبعو سياسة المسخرة بكل ارنة
بتحاكيه عالفن بيقلك شفت هيفا شو لابسة
بتحاكيه بالسياسة بيقلك و الله المازوت غليان
بتسألو سؤال واضح و صريح لأنك معتبرو بيفهم بيرد عليك بجواب استفزازي
هدول لازم يتم تصفيتون

النخبوية ... بتضر بالصحة .. وسبب رئيسي لامراض سرطان الرئة والقلب والشرايين
لو تم تصفية هالنماذج
لو كل الأشخاص اللي ضلو من النخبة
لو كل الأشخاص اللي رح يبقو متفقين عنفس الشي
شو منكون عمنقدم
لما أي شخص يطرح موضوع
ما نلاقي فيه خلافات
ما نلاقي فيه اختلافات
وين رونق أخوية بالموضوع؟
يمكن هالنمط المفروض يتم تصفيتو ما يكون جيد نسبياً ...
لكن ما منئدر نستغني عنو
ما منئدر نصفيه
مشان التوازن البيئي
كل شي منئدر نساويه ... نحاول نبقي اختلافنا بالرأي ... ونزيل باقي الاختلافات السلبية

بالنهاية .. وللتوضيح فقط ... هاد رأيي الشخصي .. :D

SelavI

04/10/2008, 21:12

الاشياء السلبية

ممكن بلش بوحدة

عدم النقد

يعني عندما نرى موضوع جديد ندخل اليه
نلاحظ ان الموضوع فيه كثير من النواقص او الموضوع يتناول فكرة غير واضحة او ببساطة الموضوع لا يعجبنا
ماذا نفعل؟ نخرج من الموضوع سريعا
الي لاحظتو انو النقض في اخوية شبه ملغي وان قام احد بالنقض, ينتقض بطريقة محبطة لصاحب الموضوع

اذا النقد

يجب النقد ولكن النقد البناء بطريقة سلسة لا تجرح صاحب الموضوع وتجلعه يعيد التجربة بشكل ربما ناجح اكثر
(التعقيب والنقد)

باشق مجروح

04/10/2008, 21:13

في شي كتير من الي حكيتو سامر صحيح .
انا قلت انو بشوف جزء كبير من الاعضاء المهمين اختفا. طبعاً اجا غيرهون بس حسيت ضل في فرق كبير بالمستوى الثقافي هالشي ما بيمنع انو الابداع موجود ومستمر لكن كان بشكل أكبر فيك تسمي ازدهار ثقافي .
هالنوعية من المواضيع مع احترامي الشديد جداً لصاحب الموضوع بعتبرها شي من الوقوف على الاطلال .

LiOnHeArT.3LA2

04/10/2008, 21:13

انا بقلك

المشكلة من كم عضو عم يتبعو سياسة المسخرة بكل ارنة

بتحاكيه عالفن بيقلك شفت هيفا شو لابسة

بتحاكيه بالسياسة بيقلك و الله المازوت غليان

بتسألو سؤال واضح و صريح لأنك معتبرو بيفهم بيرد عليك بجواب استفزازي

هدول لازم يتم تصفيتون

لك يا علاء خليك برا
لأ ما بدي بدي رد

لك شو بدك انتي الزلمي جاي عبالو يعلق
لك اخي زودا كتير حامل السلم بالعرض وماشي وقاعد عم ينظم وعم يقيم البشر ليش ماني عرفان
لك شو عم قلك تركو لعما ما اجحشك هلأ بيقول انو انتي السبب الاساسي لانخفاض مستوى المعيشة باخوية
اي لاجري .. ما عالحالتين ما حدا عم يسمعو

اي خلص تركو
حاضر . متل ما بدك

ليك ليك بوي فريند .. النقاشات الاستفزازية مانا محسوبة .؟
وكلمة تصفية .. حسيت حالي بمنتدى جهادي

لك ولاااا ما قلتلك ما ترد
حاضر حاضر طالع

باشق مجروح

04/10/2008, 21:14

الاشياء السلبية

ممكن بلش بوحدة

عدم النقض

أظن قصدك النقد بالـ ( د ).

SelavI

04/10/2008, 21:18

أظن قصدك النقد بالـ ( د ).[/center]

شكرا على التنبيه

توقع مني خطأ املائي . . . لم ادرس العربية في المدرسة مدة طويلة

مع احترامي للتنبيه :D

boy freind

04/10/2008, 21:20

لك شو بدك انتي الزلمي جاي عبالو يعلق
لك اخي زودا كتير حامل السلم بالعرض وماشي وقاعد عم ينظم وعم يقيم البشر ليش ماني عرفان
لك شو عم قلك تركو لعما ما اجحشك هلأ بيقول انو انتي السبب الاساسي لانخفاض مستوى المعيشة باخوية
اي لاجري .. ما عالحالتين ما حدا عم يسمعو

شفت كيف المسخرة لا بد منها

شو في داعي للحوار الذاتي يلي حضرتك كتبتو

LiOnHeArT.3LA2

04/10/2008, 21:26

اي والله برد وبرجع بقول اني ماني شايف اي شي بالمنتدى

لانو حالة عادية .. ثقافة الاجيال .. ولازم نحترما

محمد ابراهيم

04/10/2008, 22:15

عجلة الزمن بتدور وما بترجع للخلف

اتناقشنا مية مرة من قبل واذا صارو 1000 مرة مارح يرجع العصر الذهبي .

كأني ما كتبت شيئ ، لما تخلصو نقاش وكتابة ابقو ارجعو اقرو هالجملة

الله يوفقكون وتقدرو تقدمو أفضل ما عندكم ، انتو الامل في بكرا

hanny dagher

05/10/2008, 00:14

أنا بشوف القصة من زاوية أخرى

مثلاً ملاحظ أنو الكل متفقين أنو أخوية كانت أول ما سجلوا فيها .. أحلى
مع أنو البعض سجل بالـ 2006 و البعض بالـ 2007 و البعض بالـ 2008 ..و يمكن في قبل هيك

و على فكرة .... أنا بسمع هالرأي من كذا سنة .. يعني من الايام يللي كانو يقولوا عنها أيام ذهبية

هلأ منطقياً ... الواحد أول ما بفوت عالمنتدى (و أنا واحد من هالحدا ) بينبهر فيه ..أنو جو غير باقي المنتديات
في مخزون كبير و نوعي من المواضيع يللي هو نتاج تراكمات بس نحنا عملياً عم نشوفون دفعة وحدة أول ما منسجل
بس شوي شوي منتعود أكتر عالجو .. بصير طبيعي
و مناخد فكرة عن كل المواضيع ..و منصير بقى ننطر الجديد .. بس منكون متوقعين بنفس الغزارة يللي شفناها أول ما فتنا
مع أنو متل ما قلنا المنتدى ككل عبارة عن تراكمات
يعني عملياً راح الانبهار
المنتدى يمكن متل ما هو .... بس نحنا متوقعين و منتظرين أكتر

يا اخي اعظم رد بشوفو بتاريخ نقاشاتنا بهالموضوع
وهادا اللي قصدتو بالروح
يعني الروح اللي بتفوت فيها غير الروح بعد ما تعودت على الموقع واهلو بعد فترة من وجودك

بالاضافة لشغلة قصدتها بالروح واللي هيي روح المحبة اللي كانت باخوية من قبل بين كل الاعضاء الفعالين يعني كل الاعضاء بتحب كل الاعضاء هلأ عم حس في بعض الاعضاء الفعالين عم يصير "اعداء فعالين" لغيرن من الاعضاء الفعالين يعني الحساسية بالحكي ونبرة الصوت العالي كترانة بالمنتدى

بنفسجة

06/10/2008, 00:37

انا سبق وحكيت بموضوع تاني عن سلبيات اخوية
انا بشوف انو اخوية بيت رائع بيعرف الناس على بعضها
وبتتشكل علاقات كتير مميزة بين الاعضاء وكتير حميمة وبتوصل لمرحلة انو ما بيقدرو ينامو بدون ما يحكو مع بعض شي 10 ساعات وهنا الكارثة
مرة انا ما قدرت ضيف ولاتعليق باخوية لسبب: الشباب كلون موجودين عالنت والكونغرسات شغالة وكل كونغرس فيه شي 6 والشخص الواحد مشترك باكتر من كونغرس
وما حدافاضي يعلق او يلتفت لاخوية
ضليت فترة منيحة مزعوجة من الموضوع وحاكيت البعض فيه
ابدا القصة مش انخفاض مستوى فكري
انما العلاقات يلي صايرة كتير كتيرة بين الاعضاء

saman

06/10/2008, 01:02

بالاضافة لشغلة قصدتها بالروح واللي هيي روح المحبة اللي كانت باخوية من قبل بين كل الاعضاء الفعالين يعني كل الاعضاء بتحب كل الاعضاء هلأ عم حس في بعض الاعضاء الفعالين عم يصير "اعداء فعالين" لغيرن من الاعضاء الفعالين يعني الحساسية بالحكي ونبرة الصوت العالي كترانة بالمنتدى
انا بهالناحية بتفق معك مية بالمية !!:D

يعني القصة صايرة انو عضو مو طايق عضو تاني ... بكل موضوع بينزل فيه وبيبهدلو .. وبيفوتوا رفقاتو لهاد العضو يلي عم بيبهدل (مع انو مو بالضرورة يكونوا بيكروهوا العضو التاني ) وبيشدوا على ايدو وبيساعدوه بالبهدلة كمان ...!!!:frown:

يعني انا ممكن احياناً تصير معي وبهدل حدا .. ما بقول لأ .. بس عالقليلة بكون عامل شي زاعجني او زاعج اكتر عضو باكتر من موضوع .... :pos:
بس يلي عم بيصير انو البهدلة يلي عم ياكلها عضو ما .. عم تكون من فراغ يعني الزلمة رادد وعم يشكر .. ولحشلو نكتة ممكن تكون بايخة وممكن لأ ... بتلاقي الكل هجموا عليه وبلشوا مسخرة ...والانكى من هيك انو عم يتبهدل لشي شخصي جواتو وما حدا الو علاقة فيه !!:?

بس هيك شعبنا شو بدك تعمل ...:jakoush:

سوري عالشذ عن الموضوع ....:oops:

هلأ انا حطيت بالاستبيان اول 3 خيارات ... ليش ؟
1_ صح لانو الاعضاء الفعالين او الفهمانين ... ما عاد فضيوا .. وكلو بشغلو او او مسافر او مو فاضي ... وبعطي مثال ... يلي هوي "الحكيم" .. الله وكيلكن اشتهيت شفلو شي رد من سنة لهلأ !!! طبعاً منعرف انو الحكيم ما عم يفضى وبشغلو او مسافر ... بس جد الواحد بيتمنى يشوف الو شي رد .. بغير الاقسام الادارية يلي ما بشوفها انا :p

2_ انخفاض المستوى الثقافي .. في شي منو لهاد .... مثلاً انا ثقافتي السياسية مو كل هالقد ... منشان هيك ما بشارك بالمنبر كتييير ...ووفي غيري ... يمكن ما بيشاركوا غير بالرياضة او بالاقتصاد .... والاحلى من هيك في منهن ما بيشارك غير بالملطوشات !!! اي انو مستوى ثقافي موجود عند الاعضاء يلي ما بيشاركو غير بالملطوشات !!!! :?

3_بصراحة كمان غنى المواضيع الحلوة واللي كانت تعتبر جديدة ...وما في غيرها بغير منتديات .. صاير بالصدف لتلاقي مواضيع جديدة وغير ملحوظة بأخوية او غير أخوية ... اغلبية المواضيع صايرة مكررة او منحكي فيها من قبل .. وبنفس الوقت مو معقول ننكش كل المواضيع القديمة الجدية باخوية ..... ونقعد نناقش فيها من اول وجديد !!!!! :pos:

صحيح انا ما حطيت الخيار الرابع .. بس بنصحك تروح عند الدكتور منشان يفحصلك نظرك ... بكل الأحوال :lol: