-
دخول

عرض كامل الموضوع : فلم عمارة يعقوبيان ... كيف بتقيمه

W.E.G.A
03/10/2008, 14:00
مرحبا شباب
اليوم حضرت فلم عمارة يعقوبيان
انا شفته قبل
بس اليوم رجعت حضرته
خطر ببالي اسالكن
ياترى شو الهدف من هاد الفلم
يعني جمع اكبر اسماء الممثلين المصريين
وانصرف عليه مصاري شي بالهبل
بتقعد بدك تشوفه
بتلاقي مجرد تجميع قصص ما في بينها اي ترابط
وكانك عم تشوف اليس في بلاد العجائب
اللقطة الي بتطلع مالها دخل بالي قبلها ولا الها دخل بالي بعدها
معالجة اكثر من حالة بنفس الحل
وهو انتصار الخير على الشر
بالمفهوم الديني البحت للخير والشر
يعني شخصية عادل امام بالفلم بتنتهي بانه انفضح وكل الناس عرفت الي بيعملو بالسر من خطايا
الشخصية الي مثلت الشخص المثلي بالمجتمع العربي ماتت من قبل حرامي خنقا وطبعا هاد
العقاب الي بيحصل عليه مرتكب الفواحش الحقير
الشخص الي اتبع التصوف بالدين( انتهك عرضه) متل ما قال الممثل واخر شي مات كبطل ( بالمفهوم الديني التعصبي طبعا ) وانتقم من الشخص الي اتسبب بهاد الشي
شخصية نور الشريف المنافقة الي تجوز على زوجته و اجهض زوجته الجديدة دون وجه حق اخدت جزائها من وقوعها تحت رحمة المسؤول الجشع وهدد بالسجن لتهريب المخدرات
والبنت الي كانت شريفة وطاهرة وبتحب ابن الجيران انحرفت وارتكبت الرذيلة ما شخص ما بعرف يمكن عمره 100 سنة بس بما انه نيتها كانت حسنة فانتصرت بالاخر واتجوزته بالحلال
يعني الا شوي كنت رح شيل من بالي فكرة وجود الجنة والنار
بما انه انت بتحصل على عقابك او حقك بالدنيا
وبما انه لكل الامور وجهة نظر وحدة
وهي الخلفية التعصبية الشرقية الدينينة
الي ما بتمت للدين بصلة

مابعرف يكفي احكي
انتو شو رايكن
MaTyA
03/10/2008, 14:11
انا ما حضرتو للامانة وما بتابع مصري .. لكن من قرائتي لـ كم مقال عن المسلسلات والافلام المصرية ومن كم تقطيشة شفتها ( يعني لقطات تمثيل .. او مشاهد لا على التعيين ) بعرف انو الدراما المصرية مانها قوية .. ومانها مبنية على اساس متين .. و كـ ممثلين بحس في جمود و في برودة بالتمثيل وخلينا نستثني كم حدا ادا في .. لكن بالمجمل بنحكي ..

انا اكتر شي استغربتو .. وتفاجأت منو .. انو لما كانوا بدهن يعملوا مسلسل عن شخصية قديرة وعظيمة بنظري ويفترض بنظر الكل .. شخصية حقيقية كانو بدهن يبنوا مسلسلهن يللي فيه قصة حياة هالشخصية على خيال .. على افكار خيالية لا تمت للواقع بـ اي صلة .. واكتر من هيك .. كانو بدهن يعملوا قصة حياة هالشخص على اساس هوي عكس الواقع تمامًا .. علمًا انو هالانسان لساتو عايش الله يحفظو

يعني عملوا تنحية لفكرة الواقع .. لفكرة المنطق .. لفكرة التاريخ .. بقا من هالمنطلق ما بستغرب شو ما قلتلي عن افلام مصرية ..
was616im
03/10/2008, 19:13
خيو هالفلم شفتو مرتين ... يعني امرو غريب بالفعل بيذكرني بكتاب الادب العربي بالبكلوريا العلمي...بنهايو الكتاب كان في هنا القصة و المقالة و المسرحية ... اي هي تبعيت الحبكة المفككة اذا ما خانتني ذاكرتي...
المهم الفلم عادي..يعني عم يعرضلك نماذج مختلفة من البشر بدون ما يكون في اي رابط بيناتهن الا انو ساكنين ببناية وحدة...شي ظريف...يعني عن يفرجيك نماذج حية و كتير كتير كتير واقعية بالحياة... بعيد عن افلام الكوميديا و الاكشن اللي من صنع الخيال ... اما كيف عالج هالمواضيع و هالحالات ف هي وجهة نظر الكاتب و ما فيك تعممها ... يعني بيجوز الكاتب بالفعل شايف هيك شي بعينو بس مو بنفس الطرح اللي بالفلم...يعني قصدي انو نماذج مختلفة من معارفو بالواقع او ناس ساكن قريب منهن و صايرة معن هالشغلات و قام هو جمعن بمكان واحد و هو العمارة ...بقى يا صاحبي هي وجهة نظر خاصة و مو حل او معالجة للمشكلة بشكل عام
و سلام :D
W.E.G.A
03/10/2008, 20:32
انا ما حضرتو للامانة وما بتابع مصري .. لكن من قرائتي لـ كم مقال عن المسلسلات والافلام المصرية ومن كم تقطيشة شفتها ( يعني لقطات تمثيل .. او مشاهد لا على التعيين ) بعرف انو الدراما المصرية مانها قوية .. ومانها مبنية على اساس متين .. و كـ ممثلين بحس في جمود و في برودة بالتمثيل وخلينا نستثني كم حدا ادا في .. لكن بالمجمل بنحكي ..

انا اكتر شي استغربتو .. وتفاجأت منو .. انو لما كانوا بدهن يعملوا مسلسل عن شخصية قديرة وعظيمة بنظري ويفترض بنظر الكل .. شخصية حقيقية كانو بدهن يبنوا مسلسلهن يللي فيه قصة حياة هالشخصية على خيال .. على افكار خيالية لا تمت للواقع بـ اي صلة .. واكتر من هيك .. كانو بدهن يعملوا قصة حياة هالشخص على اساس هوي عكس الواقع تمامًا .. علمًا انو هالانسان لساتو عايش الله يحفظو

يعني عملوا تنحية لفكرة الواقع .. لفكرة المنطق .. لفكرة التاريخ .. بقا من هالمنطلق ما بستغرب شو ما قلتلي عن افلام مصرية ..

فعلا في شي من هاد يعني سواء بمسلسل ام كلثوم او الملك فاروق كتير جملو وغيرو بحقائق موجودة ومعروفة
بس يمكن هاد بسبب الرقابة مثلا :lol:

خيو هالفلم شفتو مرتين ... يعني امرو غريب بالفعل بيذكرني بكتاب الادب العربي بالبكلوريا العلمي...بنهايو الكتاب كان في هنا القصة و المقالة و المسرحية ... اي هي تبعيت الحبكة المفككة اذا ما خانتني ذاكرتي...
المهم الفلم عادي..يعني عم يعرضلك نماذج مختلفة من البشر بدون ما يكون في اي رابط بيناتهن الا انو ساكنين ببناية وحدة...شي ظريف...يعني عن يفرجيك نماذج حية و كتير كتير كتير واقعية بالحياة... بعيد عن افلام الكوميديا و الاكشن اللي من صنع الخيال ... اما كيف عالج هالمواضيع و هالحالات ف هي وجهة نظر الكاتب و ما فيك تعممها ... يعني بيجوز الكاتب بالفعل شايف هيك شي بعينو بس مو بنفس الطرح اللي بالفلم...يعني قصدي انو نماذج مختلفة من معارفو بالواقع او ناس ساكن قريب منهن و صايرة معن هالشغلات و قام هو جمعن بمكان واحد و هو العمارة ...بقى يا صاحبي هي وجهة نظر خاصة و مو حل او معالجة للمشكلة بشكل عام
و سلام :D

انا معك بس ما بتظن انك لما بدك تقدم واقع مجتمع واقتراحات لحلول المشاكل الي فيه
مو لازم تتعدى حدود رؤيتك الشخصية للموضوع يعني مو لازم تكون على اقل تقدير منطقي وحيادي
leonardo_dicabreo
03/10/2008, 21:19
انا ما حضرتو للامانة وما بتابع مصري .. لكن من قرائتي لـ كم مقال عن المسلسلات والافلام المصرية ومن كم تقطيشة شفتها ( يعني لقطات تمثيل .. او مشاهد لا على التعيين ) بعرف انو الدراما المصرية مانها قوية .. ومانها مبنية على اساس متين .. و كـ ممثلين بحس في جمود و في برودة بالتمثيل وخلينا نستثني كم حدا ادا في .. لكن بالمجمل بنحكي ..

انا اكتر شي استغربتو .. وتفاجأت منو .. انو لما كانوا بدهن يعملوا مسلسل عن شخصية قديرة وعظيمة بنظري ويفترض بنظر الكل .. شخصية حقيقية كانو بدهن يبنوا مسلسلهن يللي فيه قصة حياة هالشخصية على خيال .. على افكار خيالية لا تمت للواقع بـ اي صلة .. واكتر من هيك .. كانو بدهن يعملوا قصة حياة هالشخص على اساس هوي عكس الواقع تمامًا .. علمًا انو هالانسان لساتو عايش الله يحفظو

يعني عملوا تنحية لفكرة الواقع .. لفكرة المنطق .. لفكرة التاريخ .. بقا من هالمنطلق ما بستغرب شو ما قلتلي عن افلام مصرية ..
مستحيل ايش الي عم تحكيه عن الدراما المصريه!!!
أصلا الدراما المصريه أحلا من الأمريكيه وأحلا من السوريه
W.E.G.A
04/10/2008, 03:18
مستحيل ايش الي عم تحكيه عن الدراما المصريه!!!
أصلا الدراما المصريه أحلا من الأمريكيه وأحلا من السوريه

يازلمة شو هالحكي

اصلا الدراما المصرية لا تقارن

صاروخ ارض ارض ارض

:clap:
هشام ابو شرار
04/10/2008, 04:38
فيلم تافه لاصوت ولاصورة ومجمعين شوية مشاهد مكرورة لبسوها لنجم لامع مع عادل امام وحركاته نص كم والقصة اصلا مو راكبة على اسم الفيلم ..مافي اهم شي في الافلام الحبكة وعنصر التشويق مفقودين..يعني لغز الكوخ المحترق تبع تختخ ونوسة ولوزة احلا بكتير من هالقصة..العمى على هيك دراما شو بتقرف:frown:
مايسترو
04/10/2008, 21:55
هلق بغض النظر عن النجوم اللي تجمعو سوا سواء قدما او جداد

الفيلم عرض قضاية معينة موجودة بالمجتمع العربي مو بس المصري من الرشوة والعلاقة مع السلطة لاستغلال الطبقة الفقيرة فساد السلطة..الخ الخ

ناقشها بطريقة حلوة اي بس انو ما قدم حلول بشكل مباشر
ِAbu Alzooz
07/10/2008, 02:49
علاء الاسواني
كاتب فهيم

و تأكد بعد ما قريت رواية شيكاغو

يلي هي مو اقل من عمارة يعقوبيان

و الفلم بشكل عام جيد