عمر بكري اسم اول مرة بسمعو بحياتي ..اليوم لقيت اسمو ع كلشي بعرفو مواقع اخبارية ! بمناسبة انو صحيفة بريطانية منزلة مقال بشوه سمعتو.

المهم يا اخواتي انو الزلمي هيك ضمن ردود افعالو يعني شلف هالجملة التاريخية :

«إذا كان هذا الكلام عن أية امرأة مسلمة، ولو كانت آثمة وعاصية فإن قدمها أشرف من غير المسلمين، على وجه الأرض».

طيب يعني انو شو بدي أحكي ! ...أنا ما فهمت صراحةً ..أنو هو هيك عم يحكي وجهة نظرو الشخصية !..أو انو عم يحكي ك رجل دين باعتبارو عامل حالو شيخ و طول لفتو شي عشر متار !

أخي أنا بدي أفهم , أينو الله اللي قال هيك لحتى اجى بكري بيك و صار يتمنطق بهيك حكي !!

بشو بدي احلفلكن أنو ما زاعجني بالموضوع غير انو عم يحطو حد اسمو ع الانترنت أنو سوري !!! قال شو ( أصولي سوري بارز !!!! )

العمى وين بارز هاد !!...شو مبرزو يعني ..!!!!!!

وين التسامح بالاديان يا بكري !! وين ( يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ ) ؟؟؟؟

اذا ربك كرم الانسان و ما فرق بين مسلم و بوذي , مين انت لتطالع و تنزل البشر ع كيفك !!

وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً

ولك مين انت لتقول أنو رجلين جماعة أشرف من الناس كلها مين !! مين ؟؟ أنت مين ؟؟؟؟؟؟؟ :shock:

هلأ بيقوللك .....


((خير أمة أُخرجت للناس )) :lol:

أخي شو بدك تعمل ... يعني طوال الذقون وقصار الثوب هالايام ... عم يفتوا فتاوى عجيبة غريبة ... ومو بعيدة عنهن هيك كلمات ... :frown:
اذا هني بيستحقروا المرأة سواءً كانت مسلمة او لأ ... كيف اذا كانت مرأة وغير مسلمة .. بدك ياهن ما يستحقروها ... عيب بحقهن ... :?
بعدين بيطلع عليهن صيت انو مناصرين لحقوق المرأة وهادا حرام ... على حسب مشايخهن العضماء !!!:lol:

بشو بدي احلفلكن أنو ما زاعجني بالموضوع غير انو عم يحطو حد اسمو ع الانترنت أنو سوري !!! قال شو ( أصولي سوري بارز !!!! )
أنو اي معك حق عبارة أصولي سوري باز ... كتير بتزعج
بس يللي بهوّن الشغلة علينا ...............أنو ما حدا منا سامع فيه أصلاً
يعني لزقوه فينا لزق .....و نحنا ... كسوريين ( أو أغلبنا ) مو هيك

الحكي ما عليه جمرك ... هيك بينحكا يعني
فلشو زاعجك كلامو ؟؟ ولشو عاملو قيمة من الاساس؟؟؟
لانو بس وحدة ( مسلمة او غير مسلمة ) تعمل شي ما بيقبلو المجتمع ..
بنزلو نسف فيها بغض النظر عن دينها او بالاحرى بيتبرى منها اخوانها بالدين فورا .. انو هيي ما بتمثل كامل الفئة
بعدين بدنا كلام جديد ينسينا فتوى ميكي ماوس وجيري :o
فهيدا الكذب باين وما في داعي لا يزعجك .. ولا تصرف عليه طاقة ..سلامتك

مو هاد اللي قالت عنه العربية انو بنته عم تشتغل راقصة بلندن وهوي مدري شو عم يعملاويساعدا؟

ليش لحتى توجعوا راسكن بهيك شغلات .////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كلامو مردود على حالو .. واكيد هيك حكي ما بعبر عن عن حالو ..

كلام موجود منو كتير حاليا وباخر فترة .. وما لازم ياخد هالقيمة الكبيرة ..

بحياتو الغلط ما بكون صح ..

عراسي:D

سلام
بس هو عم يحكي من وجهت نظروا , قد يصيب وقد يخطء

سلام
بس هو عم يحكي من وجهت نظروا , قد يصيب وقد يخطء


عفوا منك .. وقت بتطرح قضية او فكرة .. اشرحلنا شوي عنها اكتر لانو ما كتير منعرف انو ننجم لحالنا شو عم تقصد .. :D

حبيبنا

برأيي هي المشكلة الأكبر خصوصا بالدين الاسلامي .
لما بيكون داعية أو شيخ أو مفتي" متل مفتي السعودية يلي ترك الدنية كلها وفكر وحرم توم وجيري وأفلام الكرتون - هدول الاشخاص أمام الناس أمام الاديان التانية هنن ممثلين للدين يلي عم يحكي عنو

فهلأ أنا مشكلتي أنو لما هيك شخص بيعتبروا ممثل لديني بيحكي هالحكي
هو بيكون عم يشوه سمعة ديني
ويعطي عنو فكرة غير موجودة .. ويأدي لكتير فجوات بين الأديان ..ونفور من الاسلام يمكن ببعض الأحيان
لهيك الأهم نحسن نفصل حكي هالاشخاص عن طبيعة الدين يلي عم يحكوا عنو

شكرا
و تحية:D

لك اخخخخخخخخخخخخخخخخخ اخخخخخخخخخخخ بس شو بدي اقول
يعني هالمشايخ "المتدينين" هني الي عم بشوه صورة دينهن ....مع انو لازم العكس
لك لا تهتم بهيك حكي هذا بدو ينشهر بس متل عمو تبع توم وجيري

سلام
بس هو عم يحكي من وجهت نظروا , قد يصيب وقد يخطء
على هالحالة ...قد يخطئ أو قد يخطئ .... ما في حل تالت
وجهة نظرو بتهوي ..
و مردودة عليه .. و على كل يللي بفكروا متلو

«إذا كان هذا الكلام عن أية امرأة مسلمة، ولو كانت آثمة وعاصية فإن قدمها أشرف من غير المسلمين، على وجه الأرض».
تصرفات وأحكام .. وأقوال غوغائية ما الها والي ولا عاقل ولا مجنون بيقدر يتقبلها

ذكرني بالحكم الي صدر من فترة بالحاق طفل على دين أمه المسلمة لأنه " أشرف الأبوين ديناً" او بمعنى آخر " أشرف الأديان"

يمكن مالو كتير علاقة بصلب الموضوع هاد .. بس النقطة اللي بيتقاطع فيها مع هالموضوع
هوي تذليل باقي الأديان دونما الإسلام .

عمر بكري؟؟
يقبرني شو فهيم:pos:
من وين طالع هالمقولة بالله من اي كتاب؟

يمكن اذا شفنا السياق اللي وردت فيه الجملة نفهم اكتر شو اللي بيقصده الزلمة

قال رجال دين قال !
لسّا حدا بيسمع لرجال الدين يا ابني يا ابو نهله :sly: ..

هلأ هو ديننا مافرق بين لااجناس ولاشعوب ولاعروق..بعدين ديننا تعايش مع الديانات الاخرى بكل سهولة وتسامح..فلو كان هالرجال حاكي هالكلام جد..فمنو لالله..الله يسامحو..ماالعالم من الله نظرتها للاسلام مشوها..مو ناقصة يعني.......

يا زلمة ينعن سنسفيل اهلو وهو واشكالو المتخلفين اللي ما الهم علاقة بالاسلام ويمكن ما الهم علاقة بالدنيا كلها ....... والحق علينا احنا اللي بنعمل لهالاشكال قيمة ....... ما بنقول غير ................................

قرأت العنوان أكتر من خمس مرات لحتى أتوصل لهدف الجملة
ولما فتحت الموضوع وجدت أراء شخصية وسياق الموضوع غير واضح
ولا الهدف الي انوضعت مشانو الجملة

بعدين قاعدة أساسية مهمة تقول :" المبدأ لا يقاس بأصحابه "
واذا في ناس بتحكي باسم الاسلام وبتشوه صورته
فما في داعي ننسب الحكي للاسلام " للديانة الاسلامية "
اذا في ناس مخطئة بفهم الدين فهذا قصور فيهم وليس قصور في التشريع
.. ,, ..

قرأت العنوان أكتر من خمس مرات لحتى أتوصل لهدف الجملة
ولما فتحت الموضوع وجدت أراء شخصية وسياق الموضوع غير واضح
ولا الهدف الي انوضعت مشانو الجملة

بعدين قاعدة أساسية مهمة تقول :" المبدأ لا يقاس بأصحابه "
واذا في ناس بتحكي باسم الاسلام وبتشوه صورته
فما في داعي ننسب الحكي للاسلام " للديانة الاسلامية "
اذا في ناس مخطئة بفهم الدين فهذا قصور فيهم وليس قصور في التشريع



قريت ردك اكتر من سبع مرات .. " للتأكيد "

وعرفت انو اكيد انتي مانك فهمانة القصد من الموضوع؟

هون اكيد الحكي ما انو ينتسب للديانة الاسلامية ..

مزال الزلمي جايب شغلات من القرآن .. بتعطي عكس الحكي اللي قالو الزلمي ..

هذا يؤدي .. جدلا .. انو لسا لازمك تقريه كم مرة .. ما بيضرو

يمكن اذا شفنا السياق اللي وردت فيه الجملة نفهم اكتر شو اللي بيقصده الزلمة


هالجملة انقالت منو بسياق دفاعو عن بنتو لما اتناقلت وسائل الإعلام انو بنتو بتشتغل بملاهي ليلية .
وطبعاً هوي أنكر لأن بنتو لا تشبهها لا بالشكل .. ولا باسم زوجها ولا بعدد أولادها الذي تم ذكرهم في عدة اخبار بعدة صحف بعدة دول عربية وغير عربية .

قال رجال دين قال !
لسّا حدا بيسمع لرجال الدين يا ابني يا ابو نهله ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ..


المشكلة مو بسماع رجال الدين ...
المشكلة تكمن .. هل نستيطع أن نسميهم رجال دين ( بغض النظر عن الدين .. يعني ما عماحكي بس عن الاسلام ) أو بصفتهم شو .. لحتى يتسمّوا على رجال الدين .

قرأت العنوان أكتر من خمس مرات لحتى أتوصل لهدف الجملة
ولما فتحت الموضوع وجدت أراء شخصية وسياق الموضوع غير واضح
ولا الهدف الي انوضعت مشانو الجملة


بظن هدف الموضوع واضح جدا.. وما بدو توضيح أكتر

بشو بدي احلفلكن أنو ما زاعجني بالموضوع غير انو عم يحطو حد اسمو ع الانترنت أنو سوري !!! قال شو ( أصولي سوري بارز !!!! )

وين التسامح بالاديان يا بكري !! وين ( يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ ) ؟؟؟؟


ولك مين انت لتقول أنو رجلين جماعة أشرف من الناس كلها مين !! مين ؟؟ أنت مين ؟؟؟؟؟؟؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اللي بالأحمر بيوضحو الهدف من الموضوع ... بيوضحو التساؤلات اللي اجو من الموضوع .. واللي بحاجة لإجابة .
بعدين قاعدة أساسية مهمة تقول :" المبدأ لا يقاس بأصحابه "
واذا في ناس بتحكي باسم الاسلام وبتشوه صورته

لأنو الأضواء مسلّطة عهيك شخصيات ... وبتخليها شخصيات بارزة .
لما رجال الدين الحقيقيين ... اللي فعلاً بحاجة ليكون الأضواء مسلطة عليهن .. بكونو بالعتم .. بكونو مهمّشين
ومن قبل مين ؟؟ الإعلام العربي بشكل عام !!!
وقتها ما بقدر لوم الغرب ع تشوّه صورة الإسلام
بدي لوم جهلنا ... بدي لوم الظلام اللي عايشين فيها .. شعوب وحكومات
ملاحظة صغيرة : قولي رجال دين - دين .. أو حديثي بشكل عام عن الدين .. ليس عن الإسلام فقط .. لكنها وردت كمثال كونو الموضوع بيتكلم عن شخصية .. اتخذت الإسلام رداءً لها .

فما في داعي ننسب الحكي للاسلام " للديانة الاسلامية "

ما حدا نسب للإسلام فقط . إنما النقد اللي عميصير نقد للشخص .. والرداء الديني اللي اتخذو
تحقير الأديان اللي اتخذو
التكفير بمعتقدات باقي الأديان اللي استخدمو
وليس بالأديان بحد ذاتها .

اذا في ناس مخطئة بفهم الدين فهذا قصور فيهم وليس قصور في التشريع
.. ,, ..
:D

قال رجال دين قال !
لسّا حدا بيسمع لرجال الدين يا ابني يا ابو نهله ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ..

انستي.. :D

ما كل مين حكا كلمتين باسم الدين صار رجل دين .. ولا كل مين طول لحية صار .. شيخ

رجال الدين .. اللي عنجد بمثلو دين " بغض النظر عن الدين " .. بكونو عندن احترام لانسانيتن .. ولحكين اللي بدن يحكوه .. ويكونو عنجد رجال دين .. مو حيثما ..

:D

:pos: ياكل هوا احسنلو !
كلامو مش صح ولا منطقي

عمر بكري اسم اول مرة بسمعو بحياتي ..اليوم لقيت اسمو ع كلشي بعرفو مواقع اخبارية ! بمناسبة انو صحيفة بريطانية منزلة مقال بشوه سمعتو.

المهم يا اخواتي انو الزلمي هيك ضمن ردود افعالو يعني شلف هالجملة التاريخية :



طيب يعني انو شو بدي أحكي ! ...أنا ما فهمت صراحةً ..أنو هو هيك عم يحكي وجهة نظرو الشخصية !..أو انو عم يحكي ك رجل دين باعتبارو عامل حالو شيخ و طول لفتو شي عشر متار !

أخي أنا بدي أفهم , أينو الله اللي قال هيك لحتى اجى بكري بيك و صار يتمنطق بهيك حكي !!

بشو بدي احلفلكن أنو ما زاعجني بالموضوع غير انو عم يحطو حد اسمو ع الانترنت أنو سوري !!! قال شو ( أصولي سوري بارز !!!! )

العمى وين بارز هاد !!...شو مبرزو يعني ..!!!!!!

وين التسامح بالاديان يا بكري !! وين ( يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ ) ؟؟؟؟

اذا ربك كرم الانسان و ما فرق بين مسلم و بوذي , مين انت لتطالع و تنزل البشر ع كيفك !!



ولك مين انت لتقول أنو رجلين جماعة أشرف من الناس كلها مين !! مين ؟؟ أنت مين ؟؟؟؟؟؟؟ :shock:
يا حبيبي الموضوع مومحرز لازم مانعطي اهمية اكثر من الازم لانو بيعمل بلبلي ونحن مو ناقصنا هيك تفهات فمنقول الله يهدي هل عامل حالو شيخ على حسب تسميتك ألو وبعدين منيين جابولنا ايي لحتى يلزقو فينا

يا حبيبي الموضوع مومحرز لازم مانعطي اهمية اكثر من الازم لانو بيعمل بلبلي ونحن مو ناقصنا هيك تفهات فمنقول الله يهدي هل عامل حالو شيخ على حسب تسميتك ألو وبعدين منيين جابولنا ايي لحتى يلزقو فينا

بس تكون انت وعائلتك وجميع مجتمعك تم اعتبار قدم " انسان ما " اشرف منكم ابقى قول " تفهات "

_________________________________-
لان قصة التحقير بالآخر والمذاهب التكفيرية .. تعودنا عليها .. بس المذاهب الحديثة اللي ما بينطلق عليها غير لقب " التذليلية " لأنها بتسعى لاذلال بقية الشعوب .. هي بعدها ما عبتنهضم معي منيح .. الغريب انهم (( اللي متبعين هاد المذهب )) بطالبوا بحقوقهم بالاماكن اللي بكونوا فيها اقلية .. وبمارسوا ابشع وابغض الممارسات الارهابية تحت اسم (( حكم الاغلبية )) في الاماكن اللي بشكلوا فيها اغلبية عظمى ... فعلا واقع بهوي وحياة بتقرف

هاموش مؤسف على الردود "
كل الردود كانت على " يسيء إلى صورة الاسلام "
ومافي ولا رد مس للواقع اللي هوي " لعن دين بقية البشر "

طيب هوي حاكي بس على الرجلين

يعني هلق مثلا انا عندي تالولة بمكان معين

هالتالولة شو محلها من الاعراب

على هالحالة ...قد يخطئ أو قد يخطئ .... ما في حل تالت
وجهة نظرو بتهوي ..
و مردودة عليه .. و على كل يللي بفكروا متلو

الاجابه سهله جدا و هذه وجه نظره , وعلى سبيل المثال اذ اراد نصراني او حتى مسلم ان يتزوج فهو يفضل ان يتزوج من ملته لانه يعتبرها افضل او اطهر ولكن بعض الناس يستهدفون الدين الاسلامي وكلامهم مردود عليهم ولا نريد اثاره النعرات او نبش الاغلاط عند غير المسلمين
و ارجوا ان ناخذ بعين الاعتبار ان ما يجمعنا هو سوريا و ايضا يرجى احترام ان اغلبيه سكانها من المسلمين الذين يحترمون مشائخهم
شكرا

على هالحالة ...قد يخطئ أو قد يخطئ .... ما في حل تالت
وجهة نظرو بتهوي ..
و مردودة عليه .. و على كل يللي بفكروا متلو

الاجابه سهله جدا و هذه وجه نظره , وعلى سبيل المثال اذ اراد نصراني او حتى مسلم ان يتزوج فهو يفضل ان يتزوج من ملته لانه يعتبرها افضل او اطهر ولكن بعض الناس يستهدفون الدين الاسلامي وكلامهم مردود عليهم ولا نريد اثاره النعرات او نبش الاغلاط عند غير المسلمين
و ارجوا ان ناخذ بعين الاعتبار ان ما يجمعنا هو سوريا و ايضا يرجى احترام ان اغلبيه سكانها من المسلمين الذين يحترمون مشائخهم
شكرا

هؤلاء الاشخاص يشبهون الدائر في حلقة مفرغة
لأنهم لا يدركون أدنى معاني التسامح أو التعايش
بل على العكس يقتاتون من اضرام النار في وجه الحياة الخالية من النزاع

عندما اتضح سياق الجملة تأكدتُ من صحة ادراجي اذ أن شخصا
يحمل هذه المنهجية الفكرية غير حري بأن ينسب الى الانسانية أصلا
و هنا لا أجد أنني قد أخطئ في فهم الموضوع

لا يزعجني ألا أن نبقى أسيري الجمل المعترضة التي تنم عن شيء هو أقرب للتخلف
ربما أنني تعاملت مع العنوان بشكل تركيبي وهذا الذي سبب لي صعوبة في طرح وجهة نظري
التي أجدها أدعى لتعزيز فكرة التسامح منها لطرح فكرة التعصب للديانة

والاساءة لصورة الاسلام كمنظومة دينية يتخللها الاساءة لباقي الاديان
لأن فيها تضمين لفكر متشدد يحتاج سنوات من الانفتاح على الآخر

لا أجد ما نختلف عليه من حيث الفهم الدقيق للموضوع
:D

الاجابه سهله جدا و هذه وجه نظره , وعلى سبيل المثال اذ اراد نصراني او حتى مسلم ان يتزوج فهو يفضل ان يتزوج من ملته لانه يعتبرها افضل او اطهر ولكن بعض الناس يستهدفون الدين الاسلامي وكلامهم مردود عليهم ولا نريد اثاره النعرات او نبش الاغلاط عند غير المسلمين
لا ...
انت قلت أنو حكى وجهة نظرو ... و ممكن يكون مصيب
و أنا رح قلك أنو أبداً مانو مصيب ..
بالعكس رأيو كتير طائفي ... متعصب .... لدرجة الغباء
و أكيد أي حدا رحيقتنع بهالحكي .. رح يكون أغبى منو



و ارجوا ان ناخذ بعين الاعتبار ان ما يجمعنا هو سوريا و ايضا يرجى احترام ان اغلبيه سكانها من المسلمين الذين يحترمون مشائخهم


هون عم تناقض نفسك ..
أنو بتجمعنا سوريا ....و لازم نحترم هالشي ..
و لا لازم نحترم الطائفة الاكبر ...و نتحمل غباء ( بعض ) مشايخها ..؟؟

لا ...
انت قلت أنو حكى وجهة نظرو ... و ممكن يكون مصيب
و أنا رح قلك أنو أبداً مانو مصيب ..
بالعكس رأيو كتير طائفي ... متعصب .... لدرجة الغباء
و أكيد أي حدا رحيقتنع بهالحكي .. رح يكون أغبى منو




هون عم تناقض نفسك ..
أنو بتجمعنا سوريا ....و لازم نحترم هالشي ..
و لا لازم نحترم الطائفة الاكبر ...و نتحمل غباء ( بعض ) مشايخها ..؟؟
يا صديقي
كمان فهمتني غلط .
انا طلبت احترام مشاعر المسلمين زوار المنتدى ومو كل ما سمعتوا كلمه من شخص انا شخصيا اول مره بسمع فيه تبلشو بدقنوا
في قضايا اهم بكتير
المهم بالخبر الماضي كان انه الرجل سب بشرفه ونفى الخبر وليس من اشرف من من
ايضا قصه ميكي ماوس نفاها الشيخ و مازال البعض يستخدمها
اقول ولن ازيد لا حول ولا قوه الا بالله

يا صديقي
كمان فهمتني غلط .
انا طلبت احترام مشاعر المسلمين زوار المنتدى ومو كل ما سمعتوا كلمه من شخص انا شخصيا اول مره بسمع فيه تبلشو بدقنوا
طالما أول مرة بتسمع فيه .....و طالما ما بيعنيلك شي
المفروض ما (تتأذى ) مشاعرك من هالموضوع
بالعكس لازم تدين هالشيخ ..... لأنو عم يعطي صورة غلط عن الاسلام



المهم بالخبر الماضي كان انه الرجل سب بشرفه ونفى الخبر وليس
من اشرف من من


ما في اي مبرر بيسمحلو يحكي بهالتعميم المقرف
مين هو أصلاً ليقيّم الناس ..؟؟

ايضا قصه ميكي ماوس نفاها الشيخ و مازال البعض يستخدمها
اقول ولن ازيد لا حول ولا قوه الا بالله

كيف نفاها ......و فيديو الفتوى انعرض على كل الفضائيات
على مين عم يضحك ..؟؟

يا صديقي
كمان فهمتني غلط .
انا طلبت احترام مشاعر المسلمين زوار المنتدى ومو كل ما سمعتوا كلمه من شخص انا شخصيا اول مره بسمع فيه تبلشو بدقنوا
في قضايا اهم بكتير
المهم بالخبر الماضي كان انه الرجل سب بشرفه ونفى الخبر وليس من اشرف من من
ايضا قصه ميكي ماوس نفاها الشيخ و مازال البعض يستخدمها
اقول ولن ازيد لا حول ولا قوه الا بالله
تابعتك من أول رد الك من لما حكيت انو قد يصيب وقد يخطئ !!
شو وجه الاصابة وهو بيفضل انسان ع انسان على اساس الدين ؟؟
وشو بيعطي المسلم الافضلية عالمسيحي وعاليهودي ؟
اكم مسلم من كل المسلمين اللي موجودين اليوم مسلم لأنو اختار الاسلام ومؤمن في تعاليمو وبيطبقها زي ما هي مش ع كيفو ؟؟
وجهة نظر زي هاي ما فيها احتمالية للاصابة والخطأ من وجهة نظر اي انسان معتدل الكلام هاد عنصري وغبي وخاطئ!!
بعدين انا مش عارفة شو هالموضة الجديدة عند المشايخ هالأيام بيطلعو الفتوى وبيصرعو فيها الدنيا وبعدها بيتراجعو عنها !!
شو هي الشغلة لعبة ولا كل ا واحد اجا ع بالو يتسلى بيطلع فتوى ؟؟
الفتاوى لازم تكون مبنية على اشي منطقي وع دليل واضح وصريح لا يقبل الشك او اللبس من القران الكريم !!
بعدين مين قال انو هدول المشايخ بيمثلو المسلمين ؟؟
مين اختارهم وبناء ع شو ؟؟؟؟؟؟؟؟؟؟؟؟
كل واحد حفظ ايتين وربى لحية بدو يطلع يمثل المسلمين ؟؟
شوربا الامور صارت انا شايفة !!

يعني ما بقدر غير قول كلمة وحدة

وتستمر المهزلة...

يلعن فخامتك بعزا فخامتها

قدمها أشرف من غير المسلمين، على وجه الأرض
طيب ما انو هيك حكي متوقع من هيك اشكال...

بشو بدي احلفلكن أنو ما زاعجني بالموضوع غير انو عم يحطو حد اسمو ع الانترنت أنو سوري !!! قال شو ( أصولي سوري بارز !!!! )

هلأ بجد عيب حدا ينسب واجد مصدّي متل هاد لبلدو... يعني ما بتزبط!!!

سلام
بس هو عم يحكي من وجهت نظروا , قد يصيب وقد يخطء

شكلك متعاطف معو على كل الاحوال ومتل وماقال ابو سمرا شي بهوي لانو اللي بيفكر متلو حرام يفكر اصلا

اليلام عليكم أخي العزيز.................. بنصحك ما كتير تتسمع على هيك مواضيع ............... ولله في خلقه شوؤن ............والسلام

:clap::deal:اليلام عليكم أخي العزيز.................. بنصحك ما كتير تتسمع على هيك مواضيع ............... ولله في خلقه شوؤن ............والسلام

ليش لحتى توجعوا راسكن بهيك شغلات .////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
انت واحد فهمان كتير.........عشرين حبة زيتون بلعت لعرفت اكمل هالتصريحات.........تحية لالك

[quote=hashtnasht;1122429]



وين التسامح بالاديان يا بكري !! وين ( يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ ) جوابك بالأعلى الشافي والكافي على ما يهرطقه البعض