////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


جميل الأسد


أصدرت محكمة النقض بدمشق امس الثلاثاء قراراً مبرماً يحسم القضية الارثية العالقة لصالح أرملة جميل الاسد الدكتورة امال عزيز نعمان ، وتم تثبيت الحكم على منذر جميل الاسد بالسجن خمس سنوات بجرم التزوير واستخدام مزور ، وتمت تبرئة شقيقه فواز الاسد من جرم التزوير .


وبهذا تثبت حصة السيدة امال عزيز نعمان في الحصة الارثية لجميل الاسد المقدرة بـ 6 مليار دولار حسب ما ذكر موقع "انفورمرسيريا" الالكتروني موزعة بين سوريا ولبنان وفرنسا ، والثروة في سوريا عقارية مئة بالمئة وفي منطقة اللاذقية حصراً ، وكانت السيدة امال قد كلفت محامي فرنسي واخر سوري لمتابعة قضيتها .


واتهم منذر الاسد بتبصيم والده وهو في مرض الموت على ورقة طلاق زوجته امال التي لها ابن من جميل اسمه حيدر .


وكان قد نشب خلاف مالي على التركة بين امال ومنذر وفواز بعد وفاة جميل الاسد في 15 ايلول 2004
الدكتورة أمال نعمان من مدينة بانياس الساحل وهي الزوجة ا لاخيرة لجميل الاسد

يشار الى ان منذر الاسد موجود في سوريا ولكنه متواري عن الانظار .


المرصد السوري

وبهذا تثبت حصة السيدة امال عزيز نعمان في الحصة الارثية لجميل الاسد المقدرة بـ 6 مليار دولار

مو شي والله...:larg:

بـ 6 مليار دولار
:shock:
:shock:
:shock:
:shock:
:shock:
يا زلمة هي ميزانية سورية ولا ورثة؟؟؟

قديش مصداقية هالخبر....؟؟؟

قديش مصداقية هالخبر....؟؟؟
متل العادة

قديش مصداقية هالخبر....؟؟؟

كيف يعني أديش مصداقيتو؟ مو كل قصة فينا نفوت بشغلة المصداقية فيها... في قصص واضحة ومثبته ومافيها لعب...

الحكم صادر عن القضاء أول مبارح يعني مابيقدرو يألفو القصه لأنو مو تسالي انو يجي واحد ينقل حكم عن القضاء ويسمي المحكمه ورقم القرار عل كيفو ....وموضوع الثروة صادر عن موقع سوري طالع من داخل سوريا ومعلوماتو من سوريا.. وانت بتعرف هيك قصة الصحفيين بالداخل مو خرج يكذبوا فيها... هو اذا صح بيبقو حاطين ايدون على قلبون كيف اذا كذب...

يا حبيبي يا أبو الشباب,... أنت بسوريا...يعني مستحيل يصير هيك شي...وأنت بتعرف..
لك إذا بيكون جار بي خالك بيعرف صاحب ابن مدير مكتب الوزير...ما حدا بيحكي معك...بقى كيف إذا كنت ابن عم الرئيس

شو يلي بدو مصداقية ؟؟ خبر القضاء ؟؟
ولا خبر ثروة جميل الاسد ؟؟

شباب دخيلكون قبل مانفوت بقصة المصادر والمصداقية وهالقصص لأنو ياريت نحكي بالخبر قد ماعم نحكي بالمصدر مابعرف ليش.... هي الخبر من سيريا نيوز الشهر الماضي وقت كان منذر متخبي ولسا مو طالع الحكم:

خلافات على تركة جميل الأسد تشعل صراعات بين ورثته
أكدت مصادر مقربة من منذر الأسد لـ" سيريانيوز " أنه بخير وبصحة جيدة، وأن اختفاءه جاء بناء على رغبته الشخصية، لتحاشي الظهور في الأماكن العامة، بعد سلسلة التهديدات التي تعرض لها من مطلقة أبيه، بسبب صراع على تركة والده جميل الأسد والمقدرة بنحو 5 مليارات دولار.
وكان جميل الأسد وهو الشقيق الأكبر للرئيس الراحل حافظ الأسد، رئيسا للجنة الأمن القومي في مجلس الشعب السوري، قد توفي في 15 ايلول الماضي، وتسبب تطليقه لإحدى زوجاته (أمل عزيز نعمان) قبل وفاته، في نشوب خلاف مالي على التركة بعد الوفاة، إذ طعنت نعمان في صحة الطلقة الأخيرة (البائنة), وطلب محاموها إبطاله لأنه طلاق المدهوش الذي لا يقره قانون الأحوال الشخصية في سوريا.
وعلى أثر هذا الخلاف تعرض منذر الأسد لإطلاق نار قبل شهر، لدى خروجه من مطعم الشلال في منطقة المزرعة وسط دمشق، لذلك قرر وبحسب مقربين منه التواري عن الأنظار نظرا لتعرضه وعائلته لضغوط من مسؤولين متنفذين مرتبطين بمطلقة أبيه، وصلت لحد تهديد من يعملون عنده ومحاولة الاستيلاء منهم على سياراته.
ونقل المقربون عن منذر أمله في أن يأخذ القضاء العادل مجراه, وألا يمارس أي ضغط على القضاة في القضية المعروضة أمام المحاكم الآن بينه وبين إخوته ومطلقة أبيه على اعتبار أنالتركة المتنازع عليها (المحجوزة حاليا بانتظار تسوية الخلاف) ضخمة وتضم 900 عقار موزعين في مدن عدة, إضافة إلى 5 مليارات دولار موزعة في المصارف الأجنبية.


يعني بتصور سيريا نيوز معروف لمين ومين وراه وشو توجهو.. بتخيل انو هيك سكرنا النقاش عن مصداقية رقم الثروة..

يا حبيبي يا أبو الشباب,... أنت بسوريا...يعني مستحيل يصير هيك شي...وأنت بتعرف..
لك إذا بيكون جار بي خالك بيعرف صاحب ابن مدير مكتب الوزير...ما حدا بيحكي معك...بقى كيف إذا كنت ابن عم الرئيس

هيك انت عيني.... بالفعل المفاجئ هو هالسابقة بالقضاء السوري بس مايهمك بتنحل بكرا متل العاده....

لا في هيك شي
نوع من تحسين وتقليل نفوذ افراد العائلة القدامى
من شان يصير في مجال لغيرها

متل العادة


ليش شو العادة .......!؟ :lol:

كمان هو ما عم يشكك بالخبر ، يبدو إنو هو عم يشكك بالملبغ تبع الورتة : إنو بس هيك :6 مليار دولار :shock:

ليش شو العادة .......!؟ :lol:

كمان هو ما عم يشكك بالخبر ، يبدو إنو هو عم يشكك بالملبغ تبع الورتة : إنو بس هيك :6 مليار دولار :shock:

العاده ياسيدي انو اي خبر مابيعجبنا منشكك فيه... المشكله انو شوي تانيه رح نصير بدنا نثبت أخبار جريدة البعث والثورة يلي مابتعجبنا ونشكك بمصداقيتها... الخبر كلو عل بعضو منطقي وانو بس تنقل خبر بدك تصير تدافع عنو وكأنو أبوك يلي كاتبو أو الخبر تلفيق وانت شريك بتلفيقو... وفوراً التكضيب والتشكيك قبل ما نتناقش بالخبر أو بتفاصيله ونقول شو المنطقي وشو الغير منطقي...

العاده ياسيدي انو اي خبر مابيعجبنا منشكك فيه... المشكله انو شوي تانيه رح نصير بدنا نثبت أخبار جريدة البعث والثورة يلي مابتعجبنا ونشكك بمصداقيتها... الخبر كلو عل بعضو منطقي وانو بس تنقل خبر بدك تصير تدافع عنو وكأنو أبوك يلي كاتبو أو الخبر تلفيق وانت شريك بتلفيقو... وفوراً التكضيب والتشكيك قبل ما نتناقش بالخبر أو بتفاصيله ونقول شو المنطقي وشو الغير منطقي...
انت بقسم الاخبار ... يعني مطلوب منك المصدر على طول .. و الا موضوعك بروح عالأرشيف أو عالملطوشات بأحسن أحوالو


العادة ... انك ما بتجيب أخبارك غير من مصادر بتهوي ...
أكتر أخبارك من السياسة الكويتية ..و من موقع عبد الحليم خدام



فهل هادا بيعني انك بتتبنى آراء هالمصدرين ..؟؟

بزمانو صديق لوالدي مغترب في المانيا حكالي قصة عن المرحوم جميل فما بتصور ابدا انو باسمه 5 مليارات دولار بمصارف خارجية

انت بقسم الاخبار ... يعني مطلوب منك المصدر على طول .. و الا موضوعك بروح عالأرشيف أو عالملطوشات بأحسن أحوالو



مافهمت يعني ماني ذاكر مصدر؟؟ ولا عم تقول أي شي؟؟

باعتبار مصدر الخبر واضح وفي خبر تاني من سيريا نيوز كمان واضح مصدرو.. فشو لازمتو هالحكي؟


العادة ... انك ما بتجيب أخبارك غير من مصادر بتهوي ...
أكتر أخبارك من السياسة الكويتية ..و من موقع عبد الحليم خدام

انت عامل احصائية عن الأخبار يلي انا بتقلها وطلع معك هالإستنتاج؟؟ بحب قلك انو حكيك غلط وبتحداك تجبلي خبر أنا ناقلو عن السياسة اذا ما كان ناقلو موقع تاني سوري وطني متل كلنا شركاء أو موقع الحقيقة أو المرصد السوري...

هلأ منجي عل فصة موقع خدام بتحداك كون بعمري ناقل منو خبر... ماشي؟؟ شو ماكان الخبر ولو مطبولة فيه الأرض بعمري مو ناقل منو خبر غير مره وحده ضمن خبر معين كان جايب معلومات فيه من كلابو يلي بهدون لليوم بينقلولو الأخبار... برجع بقلك لاقيلي خبر أنا ناقلو عن موقع خدام... ولعلمك هاد الحكي مو تبرير أوخوف.. هاد الحكي لأنو مابيشرفني انقل خبر عن موقع هيك شخصية...

فياريت بلا هالاتهامات الفاضية ويلي باعتبرها أنا تشكيك بوطنيتي وبفكري...



فهل هادا بيعني انك بتتبنى آراء هالمصدرين ..؟؟

بتخيل رأي بالتنين معروف وماني بحاجة لوضحو كمان مرة... وبكل الأحوال هون في خبر مذكور بموقعين محسوبين على الحكومة ومانا بصدد نقاش أنا من وين بنقل الأخبار التانيه... بفضل نتناقش بالموضوع وبالخبر المذكور...

مافهمت يعني ماني ذاكر مصدر؟؟ ولا عم تقول أي شي؟؟

باعتبار مصدر الخبر واضح وفي خبر تاني من سيريا نيوز كمان واضح مصدرو.. فشو لازمتو هالحكي؟


مو مشكلة هالخبر بالذات ......
عم احكي عن مواضيعك بشكل عام
المشكلة فيك انت ...مو بالخبر ..
يوم بتهاجم فريق ... تاني يوم بتنقل أخبار من مصادرو




انت عامل احصائية عن الأخبار يلي انا بتقلها وطلع معك هالإستنتاج؟؟ بحب قلك انو حكيك غلط وبتحداك تجبلي خبر أنا ناقلو عن السياسة اذا ما كان ناقلو موقع تاني سوري وطني متل كلنا شركاء أو موقع الحقيقة أو المرصد السوري...


شو استفدنا إذا هالموقع ( الوطني ) ناقل عن السياسة و ذاكر انو الخبر على ذمة هالصحيفة


برجع بقلك لاقيلي خبر أنا ناقلو عن موقع خدام... ولعلمك هاد الحكي مو تبرير أوخوف.. هاد الحكي لأنو مابيشرفني انقل خبر عن موقع هيك شخصية...
روح شوف بموضوع اغتيال العميد محمد سليمان

فياريت بلا هالاتهامات الفاضية ويلي باعتبرها أنا تشكيك بوطنيتي وبفكري...
هي مو اتهامات ..... هي تصحيح و نصيحة
يعني إذا حابب تحافظ على ( وطنيتك ) لازم بالأول تحافظ على مصداقيتك

مو مشكلة هالخبر بالذات ......
عم احكي عن مواضيعك بشكل عام


انت جاوبت زوربا لما سأل عن مصداقية الخبر: متل العاده ... اذاً هاد الخبر بيندرج ضمن الحكي يلي عم تحكيه عن كل الأخبار...

المشكلة فيك انت ...مو بالخبر ..لوعرفان هي المشكل بوجهة نظرك من الأساس ما كنت جاوبتك... لأنو مانك مخول أساساً انك تقيمني أو تحددلي مشاكلي...

يوم بتهاجم فريق ... تاني يوم بتنقل أخبار من مصادروبهاجمو وببقى بهاجمو ...وقلتلك ورجيني الأخبار يلي عم انقلها من مصادرهن...بعدين تعا لقلك قصة مافي قانون بأخوية بيمنع انو تنتقل الأخبار من وين ما كان... وتحديداً اني اذا بنقل خبر منقول من مصدر وطني بس ناقل هالخبر عنون بنقلو وبوضح انو برأيي كذب... متل ما صار بخبر الحادث تبع الباص...




شو استفدنا إذا هالموقع ( الوطني ) ناقل عن السياسة و ذاكر انو الخبر على ذمة هالصحيفة متل ما هالموقع نقل عنون نحنا كمان فينا ننقول عنون.. أخي مو بشي اعتبرنا عم نفضح كذبون ومصالحون... إلا اذا معتبرنا هون ناقصين عقل ومافينا نقيم ونحلل ونعرف الصح من الغلط وما لازم نسمع غير رأي واحد خوفاً على عقلنا وفكرنا.!!..

روح شوف بموضوع اغتيال العميد محمد سليمان هلكتني بهالموضوع يلي مابدك تعرف ليش نقلنا الأخبار من كل المصادر يلي نقلتو.. واجيت قلت الغارديان بنظرك إلها مصداقية نقلنالك ياه من الغارديان وماعجبك كمان...

برجع بقلك هاد الخبر كان حالة استثناء وذكرتلك بردي الأول انو بس بهالحالة نقلنا الكل لأنو كل واحد ناقل عن مصادر معينة مشان نقدر نحلل ونعرف أقرب شي للحقيقة... برجع بقلك خبر الاعلام يلي انت بتفضلو مانقلو وخبرحقيقي شو بتحب نعمل بهيك حالة؟؟ من وين نجيبو وكيف بدنا نتناقش بأخبار بلدنا؟


هي مو اتهامات ..... هي تصحيح و نصيحة
يعني إذا حابب تحافظ على ( وطنيتك ) لازم بالأول تحافظ على مصداقيتكمصداقيتي ووطنيتي ماحدا بيقدر يشكك فيون...واذا بدك تقيمني وقيمك أكيد مو هون المكان المناسب...مع العلم انك قايل بأول الرد انو المشكل فيني بس انا رح جاوبك انو المشكل بتحليلك للأمور مو فيك انت... وشكراً على النصيحة.

يا سامر انت دائما بتقول :

اذا الموضوع عجبك فوت اقرأ ما عجبك الله معك

طيب طبق هالقاعدة هلأ و اذا ما عجبك الله معك

لا تدايق مني بس هيك احسن

ما رح رد على كل شي حكيتو .. لأنو مكرر .. و ملينا و نحنا نحكي فيه


بس عجبتني هالجملة و حابب توضحلي هالفكرة كفكرة
وتحديداً اني اذا بنقل خبر منقول من مصدر وطني بس ناقل هالخبر عنون بنقلو وبوضح انو برأيي كذب... متل ما صار بخبر الحادث تبع الباص....

أنو من كل عقلك عم تحكي ...؟؟
يعني تقعد تنقللنا أخبار كاذبة و انت بتعرف انها كاذبة ....بس عذرك أنو حاطت ملاحظة بنهاية الخبر أنو برأيك كاذب

شو ممكن تكون غايتك من نقل خبر ....انت مقتنع سلف أنو كذب ..؟؟

يا سامر انت دائما بتقول :

اذا الموضوع عجبك فوت اقرأ ما عجبك الله معك

طيب طبق هالقاعدة هلأ و اذا ما عجبك الله معك

لا تدايق مني بس هيك احسن
انت بالذات لا بتدايق منك و لا بعتب عليك ..
بس هالحكي بتحكيه عن موضوع عم يحكي عن شي غنية ما بتعجبك ..
عن أمر ما بيلفت نظرك ولا بهمك ..
بس ما بينطبق على نقاشنا هون ...

ما رح رد على كل شي حكيتو .. لأنو مكرر .. و ملينا و نحنا نحكي فيه



ما بتصور هاد السبب ..


بس عجبتني هالجملة و حابب توضحلي هالفكرة كفكرة


أنو من كل عقلك عم تحكي ...؟؟
يعني تقعد تنقللنا أخبار كاذبة و انت بتعرف انها كاذبة ....بس عذرك أنو حاطت ملاحظة بنهاية الخبر أنو برأيك كاذب

شو ممكن تكون غايتك من نقل خبر ....انت مقتنع سلف أنو كذب ..؟؟

غايتي التوضيخ يلي بيقرا هيك حبر بموقع تاني انو هالخبر كذب...

وتحديداً لما يقراه بموقع قريب من السلطه متل كلنا شركاء... مافيني وضح هونيك بنقلو لهون وبوضح رأيي....عندك مشكل اني وضح رأيي ووضح للناس يلي ممكن تقرا هالخبر بمواقع تانيه انو هالخبر كذب شو الغاية منو؟؟

انت بالذات لا بتدايق منك و لا بعتب عليك ..
بس هالحكي بتحكيه عن موضوع عم يحكي عن شي غنية ما بتعجبك ..
عن أمر ما بيلفت نظرك ولا بهمك ..
بس ما بينطبق على نقاشنا هون ...
صحيح بس سلامة فهمك يعني فادي مو اول مرة بيشتغل بالسياسة و الاخبار

هو مهمتو ينقل الخبر و لو هالخبر كذب ووووووو

فالحق عالموقع مو عليه

يعني انت افرض حالك عم تقرأ هالخبر بتشرين

و ما عجبك متل هلأ اكيد رح تشلف هالجريدة و تقوم

كل واحد بيتمنى انو الاحداث تصير متل ما بدو بس يعني الجرايد ما بتتصل بالعالم و بتقلهن : ( شو حابين تسمعو اخبار اليوم )

انت بس روق و طنش :D

ا
بس هالحكي بتحكيه عن موضوع عم يحكي عن شي غنية ما بتعجبك ..
عن أمر ما بيلفت نظرك ولا بهمك ..
بس ما بينطبق على نقاشنا هون ...

حددلنا أخي وين الحكي بينطبق و وين لاء.. بس ياريت تحددلنا الأماكن مسبقاً مشان نعرف وين بدنا نحكي وشو بدنا نحكي ونمشي متل مابدك !!!

غايتي التوضيخ يلي بيقرا هيك حبر بموقع تاني انو هالخبر كذب...

وتحديداً لما يقراه بموقع قريب من السلطه متل كلنا شركاء... مافيني وضح هونيك بنقلو لهون وبوضح رأيي....عندك مشكل اني وضح رأيي ووضح للناس يلي ممكن تقرا هالخبر بمواقع تانيه انو هالخبر كذب شو الغاية منو؟؟
.

لا ما بتصور هي غايتك ....
و اذا صح هيك غايتك .... فانت على خطأ كبير ...
هون قسم الاخبار ... مو قسم السياسة
يعني أكتر الاعضاء بفوتو بيقروا الخبر ......و ما بيقروا شو تعليق حضرتك عليه ..ولا بيعنيهون

حددلنا أخي وين الحكي بينطبق و وين لاء.. بس ياريت تحددلنا الأماكن مسبقاً مشان نعرف وين بدنا نحكي وشو بدنا نحكي ونمشي متل مابدك !!!
شفت كيف انك بتاخد الامور بسذاجة....و سطحية .... و لا بتعرف عن شو عم نحكي

يا بني .. قسم الاخبار للكل ... و الكل حقون يقروا فيه ...و حقون يعطو رأيون بيللي مكتوب
غير لما بتفوت ع قسم الموسيقى .. و بتكتب رد أنو موسيقى الجاز بشعة ... لمجرد انك بتكره الجاز

مسيو منذر خايف من مرت ابوه و مالو خايف من حدا يسالوا من وين جاب االمليارات وهل العقارت

اساساً بيسترجي حدا يسألو ؟

هل عائلة طول عمرها عصامية :lol:

هي الخبر من سيريا نيوز الشهر الماضي وقت كان منذر متخبي ولسا مو طالع الحكم:

خلافات على تركة جميل الأسد تشعل صراعات بين ورثته
أكدت مصادر مقربة من منذر الأسد لـ" سيريانيوز " أنه بخير وبصحة جيدة، وأن اختفاءه جاء بناء على رغبته الشخصية، لتحاشي الظهور في الأماكن العامة، بعد سلسلة التهديدات التي تعرض لها من مطلقة أبيه، بسبب صراع على تركة والده جميل الأسد والمقدرة بنحو 5 مليارات دولار.
وكان جميل الأسد وهو الشقيق الأكبر للرئيس الراحل حافظ الأسد، رئيسا للجنة الأمن القومي في مجلس الشعب السوري، قد توفي في 15 ايلول الماضي، وتسبب تطليقه لإحدى زوجاته (أمل عزيز نعمان) قبل وفاته، في نشوب خلاف مالي على التركة بعد الوفاة، إذ طعنت نعمان في صحة الطلقة الأخيرة (البائنة), وطلب محاموها إبطاله لأنه طلاق المدهوش الذي لا يقره قانون الأحوال الشخصية في سوريا.
وعلى أثر هذا الخلاف تعرض منذر الأسد لإطلاق نار قبل شهر، لدى خروجه من مطعم الشلال في منطقة المزرعة وسط دمشق، لذلك قرر وبحسب مقربين منه التواري عن الأنظار نظرا لتعرضه وعائلته لضغوط من مسؤولين متنفذين مرتبطين بمطلقة أبيه، وصلت لحد تهديد من يعملون عنده ومحاولة الاستيلاء منهم على سياراته.
ونقل المقربون عن منذر أمله في أن يأخذ القضاء العادل مجراه, وألا يمارس أي ضغط على القضاة في القضية المعروضة أمام المحاكم الآن بينه وبين إخوته ومطلقة أبيه على اعتبار أنالتركة المتنازع عليها (المحجوزة حاليا بانتظار تسوية الخلاف) ضخمة وتضم 900 عقار موزعين في مدن عدة, إضافة إلى 5 مليارات دولار موزعة في المصارف الأجنبية.



هالخبر حبيب إلو أربع سنين...مو من الشهر الماضي...تاني شي..مو مذكور شي عن أي محاكمة..يعني أنت جبتلنا خبر تاني همرو أربع سنين كبرهان على صحة خبرك تبع المرصد السوري...



يعني بتصور سيريا نيوز معروف لمين ومين وراه وشو توجهو.. بتخيل انو هيك سكرنا النقاش عن مصداقية رقم الثروة..


أول شي أنا ما كان تعليقي على رقم الثروة...اعتراضي على خبر محاكمة منذر الأسد