يكاد يكون تقدم الرجل على المرأة والأولاد ببضع خطوات او اكثر ، عندما تمشي العائلة في الشارع مشهدا مألوفا في بلادنا ، وحتى تفضيل دخول المرأة من الباب او الخروج منه في الزيارات والمناسبات العامة وحتى في المنزل ، عند ركوب السيارة .. وفي كثير من الحالات ترى الرجل يمضي اولا وتلحق به المرأة تاليا ..

يرى البعض ان هذه مجرد مظاهر لا تقدم ولا تؤخر وليس لها أي دلالات فيما يتعلق باحترام الرجل للمرأة ..
فيما يرى البعض الأخر بان هذه المظاهر لها دلالاتها الكبيرة في مدى احترامنا للمرأة وان تصرفنا بهذا الشكل انما يعكس حقيقة قناعاتنا بتسيد الرجل وتبعية المرأة ..؟

انت ما رأيك .. في ان تكون المرأة أمامك ؟؟

هلق ما بعتقد القصة فيها باطل او لا
في شي بالعادة بيجي
يعني
انا وقت بكون ماشي بمكان كتير كتير عجقة بخلي البنت تمشي قدامي مشان ما خلق حدا يتحرش فيها من وراي
بس اذا كان في مشوة من بين الشباب لازم انا امشي ادامها مشان افسح لها طريق تمرق منه

القصة هي بتصير بثواني وما بلحق فكر فيها يعني بتجي ارتجالية اكتر مما هية حالة فكرية بينتج عنها التصرف بعد تفكير عميق

* فاعول : من الأدب تخلي البنت تنزل قدامك على الدرج
ومن الادب انك تطلع قدامها على الدرج

قلبها بعقلك وخبرني اذا مشيت معك ;)

رح سألك سؤال ، الو هاد الموقف علاقة بالعمر ؟

انا بحب تكون المراة امامي لما بتكون مصيبة عم تستناني....يعني خلي المفخخة تفقع بوشها....وان في السليم:cry:

أنا رأي الشغلة إلها علاقة بشخصية الواحد ، ان كان شب او زلمي عندو عيلة او ختيار كبير بالعمر ، هلأ بحارات الشام القديمة بتشوف الزلمي ماشي قدام حرمتو ، ومو الكل طبعا ، وفي منهن بيشنكلوا زواجهن ، المهم المختصر المفيد ليش الصبية او المرا لتمشي قدامي او وراي ، لأ منمشي سوا أحسن وببعض المواقف متل ركوب السيارة او دخول البيت بخلي الذوق يلعب دورُ ، ( السيدات أولا ):larg:

رح احكي عن كيف انا بحس بيصير واخواتي الشباب معي..
بالعادة بيمشي اخوي قدام ازا الطريق جديدة او انا ما بعرف المكان منيح
وبيرجع وراي ازا كان في شباب بالمنطقة زي ما حكى ابو طوني عشان موضوع الحركشة !!

هو يفضل انو تكون البنت ادام..ليش؟لحتى تضل عينو عليها..اماازا بتمشي وراه؟؟؟شايفيتها مش حلوة بحقها كنها شي نكرة يعني...
بس انو الاحسن والاحسنين انو يمشوجنب بعض إلا لما يكون في عجقة شباب وقتها شي تاني...

بصراحه اكتر الرجال هلا بيمشوا وبيتركوا المراه وراهم ولك واذا لطشها حد مابحس شو بدكم احلى من هيك
انا برايي هيك عم يقلل من قيمتها
والمفروض يمشوا جنب بعض وبالزحمه تكون هي قدام

بصراحه اكتر الرجال هلا بيمشوا وبيتركوا المراه وراهم ولك واذا لطشها حد مابحس شو بدكم احلى من هيك
انا برايي هيك عم يقلل من قيمتها
والمفروض يمشوا جنب بعض وبالزحمه تكون هي قدام
صح الكلاااام :ok: مظبوط

اذا كان الشارع خالي من المارة تماماً
اذا كانت المرأة تتأخر الرجل فعقليته ذكورية نوعا ما ... الا اذا كان الرجل عظيم فوراء كل رجل عظيم امرأة عظيمة
اذا كانت تُحاذيه فهما متفقان او متفاهمان .. الا اذا كانت المرأة تجاري سرعته "هروبه" لتذكيره بزيارات صلة الرحم
اذا كانت تسبقه .. نرى بانه قد طرأ على الاحوال الانثوية ارتفاع في منسوب الحرية والتحرر وانخفاض في المعدل التراكمي لهرومنات الذكورة لدى زوجها
وإلا ليش زوجته تسبقه عشان تلحق باب الحارة قبل مـ يسكر

وان كان مع حبيبته فنراه يحط على كتفها ويعشش في قلبها
لا يمكن لعاشقٍ ان يتقدم أو يتاخر او يحاذي حبيبته
والا لماذا تنحسر ظلاله تحت قدميها
ولا تطيع قوانين ميول الشمس

يعني نحن لما عم نناقش هالمسألة عم نناقشها من وجهة نظر ذكورية
ليش؟؟؟؟؟
لانو انتو عم تقولوا اذا مشي كذا بيكون كذا و اذا مشي هيك بيكون هيك
ليش ما حتى نقول انو اذا هيي مشيت هيك ورا مثلا رح تكون هيك ضعيفة مثلا او بتخاف منو او اشيا غلطت بتفكيرها
قصدي انو هيي كمان بتلعب دور

مش بس بالشارع يلي بيعكس الصوره المصغرة للحياه
وانما وين ما كان
بفضل انو الرجال يمشي ورايي
مشان لما اصعق واتفاجئ بشي ضربة
يكون في مين يتلقاني