أخوة على الورق
.
.

هي مشكلة تتمثّل في طرح شكل علاقة قائمة بين شقيقتين لا تطيق إحداهما الأخرى في ظل إعترافها الواضح والصريح بذلك، في وقت لا تنفّك والدتهما تبحث عن سبب وصولهما إلى هذه الدرجة الدنيا من العلاقة فيما بينهما، وتعتبر الوالدة بأنّها فشلت ربما في توجيههما إلى شكل العلاقة اللازم بينهما كشقيقتين من نفس الأم والأب ...

شخصيتان مختلفتان تُثيران العجب ربما، الأولى عنيدة قاسية لا تعرف للود مكاناً وخاصّة في علاقتها مع والدها، وأخرى يتّصف سلوكها بالخجل والهدوء ... مع أب يعتبر أنّ السلطة تتمثّل في الضرب والصراخ.

.
.
كيف ستتمكّن الوالدة من ضبط الأمور في منزلها ؟

وَ كيف يمكنها أن توجّه بناتها في وقت لم يعني لهما توجيهها شيئاً، خاصة بعد ان استنفذت كل طرق القصاص والضرب والحرمان ولم تصل إلى نتيجة تـُـذكر؟.

.
.

//مشكلة ورأي//

ع فكرة .. ادا الاسئلة صعبين .. بدكن تعاتبوا سوريويو ..
لان قلتلو انو الاسئلة صعبين وما كان بدي اطرح الموضوع.. بس كان مصر اني اطرحه بالرغم من انه شائك

اي وهيك

طيب شو اعمار البنات
وشو ثقافتهم؟؟

طيب شو اعمار البنات


ما بتذكر هالنقطة بالضبط .. لكن بتذكر انعرض انهن صبايا .. بلكي مراهقات لسّاهن

أنا برأيي الاخوة الاشقاء لو ما كان في بيناتهون قواسم مشتركة .ما في داعي من محاولات التقارب لأنهم بالنهاية لا تربطهم الا رابطة واحدة الا وهي رابطة الدم وهي رابطة يختص بها العرف الاجتماعي
لذلك هالمحاولات للتقارب بين شخصيتين متنافرتين اصلاً وبأي وسيلة ستبوء بالفشل.
رابطة العرف الاجتماعي ممكن ان تقوى وحدها مع الايام والمحاولات الجانبية لن تسهم في ذلك فالتقارب ربما يحدث عند وقوع احدى الفتاتين في مشكلة لا تجد من يمد لها يد العون الا شقيقتها وربما بعد مرور فترة من الوقت واستقرار شخصية كل منهما . عندها فقط ودون تدخل ربما يحدث تقارب ..

هلق اختلاف طباعهن "عنيدة قاسية"و " خجولة وهادئة " ما بيعني اختلافهم مع بعض وكرهم لبعض
والمسالة ما بتوقع عدم وجود قواسم مشتركة في شي اكبر واعمق من هيك
يعني ربما مشاكل بين الاهل...
او ربما انو البنت الخجولة محبوبة بالنسبة لابوها مثلا اكتر من العصبية هاد بخليها تكرهها كمان
بس الراي الاكثر ورودا انو في مشكلة قديمة صايرة مع احداهن خلتها تكره التانية وبيجوز بيجوز المشكلة ما الها علاقة بين الاختين يعني بين احدى الاختين وطرف ثالث بس الغضب اتجه ليشعل بينهم.
هلق بداية لازم نلاقي السبب اولا والا كل الحلول رح تكون مؤقتة. وبعدين لازم يشتغل الاب والام مع بعض بالحل مو بس الام
او انو الزمن لوحدو متل ما ذكر الباشق بضربة قوية ممكن يجمعهم مع بعض
بالاخير هي وجهة نظر خاصة فيني على ضوء يلي طرحتيه.

احيانا بيكون الاهل سبب رئيسى اذا فضلوا بنت عن اخرى بالتمييز وذكر المحاسن اكثر لفتاة دون اخرى
هذا ليه نتيجتين متضادتين فى علم النفس النتيجة الاولى الغيرة التى تكبر مع مرور الايام الى نفور او كره

والنتيجة الثانية الفتاة المظلومة اطراءا بتبالغ فى حب اختها الاخرى بطريقة ملحوظة ( غريبة النتيجة دى بس حقيقية والنماذج تحت ايدى )

فالتقارب ربما يحدث عند وقوع احدى الفتاتين في مشكلة لا تجد من يمد لها يد العون الا شقيقتها

بس توقع وحدة بمشكلة مو شرط انو التانية رح تساعدها

بالعكس .. يمكن تشمت فيها :? احداهن ما بتعرف شو يعني ود..شو يعني هدوء..

همممممممممممـ

درجت العلاقة التي تتصفينها بمنتهى السوء بين هاتين الأختين
ربما تكون الأسباب كثيرة و ربما يكون موقف قديم أو تميز ما من أحد الوالدين
ولكن الفكرة التي يمكن أن تقوي علاقتهما سوياً

هي وضعهما في عمل مشترك جدي و لا يكون أحد الوالدين مسؤلاً عنه
أي أن يكون العمل تابع لأحد ما ولكنه مشترك بين هاتين الأختين و بنفس درجة العمل
بعد فترة معينه ستألفين العمل سوياً و سيصبح التعامل بينهما أسهل و بطريقة سلسه

أتوقع سبب بعدهما عدم النقاش بينهما

ربما لو قررتا أن تخرجا بالخطأ يوماً للمسير سوياً ستكتشفان كم من الأمور المشتركه بينهما
وكم أنهما قد أضاعتا على ذواتهما الكثير من الأشياء الجميلة




ملاحظة : "ما أقوله شيء مجرب على صعيد شخصي :D"

اااااااخ ذكرتيني باخي الاكبر مني :lol: ... مو انو ما كنا نحب بعض لا ......... بس كنا على عداء دائم بالافكار ... يعني انا بالشرق و هو بالغرب و لا بحياتنا التقينا بشغلة او اتفقنا على شي ابدا ... اساسا ما كان يصير اي نقاش بيناتنا لا من قريب ولا من بعيد ... الله وكيلك متل الغرباء كنا :cry:
بس بعد ما اتغربت و رجعت اجازة على سوريا سبحان الله كلو تغير فجأة ... و صرنا رفقة كتير و كانو كنا طول عمرنا اصحاب الروح بالروح ... بيجوز الفرقة هيي اللي غيرت العلاقة ... الغربة.... بتوقع هاد هو السبب الرئيسي ... يعني لا انا شخصيتي تغيرت و لا شخصيتو .. لساتنا كل واحد عندو نفس الطباع و النفسية ما تغيرو بس سبحان الله تغيرت العلاقة بيناتنا 180 درجة ... بلكي لو وحدة فيهن هي القاسية و العنيدة بتغير جو شي سنة زمان بتحن ... اكيد مية بالمية انا واثق انو رح يختلف الوضع بيناتن كتير ... لانو الغربة يا بنت الحلال بتدوب الحجر الله وكيلك :cry: و بيصير الواحد يشتاق لكل شي ... بكل معني الكلمة ... و بتتغير نظرتو لهالاشخاص و معاملتو معن مية بالمية :deal:

هلق اختلاف طباعهن "عنيدة قاسية"و " خجولة وهادئة " ما بيعني اختلافهم مع بعض وكرهم لبعض
بالاخير هي وجهة نظر خاصة فيني على ضوء يلي طرحتيه.

الاولى مش قصة بس عنيدة.. هي عندها كره في قلبها..ما بتعرف شي اسمو ود .. لهيك الاختلاف قائم ما في شك ..
ويمكن كرهها ناتج عن حسد وغيرة من اختها باعتبار الاهل الطبيعي يحبو هدوئها..متل ما قالت اسبيرانزا

احيانا بيكون الاهل سبب رئيسى اذا فضلوا بنت عن اخرى بالتمييز وذكر المحاسن اكثر لفتاة دون اخرى
هذا ليه نتيجتين متضادتين فى علم النفس النتيجة الاولى الغيرة التى تكبر مع مرور الايام الى نفور او كره


اي هيدا ممكن كتير .. انو الكره تولّد نتيجة غيرة بمعنى الحسد ..
.
.

:D

برأي . . . ان يتم عزل الفتاتين عن بعضهم لمدة شهر على الاقل

يعني اجازة ربما عند الاقارب

انا متأكد ان الامر سيتغير

حسب تحليلي
في المستقبل القريب

ستصبح الخجولة عنيفة جدا
والعنيفة هادئة اكثر
اذا استمر الوضع هكذا

اااااااخ ذكرتيني باخي الاكبر مني :lol: ... مو انو ما كنا نحب بعض لا ......... بس كنا على عداء دائم بالافكار ... يعني انا بالشرق و هو بالغرب و لا بحياتنا التقينا بشغلة او اتفقنا على شي ابدا ... اساسا ما كان يصير اي نقاش بيناتنا لا من قريب ولا من بعيد ... الله وكيلك متل الغرباء كنا :cry:
بس بعد ما اتغربت و رجعت اجازة على سوريا سبحان الله كلو تغير فجأة ... و صرنا رفقة كتير و كانو كنا طول عمرنا اصحاب الروح بالروح ... بيجوز الفرقة هيي اللي غيرت العلاقة ... الغربة.... بتوقع هاد هو السبب الرئيسي ... يعني لا انا شخصيتي تغيرت و لا شخصيتو .. لساتنا كل واحد عندو نفس الطباع و النفسية ما تغيرو بس سبحان الله تغيرت العلاقة بيناتنا 180 درجة ... بلكي لو وحدة فيهن هي القاسية و العنيدة بتغير جو شي سنة زمان بتحن ... اكيد مية بالمية انا واثق انو رح يختلف الوضع بيناتن كتير ... لانو الغربة يا بنت الحلال بتدوب الحجر الله وكيلك :cry: و بيصير الواحد يشتاق لكل شي ... بكل معني الكلمة ... و بتتغير نظرتو لهالاشخاص و معاملتو معن مية بالمية :deal:
هاي القصه صايره معي طبق الاصل مع اختي الكبيره كمان كنا نكره بعض بالوجه
بس انا كنت حبها بس هي دائما بتعبني وبنتخانق كتير
بس لما تزوجت تغير كل شي
بالبعد بحس الواحد اكتر بكون فاضي ليفكر وبيشتاق للي بحبهم
انا برايي اتركوهم الاماالزمن يغيرهم;)

همممممممممممـ


درجت العلاقة التي تتصفينها بمنتهى السوء بين هاتين الأختين
ربما تكون الأسباب كثيرة و ربما يكون موقف قديم أو تميز ما من أحد الوالدين

ما في شك انو التمييز ممكن يولّد غيرة وبالتالي كراهية بين الاختين..
لكن ممكن تكون صفات موجودة بطبيعة , بتكوينة .. الشخص

اصلا يمكن التمييز نشأ نتيجة وجود هالصفات يللي بتستدعي للتمييز


ولكن الفكرة التي يمكن أن تقوي علاقتهما سوياً

هي وضعهما في عمل مشترك جدي و لا يكون أحد الوالدين مسؤلاً عنه
أي أن يكون العمل تابع لأحد ما ولكنه مشترك بين هاتين الأختين و بنفس درجة العمل
بعد فترة معينه ستألفين العمل سوياً و سيصبح التعامل بينهما أسهل و بطريقة سلسه


بس يمكن تخلق المنافسة .. والغيرة من تفوق احداهن ع التانية .. وهالشي بيزيد الكره



أتوقع سبب بعدهما عدم النقاش بينهما

ربما لو قررتا أن تخرجا بالخطأ يوماً للمسير سوياً ستكتشفان كم من الأمور المشتركه بينهما
وكم أنهما قد أضاعتا على ذواتهما الكثير من الأشياء الجميلة


بحب ذكرك انو هالامر غير مـُـطلق .. ممكن اصلاً ما يكون في قواسم مشتركة







ملاحظة : "ما أقوله شيء مجرب على صعيد شخصي :D"

يعني ممكن معك نجح الامر..او الحل..لكن بيختلف من شخص لآخر..من حالة لـ تانية

نورتي عزيزتي
:D

اااااااخ ذكرتيني باخي الاكبر مني :lol: ... مو انو ما كنا نحب بعض لا ......... بس كنا على عداء دائم بالافكار ... يعني انا بالشرق و هو بالغرب و لا بحياتنا التقينا بشغلة او اتفقنا على شي ابدا ... اساسا ما كان يصير اي نقاش بيناتنا لا من قريب ولا من بعيد ... الله وكيلك متل الغرباء كنا :cry:بس بعد ما اتغربت و رجعت اجازة على سوريا سبحان الله كلو تغير فجأة ... و صرنا رفقة كتير و كانو كنا طول عمرنا اصحاب الروح بالروح ... بيجوز الفرقة هيي اللي غيرت العلاقة ... الغربة.... بتوقع هاد هو السبب الرئيسي ... يعني لا انا شخصيتي تغيرت و لا شخصيتو .. لساتنا كل واحد عندو نفس الطباع و النفسية ما تغيرو بس سبحان الله تغيرت العلاقة بيناتنا 180 درجة ...

شغلتك مختلفة..طبيعي يصير جدال..خلاف بين الاخوة.. وما يكون في كره بين الطرفين..
لكن بقصة الاختين..في كره..والخلاف مش بس بالافكار..الخلاف بالنفسية..بالتصرفات..بالصفا ت..

بكل حال:


بلكي لو وحدة فيهن هي القاسية و العنيدة بتغير جو شي سنة زمان بتحن ... اكيد مية بالمية انا واثق انو رح يختلف الوضع بيناتن كتير ... لانو الغربة يا بنت الحلال بتدوب الحجر الله وكيلك :cry: و بيصير الواحد يشتاق لكل شي ... بكل معني الكلمة ... و بتتغير نظرتو لهالاشخاص و معاملتو معن مية بالمية :deal:


ممكن


:D

برأيي لازم الام مثلا تاخد تكسر قنينة المناكير تبع البنت القاسية و تقلها انو اختك رح تعطيكي تبعها

و كم فصل من هالفصول و بيمشي الحال

او يستشيرو اخصائية اجتماعية

لا تنشأ الإنقسامات الأسرية دونما وجود انحلال أسري بـِ الأصل وَ سوء بل وَ ضعف تربية

هل لي بـِ سؤال

الأب وَ الأم كَيفَ هيَ علاقتهما بـِ بعض ؟

هل يوجد رعاية كافية مِن قبل الأب لِكتلا الفتاتين ؟

فمِنَ الطبيعي أن تعجز الأم في ظل غياب دور الأب الفاعل في ضبط سلوك الفتاتين

إنَ عقل الطفل كـَ الإسنفجة يمتص كُل ما حوله مِن تغييرات وَ معلومات وَ سلوكيات تحصل في واقعه

وَ بالتالي تعكس هذهِ السلوكيات التي امتصها مُنذ ُ الطفولة

تعكس شخصيته وَ عاداته وَ سلوكياته

وَ بالتالي لا يأتي الإنسجام وَ المحبة الأسرية إلا من خلال حُسن التربية مِن كِلا الأبوين

الحل :

عدم إتباع مَبدأ " الثواب وَ العقاب "

لأنهما قد تجاوزتا تلكَ المَرحلة وَ قد يؤثر العقاب سلباً على شَخصيتهما مُستقبلاً بـِ شَكل مَرضي

وَ إتباع أساليب وِّدية تكون أكثر رفقاً بهما بتواجد كلا الأبوين بشكل يَضبط من تصرفاتهما

وَ إشراكهما بـِ عَمل مُشترك تحت رعاية الأبوين

الحل هوَ الإنسجام الأسري وَ التفات كِلا الأبوين لـِ أسرتهما

هذا رأيي بـِ كُل تواضع

لكِ وِّدي

:D

الحل السلمي والوحيد والفريد انه يجوزو البنتين وهيك بخلصو من هالمهاترات وبعيشو بسبات ونبات:clap:

برأي . . . ان يتم عزل الفتاتين عن بعضهم لمدة شهر على الاقل



يعني اجازة ربما عند الاقارب

انا متأكد ان الامر سيتغير

حسب تحليلي
في المستقبل القريب

ستصبح الخجولة عنيفة جدا
والعنيفة هادئة اكثر

اذا استمر الوضع هكذا


1) رايك يعني متل ما قال وسيم .. انو يبتعدوا عن بعض لفترة .. فـ ممكن .. احتمال وارد يعني


2) انو تصير الخجولة عنيفة والعنيفة هادئة .. بتقصد انو ممكن الهادئة تتمرد من كتر تمرد اختها .. بالتالي التانية ممكن تخاف من تمرد اختها يللي بالاصل كانت هادية .. بالتالي تصير هادية ..


كمان بيجوز .. ممكن للحقيقة


هاي القصه صايره معي طبق الاصل مع اختي الكبيره كمان كنا نكره بعض بالوجه
بس انا كنت حبها بس هي دائما بتعبني وبنتخانق كتير
بس لما تزوجت تغير كل شي
بالبعد بحس الواحد اكتر بكون فاضي ليفكر وبيشتاق للي بحبهم
انا برايي اتركوهم الاماالزمن يغيرهم;)

بما انو متل وسيم .. فـ متل ما قلت لوسيم بقلك .. انو .. ممكن ..

برأيي لازم الام مثلا تاخد تكسر قنينة المناكير تبع البنت القاسية و تقلها انو اختك رح تعطيكي تبعها

و كم فصل من هالفصول و بيمشي الحال

او يستشيرو اخصائية اجتماعية

بس مو شرط انو الاخت القاسية رح تحس بـ حنان اختها في حال صار فصل من الفصول يللي ذكرت مثال منها .. يمكن تعتبرها غبية .. يمكن تعتبر انو واجب عليها .. يمكن ما تعتبر شي حتى .. انو يمكن يهمها بس تاخد يللي فقدتو وبس .. هيي بالنهاية ما عندها ود

بالنسبة لاستشارة الاخصائية .. فـ حل مزبوط بلا شك ..

الحل السلمي والوحيد والفريد انه يجوزو البنتين وهيك بخلصو من هالمهاترات وبعيشو بسبات ونبات:clap:

ادا بدنا نعتبر قصدك انو بالزواج ممكن تصلح الامور .. من خلال انو ابتعدوا عن بعض .. ممكن يحنّوا لبعض .. فـ يعني متل ما قالوا الاخوان .. لهيك بقلك متل ما قلتلهن .. انو .. ممكن

اللامنتمي

اول شي .. بحسك عم تنتقم مني .. بهالرد :lol:

تاني شي:



الأب وَ الأم كَيفَ هيَ علاقتهما بـِ بعض ؟
هل يوجد رعاية كافية مِن قبل الأب لِكتلا الفتاتين ؟



يللي مذكور من تفاصيل بسيطة حطيتها .. و من يللي مذكور انو الاب عصبي .. ما بعرف بلكي هالشي الو دلالة انو ممكن تكون العلاقة مش مبنية ع التفاهم بين الاب والام او الابناء




إنَ عقل الطفل كـَ الإسنفجة يمتص كُل ما حوله مِن تغييرات وَ معلومات وَ سلوكيات تحصل في واقعه

وَ بالتالي تعكس هذهِ السلوكيات التي امتصها مُنذ ُ الطفولة

تعكس شخصيته وَ عاداته وَ سلوكياته




ع فكرة عجبني التشبيه اعلاه ..صحيح ومنطقي جدًّا



إتباع أساليب وِّدية تكون أكثر رفقاً بهما بتواجد كلا الأبوين بشكل يَضبط من تصرفاتهما

وَ إشراكهما بـِ عَمل مُشترك تحت رعاية الأبوين

الحل هوَ الإنسجام الأسري وَ التفات كِلا الأبوين لـِ أسرتهما

هذا رأيي بـِ كُل تواضع


هلأ الاساليب الودية ما بعرف اديه ممكن تأثر .. باعتبار انو احداهما ما بتعرف شي اسمو ود .. اما اشراكهما بعمل مشترك .. فـ ممكن يزبط .. بس من جهة تانية ممكن يصير في ندية او حسد اذا ما تفوقت الهادئة ع التانية ..


وَ :



لكِ وِّدي

:D


:D

كل وحده من طريق احسن شي!!!
لانه ازا ما وحده منهن ادموا تنازلات ما بيزبط الوضع!!!!!!

كل وحده من طريق احسن شي!!!
لانه ازا ما وحده منهن ادموا تنازلات ما بيزبط الوضع!!!!!!

كل وحدة بطريق متل ما تقول ما يعودوا يتعرفو على بعض..انو هيدا ادا بدنا نعتبرو حل..
فـ الو سلبية انو فرقنا اختين عن بعض بشكل نهائي .. بدال ما نلاقي حل يجمعهن

انا برايي انو يفصلوهن عن بعض كم شهر...و انا متاكده انو ما رح

يقدرو يتخلو عن بعض...هو الموضوع بدو شوية صبر...