سلام للجميع.
الموضوع جداً جدي, وصراحةً أنا اترددت كثير قبل ما اطرح الموضوع بأخوية بس قلت رح إعمل اللي علي وإلي أجر المحاولة.
أخي بيشتغل بشركة جداً مشهورة هون (الدولة الخليجية) وطالبين صبايا من سوريا لقسم المبيعات وعلى غير العادة المقابلة ع الهاتف والتكاليف ع الشركة من فيزة عمل وتكت طيارة إلى أخره. لأنو كل الشركات الكبيرة هون مابتستقدم عمالة من الخارج مباشرة, وإنما الموجودين ضمن البلد بس لأنو لازم يمر ع أكثر من مقابلة لينقبل. وبالتالي معلومكن اللي بدو يطلع ليشتغل بعقد جيد وشركة محترمة لازم يطلع عحسابو فيشتري فيزة عمل وتكت الطيارة وياجل حالو إذا ماكان مأجل و ..... ويشد الرحال وهنيك يبلش يدور, المهم الموضوع الله بيشهد عليه إنو جدي.
مارح ادخل بالتفاصيل عن العمل بس هي هي النقاط الأساسية, العمل هو موظفة مبيع بتوقف بجوار السلعة أو البراند في شي مول والبراند المطلوب لهالوظيفة هو ماركة عالمية وغالي وبالتالي رح تكون مرتاحة بالعمل لأنو مو كل شخص ممكن يشتري هيك سلعة. الرابت جيد ومتل ماقلت التكاليف ع الشركة. المقابلة ع التلفون, اللغة الإنكليزية مطلوبة بالحد الأدنى, يعني بتعدي حالها. السكن ع الموظفة يعني الشركة بتدفع بدل سكن ما بتأمن السكن بشكل مباشر. بحسبة بسيطة اصافي من الراتب بعد خصم الأكل والشرب والسكن والتنقل وطبعاً بمستوى جيد جداً بيكون بحدود 25 الى 30 ألف ليرة سوري.
الخبرة غير ضرورية ( بنكتب بالسي في إنو في خبرة بس القصد مافي أسئلة عن هالنقطة )

البلد هون أمان كثير كثير بالصبية بتكون مصانة وماحدا يسترجي يقرب عليها بكلمة فمافي خوف من هالنقطة.


بتمنى يتدخل احد المشرفين أو المشرفات بهالقسم لينسق الموضوع للي عندها رغبة, أنا مو نايبني شي غير إنو عم حاول ساعد شباب بعمري مريت متلون بمرحلة البطالة وحلم السفر وبالأخير الله وفقني ونلت مرادي.

نسيت قلكن إنو مافي دراسة محددة مطلوبة باعتبار الشغل مبيعات فغالباً كل الإختصاصات تنقبل. بالتوفيق للجميع

انو لو كنت صبية كنت رحت بس شب وللأسف يعني تحتها شي ميت خط
:D

انو لو كنت صبية كنت رحت بس شب وللأسف يعني تحتها شي ميت خط
:D

والله معك حق بس الله بيعوضك بالأحسن

:pos::pos:

يعني ضروري تكون الصبية سورية؟؟؟؟؟
طب انا بتقن فرنسي انجليزي واسباني .شو موقعي من الاعراب

يعني ضروري تكون الصبية سورية؟؟؟؟؟
طب انا بتقن فرنسي انجليزي واسباني .شو موقعي من الاعراب

موقعك ع عيني وراسي وإذا فيني ساعد ما بقصر. بس طالما معك 3 لغات والعربية معن بتوقع إنو بيكون وضعك مليح كثير. برجع بقلك إذا فيني ساعد مابقصر بإذن الله

ماقلتلنا ليش خص نص سورية؟

ماقلتلنا ليش خص نص سورية؟
والله مابعرف. وماني متأكد إذا بدن بس سوريات بس أخي بيشيغل فيها وهو معلومك سوري فصارلو خبر وخبرني مشان إذا في حدا ممكن نفيدو انفيدو.

في أي دولة خليجية بالتحديد

نسيت قلكن إنو مافي دراسة محددة مطلوبة
طيب مو مطلوب يكون عندها امكانيات بارزة ( على قولة دريد لحام )

طيب مو مطلوب يكون عندها امكانيات بارزة ( على قولة دريد لحام )

واحد صفر الك ابو سمرا

طيب مو مطلوب يكون عندها امكانيات بارزة ( على قولة دريد لحام )

هي أمور بندقق عليها بس بسوريا, بغير مكان بتكون أمر تحصيلي وخاصة بمجال المبيعات, لأنو إذا مانفعت هالإمكانيات الخاصة ع قول حضرتك والسيد دريد بتصير إم هالإمكانيات وإمكانياتي بمستوى واحد

واحد صفر الك ابو سمرا

شكراً ع المشاركة, خليك إنت عم تلم طابات لقلك.

في أي دولة خليجية بالتحديد
قطر:larg:

حدا بيشتري سمك بالمي

حدا بيشتري سمك بالمي
ماحدا قال في سمك بالمي, طلبنا من أحد المشرفين يتدخل مشان الموضوع مايصير خبيصة.
أو ع قولاتك سمك بالمي. بعدين إذا عم نقول بلا تكاليف, فوين السمك اللي بدك تدفع مشانو؟؟؟

شو بدكون بهالحكي ..
قال دولة خليجية ... بدا صبايا سوريات ..
شو ما عم تسمعوا عن هالقصص بالجرايد ..؟؟






بكرا بتعمل عنكون فيلم إيناس الدغيدي :p

يعني الخليجيات ما عم يزبطوا الوضع هونيك؟:p


قال دولة خليجية ... بدا صبايا سوريات ..
شو ما عم تسمعوا عن هالقصص بالجرايد ..؟؟


اي انا انا سمعت عن هالقصص .. بس عن صبايا مغربيات .. و هالمرة السوريات .. بيجوز لنفس الغرض

قولك ممكن ظالمينهن وتطلع نيتهن صافية ؟:larg:

انا عن حالي .. مو واثقة فيهن وبـ نيتهن ..

اي انا انا سمعت عن هالقصص .. بس عن صبايا مغربيات .. و هالمرة السوريات .. بيجوز لنفس الغرض

قولك ممكن ظالمينهن وتطلع نيتهن صافية ؟////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انا عن حالي .. مو واثقة فيهن وبـ نيتهن ..

أنا معك متووووش مافيون ثقة

شو بدكون بهالحكي ..
قال دولة خليجية ... بدا صبايا سوريات ..
شو ما عم تسمعوا عن هالقصص بالجرايد ..؟؟






بكرا بتعمل عنكون فيلم إيناس الدغيدي :p


أنا معك متووووش مافيون ثقة
:p



والله أنا ماكان بدي اطرح هالموضوع لأنو للأسف الشديد هيك رح يكون مستوى نقاشنا, بس حسبي إنو عملت اللي علي, لأنو الواحد بسوريا لما يتخرج بيموت ألف موتة بالبيت بدون لاشغلة ولا عملة وبيصير يدعي ربو بخمسة وعشرين لغة بس ليطلع لبرة, فّذا كان معو قرشين مخبايين لليوم الأسود أو لقي مين يدينو هالقرشين مع مية منية, بيروح ع شي مكتب ويطلع بأول عقد يجي ع ايدو بغض النظر عن الراتب, بس لما يصل لهون وبيلاقي حالو علقان بشغل مابيرحم وبراتب غير عادل بيعض الأصابع ندم.

أما اللي عاملي حالو فيها بيفهم كان لازم ينتبه بالأول إنو اليوم غير امبارح, وماحدا فينا إلا ماندر إلو حدا برة أو ع القليل بيعرف شي حدا قرايبو برة, وفيه يستفسر ويتأكد من مصداقية هالمدعي أو ذاك. بس مابعرف شو بدي احكي, مع احترامي للجميع, عقولنا بدها اتظل بسماكة قشرة البرتقال لأنو نحن عم نحجمها لتظل هيك.

عقولنا بدها اتظل بسماكة قشرة البرتقال لأنو نحن عم نحجمها لتظل هيك.

اها :?

طيب القصة لا تشكيك فيك ولا بـ نقلك للخبر.. بس من الطبيعي يتواردلنا سؤال انو ليه بس لصبايا سوريا

خاصة انو احنا مطلعين مسبقًا على نوعية اعلانات عن شغل لصبايا من بلدان برا الخليج .. غرضها امر غير المعلن عنو

بهيك حالة الطبيعي نحنا نحط الاحتمالات الواردة .. يا نيتهن صافية يا نيتهن غير صافية ..

وانو نحط السؤال يللي توارد لذهننا .. ما بيعني عقولنا بسماكة قشرة البردئان .. لانو سؤال منطقي جدًا

وواقعي ..

اها :?

طيب القصة لا تشكيك فيك ولا بـ نقلك للخبر.. بس من الطبيعي يتواردلنا سؤال انو ليه بس لصبايا سوريا

خاصة انو احنا مطلعين مسبقًا على نوعية اعلانات عن شغل لصبايا من بلدان برا الخليج .. غرضها امر غير المعلن عنو

بهيك حالة الطبيعي نحنا نحط الاحتمالات الواردة .. يا نيتهن صافية يا نيتهن غير صافية ..

وانو نحط السؤال يللي توارد لذهننا .. ما بيعني عقولنا بسماكة قشرة البردئان .. لانو سؤال منطقي جدًا

وواقعي ..

طبيعي كثير إنو يتبادر لإلك أو لغيرك أي استفسار وأنا لهيك طلبت من أحد المشرفين التوسط ليكون صلة الوصل وليكون المؤكد ع المصداقية لأني ابن المجتمع السوري وبعرف حساسية هيك أمر, بس مو طبيعي طريقة الرد المليانة ثقة وإمتنان لشخص عم يمد ايدو بالمساعدة لناس بيجمعو معن موقع ع الإنترنيت.

ستي الكريمة رح قلك كم حقيقة,
بالأول: كثير بسيط إنو الواحد بهالزمان يستفسر عن اسم الشركة اللي رح يوقع عقد لإلها, ومكانتها ببلدها, ومستوى الراتب المعروض عليه ومدى انسجامو مع رواتب الشركة نفسها ومع رواتب البلد ككل, وببساطة بيعرف الواحد أدق التفاصيل عن دوام الشركة وسمعتها بالسوق وحجم عملها ومدى مصداقية طلبها للعمالة, وببساطة اللي مغبون حقو فيه يروح ع جمعيات حقوق الإنسان اللي هون أو وزارة العمل ويقدم شكوى بحق رب عملو ويقاضيه إذا طلب منو ممارسة أي عمل لايمت لعقده بصلة, فماعدنا بزمن العربية والحمام الزاجل وما لإلى ذلك.

ثانياً: نحن بنثق بمكتب التسفير اللي بيأمنلنا فيزة عمل بمية وخمسين ألف ليرة مدفوعة نقداً هي غير إكراميتو ونثق باسم الكفيل اللي عليها وبالعمل اللي ع اساسو طلعت الفيزا ( علما ً أن تكلفة هالفيزا مابتتجاوز 2000 أو 3000 ليرة سورية) ليش بنثق فيه يا حزرك؟ لأنو بذكائنا نحن رحنا لعندو وبذكائنا نحن حطينا مالنا ورقبتنا ووقتنا تحت رحمة طمعو وجشعو وبكاذنا نحن جنينا ع نفسنا.

بس بالمقابل مابنثق بشخص عم يحاول يساعد وبدون مقابل مادي بس لأنو مو بذكائنا.


هههههههههههههه والله مابعرف شو بدي قول. لللإسف الشديد فعلاً وبتمنى ماحدا يشارك بهالموضوع بعد هلا والأفضل إنو ينحذف لأنو أنا ماعاد رد لا بالإيجاب ولا بالنفي لأي حدا وماتواخذونا

والله أنا ماكان بدي اطرح هالموضوع لأنو للأسف الشديد هيك رح يكون مستوى نقاشنا, بس حسبي إنو عملت اللي علي, لأنو الواحد بسوريا لما يتخرج بيموت ألف موتة بالبيت بدون لاشغلة ولا عملة وبيصير يدعي ربو بخمسة وعشرين لغة بس ليطلع لبرة, فّذا كان معو قرشين مخبايين لليوم الأسود أو لقي مين يدينو هالقرشين مع مية منية, بيروح ع شي مكتب ويطلع بأول عقد يجي ع ايدو بغض النظر عن الراتب, بس لما يصل لهون وبيلاقي حالو علقان بشغل مابيرحم وبراتب غير عادل بيعض الأصابع ندم.

أما اللي عاملي حالو فيها بيفهم كان لازم ينتبه بالأول إنو اليوم غير امبارح, وماحدا فينا إلا ماندر إلو حدا برة أو ع القليل بيعرف شي حدا قرايبو برة, وفيه يستفسر ويتأكد من مصداقية هالمدعي أو ذاك. بس مابعرف شو بدي احكي, مع احترامي للجميع, عقولنا بدها اتظل بسماكة قشرة البرتقال لأنو نحن عم نحجمها لتظل هيك.
اي يلا ... خدنا بالعبطة
لك خيو شو هالشغل يللي بدو بس صبايا .. و من سوريا ..و الخبرة غير ضرورية ..
أنو باينة الشغلة بلا زغرة

والله مليح إنو الشغلة الباينة وقدرت تلقطها, يعني أنا فعلاً خفت عليك لا تقلطها وتضطرني أخدك بالعبطة. بس ماقلتلي لقطتها لحالك ولا حدا لقطها معك؟؟

ماحدا قال في سمك بالمي, طلبنا من أحد المشرفين يتدخل مشان الموضوع مايصير خبيصة.
أو ع قولاتك سمك بالمي. بعدين إذا عم نقول بلا تكاليف, فوين السمك اللي بدك تدفع مشانو؟؟؟
سمك بالمي يا استاذ

لما شركة متل هي ما بتبعد حدا من قسم الموارد البشرية يعمل مقابلات للعالم

بس انو على القليلة

عطي اسم الشركة

موقع الشركة

التلفون تبعها

تفاصيل الراتب

قديش بالعملة تبع الدولة

و لا بأي دولة

في تأمين صجي و لا لا

و الموضوع بشكل عام و بطريقة طرحو

مو مريحة

والله مليح إنو الشغلة الباينة وقدرت تلقطها, يعني أنا فعلاً خفت عليك لا تقلطها وتضطرني أخدك بالعبطة. بس ماقلتلي لقطتها لحالك ولا حدا لقطها معك؟؟
لا انا لقطتها كمان على الطاير

بس استفسار

العذرية شرط و لا مالها علاقة ؟ ممم

لأنو بتعرف يعني

مشان ما نوقع بالشك

ماكنت بتوقع يصل الموضوع لهون
يعني كان فينا ناخد تفاصيل أكتر ومعلومات أدق وبعدين كل واحد عقله براسه بيعرف خلاصه
بس للأسف

يلي بدو ينط علخليج .. يرنلّو لـ hussienbki (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) .. برايفط . ويستفسر عن الموضوع .

عدا عن ذلك .. فا سمحولنا . نلملم كلاكيشنا . ونضبضب غراضنا . ونسكر الباب ورانا .

و :D