من هو البلطجي:

هو الشخص الذي يمتهن طريقة الزعرنة أو التشبيح أو القمع أو طولة اللسان لإثبات وجهة نظره "إن وجدت" أو لإسكات البشر أو تسفيه أرائهم وهو الشخص الذي لايميز بين حقوقه وحقوق الأخرين كما من الممكن هذا الشخص يلجأ الى استخدام نوع من أنواع القوة "المزعومة" والتي لاتكون بأغلب الأحيان قوة حقيقية بل هي نوع من الاستقواء بظرف معين أو وضع معين...يستخدم البلطجي هذه "القوة اذا استطعنا تسميتها" بهضم حقوق الأخرين ومحاربتهم نتيجةً لظروفه الخاصه...

أسباب البلطجة:

المشاكل الثقافية أو الفكرية أو النفسية أو العائلية... غالباً البلطجي إنسان عندو خلل بأحد نواحي حياته بيحاول يغطيه بطريقة البعبعة الفاضية والفزلكة والهوبرة والعلاك...

أنواع البلطجية:

1- أخي بالمختصر في ناس بتخلق بلطجية... يعني هيك الزعرنة والطريقة السوقية بدمون وبيعتبروها بطولة ومرجلة... لك ياعمي الرجولة بتفرق عن البلطجة... الرجولة هي مجموعة قيم وأخلاق... البلطجة هيه انعدام القيم والأخلاق... بتناقشو بالسياسة بيجاوبك من سوق الخضرا... بتناقشو بالفن بيجاوبك بطريقة بياعين المازوت... بتناقشو بالإقتصاد بتحسو بياع علكه على اشارة مرور...

2- البلطجي المنتحل الشخصية... خيو هاد بيجي اجباري عن الله بدو يقنعك انو هو بلطجي... بتقلو ياعمي انت مو بلطجي بيقلك لاء أنا بلطجي... أخي خلص بيحفظ طريقة حكي معينة وطريقة تصرفات معينة بيفكر حالو صار بلطجي... بيلاقيلك شي بلطجي محترف "من النوع الأول" وبيصير بيقلدو بكل شي... هيك أخي بدو العالم تحسبو على البلطجية... لك عمي حارتنا ضيقة ومنعرف بعض... الاحترام مابيجي من الزعرنة بيجي من المنطق والاحترام المتبادل... طبعاً هاد الشخص بيكون معدوم الشخصية وعندو خلل معين بيخليه يحاول بشكل دائم يلاقي حالو بشي مكان... فبيقلك أخي بلاقي حالي بهالطريقة هي وبثبت وجودي... بس للأسف بيصير مضحكة البشر...

مع هالحالتين من البلطجية صعب توصل لأي نتيجة أو تغيير أو قواسم مشتركه.. خيو هنن مبسوطين بفزلكتون وطريقتون السوقية... تركون عمي تركون... لاتناقش ولاتعزب حالك... مافي أمل إلا أمل انهون يصحوا بشي يوم ويحسوا انهون من الغباء لدرجة انو ماعم يلاقوا حالون إلا بالزعرنة والفزلكة...

كلمتين مني لإلهون كتير سهل الإنسان يكون سفيه وسخيف وسوقي... بس صعب يكون الإنسان منطقي ومتوازن وعاقل... حاولوا إلا ماتتحسنوا بيوم...

طبعاً في أنواع أخرى من البلطجية ماني بصدد الحكي عنهون هلأ وكمان في أنواع أخرى من البلطجة متل البلطجة السياسية والبلطجة الاقتصادية ممكن ناقشون بمحاور تانيه...


ودمتم

موضوع مهم أحييك عليه ، صعب الواحد يناقش البلطجة في موضوع واحد ، بس على كل حال رح اعلق هلاء على من هو البلطجي
من هو البلطجي:

هو الشخص الذي يمتهن طريقة الزعرنة أو التشبيح أو القمع أو طولة اللسان لإثبات وجهة نظره "إن وجدت" أو لإسكات البشر أو تسفيه أرائهم وهو الشخص الذي لايميز بين حقوقه وحقوق الأخرين كما من الممكن هذا الشخص يلجأ الى استخدام نوع من أنواع القوة "المزعومة" والتي لاتكون بأغلب الأحيان قوة حقيقية بل هي نوع من الاستقواء بظرف معين أو وضع معين...يستخدم البلطجي هذه "القوة اذا استطعنا تسميتها" بهضم حقوق الأخرين ومحاربتهم نتيجةً لظروفه الخاصه...


انا بشوف انو البلطجي من حيث احتراف البلطجة نوعين
نوع محترف للبلطجة ونوع غير محترف للبلطجة اللي هو هاوي والهاوي هاد بيحاول يقلد المحترف بس ما بتزبط معو (بيصير بلطجي فاشل او بلطجي غير متميز )

فكرة الموضوع جيدة ماسبق وتم طرحها وهي بالفعل جيدة ، رح استكمل فيما بعد

أنا شخصياً عفت حالي من ورا البلطجة وملحقاتها
طبعاً ما عم احكي عن البلطجة الفكرية عم احكي عن البلطجة المدعومة وسياسة التشليح ,
يعني البلطجي الأزى بدمو وما بتخلص منو لا تحاول...
لح أحكيلك شغلة
انونحنا كان عنا وكالة ادوية قام اجا بلطجي واصل أخد الوكالة مننا وعطاها لأبن اختو .... هي بلطجة مشروعة.....
مثال عن البلطجة
متايع

في عندك كمان ... واحد مانو بلطجي.... بس حابب يصير بلطجي ... انو هيك يعني تغيير شكل

نوع محترف للبلطجة ونوع غير محترف للبلطجة اللي هو هاوي والهاوي هاد بيحاول يقلد المحترف بس ما بتزبط معو (بيصير بلطجي فاشل او بلطجي غير متميز )

محمد هاد يلي سميناه البلطجي المنتحل الصفة... أو البلطجي التقليد

في عندك كمان ... واحد مانو بلطجي.... بس حابب يصير بلطجي ... انو هيك يعني تغيير شكل

اي هاد لحالو تسالي... انو ياعمي خليك هيك بيقلك لاء بدي صير بلطجي.... بيقلك أنا من زمان وعندي ميول بلطجية وجدي كان زعيم بلطجية جزر الكناري....

يعطيك العافية على الموضوع...

أنا بعتقد ممكن نضيف أنه البلطجة بتنشط بمكان وزمان يشكو من غياب التطبيق الحقيقي والعادل للقانون... مثلاً..حاول تعمل بلطجي ببلد أوروبي محترم...تلفون واحد عالشرطة بيشحطوك.. بس بمجتمعنا العربي الحالي..اللي عم يصير أنه البلطجي هو نفسه ممكن يكون شرطي أو مدعوم..بعدين مفهوم البلطجة قابل للعدوى من قمة الهرم إلى قاعدته..يعني الثلم الأعوج من الثور الكبير...طفل صغير مثلا أخوه الكبير بلطجي..من مين بدو يتعلم؟؟ أكيد من الثور الكبير...والشرح يطول..

تحياتي

هو الشخص الذي يمتهن طريقة الزعرنة أو التشبيح أو القمع أو طولة اللسان لإثبات وجهة نظره "إن وجدت" أو لإسكات البشر أو تسفيه أرائهم وهو الشخص الذي لايميز بين حقوقه وحقوق الأخرين كما من الممكن هذا الشخص يلجأ الى استخدام نوع من أنواع القوة "المزعومة"
هالشي ... موجود ضمن العيلة .. ضمن المجتمع .. ضمن الدول ..
خود كم مثال ...
منبلش من أصغر وحدة بالمجتمع وهيي الأسرة ..
لما الأخ الكبير بيتأمر على أخوه الصغير وبيمشيه بأمرو .. هادا بلطجي ..
لما الأب .. بيتامر ع ابنو ..وبيأمرو بشغلات بيعرف انها مش قانونية .. ومابيحقلو يطلبها من أبنو ..
هي بلطجة ... وحتى بالعكس .. من جهة الإبن ..

ضمن المجتمع ..
لما .. أي جهة مسؤولة .. بتمارس صلاحياتها بشغلات غير شرعية وبغرض أذية الغير .. هي بلطجة .. سواء من أشخاص ... او هيئات .. او حتى جماعات ..

بين الدول وفي المجتمع الدولي ..
لما دولة بتفرض رأيها ع غيرها ...
لما تحالفات بتفرض سياسة معينة ع دولة أو عدة دول .. هي كمان بلطجة .. بس أكبر من مستوى شخص .. عم يتأمر .. هودي ناس ومسؤولين .. عم يتحكمو من مركز قيادتن بحياة شعوب وأمم ..
انا هيدي برأيي قمة البلطجة .. وما بتجوز لابحقوق الإنسان ولا بأي شرعية دولية ..
وأكيد هالشي .. كلو تحت راية الأمم المتحدة الله يخليلنا هيي ..



أسباب البلطجة:

المشاكل الثقافية أو الفكرية أو النفسية أو العائلية... غالباً البلطجي إنسان عندو خلل بأحد نواحي حياته بيحاول يغطيه بطريقة البعبعة الفاضية والفزلكة والهوبرة والعلاك...

أكيد هيك أسباب وأخرى غيرها بتأدي لمشاكل نفسية واجتماعية ..
يعني كتير عم نشوف هيك ناس بمجتمعنا ..
بيجي رفيقك لعندك .. بدو يتحكم فيك ..
بيفوت بياكل من البراد .. وبيقللك ليش عامل هالطبخة مو طيبة .. بكرا عمول يبرق ..
بيقللك .. هالدهان مو حلو .. يلعما كنت بعرفك مزوق ..
لك بيتدخل بجزئيات حياتك .. بتقول الله مانزلو عالأرض غير لحتى يستلمك ويبلش تدخيل قش بعينك ..
وعلما انو بيكون في مية قشة بعينو .. بس مو شايفن ..
"لاتضع قشة في عين أخيك .. انزع اولا الخشبة اللتي في عينك .. ثم ضع القش في أعين الآخرين .. "


تركون عمي تركون... لاتناقش ولاتعزب حالك... مافي أمل إلا أمل انهون يصحوا بشي يوم ويحسوا انهون من الغباء لدرجة انو ماعم يلاقوا حالون إلا بالزعرنة والفزلكة...

برأيي ما لازم ينتركو ...
يعني لازم توقف الواحد عند حدو .. بتجي بتقلو خيو انتا هيك هيك .. وعامل كذا كذا ..
ياأما بتوقف هالشغلات .. او قحطلو عالسريع .. وما تترك مجال يجلبط ويطبلج عليك ..

في البداية المقال مكتوب باللهجة العامية وباعتقادي انو المقال بليغ جدا بتلك اللهجة الشوارعية وذلك بالنسبة للموضوع المطروح

بس أنا عندي عادة ان بفكر في أصل الكلمات والتعريفات
وقلبت كلمة بلطجي براسي لقيت شو
انو هاي الكلمة تتكون من شقين
بلطة .. وهي أداة لقطع الخشب وتستخدم بالمعارك وهي من عائلة السلاح الابيض
جي .... وتعني صاحب الشيء أو حامله
ويقال أن أصل الكلمة تركي وهي اسم لفرقة من الجيش العثماني كانت تسمى (بلطة جي)
ابان حكم العثمانيين لمصر . قامت هذه الفرقة بالعديد من أعمال التخريب والترهيب والتمرد على قوانين البلاد

فالتصقت اسم الفرقة بكل أعمال الشر والفساد والزعرنة

انو هاي الكلمة تتكون من شقين
بلطة .. وهي أداة لقطع الخشب وتستخدم بالمعارك وهي من عائلة السلاح الابيض
جي .... وتعني صاحب الشيء أو حامله
ويقال أن أصل الكلمة تركي وهي اسم لفرقة من الجيش العثماني كانت تسمى (بلطة جي)
ابان حكم العثمانيين لمصر . قامت هذه الفرقة بالعديد من أعمال التخريب والترهيب والتمرد على قوانين البلاد

فالتصقت اسم الفرقة بكل أعمال الشر والفساد والزعرنة


بالفعل تحليل منطقي لللإسم... ذكرتني بغابي وموضوع الله جي.

يعطيك العافية على الموضوع...

أنا بعتقد ممكن نضيف أنه البلطجة بتنشط بمكان وزمان يشكو من غياب التطبيق الحقيقي والعادل للقانون... مثلاً..حاول تعمل بلطجي ببلد أوروبي محترم...تلفون واحد عالشرطة بيشحطوك.. بس بمجتمعنا العربي الحالي..اللي عم يصير أنه البلطجي هو نفسه ممكن يكون شرطي أو مدعوم..بعدين مفهوم البلطجة قابل للعدوى من قمة الهرم إلى قاعدته..يعني الثلم الأعوج من الثور الكبير...طفل صغير مثلا أخوه الكبير بلطجي..من مين بدو يتعلم؟؟ أكيد من الثور الكبير...والشرح يطول..

تحياتي

كلامك صحيح على اعتبار انو البلطجة بكل أنواعها بتنبع من ظرف استئنائي معين... حتى البلطجة السياسية بتعتمد على قانون طوارئ أو محاكم استثنائية أو ما شابه...وللأسف بتشوف يلي عم يحاكمو ويقضو ويفتو حثالة البشر... بس برجع بقلك هو ظرف استثنائي وبعمرو مارح يصير قاعده حتى لو استمر لفترة معينة من الزمن...

محمد هاد يلي سميناه البلطجي المنتحل الصفة... أو البلطجي التقليد
ممكن يكون هو بس بدي اشير الى نوعية البلطجية الفاشلين (قلدوا وماقدرو يوصلو للهدف ) الا اذا مجرد فكرة التقليد بغض النظر عن النجاح في التقليد هي الهدف . يعني الهدف هو بس تقليد البلطجي
في عندك كمان ... واحد مانو بلطجي.... بس حابب يصير بلطجي ... انو هيك يعني تغيير شكل
هاد من قبيل الموضة (يعني شفنا موضة بلطجة او تقصير الشعر او تطويلو او مثلا لبس كلاسيك فيقوم الشخص يقلد منشان يمشي على الموضة ، هاد موجود بكل شيئ ومابس البلطجة ) هاد ممكن نسميه بلطجي عالموضة

في عندك كمان ... واحد مانو بلطجي.... بس حابب يصير بلطجي ... انو هيك يعني تغيير شكل
و في واحد بيكون عم يحاول يقلد البلطجية مدري ليش ما بتعرف شو عم يدور داخل سطل البويا تبعو بس بيلاقيها كبيرة انو يتزعرن ادام العالم الفهمانة بيقوم بينزل من قيمتو الاجتماعية كونو ما احترم العمر يلي هو فيه و بيحاول يعلك و يتساخف مشان يثبت وجوده و يخفف دم مع انو بيطلع سئيل كتير

اف اف

شو كل هاللؤم هاد ؟

الله يرد عنك خيي

لانو الواحد ما بيفوت وقت كافي لمتابعة المواضيع وكمان اذا الموضوع الرد فيه رح ياخد وقت "الرد فيه بيكون صعب " بس هالموضوع مهم جدا من حيث الفكرة .

فكرة البلطجة في حد ذاتها هي من وجهة نظري(انو البلطجي بيقوم ب استغلال للقوة او للسلطة او للعلم او لكتير شغلات (استغلالها ضد انسان او اكثر "ضد مصلحة هالانسان تحديدا"، دون وجه حق ، أو لتحقيق مصلحة للبلطجي لايستحقها على الاطلاق او التنين مع بعض يعني ضد مصلحة الانسان لتحقيق مصلحة البلطجي ) .
لذلك البلطجة مش بس انو استولي على مصاري من شخص بالقوة او اتعرض لشخص واضربو لاشباع غريزة عندي،

مثلا ضابط الشرطة اللي بيستغل وظيفتو ضد المواطنين وبياخد من عند البقال اشياء دون ان يدفع تمنها وموظف الحكومة اللي بيتحكم بالمواطن وبيقفل الباب بوشو وما يقضي مصالح العالم الا لما مزاجو يسمح !! وهكذا وهكذا
البلطجي ممكن يكون ظاهرة مجتمع (ممكن اطلع انا بلطجي وانت وهي وهو وكلنا ) ممكن .

بس البلطجية انواع (وكل نوع حجم ضررو على المجتمع مختلف ) بس انا بشوف انو الشخص البلطجي العالم تخاف منو اي بس تحبو لاء ، تسمع كلامو تنفذو اي بس تقتنع فيه لاء !!! العالم تفتح شفايفها وتبتسم الو اي انما تفتح قلوبها الو وتحبو لاء .

اي بعرضي هالموضوع لازم يتثبت

او ممكن نفتحلو قسم لحالو :larg:

هلأ مدري بأنو مسرحية مصرية .. بيقول الشب للصبية ..

أنتي تشتغلي رئاصة .. وأنا البلطجي بتاعكـ ..


هلأ صورة البلطجي والرقاصة .. كتير واردة .. وسبحان الله

ما صدفت بلطجي .. بحياتي .. الا ورافقته من قريب أو بعيد .. رقاصة .. او عالأقل .. نكاشة .. :o