قال إبراهيم عليه السلام لأبيه : [ يا أبت لا تعبد الشيطان إن الشيطان كان للرحمن عصيا ]

عبادة الشيطان ... !!
.
.
نقاش أصبح لابد من الخوض فيه ... وتسليط الضوء عليه ..
فقد أمسى مرضا يتفشى في بعض المجتمعات قديما .. وفي مجتمعنا العربي حديثا دون مراقب أو مهتم ..

سنتناول في هذا الموضوع بعض جوانب هذه الظاهرة .. وعلاقتها بموسيقى الروك والميتال .. مع تبيان بعض الأفكار الخاطئة .. بالإضافة لملحق عن موسيقى الميتال ..
وقد أرفقت الموضوع باستبيان لبيان رأي المجتمع بهذه الظاهرة ..

من هم عبدة الشيطان (الساثانيك ) ؟! .. وكيف يعبدون الشيطان .!!وماهي طقوسهم وماهي رموزهم ؟؟!

هم اناس يعبدون الشيطان ويكرسون ذاتهم له ويعتبرونه ربهم ويتقربون منه .. ويدعون انهم يحصلون على قوة شيطانية عند ممارسه طقوسهم
اغلبهم هم من فئة المراهقين الضالين والمنحرفين وغضبهم على المجتمع والاهل
وهذه الخرافة قديمة مثلا كان هناك عبادين الشمس اي الخير وعبادين القمر اي الشر مثلا
مع ظهور الديانات السماوية اندثرت هذه العبادات ....
لكن في عام 1961 ظهر فيلسوف اشعل شرارة عبادة الشيطان وكان يحمل الديانة اليهودية فنشر
عبادات وطقوس خاصة وغريبة ...
والكثير تاثر بكلامه على انه فيلسوففي علم النفس
وقد كان اول ظاهرة لعبدة الشيطان في العالم الحديث ,, وادى الى انتحار العديد ..!!
ثم على مر السنين اصبحت عبادة الشيطان ديانة مستقلة !!
وتم اصدار كتاب لها.. / "الإنجيل الأسود"
من تأليف..اليهودي...// ليفـي // ,,مؤسس كنيسة الشيطان ,, في سان فرانسيسكو
مع انه غير مؤمن بشي ! فهو ملـحــد ..

لمحات عنهم :

منهم طبقات : مايسمى بالامير.. والشر الاعظم .. "حركش" ..,, ’’الشيطان الذي يعبدونه .,,
وهم يقدسون الشيطان ويسمونه طاووس الملائكه او ملك الطاووس
لا يؤمنون بالآخره وعندما يرون مسلم يتعوذون بالشيطان منه
يقولون بأن الشيطان هو الاقوى ولهم اعياد ومناسبات خاصه

ممارساتهم وطقوسهم :

عند تجمعهم وممارسه طقوسهم يقومون بعده امور ...!! بعضها نعلمها مثل ..
-تدخين جماعي للمخدرات و الخمور بكميات كبيرة
- دوران الرؤوس ورقص قوي وهائج و تحريك الرؤوس بعنف بقوة.. و الأعين مغمضة
- رفع أذرعهم الى الاعلى .. لـ يدعون شيطانهم الأكبر
- يرسمون في الهواء بأيديهم تحية الشيطان
- الممارسات الشاذة والدعارة الجماعية وحتى مع الحيوانات ..
-تقديم قرابين للشيطان وهي ذبح قطط و الكلاب وهم يظنون انها حارسه لعالم الشياطين ودهن دمائها بأجسادهم ...
- الذهاب للقبور وتشويه الجثث والرقص فوقها وممارسات شاذة مع الموتى و
- يأكلون لحم البشر و شرب الدم
- حبهم للظلام واستعمال السحر الاسود
-يذهبون للصحراء والكهوف ويعيشون فيها اياما بالظلام بدون نور ..
-علامة السلام بينهم هي رفع اصابعهم بحركة الشيطان ..
-ذبح طفل رضيع وسكب دمائه في كؤوس وشربها ..
- تنكيس الصليب,,
- استحضار ارواح الشر وممارسة الشعوذة والسحر الاسود ..,
- اجتماعاتهم كل 13 يوم من كل شهر ..واقل عدد في الاجتاعات يكون بين 7 و8 افراد
ويقومون بضرب وتعذيب ... انفسهم ...!!
استحضار ارواح الشر وممارسة الشعوذة... استحقار الشعائر الدينية وإقامة ما يسمى «القداس الأسود» وقراءة كتب شيطانية.
الرداء الاسود .. الدماء .. المخدارت والسكر .. الوشم .. الممارسات الشاذة ..... !


من صفات القرابين لديهم .. قرابين بشريه!!

و هي احضار فتى او فتاة . في غرفة مظلمه ثم . تستلقي على المذبح مغطا بقماش اسود
وتكون بكر صغيره في السن وصحيحة البدن وعاريه وعليها الصليب المقلوب
وتكون على دائرة المذبح ويجب ان تكون على دائرة المذبح حتى تخرج طاقه الانسان المقتول !! ..
ووضع شموع سوداء ثم يأتي الساحر مرتديا معطفا اسود وقرنين
صغيرين ويلقي كلمات كلمات بغله انجليزيه او لاتينيه مقلوبه مع عزف على آله الأرغن
ولايجعل الضحية تنصرف او تهرب منه .. والا سيدفع ثمن ذلك !!! وإيصال الضحية الى قمة الالم
وتعذيبها تعذيبا شديدا .. وهم يعتقدون بالتعذيب وبالقرابين البشريه للشيطان
منحهم طاقه كامنه وجباره ويستطيعون التحكم بها وتجيهها .. وهم يعتقدون ان للانسان طاقه قويه ولاتخرج الا حين يقتل الشخص

بعض العلامات الجسدية التي تدل عليهم :

اشكالهم مقززه !!... اما ردائهم فيحتوي على
اللبس والجلد الاسود دائما والي عليها نقوش الشيطان والمقابر والموت .., الكحل والمناكير الاسود
الروج الاحمر او الاسود والبودرة البيضا., السلاسل الفضية بأشكال غريبه وبكثيره على
الرقبه و تخريم الاذن واللسان ...
والحاجب والانف ...,, الكثر من الوشم .., تجريح اليدين ...
الشعر الاسود الطويل .. حبهم للهياكل العظميه والجماجم .. تلطيخ اجساهم بدم الحيوانات

* طبعا في عالم بتلبس هيك تياب وما بيكونو عبادين شيطان يعني بيكون نمط لبسن هيك
.. بس انو أغلب اللي بيلبسو هيك بيكونو من العبادين ...


كيف يربون اطفالهم ؟؟؟!!

بالتحقير.. والاذال .. وقتل احساسهم .. بإعطائهم المخدارت .. والمسكرات
واستخدام السحر عليهم.. والخداع البصري .. والتعذيب ..والاحتقار.. والعنف
والعزل ..احياء وتنمية ..شعور العنف.. والقتل لديهم .. فيجعلونهم.. يربون.. حيوانات
مثل القطط.. و الكلاب.. ثم بعد مده .. يجبرونهم.. على قتلها ...
بطعنها.. واخراج دمائها واحشائها ,, واجبارهم على.. شرب الدم .. واكل اللحوم الآدمية
واجبارهم.. على ارتكاب الفواحش.. والاعمال القذرة والدنيئة ...
الرموز الشيطانية :

رموزهم :

من الصعب ترجمه وتفسير جميع الكتابات و الرموز السحريه التي يستخدمونها
، لأن هذا يحتاج إلى ساحر متمكن ويعرف ومتعمق بهذه الأمور
وكتبت بحروف ورموز سرية لا يعرفها إلا السحرة الكبار
و المشهور من هذه الرموز ...

رأس الكبش :

وهو يمثل الشيطان نفسه ...! وهو اشهر رموزهم ويمثل الههم ..
العين الثالثة رمز مشترك بينهم وبين الماسونية وهو مرسوم على الدولار الامريكي ..
( Yin Yang ) ين يانج .. شعار للتكامل والوحده بين المتضادات بالكون
كذلك هو شعار الديانه الطاويه وهي من اديان الصين يشير بأن المتضادات تخلق التكامل، فكلمة
"ين" يقصد بها السلبية والانوثة والظلام
" يانج" يقصد بها الايجابيه والذكورة والنور

النجمة الخماسيه :

على شكل الشيطان الاكبر ..

حركات اليد الي تمثل قرون الشيطان ...!!
ويفعلونها اثناء رقصهم وتقديس الشيطان !! ...

الصليب المعكوف ( صليب نازي) :
شعار مشترك بين النازية وعباد الشيطان, ويرمز للشمس والجهات الأربع

الصاعقة المزدوجة:
مشتركه بينهم وبين النازيين .

نجمة دواد عليه السلام :
مستخدم بينهم وبين اليهود ويستخدمونه بالطقوس السحرية

الرمز( fff )

الأنـــك:
اخذوه من الفراعنه ..

الهلال والنجمة:
رمز مشترك بينهم وبين الماسونية
يشكل بالنسبه لهم الهة القمر "ديانا" و إلهة الحب "فينوس" وهو الاكثر استخداما عند الساحرات

المذبح :
مبني من رخام او جرانيت بوسطه حفرة على شكل النجمة الخماسية وحواليها دائرة ,

ادوات المذبح :
خنجر / سيف بمقبض اسود منقوش على شفرتة كلمات شيطانيته
شموع لونها اسود وكاس مصنوع من الفضة لشرب الدماء / اسياخ الحديد للتعذيب ..

وأرقامهم المقدسة:
7/ 13/ 666 والرقم 666 يعني بـ الشيطان ..!!

""ومن اساليب جذب المراهقين اليهم هي إغوائهم في الموسيقى والحفلات ""

ثم يقومون باختباره واستدراجه وحين يريدون معرفه ولائه وحبه لهم
يأمرونه بقتل انسان عزيز عليه .. مثل والديه واصدقائه وحين يفعل ذلك
يقومون بحفل كبير له ويأتي قديسهم مرتديا المعطف الاسود ويجرح يده بالسكين
ويضع دمه في إنا ثم يقومون بالشرب من دمه جميعا .. ويقولون بأن ذلك هو رمز الوحده بينهم
ولا يستخدمون الكلمات التي بها حرف الـ (ت) وحرف الـ (ش)
يقدسون رقم 8 و7 هؤلاء الفرقه من العرب


علاقتهم بالموسيقى :
كما هناك موسيقى دينية عند بعض الأديان تمجد الله وخلقه ...
لدى عبادين الشيطان موسيقى خاصة بهم ...
وهناك فكرة خاطئة عن ارتباط موسيقى الميتال بعبادة الشيطان ..

الموسيقى التي تربتط بعبادة الشيطان هي :

موسيقى الهافي ميتل (heavy metal )و البلاك ميتال (black metal ) وهي من انواع الميتال .. واغاني معكوسة ..

... ,i وهي ذات الصخب العالي تصم الآذان ،, اغانيهم تنشر أفكارهم ويدعون الى دينهم كلمات اغاني تقديس" للشيطان"

وان من يواصل الاستماع لموسيقى البلاك ميتال معرض الي الاصابة " بالمس الشيطاني


وكلماتها تحث على..,,

العنف

القتل

الكفر

الانتحار

كلمات تقديس للشيطان

وغالبا تحتوي هذه الموسيقى على عبارات مثل :


" أيها الشيطان ’’

خذ روحــي ..

ويا غضب الإله ’’

دنسها بالخطيئة ..

وباركها بالنار ...

لا بد أن أموت ....

الانتحـــار .....

الانتحـــار ....

الانتحــــار

لابــــد ان ...

أمـــــــوت "

..


من اسباب دخول ابنائنا في هذه الدوامه ...

-الحرية المطلقه والدلال الزائد للابناء ,,وعدم مراقبة الابناء

- رفقاء الســوء .. وسوء التربية ..!

-ضعف الرادع الديني ’’

-وسائل الاعلام والقنوات الاباحيه..

-ترك واجبات الدين فيكون الشخص فريسه سهله لوسوسه الشياطيين


المتالجية في سوريا:
هم الذين يسمعون موسيقا الروك والهارد روك والميتال بكافة أنواعو ...
وفئة قليلة جدا بتسمع : BlACK و DEATH وهالفئة هيي المهددة بأنها تنحدر لعبادة الشيطان ...
وتعلق الشباب الذين يسمعون هذه الموسيقا هو لانهه صنعوا لانفسهم جوا خاصا
ونمط حياة خاص بهم ويربطون انفسهم ويربطون حياتهم بهذه الموسيقا ومن هنا يتميز البعض
عن غيرهم قدر فهمهم لهذه الموسيقا وكلماتها فمنهم من يحتفظ بهذا الجو وهذه الموسيقا داخل نفسيتهم ولا يؤثر على شكلهم ...
ومنهم من يعطي لنفسه مظهرا خاصا يدل على من رواد هذه الموسيقا
فيبدا مثلا بارتداء الاسود واطالة الشعر وارتداء بعض القلادات والخواتم
منهم من يكون قد دخل في طريق عبادة الشيطان دون أن يدري ..
ومنهم بالعكس لكن المجتمع يصفه بأنه منهم ..
وهنا جهل المجتمع بخصائص عبادة الشيطان ...
ولكن حسب الأشخاص الذين تصلني بمهم معرفة والذين يستمعون لموسيقى الميتال ..
هم اناس عاديون .. بل أفضل من بقية معارفي ..
وبخصوص هذا المجال .. سلط مسلسل حاجز الصمت الضوء على بعض جوانب مجتمعنا ونظرته السلبية للموضوع موسيقى الميتال والمتلجية ..



...
------------------------------------
رأيك الشخصي :

هل عبدة الشيطان هم الميتالجية ...
هل تسمع موسيقى الميتال .. ام ترفضها رفضا قاطعا ..
مارأيك بنظرة المجتمع نحو الميتال بشكل عام ...
ماهو تقييمك لمستوى الوعي في بلادنا لهذه الأمور ..
هل مازلنا بعيدين عن شيء اسمه ديانة عبدة الشيطان في مجتمعنا ..
أم هي موجودة ولكن التكتم يبقيها سرا ..
.
.
.

تم ربط موسيقى الميتال في العالم العربي في كثير من الأحيان بعبدة الشياطين....
وذلك بسبب طبيعة الموسيقى الصاخبة و عدم معرفة الشارع العربي بهذا النوع...
وذلك بالإضافة للتقليد الأعمى من الشباب العربي للصرعات الغربية في عالم الميتال التي لا تتناسب مع عادات و تقاليد المجتمعات العربية....
ومن جهة أخرى هناك فئة قليلة من مستمعي الميتال و خاصة البلاك ميتال (Black Metal) في العالم العربي من لديهم نشاطات بشأن عبادة الشيطان. ولكن من غير الواضح اذا ما كانت تلك النشاطات جدية أم إنها سبب للتميز عن الغير و تطبيق مبدأ خالف تُعرف.

تعريف الميتال :

لون من ألوان موسيقى الروك تطور في ستينات القرن العشرين من البلوز والروك.
يمتاز الهيفي ميتال بصوت الجيتار Guitar القوي مع استعمال الدرامز drums والباس جيتار Bass Guitar. وتختلف كلمات الأغاني من من نوع إلى آخر وتتحدث في المجمل عن الموت وقصص الفنتازيا وميثولوجي و الحروب و الحزن والشياطين والوثنية وغيرها الكثير. جاء في موقع Allmusic في تعريف الهيفي ميتال: " من جميع انواع الروك & رول المختلفة, الهيفي ميتال هو النوع الاكثر تطرفاً بدرجة الصوت, الرجولية ومضاهاتها للتمثيلات المسرحية." [1]

وقد ظهر المصطلح الميتال على يد فريق ستبنولف Steppenwolf عام 1968 حينما استخدموا فقرة كتبها مارس بونفاير Heavy Metal Thunder في أغنيتهم " ولد ليكون متوحشا" Born to be wild



الميتال (Metal)
الأصول النمطية: Psychedelic rock
Blues-rock
Hard rock
الأصول الثقافية: Late 1960s United Kingdom and United States
آلات نموذجية: Guitar - Bass - Drums
الأصول الشعبية :Worldwide, mainly in the 1980s.
الأنماط الفرعية :
Avant-garde metal - Black metal - Classic metal - Death metal - Doom metal - Folk metal - Glam metal - Gothic metal - Groove metal - NWOBHM - Post-metal - Power metal - Progressive metal - Speed metal - Symphonic metal - Thrash metal - Viking metal

أنماط دمجية :
Alternative metal - Christian metal - Crossover thrash - Funk metal - Grindcore - Industrial metal - Metalcore - Nu metal - Rapcore- Grunge
المشهد حسب المنطقة
Gothenburg - Bay Area



تاريخ الميتال:

بدات الموسيقى على يد فرق مثل Black Sabbath, Led Zeppelin, Uriah Heep, Deep Purple في أول الستينات الذين بنوا الأساس للموسيقى.
ولكن الفرق الاولى التي اعتبرت فرق ميتال هي فرق أيرون مايدن AC/DC ،Iron Maiden و Judas Priest التي تميزت بالموسيقى السريعة والطويلة الغناء الصاخب والعزف المنفرد solos باستعمال الجيتار الكهربائي. وبعدها بدأ الميتال يتنوع ويختلف عن بعضه البعض بالغناء السرعة ونوع الآلات. تطور الثراش ميتال Thrash Metal في أمريكيا على يد فرق مثل كبار الأربعة Metallica, Medgadeath ، Slayer, Anthrax... في بداية الثمانينات في سنوات ال80 وال90 تطور الديث ميتال Death Metal(ميتال الموت) والذي ميزه غناء ال Growling, وتمييز هذا النوع من الغناء عند Death, At The Gates, Cannibal Corpse, Obituary. في سنوات ال90 تطور ايضا الباور ميتال Power Metal(ميتال القوة) الذي هو يجمع بين الثراش ميتال Thrash Metal و الهيفي ميتال Heavy Metal لكن باستخدام البيانو بشكل أساسي، البلاك ميتال Black Metal (الميتال الأسود) هو عبارة عن نوع ميتال متطرف يمييزه صوت الدرمز المرتفع والسريع

الميتال في العالم العربي :

هناك العديد من محبي و مستمعي الميتال في العالم العربي، وأغلبهم يستمعون لفرق Iron Maiden و Metallica و Voivod أو كما يعرفو بال Main Stream Metal Artists
وفي بعض الفرق العربية اللي بتنتج موسيقى الميتال ...
وفي فرقة يهودية اسما (Orphaned Land) كتير آخدة شهرة بالوطن العربي ...
مع العلم .. انو الشعب العربي أكتر شي بيسمع الميتال ك ظاهرة .. مو كموسيقى حلوة وبيحبا ..


: بعض انواع الميتال
هيفي ميتال Heavy Metal *
بلاك ميتال Black Metal *
ديث ميتال Death Metal *
دوموم ميتال Doom Metal *
أفانت-جارد ميتال Avant-garde metal
باور ميتال Power Metal
بوست-ميتال Post-Metal
ثراش ميتال Thrash Metal
جرايندكور ميتال Grindcore Metal
جرووف ميتال Groove Metal
جلام ميتال Glam Metal
سبييد ميتال Speed Metal
سلادج ميتال Sludge Metal
فايكينج ميتال Viking Metal
فولك ميتال Folk Metal
كلاسيك ميتال Classic Metal
سيمفونيك ميتال Symphonic Metal
كوثيك ميتال Gothic Metal
بروجريسف ميتال Progressive Metal

notic :
الأنماط اللي بجنبها إشارة * ,, هيي من أنماط عبادين الشياطين ..
اما باقي الأنماط هي أنماط عادية ..

مصادر
^ Genre - Heavy Metal. All Music Guide.
موسوعة ويكيبيديا العالمية ...

------------------------------
بالنهاية .. بحب نوه ..انو موسيقى الميتال .. من أحلى وأروع انماط الموسيقى الغربية .. وهيي مليئة بمعاني الحب .. والحزن .. أحيانا معاني مستحيل تلتقى بغنية عربية أو حتى أجنبية ..

وخاصة هالأنماط .. :
سيمفونيك ميتال Symphonic Metal
كوثيك ميتال Gothic Metal
بروجريسف ميتال Progressive Metal
فولك ميتال Folk Metal

وأنا شخصيا بسمع ميتال بنسبة 95 % من مجمل الموسيقى اللي بسمعا ..
وهي كم فرقة ميتال من اللي كتير بحترمن .. :
After forever - Epica - Theater Of Tragedy - Lacuna Coil - Haggard

بالنهاية ... كل شخص هوي وذوقو ..
بس للأسف مجتمعنا بينظر للميتال بشكل عام نظرة سيئة .. ودايما بيحاول يهمش الصورة الحلوة لهالنوع من الموسيقى ...


مع التحيات ...
THE,unforgiven " ,,, :D

.
.
.

معلمومات مهمة للمجتمع على الاقل

من شان ما حدا يتهمني عباد شيطان من يوم ورايح

شكرا على التقديم :D

Rock for ever

وحياة عيونك يا صاحبي نفس الموضوع, بنفس الأفكار, و نفس المعلومات ( وفي مقاطع حرفيا مكررة) ازا ما نزل خمس مرات بأخوية ما بقول نزل...

فازا ما عندك اضافة سريعة أو شي ممكن نقول انو جديد... بعد اذنك و آسفين بدنا نحذف الموضوع



و شكرا :D

هلأ مابعرف كنو في موضوع نازل قبل .. يمكن يكون ..
بس أنا طرحت هالموضوع .. ومركز على العلاقة بين موسيقى الميتال بشكل عام بعبادة الشيطان ..
والنظرة الخاطئة من قبل مجتمعنا لهالموضوع .. واللي ماانسبق وانحكا فيها ..
بالإضافة للإستبيان .. مشان نشوف رأي الجماهير العربية بهالموضوع .. وكمان الملحق عن موسيقى الميتال ..واللي ماكان موجود قبل ..
يعني أنا شفت انو الموضوع ما أخد حقو من قبل .. وما تم التوصل لنتيجة نهائية بهالخصوص ..
بالإضافة إلى كمية المعلومات ضمن الموضوع .. واللي لازم كل شخص يعرفها .. مشان يفرق بالمستقبل .. بين البشر .. ويعرف عبادين الشياطين من المتلجية ..
وخاصة بعد الأحداث الأخيرة ضمن بعض المحافظات والي تم اعتقال بعض المتلجية بتهمة عبادة الشطيان ..
ف ياريت ما ينحذف الموضوع لأني باني عليه جهود كبيرة ..


.
.
.
:D

بعد ماعملت شوية بحث .. تبين وجود أربع مواضيع بهالخصوص بالصالون ..
بس كلن مطروحين بشكل سريع ومختصر ... وما مركزين عالنقاط اللي طرحتها ... وخاصة بالملحق .. وحتى مابيشابهو موضوعي بولا نقطة ..
ما عدا موضوع واحد .. في تشابه شوي .. بس مو حكيانين عن الفرق بين المتلجية وعبادين الشيطان ..
يعني .. بالنهاية هدف الموضوع زيادة الوعي .. وانا كتبتو من منطلق اجتماعي ووطني ..
وكرمال بعض الشباب اللي اعتقلو بحمص وطرطوس ...
.. وشفت انو بيمس مجتمعنا الحالي والمقبل

:D
.
.
.

موضوع حلو
ما كنت بعرف كل هالفروع للميتال بالنسبة الي ما كنت حسو إلا صريخ ... لوقت ما حضرت حفلة غيرت شوي من نظرتي الهم بس بيضل مو نمطي الموسيقي :pos:
اي نعم في لغط بين عبدة الشيطان والميتالجية
بس يعني يمكن بدا وعي شوي للشباب يلي بميلو لهالنمط من الموسيقى لأن حسب ما فهمت في أنماط ميتال خاصة لعبدة الشيطان
بس سؤال كوني ما بعرف الفرق بينهم
يلي بيسمع ميتال كتير أو فينا نقول ميتالجي سميع ... بيقدر يفرق إذا كانت الموسيقى من نمط ميتال عبدة الشيطان أو عادي
وهل فعلاً بتأثر سلباً عالإنسان حتى لو ما كان بيعرف أنها خاصة بعبدة الشيطان

ما كنت بعرف كل هالفروع للميتال بالنسبة الي ما كنت حسو إلا صريخ ... لوقت ما حضرت حفلة غيرت شوي من نظرتي الهم بس بيضل مو نمطي الموسيقي :pos:


أغلب العالم بيفكروه صريخ ..
وهي النظرة الخاطئة .. في انماط تبعت عبدة الشيطان .. بيكون فيها صريخ .. بس في أنماط كتير هادية ..
وههي اللي ذكرتها بالأخير ...


بس يعني يمكن بدا وعي شوي للشباب يلي بميلو لهالنمط من الموسيقى لأن حسب ما فهمت في أنماط ميتال خاصة لعبدة الشيطان ...

أكيد ... لهيك لازم الواحد يعرف شو النمط اللي عم يسمعو .. وإذا كان غلط .. لازم يبتعد عنو ..


يلي بيسمع ميتال كتير أو فينا نقول ميتالجي سميع ... بيقدر يفرق إذا كانت الموسيقى من نمط ميتال عبدة
الشيطان أو عادي
وهل فعلاً بتأثر سلباً عالإنسان حتى لو ما كان بيعرف أنها خاصة بعبدة الشيطان

هيدا بيرجع لمعنى كلمة سميع ...
يعني إذا بس شكل بيسمع ميتال .. بدون مايفهم معناه ...
وبدون مايعرف الكلمات اللي عم تنقال .. هون المصيبة
لأن ممكن تأثر عليه بدون مايعرف .. وخاصة إذا كان عم يردد الحروف واللي غالبا مابتنلفظ مزبوط .. بتصير مصيبة ..
وباللغة الإنكليزية .. مافي أكتر من الكلمات المتشابهة ..
لهيك .. مو بس يالميتال .. بأي غنية أجنبية .. لازم نجيب اللايرك تبعها ..(lyric) يعني كلمات الأغنية ..ونعرف شو يحكي الفنان ..

.
.
.
شكرا عالمشاركة أم السوس .. :D

شوف صديقي بشكل عام أنا برأيي هيك أمور بتندرج تحت بند الحرية الشخصية... يعني طالما هيه ماعم تأثر سلباً على المجتمع فما إلنا حق نتدخل فيها...

هلأ بصراحة أنا لحد اليوم ماني شايف في تأثير سلبي على المجتمع... بغض النظر عن موضوع الدين لأنو أنا برفض ادخال الدين وتناقص حالات التدين أو زيادتها بهيك قصص...

رأيك الشخصي :

هل عبدة الشيطان هم الميتالجية ...
هل تسمع موسيقى الميتال .. ام ترفضها رفضا قاطعا ..
مارأيك بنظرة المجتمع نحو الميتال بشكل عام ...
ماهو تقييمك لمستوى الوعي في بلادنا لهذه الأمور ..
هل مازلنا بعيدين عن شيء اسمه ديانة عبدة الشيطان في مجتمعنا ..
أم هي موجودة ولكن التكتم يبقيها سرا ..


اول شي بتشكرك على الموضوع المهم
1) اكيد الميتالجية غير عبدة الشيطان وبيختلفو كتير كمان حتى بستغرب هذا الحكي الي عم بصير بانو كل شخص بيسمع او بحب الميتال هو من عبدة الشيطان ..... يعني ما في ولا اي رابط بين شو بسمع والاشياؤ الي بامن فيها....
2) انا كتييير بسمع الميتال وبحب هذا النوع من الموسيقى بحسو متل بفشلي خلقي لما اسمع هي الاغاني وغني كلماتها ... على فكرة الميتال مش كلو صريخ ودوشة في كتير اشياء تانية بهاد النوع من الموسيقى ...
3) ما عم بفهم ليش كل هذا الرفض للميتال .. نظرتهن غلط .. بفكر هي النظرة جاي من جهلهن بهاد النوع من الموسيقى يعني مفكرينها بس صريخ وكلمات عنيفة او متل ما قال جاري كلمات "وسخة" وكمان اعتقادهن بانها موسيقى الشيطان وما بعرف شو ...
4) ما بعتقد في وعي ابدا لا عند الشباب ولا الاهل
5) مش بعيدين ابدا وفي كتيييييييير حتى بمجتمعات الي محافظة كتير متل السعودية والخليج في ومرة صوروهن حتى .... موجودين وبكثرة بس بشكل سري
..............:D

بعتقد الموضوع انطرح من زمان و انا عطيت وجهة نظري بس مو مشكلة
حبيب القلب مو كل ميتالجي هوي عبيد
بعدين موضوع اغاني الميتال شي تاني .......
الميتال انواع كتيرة خليني ازكرلك منون مثلا black, death, heavy, doom, folk, gothic ..................
بس مو المهم نوع الموسيقى تبعيت الميتال
المهم شي اسمو lyrical type or theme
هون بقا منجي للجد
اوسخ نوع من انواع الميتال هوي ال black metal ليش ؟ لانو بعض الاغاني ( نسبة 90% ) كلها كفر
و في انواع من الlyrical theme ما الها علاقة بالكفر . بعض اغاني الميتال التقيلة بتحكي عن هالاشياء
paganism , wars , stars , moon , sea , oceans , tragedy , funerals , Vikings, drinking , parties, politics, و غيرو و غيراتو
بس متى ما شفت فرقة الكلمات اللي الها بتعبر عن anticristian , death , او من هالشغلات , ف خليكون ع علم انو هالفرقة هيي فرقة عبدة شيطان نظامي
بس من ناحية انو الميتالجي و عبيد الشيطان و الفرق بيناتون بدي قللكون شغلة
انا الصراحة من محبي الميتال و بحب فرقة اسمها dimmu borgir و الفرقة فرقة عبادي شيطان بس ليكني انا ما احلاني مسلم ابن مسلم
يعني مو شرط عبيد الشيطان يكون ميتلجي
ولا الميتلجي يكون عبيد شيطان
و شكرا ع طرحك للموضوع رغم انو انعاد شي سخليار مرة
:deal:

: بعض انواع الميتال
هيفي ميتال Heavy Metal *
بلاك ميتال Black Metal *
ديث ميتال Death Metal *
دوموم ميتال Doom Metal *
أفانت-جارد ميتال Avant-garde metal
باور ميتال Power Metal
بوست-ميتال Post-Metal
ثراش ميتال Thrash Metal
جرايندكور ميتال Grindcore Metal
جرووف ميتال Groove Metal
جلام ميتال Glam Metal
سبييد ميتال Speed Metal
سلادج ميتال Sludge Metal
فايكينج ميتال Viking Metal
فولك ميتال Folk Metal
كلاسيك ميتال Classic Metal
سيمفونيك ميتال Symphonic Metal
كوثيك ميتال Gothic Metal
بروجريسف ميتال Progressive Metal


مع عدم المؤاخذة منك في نمط واحد ما الو علاقة باللياقة ( بالكفر ) و هوي الدووم ميتال و اذا ما نك متأكد شوف هاللينكات :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و مو كل فرق البلاك و الديث و هادا دليل تاني كمان :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


وأنا شخصيا بسمع ميتال بنسبة 95 % من مجمل الموسيقى اللي بسمعا ..
وهي كم فرقة ميتال من اللي كتير بحترمن .. :
After forever - Epica - Theater Of Tragedy - Lacuna Coil - Haggard


الtheatre of tragedy كانو ب زمانون دووم ميتال و البومات الدووم اللي عملوها احلا ب مليون مرة من البومات الغوثيك اللي عم يعملوها
و الايبيكا هنين غوثيك ميتال بس بكل بساطة هنين عبدة شيطان

المتالجية في سوريا:
هم الذين يسمعون موسيقا الروك والهارد روك والميتال بكافة أنواعو ...
وفئة قليلة جدا بتسمع : BlACK و DEATH وهالفئة هيي المهددة بأنها تنحدر لعبادة الشيطان ...
وتعلق الشباب الذين يسمعون هذه الموسيقا هو لانهه صنعوا لانفسهم جوا خاصا
ونمط حياة خاص بهم ويربطون انفسهم ويربطون حياتهم بهذه الموسيقا ومن هنا يتميز البعض
عن غيرهم قدر فهمهم لهذه الموسيقا وكلماتها فمنهم من يحتفظ بهذا الجو وهذه الموسيقا داخل نفسيتهم ولا يؤثر على شكلهم ...
ومنهم من يعطي لنفسه مظهرا خاصا يدل على من رواد هذه الموسيقا
فيبدا مثلا بارتداء الاسود واطالة الشعر وارتداء بعض القلادات والخواتم
منهم من يكون قد دخل في طريق عبادة الشيطان دون أن يدري ..
ومنهم بالعكس لكن المجتمع يصفه بأنه منهم ..
وهنا جهل المجتمع بخصائص عبادة الشيطان ...
ولكن حسب الأشخاص الذين تصلني بمهم معرفة والذين يستمعون لموسيقى الميتال ..
هم اناس عاديون .. بل أفضل من بقية معارفي ..
وبخصوص هذا المجال .. سلط مسلسل حاجز الصمت الضوء على بعض جوانب مجتمعنا ونظرته السلبية للموضوع موسيقى الميتال والمتلجية ..
يعني بدك تقللي مثلا انو الشباب الميتلجية اللي بقعد معون ب قهوة سبيرو عالكورنيش و اللي بيضللو واقفين بالمشبكة هنون عبدة شيطان
_______________
سبيرو : قهوة عالكورنيش ب طرطوس
المشبكة : شارع كمان ب طرطوس

أول شي أهلا بأحلى شيفا ...
رح ركز عأهم النقط اللي ذكرتها بآخر ردودك ...

بس مو المهم نوع الموسيقى تبعيت الميتال
المهم شي اسمو lyrical type or theme
هون بقا منجي للجد


هي النقطة المهمة ...
يعني ممكن كتير نلاقي فرق ...
نمطها بلاك ميتال .. او ديث ميتال ...
ونمط اللايرك تبعها .. عادي لافيه كفر .. ولافيه أي شي غلط ..
بس بشكل عام .. بيتصنف نمط البلاك والدووم والديث من أنماط العبادين ..
يعني ممكن مقلا نلاقي فرقة نمطها بروجريسيف .. وبتكفر وبتحكي كلام شغل عبادين ..
يعني بيبقى هوي نمط موسيقى .. (متل البوب والراب والهيب هوب .. )
يعني كلا أقسام من الميتال .. بتفرق بالألحان والآلات المستخدمة ..
ف لازم ننتبه ع نمط ال lyric لأي فرقة قبل مانسمعها ..
وحتى لو كان بلاك .. او دووم .. فينا نلقي نظرة عالكتابات ونشوف شو معناها .. ممكن تكون عادية ..
بس في شي تاني فينا نعرف الفرقة كنها نظامية ولا لأ ... وهوي .. شكل الفرقة .. باللإضافة لاسم الفرقة ..

يعني خود مثال عالحكي اللي فرق ..
عندك فرقة cradle of filth ... فرقة عبادين من النمرة الأولى ...
إذا اتطلعنا عصورة الفرقة .. منشوف .. شو معنى حكيي ..
هي رابط الصورة : ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يعني أغلب اللايركس تبعيتون بلاك وديث .. وكلا شغلات غريبة وبتقرف ..
بس هادا مو يعني انو كل أغانيهن عبادة شيطان ..
في غنية الهن كلماتها كتير حلوة .. وبتحكي عن الحب .. اسما nymphetamine .. او حورية البحر ..
أنا هي الغنية الوحيدة اللي سمعتها الن وحبيتا ..
والمميز فيها انو بتدخل بنت بتغني معهن فيا ..


بالنسبة ل dimmu borgir هودي عبادين نظاميين حبيب القلب .. وأصلا مابينسمعو .. نمطن بيوجع الراس .. وكلو جعير ...
وهي فكرة عنهون ..
Dimmu Borgir:
Genre(s):Melodic Black/Symphonic Extreme Metal
Lyrical theme(s):Misanthropy, Satan, Anti-Christianity, Rebellion
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// صورتون :
ومتل مابتلاحظ بالصورة .. أشكالن مابتريح نهائيا .. وخاصة هادا اللي عاليسار ..
ومتل مابتلاحظ كمان اللي بالنص عامل اشارة قرون الشيطان اللي حكيت عنها فوق ..

وفي شغلة مهمة .. انو نمطن مانو بلاك ولا دووم ولا شي .. بالعكس سيمفونيك ..
بس منلاحظ انو نمط اللايريك تبعن ...
Misanthropy = كاره للبشر
Satan = شيطان
Anti-Christianity = ضد الديانة
Rebellion = ثائر .. حاقد ..
--------------------------------
طبعا المصدر هوي نفسو :////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وبالنسبة ل epica هون .. بدك تسمحلي ..
الepica من اعرق فرق الميتال على وجه الأرض وكافة الكواكب ..
وهي لمحة عنهن ..
Epica:
Genre(s):Symphonic Power/Gothic Metal
Lyrical theme(s):Agony, Sadness, Love, Mayan Philosophy & Legend
وهي صورة .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اما ال Theater Of tragedy : فكانو بزمانن يتبعو البلاك ...
بس متل ماحكينا .. في فرق بلاك ماشرط تكون عبدة شيطان وهني قليلين .. ومنون هالفرقة ..
وهي لمحة عنهن :

Theatre of Tragedy:
Genre(s): Doom/Death Metal (early), Atmospheric Gothic Metal (now)
Lyrical theme(s):Poetry, literature, beauty and darkness
وهي الصورة .. بتلاحظ مدى براءة الصورة .. وأكيد ماشكالن عبادين :////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


اما بالنسبة ل نمط الدووم .. اسمحلي قللك انو 98 % من فرق الدووم هيي عبدة ..
وخود كم مثال ..
Aamonhammer:
Genre(s):Doom/Black/Thrash Metal
Lyrical theme(s):Satanism

Life's Illness:
Genre(s):Black / Doom Metal
Lyrical theme(s):Suicide, Depression, Misanthropy

وفي كمان كتير .. هون :////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ومنرجع نقول .. انو كمان بتلتقى فرق دووم مانها عبدة ...

بس منكرر .. انو النمط العام ل البلاك والدووم والديث ميتال هوي تابع لعبدة الشطيان ..
ومافي شي إلا وفيه شذوذ عن القاعدة .. يعني منرجع لقصة الlyrical type >>> !



وأخيرا وليس آخرا ..
بالمنسبة للمتالجية ...

يعني بدك تقللي مثلا انو الشباب الميتلجية اللي بقعد معون ب قهوة سبيرو عالكورنيش و اللي بيضللو واقفين بالمشبكة هنون عبدة شيطان


شكلك ماقريت فقرة المتلجية .. واللي انتا مقتبسها ..
شوف شو كاتب ورجاع عيد صياغة ردك ..
لك انا نزلت الموضوع مشان شباب سبيرو .. وباقي متلجية سوريا ..
أنا كان دافعي وراء تنزيل الموضوع .. هوي إزالة اللبس ..وبترجع انتا بتقللي انو هاللي بوقفو بالمشبكة هني عبدة ...
أكيد لأ ...

:D

شكرا عالمشاركة حج ..
.
.
.


THE,unforgiven ",,,

يروحوا يعبدوا القرود السود ماأحسن:larg:

اي لو عبدو القرود السود كان احسن من انن يعبدو الشيطان
خي بتعيش كتير بتشوف كتير
بكرا الناس بترجع تعبد الشمس والقمر متل ماكانو بالقديم

هلأ ضروري كلشي ناخدو تقليد عن غيرنا يعني ببساطة ما فينا نسمع شي لمجرد السمع و انو نحس بالموسيقا تبعيتو وافقتنا كان بها ما وافقتنا اي بستين جهنم الحمرة الكفر الموجود ببعض الكلمات ما حدا بيحب يسمعوا لا تسمعوا انا بسمع لـSaturnus عندهن شوية كفريات بس انا كافر طبعا لأ و هاد معتقدي و انا حر فيه بس اغانيهن حلوة كتير و كرامة لألله خلصونا من قصة ميتالجية عباد شياطين فئة صغيرة اي ما اختلفنا بس ينسحب التصميف العاطل عالكل مو حلوة

طال الشرح و يطول ....
بس بالمختصر و دون الدخول بأنواع الموسيقى كموسيقى كونو النقاش "إجتماعي أكثر منه موسيقي"

أنا شخصياً بعتبر الميتل بأنواعا ثقلت أم خفّت ... بقى على نوع من الرقى و محاولة إرسال رسالة ما ... "ما عدى المتعلق منها بعبدة الشيطين"
على عكس باقي أنواع الموسيقى "باسثناء الجاز" يعني الراب انحدر كتير البوب انحدر أكثر ..
لذلك قلق لتلاقي صاحب قضية عم يغنيلك بوب ممكن أكتر يغني راب Eminem كمثال يمكن مافي غيرو عندو بعض الأغاني ذات قضية ما
بينما كتير من فرق الميتال بتحمل بكتير من أغانيها قضية ما و غالبا مناهضة الحرب
مثال
System Of A Down أو SOAD
هدول فرقة أمريكية أغلب أغانيهن مناهضة للحروب و سخرية من الحكومات و سياساتها بشكل عام .. و سخرية من الانسان التابع الدائم لهذه الحكومات ... سماع الغنية أغلب أغانيهن فيها صراخ .. صراخ شديد قد لا تفهم الكلمات بسببه لكن قرا الكلمات بتعرف ليش عم يصرخ ... صراخ لإيصال الألم أحيانا و لإيصال الصوت أحيانا ...

Metallica
كتيير من أغانيهن ذات قضية إما اجتماعية أو سياسية"مناهضة للحروب"
*أكيد عجبتك The Unforgiven III



هي هيك مثالين عل سريع

الفكرة: إهانة لجهود هؤلاء جمعهم مع عباد شياطين

من يسمع هذه الفرق أكيد مش عابد للشيطان ... بس صعب يكون متدين أو متمسك بدين ما ...

صخب موسيقى ما و هدوءها برأيي لا يعبر عما تحمله ...

sezar ... :D