كبرلك شي سنة ..... خلصنا ولدنة [الأرشيـــــف]

boy freind

08/09/2008, 06:48

اتنين ماشيين مع بعض يعني تمشاية المسا يعني اول ما اتغيب الشمس و عم يحكو قال الاول : لك جاية على بالي زت حالي من الشباك من الملل

قال التاني : اي و انا كمان بس مو لهدرجة شو رأيك نلعب شي لعبة نتسلى فيها

الاول : لأ دخيلك دايق قلبي من اللعب

التاني : معناها بدك تعزرني انا رايح عالبيت امي علمتلي عالموبايل تشاو بشوفك

الاول : يلا باي

الاول ( بقي لحالو ) : و عم يقول بقلبو : يقطع عمرك شو غليظ منيح يلي رحت و انقلعت العمى مليت منك

تاني يوم بيشوفو بعض بالماسنجر

الاول : شلونك حبيب مشتقلك خيرات الله وينك مو مبين ( مكولك هادا كتير )

التاني : كنت مشغول شوي نزلت عالسوق واشتريت كم غرض .

شو اشتريت ؟؟؟

يتبع..........

ِAbu Alzooz

08/09/2008, 06:51

هههههههههههه

كترانة موضيع النقد الغير ذاتي

الله يستر :adal:

boy freind

08/09/2008, 06:52

اشتريت سيدي برامج و كم غرض تانيين

بيدخل رفيقهون التالت عالماسنجر

مرحبا شباب اهلين والذي منو

التالت للأول : كيفك

الاول: منيح

التالت للتاني ( على انفراد ) : شو رأيك نحكي لحالنا لأنو هالغليظ فايت معنا

التاني : لأ عيب مو حلوة

التالت لأ حلوة

التالت للأول حبيب انا لازم روح شنو بدي اتغدا سلام

بيروح صاحبنا بيحكي مع التاني بالسر :

هادا كتير غليظ يا ريت نخلص منو

التاني : مو لهدرجة

التالت مبلا

ايمنا من سيرتو

التالت :شو اخبارك انت

التاني : منيح كل شي تمام

( لهلأ اكيد لاحظتو العلاقة بين هالتلاتة و مين بيحب مين و مين عم يكذب على مين )

يتبع........

boy freind

08/09/2008, 06:58

تشاء الصدفة انو يجتمع هالتلاتة بمقعد دراسي واحد

التالت عم يخدع التاني و الاول عم يروح فكرو لبعييييييييييييد و يغار

و التالت مو قاصد شي و حالة ....

الاول بيلوم التاني

و هي لقطة للتوضيح :

ماشيين بالباحة تبع المدرسة التالت مشنغل التاني و الاول عم يراقب

التاني عطا التالت علكة

التالت : مو طيبة منوب

التاني : طيب جاملني اريضة

التالت : اي بس لأنو منك صارت طيبة ( طبعا كلو كذب و نفاق )

الاول اتجاكر بس ما فتح تمو .

طلعو عالصف

التالت صار يحكي مع التاني بالهمس

الاول افتكر عم يحكو عليه

اتجاكر

اتجاكر كتير و قام قعد بغير مقعد ( هون حطلي الجملة يلي بالعنوان )

يتبع .......

boy freind

08/09/2008, 07:04

استمرت الحياة و الاول مصر على موقفو و ضل قاعد بعيد

العلاقة ساءت بين التالت و التاني ( طبعا الاول عمل عرس )

و هي لقطة مشان التوضيح

التالتمو معبر التاني منوب بعد ما عملو البحر طحينة

التاني انطمز ( كمان حطلي الجملة يلي بالعنوان )

بعت ايميل للتالت ( عتاب مع مفردات شوي قوية )

التالت انطمز

طبعا التاني و التالت علاقتون منيحة بالاول بس الاول حاقد عالتاني

التاني بقا التجأ للأول

و صار يفضفضلو

الاول راح فسد للتالت شو عم يحكي التاني ( كمان حطلي الجملة يلي بالعنوان )

يتبع ........

boy freind

08/09/2008, 07:10

هالشي وصل انو العلاقة بين التاني و التالت تخرب كتير الى درجة فظيعة ( الاول طار من الفرحة )

اجا الاول نكت الخمير و الفطير ( فرصتو الذهبية و اجت لعندو )

التالت حقد عالتاني

يعني بالنتيجة التاني محقود عليه من جميع الجهات و هو الخاسر الوحيد

التالت و الاول صارو صحبة كتير بس اذا بترجعو لأول القصة و شوفولي هالجملة مين قالها و عن مين قالها

التالت للتاني ( على انفراد ) : شو رأيك نحكي لحالنا لأنو هالغليظ ( قصدو الاول) فايت معنا

كل شي واضح

التالت عم يلعب بالاتنين

يتبع .....

gevara7

08/09/2008, 07:40

ههههههههههه
انا دخت
بس متابعة

Reemi

08/09/2008, 09:53

لنشوف وين بدك توصل :D

الياسمينة الفلسطينية

08/09/2008, 10:14

هههههههه يلااا بدنا التكملة .... لوين بدكم توصلونا انتو ؟؟ ....

ابو الوديع

08/09/2008, 13:13

أي يلا انا متابع لشوف لوين بدهم يوصلو...:gem:

يا نااااس

08/09/2008, 13:16

شوي شوي عليه لزين
ازا عصب ما بيعود يكمل
روءو
والله دوختنا حطلن اسماء
يسلمووووووو

الياسمينة الفلسطينية

08/09/2008, 22:10

اهااا حطلنا اسماء بكون افضل ... ^_^ ...
بالانتظار

زوربا

08/09/2008, 22:42

ههههههههههه
انا دخت
بس متابعة
لازم الواحد يجيب معو خيط...أو قلم وورقة لحتى يتابع..
بلكي بطلعلنا شي ملخص..

شكلو القصة حقيقية

فسحة أمل

08/09/2008, 22:44

يخرب مطنك وبعدين

Damask Rose

08/09/2008, 22:51

تالت تاني اول.اوا تاني تالن...والله التخمت:shock:
بانتظار البقية:D

stormsmaker

09/09/2008, 15:24

صاير معي للاسف هالقصة بس بغير تفاصيل و النهاي لازم تكون انو كل واحد لازم يصير بشللي جديدي

ِAbu Alzooz

09/09/2008, 20:56

انقطع الوحي :p

boy freind

12/09/2008, 20:41

هلأ رح وضح كيف العلاقات انفكت و اتدمرت

مشهد بالطريق :

الاول عم يسأل التاني : كيف علاقتك بالتالت ؟ ( طبعا السؤال مو بهدف الاطمئنان )

التاني ( و كان حمار يعني واثق من الاول و اعمى مو شايفو على حقيقتو ) : و الله مو كتير ( و اتزكر احد الفصول الناقصة يلي عملها التالت و قال بدون قصد ) : الله يلعن اليوم يلي شفتو فيه

الاول : هههههه روق مافي شي محرز ( طبعا سجل العبارة بالحرف و رجع عالبيت و بهرها و ظبطها و فورا عالتلفون و سلخها تاااااااااازة للتالت )

تاني يوم التاني قرر يحاول يصلح يلي صار و سلم عالتالت قام ما رد ( طبعا التاني هون ما بيعرف انو الاول عم ينقل الحكي )

يتبع ........

boy freind

12/09/2008, 20:43

و بيوم بيكون التاني قاعد بالمقعد لحالو ( لأنو التالت يلي كان قاعد جنبو قام و قعد عند الاول - جكارة- )

بيجي التالت بيقول للتاني ( طبعا التاني انفلج شنو مافي بالعادة ) : صحيح اللي سمعتو ؟

( لاحظو طريقة السؤال الماكرة )

التاني : و شو اسمعت ؟؟

التالت: قال انت قلت انو اتعس يوم بحياتك لما شفتني ( طبعا التالت جاب معو الاول مشان التاني ما ينكر )

- هون عرف التاني انو الاول عم ينقل حكي و اذا بتلاحظو هون انو الاول بيعرف اذا التاني عرف انه عم ينقل حكي رح يقاطعو و مع هالشي ضحى بالتاني بس مشان يدمر علاقة التاني بالتالت معناها التاني ما بيعني شي للأول و هاد يلي عرفو التاني متأخر -

التاني عجز و ما عرف شو بدو يقول و الاول عم يحاول يحط على عينو

التاني بدو يقول للتالت انو مو قصدو و قالها لأنو كان معصب بس ما رح يصدق

التاني عجز قام التالت قال :

اي معناها خلص كل شي انتهى .

و طلع و لحقو اللئلوء ( الاول ) و التاني التحش لحالو بالمقعد .

يتبع .............

بس ملاحظة : انو هون بتشوفو انو التاني ما في منو و مظلوم بس كمان عامل كم شغلة بزمانو يعني انا ما عم حاول نزلو من السما

boy freind

12/09/2008, 20:43

هلأ التالت مشان يضمن انو الاول يصف معو كان لازم يكره الاول بالتاني بطريقة حقيرة كتير كما يلي

الاول اتفق مع التالت انو الاول يكتب ورقة للتالت يكتب فيها اي كلام ( علاك )

و التالت يمشي مع التاني و يطلع الورقة و بصبر يقرأها و يقول للتاني انو الاول كاتب عليك حكي

التالت : يا حزرك شو فيها هالورقة

التاني : ما بعرف

التالت : بدك تعرف ( لاحظو تقل الدم )

هادا الاول كاتب عنك

التاني : شو كاتب ؟

التالت : ولا قلك ما رح اعطيك ياها ( بدو ياه يترجى و يتوسل )

التاني ضل يقلو شو فيها و بليز ( بس عبس )

قام قلو التالت طيب بقلك شو فيها بس بشرط انك تقاطع الاول

التاني ( كان رح يطق على ما يعرف ) : اي ماشي

قام قلو التالت : اي معناها ما رح قلك .

و التالت فورا راح قال للأول انو انا خيرت التاني بينك و بين الورقة و اختار الورقة

طبعا بعد ما بهّر الخبر

و هيك التالت رح يضمن انو الاول رح يصف معو ( لاحظو اديش خبيث و ملعون و حية من تحت تبن )

يتبع .............

cool girl 35

12/09/2008, 20:46

حلو .. بانتظار اليتبع :larg:

boy freind

13/09/2008, 04:09

حلو .. بانتظار اليتبع :larg:
ههههههههه شكرا للجميع عالمرور :D

cool girl 35

13/09/2008, 12:32

عم نستنا . ليش طولت كتيير :jakoush:

روعة1

13/09/2008, 14:42

اي شو هل الثلاثي المرح هدول.. شي شغلة و تسالي ع الاخر..

يلا منتظرين.. :D

دلوعة سوريا

13/09/2008, 20:44

نحن بانتظار النهاية...

بس و الله دخت.. الاول ,التالت,الاول, التاني,التالت.....الخ... الخ... الخ

boy freind

14/09/2008, 13:41

اي شو هل الثلاثي المرح هدول.. شي شغلة و تسالي ع الاخر..

يلا منتظرين.. :D
اي اي :gem:

نحنا منسلي اكتر من كيلو بزر :o

lollipop

14/09/2008, 14:38

حلوة كتير وأنا بانتظار التتمة بس الصراحة نفسي اذا شفت هلتلاتة لاسلخن قتلة :aah:وخصوصي تاني وتالث والأول

boy freind

14/09/2008, 14:41

حلوة كتير وأنا بانتظار التتمة بس الصراحة نفسي اذا شفت هلتلاتة لاسلخن قتلة :aah:وخصوصي تاني وتالث والأول
اي يعني كلهون :lol:

يلا هلأ عم اكتب التتمة بس ذاكرتي ضعيفة :sick:

boy freind

14/09/2008, 15:57

ضلو على هالحالة انو التاني منبوذ و الاول و التالت صحبة

بس يعني صحبتهون ما نزلتلي على معدة ولا فهمتها

شنو التالت كان يحكي عالاول كتير متل هالحادثة :

الأول : كيفك مع التالت .

التاني : والله ما بعرفو منوب ( و كان لسه ما اتعرف عليه منيح )

الاول : والله انا مو كتير

التاني : ليش

الاول : اي لأنو كان يلهيني بحصة الرياضيات مشان ما افهم و بعدين بيرجع عالبيت و ابوه بيشرحلو كل شي

التاني : مو معقول

الاول : والله حتى آنسة الرياضيات قالتلي انو اتحسن مستوايي بعد ما بعدت عنو

( لاحظو التناقض كيف بالاول عم يحكي عليه و هلأ صار صحبة معو معناها منافق )

يتبع ...........

روعة1

14/09/2008, 16:01

في ناس بتتغير و بيتغير رايها على حسب ظروفها.. يعني مع السوق بتسوء..

حلو.. متابعة.. :D

روعة1

14/09/2008, 16:08

هلأ هلأ بتشوفي
مشي.. ناطرة تشوف بفارغ الصبر.. :lol:

boy freind

14/09/2008, 16:09

التاني : اي مو لهدرجة

الأول : مبلى و اكتر كمان هو بيعمل هيك قاصد .

التاني : ممممم ممكن تكون ظالمو

الاول : اصلا هو بالاصل ما بيحبني و كان يتمسخر عليي و يقول للعالم تدايقني

التاني : هههههه غريبة , طيب ليش .

الاول : اي شو بيعرفني

التاني : اي الحمد لله انو انا بعيد

الاول : اي احسنلك

يتبع ..........

ابو الوديع

14/09/2008, 17:50

وحيااااااااات الغالي انا دخت :cry:
بس يلا بالأنتظار ;)

دلوعة سوريا

14/09/2008, 20:01

ابو الشباب... مطولة القصة لتخلص!!! :?

الياسمينة الفلسطينية

14/09/2008, 21:25

هههههههههههههههه
لك انتا عبقري يا مان كيف بطلعلك تألف هيك افكار ما بعرف ..

يلااا بنتظر البقية انا .....

كل شى اوهام

15/09/2008, 00:42

ولى شو هاد :shock:

دخت والله العظيم
بس بدى اشوف النهاية شو بدوا يصير

boy freind

17/09/2008, 05:08

هههههههههههههههه
لك انتا عبقري يا مان كيف بطلعلك تألف هيك افكار ما بعرف ..

يلااا بنتظر البقية انا .....
شكرا شكرا ...

بس يعني مو كلو مجرد تأليف قصص

boy freind

17/09/2008, 05:09

هون حابب وضح هيك متل حادثة زغيرة

التاني : تعا لعندي

الاول : لأ ماني فاضي

التاني : اي معلش يلا منتسلى

الاول : ( بعد صفنة ) اي ماشي

الاول جاية عالطريق

دق عالانترفون

التاني : اهلين

الاول : الباب مسكر

التاني : هههه مو معقول ( شنو قبل شوي التاني نزل و فتحو )

الاول : والله

التاني : ماشي ( و نزل يفتح )

الاول انطمز و رجع على بيتو ( عقلو زغير )

التاني نزل ما لقى حدا

تاني يوم شافو بعض قام الاول ضرب بوز

يتبع .........

boy freind

17/09/2008, 05:19

حبيباتي هي القصة بس للتوضيح انو صغر العقل و العناد بيدمر اكبر علاقة بين اي اتنين مهما كان بيحبو بعض

بس يلا قربت تخلص

boy freind

17/09/2008, 05:29

على حساباتي ممكن خلصها شي يومين كمان

بس يلي ما استوعب منيح يقرأها من الاول ;)

boy freind

17/09/2008, 14:34

هلأ بيكون كل شي صار واضح انو العلاقات مدمرة

بس التاني بيحب التالت و بدو يصالحو لذلك قرر يتصل فيه ( رغم الاهانات )

التاني : مرحبا

التالت : اهلين ( بنشافة )

التاني :شو ليش زعلان مني

التالت : مو مشان شي ( بحيونة )

التاني : عن جد بلا غلاظة

التالت : لأنك بتضل بتكذب و لأنك كذا و كذا .........( بيطلعو شي ميت تهمة )

التاني : و الله معك حق و انا غلطان و بعتذر و ندمان عن كل شي صار

التالت : للأسف ما بيفيدك

التاني : ليش

التالت : خلص انت ما بتعنيلي شي

التاني : طيب عطيني فرصة ( التاني بدو يحافظ عالعلاقة )

التالت : خلص انا هلأ مشغول يلا باي

التاني : استنى شوي

التالت : شو انت ما بتفهم عربي العمى ( و خبط السماعة )

يتبع ................