الجزء الأول: كيف و ليش


1) شو يعني تدوين؟

التدوين هو الشي اللي يعملو المدوّن..

2) مين هوي المدوّن؟

الشخص اللي عندو مدونة ..الغرب الكافر بيسموه :larg:Blogger

3) شو يعني مدونة؟

أهااااااااااا .. سؤال حلو

المدونة يا سادة يا كرام هيي نفسا الـBlog بلغة الأجانب.. و هي عبارة عن صفحة شخصية صغيرة فيك تفتحها بأحد مخدمات التدوين الكبرى أو الصغرى (الكبرى أحسن دايما:lol:) بيكون عنوانها هو اسمك أو الاسم اللي بدك ياه +المخدّم دوت كوم (هيك الأغلبية يعني).

التدوين بلّش تقريبا حوالي سنة الـ 2002 بصورة بدائية مختلفة تماما عن ما هو موجود اليوم.. كانت الشغلة بدائية و هات ايدك و الحقني.. و وخمة و وجع راس.. هلأ الأمور تطورت كتير يعني.. و كانت خطوة موفقة جدا في طريق فرض الانترنت كوسيلة اعلامية اعلانية تواصلية.. و كتير من فهمانين علم الاجتماع بيحكو عن أهمية "المواطن الصحفي" اللي عندو سبيس خاص فيه يحكي فيه و يعبّر فيه..

4) وين فيني اعمل مدونة؟ و قديش تكلف؟

في كتير مخدمات تعطيك امكانية عمل المدونة.. في منهون عالميات و في منهون على مجال أضيق (مخدمات عربية)

العالميات:

Blogspot: بعتقد أفضل مخدّم تدوين.. فيو اعدادات كتيرة و يعطيك امكانيات كتير ة لتحط اكسسوارات +بيدعملك التعامل مع جميع أنواع المخدمات الأخرى من Feed و تعليقات, بيدعم اللغة العربية بشكل ممتاز (السنة هاي لحتى عملو عربي) .. صرلي أكتر من سنتين و نص اتعامل معو و جدا ممتاز.. و بعدين تابع لشركة غوغل.. و ما أدراك ما غوغل..

مشكلتو انو محجوب بسوريا

wordpress: المفضّل من قبل المدونين العرب اجمالا و خصوصا السوريين (كون لسى ما انحجب), بيشبه البلوغ سبوت إلى حد كبير و اعداداتو شبيهة نوعا ما لكن أنا ما بحبو كتير (هيك محبة من ألله يعني).. خيارات التميّز فيه أقل من البلوغ سبوت بكتير(يعني اكسسوارات محروفة, و هيك أمور) لكن كمان موقع ممتاز و محترم و كتير شهير..

لسى ما حجبوه بسوريا


العربيات:

مكتوب

البوابة

أين

الخ...

هدول ما تعاملت معهون بنوب... فيهون مشكلة أساسية وهي انو القدرة على السيطرة على الدعايات محدودة شوي (بمكتوب لأ.. لكن بالباقي لاحظت هالشي).. يعني تفتحهون و ينطو بوجهك الدعايات كتير.و قعود سكّر نوافذ.. المشكلة التانية انو غالبا ما بيعطو مع بعض و لا مع العالميات, و الـ feed تبعهون فايت بالحيط و ما بيدعم أنظمة الخلاصات متل الخلق... ( و بعتقد كلهون محجوبين)

لذلك أنا ما بنصحهون بنوب يعني..


بالنسبة للكلفة.. فصفر مربع للتكعيب.. متلو متل حساب ايميل (طبعا في خيارات بالمصاري متل انو تعمل نطاق أو اسم مخصوص يكون اسم مدونتك دوت كوم أو انك كمان يكون بدك حساب بريد الكتروني خاص بمدونتك و هيك قصص)



ازا ع بالك تفتح مدونة.. طوّل بالك علي اليوم و بكرا بكون نزلت كل شي لازمك لتكون مدوّن منيح .. تابعنا على قناة الصالون الفضائية و أسئلتكم حول الأجزاء نجيب عليها بكل سرور :gem:



للحديث بقية...

متابع وباهتمااااااام
شكرا ياس

لك يا عيني عليك

انا من زمان نفسي اعرف عن هالموضوع بالذات

متابعك و على احر من الجمر

الجزء الثاني: شوية قصص و انطباعات شخصية حول التدوين بشكل عام, و التدوين العربي



حضرتنا, و أعوذ بالله من قولة حضرتنا, بيشتغل بالتدوين من شي 3 سنين, بلشت بالبلوغ سبوت و بمدونة اسبانية, و ماشي الحال الحمدلله أمورنا ماشية أخدنا جائزتين بهالوقت (رمزيات.. ما طلعلنا ولا فرنك:pos:) و هلأ عندي مدونتين اسبانيات + مدونة عربية..

خبرتي بالمدونات بترجع للبلوغوسفير العالمية (البلوغوسفير blogosphere هو مصطلح يقصد به عالم التدوين أو عالم المدونات), و نشاطي على المستوى العربي تقريبا من أول الصيف فقط..

المدونات بعتقد شي جميل و ايجابي و ضروري.. خصوصي للشباب, شي حلو يكون عندك ركنك الخاص بتعملو ديكور ع كيفك و تزبطو ع مراقك و تكتب فيه شو ما بدك و كيف ما بدك.. تسالي يعني.. بس عدا التسالي بعتقد شي منيح يكون عندك دافع تكتب بمكان ما, و مشان تكتب لازم تفكر.. و بالتالي عالم المدونات يدعم الفكر و تحريك المخ.

بشكل عام في مدونين على مستوى العالم صارو أشهر من صحافيين عالميين.. و هنن ناس متلي متلك يعني, بس عندون شي يحكوه و جذب الناس إليه (و مو شرط يعني مقالات شي رهيب و قوي, و للا خواطر و قصائد شغلة كبيرة.. انما يجوز شي انت تعتبرو غير ذي أهمية بتلاقي الناس مهتمة فيه.. على كل, محتوى المدونات رح نحكي عنو لاحقا)

متل ما كنت عم قول.. التدوين صاير متل وجود ركن شخصي الواحد يكتب فيه عن اهتماماتو, يحط صورة عجبتو, أغنية حبها و يكتب عنها, مقطع فيديو.. الخ... و هاد الأمر الطبيعي

بالنسبة للتدوين على المستوى العربي, فمثل ما قلت سابقا خبرتي فيه ترجع لشهور قليلة لكن فتلت فيه منيح و حكيت مع مدونين كتار و اطلعت على دراسات عن هالشأن و خلتني جيب شوية استنتاجات, و رح نحكي على مستوى التدوين العربي (باللغة العربية أو من دول عربية) و بعدين نجي على سوريا:

- بشكل عام, التدوين العربي هزيل إلى حد ما, يتناسب طردا مع واقع الانترنت العربي و مفهوم الانترنت العربي.. عدد المدونين قليل نسبيا و غالبهم يستعمل مفهوم المدونة بشكل خاطئ, لا يمنع هالشي انو في طاقات و خامات ممتازة في جميع المجالات.. في مدونين ممتازين

كتميّز على مستوى دول.. فشخصيا معجب بالنخبة تبعيت التدوين السعودي.. صحيح قليلين لكن ممتازين جدا و على مستوى ثقافي عالي جدا (طبعا هون كل واحد و اهتماماتو) .. بيجو أخواننا المصاروة بعدين كمان عندون شي حلو .. و بعدين من بلاد الشام بتلاقي الفلسطينيين و الأرادنة, و بعدين سوريا بشكل متأخر جدا

لبنان حطيتها ع طرف.. لأنو كحركة تدوين هيي أنشط دولة عربية, و غالبا تحط باقي الدول كلهون بجيبتها الصغيرة, لكن قليلين جدا جدا اللي بيكتبو بالعربي.. التدوين اللبناني انشهر أيام آخر حرب صارت, و كتير من المدونين اللي بلشو يروو تفاصيل الحرب من قلب الحدث هلأ ألفو كتب و صارو يشتغلو بدوريات فرنسية و أميركية

و سوريا بتصير فيها تقريبا نفس الحالة.. في كم هائل من الأكاديميين السوريين المغتربين اللي بيكتبو مدونات, لكن الغالبية تكتب بالانكليزي.. و النذر ابيسير اللي يكتب بالعربي متأثر جدا بالمنتديات, و يكتب بالمدونة و يستخدم المدونة و كأنها منتدى (على كل رح نحكي بمكان تاني عن الأخطاء الشائعة بالتدوين العربي و خصوصا السوري)


لانهاء هالفقرة بس رح قول انو في من استغرب انو أكتب موضوع يدعو لنشر التدوين و أنا اداري منتدى.. طبعا التدوين لا يتعارض مع المنتدى, بالعكس تماما هيي أمور مختلفة.. و ممكن حتى يكون انعكاسها ايجابي على المنتدى (لأنو اللي يفتح مدونة لازم يشغل مخو مشان يعمل أفكار مشان يحطها بالمدونة, و نفس الفكرة اللي كتب عنها بالمدونة كمان بيشتغلها بالمنتدى, فيتحول من عضو مستهلك للمواضيع إلى عضو منتج لها) .. و يعني حتى لو في تأثير للتدوين على المنتدى ( وعم قول انو في حال وجوده هو تأثير ايجابي).. فكل تأثير يؤدي الى انو عضو يتحول إلى المبادرة و الابداع و الانتاج.. حتى لو خسرتو كعضو (و ما رح اخسرو) أنا رضيان فيه...



منكمّل بعدين :gem:

مثبت يا ابني :larg:

روووووووووووووووووووووووح شايفلك ولو انك قلبت المواجع
حتى مدونات مكتوب حجبوها

الجزء الثالث: شوية نصائح و أخطاء لازم نتفاداها اذا ناويين نكون مدونين ناجحين (1)



بما يخص الديكور و الاكسسوارات:

- في فرق بين غرفتك بالبيت و غرفة أوتيل.. غرفة الأوتيل نظيفة و جديدة و عين ألله عليها خرج تطلع بغلاف مجلة..لكن ما فيها لمحة شخصية.. مافيها لمسة منك يعني..و غرفتك يكون التخت مجعلك و فوقو كوام تياب, و طاولتك مليانة كتب و وراق و ضو الطاولة (الفلكس) ملزوق بشرطيطون و اللمبة تتلولح, و تحت الطاولة في ورقتين من شدة قديمة واقعين و ما سخيان تكبهون عالزبالة لا يكون يلزمو بعدين.. تمشي و تلاقي قنادرك- الله يعز- مبعثرة عالأراضي و الباب ما بيسكّر منيح و بدك تحط محرمة بالشق لحتى يطبق منيح.. بس يا أخي غرفتك هاي... فيها شخصيتك يعني... عرفت المدونة شلون لازم تكون؟ قصدي انو لازم يكون في لمسة شخصية حتى لو ما كانت هاللمسة غرافيك ديزاين و شغلات حرّيفة ... لأ يوب.. عالخفيف و على قد حالنا, بس عطيها لمسة شخصية...

- لا تكتّر اكسسوارات غير ضرورية, لا تحوّل المدونة إلى سيارة تكسي مليانة شغلات أبتنفع.. حط قصص مفيدة (بلوغ رول, عدّاد أنيق, شوية روابط -منحكي بالروابط بعدين-.. هيك أمور) يعني ما ضروري تحط الأبكليكيشن اللي تعطيك درجة حرارة نيودلهي متل هالوقت السنة الماضية و بالفهرنهايت و السلزيوس.. ما ضروري يعني

- الروابط اللي تحطها.. يا حبيب كلو بيعرف شو رابط البي بي سي, و شو رابط الجزيرة... ما محتاجين يفوتو ع مدونتك ليعرفو كيف بيدخلو.. لا تكتّر روابط.. و يفضّل ترتبهون بين مدونات أصدقائك و المدونات اللي تزورها و تزورك (منحكي بهالأمر بنقطة التشبيك) و بقسم تاني تحط منتدياتك و هالمواقع الظريفة اللي ما معروفة كتير مثلا و انت تعتقد انو حلو تحط روابطها و تكون تتناسب مع الجو العام لمدونتك..


بما يخص النشر و المواد المنشورة:

- حبيب قلبي ... سمعت صار شي و بدك تعرف شو هوي.. بتفتح مدونة رفيقك لتعرفو؟ لأ .. بتفتح الجزيرة نت.. لذلك حبيب المدونة مانها موقع اخباري.. لا تنقل أخبار يعني...

- لا تكتّر نقل مواد أو مقالات.... و للا قلك؟ لا تنقل طاول بنوب .. بيكون أحسن.. المدون المحترم ما بينشر الا شغل ايدو.. و اذا مش ولا بد عجبك شي جدا جدا فافتح مقال جديد و اكتب رابطو و شرح عنو (باسلوبك) و شو عجبك و ليش عجبك.. يعني مو تكبس المقالة و تتم ماشي (في كمان خيار حلو بيستعملوه الشباب أحيانا.. انو بالقائمة تبعيت مدونتك تفتح قسم اسمو مختارات و تحط فيه لينكات لمقالات أو مواضيع من مواقع أخرى)

- المدونة هي شي شخصي.. لذلك كل ما كان الشغل تبعك شخصي كل ما كانت ناجحة أكتر..

- لا تكتب لمجرد الكتابة و التحديث... و لا تلتزم بشي مانو من اهتمامك لمجرد انو (ماشي سوقو).. يعني انت احكي بشو ما بدك.. بشو جاي ع خاطرك تحكي.. و النت شاسع واسع و راح توصل لحدا مشترك معك بهالشي (هالحكي خصوصا للمدونين العرب... اللي محتكرين شغلتين: سياسة و دين) .. بتكتب خواطر معناتو حط خواطر, تكتب شعر حط شعر.. تكتب قصص تقنية حط قصص تقنية.. بتحب تكتب يوميات و رؤية هيك للحياة حط... بتحب الموسيقى اكتب عن الموسيقى, بتحب الرياضة اكتب عن الرياضة ..و لا تحط لحالك معيار للابتذال.. كل شي مهما كان تافه.. اذا طالع من ابداعك و عاجبك فانشرو و لا تستحي.. هاي مدونتك و انت أمين التحرير و المحرر و انت الكل بالكل, و اللي ما عاجبو لا يفوت يقرا

و ما حدا قال انو المدونة لازم تكون تخصصية.. لذلك لا تجبر حالك على قالب من المواضيع أو المواد.. اكتب عن اللي جاي بمراقك.. و كيف ما جاي بمراقك (شب مدون كاتب من يومين انو لبس البنطلون و طلع بقلبو صرصور.. انو تسالي.. لأنو حاكي القصة تقول سسبنس عالآخر و حبكت معو تسالي... و هو شب بالعادة يكتب خواطر جادة و مقالات جدية يعني..)

- حاول تكون دوري نوعا ما بالكتابة و متوازن فيها .. يعني لا تحط أربع اضافات جديدة بيوم و تروح تطس اسبوعين.. انما حاول تكون منظم و التراتب يكون واحد (تقريبا) و ازا عندك كتير مواد ففيك تبرمج نشرها (تحطها بالمدونة و تبرمج النشر و هي تنشرلك ياهون باليوم و الساعة اللي بدك ياهون كل وحدة) .. يعني فيك تحط مواد احتياط تخليهون عندك لوقت تنشغل (يعني ازا عدت فترة عم تكتب كتير فـ خبّي قرشك الأبيض ليومك الأسود) .. و كنصيحة شخصية ما بنصح حدا ينشر أكتر من مادة باليوم..

- استخدم التاغز أو السمات لترتيب موادك حسب نوعها (يوميات, سياسة, رياضة, خواطر.. الخ)..

-اللغة دائما ضروري تكون مزبوطة و صحيحة.. لكن مافي داعي تكون متكلّفة و تقيلة دم.. كتوب ع راحتك, و اذا مافيك الا ما تكتب كم جملة بالعامية حطهون و لا تخجل.. تعطي مدونتك لمسة قرب و شبابلك كتير.. المهم تكون مرتاح يا بوبو العين

- مو ضروري تلزم حالك بانو اذا مو طالع معك مقال عليه العين ما تكتب.. يعني في ناس ما بتحط الا مقاطع صغيرة.. تعليق صغير يجوز على شيء ما .. سطرين و تم ماشي.. بس انو يكونو طالعين من صماصيم قلبو .. بيسوو كتب.. مو بس مقالات


منكمّل لاحقا

عجبتني هي شغلة " المدونة "

بس قولك " ما بـِ تنحجب " كمان "

:D

عجبتني هي شغلة " المدونة "

بس قولك " ما بـِ تنحجب " كمان "

:D





أغلب مخدمات التدوين محجوبة.. لكن مع ذلك.. بعتقد ازا في شرخ صغير ممكن الواحد يمرق منو فلازم نمرق منو.. حاليا في مخدم مانو محجوب و لا في نية لحجبو على ما يبدو و هو مخدم الوردبرس... و الباقي بتفوتلهون متل ما بتفوت ع هالمواقع المحجوبة...

ياس ممكن تحطلنا رابط نقدر نفوت عالمدونات نعرف شلون الشغل عالواقع ونتابع معك
يمكن بتنفهم المعلومات اكتر وخاصة هلق بلشت الترتيبات تبع المدونة وبلشت التعقيدات
ومشكور على تعبك كمان

ياس ممكن تحطلنا رابط نقدر نفوت عالمدونات نعرف شلون الشغل عالواقع ونتابع معك
يمكن بتنفهم المعلومات اكتر وخاصة هلق بلشت الترتيبات تبع المدونة وبلشت التعقيدات
ومشكور على تعبك كمان

قصدك انو نحط أمثلة على كيفية اعداد المدونة (الجانب التقني) و للا أمثلة عن مدونات جاهزة أو هيك شي؟ صديقي ما فهمت بالضبط كيف فيني اخدمك فبلكي تشرحلي بالزبط مشان نتفق

تحية

اي الجانب التقني

اي الجانب التقني

بالنسبة للجانب التقني.. فكل مخدّم الو طريقتو الخاصة و اعداداتو الخاصة.. فحسب وين فاتحها بيكون في قصص مختلفة.. انا فيني ساعدك عالبلوغ سبوت لكن غير هالمخدم أنا ما استخدمت..

على كل أنا دائما بنصح انو الواحد يعمل أول مدونة, قبل مدونتو النهائية.. بس مشان يجرب قصص و يبحبش..بالعادة دائما الطريقة سهلة جدا و خلال نص ساعة بتكون سيطرت على كل الجوانب (الله يرحم أيام زمان كان كل شي برمجة و أتش تي أم لأ.. و تعا دبرها.. هلأ مافي أسهل من انك تعمل مدونة ممتازة خلال ساعة زمان)

الجزء الرابع: التشبيك و الاندماج بالـ Blogosphere




هو عمليا لسى ما انتهينا من النقطة السابقة اللي تناقش السلبيات اللي لازم نتفاداها.. لكن حاليا رح اكتفي بهالأمور الأساسية حيال هالنقطة, و بعدين نعمل اضافات للصبايا و الشبيبة اللي قررو يبدو رحلتهون في عالم التدوين..

بهالجزء رح نحكي عن التشبيك, و اللي هو مصطلح خرندعي مدري من وين طلع و يقصد به "دمج مدونتك ضمن شبكة" .. و لما نقول شبكة, بنقصد نوعين من الشبكات:


- شبكة ليست فيزيائية انما شبكة علاقات مع مدونات و مدنين آخرين: في واحد من أخطاء التدوين العربي انو الشخص يفكر مدونتو الناس رح يجوها لحالهون, و هون في غلط كبير لا علاقة به بجودة المادة اللي تقدمها, انما انو اذا ما سمعانين فيك و لا شايفينك بأي مكان فما رح يجوك من حالهون حتى لو مادتك جيدة (بخصوص الجودة.. ما دام المادة من شغلك فهي جيدة.. لأنو هاد مجهودك الشخصي, التقييمات التانية ترجع لكل شخص.. عم قول هالكلام لأنو أول و أكبر و أصعب شغلة لازم يتخلص منها أي شخص بدو يبدع هو الخجل, او اعتبار مادته دون المستوى..)

هالنوع من التشبيك هو أهم نوع, و عليه تبني سمعة مدونتك و سمعتك كمدوّن.. بعد ما تبني مدونتك و تبلش تكتب, حاول تبحث أو توصل لمدونات موجودة تتناسب مع أفكار مدونتك و طريقتك (مو شرط مية بالمية.. بس يعني يكون في ترابط منطقي) و اقرا فيهون و تفرّج عليهون, لما تشوف مدونة تعجبك و فيها مواضيع منيحة تروك تعليقات (التعليق غالبا بيعطيك خانة تحط فيها عنوان مدونتك)..

القصد من التعليقات مو انو تعلّق حيالله مشان بس يظل تعليقك.. انما حاول يكون تعليقك متناسب مع الموضوع, مانو مجرد شكر و ظل ماشي.. لأنو تعليقك الجذاب رح يكون دعاية لمدونتك (أساس الملاحة التدوينية هيي انك تقعد تقرا مدونات و تقرا التعليقات, و تلاقي تعليق يعجبك فتروح على مدونة صاحبو, و كمان هنيك تلاقي تعليقات, و نفس العملية بتنط من مدونة لمدونة و بتلاقي بظرف اسبوعين تلاته صارو المدونات المتشابهة بيعرفو بعض.

طبعا كمان في خدمات متل قوائم الروابط أو قوائم المدونات ضروري تستخدمهون, يعني مدونة حبيتها و شفت صاحبها تعاون معك و زارك و زرتو "تدوينيا" فتحط رابط مدونتو عندك بقائمة الروابط تبع مدوناتك الصديقة, و هو يعمل نفس الشي و غيرو و غيرو.. و بتكونو عملتو شلة تدوينية يجمعها التدوين حول أمر مشترك..

بيكون منيح كمان لو تترك عنوان ايميل بمدونتك مشان الناس يقدرو يبعتولك و هيك أمور..

الحقيقة انو هالنوع من التشبيك هو المتعة تبعيت التدوين, و هو الاصانص تبعو.. لأنو انت عم تتعرف على مدونات جديدة و فكر جديد و عم تقرا و تستفيد و تتعرف على ناس, بنفس الوقت اللي عم تترك بصمة (تعليق) هي دعاية لمدونتك.. و الغريب انو هالنوع من التشبيك مافي اهتمام فيه بالمرة بالمدونات السورية, كل واحد قاعد بمدونتو و مالو علاقة بحدا.. بالكتير 2 رفقات فاتحين مدونات و بيزورو بعض.. لذلك لحد هلأ مافينا نقول انو في blogosphere سوري حقيقي, انما في مدونات متفرقة فقط لا غير...

- الطريقة الثانية ليست بأهمية الأولى لكن كمان مهمة, و هي عبارة عن مجتمعات التدوين: مواقع عادية تكون مجهزة مشان تعمل فيه أكاونت و تسجل فيه مدونتك, فهنن عن طريق رابط الخلاصات يسحبو مواضيعك الجديدة و يحطوها عندهون بتسلسل زمني مع رابط مدونتك ( فيكون تقولو انو متل دليل المدونات).

على المستوى السوري في موقعين (شوفو الروابط و رح توصل الفكرة بسهولة أكبر):


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



على اعتبار التدوين السوري ما زال هزيل فلذلك المجتمعات التدوينية متل ما شايفين شاملة (انو مدونات سورية و فقط.. بدون تصنيفات)..

بـ blogosphere كبيرة و نامية تلاقي انو في مواقع متل المذكورة فوق (متعوب عليها أكتر لأنو هالموقعين اليتيميات بسوريا الله يعطيهون العافية اللي عاملينهون و تعبانين عليهون فعلا لكن شوي خدماتهون سطحية) مو بس انو مدونات دولة معينة.. انما تلاقي مثلا موقع فيو مدونات سياسية, مدونات دينية, مدونات تهتم بالزراعة و الاعشاب, مدونات طبية... الخ الخ الخ



آسف طولت عليكون.. و يمكن الحكي هيك فايت ببعضو و ما كتير مفهوم, فازا في أي استفسار خبرونا


عقبال ما نعمل شبكة مدونات أخوية :gem:

موقع البلوغ سبوت (تابع لغوغل) عامل قناة خاصة فيه عاليوتيوب و حاطين شوية فيديوهات تشرح بشكل مبسّط كيفية انشاء مدونة على بلوغ سبوت .. الفيديوهات بالانكليزي, و عم يشرح طبعا على القالب الانكليزي للموقع, لكن اللغة سهلة و مفهومة , و القالب العربي نفس القالب الانكليزي بالضبط, يعني تشوف المبدأ بالفيديو و رح تشوف انو نفس الشي بالعربي.. اللغة بالانكليزي بس اعتقد مافي مشكلة بفهمها لأنو بيحكي بطئ نوعا ما و بينفهم أغلب الكلام بسهولة..

نقّيت أول و أهم 3 فيديوهات (للأسف ما بعرف كيف فيني ارفع الفيديوهات للناس اللي محجوب عندون يوتيوب)


كيفية انشاء مدونة على بلوغ سبوت (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

كيفية اضافة خيارات غوغل على بلوغ سبوت (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

كيفية اضافة قائمة مدونات صديقة أو بلوغ رول في مدونتك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)






فهرس جميع مقاطع الفيديو التعليمية تبعيت بلوغ سبوت (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

قصدك انو نحط أمثلة على كيفية اعداد المدونة (الجانب التقني) و للا أمثلة عن مدونات جاهزة أو هيك شي؟ صديقي ما فهمت بالضبط كيف فيني اخدمك فبلكي تشرحلي بالزبط مشان نتفق

تحية
اي و لو سمحت كمان اذا شي نموذج جاهز عن المدونة لحتى تكتمل الفكرة براسي الله يخليك معلم :D

بديت معك
:gem::gem:

ومتابعة بشغف

اي و لو سمحت كمان اذا شي نموذج جاهز عن المدونة لحتى تكتمل الفكرة براسي الله يخليك معلم :D

مسلا مسلا...


مدونة المتشائل


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مدونة وائل كريم (وائل76)

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



و بالمواقع اللي حطيتهون سلفا



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


بتلاقي كوم مدونات فيك تتفرج عليهون (و لو انو لا تاخد نماذج كتيرة.. يعني قارن و شوف شو حكينا.. لأنو التخبيص شغال, بيني و بينك الحكي لا تقول لحدا :lol:)



:D

طيب سؤال لو سمحت:
فيني اعمل المدونة تبعيتي متل كتيب ذكريات الي ؟؟ و بنفس الوقت اكتب فيها كل شي بيطلع ع بالي ؟؟
و فيني امنع الاخرين من انو يقروها؟؟ مثلا انا بكتب فيها اشياء بس مشان اتذكرها بالمستقبل يعني مشان ما تضيع او مثلا بحك فيها روابك لمواضيع او بنسخ هالمواضيع بس الي لحالي يعني مو مشان حدا تاني يفوت و يشوف شو هاد ؟؟ فيني يا ترى؟؟

طيب سؤال لو سمحت:
فيني اعمل المدونة تبعيتي متل كتيب ذكريات الي ؟؟ و بنفس الوقت اكتب فيها كل شي بيطلع ع بالي ؟؟
و فيني امنع الاخرين من انو يقروها؟؟ مثلا انا بكتب فيها اشياء بس مشان اتذكرها بالمستقبل يعني مشان ما تضيع او مثلا بحك فيها روابك لمواضيع او بنسخ هالمواضيع بس الي لحالي يعني مو مشان حدا تاني يفوت و يشوف شو هاد ؟؟ فيني يا ترى؟؟


بالبلوغ سبوت فيك تعمل المدونة سرية (يعني فيك تحدد انو بس المحررين فيهون يشوفوها, و تحط حالك المحرر الوحيد)..

ريس

في موقع تالت للمدونات يكون متل البشر شنو البلوغ سبوت محجوب وببرامج فك الحجب صاير عم يتبهدل اكتر
اما الوورد بريس فمصيبة ما عم اعرف اشتغل في شي
يعني في موقع بيعطي خيارات كويسة وما يكون محجوب غير الجوز اللي قلتون؟

لا أذكر ايامي في الصحافة العربية رئيساً للتحرير إلا وأذكر الرقابة معها، فقد شهدت اياماً كنا نعارض اتفاقات كامب ديفيد بين مصر واسرائيل أو نؤيدها فلا نمنع، ثم ننشر صورة عارضة أزياء، وتمنع الجريدة في هذا البلد أو ذاك.
الفضائيات العربية في التسعينات رفعت سقف الحرية، وتزامن انتشارها مع صعود الانترنت، ولم يستطع الرقيب ضبط هذه أو تلك بالسهولة التي ضبط بها وسائل الاعلام التقليدية، فكان أن استفادت الصحف وقراؤها. واليوم جاء دور البلوغز، أو المدونات، كصحافة جديدة أو بديلة لتتحدى الرقابة، وتنشر ما لم نكن قبل عقد أو اثنين نفكر في امكان نشره.
وتكتسب الانترنت والمدونات اهمية اضافية في البلدان حيث توجد رقابة صارمة، لأنها توفر مساحة من الحرية، فعلى رغم ان الحكومة تستطيع حجب مواقع ولا تتردد في اعتقال المدونين ومحاكمتهم، واحياناً سجنهم، فإن تجربة السنوات الاخيرة تقول ان المدونات تجد باستمرار طرقاً تكنولوجية، او احتيالية، للالتفاف على الحكومة، والعودة الى الصدور في شكل جديد أو مقنّع، والنتيجة ان «المواطن الصحافي» يعبر عن رأيه، وقد يتصل بزملاء له في بلدان عربية اخرى، او في الخارج. وبما ان البلوغ عادة ما يكون مرتبطاً بغيره، فإن هناك نوعاً من الانتشار يشبه دوائر الماء بعد إلقاء حجر في وسطه. وتزيد الفائدة عبر المدونات باللغة الانكليزية، أو أي لغة اجنبية، لأنها توفر جسراً الى العالم الخارجي. وعادة ما يُقبل اصحاب المدونات على قضايا جدلية اهتم بها الجمهور، مثل الحكم على استاذ سعودي هو محمد الحربي في تشرين الثاني (نوفمبر) وسحب التهم الموجهة اليه في الشهر التالي.

أحاول ان اكون موضوعياً، وقد بدأت بايجابيات البلوغز، او المدونات، غير انني وجدت عبر المراقبة والمتابعة انها سلاح ذو حدين وهناك سلبيات.
اكثر ما يقلقني، شخصياً، هو قدرة صاحب المدونة على كتم هويته، مما يفتح باباً عريضاً للتساؤل هل هو من يقول؟ وهل هو من البلد الذي يدّعي مواطنيته؟ وهل نيته سليمة فعلاً، أم انه يبث دعاية سوداء ضد افراد أو دولة بعينها أو دول؟ وهل يعمل منفرداً، أم انه جزء من جهاز للتشويش على بلد ما، او تحويل الانظار عن بلد آخر وما يرتكب من جرائم؟
كل هذا ممكن طالما ان صاحب المدونة يستطيع النجاة من المساءلة القانونية بحكم جهل شخصيته. أما في الصحافة التقليدية، فيبقى سيف القانون فوق الرؤوس، وكم حدث اننا لم ننشر مادة مثيرة أو مهمة خشية مواجهة المحاكم.
وهناك سلبية اضافية هي ان الغالبية العظمى من البلوغز في الولايات المتحدة يمينية أو دينية متطرفة، وقد تابعنا محاولات من مواقع للمحافظين الجدد والمسيحيين الصهيونيين لفتح قنوات مع المدونات العربية واستخدامها لنشر فكر لا يمكن ان يخدم العرب والمسلمين.
وربما أضفنا هنا واقعين يعملان ضد المدونات، أو الصحافة الجديدة، في العالم العربي، الاول هو ان غالبية عظمى من الممارسين، هم من الشباب، وآراؤهم لا تعكس بدقة الوضع العربي العام. ثم ان العالم الخارجي لا يعرف من مدونات العرب الا تلك التي تستخدم الانكليزية. ومرة اخرى فالشبان العرب الناطقون بالانكليزية لا يمثلون «الشارع العربي» الذي نتحدث عنه ولا نراه.
وأزيد سلبية مهمة هي ان متطرفين عرباً ومنظمات ارهابية من نوع القاعدة وجماعات دينية تتحرك عكس التيار العام ادركت باكراً اهمية الانترنت واستخدمتها لترويج افكارها الهدامة، وهي الآن في سبيل استخدام المدونات، وتُشجع اعضاءها على اللجوء اليها، خصوصاً انها مجانية، والسرية فيها مضمونة.

وحاولت اليوم ان اقدم ايجابيات المدونات وسلبياتها، وأدرك انني قدمت من الثانية اكثر مما قدمت من الاولى. ومع ذلك اقول انه لو ترك الامر لي لبقيت في صف المدونات وأصحابها لأنها ستزيد مساحة الحرية للاعلام العربي كله. وأدرك وأنا اسجل موقفي انه لا يقدم شيئاً أو يؤخر. فالبلوغز، او المدونات، موجودة وستبقى وتزيد، وأرجو ان نتجنب مضارها وان نغرف من فوائدها.


طبعا منقول من:
عيون وآذان (الانترنت حطمت القيود)

جهاد الخازن الحياة - 05/01/06//

جميل الموضوع ..مع اني ما بحب المدونات يعني بس انو بتضل المدونات أمر واقع يعني :lol:...عندي بس هيك شغلة بخصوص التشبيك ...انو الاساليب اللي حكا عنها ياس بخصوص انو كيف تخلي الناس تسبك لمدونتك مزبوطة 100% بس هي صعبة و بتاخد وقت ..و بتضل ضمن حلقة معينة ما عم تقدر تطلع براتها ...ببلاد الغرب الكافر عندن حلول قوية لموضوع الانتشار ..و هي عن طريق مواقع شغلتها هالشغلة..يعني الموقع بحد ذاتو ما عندو محتوى ..و انما المحتوى هو الشي اللي بيربطو الزائر من موقع تاني ..و بعدين بصير في خيارات للقراء مشان يقيموا هالموضوع و يناقشوه ...بهيك نوع من المواقع بصير الزائر مانو مضطر يروح يفتل ع المجونات ليعرف شو في اخبار جديدة أو كوول أو حركات ..بكفي انو يفتح موقع واحد و بيعرف شو عم يصير حواليه ..و انو الناس بشو مشلوشة اليوم ..اهم هالمواقع هو digg.com و هو تقريبا اول موقع بلش بهالقصص ..و بعدين صار كتير مواقع بتقدم خدمات مشابهة...منها الفيس بوك FACEBOOK.COM و del.icio.us و reddit.com و غيرها كتير...كتير يعني ..عن طريق هي المواقع صار سهل انك تتابع كل المدونات و المواقع الديناميكية بدون استثناء ..و مع الايام بتصير تعرف اي مدونة عم تجيب اخبار او مواضيع بتهمك...انو مثلا مبارح شفت خبر عن نانسي عجرم بهي المدونة..و اليوم رجعت فتحت ع ال digg و لقيت خبر عن جيجي لامارا ..بنفس الدونة..معناتا هي المدونة ظريفة ...هيك يعني !

ع الصعيد العربي مافي نضوج لهالموضوع ...ما بعرف شو الاسباب يعني ..بس بدها دراسة نفسية عميقة..انا هيك قناعتي الشغلة نفسية الله وكيلكن ..لانو على الارض بعرف عدة محاولات لتغطية دور هالمواقع و غير ناجحة..و سبب عدم نجاحا خارج عنها...المثال على هالشي هو موقع ضربت اللي بلش من سنة تقريبا بدون اي تفاعل يذكر مع الموقع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// مع انو هو تماماً اخد وظيفة digg.com و حتى انو جماعة ال digg.com ما عجبهن كتير هالشي :lol: شوفو هون :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هلأ انا برجح يعني..بس ماني متأكد...برجح نظرية أنو المدونين العرب بطريقة ما يعني ..عندن رغبة لعرض أرائهن ع الاخر ...باتجاه واحد...يعني هني ما عم يشاركوا افكارهن..اكتر ما أنو عم يحاولوا يعرضوا و يروجوا أفكارهن...و الله اعلم يعني

بلاك 1

بصراحة ما بستغرب هيك مقال, من هيك جريدة, و من هيك كاتب... نظرية المؤامرة واضحة بشكل انو بعتقد اضاعة وقت انو الواحد يرد...

الحياة سعودية ما هيك؟ كيف عندون الوقاحة يقولو انو المدون لا يمكن أن يلاحق قانونيا.. اذا عندون مدونين مسجونين بسبب كتاباتهم...

ياخي فعلا كل ما بشوف اعلام عربي... يالله بلا ما نقول شو بيصير


شكرا عالنقل:D

جميل الموضوع ..مع اني ما بحب المدونات يعني بس انو بتضل المدونات أمر واقع يعني :lol:...عندي بس هيك شغلة بخصوص التشبيك ...انو الاساليب اللي حكا عنها ياس بخصوص انو كيف تخلي الناس تسبك لمدونتك مزبوطة 100% بس هي صعبة و بتاخد وقت ..و بتضل ضمن حلقة معينة ما عم تقدر تطلع براتها ...ببلاد الغرب الكافر عندن حلول قوية لموضوع الانتشار ..و هي عن طريق مواقع شغلتها هالشغلة..يعني الموقع بحد ذاتو ما عندو محتوى ..و انما المحتوى هو الشي اللي بيربطو الزائر من موقع تاني ..و بعدين بصير في خيارات للقراء مشان يقيموا هالموضوع و يناقشوه ...بهيك نوع من المواقع بصير الزائر مانو مضطر يروح يفتل ع المجونات ليعرف شو في اخبار جديدة أو كوول أو حركات ..بكفي انو يفتح موقع واحد و بيعرف شو عم يصير حواليه ..و انو الناس بشو مشلوشة اليوم ..اهم هالمواقع هو digg.com و هو تقريبا اول موقع بلش بهالقصص ..و بعدين صار كتير مواقع بتقدم خدمات مشابهة...منها الفيس بوك FACEBOOK.COM و del.icio.us و reddit.com و غيرها كتير...كتير يعني ..عن طريق هي المواقع صار سهل انك تتابع كل المدونات و المواقع الديناميكية بدون استثناء ..و مع الايام بتصير تعرف اي مدونة عم تجيب اخبار او مواضيع بتهمك...انو مثلا مبارح شفت خبر عن نانسي عجرم بهي المدونة..و اليوم رجعت فتحت ع ال digg و لقيت خبر عن جيجي لامارا ..بنفس الدونة..معناتا هي المدونة ظريفة ...هيك يعني !

ع الصعيد العربي مافي نضوج لهالموضوع ...ما بعرف شو الاسباب يعني ..بس بدها دراسة نفسية عميقة..انا هيك قناعتي الشغلة نفسية الله وكيلكن ..لانو على الارض بعرف عدة محاولات لتغطية دور هالمواقع و غير ناجحة..و سبب عدم نجاحا خارج عنها...المثال على هالشي هو موقع ضربت اللي بلش من سنة تقريبا بدون اي تفاعل يذكر مع الموقع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) مع انو هو تماماً اخد وظيفة digg.com و حتى انو جماعة ال digg.com ما عجبهن كتير هالشي :lol: شوفو هون :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هلأ انا برجح يعني..بس ماني متأكد...برجح نظرية أنو المدونين العرب بطريقة ما يعني ..عندن رغبة لعرض أرائهن ع الاخر ...باتجاه واحد...يعني هني ما عم يشاركوا افكارهن..اكتر ما أنو عم يحاولوا يعرضوا و يروجوا أفكارهن...و الله اعلم يعني


حيو أب نهلة!!

خيو ردي من شقين.. الشق الأول بخصوص المواقع هدول اللي عم تحكي عنها...

بعتقد انهون ظراف و هيك و كل شي بدك ياه.. بس بيزكروني بالراديوهات تبع الأف أم... انو أغلب الأحيان, الموسيقى التقيلة ما تسمعا فيها.. و لذلك ما بحبون و لا بستخدمهو, بحب استخدم الطريقة الكلاسيكية (تاخد وقت, ما اختلفنا, و بدها مراق.. بس بعتقد انو متعة التدوين جاية فيها) ..

السلبي التاني بهالمواقع انو متل ما تفضلت, بيجيبلك تاغز الشغلات اللي بدك ياها بشكل نقطي.. انو ما بتبحبش و "تتسكع" تدوينيا.. و هاي يعني بشكل شخصي بشوفا متعة..عدا عن انو الفائدة الحقيقة تكمن بانو تشوف اللي بدك ياه و اللي ما بدك ياه (كنظرة موضوعية أكبر)

ما بعرف اذا قدرت وضّح شي لأنو حاسس فسرت الماء بعد الجهد بالماء :lol:


الشق التاني و هو التدوين العربي...


المدوّن العربي, بشكل عام, يكتب و لا يقرأ...متل ما قلت, حابب يعرض فكرو باتجاه واحد.. لكن بعتقد انو اجتماعيا و سياسيا هاد أمر طبيعي.. المدوّن العربي هو انسان مكبوت.. فانو لقى طريقة يكتب فيها ع مراقو.. فطبيعي تمضي فترة منيحة بتلاقيه بيحكي و بيحكي و بيحكي.. بدون التفات انو غيرو كمان عم يحكي و يحكي و يحكي.. و بالنهاية يكون الأمر حوار طرشان..

لكن هاي مرحلة و تمر, ان كان على صعيد المدوّن الفرد, أو على صعيد التدوين كظاهرة.. التدوين العربي في بداياته, و فيو أخطاء مبتدئ (ماعم قول هالحكي لأني متمرس.. بس لأنو أنا بشوف عالم تدويني ناضج و هو التدوين الاسباني -تخيلو قديه كبير.. كل أميركا الجنوبية و اسبانيا- و بعمل مقارنات, أو بالأحرى مو مقارنات, انما هيك نظرة شمولية) و تلاقي انو المدون الجديد يعمل نفس الشي و يكرر نفس الأخطاء بأي دولة.. انو يفتح المدونة و ينزّل كل شي محفوظ عندو مكتوب و يقعد ينطر انو تعو اقرولي.. طيب انت بتقرا للناس لحتى الناس يقرولك؟

مع ذلك... التدوين العربي بعتقد انو واعد... في أقلام كتيرة بدها تشجيع, و متابعة... و التشبيك الكلاسيكي هيي برأيي أفضل طريقة للتشجيع و المتابعة (انو وصلتلك من مدونة فلان لأنو فلان كتب عنك انو و الله منزّل مقالة حلوة عن قهوة الروضة, و جيت شوف حكيو و طلع صح.. يالله خلص من هون و رايح بدي اجيك كل نهار. و انت كمان زورنا ها) .. و هيك


عندي طريقة لتفادي هالأمر ما بعرف ازا بتنفع للناس.. و هي انو ما بحط تدوينة بمدونتي قبل ما اقرا 5-10 تدوينات جديدة.. لناس من خارج دائرة اصدقائي (و حتى شي ملهم يعني.. لأنك تشوف شغلات يجوز تخلي يخطر ببالك أمور ما كنت مفكر فيها.. و هيك)



مع الاعتذار للاطالة :D

بلاك 1

بصراحة ما بستغرب هيك مقال, من هيك جريدة, و من هيك كاتب... نظرية المؤامرة واضحة بشكل انو بعتقد اضاعة وقت انو الواحد يرد...

الحياة سعودية ما هيك؟ كيف عندون الوقاحة يقولو انو المدون لا يمكن أن يلاحق قانونيا.. اذا عندون مدونين مسجونين بسبب كتاباتهم...

ياخي فعلا كل ما بشوف اعلام عربي... يالله بلا ما نقول شو بيصير


شكرا عالنقل:D

بس انا مستغربة جدا من ردك...
الحياة جريدة لبنانية
وجهاد الخازن فلسطيني لبناني عايش بلندن
والجريدة نفسها بتصدر بلندن
بس أنا مش فاهمة أبدا وين المؤامرة؟؟

بس انا مستغربة جدا من ردك...
الحياة جريدة لبنانية
وجهاد الخازن فلسطيني لبناني عايش بلندن
والجريدة نفسها بتصدر بلندن
بس أنا مش فاهمة أبدا وين المؤامرة؟؟


طيب ما اختلف شي.. ما بتهمني جنسية الجريدة و لا جنسية جهاد الخازن

مش مؤامرة انما نظرية مؤامرة (في فرق) لما يعملو من التدوين غول لأنو ممكن أجهزة الاستخبارات ممكن تشتغل فيه (و كأنو بعالمنا العربي.. أجهزة الاستخبارات الغربية ما واصلة للقصور الجمهورية) و من كل هالحكي هاد...

متل كل شي بالحياة, التدوين الو مساوئ و ممكن يساء استعمالو, لكن هالشي لا يعني انو ينحكى الحكي هاد عنو...


بسلامة الاعلام المطبوع... و نزاهتو و مصداقيتو :lol:

وحاولت اليوم ان اقدم ايجابيات المدونات وسلبياتها، وأدرك انني قدمت من الثانية اكثر مما قدمت من الاولى. ومع ذلك اقول انه لو ترك الامر لي لبقيت في صف المدونات وأصحابها لأنها ستزيد مساحة الحرية للاعلام العربي كله. وأدرك وأنا اسجل موقفي انه لا يقدم شيئاً أو يؤخر. فالبلوغز، او المدونات، موجودة وستبقى وتزيد، وأرجو ان نتجنب مضارها وان نغرف من فوائدها.




بس للتأكيد
ياس مدري ليش عصبت علي :cry:

بس للتأكيد
ياس مدري ليش عصبت علي :cry:

لأ عفوا مو عليكي, بالعكس شكرتك عالنقل

انو كتير هيك الاعلاكيين العرب بحبهون أنا و بحترمهون.. و بحترم موضوعيتهون و نزاهتهون و أخلاقهون الصحفية.. فلذلك بنبسط كتير وقت يحكو :lol:

ياس :
انا قبل شوي صار معي مشكلة واللي هوي انه ما عندي .. او بالاصل ما في ما عندي فكرة
ادوات تنسيق للنص اللي بدي ضيفه او بدي عدل فيه
كيف فيني حلها ؟!


** هاموش :
ما صرلي بالتدوين اكتر من ساعتين .. خلال هال سعتين كان معي زين على المسنجر عبساعدني وعوفته الملايكة تبع سما حمص
لهيك بدك اتطول بالك علي شنو انا ماني زوايد (( انا عدم بس كرامتي ما بستمحي قول عن حالي عدم )) بهي القصص :D

ياس :
انا قبل شوي صار معي مشكلة واللي هوي انه ما عندي .. او بالاصل ما في ما عندي فكرة
ادوات تنسيق للنص اللي بدي ضيفه او بدي عدل فيه
كيف فيني حلها ؟!


** هاموش :
ما صرلي بالتدوين اكتر من ساعتين .. خلال هال سعتين كان معي زين على المسنجر عبساعدني وعوفته الملايكة تبع سما حمص
لهيك بدك اتطول بالك علي شنو انا ماني زوايد (( انا عدم بس كرامتي ما بستمحي قول عن حالي عدم )) بهي القصص :D


أدوات تنسيق النص؟

وين عملت مدونتك؟ قصدي ع انو مخدّم (بلوغ سبوت, وورد برس.. الخ) ؟

أدوات تنسيق النص؟

وين عملت مدونتك؟ قصدي ع انو مخدّم (بلوغ سبوت, وورد برس.. الخ) ؟

عملت على البلوغ سبوت

وهيك عبيطلعلي شكل المحل اللي بدي اكتب فيه .. يعني لافي تنسيق ولافي شي:cry:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لعمى ليش هيك؟؟؟ ( انو يفترض لازم الافتراضي انو يكون في صندوق تنسيق)...


خيو روح عالاعدادات.. و خود أول وحدة "أساسي" و انزيل لتحت لوين مو مكتوب "اعدادات عمومية" .. بتلاقي خيار مكتوب "اظهار وضع التأليف" أو شي مشاله.. شوفو ازا محطوط ع "لا" عندك, و ازا محطوط ع "لا" حطو نعم و جرّب


و خبرنا شو بيصير معك :larg:

حلو كتير ياس...
شرح وافي ومهم. في كم عضو بالاخوية خرج انو يكون بملفن الشخصي رابط لمدونتن الخاصة...

من سنة تقريبا بلشت زور المدونات، بس غالباً المدونات الغير عربية...
بتذكر مرّة عملت مدوّنة بس لما خلصت تصميم وديكور اكتشفت أنّو ما عندي شي اكتبو :lol:

عملتها 100 مرة وما مشي الحال
غيرت كل الاوبشن اللي عندي ما مشي الحال
حتى اني حذفت المدونة ورجعت عملت وحدة جديدة .. وما مشي الحال :jakoush:

فكرت انه من كومبيوتري
نزلت على كافيه انترنت نفس المشكلة تماما :shock:

عملتها 100 مرة وما مشي الحال
غيرت كل الاوبشن اللي عندي ما مشي الحال
حتى اني حذفت المدونة ورجعت عملت وحدة جديدة .. وما مشي الحال :jakoush:

فكرت انه من كومبيوتري
نزلت على كافيه انترنت نفس المشكلة تماما :shock:


لعمى ليش هيك!!! طيب و لا يهمك هلأ بحاول شوف حدا خبير بهالقصص و شو بيصير معي بردلك خبر :D

صانك يو :D

** هاموش : لا تكون كمان هنيك مشرف اداري وبدك تفعلي اشتراكي من البلوغ نفسه :lol:

__________________________________________
هامش

** هاموش : لا تكون كمان هنيك مشرف اداري وبدك تفعلي اشتراكي من البلوغ نفسه :lol:

لأ هنيك أنا بالمعتقل :lol:

ياس :
انا قبل شوي صار معي مشكلة واللي هوي انه ما عندي .. او بالاصل ما في ما عندي فكرة
ادوات تنسيق للنص اللي بدي ضيفه او بدي عدل فيه
كيف فيني حلها ؟!


** هاموش :
ما صرلي بالتدوين اكتر من ساعتين .. خلال هال سعتين كان معي زين على المسنجر عبساعدني وعوفته الملايكة تبع سما حمص
لهيك بدك اتطول بالك علي شنو انا ماني زوايد (( انا عدم بس كرامتي ما بستمحي قول عن حالي عدم )) بهي القصص :D
ا ناكر المعروف
أه وياويلي واوووف
:frown:


ياس كيف بدي كبر خط البوست
لانو فتت على الاعدادت
لقيت او بقدر كبر اسم المدونة وكلشي
بس خط البوست ما عم يكبر
:frown:
عفكرة مدونتي على البلوغ سبوت المحجوب

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

دعاية
:p

حلووووووووووووووووووووووو و
كتيــــــــــــــــــــــ ـــــــــــــر
مشكور أخي

المدوونه شي حضاري انا بقول عنها هوون بيتي ممكن دعاية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// بتمنى تمرقوااااااااااااااا

عملتها 100 مرة وما مشي الحال
غيرت كل الاوبشن اللي عندي ما مشي الحال
حتى اني حذفت المدونة ورجعت عملت وحدة جديدة .. وما مشي الحال :jakoush:
فكرت انه من كومبيوتري
نزلت على كافيه انترنت نفس المشكلة تماما :shock:
لعمى ليش هيك!!! طيب و لا يهمك هلأ بحاول شوف حدا خبير بهالقصص و شو بيصير معي بردلك خبر :D
بيجوز لأنّو عم تفوت من بروكسي!!!
عادةً مع البروكسي ما بتظهر هيك أدوات... !!!

عزيزي ياس... تحيّة وبعد.

عندي كم سؤال إذا بتسمحلنا يا ولد العمّ:

- لمّا بنزّل مشاركة عالمدوّنة والنصّ طويل كيف بدّي أكتفي ببضعة أسطر والبقيّة تكون مخفيّة تحت اسم "المزيد" أو "التفاصيل"... إلخ؟! في هيك تقنيّة عالبلوج سبوت؟!

- شي تاني يللي هوّ العناوين الموجودة بمدوّنتك كيف بتحطّ الاسم مو الرّابط؟! مثلاً: كيف بتحطّ "الفصل الأوّل" من الأرجوحة ومجرّد تضغط عليه بتنتقل للموضوع؟!

- بالنسبة لليوميّات أو المواضيع يللي بتجي تحت اسم واحد متل "المذكرات" أو "الثلاثائيّات"... إلخ، كيف بدّك تحطها ضمن خانة وحدة وعنوان واحد بس بشرط يظهر عالصفحة الرئيسيّة آخر ما كتبته؟!

ولا تآخذنا ومشكور وعم نعذبك معنا!

سلام :D.

عزيزي ياس... تحيّة وبعد.

عندي كم سؤال إذا بتسمحلنا يا ولد العمّ:

تحت أمرك أنا ابن العم :D


- لمّا بنزّل مشاركة عالمدوّنة والنصّ طويل كيف بدّي أكتفي ببضعة أسطر والبقيّة تكون مخفيّة تحت اسم "المزيد" أو "التفاصيل"... إلخ؟! في هيك تقنيّة عالبلوج سبوت؟!

بالاصدار القديم تبع البلوغ سبوت كانت موجودة بخيارات النشر, و لكن بالاصدار الحالي (بعد ما صارت تابعة لغوغل) رجعت دوّرت على هالخيار من فترة و ما لقيتو, و لفت انتباهي عدم وجود مدونات على البلوغ سبوت تستخدمها, فبعتقد لاغينها


- شي تاني يللي هوّ العناوين الموجودة بمدوّنتك كيف بتحطّ الاسم مو الرّابط؟! مثلاً: كيف بتحطّ "الفصل الأوّل" من الأرجوحة ومجرّد تضغط عليه بتنتقل للموضوع؟!

بالبلوغ سبوت لما تفوت على "التخطيط" بيطلعلك مخطط لمدونتك, بقائمة اليمين تنقّي "اضافة أداة جديدة" و تاخد "قائمة روابط" و تحط عنوان للقائمة و تحت بيعطيك خيار انو تحط الرابط و اسم الصفحة اللي رح ياخدك عليها الرابط, و هكذا.


- بالنسبة لليوميّات أو المواضيع يللي بتجي تحت اسم واحد متل "المذكرات" أو "الثلاثائيّات"... إلخ، كيف بدّك تحطها ضمن خانة وحدة وعنوان واحد بس بشرط يظهر عالصفحة الرئيسيّة آخر ما كتبته؟!









البلوغ سبوت يعطيك خيار التسميات أو التاغز, اللي هيي اللي تحطها بالخانة اللي تحت بوكس الكتابة, فيك تحط سمات جديدة أو تختار سمات موجودة, و بنفس طريقة اضافة الأداة اللي فوق تقدر تضيف قائمة السمات للقائمة اليمنى..

أما اذا قصدك انو مثلا بالصفحة الرئيسية يظهر أخر ما كتبت تحت كل تسمية.. فهاي بدها حدا فطحل أتش تي أم أل يعمللك ياها بالقالب, ما بتجي جاهزة

ما بعرف ازا هاد قصدك


لأي استفسار آخر أنا بالخدمة :D

وردني انو في ناس عم يعملو مدونات و ما عم يخبرونا :pos:

فلذلك أدعو كل المدونين الجدد يحطو مدوناتهون بهالموضوع مع شرح صغير لشو رايد يعمل و كيف توجّه مدونتو حابب يكون.. و هيك (مشان نقدر نزورو و ندعمو و هيك قصص)


:D

بيجوز لأنّو عم تفوت من بروكسي!!!
عادةً مع البروكسي ما بتظهر هيك أدوات... !!!

أنا بحياتي ما دخلت من بروكسي فما بعرف شو بيطلع:lol:


أي فيها وجهة نظر لأنو بتذكر الناس اللي بيفوتو ع أخوية من بروكسي دايما بيكون تنسيق النص عندون مو مزبوط.. مشكور عالملاحظة ابن العم :D


غابي ازا عم تفوت من ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// من البروكسي, جرّب تفوت من ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// لأنو يمكن ما محجوب

تحت أمرك أنا ابن العم :D
ما يأمر عليك ظالم!

بالبلوغ سبوت لما تفوت على "التخطيط" بيطلعلك مخطط لمدونتك, بقائمة اليمين تنقّي "اضافة أداة جديدة" و تاخد "قائمة روابط" و تحط عنوان للقائمة و تحت بيعطيك خيار انو تحط الرابط و اسم الصفحة اللي رح ياخدك عليها الرابط, و هكذا.
البلوغ سبوت يعطيك خيار التسميات أو التاغز, اللي هيي اللي تحطها بالخانة اللي تحت بوكس الكتابة, فيك تحط سمات جديدة أو تختار سمات موجودة, و بنفس طريقة اضافة الأداة اللي فوق تقدر تضيف قائمة السمات للقائمة اليمنى..
أما اذا قصدك انو مثلا بالصفحة الرئيسية يظهر أخر ما كتبت تحت كل تسمية.. فهاي بدها حدا فطحل أتش تي أم أل يعمللك ياها بالقالب, ما بتجي جاهزة
ما بعرف ازا هاد قصدك
واللهِ يا ابن العمّ أنا مو فهمان شو بدّي... المشكلة أنو طلبي مو متوفّر بالتقنيّات اللي عم يعرضها هالموقع مع أنّو الأفضل متل ما تفضّلت وقلت. عكل حال رح حاول أتبع خطواتك ولما ما بيمشي الحال بطلب مساعدتك خطوة أثر خطوة لأن كتر الأسئلة ما ألو طعمة :lol:.

وردني انو في ناس عم يعملو مدونات و ما عم يخبرونا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
فلذلك أدعو كل المدونين الجدد يحطو مدوناتهون بهالموضوع مع شرح صغير لشو رايد يعمل و كيف توجّه مدونتو حابب يكون.. و هيك (مشان نقدر نزورو و ندعمو و هيك قصص)
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
واللهِ أنت بتنحط عالجرح بيطيب... وعراسي أنت وكل حارتك!
بس يا أخي أنا زلمة مبتدئ جداً وشغلتي فاضيّة واللي موجود حاليّاً بينعدّ على أصابع الإيد ومو هالقيمة اللي خرج تتعرّف... وبيجوز غيب كتير هالسنة بسبب كترة المشاكل عراسي واللهِ حظي كتير معتّر بطلع من شغلة بلقى عشرة... كأنّو متقصديني :lol:. فأكيد ما رح كون منظم بالدخول للمدونة الــ "قيد الإنشاء"... وبوعدك بس رتّب فيها شوي (بمساعدتك الله يخليلنا ياك) أنّو أبعتلك العنوان... فلو كان فيها شي محرز كان خبّرتك دغري! :D.

لأي استفسار آخر أنا بالخدمة :D
تشكر يا طيّب :D.

أنا بحياتي ما دخلت من بروكسي فما بعرف شو بيطلع:lol:


أي فيها وجهة نظر لأنو بتذكر الناس اللي بيفوتو ع أخوية من بروكسي دايما بيكون تنسيق النص عندون مو مزبوط.. مشكور عالملاحظة ابن العم :D


غابي ازا عم تفوت من ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// من البروكسي, جرّب تفوت من ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// لأنو يمكن ما محجوب
اي اي جربتها ومشي الحال

________________________________

مشان العالم اللي عملت مدونات وما خبرت
انا واحد منهم عملت مدونتي على كتاف زين (( عذبته كتير معي .. مشي معي خطوة بخطوة ومع هاد الشي طالعته بلا منيّة :lol: .. ها صعي قبل ما انسى .. ميرسي زين :p ))

مدونتي حاليا طور التقدم او بالأحرى طور التطوير يعني حديثا حتى خلصت من قصة التنسيقات
توجهاتي فيها مانها كتير خطيرة .. عندي كام كلمة حابب اكتبهم لا اكتر ولا اقل .. فشو بيجي على سيادة المولى الفوقاني (( عقلي يعني )) بكتبه على المدونة .

وما بدي احط اللينك مشان ما يقولوا عما يعمل دعاية :larg: