صراحة محتاجة اكتب وصرلي فترة كتير طويلة ما عم احسن اكتب اي شي حلو ما بعرف ليش ...بس غصبن عني بدي اكتب وهاد يللي بدو يطلع معي ما بدي تقييم الو لاني بعرف مو كتير جيد بس بدي تحسو فيه مو أكتر....بترككم مع هالخاطرة...


كانت طفلة,,,,تبغي قبلة على جبينها,,,,حضن دافئ يحمل عنها حزنها,,,,
شروق وغروب تحكيهما,,,,
كانت تهطل مع كل زخة مطر,,,,
تنادي هنا وتصرخ هناك ,,,
ولكن,,,

لم تكن تعلم أنها صارت أنثى,,,
لم تعلم أن لها رغبات قد تجمرت,,,
لم تدركـ أن قلبها صار بركاناً يهدد بالانفجار,,,,
صادفته ذات تعب,,,
احتضنها
داعبها
قبّلها,,,,
ما أجمل قبلة شفاهٍ تحرقني,,,قالتها في قرارة نفسها

بين يديه,,,,
علمت أن أنوثتها مجنونة
منحته كل شئ
كان رحيق شفتيها أخاذ...
عينيها بحر من الشموع
تفرس بملامحها جيدا,,,,
قبَّل كل جزء فيها ,,, ورحل

غادرها لتكون أنثى وبقايا نهد,,,

ملعوبة :D

ملعوبة جدا وحلوة كتير الله يعطيكي العافية

ملعوبة :D

ملعوبة جدا وحلوة كتير الله يعطيكي العافية
شو يعني ملعوبة والله مو فهمانة:shock:

شو يعني ملعوبة والله مو فهمانة:shock:

قصدي الحبكة الدرامية للخاطرة ...ملعوبة ..يعني محبوكة منيح :larg:

اها قلتلي يا عم....معناتو فينا نعمل مسلسل ونحبك وننسج ويطلع بالاخير محبوك منيح؟؟؟؟

يسلمو ابو نهلة ويا ريتو دوم ملعوبة لكان:D

سراب بتجنني :D

سراب بتجنني :D

انت احلى بشر:D

غادرها لتكون أنثى وبقايا نهد,,,

ممكن تقوليلي ليش وبقايا نهد؟؟

اذا بدك نصيحتي, لا تستخدمي كلمات مباشرة, خلي القارئ يستنتج بنفسو. واعطي الموضوع حقو. لاتختصري الكون بلحظة.

ممكن تقوليلي ليش وبقايا نهد؟؟

اذا بدك نصيحتي, لا تستخدمي كلمات مباشرة, خلي القارئ يستنتج بنفسو. واعطي الموضوع حقو. لاتختصري الكون بلحظة.
يا عزيزي لما قلك انو

بين يديه,,,,
علمت أن أنوثتها مجنونة
منحته كل شئ


وارجع قلك بعدها
قبَّل كل جزء فيها ,,, ورحل


فهون انت كقارئ رح تفهم انها حبتو وقدمت انوثتها الو من منطلق الحب الا انو هوي غادرها لانو ما عرف معنى الحب فلما قلك انو تركها انثى وبقايا نهد فهاد بيعني انو مارس معها الحب وتركها لخيبتها...
بصراحة ما بشوف انو في اسلوب ممكن يكون احسن من يللي ذكرت بمعنى انو بالعكس كان فيو اعطاء مجال للقارئ ليفسر الموقف بمجرد كلمة او كان في اعطاء حدث كامل بمجرد كلمة...

مشكور للمرور ورأيكـ عراصي:D

سراب...
صديقتي هلأ عم حس بكل كلمة قلتيلي ياها وبكل شعور حاولتي انك توصليلي ياة...
عارفة انو المك وحزنك اكبر من انو يتجسد هون... وعارفة انو كل خواطر الدني ما بتقدر تحتوية...
بين يديه,,,,
علمت أن أنوثتها مجنونة
منحته كل شئ
كان رحيق شفتيها أخاذ...
عينيها بحر من الشموع
تفرس بملامحها جيدا,,,,
قبَّل كل جزء فيها ,,, ورحل

غادرها لتكون أنثى وبقايا نهد,,,
هلمقطع كتير لمسني... :D

مروة...اعتدنا على الجراح حتى غدونا أصدق ما فيها.....

لهلق ما في حزن بس ناطرني عالطريق

بحبك كتير

عن جد رائعة طريقة نثرية معبرة جداا عن الفكرة المراد ايصالها

يسلمو صديقي القلب الدافي على القراءة والفهم:D

تفرس بملامحها جيدا,,,,
قبَّل كل جزء فيها ,,, ورحل

غادرها لتكون أنثى وبقايا نهد,,,

معلش اتحمليني شوي بالله عليكي. بس إذا ماقدر حبها ومارس أو مامارس الحب معها, ومتل ماقلتي قبل كل جزء فيها أو منها ورحل. ليش تركها أنثى وبقاية نهد. ليش مو بقايا جسد؟. ليش مو بقايا أنثى؟ ليش مو بقاية امرأة؟.

أما موضوع الأسلوب فراجعي معي تتابع الكلمات على قلتها.

طفلة, قبلة على جبينها,,,,حضن دافئ,,,, صارت أنثى,,,
رغبات قد تجمرت,,,
بركاناً يهدد بالانفجار,,,,
احتضنها
داعبها
قبّلها,,,,
شفاهٍ تحرقني
بين يديه,,,,
مجنونة
منحته كل شئ
قبَّل كل جزء

أنا شايف إنو في تلاحق لأحداث كبيرة وحاسمة إجت بأسطر وبكلمات قليلة, وأحياناً بطرقة ملبكة
خليكي معي بهالمقطع

منحته كل شئ
كان رحيق شفتيها أخاذ...
عينيها بحر من الشموع
تفرس بملامحها جيدا,,,,
قبَّل كل جزء فيها ,,, ورحل

منحته كل شئ؟؟؟؟ يعني كل شئ, يعني بعد هالحكي لازم تحكي عن أمور أخرى غير الشفاه, لأنو الشفاه مو كل شي.

ترتيب الاحداث مهم. التفرس بيجي قبل الأخذ مو بياخذ بعدين بيتفرس.


ممكن أنا ماوصلتني الفكرة اللي انتي قصدتيها. بكل الأحوال جهدك مشكور. وبصراحة حبيت كثير عبارة " صادفته ذات تعب,,, " لأنو فعلاً بلحظات التعب بنكون أحوج مابنكون لشخص بجنبنا.

:D

يسلمو صديقي القلب الدافي على القراءة والفهم:D
بأنتظار المزيد :jakoush:

معلش اتحمليني شوي بالله عليكي. بس إذا ماقدر حبها ومارس أو مامارس الحب معها, ومتل ماقلتي قبل كل جزء فيها أو منها ورحل. ليش تركها أنثى وبقاية نهد. ليش مو بقايا جسد؟. ليش مو بقايا أنثى؟ ليش مو بقاية امرأة؟.

لانو احيانا بنحتاج لاسلوب لجزب القارئ ولانو انا حسيت انو كلمة بقايا نهد اشد تعبيرا ولانو هاي خاطرة بمعنى لما كتبتها كنت بس بدي احكي ما كان الهدف اني اكتب شي غير شكل

أما موضوع الأسلوب فراجعي معي تتابع الكلمات على قلتها.

أنا شايف إنو في تلاحق لأحداث كبيرة وحاسمة إجت بأسطر وبكلمات قليلة, وأحياناً بطرقة ملبكة
خليكي معي بهالمقطع

وهاد شي ما بشوفو سلبي لانو هالتتابع بيرتسم بذهن القارئ بشكل او بآخر بحيث انو بعطيه فسحة لانو يشكل هالمشهد بطريقتو ويعيشو حسب خيالو


منحته كل شئ؟؟؟؟ يعني كل شئ, يعني بعد هالحكي لازم تحكي عن أمور أخرى غير الشفاه, لأنو الشفاه مو كل شي.

يا عزيزي لما قول كل شئ بعدين قول شفاه فهاد لانو ما فيني قول شو هوي كل شئ يعني فيني عبر بس ما فيني افصح كتير وبرضو انا بعطي الفعل الكبير وبعدين بحط الشي يللي ممكن احكيه.

ترتيب الاحداث مهم. التفرس بيجي قبل الأخذ مو بياخذ بعدين بيتفرس.

انا هون ما بعطي ترتيب احداث لانو باختصار ما عم احكي قصة انا يللي كتبتو شي اسمو خاطرة بمعنى خواطر يعني شي اجا ببالي وهاد بحد ذاتو بعطيني الحق احكي انو مارس الحب معها بعدين شافها هاد حسب اعتقادي...

ممكن أنا ماوصلتني الفكرة اللي انتي قصدتيها. بكل الأحوال جهدك مشكور. وبصراحة حبيت كثير عبارة " صادفته ذات تعب,,, " لأنو فعلاً بلحظات التعب بنكون أحوج مابنكون لشخص بجنبنا.

اكيد
:D


اكيد منور الخاطرة وما رح قلك غير مشكور على قراءتك المتفرسة للموضوع:D

والقلب الدافي لك ليش زلعت ما قلنا شي بس جد منور مساحاتي:D

اكيد منور الخاطرة وما رح قلك غير مشكور على قراءتك المتفرسة للموضوع:D

والقلب الدافي لك ليش زلعت ما قلنا شي بس جد منور مساحاتي:D
شكراً ع الرد الديبلوماسي. سكتنا:frown:

شكراً ع الرد الديبلوماسي. سكتنا:frown:
والله ما كان قصدي متل ما فهمت وبالعكس اذا حابب تحكي اي شي بستقبل وبكل رحابة صدر بس يعني اذا ما شكرتك رح كون قليلة زوق

ومية وردة

خاطره رائعه سراب....


: (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)hussienbki (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


حبيب في مجال حاكيك كلمتين؟؟ أكيد في مجال

مو ملا حظ انو تحليلك للخاطره مو بمحلو بالمرة؟؟ يعني أول شي هي خاطره واذا رجعت لمعنى كلمة "خاطره" بتلاقي معناها مجموعة أفكار وكلمات تخطر على بال كاتبها بظرف معين أو حالة معينة.. هالكلمات هي تكتسب جمالية معينة بسبب الإحساس والعفوية في كتابتها وأبداً مانو مطلوب من صاحبها يكون منطقي أو علمي لدى كتابتها... لأنو اذا بدو يعتمد اسس المنطق والعقل والحسابات صار اسمها محاضرة وليس خاطرة...

نصيحة مني: روح حلل هيك تحليل بالسياسة أو بالمنبر أو بالإقتصاد ممكن يكون أنسب... بس هيك تحليل بالخواطر بيفكروك العالم عم تتفزلك.
وياهلا

اذا ما شكرتك رح كون قليلة زوق

ومية وردة
حاشاكي من قلة الزوق. كنت عم امزح. أنا بيكفيني وردة وحدة, خبي الباقي للفلنتاين, بيعملولك ثروة, بلا بعزقة:ss:

ميرسي فادي لتشريفك بس كيف عملتا ما عرفتك والله:lol:
حسين اذا ما خاب ظني باسمك اكيد منور وكلك زوق

كيف يقال غادرها ؟
افتحي باب قلبك تجديه هناك ... لم يكن جسدك سوى بوابة للدخول
إلى دنيا السراب
وكل القبل التي كانت عربون ود كي تقبليه عبدا في مملكة روحك
سيدة الحرف المجبول بالثورة والتمرد من قال أننا نغادرك اذا ما حل الربيع

حلو كتيرررررر

:D

حلو كتيرررررر

:D

انت احلى:D
كيف يقال غادرها ؟
افتحي باب قلبك تجديه هناك ... لم يكن جسدك سوى بوابة للدخول
إلى دنيا السراب
وكل القبل التي كانت عربون ود كي تقبليه عبدا في مملكة روحك
سيدة الحرف المجبول بالثورة والتمرد من قال أننا نغادرك اذا ما حل الربيع

غادرها بغيابه واشتياقها,,,,

غادرها ليتوغل فيها أكثر وأكثر,,,,

غادرها ليعلم الكون أنه يسكنها لا يسكن سواها,,,,,

رغم الربيع والصيف والخريف ,,,,أمطاركـ ستغمرني,,,,,,

قبلة لروحكـ عربون صدق وصداقة:p

سئمت من الحب..
ففي كل يوم...
أقترف الف الف ذنب...
واكره حبيبتي..
والملائكة..
حتى اني بت أكره الرب.


كتير حلوة خاطرتك وشم
ودي لك بحجم الكون والله:D

سئمنا خضوعنا في الحب لا الحب,,,
وسئم الحب خروجنا منه وادعاءنا له,,,,

وودي لك ايضا صديقي بحجم السماء

الخاطرة جميلة ودافئة

لكني أشير عليك بالتريث أي أن تكتبي نصوصك مرة ثانية لكي تكسبي العمق والكثافة مع الجمال والدفء

المهم أن تظلي مبدعة كما انت

الخاطرة جميلة ودافئة

لكني أشير عليك بالتريث أي أن تكتبي نصوصك مرة ثانية لكي تكسبي العمق والكثافة مع الجمال والدفء

المهم أن تظلي مبدعة كما انت

يا قلبي يا ابو حميد ....اول شي يسلمو الك لانو نعتتها بالدفء كتير بحب هالوصف لانو:oops:

اما التريث فوالله يوميتها كنت بس بدي اكتب شو ما يطلع معي لانو ما عدت اكتب وما عاد يطلع معي اي شي

واكيد رح اخد بنصيحتك كيف لكان:Dويسلمو لانك زرت خاطرتي كتير اسعدتني

رائعه يا سراب رائعه ...:ss:

هيك بدي اياكي ;)

رائعه يا سراب رائعه ...:ss:

هيك بدي اياكي ;)
الله يسعدك يا ريمي:oops:

هيك بدك ياني:lol:وانا متل ما بدك ياني تأكدي من هالشي ولولا هيك ما بتلاقيني سراب:mimo:

يا ترى هل كانت لتعيد التجربة وتمنحه كل شئ

ام انها بين السطور

نقطة بعد نقطة

يا ترى هل كانت لتعيد التجربة وتمنحه كل شئ


أظن ذلكـ يا صديقي...أظن ذلكـ

جدا رائعة سراب...
حسستني بمعنى ان تكوني انثى بكل معنى الكلمة... انثى كاملة بالنسبة اليكي ولكنها مجرد وسيلة بالنسبة اليه.....

جدا رائعة سراب...
حسستني بمعنى ان تكوني انثى بكل معنى الكلمة... انثى كاملة بالنسبة اليكي ولكنها مجرد وسيلة بالنسبة اليه.....


تماما,,,,اجمل ما في الحياة ان تشعري بانوثتك ,,,أن تعشقيها بكل تفاصيلها,,,وتجدي من يعشقها لاجلك,,لا من يعشقك لاجلها,,,,,

مرورك شئ اشتاق له:D