سلطة الأب المطلقة و"الأسرة الأبوية"..... الى اين؟؟ [الأرشيـــــف]

Marooshe

22/08/2008, 17:03

ان القوانين التي تحكم الاسره الابويه في حضارتنا الذكوريه الحديثة تمنح الاب السلطه المطلقه على زوجته واطفاله،
وتفرض على هؤلاء الطاعة العمياء والخضوع الكامل والا تعرضوا للبطش او الطرد وعدم الاعاله...

هؤلاء الاباء الذين يصرون على ان يظلو اقوياء مسيطرين الى الابد، والذي اذا ما احسوا لحظه ان هذه القوة او هذة السيطره قد مسها او خدشها من قريب او من بعيد ابن او ابنه او زوجه فأنهم سرعان ما يبرزون اسلحتهم حفاظا على رجولتهم وذكورتهم وسلطتهم الابويه الممنوحه لهم من قبل المجتمع والحضاره بغير قيد او شرط.

كما ان تربيه الاطفال في مجتمعنا القائم على سلطة الرجل وذكورتة تفرق ما بين الاطفال الذكور والاطفال الاناث...
فالطفل الذي يلقن منذ البدايه كيف يؤكد ذاته كذكر يعد لحياة الرجل حيث الايجابيه والمسؤوليه والسيطره والقوه...
اما البنت فهي تلقن منذ البدايه كيف تنطوي وتنكمش وتخفي ذاتها لانها انثى تعد لحياة المرأه حيث السلبيه والضعف والخضوع والاعتماد على الرجل....
هذه التفرقه تفسد شخصية الاثنين معا وتحول دون نضوج اي منهما...

ما رأيكم بالاسره الابويه التقليدية؟ بالكبت والتربيه الصارمه؟

ما رأيكم بسيطره الاب واستخدامة ل"سلطة الاب المطلقة" والتي تخوّل لة ان يمتلك اطفاله وزوجته كما يمتلك ملابسة الداخليه؟

وهذا النوع الاسري... الى متى؟ والى اين؟

فسحة أمل

22/08/2008, 17:14

السلطة الأبوية برأيي ضرورية بس بحدود تضمن تماسك العائلة على شرط ما تتحول لدكتاتورية .....

achelious

22/08/2008, 17:34

أنا لااعترف بما يحد من حرييتي, مع احترامي الشديد لأبي:D
أما رأيي بالعام.. فهالنوع من السلطات بيمسخ الشخصية غالبا!, وخليها ع الله

الباحثة عن الحرية

23/08/2008, 17:28

رأيكم بالاسره الابويه التقليدية؟ بالكبت والتربيه الصارمه؟

اول شي هي " الاسرة" هي احد اكبر المشاكل بالوسط العربي
لنها ما فيها ولا اي شي ايجابي بالعكس بتاثر سلبا على كل افرادها الاب الي بفرق بين اولادو والي هو السيد والباقي خدم عندو بخلي اولادو ومرتو خايفين منو وبكروه وكتير صايرة حوادث لما احد الابناء بيقتل ابو او المراة والابناء بيهربو من البيت يعني بدمر الاسرة
الام الي بتكون شخصيتها ممسوحة وشغلتها بس تقول حاضر وتشتغل بالبيت والبنات نفس الشي هذا الاشي بخلي جواتهن حقد على "الاب" وهذا الشي مش بعيد يخليهن يفكرو بالانتحار او حتى توصل معهم لقتل الاب
اما بالنسبة للابناء فهدول نفس الشي يعني بعلموهن انو يفرضو شخصيتهن على االام واخواتهم بس قدام الاب ما بصير يتنفسو ومن هون بصير في عندهم مشاكل نفسية وببطلو يعرفو و هني بهاي الاسرة
يعني باختصار ما في ولا اي شي ايجابي يمكن يطلع من هيك اسرة وهيك عقليات
ما رأيكم بسيطره الاب واستخدامة ل"سلطة الاب المطلقة" والتي تخوّل لة ان يمتلك اطفاله وزوجته كما يمتلك ملابسة الداخليه؟

هذا ممنوع يتسمى اب ولا حتى رجل هذا ببساطة انسان متخلف وبعدو عايش بايام الجاهلية
وهذا النوع الاسري... الى متى؟ والى اين؟

الى متى غير معروف بس الوعي عم بزيد وفي تحسن يعني في امل
اما الى اين بس الى الدمار ولا اي مكان تاني

بعتذر طولت بالحكي بس في ناس هون بعدهن ماشيين على هي العقلية وحبيت طمنهن لوين رح يوصلو

السلطة الأبوية برأيي ضرورية بس بحدود تضمن تماسك العائلة على شرط ما تتحول لدكتاتورية .....

معليش رح احشر حالي
بدي اسالك ليش الابوية وعلى اي اساس؟؟ اكيد لازم يكزن في سلطة على الاسرة بس من الاهل يعني الاب والام مش بس الاب ليش دايما الاولوية للرجل ؟

Marooshe

23/08/2008, 18:36

معليش رح احشر حالي
بدي اسالك ليش الابوية وعلى اي اساس؟؟ اكيد لازم يكزن في سلطة على الاسرة بس من الاهل يعني الاب والام مش بس الاب ليش دايما الاولوية للرجل ؟

لانو ناس ربيانة بهيك مجتمع... رجولتهم وذكورتهم وسلطتهم الابويه الممنوحه لهم من قبل المجتمع والحضاره بغير قيد او شرط اكيد رح تفكر بهيك طريقة...

فسحة أمل

23/08/2008, 18:39

هلا انا عم أحكيكي رأيي بظل الواقع المجتمعي الي عايشينو ... نحنا بمجتمع شرقي ذكوري ....
هلا ببلاد برا تخطو هي المرحلة من زمان ... الأم والأب متساوين بالواجبات والحقوق.... بالاضافة انك ممكن تشوفي ظاهرة الأم العازبة والي لهلا ما لاقولها حل بمجتمعاتنا...
وطبعاً أنا عم أحكي انطلاقاً من الواقع ....وبحمد الله اني ما عشت هالتجربة .

وشم الجمال

23/08/2008, 18:47

بتعرفي مروة انو موضوعك حساس بس بدي علق كم تعليق....اول شي بالنسبة الي بيي كان كتير صارم بالتعامل معنا يعني من شي عشرين سنة وهلق مع اخواتي كتير راخي الحبل ويا الله شو الفرق بيننا وبينهن كأخلاق كأسلوب كاحترام...يعني حلوة الصراحمة بس مو الكبت والتقييد والتمويت

السلطة ما لازم تكون مطلقة لانو رح بتأدي لواحد من تنين
اما انو مرض نفسي عند الابن وتوريثو هالاسلوب الفاشل بالتربية
واما انو رح يتمرد ويخرج عن طاعة ابوه وما بعترف فيه لا طاعة ولا ما يحزنون

الى متى انا وثقانة انو رح تنتهي لانو زمن اول حول
الى اين والله الله يستر

عالهامش,,,الأسوأ لما تكون هالسلطة كمان متربية عند اخواتك الشباب ويمارسوها عليكي

Marooshe

23/08/2008, 18:58

السلطة ما لازم تكون مطلقة لانو رح بتأدي لواحد من تنين
اما انو مرض نفسي عند الابن وتوريثو هالاسلوب الفاشل بالتربية
واما انو رح يتمرد ويخرج عن طاعة ابوه وما بعترف فيه لا طاعة ولا ما يحزنون

قد وجد انة كلما زادت سيطرة الاب
زادت معها رغبة الطفل في الانفلات من هذة القبضة والتحرر من هذة السلطة...
ومن هنا
ازدياد الرغبة العدوانية عند الطفل من اجل التحرر والاستقلال والانفصال عن ابية...

وشم الجمال

23/08/2008, 19:01

قد وجد انة كلما زادت سيطرة الاب
زادت معها رغبة الطفل في الانفلات من هذة القبضة والتحرر من هذة السلطة...
ومن هنا
ازدياد الرغبة العدوانية عند الطفل من اجل التحرر والاستقلال والانفصال عن ابية...
وعن تجربة وواقع انا معايشتو وشايفتو يمكن من طبيعة مجتمعي بتحكي انو اذا ما حاولوا ينفلتو خاصة الذكور رح بيحاولوا يقلدوا الوالد وبالعادة الوالد بيصير يشجع فيهم من منطلق بناء رجولتهم على حساب الانوثة المضطهدة

Marooshe

23/08/2008, 19:04

وعن تجربة وواقع انا معايشتو وشايفتو يمكن من طبيعة مجتمعي بتحكي انو اذا ما حاولوا ينفلتو خاصة الذكور رح بيحاولوا يقلدوا الوالد وبالعادة الوالد بيصير يشجع فيهم من منطلق بناء رجولتهم على حساب الانوثة المضطهدة
شي اكيد وشي كتير طبيعي...
الناس تولد كالصفحة البيضاء...
وكلشي بيرتسم عليها هو من وضع الدنيا...
يعني شو الولد بيشوف بيعمل وكيف بيتربى بيطلع...

فسحة أمل

23/08/2008, 19:10

في عنا مشكلة بشكل عام بمجتمعنا وهيي عدم القدرة على الحوار ,
فدائماً بيجي القمع أفضل وسيلة ...فهاد القمع والسلطة المطلقة لح تأدي بالنهاية للانفجار ..
وأغلب الأحيان الأبناء بيفضو طاقتهن السلبية بعيد عن الأهل وهاد شي خطير كتير ...

وشم الجمال

23/08/2008, 19:15

الحوار ممكن يكون موجود بس لما يوصل لقناعاتهم ومبادئهم بينحط تحتك خط احمر وبيخرسوك
يعني حوار ضمن قناعاتهم لا يغني ولا يسمن من جوع
وبالنهاية اذا بدو يأدي لشي اسلوبهم فرح يأدي للبحث عن الامان بعيد عنهم وهون القدر والحظ بيلعبو الدور الاساسي باللي رح يصير

black_iris

23/08/2008, 19:32

ان القوانين التي تحكم الاسره الابويه في حضارتنا الذكوريه الحديثة تمنح الاب السلطه المطلقه على زوجته واطفاله،
وتفرض على هؤلاء الطاعة العمياء والخضوع الكامل والا تعرضوا للبطش او الطرد وعدم الاعاله...
الحديثه .. يؤدي .. ما بينطق عليها المواصفات

كما ان تربيه الاطفال في مجتمعنا القائم على سلطة الرجل وذكورتة تفرق ما بين الاطفال الذكور والاطفال الاناث...
فالطفل الذي يلقن منذ البدايه كيف يؤكد ذاته كذكر يعد لحياة الرجل حيث الايجابيه والمسؤوليه والسيطره والقوه...
اما البنت فهي تلقن منذ البدايه كيف تنطوي وتنكمش وتخفي ذاتها لانها انثى تعد لحياة المرأه حيث السلبيه والضعف والخضوع والاعتماد على الرجل....
هذه التفرقه تفسد شخصية الاثنين معا وتحول دون نضوج اي منهما...
هون انا بختلف معك جدا .. هاد النوع من الاسر كان موجود .. وبقصد " كان " ..يعني من شي 20 سنه او اكتر
هلأ ما بظن انو في هيك اسر .. ( على الاقل بمجتمعي انا .. يعني مو لنجيب مثال نقول الخليج )

ما رأيكم بالاسره الابويه التقليدية؟ بالكبت والتربيه الصارمه؟

آسفه لا بد من التكرار ..
الاسر التقليديه بالوقت الحالي بعيده عن الكبت والتربيه الصارمه .. في سلطه هاد شي مؤكد .. لكن ضمن المعقول .. والحريه موجوده
واي اسره ما فيها هالشي هيي اللي تعتبر اسره غير تقليديه

ما رأيكم بسيطره الاب واستخدامة ل"سلطة الاب المطلقة" والتي تخوّل لة ان يمتلك اطفاله وزوجته كما يمتلك ملابسة الداخليه؟
اكبر ظلم ممكن يتعرضلو انسان هو ظلم الأب ( أو الأم ) .. لانو يفترض يكونو احرص الناس عليه و اقرب الناس الو
شيئ فظيع جدا انو ينظر رجل الى اسرته بهالشكل .. التشبيه ما وصلتلو مخيلتي .. ما قدرت اتخيل وضع بهالسوء..

وهذا النوع الاسري... الى متى؟ والى اين؟

أنا شايفه انو (إذا ما انتهى ) عم يتلاشى .. بتوقع صار حالات محدوده

يسلمو عالموضوع:D :D

وشم الجمال

23/08/2008, 19:35

black_iris

23/08/2008, 19:47

suryoyo

23/08/2008, 20:07

الموضوع حساس جدا

والفصل بين السلطة الايجابية و السلطة السلبية ... ضئيل جدا (خيط صغير او شعرة !!! )

هو لازم يكون في سلطة من الاباء على الابناء ..

لكن مع الاسف استغلال السلطة احيانا يكون بشكل تعسفي ... و بشكل متفاوت

يعني الاباء يتنازلوا عن شغلات و ما يتنازلوا عن اخرى ... بس احيانا يصير المنع شمولي و ما يفرق بين الاعمار و هذا خطر كبير

و اذا استمر هذا الحال ممكن ان ينتهي بمأساة كبيرة

ما رأيكم بسيطره الاب واستخدامة ل"سلطة الاب المطلقة" والتي تخوّل لة ان يمتلك اطفاله وزوجته كما يمتلك ملابسة الداخليه؟

هي اسرة فاشلة ... لان فيها الامر الناهي هو واحد و البقية خدم ...

و غالبا الكبت المتزايد يأثر بشكل كبير على الحياة الزوجية للابناء في المستقبل !

Marooshe

23/08/2008, 20:11

هاد النوع من الاسر كان موجود .. وبقصد " كان " ..يعني من شي 20 سنه او اكتر
هلأ ما بظن انو في هيك اسر .. ( على الاقل بمجتمعي انا .. يعني مو لنجيب مثال نقول الخليج )

أنا شايفه انو (إذا ما انتهى ) عم يتلاشى .. بتوقع صار حالات محدوده

طيب وازا قلتلك انو الاحصائيات يلي عم تصير بتلغي حكيك تماما...
ازا الشي ما عم يتبلغ عنو والاعلام ماعم يغطية ليظهرو ويحد من انتشارو مو معناة انو هشي مانو موجود وكتير كمان...
للاسف الشديد يلي ما بيعيش بهيك وضع ومع هيك نوع اسري ما بيعرف انو هشي موجود.... بالزبط متل ما ولد من عائلة مانها عنيفة بيشوف قدامو عائلة عنيفة... بينصدم وما بيعود يعرف كيف وليش....
بصراحة ما بتتصوري اديش في عائلات بتعاني من هشي....

suryoyo

23/08/2008, 20:19

بلاك ايرس انا هون بأكدلك انو موجود وبشكل كتير منتشر وفظيع بمجتمعي عالاقل ...هاد النوع يللي ذكرتو مروة هوي السائد بدون اي مبالغة...

يعني فيكي تقولي انها عم تناقش قضية موجودة بمجتمعات دون الاخرى وبتفاوت:D

بعلمي انا وانتي عايشين بنفس البلد :?
انا ما بقول مو موجوده .. هي طبعا موجوده
بس كلام مو دقيق نصور انها بهالانتشار .. وكمان بكلامي ما بنفي انو في وجود لسلطة الاب لكن سلطة الاب لحد معين ظاهره صحيه ..
لكن لما استخدم مصطلحات متل .. "سلطه مطلقه ".. و " الطاعه العمياء " وإلا "الطرد " .. ما ممكن اقبل انو هاد واقع منتشر ...

مرحبا عليكم !!!!

في المدن الصغيرة نشوف هذي الحالات اكثر ... لان متمسكين بالتراث اكثر ...

و هذي الحالة موجودة بين العائلات المحافظة ايضا في المدن الكبرى ...

و بالمدن الكبرى ... نشوف بعض الاطفال بالشغل ...
يجوز هي حالات شغل الابناء قليلة ... لكنها موجودة

و تقول انه اباء هؤلاء اجبروهم على الشغل ....

قرصان الأدرياتيك

23/08/2008, 20:32

مساءُ الخير...

أرجو أن تقبلوني بين جمعِ أنوثتكم هذا.

المسألة يا صديقتي مروة ليست مسألة فرديّة أو أسريّة أو حتّى جنسيّة (اختلاف الجنسين) فقط، بل هي ترتبطُ أيضاً بقطبين أساسيّين يتحكّمان بالمجتمع ومن خلالِه بالفرد.

القطبُ الأوّل والأهمّ في مجتمعاتنا الشرقيّة هو الدّين الذي يشير ببيان لا مثيل له إلى السّلطة الذكوريّة وتفضيلها على الأنثويّة بما لا يقبل الجدل، والأمثالُ على هذا كثيرة.

القطبُ الثّاني هو المجتمع المرتبط أساساً بالدّين والثقافة الشرقيّة ورواسبها الفكريّة منذ عصورٍ قديمة. فالشّرق اعتبرَ الرّجلَ أسمى من المرأة وهو الأساسُ في تكوين المجتمعات، منذ أقدم الحضارات.
أمورٌ أخرى تنضمّ إلى هذين وهي قلّة الوعي والجهل السّائد في بلادنا، كلّها تساعد على تشييد حضارة ذكوريّة تدمغ ثقافة اليوم ولغته بها.

إذا نظرنا إلى قضيّة دينيّة اجتماعيّة وهي "الزّنى": يُعرّف اليوم على أنّه إقامة علاقة جنسيّة خارج إطار عقد قانوني معيّن. وإذا عدنا إلى أقدم النّصوص التي تتحدّث عنه في الآراميّة والعبريّة نجد أنَّ الزّنى كانت صفة أنثويّة، إذ لا نعثر على كلمة "زاني" والسبب يعود إلى أصلِ الكلمة الآراميّ الذي يعني "باعَ" وهو عمل "بائعات الهوى"!!!
المجتمع اليوم بسبب كثرة رواسبه يبيح للرّجل (قبل الزّواج) إقامة هذا النّوع من العلاقات، لا بل إنَّ البعض يتمادى ليفتخر بها، بينما يحرّمها على المرأة لأسبابٍ ذكرناها.

وأمور أخرى كثيرة تستمرّ رواسبها حتّى اليوم. فالذكوريّة ليست فقط في السّلطة الأبويّة ضمن الأسرة بل تمتدّ إلى أبعد من ذلك بكثير، حتّى تصل إلى انتقاصٍ رهيب من حقوق المرأة أمام الرّجل.

برأيي للمرأة الدّور الأكبر في التخلّص من هذا النّير، فمهما كانَ عددُ الذكور المناصرين، إلا أنَّ المرأة المثال أفضل بكثير من مئة رجلٍ مناصر.

المسألة تبدأ ضمن الأسرة والمدرسة ومجتمع الأصدقاء، وإن لم تستطع الفتاة في أسرتها التغلّب على هذا العائق (السّلطة الأبويّة المطلقة) فلتنشرَ دعوتها على قدرِ ما تستطيع، ولتتغلّب عليها في مراحلَ أخرى من عمرها بدل الاستكانة إليها والاقتناع بهذا المصير!
هذا ما يُمكننا فعله أمام مجتمع غارق بتحجّر لا مثيل له!

أرجو أن أكونَ قد اشتركتُ معكم بثرثرتي هذه... وآسفُ إن كنتُ أطلتُ أو خرجتُ عن لبّ القضيّة.

مع التحيّة لسوريويو العزيز.

سلام.

whiterose

23/08/2008, 20:44

ما رأيكم بالاسره الابويه التقليدية؟ بالكبت والتربيه الصارمه؟

ما رأيكم بسيطره الاب واستخدامة ل"سلطة الاب المطلقة" والتي تخوّل لة ان يمتلك اطفاله وزوجته كما يمتلك ملابسة الداخليه؟

وهذا النوع الاسري... الى متى؟ والى اين؟

بتخيل هاد النوع من الأُسَر راح
السبب التطور السريع وازدياد نسبة الثقافة والوعي الأجتماعي
ممكن نلاقيه انه هو لسه موجود
لكن ببيئات معينة ومحددة
كالحارات القديمة
وكمان الدرجة المادية لها دور بتحديد ها الشي

لكن بتخيل الأب صار يعرف انه ابنته انسانه مثل ابنه الذكر

لاننكر اننا في وسط مجتمع شرقي
لكن مفهوم الذكورية بدأ يتراجع وبقوة

black_iris

23/08/2008, 20:49

طيب وازا قلتلك انو الاحصائيات يلي عم تصير بتلغي حكيك تماما...
ازا الشي ما عم يتبلغ عنو والاعلام ماعم يغطية ليظهرو ويحد من انتشارو مو معناة انو هشي مانو موجود وكتير كمان...
للاسف الشديد يلي ما بيعيش بهيك وضع ومع هيك نوع اسري ما بيعرف انو هشي موجود.... بالزبط متل ما ولد من عائلة مانها عنيفة بيشوف قدامو عائلة عنيفة... بينصدم وما بيعود يعرف كيف وليش....
بصراحة ما بتتصوري اديش في عائلات بتعاني من هشي....
ما اطلعت صراحه على احصائيات و ما كنت بعرف انو في احصائيات بهاد الشأن ..
لكن انا ملاحظتي كانت من واقع عايشيتو .. بالمناسبه ( انا مُدرسّه ) وهاد بخليني احتك بشريحه كبيره ممكن اعتبارها عينه عن المجتمع ( مدرسه حكوميه طبعا وهاد يعني انو فيها من كل الشرائح )
وهاد الكلام عن أسر بهالشكل ( وبالأخص ) بهالانتشار .. شايفيتو غريب جدا .. بعيد عن واقعنا الحالي
وانا ما بنفي وجود هالنوع من الاسر .. لكن انا متأكده انو حالات محدوده و غير منتشره
مرحبا عليكم !!!!
في المدن الصغيرة نشوف هذي الحالات اكثر ... لان متمسكين بالتراث اكثر ...
و هذي الحالة موجودة بين العائلات المحافظة ايضا في المدن الكبرى ...
و بالمدن الكبرى ... نشوف بعض الاطفال بالشغل ...
يجوز هي حالات شغل الابناء قليلة ... لكنها موجودة
و تقول انه اباء هؤلاء اجبروهم على الشغل ....
انا عشت بمدينه و عشت بقريه ...
هنا يوجد فقط "حالات" .. موجوده ما حدا بيقدر ينكرها
وهالنوع من الفكر للأسف ما زال موجود وهاد النوع من السلطه المطلقه ما زال يمارس
لكن .. هل فعلا هي ظاهره منتشره .. هل اغلبية الاسر هيك .. كلام غير واقعي بنظري

suryoyo

23/08/2008, 21:06

ما اطلعت صراحه على احصائيات و ما كنت بعرف انو في احصائيات بهاد الشأن ..
لكن انا ملاحظتي كانت من واقع عايشيتو .. بالمناسبه ( انا مُدرسّه ) وهاد بخليني احتك بشريحه كبيره ممكن اعتبارها عينه عن المجتمع ( مدرسه حكوميه طبعا وهاد يعني انو فيها من كل الشرائح )
وهاد الكلام عن أسر بهالشكل ( وبالأخص ) بهالانتشار .. شايفيتو غريب جدا .. بعيد عن واقعنا الحالي
وانا ما بنفي وجود هالنوع من الاسر .. لكن انا متأكده انو حالات محدوده و غير منتشره

انا عشت بمدينه و عشت بقريه ...
هنا يوجد فقط "حالات" .. موجوده ما حدا بيقدر ينكرها
وهالنوع من الفكر للأسف ما زال موجود وهاد النوع من السلطه المطلقه ما زال يمارس
لكن .. هل فعلا هي ظاهره منتشره .. هل اغلبية الاسر هيك .. كلام غير واقعي بنظري

اوكي انا معك ...

يمكن صار الحكي على الحالة المطلقة اللي صورها نجيب محفوظ بشخصية سي السيد .. !

بس في كثير احيان ... الاب يمارس سلطاته التنفيذية ... تجاه قضايا معينة و ممكن تكون مصيرية .. و يسامح بقضايا اخرى !

اغلب الاحيان الطالب ما يختار التخصص الجامعي ...

يعني اللي اريد اصل اليه .. انو سي السيد يجوز اختفى بشكل كبير ... لكن ظهر انواع جديدة منه متكيفة مع اوضع اللي وصل اليه مجتمعنا ...

black_iris

23/08/2008, 21:27

اوكي انا معك ...

يمكن صار الحكي على الحالة المطلقة اللي صورها نجيب محفوظ بشخصية سي السيد .. !

بس في كثير احيان ... الاب يمارس سلطاته التنفيذية ... تجاه قضايا معينة و ممكن تكون مصيرية .. و يسامح بقضايا اخرى !

اغلب الاحيان الطالب ما يختار التخصص الجامعي ...

يعني اللي اريد اصل اليه .. انو سي السيد يجوز اختفى بشكل كبير ... لكن ظهر انواع جديدة منه متكيفة مع اوضع اللي وصل اليه مجتمعنا ...
ممكن .. اتفق معك هون
بس كمان ما لازم ننكر انو هالصيغ الجديده للسلطه الأبويه ليست بالسوء أو الطغيان او البشاعه او السوء يلي تم تصويرو بأصل الموضوع

يعني اكيد فرق كبير بين انو الاب يتدخل بإختيار التخصص الجامعي .. وبين ما نقول انو الابناء والزوجه متل "الملابس الداخليه " لرب الاسره
فبنرجع للنقطه الاساسيه .. نوع الاسر المذكور بالموضوع لم يعد موجود ( إلا ما ندر )
الاسر في مجتمعنا الحالي مهما كانت فيها سلطة الاب
ليست بهذا السوء أو التسلط .. ولم تعد موجوده بالشكل يلي سبق وصفه

Marooshe

23/08/2008, 21:45

والأهمّ في مجتمعاتنا الشرقيّة هو الدّين الذي يشير ببيان لا مثيل له إلى السّلطة الذكوريّة وتفضيلها على الأنثويّة بما لا يقبل الجدل، والأمثالُ على هذا كثيرة.

فالذكوريّة ليست فقط في السّلطة الأبويّة ضمن الأسرة بل تمتدّ إلى أبعد من ذلك بكثير، حتّى تصل إلى انتقاصٍ رهيب من حقوق المرأة أمام الرّجل.

انتقاص المرأة وحقوقها امام الرجل هي التي تولد الذكورية والمجتمع الذكوري الذي تكون احد ابعادة هي الاسرة الابوية...
واما عما ذكرتة بخصوص الدين فأنا اوافقك الرأي تماما... والدلائل تشير الى هذا، وهنا يطرح السؤال... الدين في خدمة من؟!!

Marooshe

23/08/2008, 21:52

ممكن .. اتفق معك هون
بس كمان ما لازم ننكر انو هالصيغ الجديده للسلطه الأبويه ليست بالسوء أو الطغيان او البشاعه او السوء يلي تم تصويرو بأصل الموضوع

يعني اكيد فرق كبير بين انو الاب يتدخل بإختيار التخصص الجامعي .. وبين ما نقول انو الابناء والزوجه متل "الملابس الداخليه " لرب الاسره
فبنرجع للنقطه الاساسيه .. نوع الاسر المذكور بالموضوع لم يعد موجود ( إلا ما ندر )
الاسر في مجتمعنا الحالي مهما كانت فيها سلطة الاب
ليست بهذا السوء أو التسلط .. ولم تعد موجوده بالشكل يلي سبق وصفه

عفوا منك... بس شو بدي قلك غير انو نيالك لانو ما عم تشوفي الاشيا البشعة يلي كتار عم يشوفوها... وبالمناسبة ازا انت مدرسة وما عم تشوفي هلأشيا...
معناها واحد من تنين...
يا اما مدرستكون حالة كتير استثنائية
يا اما المجتمع يلي انت عايشة فية كتير متمدن ومتحضر وراقي ويا ريت لو فيو ينقل هلعدوى لغير مجتمعات...
وعلى فكرة الحالات يلي انا طرحتها حالات متفشية وموجودة ويلي انا كتبتو مانو بتطرف
لاني عم اطرح قضية عم شوفها وعم عالج ناس عم يعانو منها... بقى مافي شي من خيالي الواسع... وعدا عن ذلك التوجهات المجهولة الهوية للمراكز المسؤولة عن هشي خير دليل على كمية وتفشي هلظاهرة
وبرجع بقلك
انو ازا ما سمعنا عن شي او ازا ما لاحظناة مو معناة انو مانو موجود...

اسبيرانزا

23/08/2008, 22:43

بالاول بشكرك مروة على ايدك التى فكت قيد انوثة وفكت قمقم مشاكل كتير بيهربوا الناس من مناقشتها بحياد

ما رأيكم بالاسره الابويه التقليدية؟ بالكبت والتربيه الصارمه؟

الاسرة الابوية التقليدية هى نتاج مجتمعى اعتمد على تقاليد انسان الغابة والكهف اللى مشهود له بلشجاعة والقدرة على الاعالة وبالتالى القدرة على السيطرة يعنى ها السيطرة منحت للرجل بمراحل معينة من التطور الاجتماعى بحكم انو العائل والاقوى
لكن فى العصر الحديث و بعد ما انسحبت نصف السجادة من تحت قدم الرجل لتقف المراة عليها بحكم انها شاركت فى العمل والاعالة والتعليم وابداء راى لم تأخذ نصف السلطة بالجدارة بسبب استمساك الرجل بالسلطة و لتهاون المراة فى ان يكون لها حكم بالنصف على حياتها ووووووو وبشجع الاحتمال الثانى

الكبت والتربية الصارمة ما راح تولد الا انسان مهزور معرض للتحكم من الاخرون لا يملك سلطة على نفسه ولكن يملك سلطة على اولاده واخواته وزوجته باعتبار هذا هو الدرس الوحيد الذى تعلمه من التربية الصارمة
صُرمت ...فاصرم

ما رأيكم بسيطره الاب واستخدامة ل"سلطة الاب المطلقة" والتي تخوّل لة ان يمتلك اطفاله وزوجته كما يمتلك ملابسة الداخليه؟

سيطرة الاب شئ طبيعى بحكم انو المربى والمتحمل اعباء سنين من اعالة وتربية لكن السيطرة المطلقة على اى حال مفسدة مطلقة يعنى اذا وصلت هذه السلطة الى حدود ان يمتلك اطفاله وزوجته هذه ليست سلطة انما انقياد اعمى وراء الديكتاتورية الدفينة فى نفس كل انسان

وهذا النوع الاسري... الى متى؟ والى اين؟

الى ان يعلم الابناء ان الاب صورة مصغرة من الحياة نفسها فيها الوجه الحانى البناء والوجه القاسى البناء ايضا والجانب القاتل اذا استسلموا لسلطانه الكامل
يعنى مثل ما الانسان بيواجه مع الحياة مصاعب قد تفتك بانسانيته اذا استسلم لها ,,,فهكذا ايضا العلاقة مع اى علاقة فرعية فى هذه الحياة ومنها الاب
الذكاء ان نتعلم ان نكسب ود الاخر بالحوار دون ان نسقط مبدأ ...سهوا او عمدا

*** مشكلة شرقنا العزيز انو امين جدا فى ان يخلق للامور جانبين سلبى وايجابى بمساواة تامة
يعنى احنا عنا ميزة كتير رائعة انو علاقة الاب بابنو او العلاقة الاسرية عموما مشهود لها بقوة الفولاذ فى اصالتها وترابطها لكن بسرعة نخلق جانب سلبى فى الموضوع كى نفسد الهناء ....الشحيح جدا
فهل فى مشكلة قياسية ان نزحزح الايجابية بضعة سنتيمترات لتكون مميزات العلاقات الشرقية اكتر من سلبياتها
.....محتاجين زوج ماتيمتستيان واب ماتيمتستيان وابن ماتيمتستيان:shock:

Abu ToNi

23/08/2008, 22:48

خلينا شوي نتأمل بجملة ( عقدة نقص )
وبالأصح بكلمة ( عقدة )
برايكم لو سهلة بتنحل بسهولة كانت سمّيت ( عقدة ) .

Government

23/08/2008, 22:54

والله بصراحة انا ضد هالشي .. وكتير بصراحة بكره الاباء اللي متل هيك واللي بحاول يفرض شخصيتو ويمشي رأيو بالروز ويفرض كلمة بالغصب ..
وانا بصراحة هالشي كتير احيانا بسبب مشاكل بيني وبين ابوي لانو مادائما برد ع هالسلطة او مابتماشى معا وضدا كتير انا .. وبالعكس بحاول كون عكسا
وخاصة هون عنا مجتمع فيو الاب تحت الله بدرجة .. وكأنو نبي منزل مابيغلط

i m sam

23/08/2008, 22:59

Marooshe

23/08/2008, 23:05

اسبيرانزا... اكتر شي لفتلي نظري هلكام سطر يلي كتبتيهن بنهاية المشاركة:
مشكلة شرقنا العزيز انو امين جدا فى ان يخلق للامور جانبين سلبى وايجابى بمساواة تامة
يعنى احنا عنا ميزة كتير رائعة انو علاقة الاب بابنو او العلاقة الاسرية عموما مشهود لها بقوة الفولاذ فى اصالتها وترابطها لكن بسرعة نخلق جانب سلبى فى الموضوع كى نفسد الهناء ....الشحيح جدا
فهل فى مشكلة قياسية ان نزحزح الايجابية بضعة سنتيمترات لتكون مميزات العلاقات الشرقية اكتر من سلبياتها

ازا كان في ايجابيات للمجتمع الشرقي فهاد الشي ما بيمنع انو نشوف سلبياتو... هي اول شي
وتاني شي في فرق كتير كبير بين علاقة اب وابن وقوية وبين موضوع اخر تماما ويلي هو التحكم والتسلط والاستبداد يلي موجود في بضع الاسر...
وتالت شي طرح قضية مزعجة جدا متل هي ما بتعني افساد الهناء على المجتمع الشرقي... يمكن افساد الهناء على حضرة "سي السيّد"...
ورابع شي ما فينا نزيح اي شي بضع سنتيمترات ازا بيبقى في تحتو جورة... يعني بيكفينا تعتيم وتجميل وووو....

ايمان... :D

فسحة أمل

23/08/2008, 23:08

القطبُ الثّاني هو المجتمع المرتبط أساساً بالدّين والثقافة الشرقيّة ورواسبها الفكريّة منذ عصورٍ قديمة. فالشّرق اعتبرَ الرّجلَ أسمى من المرأة وهو الأساسُ في تكوين المجتمعات، منذ أقدم الحضارات.
أمورٌ أخرى تنضمّ إلى هذين وهي قلّة الوعي والجهل السّائد في بلادنا،

سلام.
بالنسبة لهي النقطة بالتحديد الحضارات القديمة كان المجتمع امومي وليس مجتمع ابوي...
كانت النثى محور الحضارات القديمة حتى فترة السبي البابلي...
يعني الأنثى في المجتمعات الأولى وخصوصاً المجتمعات الزراعية كانت هي الأساس .....حتى الآلهة الأنثى كانت هيي السائدة والها ادوار البطولة بالأساطير الرافدية والشرقية القديمة .....
فقط للتوضيح

Marooshe

23/08/2008, 23:12

x52

23/08/2008, 23:16

فسحة أمل

23/08/2008, 23:21

والله هالموضوع مو محتاج لنقاش لولا انو الاب بيكون صارم باوقات كان العيلة صارت منحرفة وما عندها مباديء ,طيب انتو فكرو بالعقل ازا الام كنت حنونة وما عندها شدة والاب كان نفس الشي شو النتيجة
كمان الشد الزايد بيرخي ....
الأب لازم يكون صارم ببعض الأحيان معك أنا بس كمان الشي الزايد ممكن يأدي للأنحراف.....
بعدين أبداً ما لازم يكون الأب ياخد جانب الحزم بشكل كامل والم تاخد جانب الحنان بشكل كامل ... لازم يكون في تساوي بينهم لحتى تطلع عيلة سوية

suryoyo

23/08/2008, 23:28

لو سمحتولو بالتدخل
كلنا متفقين انو في سلطة على الاسرة ان كان من الاب غالبا..او الم... او الاتنين
لكن الفكرة يلي لازم نناقشها انو كيف نربي ابنائنا
يعني نحنا راحت علينا ومشي حالنا ..ان كان عشنا بهيك اسرة او لا
يعني السؤال مو انو في او مافي هيك شي...او متى لازم يتلاشى
السؤال برأيي كيف لازم نتفاداه مع ابنائنا او اسرنا يلي بدنا نكونها.؟ هل يجب ان يكون هناك نوع من السلطة ام لا ؟الى اي حد يجب ان تكون ؟ او لا تكون ابدا؟
آسف للاطالة لكن هذه نظرتي للموضوع

يعني ما تتوقع شخص عاش بظروف غير طبيعية و تسلط الاب عليه ما رح يصير عنده ردة فعل و قد تكون عنيفة تجاه هذا الشي ..

انا برأيي .. لازم تصير توعية كبيرة حتى ما تتكرر هكذا حالات بالمستقبل ...

لازم يكون سلطة ... و لكن بحدود و تكون من الاب و الام ... و باتفاق مستمر بينهم

ثاني شي لازم يقل تدخل الاجداد و الاعمام في شؤون الابناء ...

و القائمة تطول ....

suryoyo

23/08/2008, 23:34

والله هالموضوع مو محتاج لنقاش لولا انو الاب بيكون صارم باوقات كان العيلة صارت منحرفة وما عندها مباديء ,طيب انتو فكرو بالعقل ازا الام كنت حنونة وما عندها شدة والاب كان نفس الشي شو النتيجة

فرق كبير بين سلطة مطلقة ... و وجود سلطة ابوية محترمة !

يعني الاباء يوجهوا الابناء للطريق الصحيح و يقدموا النصائح ... و يعوّدوهم على اتخاذ القرار ... بشكل تدريجي ...

تخيل لو والدك منعك من دخول أخوية ؟؟ او مواقع أخرى ؟؟ بحجج واهية مربوطة بالعشائريات و الدين

قرصان الأدرياتيك

24/08/2008, 00:34

بالنسبة لهي النقطة بالتحديد الحضارات القديمة كان المجتمع امومي وليس مجتمع ابوي...
كانت النثى محور الحضارات القديمة حتى فترة السبي البابلي...
يعني الأنثى في المجتمعات الأولى وخصوصاً المجتمعات الزراعية كانت هي الأساس .....حتى الآلهة الأنثى كانت هيي السائدة والها ادوار البطولة بالأساطير الرافدية والشرقية القديمة .....
فقط للتوضيح

هلحكي صحيح ودقيق ميه بالميه... وبعد هلفترات بلشت شوي شوي تنقلب هي المعايير نحو الذكورة واكتر شي رسخ هلفكر بالمجتمعات هو الاديان...

وإنّكما لفي ضلالٍ عظيم (:p)

هذا الكلامُ يا صديقتيّ لا يعني كلامي في شيء... كنّا نتحدّث عن السّلطة الذكوريّة وتفوّق هذه الأخيرة على الأنثويّة في التحكّم بأهمّ مقابض الحياة ومماسكها.

فأمّا حديثكما عن الآلهة الأنثى فلا علاقة له بالأمر، لأنَّ فكرة الألوهة في الشّرق لم تكن أنثويّةً فقط بل كانت ذكوريّة، وأنثويّتها جاءت من أجلِ الخصبِ والتكاثر، ولهذا تجدنَ الحبر الأعظم يمارسَ طقوس الجنس المقدّس مع بتولات المعابد في حضارة السومريّين (هؤلاء الفتيات سمّين لاحقاً بسبب تأثير الأديان السماويّة "مومسات المعبد").

ونظرة سريعة على عالم الحضارات تقودنا إلى السومريين فالأكاديين فالبابليين والآشوريّين والآراميين... إلخ في ما بين النهرين، لنعثر على مجتمعٍ ذكوريّ بالغ يتحكّم بأسس الحياة الدينيّة والدنيويّة: الأحبار والكهنة والملوك والحكّام... إلخ. حتّى الثّقافة كانت مقتصرة على الذّكر دون الأنثى. سوريّة الدّاخليّة وبقيّة الأطراف لا تقلّ عن تلك الحضارات في ذكوريّتها...
وإذا حاولتما أن تسوقا إليّ مثالاً من هنا وهناك عن وجود الأنثى ودورها في حياة تلك المجتمعات، فهذا صحيح لكنّه كان نادراً والخلل في القاعدة لا ينفيها!!!

نعود من جديد إلى عالم تلك الحضارات التي امتدّت عبر ما بين النهرين وسوريّة في العالم اليهوديّ، وتكفي قراءة واحدة للأسفار اليهوديّة وكل ما يكتب عن هذه الأسفار من دراسات وشروح لتبيّن عالم الذّكر دون مراء.

بالنسبة للإسلام والبيئة التي نشأ فيها (شبه الجزيرة العربيّة) فمن المفضّل العودة إلى سفر الدكتور جواد علي القيّم "المفصَّل في تاريخ العرب قبل الإسلام" أو إلى الدراسات السوسيولوجيّة للبيئة التي احتضنت الأديان وصولاً إلى الإسلام في شبه الجزيرة العربيّة.

في هذا المجال نسوق نشأة عبارة "بنات الله" الدالّة على الجنّ! من أين نشأت وكيف؟! الآلهة عند العرب القدماء كانت تتزاوج وتزاوجها أنتجَ جنساً يختلف عن الطبيعة الإلهيّة والبشريّة فوُجدت الجنُّ. الذّكرُ هو الأساس ومنه تُخصب الأرض... إلخ. بقيت هذه العبارة في التقليد الإسلاميّ حتّى اليوم ولهذا نجد لغطاً كبيراً وضياعاً حول تفسير الآية القائلة "وتعالى جدُّ ربّنا" التي كانت الجنُّ تتحدّث بها لأنّها كما نعرف منذ القدم أنها ليست سوى بنات الله!!!

أظنّ أنّ هذه الأمثلة تكفيكما يا عزيزتيّ للتمييز بين العالم الذكوري وعالم الطقوس الجنسيّة المقدّسة عند تلك الشّعوب.

مع التحيّة والقبلات الحارّة :sosweet:.

قرصان الأدرياتيك

24/08/2008, 05:30

وإنّكما لفي ضلالٍ عظيم (:p)

هذا الكلامُ يا صديقتيّ... أظنّ أنّ هذه الأمثلة تكفيكما يا عزيزتيّ

أنا أعتذر لمخاطبة الصّديق فسحة أمل بصيغة المؤنّث!
الردّ أعماني عن رؤية الصّورة :lol:.

مع المحبّة.

وشم الجمال

24/08/2008, 08:48

عزيزتي بلاك ايرس انا فهمانة قصدك بس جد ممكن انتي عشتي بقرية وعشتي بمدينة بس شبيه الشئ الى الشئ ينجذب فيعني انتي رح تصادفي او رح تحتكي مع ناس متلك اهلن تفكيرن اسلوب حياتن وبالعادة وبحكم عقدة الخجل مو اي شخص ممكن يحكي لرفيقو شو اوضاعو ها اول شي
بالنسبة للمدرسة الحكومية صح فيها شريحة لا بأس بها من الطلاب ومن كل المستويلت بس هاد لا يعني انو الطالب ييجي يحكيلك انو انا وضعي كزا او ييجي يحكيلك انو ابوي هيك هيك ..يا اختي كتير صعب حتى المرشد التربوي ازا ما كان حربوق ما فيو انو يقدر يخلي الطالب يحكيلو عن مشاكلو

خدي لشوف انا رح احكيليك شوي عن يللي بشوفو بمجتمعي...
في الي ابن جيران بالبكالوريا ابوه ما بخاطبو غير بالخنزير وتعى يا كلب وانت فاشل ومن هالمصطلحات ولهلق بمد يدو عليه
بعرف كمان زلمة ما بعرف يتعامل مع اولادو وكل حكيو زجر ومسبات لا اخلاقية وبرضو اولادو جامعة ومدرسة وبضربهم وهمو هلق صايرين كتير ميالين لدرب الانحراف

بعرف كتيييييييييير صبايا ممنوع الطلعة ممنوع التعبير عن الرأي ممنوع تحكي بدك وما بدك الزواج من بين الاقارب والاولى ابن العم ممنوع تحاوري واذا فكرت انو تحكي فمعناها في مشروع تطاول واشيا كتيرة صعب تنحكى

يعني الخلاصة موجودين وكتير كمان ومو شرط تكون صورة سلطة الاب ضرب مشان تكون مطلقة لانو مجرد ما انو تنمنع انك تعبر فهاد بحد ذاتو جريمة

وهاد النوع بحياتو ما بثمر انسان يقدر يقدم شي لمجتمعو او بثمر انسان فز شرواي:lol:

وتحية الك بلاك ايرس:D

Marooshe

24/08/2008, 11:01

فأمّا حديثكما عن الآلهة الأنثى فلا علاقة له بالأمر، لأنَّ فكرة الألوهة في الشّرق لم تكن أنثويّةً فقط بل كانت ذكوريّة، وأنثويّتها جاءت من أجلِ الخصبِ والتكاثر، ولهذا تجدنَ الحبر الأعظم يمارسَ طقوس الجنس المقدّس مع بتولات المعابد في حضارة السومريّين (هؤلاء الفتيات سمّين لاحقاً بسبب تأثير الأديان السماويّة "مومسات المعبد").

أظنّ أنّ هذه الأمثلة تكفيكما يا عزيزتيّ للتمييز بين العالم الذكوري وعالم الطقوس الجنسيّة المقدّسة عند تلك الشّعوب.
.
الالهة جاءت لمجرد الذكر في تلك المشاركة... ولكننا تحدثنا عن المجتمع الذي كان سائدا قبل المجتمع الذكوري ونشوء الاسرة الابوية... فحينها كان المجتمع البشري مجتمعا امويا. ينسب الاطفال الى الام. وكان للام حرية واسعة تشبة الى حد كبير حرية الاب في مجتمعنا الحاضر. فهي التي تختار الرجل وهي التي تتركة وتختار رجلا اخر... والرجل كان حرا ايضا ولكن حريتة كانت اقل من المرأة لان المرأة كانت تعرف اطفالها وتنسبهم اليها اما الرجل فلا يعرف اطفالة ليورثهم...

بعدها جاء انتزاع النسب من الام وانشاء الاسرة الابوية والتي لم يكن بالامكان انشائها دون ان يفرض سيطرتة على المرأة بالقوة وبالقانون...
ومن هنا انشأ الرجل قوانينة الاقتصادية التي تحرم المرأة من الانتاج والعمل لتكون عالة على زوجها وتحت رحمتة... وفرض عليها القوانين الاجتماعية التي تبيح للزوج ان يقتل زوجتة اذا خانتة او خالفتة. وفرض عليها القوانين الجنسية التي تفرض عليها العفة والعذرية. وفرض عليها القوانين الدينية والاخلاقية التي تجعلها الجنس الادنى والجنس الملوث الذي يجب ان يتطهر من الذنوب والدنس.

في مجتمعات الامومة كانت هناك ديانات قديمة والهه قديمة. لكن الالهة لم تكن من ذكورا فقط وانما كانت هناك الهة ذكور والهة اناث. وكانت الديانات تؤكد الحياة ولا تفرق بين الذكور وبين الاناث وتحترم الجنس.... بعكس الديانات في المجتمعات الابوية التي اصبحت ترتكز على الموت وعلى تأثيم الجنس والتفرقة بين الذكور وبين الاناث...

روعة1

24/08/2008, 11:43

طبعا ما منحسن ننكر انو من المفروض يكون في سلطة من الاب على العائلة لحتى هل العائلة ما تتفكك و تتشتت فيما بعد .. و لكن سلطة ايجابية بحيث هل الشي ما يقلب ضد هل العيلة.. و يأدي كل طرف منها للتوجه بطريق غلط لتفريغ اللي جواتو من الكبت..
من الضروري جدا انو يكون في لغة حوار بين الاب و باقي افراد العائلة.. و القرارت تكون مأخوذة بشكل ديمقراطي مو بشكل تعسفي و ديكتاتوري.. يعني من الضروري انو قبل اتخاذ القرار من قبل الاب و تنفيذو انو الاطراف الاخرى ايضا تفهم و تعرف ليش تم هل الشي.. و الا هل الشي حتى لو كان لصالحون رح يكون ضدون من ناحية تانية..

:D

قرصان الأدرياتيك

26/08/2008, 05:36

الالهة جاءت لمجرد الذكر في تلك المشاركة... ولكننا تحدثنا عن المجتمع الذي كان سائدا قبل المجتمع الذكوري ونشوء الاسرة الابوية... فحينها كان المجتمع البشري مجتمعا امويا. ينسب الاطفال الى الام. وكان للام حرية واسعة تشبة الى حد كبير حرية الاب في مجتمعنا الحاضر. فهي التي تختار الرجل وهي التي تتركة وتختار رجلا اخر... والرجل كان حرا ايضا ولكن حريتة كانت اقل من المرأة لان المرأة كانت تعرف اطفالها وتنسبهم اليها اما الرجل فلا يعرف اطفالة ليورثهم...

صراعُك يا عزيزتي بدون حجّة فنسبة الأطفال إلى الأمّ لا تعني أنوثة المجتمع، هذا أقلّ ما كانَ، أتيتُك بأمثلة عن سلطة الذّكر في الحكم والعقيدة والتشريع... إلخ. وأظنّ أنّ هذا يكفي ليدمغ المجتمع بذكوريّة شبه مطلقة.

بعدها جاء انتزاع النسب من الام وانشاء الاسرة الابوية والتي لم يكن بالامكان انشائها دون ان يفرض سيطرتة على المرأة بالقوة وبالقانون...
لا يا عزيزتي أنت خير العارفين أنّ اليهوديّ حتّى اليوم يعود بنسبه إلى والدته لا أبيه، وأخبريني ماذا غيّر هذا في ذكوريّة اليهوديّة كمجتمع ودين ودولة؟! لا يكفي النّسب والأمومة لنتحدّث عن مجتمع أنثوي.
أراك تنظرين إلى صغائر الأشياء التي كانت سائدة وتغضّين الطّرف عن الكبائر (الأمور الأساسيّة)!!!

ومن هنا انشأ الرجل قوانينة الاقتصادية التي تحرم المرأة من الانتاج والعمل لتكون عالة على زوجها وتحت رحمتة... وفرض عليها القوانين الاجتماعية التي تبيح للزوج ان يقتل زوجتة اذا خانتة او خالفتة. وفرض عليها القوانين الجنسية التي تفرض عليها العفة والعذرية. وفرض عليها القوانين الدينية والاخلاقية التي تجعلها الجنس الادنى والجنس الملوث الذي يجب ان يتطهر من الذنوب والدنس.
فأمّا عن التمييز بين الجنسين فأعود لأخبرك أنّه كانَ منذ القدم... عودي إلى حضارة السومريّين وخاصّة من جاء بعدهم كالآشوريّين. واقرأي أيضاً في كتاب الدكتور جواد علي.
أرجوك لنكن علميين في هذه المسألة، ولا نتحدّث من معلومات سمعناها واستنتجناها... أنا آتيك بأسماء وأمثلة وأنت تأتيني بكلام وأحاديث.

في مجتمعات الامومة كانت هناك ديانات قديمة والهه قديمة. لكن الالهة لم تكن من ذكورا فقط وانما كانت هناك الهة ذكور والهة اناث. وكانت الديانات تؤكد الحياة ولا تفرق بين الذكور وبين الاناث وتحترم الجنس
كانت تفرّق يا صديقتي وتميّز بشكلٍ واضح: أتيتُك بمثال عن طقوس الجنس المقدس عند السومريين والمرأة فيه لم تكن إلا أداةً... أظنّ أنّ هذا يكفي لأنّي أراك تدافعين عن فكرة غير موجودة وأنا لا أستطيع أكثر من إحضار الأمثلة السّابقة.

محبّتي وسلامي.

ِAbu Alzooz

26/08/2008, 06:09

زيد كان بدي فوت احكي

بس طلعت انو لح عيد نفس الحكي

Marooshe

26/08/2008, 22:19

أرجوك لنكن علميين في هذه المسألة، ولا نتحدّث من معلومات سمعناها واستنتجناها... أنا آتيك بأسماء وأمثلة وأنت تأتيني بكلام وأحاديث.

تدل معظم المصادر العلمية والانتروبولوجية والدراسات الحديثة للمجتمع البشري القديم ان الذكر خضع للانثى البدائية القوية فترة طويلة كان يشعر طوالها بالخوف من قوتها...

قد ذكر هذا في كتاب انجلز "اصل العائلة" كذلك بحثها مورجان في احد دراساتة الطويلة لتطور المجتمع الانساني ((من الوحشية الى البربرية الى المدنية)) وكذلك العالم وورد حيث اضاف وقال ان جهل الرجل لابوتة في تلك الفترة من تاريخ البشرية هو الذي انبت الشعور بالغيرة من المرأة او الام التي كانت تعرف اطفالها بحكم انها هي التي ولدتهم...

وبالنسبة لنسب الاطفال الى الام فالمقصود هنا نسبهم ليس قثط لان الام هي من ولدت اطفالها وانما لان النساء انذاك كانو يملكون كل شيء... كانو يعملن في الحقل وفي البيت ويطعمن الجميع ويملكن الاطفال لانهن هن اللائي يلدن ولانة بكل الاحوال لم يكن باستطاعة الرجال ان يعرفو اطفالهم من اطفال الغير بسبب الحرية الجنسية التي سادت في تلك الفترة ولان اتصال المرأة الجنسي لم يكن يقتصر على رجل واحد بل على العديد...

كم وددت ان آتيك بمصادر اخرى ولكن دراستي للموضوع كانت باللغة العبرية وكذلك المصادر... آملة ان تكون مرجعياتي القليلة التي ذكرتها قد اثبت على الاقل باني لا آتيك بمجرد كلام واحاديث ولا حتى بجمل مركبة من اختراعي...
:D

قرصان الأدرياتيك

27/08/2008, 03:13

تدل معظم المصادر العلمية والانتروبولوجية والدراسات الحديثة للمجتمع البشري القديم ان الذكر خضع للانثى البدائية القوية فترة طويلة كان يشعر طوالها بالخوف من قوتها...
قد ذكر هذا في كتاب انجلز "اصل العائلة" كذلك بحثها مورجان في احد دراساتة الطويلة لتطور المجتمع الانساني ((من الوحشية الى البربرية الى المدنية)) وكذلك العالم وورد حيث اضاف وقال ان جهل الرجل لابوتة في تلك الفترة من تاريخ البشرية هو الذي انبت الشعور بالغيرة من المرأة او الام التي كانت تعرف اطفالها بحكم انها هي التي ولدتهم...
أفقتُ الليلة يا صديقتي على صوتِ نزاعِ كلبين في الخارج وتذكّرتُ نزاع الذّكور في المجتمع الحيوانيّ الذكوريّ بامتياز!!! الحيوانات يا صديقتي وهي صورة الطّبيعة تدلّنا بلا مراء على هذه الفكرة ولا حاجة لمناقشتها لأنّك ستعودين إلى الكلام عن الأمومة، وهذا ليس محور النقاش حول هذه المسألة!
بالنسبة لما كتبتِه عن كتاب "أصل العائلة" وهو تطوّر الإنسان من الوحشيّة إلى البربريّة إلى المدنيّة فهذا لا ينفعنا في حديثِنا! لأنّنا وبكلّ بساطة كنّا نتكلّم عن الحضارات لا عن مجتمع البداوة الأوّل! وإذا أردتِ التأكّد عودي إلى ردّي الأوّل الذي جاءَ فيه الكلام عن ذكوريّة المجتمعات منذ أقدم الحضارات... كما وتعلمين أيضاً أنَّ الكتب والدّراسات الصّادرة عن الإنسان البدائيّ ليست سوى مجرّد نظريّات لا دلائل حقيقيّة عليها، على عكس الفترة التي بدأ يكتبُ فيها الإنسان ويصوّر نفسَه ومجتمعه... إلخ. والنظريّة قابلة للتغيير كلّ يوم.
ونعود إلى صلب الموضوع لأخبرك أنَّ الأمومة لا تكفي ليكون المجتمع أنثويّاً... أنت لا تنتبهين إلى أنّك تركّزين على أشياء طبيعيّة محض: الأمومة، الألوهة... إلخ. وهذه لا تعني أبداً أنّ المجتمع أنثويّ وقائم على الأنثى، بينما تقوم المجتمعات الحضاريّة على الذّكر.

وبالنسبة لنسب الاطفال الى الام فالمقصود هنا نسبهم ليس قثط لان الام هي من ولدت اطفالها وانما لان النساء انذاك كانو يملكون كل شيء... كانو يعملن في الحقل وفي البيت ويطعمن الجميع ويملكن الاطفال لانهن هن اللائي يلدن ولانة بكل الاحوال لم يكن باستطاعة الرجال ان يعرفو اطفالهم من اطفال الغير بسبب الحرية الجنسية التي سادت في تلك الفترة ولان اتصال المرأة الجنسي لم يكن يقتصر على رجل واحد بل على العديد...
وهذا أيضاً لا علاقة له بالتمييز بين ذكوريّة مجتمع وأنثويّته! فمجمل الحديث لا ينفي أنَّ المرأة نالت في تلك العصور حقوقاً أكثر من اليوم إلا أنّها بقيت في منزلة أدنى من الرّجل وأعود لأخبرك بدلائل مثل الحكم والتشريع والحرب... إلخ. مفاتيح السّلطة ما كانت بيد المرأة بل بيد الرّجل والأسباب في مجملها تعود إلى الطّبيعة الفيزيولوجيّة المختلفة، وإلى أسباب أخرى... إلخ.
والأمومة كما قلنا ما زالت في المجتمع اليهوديّ عنصراً دينيّاً أساسيّاً من عناصر الانتماء ومع هذا فالمجتمع لم يتغيّر في نظرته التمييزيّة بين الرّجل والمرأة!!!

كم وددت ان آتيك بمصادر اخرى ولكن دراستي للموضوع كانت باللغة العبرية وكذلك المصادر... آملة ان تكون مرجعياتي القليلة التي ذكرتها قد اثبت على الاقل باني لا آتيك بمجرد كلام واحاديث ولا حتى بجمل مركبة من اختراعي...
أنتِ تتحدّثين عن فترة ما قبل الحضارة وكلامي منذ البدء كان عن حضارات الشّرق القديم حيث وُلدت الأديان وهذا كان بيت القصيد! كنت تتساءلين عن الأسباب التي أوصلتنا اليوم إلى سلطة ذكوريّة شبه مطلقة، وأنا أشرتُ إليك إلى الكثيرِ منها لا بهدف الدّخول في حوار حول أنثويّة أم ذكوريّة المجتمعات البدائيّة، بل للتحدّث عن أهمّ الأسباب التي دعت ديانات مثل اليهوديّة والإسلام إلى التمييز بين ذكرٍ وأنثى، وكما أخبرتُك لأنّ البيئة التي نشأ فيها كلٌّ منهما كانت ذكوريّة بشكلٍ كبير كــ"ما بين النهرين وسوريّة وشبه الجزيرة العربيّة".

أختم بالسّلام والشّكر :sosweet:.

Marooshe

19/01/2009, 18:15

بتخيل هاد النوع من الأُسَر راح
السبب التطور السريع وازدياد نسبة الثقافة والوعي الأجتماعي
ممكن نلاقيه انه هو لسه موجود
لكن ببيئات معينة ومحددة
كالحارات القديمة
وكمان الدرجة المادية لها دور بتحديد ها الشي

لكن بتخيل الأب صار يعرف انه ابنته انسانه مثل ابنه الذكر

لاننكر اننا في وسط مجتمع شرقي
لكن مفهوم الذكورية بدأ يتراجع وبقوة
للأسف، ومتلك تماما، كنت قول معظم هلأيام رحمها الله .. بس بتعرفي من وقت لي انخرطت داخل المجتمع "عنجد" ومن وقت لي صرت إتعامل مع هلناس وعالج هيك قضايا،
اكتشفت اني ما كنت شايفة من المجتمع غير قشورو .. او غير لي المجتمع بدو ياني شوفو ..
معظم الناس مبسوطة بس من ورا الأقنعة هني عم يعيشو حياة تانية ماحدا عارف فيها .. وراء كواليس لبيوت كتير قصص مخباية ..

خلينا شوي نتأمل بجملة ( عقدة نقص )
وبالأصح بكلمة ( عقدة )
برايكم لو سهلة بتنحل بسهولة كانت سمّيت ( عقدة ) .
عقدة النقص هيي الكلمة الأنسب لشرح هيك نمط حياة .. بس ازا اجينا نفسرو ما فينا نعتمد على هلكلمة،
لانو وبالأساس هلعقدة وليدة ترباية غير سليمة .. تربية ذكورية محضة ..
هاد حليب العالم رضعانتو من وقت لي خلقت .. وحتى بعد ما كبرو صرنا نلاقية معلب ومغلف ومسوق .. من الدولة والأنظمة ، للأسواق ، للعيلة ..

والله بصراحة انا ضد هالشي .. وكتير بصراحة بكره الاباء اللي متل هيك واللي بحاول يفرض شخصيتو ويمشي رأيو بالروز ويفرض كلمة بالغصب ..
وانا بصراحة هالشي كتير احيانا بسبب مشاكل بيني وبين ابوي لانو مادائما برد ع هالسلطة او مابتماشى معا وضدا كتير انا .. وبالعكس بحاول كون عكسا
وخاصة هون عنا مجتمع فيو الاب تحت الله بدرجة .. وكأنو نبي منزل مابيغلط
الغلط بالأساس من لي عين الأب وكيل الأنبياء على الأرض ،
"أبناؤكم ليسوا أبناؤكم .. هم أولاد وبنات الحياة ، إذ لذاتها تتوق الحياة"

لو سمحتولو بالتدخل
كلنا متفقين انو في سلطة على الاسرة ان كان من الاب غالبا..او الم... او الاتنين
لكن الفكرة يلي لازم نناقشها انو كيف نربي ابنائنا
يعني نحنا راحت علينا ومشي حالنا ..ان كان عشنا بهيك اسرة او لا
يعني السؤال مو انو في او مافي هيك شي...او متى لازم يتلاشى
السؤال برأيي كيف لازم نتفاداه مع ابنائنا او اسرنا يلي بدنا نكونها.؟ هل يجب ان يكون هناك نوع من السلطة ام لا ؟الى اي حد يجب ان تكون ؟ او لا تكون ابدا؟
آسف للاطالة لكن هذه نظرتي للموضوع

هاد يلي بالأحمر هو كل القصة،
الى اي حد لازم الأب يستخدم قوتو وسلطتو لي منحو ياها المجتمع على اولادو ..
العنف ما بيخلق غير عنف، والشدة ما بتخلق غير شدة، والقسوة ما بتخلق غير قسوة ..
السؤال لي بيطرح نفسو، كيف ممكن نربي اولادنا تربية سليمة بمعنى انو مانرخي المعاملة زيادة مشان ما نفسدهم وكمان ما نشدد المعاملة زيادة مشان ما نخسرهم ..

والله هالموضوع مو محتاج لنقاش لولا انو الاب بيكون صارم باوقات كان العيلة صارت منحرفة وما عندها مباديء ,طيب انتو فكرو بالعقل ازا الام كنت حنونة وما عندها شدة والاب كان نفس الشي شو النتيجة
ليش مين قال أنو أصل التربية بالشدة؟
ومين خبرك أنو الولد ازا خضع لسلطة وتربى تربية قمعية بيطلع أحسن؟
ومين قال انو الحنية بتتناقض مع الشدة أصلا؟

* في فرق كتير كبير بين شدة وتسلط .. وبين الحزم .. !!

طبعا ما منحسن ننكر انو من المفروض يكون في سلطة من الاب على العائلة لحتى هل العائلة ما تتفكك و تتشتت فيما بعد .. و لكن سلطة ايجابية بحيث هل الشي ما يقلب ضد هل العيلة.. و يأدي كل طرف منها للتوجه بطريق غلط لتفريغ اللي جواتو من الكبت..
من الضروري جدا انو يكون في لغة حوار بين الاب و باقي افراد العائلة.. و القرارت تكون مأخوذة بشكل ديمقراطي مو بشكل تعسفي و ديكتاتوري.. يعني من الضروري انو قبل اتخاذ القرار من قبل الاب و تنفيذو انو الاطراف الاخرى ايضا تفهم و تعرف ليش تم هل الشي.. و الا هل الشي حتى لو كان لصالحون رح يكون ضدون من ناحية تانية..

كلامك منطقي وسليم جدا، بس برأيي السلطة بالبيت لازم تكون تعاونية من الأب ومن الأم .. التوازن وقوانين الأسرة لازم تخلق بالتعاون مع الأبناء وبحلول تلائم مصالح الطرفين وبنفس الوقت ما تضر حدا ..

شكرا للكل ، :D

ويحد سوري

19/01/2009, 22:28

توم و جيري

19/01/2009, 23:51

انا بعرف انو سلطة الوالد لازم تكون موجودة خصوصا عند العمر الصغير للاطفال بعدين لازم نعرف انو 90 بال % من الاباء ما بيعملو شي غير لمصلحة اطفالن او اولادن ولازم نعرف انو لو صار عمر الولد 40 سنة بيضل بعين اهلو طفل وما بيعرف شو بيعمل ........
لذلك انا مع سلطة الاي وليس تسلطه وفي فرق كبير بين الكلمتين .......
:larg:

Marooshe

20/01/2009, 19:36

اذا عكسنا السؤال يا مروش
ما رايك بسلطة الاب الغير مطلقة و الغير مسيطر اصلا و هل يبقى اسمه (أب) ام ماذا

اليس من الطبيعي وجود كيان لهذا الشخص الذي يدعى اب

اما صيغه السؤال ما رايك ب سلطة الأب المطلقة و الاسرة الابوية ... الى اين

طبعا لا يوجد راي اما سلطة مطلقة

و اي راي اما هذه الافتراض سيكون بدون نتيجه كما ذكرت ( رايك انت ) كما ذكر باقي الاخوه

من تاثير الدين -(اسلامي - مسيحي - ....
المجتمع الشرقي (فورة الدم ...
التربية الاسروية ( كما ذكرت سراب الخوف من الاخ ان يصبح اب ظالم

بالنهاية اي سيطرة مطلق لشخص ع شخص انا ضدها
لانو اذا كان الولد سر أبيه ف الله يستر من تاثيروااا

طيب ما شو عم احكي انا .. ؟؟
يعني تقريبا عم تعيد صياغة كلامي ،

بعدين انا بختلف مع على هلنقطة بالذات:
سلطة غير مطلقة ما بتعني عدم السلطة بتاتاً ، وانما بتعني عدم التلسط ..
يعني ازا بالمستقبل كان عندي اولاد اكيد ما رح اقبل بشغلتين.. الاولى انو السلطة تكون بالبيت بس لجوزي وكون انا رجل كرسي!
والتانية انو ما يكون عند الاهل سلطة ابدا!

بالاخير الاهل (وغالبا مو دائما) بحكم انو تجربتهن اوسع وخبرتهن اكبر بيعرفو مصلحة اولادهن اكتر ، بس الشي لي مو مقبول ابدا هو انو تتحول سلطة الاهل لتسلط الاب .. تسلط بمعنى انو كلمتو ما بتصير تنتين وهيك حيونة يعني يمكن لانو مو رايق ويمكن لانو مزاجو معكر ويمكن لانو هو هيك بيشوف وخلص النقاش ممنوع!

اي شي ما بينحل بالنقاش او اي قرار لي ما بيتفهم وبينشرح للاولاد بيكون غلط لانو الاولاد شي طبيعي يكون عندهن فضول يعرفو كلشي ويستفسرو عن الاسباب ولازم تقنعهن... وازا انت كأب اخترت انك تتغاضى عن هي الحاجة وهيك بتكون عم تخلق شخصية ضعيفة ومطموسة للاولاد على المدى القريب والبعيد جدا وعم تسعى بالتالي لتدميرهن .. !!

:D