أول شي بحب عبر عن سروري للانضمام للأخوية هالمنتدى الظريف و اللي فيه ناس ظراف و معلومات ظريفة كمان... المهم هاد أول موضوع إلي ... ما بعرف ممكن يكون ممل كبداية بس القصة أني بحب التصوير و عندي مرض تبع بدي إقرأ أي شي عن أي شي حتى لو ما كان بيفيدني أو بيفيد اي حدا بشي, و طبعاً تفاقم المرض بعد ظهور الانترنت و الغوغل و الويكيبيديا..... الخلاصة :
بدكون تتحملوني :p

عدسة نمرود
العدسة هي جهاز بصري ذو تناظر محوري تام أو شبه تام و هي بتنقل و بتكسر الضوء بحيث يا بتفرق شعاع الضوء يا بتركزه طبعاً و فيها تكون مصنوعة من الزجاج أو من البلاستيك الشفاف....

أما نمرود يا إخوتي فهي المدينة اللي ممكن كتير منكم بيعرفوها و هي مدينة ع إيام اللآشوريين بجنوب نينوى ع نهر دجلة " جنوب الموصل حالياً بشي 30 كيلومتر" و هالمدينة كان إسمها كالو بس العرب, و آه من العرب و من اللي جابون لعندنا, سموها لهالمدينة نمرود ع اسم الملك الأسطوري نمرود اللي مذكور بالتوراة و بالأساطير القديمة...

كيس هاللقش لهاني؟؟؟ هاه

بس شو جاب عدسة لنمرود, شو خص هي بهي حدا بيعرف شي ؟؟
رح وقف هون لأنو الكافيه اللي قاعد فيه هلق بيسكر عالطنعش
بس بطل بكرا إذا لقيت سميعة بكفي الحكاية:bye:

ناطرين :?

وأنا كمان :?

شرحو :p:p:p:p:p

إذا كان عالم طلياني عم يحكي أصلي بيكون اللي اخترع التيليسكوب مو الهولنديين و لا هالحكي صار بالقرن السادس عشر الميلادي :?، إنما فلكيين الآشوريين القدماء قبل الهولنديين ب 3000 سنة.... لكن عمي هدول الآشوريين مو حيالله:ok:

حسب العالم الإيطالي جيوفاني بيتيناتو من جامعة روما ممكن لعدسة كريستالية صخرية معروضة حاليا بالمتحف البريطاني، ممكن أنها تعيد كتابة تاريخ العلم. بيظن حضرتو انو هالعدسة هي بتفسر ليش كان الآشوريين على اضطلاع واسع بعلم الفلك.

بس خبراء الأركيولوجيا الآشورية مو مقتنعين بهالحكي و عم يقولو أنو نوعية العدسة و جودتها مو خرج أنو تكون استخدمت كوسيلة رؤية. :humm:

عدسة نمرود لاقاها عالم آثار بريطاني اسمو السير جون لايارد بال 1850 ميلادي بحملة تنقيب و حفريات بقصر الملك نمرود بالمدينة اللي اسمها نمرود. لما رجع ع انكلترا لواحد فيزيائي مختص بالعدسات، السير ديفيد بريوير، اللي فكر أنو ممكن تكون عدسة تكبير أو عدسة تركيز أشعة الشمس.

هلق الافتراض الأولاني تبع أنو تكون عدسة تكبير زابط منيح لأنو الحرفيين الآشوريين كانو يعملو أختام صغيرة معقدة و ينقشو نصوص منمنمة ع ألواح الصلصال ما كان ممكن يساووها بدون شي وسيلة تكبير. و هالفتراض ممكن يقبل فيه كتير من العلماء. بس شيت أنو هالحجر الكريستالي هو قطعة من تيليسكوب لاقوها تقيلة شوي.

بس صديقنا جيوفاني ضل مصر ع نظريتو:-x و رد عمناقضيه بسؤال: كيف ممكن نفسر أنو الآشوريين القدماء صوروا كوكب ساتورن بصورة إله محاط بحلقة من الأفاعي؟ معقول يكونوا شافوا، بالتيليسكوب تبعون، الحلقة المحيطية تبع ساتورن و رسموها أفاعي؟؟ حجة مو كتير ظابطة حسب المعارضين قال لأنو الآشوريين كانو طارشين أفاعي بتلت رباع رسماتهم و وجود أفاعي برسمة ساتورن ما بيعني شي... و كمان ما في و لا نص بالألواح الصلصالية تبع الآشوريين بيذكر أنو كان عندن هيك اختراع. بيرد بيقلون صاحبنا أنو الآشوريين ما كتبو عن التيليسكوب شي لأنو كان أسرار عسكرية.....

آخر شي أكدو جيوفاني أنو جاليليو مو هو اللي اخترع التيليسكوب بس أكيد هو أول حدا دارو باتجاه السما. و اللي بيحير بالموضوع أنو العدسة بوقت جاليليو كان صرلها ميات السنين عم يستخدموها كنظارات للعيون بس ما ظهرت كتيليسكوب للقرن السطعش.

ع كل حال إن كانت قطعة مجوهرات ولا عدسة تكبير و للا ان كانت شقفة من تيليسكوب بتضل عدسة نمرود أول عدسة صنعية عرفها الانسان. فتحية للآشوريين.......:bow:

اي يا ريت لو تحط صورة لهذه العدسة و صورة لرسم الاشوريين لزحل ... بيكون قدمت شي حلو النا و للاشوريين !

جربت أول مرة مع النص ما زبط
جربت حط الصور برد لحالون كما ما زبط
ممكن تساعدني يا سوريويو

عزيزي Eos
ألف تحيّة وشكر على هذه المعلومات الطّريفة والقيّمة في الوقت نفسه!
هل هناك مرجع أو مصدر معيّن نطالع فيه هذا الخبر: كتاب أو موقع أو منتدى أو أيّ شيء آخر. فالموضوع هامّ بنظري لأنّه إن صحّت نظريّة العالم الإيطاليّ يكون صحيحاً على الدّوام "أنَّ التقدّم العلميّ" لا يتمّ إلا في حاجاته العسكريّة والأمنيّة، والولايات المتّحدة الأميركيّة مثال حيّ من عالمنا هذا.

جربت أول مرة مع النص ما زبط
جربت حط الصور برد لحالون كما ما زبط
ممكن تساعدني يا سوريويو
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ;-)

أخ قرصان: انت قرصان طلياني و لا صقللي و لا من الجبل السود، المونتي نيغرو يعني.... شنو بتفرق
ع كلن هي رابط بيتفرع منو روابط بحبش فيون ع كيفك:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أما انت ايتها الصبح فشكراً لك بس الطريقة اللي بعتيلي ياها هي اللي جربتها قبل و ما زبطت

أخ قرصان: انت قرصان طلياني و لا صقللي و لا من الجبل السود، المونتي نيغرو يعني.... شنو بتفرق


أنا قرصانٌ، كما أُسمَّى، اخترتُ من الأدرياتيك موطناً أجول فيه وأتحدّى سفنَ الزّمن الغارق!!!

وشكراً للرّابط.

جربت أول مرة مع النص ما زبط
جربت حط الصور برد لحالون كما ما زبط
ممكن تساعدني يا سوريويو
اطلع عالردود ((بالرابط اللي عطيتك ياه)) من بعد الرد رقم 12 و ان كان ضل في مشكله بامكانتك تراسلني بالصور و انا بضفلك ياهم ..

:D