كانت تدعي انها علمانية و ضد التطرف و تهاجم دعاة الفكر المنغلق .. و لكن عندما كبرت ....... و من أجل زوج و أي زوج - إرهابي أخونجي .. من دون لا إنسانية و لا إحساس .. تنازلت و أذلت نفسها و كل يوم يذلها أكثر و أكثر ---- أرغمها على ارتداء الحجاب ، ثم ضيق عليها ، و منع أهلها من زيارتها و حول البيت لسجن صغير .... هل يعقل أن تقبل المراة كل هذا الذل لتتزوج و تمسخ كيانها مع شخص تعرف أنه غير سوي عقلياً ..

معلمي خدني بحنانك , بس عطيني الفكرة اللي لازم نناقشا من هالتلات سطور

يعني إنت عم تنزل موضوع حواري بالمنبر ممكن تتفضل تشرحلي شو الفكرة لأني ما قدرت أستنبطا ؟!

بتوقع عم يحكي عن التنازلات التي تقدمها المرأة كي تتزوج ..وخاصة اللي بتكون ضد مبادئها بس بدها تنستر وبس ......أوف يعني مو ذنبها الخلوقة ذنب المجتمع اللي دجنها بتعقيداته ..يعني كأنك مصدوم مو؟

انا حاسس انو عم يحكي عن حدا معين .. :larg:

اجت الترجمة...

الأخ قصدو عن النزعة الاجتماعية الموجودة عندنا و القائلة بانو مصير أي امرأة مهما عملت "لعب عيال" و درست و تدرجت بالحياة العملية و صارت شغلة كبيرة.. مصيرها انو تكون زوجة بالدرجة الأولى و قد تكون الوحيدة.. فتلاقي أحيانا امرأة متعلمة و ناجحة بحياتها و تنهي حياتها العملية و تتزوج أي واحد مش ولا بد قبل ما تعنّس...


فهمنا شي؟ :pos:

هلأ .. مممم

أنا يؤسفني أحيانا انو مثلا .. بمجتمعنا مفهوم الاستقلالية يأخذ مفهوم خاطئ ببعض جوانب مجتمعنا "السوري"
الاستقلالية انو البنت تسكن بمحافظة أخرى "فرضا".. بهدف تحقيق طموح دراسي أو على صعيد العمل ..
الذي يؤسفني انو هل بنت تضطر تقعد بالبيت .. أو تؤدي عمل لا رغبة لها به أو حتى دراسة ليست ضمن طموحاتها .. بسبب متل هاد .. بينما الشاب .. عادي جداً ..

مفهوم انتاجية المرأة بعد الزواج بمجتمعنا "بشكل عام " عم يصير انو هدف المرأة تدير بالا عل بيت أولا و ازا عبالا تتسلى انو اي معلش تشتغل شي خفيف .. انو هل مرأة ما عندا طموح متل يلي عند الرجل ؟..

انا شخصيا .. ضد حد طموح مرأة أو رجل ... في سبيل عدم ايجاد حل تعاوني .. للوصول الى أسرة بنّاءة متكاملة ..
هذا من ناحية أخر لا يعني تدمير أسرة في سبيل حصول الطرفين و أحدهما على هذا الرضا .. متل ماقلت غالبا في حل تعاوني ..= لازم على الرجل التفاعل منزليا كما المرأة .

هلأ .. مممم

أنا يؤسفني أحيانا انو مثلا .. بمجتمعنا مفهوم الاستقلالية يأخذ مفهوم خاطئ ببعض جوانب مجتمعنا "السوري"
الاستقلالية انو البنت تسكن بمحافظة أخرى "فرضا".. بهدف تحقيق طموح دراسي أو على صعيد العمل ..
الذي يؤسفني انو هل بنت تضطر تقعد بالبيت .. أو تؤدي عمل لا رغبة لها به أو حتى دراسة ليست ضمن طموحاتها .. بسبب متل هاد .. بينما الشاب .. عادي جداً ..

مفهوم انتاجية المرأة بعد الزواج بمجتمعنا "بشكل عام " عم يصير انو هدف المرأة تدير بالا عل بيت أولا و ازا عبالا تتسلى انو اي معلش تشتغل شي خفيف .. انو هل مرأة ما عندا طموح متل يلي عند الرجل ؟..

انا شخصيا .. ضد حد طموح مرأة أو رجل ... في سبيل عدم ايجاد حل تعاوني .. للوصول الى أسرة بنّاءة متكاملة ..
هذا من ناحية أخر لا يعني تدمير أسرة في سبيل حصول الطرفين و أحدهما على هذا الرضا .. متل ماقلت غالبا في حل تعاوني ..= لازم على الرجل التفاعل منزليا كما المرأة .

bravo 7akiak kteer mnt2e u mzboot, ana m3ak 100% suuper words

هل يعقل أن تقبل المراة كل هذا الذل لتتزوج و تمسخ كيانها مع شخص تعرف أنه غير سوي عقلياً ..

هي في حالة ما اكتشفت بالآخر انو مو سوي عقليا كمان... بس انو اي يعقل ليش لاء...
لما مجتمعنا اليوم بيربي النساء على مبدأ "ظل راجل ولا ظل حيطة" بتصير الوحدة منهن تقلك يلا حتى لو كان حمار بتزوجو بس المهم اخلص من لساناتون...
للأسف بمجتمع بعدو بينظر للمرأة كعورة وكشي منقوص وكعلة وكشي قاعد على قلوبون ولازم يشوفولو صرفة كيف ما اجت تيجي... شي كتير طبيعي انو تنوجد هي الحلات... ويلي فيها البنت بتكون مسيّرة ومش مخيّرة... يعني ماشية وماشية ورا هلقطيع....

عادي بتكون البنت اعتمدت عالمتل القائل الرجال بالبيت رحمة ولو كان فحمة ...:pos:
بعدين الموضوع من أساسو مانو حالة عامة يعني طباع البشر بتختلف وما فينك تعمم حالة على كل البنات

لا أظن أنه رحمة و لو كان فحمة - فقد تعود لبيت أهلها مذلولة بعد هذا الذل ... ما لم يكن هناك تفاهم فكري فقبول المرأة الخنوع بهذا الشكل ليس سترة بل مذلة من دون نهاية ..

العنوسة و لا زواج الذل ......

يعني معقول بعد ما تتقدم المرأة بكل شي .. تجي تتزوج شخص يمنعها من ابسط حقوق الحياة !

هلأ الغلط صاير غلط مشترك من الرجل والمرأة.. بسبب ضغط من المجتمع أو بسبب عادات موروثة وتفكير رجعي
بس برأيي هالجملةسقطت من عيني يا من تتنازلين من أجل أن تتزوجي " فيها بعض الاستثناءات خاصة بمجتمعاتنا العربية
يعني القصد : أنا ضد انو امرأة تتنازل عن احد حقوقها من اجل الزواج ..
بس ما فيي قول نو اكل امرأة تنازلت لتتزوج أنها " سقطت من عيني "
لأن الظروف أقوى من المرأة بالحالات الاستثنائية وصاير مجتمعنا العربي أغلبو حالات استثنائية .
مافيها امرأة وحدة أو عشرة أو 100 يغيرو هالشي
الشغلة بدها اعادة تربية.. التخلص من تقاليد بالية وقوانين والبدء من أول وجديد

أوف يعني مو ذنبها الخلوقة ذنب المجتمع اللي دجنها بتعقيداته ..يعني كأنك مصدوم مو؟

شو سنها
حسيت اوسكار بتحكى عن بنت بالروضة تخضع للمعلمة خوفا من عصاها!!!!!!!

يعنى عم بتقول انسانة مثقفة وليها نظرة علمانية....يعنى على مستوى متقدم بالفكر
طيب بنعتبر هذه التجربة زلة مسموح بيها ع اساس لكل عالم هفوة...هلا الحل بتنفصل فورا عن هذا الشخص وبتنهى مهزلة

انا مش فاهمة شو هالعقدة هي ؟؟ يعني البنت ما تزوجت وضلت ساكنة ببيت اهلها او حتى لحالها شو المشكلة يعني ؟؟
وشو دخل المجتمع بالنص بدهن يحكو ؟ يحكو لينفلقو
البنت الي ببتنازل عن كل اشي مشان تتزوج هي بتكون شخصيتها ضعيفة
لما يكون المجتمع غلط المفروض انو هي توقف ضد الغلط مش تنجر وراه

وشو دخل المجتمع بالنص بدهن يحكو ؟ يحكو لينفلقو
البنت الي ببتنازل عن كل اشي مشان تتزوج هي بتكون شخصيتها ضعيفة
لما يكون المجتمع غلط المفروض انو هي توقف ضد الغلط مش تنجر وراه
مو الموضوع حكي الناس
مو كل البنات مخيَرين بقراراتهم
في الفقر بيكون سبب . ضغط الأهل . قلة الوعي ..وغيرو من الأسباب

طيب انا معك بهي بس برضو بقول مش لازم تخلي حدا يتحكم بحياتها ولازم تكون شخصيتها قوية وتوقف للكل يعني بعد في ناس بتطلع على البنات كانهن شي ناقص وبغدروش يعملو ويحققو اشي وهني رسالتهن بالحياة بس انهن يتزوجو ويخلفو
هذا الاشي غلط ومش لازم يضل يعني اذا البنات نفسهن بغيروش هذا الاشي بحياتو مش رح يتغير

طيب انا معك بهي بس برضو بقول مش لازم تخلي حدا يتحكم بحياتها ولازم تكون شخصيتها قوية وتوقف للكل يعني بعد في ناس بتطلع على البنات كانهن شي ناقص وبغدروش يعملو ويحققو اشي وهني رسالتهن بالحياة بس انهن يتزوجو ويخلفو
هذا الاشي غلط ومش لازم يضل يعني اذا البنات نفسهن بغيروش هذا الاشي بحياتو مش رح يتغير
مزبوط مشان هيك قلت من قبل

الشغلة بدها اعادة تربية.. التخلص من تقاليد بالية وقوانين والبدء من أول وجديد
بس اول خلينا نعرف الأسباب والمسببات أحسن ما نقول الحق على مين
لأن للأسف أغلب الأحيان الحق مع الكل
:D

هلا صحيح انو بحس القصة شوي مبالغ فيها! يعني شو جاب لجاب؟!
بس انو اذا اخدنا وضع المراة في مجتمعنا بعين الاعتبار، بالاضافة لذلك انو اخي هي انسانة والها ظروفها والها حاجاتها، فينا نقول انو ممكن تصير حالة استثنائية...

مع هالظلم الكبير للمراة بالمجتمع الذكوري والوضع المزري ممكن انا شخصيا اتغاضى عن اي تنازل للمرأة عن حقوقها حتى لو كانت ذات قضية (يعني خلينا شوي واقعيين)... بس الشغلة الوحيدة يلي برفضها مهما كنت واقعي والشغلة الوحيدة يلي ممكن لوم فيها المراة هيي لما شوفها عم تدافع عن هالظلم وتحاول تبرر وضعها وانها مقتنعة فيه!!

------
عالهامش: كنت اتمنى لو انكتب الموضوع بصيغة موضوع للنقاش خصوصا انو بالمنبر.. لانو متل ماهوي حالياً بيصلح اكتر انو يكون خاطرة.

شو بدك تعمل بدك تغير المجتمع و بدك تغير كذا مليار

مخون محاط بحاجز اسمنتي 7 انش

بتعرف احسن شي تعملوا انو ما تخلي هال كم مليار يغيروك

يعني ما بعرف ايش بتقصد من هلتلات سطور؟؟
بس على كل الأحوال كلامك متناقض يعني انت عم تقول امرأة علمانية وارتبطت برجل ارهابي اخونجي
يعني كيف هيك صارت ؟؟ يعني حتى لو هي وافقت تتزوج هلأرهابي الأخونجي على حد قولك هو مستحيل يتزوجها؟

يعني كيف هيك صارت ؟؟ يعني حتى لو هي وافقت تتزوج هلأرهابي الأخونجي على حد قولك هو مستحيل يتزوجها؟
حيرتني اشارة الاستفهام بآخر الجملة .....
على كلن اذا كنت تقصد انو الرجل مستحيل يتزوجها حتى لو وافقت، فشو الي خلاك تتأكد من هالشي؟

حيرتني اشارة الاستفهام بآخر الجملة .....
على كلن اذا كنت تقصد انو الرجل مستحيل يتزوجها حتى لو وافقت، فشو الي خلاك تتأكد من هالشي؟

صاحبنا بيقصد من كلمة الأخونجي الأرهابي يعني التكفيري
يعني بينظر للمرأة العلمانية على انها كافرة او في احسن احوالها فاسقة يعني مستحيل يتزوجها

صاحبنا بيقصد من كلمة الأخونجي الأرهابي يعني التكفيري
يعني بينظر للمرأة العلمانية على انها كافرة او في احسن احوالها فاسقة يعني مستحيل يتزوجها
فهمان عليك بس كمان ما بتزبط انو "مستحيل" يتزوجها...

اول شي اسلوب طرح الموضوع مو واضح بتاتا وكأنك بتحكي عن حالة بس هالحالة برضو فيها تناقض كتير كبير ....ولما قلت اخونجي وبعدين تكفيري وسجن وهالقصص فإنت كتير خبصت لانو مو معناة اخونجي يعني بدو اياها بسجن واذا اخونجي من هالنوع فانا ما بتخيل انو من الاساس يقبل يرتبط فيها لانو بتنافي البنت يللي بحلم فيها كشخص متدين بشدة .....وهيي كمان ليش قبلت فيه مع انو قناعاتها علمانية وحياتها مو نمط حياتو!!!يعني القصة كلها مو زابطة.

بس ممكن ننظر للموضوع بمنظار انو وحدة بتقبل تتزوج شخص ما بناسبها وهاد بحد ذاتو موضوع كتير كبير بنعاني منو والسبب مو واحد فينا نقول انو ممكن يكون وصول المرأة لعمر معين بيحسسها بانو هيي وصلت لمرحلة عنوسة مو بنظر المجتمع بس لكن بنظر نفسها وحاجتها للجنس الاخر ما في بيد اي شخص انو ينكرها لانو فطرية فيعني ممكن توافق لانو هيي محتاجة زوج ومو لاقية...وممكن ترتبط بشخص ما بناسبها بضغط من اهلها نتيجة انو الاهل ممكن شايفين انو فرصة ما بتتعوض او ممكن النظرة يللي انا ما بطيقها وهيي انو بس بدن البنت تنستر شو ما كانت السترة هاد لانو البنت عورة وهمها للممات...
وممكن يكون الضغط يللي بتعاني منو المرأة ببيت اهلها بخليها تلجأ لتتزوج شخص ما بيناسبها بهدف انو تتخلص من هالجو يللي عايشة فيه.

باختصار نحنا ما بدنا ننظر لاي موضوع نظرة افلاطونية على اساس انو كلنا واعيين وكلنا فينا نتخذ قرارات وكلنا فينا نستقل نحنا عايشين ضمن منظومة مو الكل بيقدر يخالفها ويتمرد عليها بس فينا شوي شوي وبالارادة نتغير ليكون اقل شي في شريحة من المجتمع بتحمل فكر فينا نقول انو صح وفينا نقول انو هالشريحة بتعبر نوعا ما عن الحضارة يللي بنتمنى نشوفها والحياة يللي فينا نبنيها.

بس ممكن ننظر للموضوع بمنظار انو وحدة بتقبل تتزوج شخص ما بناسبها وهاد بحد ذاتو موضوع كتير كبير بنعاني منو والسبب مو واحد فينا نقول انو ممكن يكون وصول المرأة لعمر معين بيحسسها بانو هيي وصلت لمرحلة عنوسة مو بنظر المجتمع بس لكن بنظر نفسها وحاجتها للجنس الاخر ما في بيد اي شخص انو ينكرها لانو فطرية فيعني ممكن توافق لانو هيي محتاجة زوج ومو لاقية...وممكن ترتبط بشخص ما بناسبها بضغط من اهلها نتيجة انو الاهل ممكن شايفين انو فرصة ما بتتعوض او ممكن النظرة يللي انا ما بطيقها وهيي انو بس بدن البنت تنستر شو ما كانت السترة هاد لانو البنت عورة وهمها للممات...


بس ليش ما نقول ممكن تزوجت الشخص بدافع الحب ... و على مبدأ الحب ممكن يذوب كل المشاكل ...



برأيي .. الزواج بين المختلفين فكريا ممكن يكون ناجح اذا كان الطرفين من المعتدلين و المتفهمين

بس ليش ما نقول ممكن تزوجت الشخص بدافع الحب ... و على مبدأ الحب ممكن يذوب كل المشاكل ...



برأيي .. الزواج بين المختلفين فكريا ممكن يكون ناجح اذا كان الطرفين من المعتدلين و المتفهمين

عزيزي زيد لقلك شغلة
انا بالنسبة الي مثلا بحبذ الناس يللي بختلفوا عني بكل شي تفكيرهم اسلوبهم بالحياة وبيتفقوا معي بشي واحد هوي المبادئ لانو اذا اختلفنا بهالشي ما فينا نتفق.....والحب معناتو تقبل الطرف الاخر بعلاتو يللي بنشوفها فيه مو اجبارو على انو يكون نسخة منا ....هاد اول شي

تاني شي ردي كان عالموضوع بناء على عنوان الموضوع يللي تنازلت لتتزوج .
بس النقطة يللي زكرتها انت كتير حلوة اذا كان في نضوج فكري بالمجتمع مو تخلف لا نحسد عليه:D

عزيزي زيد لقلك شغلة
انا بالنسبة الي مثلا بحبذ الناس يللي بختلفوا عني بكل شي تفكيرهم اسلوبهم بالحياة وبيتفقوا معي بشي واحد هوي المبادئ لانو اذا اختلفنا بهالشي ما فينا نتفق.....والحب معناتو تقبل الطرف الاخر بعلاتو يللي بنشوفها فيه مو اجبارو على انو يكون نسخة منا ....هاد اول شي

تاني شي ردي كان عالموضوع بناء على عنوان الموضوع يللي تنازلت لتتزوج .
بس النقطة يللي زكرتها انت كتير حلوة اذا كان في نضوج فكري بالمجتمع مو تخلف لا نحسد عليه:D
هو الارتباط بشخص ممكن يكون الارتباط بعائلة و اهل الشخص ... !!

و بهذه الحالة يكون التفاهم صعب على كثير امور ...

لذلك وصلنا لنقطة ...
ارادة الشخصين و طبيعة المجتمع هي اللي رح تحدد كثير امور في العائلة !

هو الارتباط بشخص ممكن يكون الارتباط بعائلة و اهل الشخص ... !!

و بهذه الحالة يكون التفاهم صعب على كثير امور ...

لذلك وصلنا لنقطة ...
ارادة الشخصين و طبيعة المجتمع هي اللي رح تحدد كثير امور في العائلة !

للأسف انا ما بتفق معك بهالنقطة لانو ارادة الطرفين مهما كانت قوية رح تتأثر بالظروف والمجتمع والأهل الا في حالة انو تركوا المكان وطلعوا منو يعني ما يشوفوهم غير بالسنة مرة بهالحالة ممكن يصير التفاهم يللي بتحكي عنو

بس هاي مو هي النقطة لانو نحنا بنحكي عن الخلاف الفكري بين هالطرفين بغض النظر عن توجه العيلتين ...