الحفلة كانت روعة
طبعا الحضور كان مستعد تماما للحفلة متل ما قال زياد نفسه بآخر الحفلة
قال : " جايين حتى نسمعكن صرنا نسمع منكن "
قدم الرائع زياد احلى واجمل الأغاني واستعار من بعض الفنانين الآخرين متل زكي ناصيف و الأخوين رحباني ...
كما انو بقي حوالي الساعة والنصف وهو يقدم ما لديه من جديد إضافة للقديم وقد فوجئ على حد تعبيره بأن الجمهور حافظ كل شي ..
استغرب زياد من الترحيب والتحضير والجمهور المتفاعل وكان يود لو اطال الحفل قليلا إلا ان التمرينات التي تمرن عليها فريقه قد انتهت ووعد انه في مرات قادمة سيستعد اكثر ...
الحفلة التي أقيمت في قلعة دمشق كانت في غاية الترتيب على غير عادات الحفلات التي تقام بمثل هذه المناسبات فالحضور ملتزم لم يقم اي شخص عن كرسيه طيلة وقت العرض وكان التفاعل مع الأغاني يمثل بالتصفيق الشديد عند قول زياد لأي كلمة او بحة او قهقهة وخاصة عندما كان يغني فالصمت كان يطبق على حوالي 3500 شخص بانتظار همسات زياد او غنائه ... حتى أن الجمهور كان يعلم اي أغنيه سيقدم منذ النغمة الأولى للمقطع الأول للأغنية وهذا فعلا اثار اعجاب زياد إلى حد كبير مما دفعه إلى اعطاء افضل ما لديه



طبعا الي ما أخد بطاقة لسا لهلأ فيه يروح على الأمانة العامة لأنو مددوا الحفل ليوم 19 الشهر

... وخلص ....

طبعا هيدا الخبر لا ملطوش ولا منقول هيدا رؤيتي أنا لأني كنت من الحضور بس ما بقدر نزل الصور لأنو كان التصوير ممنوع والصور كلها ليلية بس رح جيب الصور من مصادر مقربة من الاحتفالية ونزلها قريبا .

يعني الحفلة بتبيض الوجه وياريت لو كنت موجود بالحفلة :pos:
بس lolit تكفلت بالمهمة وحكيت عنا وأنشالله 19 بالشهر بكون موجود بالحفلة أنا كمان ومنشوف مباشر ;)

مشكور واحلى ابو الزوز والله

يعني الحفلة بتبيض الوجه وياريت لو كنت موجود بالحفلة :pos:
بس lolit تكفلت بالمهمة وحكيت عنا وأنشالله 19 بالشهر بكون موجود بالحفلة أنا كمان ومنشوف مباشر ;)
وجهك ابيض بس عنجد مو لأني متحيزة كتير لزياد بس لأنو الحفلة روعة كانت
وانشاء الله بتكون الحفلة يوم 19 الشهر احلى من الأولى كمان ومارح تندم والله

مشكور واحلى ابو الزوز والله
مسيو روميو أنا مشكورة يعني انا صبية وست الصبايا
واكيد شكرا لمرورك:p

رح حاول نزل كل ما كتب عن الحفلات بالصحف والتلفزيونات يارب اتوفق بالجمع .... وهاي أول مادة

أخذ المتزاحمون على باب قلعة دمشق يطلقون النكات ليقتلوا الوقت ويتجاوزوا طريقة الدخول السيئة إلى حفلة زياد الرحباني في يومها الأول في مسرح قلعة دمشق والتي بدأت الساعة العاشرة ليلا وانتهت الثانية عشرة، أحد المتذمرين قال : "رحلة الـ25 متراً"، وآخر قال: "إلى زياد عبر الـ25 مترا ودهرا من الانتظار" ... بعد التزاحم والتدافع وصلنا بأمان إلى المقاعد المصطفة بجانب بعضها البعض والمقسومة لثلاث فرق، جمهور مختلف في العمر والثقافة جمعه حب (كلمة وموسيقى) زياد، وقد وصل عدد هذا أكثر من ثلاثة آلاف شخص
.////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عند باب الدخول، وقف شبان وصبايا يرحبون ويعطون الداخلين بروش دائري الشكل عليه صورة زياد وأعلاماً عليها ذات الصور الإعلانية المنشورة في الطرق ونسخة عن برنامج الفعالية الاحتفالية ... ومن خلال بعض نسمات الهواء المنعشة في ليل صيفي، أخذت مجموعة من الجمهور تغني لزياد، ومجموعة ترحب بأصدقائها ومعارفها، ومجموعة ثالثة تغير مكان جلوسها بحثا عن الموقع الأفضل لرؤية " أبو الزوز"، ومع اقتراب موعد الحفل حدث انقطاع لثلاث مرات بالكهرباء، وبدأت هتافات وتعليقات الجمهور وخوفهم من استمرار هذا الانقطاع، ولحسن الحظ لم يتكرر خلال الحفل، وبعد فترة قصيرة وقف الجميع على الكراسي ليحيوا زياد وفرقته وقت دخولهم، وبدء الحفل بمقطوعة موسيقية وكان الصمت الجميل والعزف الأجمل بقيادة المايسترو" كارن درغاريان "... وقد كان عدد العازفين حوالي الأربعين عازفاً.

أما المغنيات –المؤديات- فكن ستة فتيات بينهن المطربة الشابة السورية رشا رزق والتي أدت وبشكل منفرد معظم الأغاني .

ومما لاحظه عدد كبير من محبي زياد، أنه كان في بداية الحفل مرتبكا مترددا لدرجة انه لم ينظر إلى الجمهور مباشرة، وانكب يعزف على البيانو ولكن بعد المعزوفة الأولى والأغنية الأولى وتفاعل الجمهور الراقي في الإصغاء و الغناء، كسر زياد الحاجز، وصار يوجه حديثه الودي مداعبا الجمهور حينا ومادحا إياه حينا أخرى، ومما قاله معلنا كسر الحاجز: هلق هيك صار فينا نكمل السهرة ونغني .

بداية رحب متحدث باسم فرقة زياد بالجمهور، وقال :" دايما في معد لسيناريو كل حفلة بس أكيد انو الليلة المعد والبطل هو انتو والدليل هوه استعدادكم وحماسكم الواضح فانتو أبطال العرض اليوم".
بعد انتهاء المقطوعة الموسيقية كانت أغنية صباح ومسا .. ثم تقدم المتحدث باسم فرقة زياد ليتكلم فخرج زياد من عالمه وانسجامه مع العزف ليخاطب الجمهور بأسلوبه اللطيف الخاص به :" خلص يا عمي بدنا نغني بعدين أنت بتحكي"، وبدأ زياد يردد دون موسيقى كلمات " شو هل الأيام يلي وصلنا لها أل انو غني عم يعطي فقير كنو المصاري قشطت لحالها ع هيدا نتفه وهيدا كتير ... "وأخذت الحفلة شكل التواصل والانسجام بين زياد ومحبيه، حتى بدوا أنهم جزء من الكورال الذي يحفظ جيداً كل ما غنى الليلة، مما دفع بزياد إلى القول :" بصراحة تصورنا قد ما فينا نتصور لما قالوا إلنا انكن حافظين الأغاني وهلق كنا عم نتمرن معكن لنشوفكن بس طلعتوا حافظين كل شي ... يعني نحن كنا جايين لنسمِعكن طلعنا عم نسمَعكن ... ولما الأمانة العامة للثقافة قالوا إلي توقع من جمهور الشام كل شي هنن بيحبوك وحافظين كل شي فكرت كتير كيف بدي اشكركن مابعرف من وقتها عم فكر كيف ..." هنا قاطعه الجمهور بعدة اقتراحات منها غني إلنا كمان ... خليك معنا للصبح ... فقاطعهم زياد بس وصلت لنتيجة اسمعوني ... فسكت الجميع مترقباً فقال : النتيجة انو ما في طريقة أشكركن فيها فـ شكراً كتير لإلكن.


سحر الطويل - خاص الدنيا

وهاي المادة التانية
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
زياد اطرب السوريين واطربوه "حتى القمر جاء ليحضر زياد الرحباني في دمشق" بهذه العبارة كان الجمهور السوري الذي افترش مسرح قلعة دمشق القديمة يتبادل الكلام احتفاء بالموسيقاراللبناني زياد الرحباني.
أنشد زياد الرحباني وفرقته بين أحضان التاريخ القديم، بينما معظم جمهوره الذي تجاوز الثلاثة آلاف في أمسية الجمعة كان دون سن الثلاثين عاما.
زياد الذي بدا في أول أمسياته متألقا في أكثر من عشرين مقطوعة موسيقية وغنائية أداها وسط تصفيق متواصل من الجمهور الذي ردد خلفه معظم أغانيه.
وهنا قال زياد مقاطعا كعادته بعض المعزوفات "جينا لنسمعكم.. سمعتونا.،جينا لنطربكم.. أطربتونا. يمكن ما كان في حاجة لنتدرب صرنا عم نفكر كيف نشكركم. بالنتيجة أقول إنو أنا اللي شفتو اليوم ما شفتو بحياتي".
واتكأ الابن الرحباني على كتف قلعة دمشق عندما كان القمر يراقبه وسط سماء صافية وهو يؤدي مجموعة من أجمل أعماله الموسيقية.
كل شيء في المكان كان خاصا ولافتا وساحرا". هكذا تقول نور الشطي، وهي من فريق عمل احتفالية دمشق والتي تهيأت لحضور حفلة زياد قبل أكثر من شهر.
ومضت تقول :"حتى لو لم أكن ضمن فريق عمل الاحتفالية لكنت حضرت حفلات زياد الخمس، أعتقد أنه موسيقي عبقري. نحن جيل ليس لدينا الكثير من الموسيقيين الذين يشبعوننا بالأفكار بدلا من أن يساعدونا على تحريك أجسادنا".
زياد ... صاحب أعمال "نزل السرور" و"العقل زينة" و"فيلم امريكي طويل" خاطب جمهوره الكبير في أحد أغنياته والتي مطلعها "شو هالايام اللي وصولنالا قال انو غني عم يعطي فقير.. كنو المصاري قشطت لحالها.... كل المصاري المسحوبة من جيوب الناس لازم ترجع ع جيوب الناس".
وقبل أن يتم زياد كلمات أغنيته هذه ، ألهب الجمهور المسرح تصفيقا وتأييدا وصراخا، وكأن زياد قال ما يريد أن يقوله الكثير من السوريين.
بعد انتهاء الموسيقار اللبناني الشهير الذي يكنى "بأبي علي" من مقطوعته هذه علق - وهو يجلس خلف البيانو الذي احتضنه - بالقول "الحقيقة المصاري مسحوبة من جيوب الناس"، هنا أعاد زياد الجمهور إلى فورانه بهذه العبارة .
الأنباء التي يتناقلها الناس في كواليس الأوساط الثقافية والاجتماعية السورية تقول إن زياد لم يرتض لنفسه أجرا من الحفلات الخمس التي سيقيمها في دمشق بالتعاون مع الأمانة العامة لاحتفالية دمشق عاصمة للثقافة العربية, لكنه وافق فقط على إعطاء الفرقة المرافقة له أجرها والمؤلفة من أكثر من خمسين موسيقيا بينهم سبع وعشرون سوريا والباقي من أرمينيا وفرنسا وهولندا وبريطانيا ، وبطبيعة الحال من لبنان.
ويقود هذه الفرقة المايسترو كارين دور جاريان وهو المايسترو ذاته الذي كان يقود حفلات فيروز في مهرجانات بيت الدين في السنوات الأخيرة.
دمشق التي تستضيف زياد كرمته "الاحتفالية" بشكل لافت، الإعلانات منتشرة في كل الطرقات وبوسترات ورقية بقياسات مختلفة، عبارات الاحتفاء عميقة المعنى والدلالة "زياد في قلب دمشق"، و"سهرنا يا أبو الأحباب"، و"لأول مرة منكون سوا".
فضلا عن أنها وزعت عنه بيبلوجرافيا كاملة مع مجموعة أقراص مدمجة تحوي صوره في مراحل مختلفة، والجمهور الذي يتدفق قبل ساعتين من إغلاق أبواب الحفل يتلقى على باب قلعة دمشق أعلام عليها صور زياد وكلمات لبعض أغانيه إضافة لشعار يوضع على الصدر فيه رسم لصورة زياد.
برنامج حفل الفنان اللبناني زياد الرحباني, تنوع بين مقطوعات موسيقية هادئة وموسيقى وأغاني اعتاد الجمهور سماعها، وهي الأكثر انتشارا مثل أغنية "تلفن عياش"، و"عودك رنان"، و"بلا ولاشي"، و"تمرق علي امرق مش فارقة معاي"، و"أهو دا اللي صار"، و"بما إنو كل شي نظيف"، إضافة لحوارية فرنسية عربية، وغنى زياد لصديقه المرحوم جوزيف صقر قائلا "الآن سنغني أغنية لجوزيف صقر الله يرحمه.. على طريقتنا الخاصة بدنا نقلوا شي. خبرني عن أخباره".
قبل أن يختم زياد حفلته التي امتدت لقرابة الساعتين, استجاب وتحت ضغط طلب الجمهور وصراخه وتصفيقه إلى أن يعيد إحدى اغانيه مرة أخرى قبل أن يسمح لفرقته بالانصراف إلى الكواليس.
(د ب أ)

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

قبل بدء الحفلة الاولى لزياد الرحباني في سوريا على مدرج قلعة دمشق بساعتين ظل الجمهور السوري يغني أغانيه ... حتى بدء الحفلة مما حدا بأحد أعضاء فرقته للتعليق : هناك حفلات يعرف من بدايتها طبيعتها ... وانتم من بدايتها بطل هذه الحفلة .
أما زياد فقد غنى كل اغانيه التي يعشقها الجمهور السوري من تلفن عياش الى عايشة وحدا بلاك و صباح ومسا ، وفي نهاية الحفل الذي استمتع فيه الجمهور بالمقطوعات الموسيقية مثلما استمتع بالاغاني وقف زياد وقال : مو متوقع هيك ولا بحياتي شفت هيك ، وقال : فكرت كتير كيف بدي اشكركون ، كنا مفكرين حالنا بدنا نسَمعْكون طلعنا بدنا نسَمعلْكوٌن ، والطريف انه عندما كان يقول للجمهور عن كيفية الشكر ، كانوا يقولون له " كمل " فقال : الا تريدون معرفة النتيجة فسكت الجمهور فقال : لااعرف كيف اشكركم .
16/08/2008 01:44 AM

انفورمرسيريا

زياد الرحباني يحتل «قلب» دمشق بموسيقاه وصوته


لم يخيّب زياد الرحباني جمهوره السوري. في أول موعد له معه. وتحوّلت قلعة عاصمة الأمويين مكاناً لغرام تخطى العلاقة بين الموسيقي وجمهوره. لقاء بدأ مساء أول من أمس وفجر كل «المخبأ» في النفوس بعد انتظار طال، كاد يتحول «قصة حبّ من طرف واحد».
وبعد أعوام طويلة من «الغرام من بعد»، استطاع الجمهور السوري لقاء زياد الرحباني. وفي القلعة التاريخية كان من الصعب معرفة متى بدأت الحفلة... ومتى انتهت. فالغناء كان متواصلاً، بلا بداية أو نهاية واضحة. زهاء 3500 شخص توزعوا على كراسٍ رصفت في ساحة القلعة، لتواجه مسرحاً ضخماً أعدّ لهذا اللقاء. الأبواب فتحت قبل ساعتين من بدء الحفلة، تجنباً للازدحام. ومع ان دخول الجمهور بدا يسيراً، حتى أن بعض القادمين شككوا إن كان الحديث عن «الجمهور الكبير المتعطش» ضرباً من الشعارات، ولكن بمجرد الدخول انفتح المشهد على حضور مكتمل تقريباً، حضر مبكراً ليحجز الأماكن الأفضل.
ساعة تفصل عن موعد البدء، ولا أثر للموسيقيين، لكن الغناء مشتعل. في مقدمة الحضور أرادت مجموعة من الشباب كسر حالة الانتظار، وتجاوز بروتوكولات اللقاء الأول. فراحوا يرددون من أغنيات زياد، ما حفظوه عن ظهر قلب: «الحالة تعبانة يا ليلى»، «عايشة وحدا بلاك»... ولم يقتصر الأمر على مجموعة من الجمهور، إذ سرت عدوى الابتهاج، غناء وتصفيقاً، إلى الصفوف الأخيرة. وما ان تنتهي اغنية ويحل بعض الصمت، حتى يبادر شاب وصبية، يقودان جوقة من الجمهور، الى أغنية جديدة. تصرخ الصبية عندما تسأل إن كانوا خططوا لذلك سلفاً، فتقول ان الأمر «عفوي» وهو «تحية الى محمود درويش وزياد الرحباني». لكن الغناء لزياد، والحفلة له، فما مناسبة إضافة درويش هنا؟ تعاود الصبية الصراخ، مستعيرة جملة من إحدى مسرحيات الرحباني، وموظفة إياها في شكل يدل على مراس في الأمر، وتقول: «خليها واقعية وفجة: نحن عايشين في واقع رديء جداً، وبأمس الحاجة الى أشخاص مثل محمود درويش وزياد».
مسبقاً نال الجميع حصتهم من زحمة الابتهاج. قنوات التلفزيون تحايلت على المنع، إذ أُنذرت مسبقاً بأن التصوير مسموح فقط لخمس دقائق في بداية الحفلة. أخذت الكاميرات تجول بين الجمهور وتلتقط ردود فعله في «قلب الحدث». المجموعة التي كانت تقود جوقة الجمهور صارت قبلة العدسات. لكن الأمر لم يستمر كذلك. حضرت الباصات الصغيرة التي تقل الفرقة (22 موسيقياً أرمنياً، 27 سورياً وموسيقيين من فرنسا وهولندا). اتجه الجميع صوبها. لكنّ المسؤولة الإعلامية عن حفلات زياد حضرت أيضاً «بالمرصاد». فهي فوجئت «بالفوضى» بعدما كان هناك اتفاق واضح حول «حقوق النشر» المتعلقة بالحفلة، وأبعدت المصورين الى الخلف، وأنهت «التمرد».
حان اللقاء. تسرب الموسيقيون من الكواليس الخلفية للمسرح، مشعلين الحضور تصفيقاً وهتافاً. وحالما ظهر زياد، واتجه الى مكانه خلف البيانو في طرف المسرح، صار التصفيق عاصفة. لكن المفاجئ أيضاً ان الصمت المطبق ما لبث ان حل بمجرد صدور أولى نغمات العازفين. الجمهور كان مبتهجاً وملتاعاً، ولكن في الوقت ذاته متشوقاً للسماع.
وقبل البدء، آثر زياد تسريب «تقديره» للجمهور، إذ وقف الفنان اللبناني برجيس صليبا، وهو الذي يعمل مع زياد منذ مسرحيته الأولى «سهرية»، وتحدث عن «حفلات من بطولة الجمهور»، وقال: «واضح من استعدادكم انكم ناويين على الخير. تدربنا قبل أسبوع ونريد ان نشترك معكم».
افتتحت الحفلة مقطوعة موسيقية، ثم تكرست حال الإصغاء. ودلفت الى المسرح جوقة «الكورال»، وهي من 6 مغنيات من خريجات «الكونسرفتوار» في دمشق، أبرزهن رشا رزق وليندا بيطار. حضرن بألوان موحدة (يوني فورم): قمصان وردية فاتحة وبناطيل سود، خففت من الحضور «المهيب» للفرقة الأوركسترالية التكوين. «صباح ومسا» كانت أولى الأغنيات، وجاءت بإيقاع أسرع من الذي يحضر في أغنية فيروز. حتى تلك اللحظة لم يكن معروفاً إن كان زياد سيخيب آمال الجمهور. قبل أيام من الحفلة، والجمهور ووسائل الإعلام تسأل: هل سيغني زياد؟ وغنى زياد. «شو هالأيام» جاءت بصوته، ومباشرة رد له الجمهور «هديته» بتحية وتصفيق مشتعل. وراح الجمهور يلوح بأعلام عليها صورة زياد والعبارة التي عنونت الترويج لحفلاته: «زياد في قلب دمشق»، مع عناوين لبعض أغنياته الشهيرة. أعلام حمر ارتفعت، مطالبة حصة حامليها من زياد في «شيوعيته». وتتالت الأغنيات «ليلي ليلي ليلي»، «بلا ولا شي»، «تلفن عياش»، «راجعة باذن الله»... بعضها بصوت زياد وبمشاركة الكورال، وأخرى بأداء الأخير فقط، إضافة الى الكثير من المقطوعات الموسيقية، منها «ابو علي» و «قمح».
ساعة ونصف ساعة الساعة من الغناء والموسيقى تخللتها استراحة قصيرة. كان زياد كريماً بصوته، ولم يكن الجمهور أقل كرماً. تشجيع وحماسة وهتاف وتصفيق، وحال إصغاء واستماع عاليه لا تشوبها أي فوضى. حال الجمهور فاجأت المنظمين أنفسهم، وفاجأت زياد كما جاء على لسانه في ختام الحفلة. بعد أغنية «عودك رنان»، وقف زياد وتوجه الى الجمهور شاكراً على طريقته، وقال انه منذ أن تلقى الدعوة من احتفالية دمشق والأخبار تصله عن «جوكم» الاستعدادي للقاء. وإذذاك حاول ان يتصوّر بقدر إمكانه ما يحصل في دمشق. وعندما سأل عن البرنامج والاقتراحات له، جاءه الجواب ان الجمهور «حافظين كل شي».
وأضاف زياد: «كنا جايين نسمّعكم... طلعنا عم نسمعلكم». وقبل ان يقول في امتنان انه بحث عن طريقة لشكر الجمهور ولم يجد، أراد قول شيء «بصراحة»، ليؤكد ان استثنائية الحفلة لا شك فيها، قال: «بصراحة ماني متوقع هيك شي... ولا شايف هيك شي من قبل». وأهدى الجمهور الرافض لمغادرته إعادة لآخر مقطع من «عودك رنان»، وغافل الجمهور إذ أوحى وكأنه يريد استشارة المايسترو الأرمني كارين دورغريان في أغنية أخرى، ثم غادر في شكل خاطف. اعتصم الجمهور أمام المسرح وتابع الغناء «الحالة تعبانة يا ليلى»، وصرخ «صامدون هنا»، لكن المنظمين أخبروهم ان لا أمل من الانتظار.
بطاقات الحفلات الاربع نفدت سريعاً (20 دولاراً مع حسم للطلاب والصحافيين) في بعض المدن السورية، ومطالبة من لم يحالفهم الحظ ببطاقات، دفعت احتفالية دمشق الى تمديد الحفلات يوماً إضافياً قبل بدايتها، ليطول اللقاء حتى الثلثاء المقبل. لم يكن معروفاً متى يبدأ الغناء، ومتى ينتهي. حتى منتصف الليل كانت هناك مجموعات تمر في شوراع دمشق القديمة مردّدة أغاني زياد الرحباني، خارقة سكون ليل العاصمة.
من حفلة زياد الرحباني في دمشق (أ ف ب)

دمشق - وسيم إبراهيم الحياة - 17/08/08//

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////الفنان-اللبناني-زياد-الرحباني-)


- قال الفنان اللبناني زياد الرحباني للجمهور "بصراحة ما كنت متوقع هيك شي ولا شايف هيك شي من قبل" مؤكدا انه فوجىء بالاستقبال الحار الذي خصه به السوريون في اول حفلة يقدمها في دمشق.واحيا زياد الرحباني الجمعة في قلعة دمشق التاريخية حفلة كانت اول لقاء يجمعه بالسوريين. وقال ان حفاوة الجمهور كانت "فوق تصوري".ورافقت عاصفة من التصفيق ظهور زياد الرحباني على المسرح ليفتتح الحفل بمقطوعة موسيقية قبل ان ينشد "شو هالايام اللي وصلنالا..". وغنى الرحباني ومعه الجمهور الذي يحفظ معظم اعماله غيبا زياد "تلفن عياش" "عايشة وحدها بلاك" "بلا ولا شي" كما قدم مجموعة من المقطوعات الموسيقية التي مع اوركسترا بقيادة المايسترو الارمني كارين دورغريان تضم عازفين معظمهم من سوريا وارمينيا الى جانب عازفين من فرنسا وهولندا.وشاركت زياد الغناء جوقة مكونة من ست مغنيات سوبرانو سوريات منهن رشا رزق وليندا بيطار.واوضح الرحباني قبل ختام الحفل الاول انه سمع كثيرا عن تشوق الجمهور واستعداده للقائه. وقال "وحاولنا نتصور (حالة الجمهور) قد ما فينا" على حد تعبيره. وتابع انه عندما كان يسأل ما اذا كان لدى امانة احتفالية دمشق الثقافية التي تستضيف الحفلات اقتراحات للبرنامج كان الجواب يأتيه ان الجمهور يحفظ كل اعماله. وقال "جايين نسمعكم (للجمهور) طلعنا عم نسمعلكم". وعبر الموسيقي اللبناني المعروف عن تقديره للجمهور. وصرح "ساقول شيء بصراحة: لست متوقع هيك شي.. ولا شايف هيك شي من قبل". واحتشد ما يزيد على ثلاثة آلاف شخص في قلعة دمشق في الحفل الاول لزياد.وكان المنظمون حرصوا على فتح الابواب قبل ساعة ونصف الساعة من بدء الحفل واغلاقها قبل نصف الساعة منه تجنبا لحدوث اي تدافع او تزاحم. وقد قدم الجزء الاكبر من الجمهور مبكرا لحجز الاماكن الاقرب الى المسرح.ومع ان المنظمين وضعوا عددا كافيا من الكراسي في ساحة القلعة بشكل "يمكن الجميع من الرؤية والسمع على احسن وجه" كما قالوا اطاحت رغبة الحضور في الاقتراب ما امكن من المسرح بهذا التنظيم.وقام معظم الوافدين المتأخرين بنقل كراسيهم الى الفسحات المتوفرة والقريبة من المسرح.وبدلا من ان يكون الحضور منتظمين في ثلاثة صفوف اوسطها متعامد مع المسرح والطرفان مائلين اليه صار الجمع كتلة واحدة ومتراصة بانتظار ظهور الرحباني. لكن الانتظار لم يكن مملا. فقبل حوالى ساعة من بدء الحفل انتحلت مجموعة من الجمهور في المقدمة دور المايسترو وقدمت "حفلة قبل الحفلة".فقد قامت مجموعة من الشبان بترديد اغاني لزياد الرحباني لتنتقل العدوى تدريجيا الى الصفوف الخلفية. وما ان كانت تنتهي اغنية حتى يبادر البعض بمطلع اغنية جديدة تعيد الحماس الى اشده. ورغم ان التصوير كان ممنوعا باستثناء مصوري وسائل الاعلام والتلفزيون الذين سمح لهم بتصوير خمس دقائق بداية الحفل وجد هؤلاء في الجو الاحتفالي فرصة لالتقاط نبض الجمهور للتعويض عن النقص في "حيوية" تغطيتهم "المحدودة" على حد قولهم.اما خلال الحفلة فلم يكن الجمهور يحتاج الى اكثر من الجملة الموسيقية الاولى ليبدأ الاغنية ويمضي معها. اما خلال المقطوعات الهادئة فكان يصغي باهتمام.وقالت السوبرانو السورية التي شاركت في الجوقة منال سمعان في حديث مع فرانس برس "عادة نغني في دار الاوبرا وهناك لا نرى جمهورا بهذا الانفعال" مؤكدة ان "الجمهور هنا رائع (...) كان يقشعر بدني وانا اغني واحس اني اريد البكاء".وعبرت سمعان عن سعادتها للعمل مع زياد الرحباني مؤكدة انه "شخص +رايق+ وفنان وانسان في ذات الوقت يتعامل مع الكل بنفس السوية واذا سألته يشرح ويشرح لك ويحسسك بقيمتك".اما عازف الكونترباص السوري خالد عمران احد الموسيقيين السوريين الذين كان العمل مع زياد "حلما" بالنسبة لهم فقد اوضح انه يعمل مع الرحباني منذ ستة اشهر وشارك معه في حفلات في بيروت وتسجيلات في الاستوديو.واضاف ان "زياد اثر في كثيرا منذ طفولتي. انه فنان شامل على غير ما اعتدنا من اوركسترا و+بيغ باند+. انا اعزف معه وانتبه لما يفعله في التنويعات والتوزيع.. كنت مشودها ومنبهرا بالادوار..".واشار عمران الى ان عزفه في الحفلة كان الى حد ما تجاوبا مع "تفاعل الجمهور الرائع" (...) ولم اكترث بمسند النوتة الذي كاد يطير من امامي". ورغم ان الرحباني اعاد تقديم مقطع من الاغنية الاخيرة في الحفل "عودك رنان" الا ان الجمهور طالب بالمزيد. وغادر الرحباني المسرح سريعا وفي شكل خاطف وبقي الحضور يرددون اغانيه أملا في عودته لكن دون جدوى. وتتواصل حفلات زياد الرحباني حتى الثلاثاء المقبل بعد ان تم تمديدها يوما اضافيا تلبية "لمطلب الجمهور".




////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) 2008/8/16
دمشق (ا ف ب)

بيستاهل أكتر من هيك

هيدا أبو علي ؟!

وشوفي بهالقلب لزياد ما حدا بيعرف ؟؟

منورنا يا بو الأحباب

والله انا لح طق من الغيره من كل واحد حضر الحفله .....

وزياد بيستاهل اكتر اكتر اكتر من هيك ......
وللاسف انه مابيعرف كم من المحبين لديه في سوريا ...بركي هل الزياره بتغير شوي
وشكرا ع الاخبار بالتفصيل :D

كانت الحفلي جنااااااااااااااااان :yahoo:

مسيو روميو أنا مشكورة يعني انا صبية وست الصبايا
واكيد شكرا لمرورك////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لا تواخذينا العتب عالنظر////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ويسلمو مرة تانية

:cry::cry::cry:

سؤال صغير ايمتا الواحد لازم ينزل مشان يلحق محل منيح

هلأ اذا شلنا زياد ع جنب ...كان من الأشخاص يلي تألقوا بالحفلة المايسترو كارين دوغاريان كان ساحر بكل معنى الكلمة
أما المقطوعات الموسيقية التي عزفت ضمن الحفلة فكانت رووووعة وطبعاً كلها بتوزيع جديد مع لمسة زياد
كانت افتتاحية الحفلة مع مقدمة بيت الدين
قلب أبو علي
صباح ومسا
شو هالأيام
يا ليلي يا ليلي
مقدمة 1983
مقدمة ميس الريم
بلا ولا شي
راجعة باذن الله
تمرق عليي تمرق
تلفن عياش
مقدمة بالنسبة لبكرا شو
جسر القمر 1962
ان فيرشنو...........((بصراحة مو كتير كانت ناجحة يعني مع سلمى أحلى ))
هيدا يلي كان
خبروني شو أخبارو
بخصوص الكرامة والشعب العنيد
وقمح........(( مدخل فيها الدرامز والات تانية ))
بما أنو
عايشة وحا بلاك
عيدا كمان
(( عيدا كمان & تلفن عياش رجع زياد وعزفهن باخر الحفلة )) حسب طلب الجمهور

باختصار حفلة رووعة...والحضور عم يغني مع زياد كلمة كلمة وقال زياد
(( صرلنا 6 ايام عم ندرب أنتوا تاني مرة لما تجتممعوا وتتدربوا خبرونا منجي ومندرب معكون يا خيي)) (( يعني قالونا انكون حافظين بس ما تخيلنا هالدرجة ))
وزياد كان مبسوط من هالشي يعني حفلة من العمر
بس الشي السيئ الوحيد بالحفلة أنو العالم صارت تنط فوق الكراسي:

هالحكي بـ 16/8/2008

سؤال صغير ايمتا الواحد لازم ينزل مشان يلحق محل منيح


نصيحة 7.20 كون تحت بالقلعة واجلس بالطرف اليساري للمسرح

lolit........يعطيكي ألف عافية

:cry::cry::cry::cry:
هيدا السمايلي بعبر كتير عن حالتي هلق

اخ ع هالحظ:cry:

والله انا لح طق من الغيره من كل واحد حضر الحفله .....

وزياد بيستاهل اكتر اكتر اكتر من هيك ......
وللاسف انه مابيعرف كم من المحبين لديه في سوريا ...بركي هل الزياره بتغير شوي
وشكرا ع الاخبار بالتفصيل :D
لك عرف عرف وهالمرة مارح ينسى هالحفلات بحياتو
لأنو الجمهور عمل وكتر ...:p

كانت الحفلي جنااااااااااااااااان :yahoo:
مريوما ما شفتك وين كنتي قاعدة أنا كنت قاعدة عند اجهزة الصوت
يعني بالنص هههههه

لا تواخذينا العتب عالنظر////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ويسلمو مرة تانية
مو مشكلة اذا كان العتب على النظر يعني مرة تانية مارح تتكرر ههههههه:p

ومرة تانية أهلين بالموضوع

سؤال صغير ايمتا الواحد لازم ينزل مشان يلحق محل منيح
بما انو في حدا جاوب عني عن هيدا السؤال الصغير رح كمل النصيحة وقلك اقعد بالطرف اليساري من قدام اذا كنت نازل من اول ما بيفتح الباب يعني على الساعة 8 تماما والمحل يعني قدام زياد مباشرة
بس ما بتفرق وين ما كنت قاعد رح تشوف زياد والأهم انك عم تتنفس نفس الهوا معو
:pos:لا تفكر اني بعشقو ... بموت فيه :sosweet:

باختصار حفلة رووعة...والحضور عم يغني مع زياد كلمة كلمة وقال زياد
(( صرلنا 6 ايام عم ندرب أنتوا تاني مرة لما تجتممعوا وتتدربوا خبرونا منجي ومندرب معكون يا خيي)) (( يعني قالونا انكون حافظين بس ما تخيلنا هالدرجة ))
وزياد كان مبسوط من هالشي يعني حفلة من العمر
بس الشي السيئ الوحيد بالحفلة أنو العالم صارت تنط فوق الكراسي:

هالحكي بـ 16/8/2008
شكرا على انك نزلت خبر الحفلة التانية
بس على دور الحفلة الأولى كان في التزام هائل من الناس بمقاعدهن وكأنهن ما كانو مصدقين انو زياد رح يجي ويحضر .. مع انو الناس قبل ما يفوت كانو عم يصفقوا ويغنوا أغانيه وفيكن تشوفوهن بتقرير قناة الدنيا لأنو التصوير كان مقتصر على خمس دقائق من الحفلة الأولى يبدو كانو عارفين انو الناس رح تكون ملتزمة بأول يوم بس :lol:
بتمنى من الكل الي حضر يحطلنا أخبار الحفلة مشان نشوف كل الحفلات بعيون الي حضروها مو بعيون الصحافة الصفراء :p

:cry::cry::cry::cry:
هيدا السمايلي بعبر كتير عن حالتي هلق

اخ ع هالحظ:cry:
ولا يهمك سونا لحقي حالك اليوم او بكرا لأنو بكرا آخر حفلة :p
واذا ما قدرت تروحي انا بجبلك الحفلة لعندك :clap::clap::clap::clap::clap:

كانت الحفلي جنااااااااااااااااان :yahoo:
اي وشفنا بعض
وماكان حدا الو نفس يحكي مع حدا
من كتا العياط والغني والرقص
:D
انبسطت لإني شفتك مريومة انتي والشباب الباقيين
:D
انا من جهتي رحت ع شام إف إم شفتو فيس تو فيس
ما بعرف كيف لساني حامل راسي

:clap:

اي وشفنا بعض
وماكان حدا الو نفس يحكي مع حدا
من كتا العياط والغني والرقص
:D
انبسطت لإني شفتك مريومة انتي والشباب الباقيين
:D
انا من جهتي رحت ع شام إف إم شفتو فيس تو فيس
ما بعرف كيف لساني حامل راسي

:clap:
يييييي يعني انا الي ما شفت هالجنان قصدي هالمجموعة
لتكونو انتو الي كنتو هونيك عم تجنو :shock:
والله يمكن :?
على كل أحلى شي انو انبسطتو :clap:
وعمي زين انا لو محلك كنت تركت راسي هونيك ورجعت ههههه:oops:
أنا شفتو من بعيد ما عم اتحبك فكيف فيس تو فيس :sosweet:
الله وكيلكن اذا بحكي حرف تاني عنو بالبيت يمكن اتطلق هههههه :p

يييييي يعني انا الي ما شفت هالجنان قصدي هالمجموعة
لتكونو انتو الي كنتو هونيك عم تجنو :shock:
والله يمكن :?
على كل أحلى شي انو انبسطتو :clap:
وعمي زين انا لو محلك كنت تركت راسي هونيك ورجعت ههههه:oops:
أنا شفتو من بعيد ما عم اتحبك فكيف فيس تو فيس :sosweet:
الله وكيلكن اذا بحكي حرف تاني عنو بالبيت يمكن اتطلق هههههه :p


نيااااااااااااااااااااااا ااااااااااااااااااااااااا ااااااااااااااااااال ربك ............
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي وشفنا بعض
وماكان حدا الو نفس يحكي مع حدا
من كتا العياط والغني والرقص
:D
انبسطت لإني شفتك مريومة انتي والشباب الباقيين
:D
انا من جهتي رحت ع شام إف إم شفتو فيس تو فيس
ما بعرف كيف لساني حامل راسي

:clap:
عم تمزح؟:cry::cry:

عم تمزح؟:cry::cry:
ليش بينمزح بهالحكي

نيااااااااااااااااااااااا ااااااااااااااااااااااااا ااااااااااااااااااال ربك ............
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
عقباااااااااااااااااااااا اااااااااااااااااااالك يارب :p

حفلة رائعة

و الأحلى

دمشق دائما عاصمة أساسية { زياد الرحباني }

حفلة رائعة

و الأحلى

دمشق دائما عاصمة أساسية { زياد الرحباني }
:shock::shock::shock:
:?:?:?
:pos:

:pos:

انو هل الموضوع للجلطة وحدة بوحدة.. :cry:

يا ريتني بالشام بس.. اخ ينعن عالم

حلم آخر تبخر في الصحراء , ولو كان الأمر بيدي لأتيت , وحلم بحجم الوطن تحقق , فموسيقا زياد أكيد غسلت وجه دمشق , وأمطرت فرحاً لشعب يستحق أن يسبح بالفرح ويغسل حسناً طويلا , وعند الوصول إلى سوريا سيكون للقاء
حبيب العمر نشوة خاصة , لأن لغة زياد وموسيقا زياد وكل حركة من زياد لها عبق بلاد الشام ,
هنيئاً لكل من حضر الحفل , وإذا كان جيل الشباب هو القاسم الأعظم في حفلات زياد , فهذا الخبر الأكثر فرحاً, فليكن شبابنا أفضل منّا , ولتنكسر أحلامنا وتتحقق أحلامهم ولنبق نحن جيل الإنكسار ونفسح لهم الطريق

:pos:

انو هل الموضوع للجلطة وحدة بوحدة.. :cry:

يا ريتني بالشام بس.. اخ ينعن عالم
سلامتك من الجلطات والتجلطات يا بعد عمري
شو هالحكي:?
أنا براسي بكرا بدي حملكن الحفلة على الموقع
مشان ما تتحسروا على شي
بعدين ولا يهمكن رح حاول جيب كل أخبار الحفلات الي صارت

الله يا زياد

اليوم بتخلص حفلات زياد
صار فينا نقول الى اللقاء زياد واهلا وسهلا بمارسيل خليفة

اليوم بتخلص حفلات زياد
صار فينا نقول الى اللقاء زياد واهلا وسهلا بمارسيل خليفة
طولي بالك شوي اسا الحفلة لهلأ ما خلصت يعني بدها شي نص ساعة تانية
بعدين شو بدك احلى من زياد ويجي بعدو مارسيل يا عيني يا عيني والله حاسة حالي طالعة على الجنة مو على الأرض انا ... :shock:

سلامتك من الجلطات والتجلطات يا بعد عمري
شو هالحكي:?
أنا براسي بكرا بدي حملكن الحفلة على الموقع
مشان ما تتحسروا على شي
بعدين ولا يهمكن رح حاول جيب كل أخبار الحفلات الي صارت
بشرفي احلى لوليت.. و يسلم راسك يا طيبة..

خلص بما انو رح تحاولي تحملي الحفلة هون.. ما عاد بدنا حبة تحت اللسان..:p

مية :D

:shock::shock::shock:
:?:?:?
:pos:
اي بحفلة 18 الشهر قالها اخر الحفلة

قال انو هالسنة دمشق عاصمة ثقافة بس دمشق دائما عاصمة أساسية

اليوم بتخلص حفلات زياد
صار فينا نقول الى اللقاء زياد واهلا وسهلا بمارسيل خليفة
اي سعدو يسمعنا الاخبار الطيبة

ايمتا

يعني انا شو كان بدي بهالشغلة :oops:اذاعة شام اف ام عملت مقابلة مع زياد و بعتولي النص الكامل للمقابلة و صرلي ساعتين بدابل حتى ينزل النص كامل ما في خواص بالأخير صرت مضطر بعد هالعمر اسمع الكلمة و قسم النص لعدة اجزاء و ابعته و بالأخير بحكيلكم شو كمان صار ...........
الجزء الأول :
مقابلة الفنان زياد الرحباني فيإذاعة شام FM الأحد 17 آب 2008، من الساعة 12.30 إلى 14.00
(هيام حموي)

بعد الترحيب بالفنان الكبير وشكره على حضوره إلى الإذاعة،

هيام: كيف أقنعوك بالحضور إلى دمشق؟
زياد: النية موجودة من 2005 حيث كان من المقرر إقامة حفل موسيقي في صيف ذلك العام، لكن التطورات السياسية خلقت أجواء رديئة حالت دون ذلك. ثم جرت اتصالات هذه السنة ولم يتطلب إقناعنا وقتا طويلا.


س : كيف وجدت التجهيزات والوضع العام في قلعة دمشق، وكيف تشكلت الفرقة؟
ج : بالنسبة للفرقة، هذه الصيغة نعمل عليها منذ حفلات بيت الدين مع فيروز، ومسألة اختيار الكورال من البلد المضيف تكون إمكانياتها صعبة عادة، لكن المناسبة التي جئنا لأجلها على ما يبدو سهلت الأمر. وليست دائما جَمعة كهذه تكون سهلة الترتيب من دون مساعدة الدولة، والموسيقيون السوريون الموجودون في الفرقة والذين يشكلون أكثر من نصفها هم ممتازون وكذلك الكورال.

س:منذ عام 1975 لم تأتِ إلى سوريا ونحن نتمنى ان لاتغيب كثيرا عن محبين فن زياد الرحباني..
ج: بعد ما رأيته من محبة السوريين يجب أن أفكر جديا بإيجاد صيغة للتواصل الدائم معهم.

س: ماهي الذكريات القديمة التي تحملها عن دمشق؟
ج: أكثر ما اذكره هو معرض دمشق الدولي حيث كانت الإقامة في فندق الشرق، ووقتها كان أول ما تعلمت المشاركة بالعزف مع فرقة موسيقية وكنت معاون عازف اوكورديون يعني "استبنة"!!! كما يقولون.

س: كانت الصدفة بتزامن زيارتك إلى سوريا مع زيارة الرئيس اللبناني.. ج: انا أرى أن زيارة الرئيس اللبناني خطوة جيدة جدا ... يا ريت تركزو عليها وتخلصونا ، و اذا كل ما جيت على سوريا بدو يجي رح ضل روح و اجي!!!


س: كتبوا في جريدة "الاخبار" انك في حفلات دمشق سوف "تجسد رؤيتك الصافية لاعمالك الموسيقية" ، ما كان المانع سابقا من تحقيق ذلك؟ ج : هذا النوع من الكتابة الموسيقية لم يعد يجد له منتجين، مثلا من المؤكد أن شركة روتانا لا يهمها هذا الموضوع ، فبرأيها لماذا جمع 54 موسيقيا لعمل واحد اذا كان من الممكن مع ماكينتين أو ثلاثة يعملون ايقاع و يغنون وحدهم.


س: هل يتخيلون ان هذا الامر غير مربح ؟
ج: لا طبعا ، هو اقل ربحا. هناك امر لا يعرفه الناس ان فيروز عندها اسطوانة جديدة منذ عام 2004 و فيها اغاني جديدة و لكن ليس من السهل ان تجد منتجاً لها.

س: معقول ؟
ج : لان انتاج اسطوانة لا يضمن ربحا مباشرا ، فكل منتج يبدي موافقته يطالب بعمل حفلات، اي يفاوض على حفلة ينتج على هامشها الاسطوانة لأن الحفلة ربحها مباشر على شباك التذاكر، فلماذا عليه ان ينتظر السوق و المردود البطيء لأرباح الاسطوانة.

س: خاصة ان حقوق النشر و التوزيع معرضة للسرقة ؟
ج : ليس بالامر مشكلة كبيرة فإن الشركات، بالرغم من القرصنة، تحصل حقوقها في النهاية مع مرور الوقت، ولكنهم لا يدخلون بمشاريع طويلة الأمد، ولولا وجود دولة لما كان هذا النوع من الإنتاج و ولم يكن بالإمكان جمع هؤلاء الموسيقين .

س: اذا كان الان هناك شركة انتاج تسمعنا و يهمها الامر هل الانتاج مكلف لهذه الدرجة ؟
ج : لا يمكن ان يهمهم الامر، المسألة صعبة...

س: انا اعرف احدهم يمكن أن يهمه، (كناية عن إدارة شام FM) وهو مجنون ؟
ج : هو اذا مستعد ان يخسر لانه مهتم بعمل ثقافي، و لكن هذه المشكلة موجودة على الصعيد العالمي عموما و ليس فقط بالعالم العربي ، هذا النوع من الموسيقا الذي يتطلب وجود هذا الكم من الموسيقيين لم يعد له راغبون.

س: ألبوم فيروز سمعنا عنه كثيرا ولم نره حتى الآن، مع أننا سمعنا انه نزل الى السوق و عنوانه ( الله كبير ) ؟
ج: اغاني هذا الالبوم جاهزة منذ اواخر 2003 ومطلع 2004، وقد غنت منه ثلاث اغاني اخر مرة في بيت الدين على اساس ان ينزل الى السوق بعد فترة بسيطة ، و تأجل الموضوع بسبب الاوضاع والانتاج، حتى أنها قررت أخيرا أن تنتجه بنفسها لتستطيع تنزيله..


يتبع

س: هناك من يقول انها هي التي تصعب الامور؟
ج: صحيح أنها صارت الان تفكر كثيرا قبل انت ينزل اي البوم الى السوق و هذا من حقها ، اصبحت هنالك مسؤولية، نظرا لعلاقة الجمهور، بها وأيضا هي التي تتحمل النقد والمتابعة، كل هذا يجعلها "تعتل هم زيادة"... خاصة عندما يكون هناك نوعية مختلفة من الأعمال، مما يدفعها الى التريث فترة .

س: في مقطوعتيْ "قمح" و "ضيعانو"، حولت صوت فيروز الى آلة موسيقية ، هل تعتقد ان هذه التجربة نجحت بالقدر الذي تتمناه ؟
ج: من غير المؤكد ان تنجح مقطوعة موسيقية من دون كلام بنفس القدر لنجاح اغنية مغناة ، و لكن ما لاحظته الامس و اول امس و تفاجأت به كثيرا هو ان جمهورا كبيرا يعرف هذه المقطوعة، يعني انها وصلت مع اني لم اكن اتوقع ذلك، ومن ضمن الاشياء المفاجئة ايضا ان علاقة الناس بهذه المقطوعات الموسيقية هي نفس علاقتهم بالاغاني .

س: انتم تقيمون حفلات في البلدان الغربية، لوس أنجلوس أو باريس أو لندن، ولكن جمهور هذه الحفلات عبارة عن عدد ضئيل من الغربيين والكثير من المغتربين العرب، والسؤال لماذا لم تخترق ألحانك وسائل الإعلام الغربية مع أنها باعراف العديدين تصنف بأنها موسيقى عالمية، على سبيل المثال أغنية "وحدن"، فهي جديرة بأن تبث إلى جانب أجمل مقطوعات البلوز، في الإذاعات العالمية.
ج: انت تعرفين أن هنالك أقنية للوصول إلى وسائل الإعلام الغربية وطبيعة النظرة إلى الثقافة العربية ولوضع العرب في العالم في كل المجالات، وعلاقتهم باللوبيات المسيطرة على الثقافة والإقتصاد، فالأمر ليس متعلقا بالأغنية ذاتها . الغرب بالنسبة للشرق بوضعه الحالي لا يحب أن يعرف ما إذا كان الشرق مستعدا ان يتطور حتى بموسيقاه بل يفضل أن يستقيها منه كمادة خام ليعود ويصدرها له، وكأنهم في الغرب يقولون لنا: خليكم أنتو هيك على بدائية الموسيقا والأشكال والعوايد وإذا في أي تطوير نحنا بنعملو عنكم.

س: هل أنت متفائل ام متشائم بالنسبة لهذا الموضوع فمعروف أنهم يقولون انك سابق لعصرك وانك ترى أبعد مما يراه غيرك، وبالمناسبة ماذا يفيدك أن تكون سابقا لعصرك؟
ج: إذا ثبت هذا الأمر فهو لا يفيد شيئا، ولكن بالعودة إلى سؤالك السابق أحب أن أخبرك أنه كان هاجسنا منذ 15 عاما ان نوصل موسيقانا العربية للعالم، ولكن مع الوقت يمكنك التأكد أن الأمر ليس بهذه البساطة، وأن شركات انتاج غربية ممكن أن يأخذوا من الشرق "نتعة" ويتبنوها فيكون السبب أن رأسمال السوق قرر حاجته لشيئ جديد وتكون هذه "النتعة" مرة من أفغانستان ومرة من إيران، وبشرط ان لا يفهموا عليهم، تماما كما يبيعون هناك الكوفية الفلسطينية. أنا كنت أتصور كما قلت انت أن شركة الإنتاج، أيام أغنية "وحدن"، سوف تهتم بالأغنية وتوزيعها في الخارج، ولكن المغنية عربية، حتى لو كانت فيروز، لكن هذه هي هويتها.. وخلينا نحنا مبسوطين ببعضنا!!!

س: وصلنا الآن من الدكتورة حنان قصاب حسن، الأمين العام لاحتفالية دمشق عاصمة الثقافة العربية، أن الأمانة العامة على استعداد لإنتاج اسطوانة خاصة بفيروز.
ج: بتعملها الدكتورة حنان متل ما عملت هذه الحفلة، (ضحك) خسارة بخسارة... خسارة بثقافة...!!!

س: من المسؤول عن جعل الثقافة خسارة هل هي العولمة؟
ج: لا، إنه فكر السوق عموما، أي تحويل كل شيء إلى لشيء يباع، الأمر له علاقة بالغرائز البدائية للإنسان، كالأكل والجنس والعنف والقوة والضعف، أما الثقافة فهي لا تأتي دائما مع كل هذه الأمور بل تأتي بعدها. الأشياء البدائية يستغلها السوق عند الإنسان لأنها تبيع أكثر من غيرها وبالتالي يغذيها، وهذا الأمر في كل العالم وليس فقط عند العرب.

س: لكن برأيك لماذا هذا الإنحدار؟ أنت الذي تمثل بالنسبة للكثيرين البوصلة بدليل ما نجده في صحيفة الأخبارعن غيابك وعن صمتك في الفترة الأخيرة؟ ج: انا مشاركتي في صحيفة الأخبار كانت لمساعدة رفاق وأصدقاء ولمساندتهم في انطلاق المشروع /لجريدة، ولم تكن النية أن أتفرغ للكتابة، وحين وجود موضوع يتطلب الكتابة فأنا أكتب.

س: ولكنك كنت صامتا في الفترة الأخيرة، فهل يعود السبب للأوضاع السياسية؟ بما أنك بالنسبة لنا تمثل حالة الشخص الذي "عنا ثقة فيه"...
ج: في كلامك شيئ من الصحة لأن الوضع السياسي الأخير كان يفرض على من يرغب الكتابة أن يكتب شيئا معينا، أو لا يكتب . نعم هذا أحد الأسباب، وفي البدايات كان طلب الأصدقاء أن تكون الكتابة شبه يومية... ولكن الصمت في الفترة الأخيرة كان بسبب الأوضاع السياسية كما قلت أنت.

س:الجمهور دائما متعطش لزياد الرحباني فإذا لم تحيي حفلا موسيقيا او تصدر ألبوما جديد لفيروز أو تظهر على التلفزيون أو حتى من خلال جريدة، فكيف لنا أن نتواصل معك في حين أنك تشكل حاجة ملحة عندنا ؟
ج: هذه هي الورطة

س: بالنتيجة نعود للسؤال الأولي، لماذا هذا الإنحدار وكأنه لم يعد هناك أفق؟
ج: هذا التراجع سببه علاقة الإنسان بالآخر، وبرأيي ليس هناك أسرار على الكرة الأرضية، هناك علاقة الناس ببعضهم وبالماديات، وتبين مع الوقت أنه كان يوجد معسكران كبيران في العالم، الرأسمالي والإشتراكي، وكانت نكسة كبيرة في اول التسعينات في المعسكر الإشتراكي بسبب الذين عملوا على النظام الإشتراكي، وهم بشر، فارتكبوا عدة أخطاء، وتبين، بعد تفرد الرأسمالية بزمام الأمور، أن العالم تراجع كثيرا. هذا التراجع أدى أيضا إلى تراجع الصناعات بنوعيتها ولم يعد هناك حتى خطر التصادم بين المعسكرين، صار هنالك معسكرا أوحد، ومن الصعب أن يكون متعددا، والرأسمال الباقي يريد ان يسيطر على الأصغر والأصغر على الأصغر وهكذا.
الفكرة الأساسية التي تروج لها الرأسمالية أن المنافسة في العالم الحر هي في سبيل الأفضل، ولكن ما تبين في النهاية انها منافسة في سبيل "الأكثر" وليس الأفضل. وهذا الامر يعني أن االشيء الجيد يجلب الخسارة ويوازي الخسارة.

س: ما زال هناك فئة تؤمن بالجيد، لكن غير محسوب حساب أفراد هذه الفئة، مع أنهم يمكن أن يمثلوا قوة شرائية؟
ج: إذا فيه شي بيربح أكتر شو بدك فيهم... (ضحك) بتشوفي مثلا بألمانيا اللي مصرّين إنه يعملوا شي أحسن ، بعد فترة المصانع عم تضطر تسكّر.

س: حابب تضيف شي بالنسبة لانطباعاتك عن دمشق؟
ج: عم لاحظ إنه فيه ناس مابيعرفوني بالهيئة وحافظين هالأعمال بأكملها، أمر مدهش، أنا مش معوّد استوعب هيك شغلة بسهولة، مثلا اليوم، الناس عندهم نجم، عندن صورتو وبيلاحقوه، بس أنا واحد بيجي يسألني اي ساعة جاية الأستاذ زياد، بقوللو "صار واصل"، وبنفس الوقت هالشخص اللي ما بيعرف شكل :الاستاذ زياد" حافظ كل أعماله الموسيقية، يعني هيك الأمر مش معلق بالصورة... الناس متابعين حتى من دون معرفة التفاصيل... لأنه ما في أعمال تلفزيونية... يمكن بعض الشباب بيعرفوا الصور عن طريق الأنترنت، هادي الملاحظة الأولى، ثانيا، نسبة المتابعة ملفتة، مثلا بيعرفوا "صباح ومسا" من أول نوتة عندما تعزفها الأوركسترا، هنالك طريقة سمع، طريقة تذوق للموسيقا. بتذكر إيام اللي كنا نجي على المعرض أحيانا كان يكون فيه صمت غريب أثناء الأغنية، كنت بفتكر إنه الناس مش عاجبها، بيكون بالعكس عم يصغوا بتركيز شديد.

س: عن علاقتك بالسيدة فيروز، وقت اللي بتكون عاطيها لحن، مين اللي بتمشي كلمته؟
ج: هي مبدئيا بتقول "اللي بدك ياه منعملو"، بس عند التنفيذ بترجع بتطلع الأمومة، بقلها "لأ ماما"..

. س: بتقلها "ماما" والا ست فيروز؟
ج: لأ "ماما" وإلا ما بتعود ترد.. كمان إذا اعطيت ملاحظة بنبرة قوية بترجع فجأة تقول إنو كيف بترفع صوتك بوجهي، بس عموما بتقدر تفصل وبتقول بالبداية إنه هي جايه تاخد تعليمات.

س: ما هي النصيحة التي قدمتها لك فيروز في بداية مشوارك الفني؟
ج: أعطتني نصيحة، وبدك تصدقيني، وياريتني سمعت هالنصيحة، قالتلي "إعمل لك شغلة غير الموسيقا، شفت بيّك شو عمل"... إنه خللي الموسيقا هواية.

س: البروفا في ألبوم "كيفك إنت"، نزلتها حتى تعطينا فكرة كيف بيكون التعامل أثناء التسجيل، بينك وبين فيروز، وهل المقطوعة خضعت لمونتاج؟
ج: هالقطعة مسجلة بدون علم فيروز، لأنه غير هيك، ما كانت قالت ولا كلمة، كان هنالك جهاز تسجيل أخر غير المسجلة اللي عم تسجل عليها فيروز صوتها، مشيناها وصرت اسألها قصدا بعض الأسئلة، لتجاوب عليهن، وما كان خاطر ببالها أبدا إنه عم نعمل هيك أبدا.
س: وقت اللي سمعتها في الألبوم، شو قالت؟
ج: قالت: لو مخبرني كان بيطلع أحسن من هيك!!!. هي عادة ما بتحكي بين المقاطع أثناء البروفا، لأنه بتضل "عتلانة" هم إنه ممكن فيه حدا عم يسجل لها، خاصة إذا فيه مهندس صوت تاني، بس أنا دوّرت المسجلة، وحضرت بعض الأسئلة إنه يفترض تقول هيك إذا بسألها هيك، وبعدين جمعت الأجوبة وعملت لهم مونتاج ونزلوا بالألبوم.
س: أنا غير مقتنعة أن الست فيروز ما بتحكي... أكيد بتحكي ومهضومة، بس ليش ما بترضى تحكي؟
ج: بتصور إنه فيها تحكي وبتحكي منيح، بس فيه عندها انطباع إنه مين الشخص اللي ممكن يسألها الأسئلة المناسبة لتحكي، يعني عملت بعض المرات مقابلات قليلة ، كانت تحكي وتفصّل، بس بتصور إنه لازم الواحد يقنعها إنه تحكي لأنه فيه أشياء ما حدا بيقدر يشرحها عن تجربتها غيرها.

س: ماذا عن عاصي الرحباني الأب، وماهي نصيحته بالبداية غير إنه يسمّعك موسيقاه؟
ج: هو اللي نزعني لأنو كان مش منتبه إنه أنا ما عم روح عالمدرسة، مع إنه هو اللي عم يبعتني، يعني وقت المفروض كون عم أدرس، يناديني ويقل لي شو عم تعمل، قول أنا عم راجع دروسي، فيقول هو بعدين بتراجع دروسك، كان عم يختبرلي إمكانياتي كمان، أنا بشوف هيك منيح، بس أمي كانت تشوف هيك مش منيح.

س: مين محظوظ أكتر برأيك، عاصي الرحباني بإبنه زياد أم زياد بإبنه عاصي ؟

ج: بفتكر أنه أنا المحظوظ أكتر لأنو أنا مكفّي بعد ما أخدت من أبي كل شي تقريبا.

س: نتذكر بعض الأسماء الهامة بالنسبة إلك، سيد درويش... اماذا تحبه إلى هذا الحد؟
ج: أعتقد أنه لو عاش مدة أطول، لكان وصل إلى شيء يشبه أعمال عاصي الرحباني، أو شيء له علاقة بها، بتصور إنه في خط واحد بالموسيقا العربية، اللي هو السهولة الظاهرية في الأغنية لدرجة إنه يمكن أن تسمى طقطوقة، لكن ضرب من الإعجاز أن تعمل شيئا على طريقتها، وأبلغ مثال على ذلك، مثال بسيط وعمومي، اللي هو "زوروني كل سنة مرة"، مركبة موسيقيا تركيبة عجيبة ونادرة حتى أن سيد درويش بنفسه لم يستطع أن يعمل لها "كوبليه"، "زوروني" عبارة عن مقطع واحد فقط...

س: لماذا لا نعرف نحن كمستمعين مثل هذه التفاصيل؟
ج: شو بدنا فيها... ماشي حالنا بلاها!!!

س: وماذا عن جوزيف صقر؟
ج: فيه شي تذكرتو كتير منيح، بس وصلت عالشام، اللي هو جوزيف صقر، عم اتذكر إنه أول اتفاق تم مع جوزيف صقر، لأنه هو كان بالكورس مع الرحابنه، وكنت أنا جايه مساعد أو معاون أكورديون في الفرقة، فأول اتفاق مع جوزيف تم على إنه يجرب يغني شي، وكنت ولد وقتها، شي 17 سنة، وبدي ألف عمل متل الرحابنة، عملت شي اسمه "سهرية" كان نسخة طبق الاصل عن مسرحية غنائية للرحابنه، الاغاني و الحوارات فيها كانت فقط حجة بهدف الترويج للأغاني، ومش مهم الحوار. حصل هذا الاتفاق مع جوزيف هنا في دمشق في فندق الشرق، وبعدها مع بداية الحرب الاهلية ، اصبح اسم جوزيف صقر مرتبطا عندي بدمشق، لان جوزيف في هذا الوقت كان يأتي دائما الى دمشق وهو لم يغنِّ خارج لبنان الا في دمشق، اي ان نشاطه كله كان في دمشق، لم يغنِّ في بيروت بمحلات او ما شابه.

س : هل تبحث بعد غياب جوزيف صقر عن صوت، ام انك تريد الاعتماد على الكورال ؟

ج: والله القصة صعبة كتير، في الفترة الاولى لوفاة الراحل جوزيف صقر لم أكن أدرك حجم غيابه، انا اعلم ان لديه شي مميز بشخصيته يحبه الناس اكثر من الشيء الذي في صوته، بعبارة أخرى أنه الشخصية مبينه بالصوت، وبالرغم من كثرة المغنين، لم نستطع اكتشاف أحد كجوزيف صقر وهذه مشكلة فعلية، الكورال لا يستطيع ان يحل محل الغناء المنفرد، هل تعلمين انه لولا وجود انطباع لدي من قبل عن الوصف والجمهور و كيفيه استعداداته لما استطعت ان اتخذ القرار بأن يغني الكورس بشكل متواصل بالرغم من ان الكورس ممتاز يغني انواع متعددة كالاوبرا والكلاسيك والشرقي، اي انه لولا انطباعي ان الناس ستغني ضمنا يعني اذا مو براسا .... على العالي، كان من الصعب اتخاذ هذه الخطوة... مبارح كانوا عم يغنوا "عايشة وحدا بلاك"، كان صوت الجمهور مسموع لدرجة ان العازفين اضطروا لتخفيف صوت الالات ليستطيعوا التفاهم مع بعضهم البعض ، لولا هذا الجو لما استطاع الناس تحمل الكورس فترة طويلة.

س: الكثير من الاصوات تحلم ان تغني من الحان زياد كما حدث مع الفنانة لطيفة، هل لديك الاستعداد لتكرار تجربة لطيفة، مثلا الفنانة اصالة صرحت ان حلمها ان تغني من الحان زياد الرحباني ؟
ج : اكيد، اذا كان هناك شي جيد و كلمات جيدة فلمَ لا، وطبعا هذا الشيء يعود للمغني فيما اذا كان يجيد الغناء ام لا.
س: هناك جوزيف اخر اود ان اسألك عنه و هو جوزيف سماحة رحمه الله وهو الذي اقنعك بالكتابة في جريدة الاخبار؟
ج: جوزيف سماحة صديق العمر و صديق حرب اهلية طويلة رحمه الله.

س: هل نستطيع العودة الى عاصي الرحباني بسؤال آخر؟ كنت قد صرحت في أحد اللقاءات انك اكتشفت أن كل ما كان يقوله لك عاصي عن امور عدة كان صحيحا الا رأيه في المرأة، هل انت اليوم ما زلت مختلفا برأيك عن رأي الوالد ام حتى كلامه عن المرأة اصبحت تجده صحيحا ؟
ج: ( يضحك ) ما الذي ادراكم، اعتقد انه ما كان على ان ان أتسرع وأصرح عن هذا الموضوع لاني اعتقد ان كل ما قاله عاصي كان صحيحا.

س: هل صحيح انك قد قدمت طلب زواج في السفارة التشيكية ؟
ج : نعم .

س: من ماذا يشكي زيوان البلد لتحضر قمح جلب!!!؟
ج: حاليا لا يوجد سوى المعجبات، الاعجاب شيء الزواج شيء آخر، بدك حدا تعيشي انت وياه ، المعجبة.. الى متى تبقى معجبة، من الافضل ان تبقيها معجبة، الاعجاب لا يبني حياة اسرية.

س: ما هي اهم صفات المرأة التي ممكن ان تعجب زياد الرحباني ؟
ج: لو كنت اعلم لكنت وجدت، وعندما يضع الانسان مواصفات ويعتقد انها هي الصفات المطلوبة يكتشف ان هذه الصفات غير موجودة وانه يستطيع ان يجد انسانة اخرى مناسبة أكثر ولا تحمل هذه الصفات.



س: كما تعلم ان عالم النفس فرويد قد قال ان كل رجل يبحث عن امرأة شبيهة بوالدته لانه لا يوجد اطيب من رائحة أمه وطبخها، انت كيف ستجد امرأة تنافس فيروز؟
ج: اذا فرويد طلع معه حق.. ما في امل، وبعدين اصبح الانسان بعمر لا يستطيع وضع مواصفات او شروط ، بكل الاحوال، هذه قصة قديمة، لكني لا زلت طالب زواج.

سؤال من المستمعين: هل أنت سعيد بهذا "التأليه" لشخصك؟
ج: لا أبدا، الأمر مربك.


ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ
:hart:you Fouad

شي ممتع للغايه :D

بعد هالمقابلة التاريخية مع زياد بحب اشكر يللي فتح الموضوع و يللي شارك باضافاته و تعليقاته و كل الشكر الى اذاعة شام اف ام التي خصتني بارسال المقابلة كتابتة لنزين بها موضوع زياد رحباني و قد ارسلولي كمان مجموعة لصور زياد في مكاتب الأذاعة و الأحتفال به وبس اما شو صور فعلا حلوين و من كتر مو حلوين ما كانوا ينزلوا معي من كتر ما حجمهم كبير و قال شو المصور اخدهم دقة عالية رح حاول زمزمهم ش,ي و اطويهم عن الأطراف بركي بيصيروا يسعوا هون يعني ضربنا حالنا ميت منيية لحتى يبعتوهم و بالأخير ما استفدنا :lol::lol:بركي بس يقروا شو كاتب بيجربوا من عندهم يحطوهم او يا ست رينبوليدي شفتك كاتبة كلمتين و بس ( الله يا زياد ) ورجينا شطارتك و حطيلنا الصور هون .
بعتقد الأغلبية عندهم رابط اذاعة شام اف ام على الأنترنت بس رح ارجع حطه هون منشان كل الناس يللي برات سورية ممكن تسمع الأذاعة 24 ساعة متواصلة فعلا برامجهم حلون
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شكرا لآدارة شام اف ام و للمذيعين و لفريق الأعداد و فريق النقل الخارجي و كل الفنيين على جهودكم الرائعة التي تبذلونها في عملكم .
Fouad:hart:you

شكرا كتير يا فؤاد و الله الواحد ما بيعرف كيف بدو يشكرك على كل حال انا رح حاول جهدي حط الصور هون و يا ريت ادارة المنتدى تنصحني بشي طريقة لانو فعلا الصور روعة بس حجمهون كبير

حضرت حفلتين و بيطيرو العقل اوركسترا و قلعة و ضو القمر جد كانو من ليالي الف ليلة و ليلة و زياد و تعليقاته البسيطة و العميقة ، هل الانسن فظيع بتواضعوا و هلق بعد ما خلصت الحفلات صار فيني احكي شوية شغلات الناس ما بتعرفها و هيه انو زياد كان يطلع بالباصات المخصصة للفرقة و يعقد معهون و تحديدا بالباص الاول و بأخر الباص و يسكر البرداية فظيع هل الانسان بتواضوا و عبقريتو و كمان الحفلة الاخير كانت تشهد حضور ريما الحندقة ( ريما الرحباني ) اللي كانت باخر الصفوف واقفة على الكرسي و عم تصور الحفلة بكاميرة فيدو و الملفت للنظر هوه الانسانة اللي كانت ورا حفلات زياد هيه و الجنود المجهولين كل العاملين بالامانة العامة لدمشق عاصمة الثقافة انسانة رهيبة بتواضعها و ركضها لارضاء الناس و المحافظة على سير كل شي بشكل مظبوط الكل قاعد و هيه و الموظفين كل الوقت واقفين و راكضين من محل للتاني سهرا على راحت الناس شكرا دكتورة حنان شكرا كتير و شكرا لكل الموظفين منون نور - كارولين - دنيا و غيرون .