كشفت الإحصاءات الصادرة مؤخرا عن ارتفاع معدلات الطلاق في بعض الدول العربية بمعدلات كبيرة.

ففي مصر، قال الجهاز المركزي للتعبئة والاحصاء إن حالات الطلاق تعدت 65 ألف حالة في عام 2007 .

وفي السعودية، تم تحرير 24 ألف صك طلاق في عام واحد وفق وسائل الإعلام التي نقلت عن مصادر قضائية القول بأن القضايا الزوجية في المحاكم السعودية تصل الى 40 في المئة من حجم القضايا. كما سجلت دول أخرى ارتفاعا في أعداد حالات الطلاق مثل المغرب والجزائر.

ما هي أسباب تزايد حالة الطلاق في البلدان العربية؟

وما هي تبعات ذلك على الأسرة والمجتمع بشكل عام ؟

يمكن الفقر؟

بعد الرجل ما يتزوج اربعة ما بيقدر يقعد عاقل لازم يطلق ليرجع يتزوج
ولا تاخدو كلامي مزح في كتير هيك بيصير
احيانا بيكون زواج قائم على المصلحة وبانعدام المصلحة ينعدم الزواج
الفقر بيلعب دور كتير كبير من ناحية تامين مستلزمات الحياة يلي عم تتزايد ولما بيصير من الصعوبة بما كان تامين هذه المستلزمات بنلاقي الهروب هو الحل والحل هو الطلاق
والفقر بياثر على مستوى الوعي بكتير من الاحيان نبشوف انو ممكن خلاف بسيط يتطور بطريقة تؤدي للطلاق
اما التبعات فمعروفة جدا
بيكفي التفكك الاسري واثرو السلبي على تربية الاطفال هالتربية يلي بتنعكس على المجتمع سلبنا بالنسبة العظمى من الحالات

أنا عندي الجواب الأكيد لهذا الموضوع وهو
إن السبب الأكتر تأكيدا على هي الحالات هو : مهند بطل مسلسل نور
وكلكن بتعرفو هالشي

يمكن سهولة العملية بتسمح تفاقم الوضع

وليش انت متدايق

امام الله ... كلمة مكررة ثلاث مرات بتنهي كل شي

فليش تعقيد القصص :lol:

يمكن الفقر؟


الفقر عامل كبير لكنهُ ليسَ سَبب الطلاق الرئيسي

الفقرُ غِنى إنْ وجـِدَ الحُب.

السبب واضح وضوح الشمس

زوال الحب

لانو اغلب الزيجات في مجتمعنا العربي بتكون عن طريق الاهل و بالتالي مافي تفاهم او حب او حتى مافي قناعة للزوجين ببعضهم البعض

و السبب التاني هوه الزواج للمصلحة و كمان بكون مافي حب

و شكرا على الموضوع

الفقر عامل كبير لكنهُ ليسَ سَبب الطلاق الرئيسي

الفقرُ غِنى إنْ وجـِدَ الحُب.


:lol: مين قلك ؟

ابدا مش صح

الحب عد بفتره بيفتر بيصير تعويد .. احترام عشره .. هيك يعني .. بس مع الاسف اذا ما في مصاري تكفي الحياة اليوميه واقساط مدارس ومرايل وتياب ووووو اكيد ما رح ياكلو حب ويشربو حب ويفطرو حب ...

money talks
مع الاسف طبعا

العين الزايغة :o

انا بشوف انحلال العلاقات والروابط الاسرية المتينة واللي كانت موجودة قبل

يعني بظن انو المرة لما تاخد حريتها زيادة وما تعود تسمع كلمة جوزها اكيد رح تكون حياتون مستحيلة

انا مو قصدي انو المرة عالطالعة والنازلة تقول حاضر على كل شي بس قصدي انو تحسس جوزها برجوليتو
دون ما هوي يطالعها عليها

بيجوز من ورا الخلافات لانو احيانا بيجوز توصل بين الزوجين للشيطان الرجيم و يجي هالزلمة يفقع مرتو كلمة انتي طالئ و ع تلات دفعات .

العين الزايغة :o
اي والله معك حق فيها :x:x:x:jakoush::jakoush::jakoush::jakoush:

في عدة اسباب للطلاق وهي الاسباب
اول شي التسرع بعنب عنا ما بتلاقي تنين هيك على علاقة عادي يعني مخطوبين وبس واذا في بكون قليل كتير يعني الشغلة لفترة قصيرة وبعدين بصيرو مخطوبين وبتجوزو بسرعة لانو الاهل بيبدو ينقو وبدهن يزوجوهن بسرعة يعني بكونو ما بيعرفو بعض منيح وبتلاقيهن متزوجين
تاني شي عنا في كتير مواضيع "عيب " نحكي فيهن حتى وما يروح فكركن لبعيد انا عم بحكي بشكل عام وهيك بيتزوجو بدون ما يعرفو اراء بعض في اشياء كتيرة وهيك بصير خلافات بناتهن وبعدين الطلاق
وفي كمان الاوضاع الاقتصادية الي بتهوي
بس بتصدقو اغلب حالات الطلاق الي شفتها كانت بسبب المساواة بين الرجل والمراة مش قصدي المساواة بذاتها بس نظرة الشباب الها يعني المساواة عند الصبايا انو ممنوع الرجل يطلب منهن شي وينفذو والرجال بتفكر انو المساواة عيب بحقهن وبرفضوها بدون ما يفكرو
اما بالنسبة للسؤال التاني : اكيد كلها سلبية يعني من القصص الي بسمعها صار في تخوف من الزواج
على فكرة اكبر ضحية بالطلاق هي المراة وهذا في مجتمعنا بس :frown:
هلق هذا رايي واكيد يمكن يكون غلط :oops:

أي شاب وفتاة مقبلين على الزواج يجب عليهم معرفة ما هم مقبلين عليه
فالزواج يعني مسؤولية وأولاد وتربية وحياة تتطلب مني العمل والجدية.

انا بقلك
من ورا نور ولميس ومهند ويحي :o

الحاله الاقتصاديه ...الي بتودي الي فقدان الشاعريه والحب ....
وعندك عدم التوافق بين الطرفين ان كان بالقيم والافكار والي بتودي الى خلافات كتيره...
بعدين بجي فوقهون متل ماقالو الشباب مهند .....ولميس.......والعين الزايغه للشاب ......
بصير طلاق ;)