أنا بحييها للانسة نور.... لانها جاوبت ع سؤال مصاغ بطريقة لا تستحق الاجابة... وهاد السؤال كان موجهو السيد "بلاك" لالي... بس ما صرلي نفس جاوبو... بلاك كان احسن يا بلاك

انا بضم صوتي لاخي ابو العبد بالسؤال... (يا هيك العالم بتسأل يا بلا....)

المثلية الجنسية او الشذوذ كلها مسميات لنفس القضية ماحقول حرام ومرض و و و و و
بس الطبيعي والفطرة ان الرجل ينجذب للمرأة والمرأة تنجذب للرجل فلما تختل المعادلة بيطلق على الامر "شذوذ" بالنسبة للناس الي الشي ده عندهم ميول فكاتر الدراسات اكدت ان السبب بيكون نفسي ولازم علاجه وطبعا بتختلف الاسباب
اما المثليين حسب تقسيمك انت لهم واطلاقك عليهم هدي المسميات
ان المثلي عندو عيب خلقي وان المثلية شيء وجد مع هدا الشخص بس اغلب الدراسات اكدت انو بكون عند المثليين احد الهرمونات نسبتها اكتر من الاخرى المعنى ان الانسان هدا يقدر يقوم حياتو اذا عندو الرغبة تنو يعيش حياة طبيعية كرجل له حياتو الطبيعية او كامرأة لها حياتها الطبيعية ..فهو فالاول وفالاخير ادا كان شذوذ او مثلية فهيا باختيار الشخص
وبالنسبة للمجتمع فالظاهرة موجودة موجودة وبنسب مرتفعة جداااا و مهي بحاجة لموافقتها او اقرارها اوعدم اقرارها لكن هل يتقبل المجتمع هدا الشيء اكيد لا لانو شي خارج عن الطبيعه والفطرة اي نعم فاوروبا وامريكا وغيرها من الدول اباحت الشي ده بس هيا فالاخير مجتمعات مالها اي ضوابط بخلاف المجتمعات العربية وبالمجمل المثلية او الشذوذ غلط او غير صحيح او غير طبيعي فالمفروض مواجهتخ وحله بدل من المطالة بتشريعه ومااقدر ماادخل الجانب الديني مو عشني مسلمة لا بس جميع الاديان تنفر من الشي ده ولنا في قوم لوط عبرة لاتقولي ماكانو شواذ كانو مثليين لا معنى كلمة لواط "شذوذ جنسي بين الذكور"
اشكرك عالتوبيك المثير جدا جدا جدا
"ربما اختلف معك بالرأي لكني احترمك "

ان المثلي عندو عيب خلقي وان المثلية شيء وجد مع هدا الشخص بس اغلب الدراسات اكدت انو بكون عند المثليين احد الهرمونات نسبتها اكتر من الاخرى المعنى ان الانسان هدا يقدر يقوم حياتو اذا عندو الرغبة تنو يعيش حياة طبيعية كرجل له حياتو الطبيعية او كامرأة لها حياتها الطبيعية ..فهو فالاول وفالاخير ادا كان شذوذ او مثلية فهيا باختيار الشخص
كيف زبطت معك هي !!:shock:
اشرحيلي ياها بالله :?

بس اغلب الدراسات اكدت انو بكون عند المثليين احد الهرمونات نسبتها اكتر من الاخرى المعنى ان الانسان هدا يقدر يقوم حياتو اذا عندو الرغبة تنو يعيش حياة طبيعية

الانسان المثلي بيكون عندو هرمونات ذكورية وانثوية تمام في واحد منهم نسبتو اعلى وعلى اساسو الاطباء بيحددو ايش ممكن يكون جنس هدا الشخص بالاضافة الى رغبة الشخص نفسو هدا اذا هوا عندو نية العلاج وانو ينتهي من هدي المشكلة "الكلام هدا عن الجنس التالت يعني مجهول الهوية الجنسية " حلو والعلاج النفسي كمان نفس الشيء مسألة اختيارية انا مع انو الموضوع صعب لكن مو مستحيل

الانسان المثلي بيكون عندو هرمونات ذكورية وانثوية تمام في واحد منهم نسبتو اعلى وعلى اساسو الاطباء بيحددو ايش ممكن يكون جنس هدا الشخص بالاضافة الى رغبة الشخص نفسو هدا اذا هوا عندو نية العلاج وانو ينتهي من هدي المشكلة "الكلام هدا عن الجنس التالت يعني مجهول الهوية الجنسية " حلو والعلاج النفسي كمان نفس الشيء مسألة اختيارية انا مع انو الموضوع صعب لكن مو مستحيل
هلأ يا انا مخي سميك:?
يا اما انتي حكيك فايت بالحيط !:shock:
شو دخل الشخص المثلي بالجنس الثالث(مجهول الهوية الجنسية ) !!! :?
وشو دخل العلاج النفسي ... وانو المسألة اخيتيارية .. بيلي عندو هرموانات انثوية اكثر من الهرمونات الذكرية .. على حسب ما عم تقولي ... !:shock:
يعني بيجوا بيقولوا للهرومون الانثوي الزايد .. قوم اطلاع ولا احسنلك ؟؟؟ :jakoush:

بس اغلب الدراسات اكدت انو بكون عند المثليين احد الهرمونات نسبتها اكتر من الاخرى المعنى ان الانسان هدا يقدر يقوم حياتو اذا عندو الرغبة تنو يعيش حياة طبيعية

الانسان المثلي بيكون عندو هرمونات ذكورية وانثوية تمام في واحد منهم نسبتو اعلى وعلى اساسو الاطباء بيحددو ايش ممكن يكون جنس هدا الشخص بالاضافة الى رغبة الشخص نفسو هدا اذا هوا عندو نية العلاج وانو ينتهي من هدي المشكلة "الكلام هدا عن الجنس التالت يعني مجهول الهوية الجنسية " حلو والعلاج النفسي كمان نفس الشيء مسألة اختيارية انا مع انو الموضوع صعب لكن مو مستحيل

انتي عم تخلطي بين الأشخاص اللي عندن اضطرابات هوية جنسية (و اللي بيكونوا عادة بحاجة لعمليات تحويل جنس) و بين المثليين .. في مثليين رجال بتكون معالم الرجولة عندن أقوى و أوضح من كتير شباب طبيعيين .. و البنات كمان مو شرط انو إذا بنت مسترجلة معناها أكيد سحاقية .. الموضوع موضوع ميول جنسية و اضطرابات نفسية بحتة - و مو بالضرورة مشاكل هرمونية -

اذا فهمت من كلامك انو علاجو رح يكون عن طريق الطب يعني في علاج للمثلية بحال اعتبرنا مرض ؟
في حال ازا اقتنع الشخص المثلي نفسو انو هاد مرض (وهالشي للأسف قليل بصير)

هل هو مرض نفسي ام عضوي؟
نفسي طبعا
ومامدى خطورتو من الناحية الطبية على الشخص وعلى المجتمع؟

السؤال لنور وللجميع وشكرا:D
فيك تحكي خطورتا متل ما تكون ماشي ع طريق سريع بأتجاهيين ذهاب وإياب بعدين تيجي سيارة ماشية بعكس السير وما ترضا تغير اتجاها ولا تروح لطريق المقابل
بجد هيك المثلية

عذرا من المعلقين بس اتمنى تتنبهوا على مسألة نعت المثليين "بالشواذ" حيث انها تعتبر جهل كبير بنعتون بها الطريقة لأن العلم ما قدر يحدد سببها لكنه اتفق تماماً على مبداً اسقاط صفة الشذوذ عن المثليين وذلك استناداً الى دراسات عديدة على الكائنات البشرية "دون خص الانسان" ووجدوا انو المثلية موجودة في عالم الحيوان والنبات وعليه لا يمكن نعتها ب"الشذوذ" لأنها لم تشذ عن الطبيعة ..
وهذا للعلم يعني يمكننا النقاش بكافة الأمور الأخرى لكن المسمى هو حقيقة علمية لا يمكن التلاعب بها .. متل أن الأرض كروية ...العلم أثبت ها الشي ما منقدر نغير ها الصفة ..
شكراً

دحرنا اسرائيل

حررنا القدس

بنينا المجتمع العربي الاشتراكي الموحّد

دحرنا اليانكيين و أرجعنا مانهاتن لأصحابها هنود الأباتشي مدري الشيروكي

رجعنا بنينا جدار برلين و عطينا عقد للاسكان العسكري لحتى يلبسوه حجر سوري

و فوق كل شي بعتنا المنتخب الأولمبي لكرة القدم و راح ربح كأس العالم لكرة الطائرة

عملنا كل هدول و ما ظل عنا مشاكل الا المثلية!!!


يا جماعة الأمر ما بعرف ليش عم يروح و يجي... هلأ في حملة ماشية ضمن التدوين السوري لاستئصال المثليين و أبواقهم (يقصدون بأبواقهم يعني اللي بيدافعو عن حقهون بالوجود).

القضية مختصرها كم نقطة:

- من حق كل شخص يكون عندو موقف معيّن من ناس معيّنين نتيجة اعتقادات دينية وطنية قومية عرقية الخ الخ الخ لكن هالشخص بدو يتحمّل انو تمييزو ممكن يتسمى عنصرية

- من حقك تكره فئة معيّنة من الناس و ما تستسيغهون بسبب قناعاتك مهما كانت و لكن مش من حقك اقصائهم و منعهم من الوجود.

- المثلية ليست مرض حسب تعريف منظمة الصحة العالمية و بالتالي الحديث عنها عن انها مرض هو تزوير علمي من الدرجة الأولى, حتى لو كان طبيب اللي يتحدّث عنو

- المثلية ليست مخالفة للطبيعة لأن الطبيعة لا تبنى على حسب ما نرغب, هي موجودة و قديمة قدم التاريخ.

- المثلية ليست فعل شاذ خاص بالمنحرفين من البشر لأنها موجودة في كل الحيوانات التي تخطت مرحلة معيّنة من التطور النفسي و التركيب العقلي لكل ما يتعلّق بالجنس و وظيفته الحيوية.

- يتشدّق بعض سيوف الفضيلة بتبرير أعتبره سطحي جداً عندما يقولون أن المثلية هي استثناء لفعل شائع, و كل ما يخالف الشائع فهو شاذ (و يضيفون عليه أن الشذوذ يجب إلغاؤه, و بالتالي يدخلون تعريف الشمولية من أوسع أبوابه), و لو كان هذا التعريف السطحي صحيحاً فعلينا أن نذكر أن نسبة أصحاب العيون الزرق بالنسبة للأعين الداكنة هي تقريباً نصف نسبة مثليي الجنس بالنسبة لمغايري الجنس, فهل ندعو أصحاب العيون الزرق شواذاً؟



ختاماً: لست ضد رفض المثلية لقناعة ما, و احترم من يبرر رفضه لقناعته, و لكن ما لا يمكن قبوله هو تزوير علم و حقائق علمية و طبية في سبيل اعطاء غطاء علمي لهذا الرفض لا يمتلكه و لا بأي شكل من الأشكال.



هذا و شكراً جزيلاً و نحييكم على صبركم

دحرنا اسرائيل

حررنا القدس

بنينا المجتمع العربي الاشتراكي الموحّد

دحرنا اليانكيين و أرجعنا مانهاتن لأصحابها هنود الأباتشي مدري الشيروكي

رجعنا بنينا جدار برلين و عطينا عقد للاسكان العسكري لحتى يلبسوه حجر سوري

و فوق كل شي بعتنا المنتخب الأولمبي لكرة القدم و راح ربح كأس العالم لكرة الطائرة

عملنا كل هدول و ما ظل عنا مشاكل الا المثلية!!!
لك لك كل هاد صار وانا ماعندي خبر:p


منرجع للموضوع

- من حق كل شخص يكون عندو موقف معيّن من ناس معيّنين نتيجة اعتقادات دينية وطنية قومية عرقية الخ الخ الخ لكن هالشخص بدو يتحمّل انو تمييزو ممكن يتسمى عنصرية

- من حقك تكره فئة معيّنة من الناس و ما تستسيغهون بسبب قناعاتك مهما كانت و لكن مش من حقك اقصائهم و منعهم من الوجود.
معك ميه بالمية

- المثلية ليست مرض حسب تعريف منظمة الصحة العالمية و بالتالي الحديث عنها عن انها مرض هو تزوير علمي من الدرجة الأولى, حتى لو كان طبيب اللي يتحدّث عنو
طيب ليش تزوير من الدرجة الاولى يعني منظمة الصحة معصومة من الخطأ ولو ماعتبرناها مرض شو ممكن نعتبرا او شو بتفسرا

- المثلية ليست مخالفة للطبيعة لأن الطبيعة لا تبنى على حسب ما نرغب, هي موجودة و قديمة قدم التاريخ.

- المثلية ليست فعل شاذ خاص بالمنحرفين من البشر لأنها موجودة في كل الحيوانات التي تخطت مرحلة معيّنة من التطور النفسي و التركيب العقلي لكل ما يتعلّق بالجنس و وظيفته الحيوية.انا معك انها قديمة جدا والدليل قوم لوط بس كمان هاد مش برهان كافي انو ما نعتبرها مخالفة للطبيعة

يتشدّق بعض سيوف الفضيلة بتبرير أعتبره سطحي جداً عندما يقولون أن المثلية هي استثناء لفعل شائع, و كل ما يخالف الشائع فهو شاذ (و يضيفون عليه أن الشذوذ يجب إلغاؤه, و بالتالي يدخلون تعريف الشمولية من أوسع أبوابه), و لو كان هذا التعريف السطحي صحيحاً فعلينا أن نذكر أن نسبة أصحاب العيون الزرق بالنسبة للأعين الداكنة هي تقريباً نصف نسبة مثليي الجنس بالنسبة لمغايري الجنس, فهل ندعو أصحاب العيون الزرق شواذاً؟

كيف ممكن نربط بين لعيون الزرق والمثلية

وبتمنى لو تعطيني تعريف ولو مبسط عن المثلية

هلا ممكن يكون رايي من رايك بس انا حبيت انو تتوضح هالنقاط اكتر

اتمنى ماكون طولت عليك وارجو انك تتحملني
تحياتي:D

طيب ليش تزوير من الدرجة الاولى يعني منظمة الصحة معصومة من الخطأ ولو ماعتبرناها مرض شو ممكن نعتبرا او شو بتفسرا

منظمة الصحة العالمية هي المرجعية العلمية الطبية الكبرى في العالم, و تعاريفها و بروتوكولاتها مانها حكي واحد أو تنين و انما نتيجة أبحاث عميقة و مطوّلة لمجموعات كبيرة من الباحثين و العلماء... و هي الجهة الدولية الوحيدة المخوّلة بتعريف الأمراض و تصديق بروتوكولات علاجها المختلفة, و بالتالي شي هالمنظمة بتحكي عنو بشكل صريح انو مانو مرض يعني مانو مرض (يعني علمياً مافيك تسميه مرض... الا ازا عنزة و لو طارت هاد صفّى حكي تاني).

شو ممكن تعتبرا.. كل واحد يعتبرها شو ما بدو.. اعتبرا مرض ازا بدك, بس حكيك مو علمي و ما بيحقلك تمشّيه عالعالم و كأنو علمي و تفتي على أساسو ( عم قول "انت" كشخصية اعتبارية ما عم اعنيك كشخص.. عرفت كيف؟)

انا معك انها قديمة جدا والدليل قوم لوط بس كمان هاد مش برهان كافي انو ما نعتبرها مخالفة للطبيعة


شلون يعني مش برهان كافي؟ شي موجود عالأرض عينك عينك هاد جزء من الطبيعة.. الطبيعة هي الأشياء الموجودة فيها و لا تصنّف حسب أهوائنا انو الشي اللي ما نحبو هاد مانو من الطبيعة و الشي اللي منحبو هاد من الطبيعة...

كيف ممكن نربط بين لعيون الزرق والمثلية


بعتقد شرحي للمثال واضح, ارجع اقراه على مهل و تفهم شو قصدي بخصوص الاستثناء من القاعدة (قصدي انو أنا ما ربطت بين العيون الزرق و المثلية و انما حكيت انو ليش التعريف السطحي تبع الشذوذ يتطبق فقط عالمثليين لما حسب هالتعريف نفسه لازم يتطبّق ع كتير من الحالات الطبية لو كان صحيح)

وبتمنى لو تعطيني تعريف ولو مبسط عن المثلية

عزيزي التعريف سهل و واضح و بسيط جداً و ما بعرف ليش التعقيد فيه, من لحظة ما البني آدم تخطى مرحلة معيّنة من مراحل التطوّر (عم احكي عن التطور كصنف حيواني) و صار فيها الجنس ليس فقط للتكاثر ساعتها بتتعدد الأهواء.

المشكلة تكمن انو في جزء كبير من البشرية (و مش فقط لقناعات دينية و لو انها الغالبية العظمى) ترى أن الجنس للتكاثر فقط و فقط جداً, و المتعة الجنسية هي تحصيل حاصل ( و الغريب انها تنفي وظيفة أخرى للجنس غير التكاثر و لكنها تركّز و بشدة على كبت الرغبة الجنسية بوسائل عديدة, يعني مانها موجودة بس نحاربها؟!!).

القضية معقّدة و علمية بحتة من حيث تعريفها, و بدك تدخل بأسس علم النفس الجنسي من جذورو و هالشي ما بيصير بمنتدى أو بمدوّنة أو أو أو....

ما يهم بهالحالة هو الجانب الاجتماعي من المثلية, و أعتقد انو السبب يكمن بانو ما صار في تجربة حياتية ,أو ليش الكذب؟ صارت و كتير و لكن ما بنسمّيها بمسمياتها. و المثلية موجودة بالموروث الشعبي من زمان طويل, و لسبب لا أدركه يتقبّل العقل العربي ثنائي الجنس (و الأدب العربي على ذلك شاهد من التغنّي بالغلمان و كل هالحكي) و يعني يعتبرها هالموروث الشعبي دليل فحولة زايدة انو يكون في أشخاص تطرنب عالسباتي و عالكبّة و لكن لا تتقبّل المثلية

يعني لاحظ انو حتى باللغو و السباب من الشائع جداً انو شب يقول لشب انو و الله لأفعل و أترك فيك كذا و كذا و كذا من الأشياء اللي مافي داعي نذكرها, و هاد شي يعني بعتقد كلنا بنشوفو.


تراكمت على المثليين كتير أفكار مقولبة مسبقة على انهون مجرمين أو متعاطين مخدرات و و و.. لكن هالشي مالو علاقة بالمثلية كميل جنسي و انما بحالة الإقصاء من المجتمع اللي يولّد عند هالإنسان المستبعد من المجتمع "لشذوذه" أمراض نفسية كثيرة لأن الإنسان بالتعريف هو حيوان اجتماعي و عزله عن محيطه و استبعاده عنه يؤدي إلى أعراض نفسيه هائلة. و هالأعراض هي نتيجة اجتماعية بحتة و ليست عضوية.

لاحظ انو أغلب من لا يتقبّل الفكرة في مجتمع لا يتقبّل فكرة المثلية لما يروح لبلاد برا يمكن ما يبطل هالرفض و لكن تتغير النظرة, لأنو بالخبرة الحياتية رح تلتقي مع ناس مثليين و تشوف انهون ناس طبيعيين مية بالمية و ما عندون مشكلة لما المجتمع متقبّلهون, و يعني معاملتو معك عادية متل أي شخص و بيظل هواه الجنسي هو حياته الخاصة اللي ما تشوفها, و حتى يمكن تتعامل معو سنوات طويلة و ما تحس عيه انو مثلي. و هاد الجانب اللي يجب العمل عليه من ناحية انو يا أخي طالما هو انسان ملتزم بنمط علاقات اجتماعية مع الغير طبيعي و صحيح شو بدي فيه شو يعمل داخل بيتو؟ حتى لو ما كنت متقبّل المثلية للسبب اللي هوي...


بعترف انو هاد من المواضيع اللي ما بحب ناقش فيه بنوب, لأنو يمكن لخبرة حياتية و علمية بشوف طبيعي و بديهي شغلات يمكن غيري لا يمكن حتى يتخيلها, و ليس لعلّة فيه البتة و لكن لأنو ما كان عندو فرصة الخبرة بهالنواحي


أي و هكذا


مع الشكر:D

انتي عم تخلطي بين الأشخاص اللي عندن اضطرابات هوية جنسية (و اللي بيكونوا عادة بحاجة لعمليات تحويل جنس) و بين المثليين .. في مثليين رجال بتكون معالم الرجولة عندن أقوى و أوضح من كتير شباب طبيعيين .. و البنات كمان مو شرط انو إذا بنت مسترجلة معناها أكيد سحاقية .. الموضوع موضوع ميول جنسية و اضطرابات نفسية بحتة - و مو بالضرورة مشاكل هرمونية -

حبيتي انا مابتكلم عن ستايل المسترجلة اكيد هدا مو مقياس ابدا صح كلامك انو في شباب بيكون مافي على ملامح رجولته اي غلط وبيكون جاي ونفس الشي فالبنات هنا قصدي ياعمو saman يلي فايت بالحيط انو هدول عالم هما اختارو يكونو شواذ وهدول بيدهم اختيار انهم يتعالجو نفسيا او لا وصلت ؟؟
اما الاوادم الي بيخلقو وعندهم مشكلة فالهوية الجنسية يعني مو عارف هوا ولد ولا بنت هنا الطب ممكن يحكم الهرمونات فالموضوع ومو فكل الحالات بس انا المغزى من كلامي انو حتى الشخص الي اتولد بالمشكلة هدي ممكن يحلها ومايعيش حياة مزدوجة ويحط هدا الشي سبب لحياة شاذة

ياعمو saman يلي فايت بالحيط انو هدول عالم هما اختارو يكونو شواذ وهدول بيدهم اختيار انهم يتعالجو نفسيا او لا وصلت ؟؟
مين قال انو المشكلة اصلاً نفسية ؟؟
ومين قال كمان انو في علاج نفسي للموضوع !!

عذرا من المعلقين بس اتمنى تتنبهوا على مسألة نعت المثليين "بالشواذ" حيث انها تعتبر جهل كبير بنعتون بها الطريقة لأن العلم ما قدر يحدد سببها لكنه اتفق تماماً على مبداً اسقاط صفة الشذوذ عن المثليين وذلك استناداً الى دراسات عديدة على الكائنات البشرية "دون خص الانسان" ووجدوا انو المثلية موجودة في عالم الحيوان والنبات وعليه لا يمكن نعتها ب"الشذوذ" لأنها لم تشذ عن الطبيعة ..
وهذا للعلم يعني يمكننا النقاش بكافة الأمور الأخرى لكن المسمى هو حقيقة علمية لا يمكن التلاعب بها .. متل أن الأرض كروية ...العلم أثبت ها الشي ما منقدر نغير ها الصفة ..
شكراً


عفوا انت بتشبه الانسان بالحيوان والنبات وباقي المخلوقات؟؟؟ ...مااختلفنا الشذوذ ممكن يكون موجود فالارض لكن احنا الله كرمنا كبشر وصعب انك تبيح صفة حيوانية فعالم البشر معليش انا مرة مو معاك والشذوذ "المثلية"هوا كل ماكان خارج عن العادة والمألوف والطبيعه والفطرة فالموضوع يعتبر شذوذ مع فائق احترامي

مين قال انو المشكلة اصلاً نفسية ؟؟
ومين قال كمان انو في علاج نفسي للموضوع !!

واحد بينجذب للاولاد ووحدة بتنجذب للبنات انت شايف انو شي طبيعي ومو محتاج علاج ؟؟وشايف انو انسان طبيعي؟؟

واحد بينجذب للاولاد ووحدة بتنجذب للبنات انت شايف انو شي طبيعي ومو محتاج علاج ؟؟وشايف انو انسان طبيعي؟؟
ازا الله خلقو هيك ..
البشر رح يقدرو يغيروا فيه ؟؟ :pos:

اوكي قول هيك من اول ..اول حاجة ربي بيخلق الناس عدلين هما الي بيختارو اش يكونو وايش مايكونو هدا واحد مانسوي الي فراسنا ونخبص ونقول الله خلقه هيك "الحلال بين والحرام بين "انا مابتكلم بديانة معينة هدا شي معروف فكل الديانات وشي اصلا يرفضو العقل والفطرة السليمة وانا مابقول البشر يغيروه لانو الانسان اذا ماكن مقتنع بالشي مارح يتغير مستحيل مو بس في هدا الموضوع فاي موضوع بالدنيا عموما فالاخير كل انسان قدامو كل الاختيارات وهوا صاحب القرار فتحديد هويته ومسار حياتو ماحد بيجبر احد على شي ولا في احد بيغير احد