الروبسة // السير خلال النوم //
.
.

من المشاكل التي قد تواجه الانسان.. مشكلة السير خلال النوم ..

هنا في هذا الموضوع..اضع بين ايديكم مقالتي عن هذه المشكلة..
اتطرق فيها الى الامور التي تزيد من نسبة حدوث هذه المشكلة..والحل .. ومعلومات عن المشكلة.
.
.

مشكلة السير خلال النوم..هي احدى اضطرابات النوم اضافة الى :

الذعر.. الكلام خلال النوم .. الصراخ .. الضغط على الاسنان ...

مشكلة السير خلال النوم تحدث فـي بداية فترة النوم..في الساعات الاولى من فترة النوم..
وتسمى فترة الساعات الاولى من النوم بـ فترة (النوم العميق) ، الجدير ذكره ان فترة النوم العميق لا ترافقها الاحلام. فـ في هذه الفترة (بداية النوم) تكون موجات النوم بطيئة والذاكرة لا تسجل اي شيء يحدث الا بمرحلة اواخر النوم ( الفترة التي ترافقها الاحلام ) .

للمعلومة ان صاحب مشكلة..(السير خلال النوم) لا يؤذ نفسه .. قد يصنع الاكل بنفسه .. قد يخرج من منزله ويركب السيارة ولا يصيبه اي مكروه .. اذ ان اثناء النوم العميق .. اجزاء كبيرة من الدماغ تشتغل .. يستطيع ان يرى او حتى يسمع .. لكن الذاكرة لا تسجل اي شيء لذا عندما يصحى الشخص لا يتذكر انه مشى خلال النوم ولا يتذكر ما فعل .

هذه المشكلة من الطبيعي حدوثها في الصغر وتختفي بسن البلوغ او تصبح اقل حدوثــًا ..
يعني بعمر الـ 12 ، 13 ، 14 تكون المشكلة في طريقها الى الزوال .. اما اذا استمرت فـ يجب متابعتها نظرًا الى ان هنالك عوامل تؤثر على الانسان لتزداد مشكلته وتزداد نسبة حدوثها حتى في سن البلوغ.

* العوامل.. من الناحية النفسية .. التي تؤثر على اضطرابات النوم ومنها مشكلة السير:

1) كثرة الضغوط تزيد من مشكلة السير خلال النوم.

2) الاكتئاب ، القلق ، الخوف .. هي عوامل مؤثرة ايضًا على عودة مشكلة السير خلال النوم بفترة البلوغ وما فوق
وهي عوامل بلا شك تؤثر على زيادة حدوث المشكلة .

الحل : ممكن تخطي العوامل المؤثرة نفسيًا من خلال الجلوس مع معالجة نفسية مختصة.
للاشارة ان الكلام عن المشكلة مع العائلة يختلف عن الكلام مع معالجة نفسية مختصة.
لذلك يحبذ التكلم او طلب المساعدة من معالجة مختصة .

.
.

*العوامل .. من الناحية الصحية..او الجسدية (يعني غير النفسية) التي تؤثر على اضطرابات النوم:

1) عدم انتظام النوم يسهل من عودة المشكلة ، بالتالي يجب تنظيم النوم..كـ مثل ان ينام الشخص بساعة معينة (يعني مو طالع نازل بالعامية) .. هذا امر يساعد على تخفيف نسبة حدوث مشكلة السير .

2)التعب الجسدي ايضًا يساهم في زيادة الحالة.

3) انسداد مجرى الهواء اثناء النوم ويظهر ذلك من خلال :
* الشخير ( بفترة المراهقة لا يجوز ان يرافق الشخير النوم) على عكس مرحلة الاربعينيات مثلاً .
** يعني "النقز" (راحت عن بالي بالفصحى:lol:) تحدث من خلال محاولة النائم بالتنفس ولكنه غير قادر على ذلك نتيجة انسداد مجرى الهواء.. بالتالي يحدث ذلك.

للاشارة : ان من لديه مشكلة في التنفس يشعر بـ خمول ويعاني من آلام الرأس ايضًا.

ايضًا العوامل التي تؤثر على اضطرابات النوم (عمومًا):

النوم غير المنتظم ، الغرفة غير المريحة(لهذا تأثير على اضطرابات النوم).

طبعًا هذه الامور تـُـعالج..ببساطة ..

لكن في الحالات المستعصية هنالك ادوية تخفف من عمق النوم..بالتالي تخفف من مشاكل اضطرابات النوم.

* كيفية التصرف مع الشخص في فترة السير خلال النوم:

#الافضل عدم ايقاظ النائم خلال السير ، كما قلنا ان ذاكرته لا تسجل اي شيء لذا اذا ما ايقظناه قد يشعر بالذعر نتيجة عدم معرفته ( ماذا يحصل ) .. لا يجب ايقاظه الا اذا كان سيؤذي نفسه (وهذا قليل الحدوث) كما قلنا ان السائر خلال النوم لا يؤذ نفسه للاسباب التي ذكرناها..

#الافضل اخباره عندما يستيقظ صباحًا .. انه سار في نومه واخباره ماذا حدث حتى يكون على معرفة .

#اذا كنا نريد اعادة السائر الى سريره.. يمنع ان نمسكه بقوّة لانه قد يجابه ذلك ، يجب ان نسيِّره بـ رفق وبـ لطف الى سريره ليكمل النوم .. وطبعًا هو سيستجيب غالبًا لذلك .. ( يعني بيمشي معنا ).

#اذا كان السائر من النوع الذي يخرج من منزله.. الافضل اقفال الابواب + وضع شيء على سريره يعطي انذار او علامة على انه قد نهض من السرير وما شاكل .. لكي يتم اللحاق به وارجاعه الى السرير .

ملاحظة: مشكلة السير اذا كانت تحدث مرة او مرتين بالسنة لا تحتاج الى شهور علاجات بالدواء الا اذا كانت هنالك مشاكل مصاحبة لهذه المشكلة ، اما اذا كانت المشكلة متفاقمة وتوقع صاحبها بـ مشاكل واحراج فـ يجب متابعة الامر بالطرق التي ذكرناها.

MaTyA

طبعًا لقول شغلة : السبب المباشر او الجذري لمشكلة السير لساتو مبهم ، ما معروف يعني ..لكن في امور معلومة انها تزيد من نسبة حدوث هذه المشكلة..يللي قلناها فوق ..

طبعًا المشكلة محرجة جدًا..وتتسبب بقلق صاحبها بخصوص..انو شو رح يصير بالمستقبل..

وعن مرحلة الزواج..كيف رح يكون شعورو عند معرفة الزوجة بـ مشكلة السير خلال النوم .. التي يعتبرها صاحبها..محرجة..وهي فعلاً محرجة..قد يكون شابًا او تكون شابة..

و ممكن تستمر كل الحياة للمعلومة.. لكن ممكن تخفيف نسبة حدوثها متل ما حكينا

والله وموضوع يا متوش


2) الاكتئاب ، القلق ، الخوف .. هي عوامل مؤثرة ايضًا على عودة مشكلة السير خلال النوم بفترة البلوغ وما فوق
وهي عوامل بلا شك تؤثر على زيادة حدوث المشكلة .

مابخبي عليكي انا بتزكر اني وقت كنت زغيرة مشيت بنومي مرة واحدة
طلعت فيا من غرفتي رحت ع غرفة خيي وظليت ادقرو مفكرتو اختي

ومن وقتا مارجعت عدتا يمكن لانو الواحد كبر متل ماقلتي

هذه المشكلة من الطبيعي حدوثها في الصغر وتختفي بسن البلوغ او تصبح اقل حدوثــًا

موضوع مشوّق الحئيئة عنا بالبيت هالظاهرة مستشرية أخواتي البنات كلهون بيحكو بنومهن بس أنا يلي ما عندي هالمشكلة وما بعرف شو السبب أو شو الفرق بيني وبينهون

أختي ليلة فحص التاريخ بالباكلوريا كانت عم تحكيلي شلون كانت المؤامرة لاغتيال السلطان

والأضحك من هيك أنو أختيني كانوا عم يحكوا مع بعضهون وهنن نايمين وفقت على حكيهون وقلتلهون يسكتو ويخلوني أعرف نام فقام قاللولي أوكي ورجعوا ناموا

هههههههههههههههههههههه

أما شغلة المشي بالليل فما بعرف شي خطير بيجوز واحد يندب من عالبلكونة أو يطلع من البيت ويضيع أو ياخذ برد

للمعلومة ان صاحب مشكلة..(السير خلال النوم) لا يؤذ نفسه .. قد يصنع الاكل بنفسه .. قد يخرج من منزله ويركب السيارة ولا يصيبه اي مكروه .. اذ ان اثناء النوم العميق .. اجزاء كبيرة من الدماغ تشتغل .. يستطيع ان يرى او حتى يسمع .. لكن الذاكرة لا تسجل اي شيء لذا عندما يصحى الشخص لا يتذكر انه مشى خلال النوم ولا يتذكر ما فعل .

100 % .. انو صح كلامك .. ولموقف كمان صار معي انا شخصيا .. انو من زمان لسا عمري 6 او 7 سنين يمكن ..

و .. بيوم ما حسيت غير انو الجيران .. عم يقلولي شو فيك وخير .. طلعت طالع من البيت عال 11 يمكن .. ورايح عند الجيران " بينا وبين بيتن شي دقيقتين يمكن " .. وطالع على الدرج الطابق التاني .. وعم دق على الباب عندن .. ولا حتى حاسس شو صار بس انو طلعت الدرج عادي .. وطلعت فوق رصيف عالي نوعا ما كان .. احيانا .. اتلبك فيو وانا ماشي عادي .. يعني فعلا بكون .. في شي شغال وبخليك .. بعيد عن الاغلاط ..

انو الفكرة كتير لفتت انتباهي .. انو كيف وصلت لهنيك بدون ما اقلب او شي .. بس تحليل لقيتو اقرب للواقع ..

هلا بالنسبة انو .. الاسباب ليش .. ما بعرف ما بتوقع انو كان عندي ضغوط او شي من قبل .. بس ما عاد صارت معي مرّة تانية .. انو اهلي .. تاني يوم يضحكو ويخبروني بالقصة .. انو انا استوعبت المسا اني طالع برا البيت .. بس رجعت نمت دغري ولتاني يوم لصحصحت تمام .. وعرفت اللي صار .. بس انو .. ما عاد صارت معي مرة تانية ..

بس " على هوا ما بشوف عالم حواليي بحس انو اكتر شي ممكن يكون مأثر هوة التعب الكتير .. احيانا الواحد فينا .. بينام نومة بكون قبلا هلكان لدرجة مانا طبيعية .. يعني بكون طالع متل رحلة بحر او شي فلنفرض و3 تيام مانو نايم وعلى سباحة وهيك .. وبجي بينام نومة .. هون بصير اكتر من قصة المشي نفسا بصير .. حتّى ..
بيحكي .. وبيخبص وبيبربر .. وكلشي ..

ثانكس متوش .. :D

أي نعم..كلامك في منو :lol:

هو انا اختك باالله زمان لما كنت زغيري يعني هيك من جيل ال 10 سنين لحد اول جيل المراهقة يعني لجيل 16 بتقدري تقولي كنت امشي وانا نايمة ومرة كنت رح افتح الباب واطلع من البيت..بس يعني هي شغلة مش مؤزية:lol: اما الاسباب اللي بحطوها الاخصائيين ولا مرة أقنعتني صراحة..

أنا عن نفسي كنت اصحى من النوم وامشي كل ما كنا ننقل على بيت جديد .. متلا آخر بيت نقلنالو انا كنت شايفة وقت كانوا يبنوا فيه وهيك فــ حكوا انهن شافوا حية حول البيت و انا شفت عنكبوت كبير..فأول ما سكننا بالبيت (بعمر ال 16 هالحكي) كنت تقريبا كل ليلة اصحى (لمدة اسبوع) وصير صرّخ واحكي انو يابا يمّا تعوا شوفوا العنكبوت بأوضتي..وبعد ما يصيروا يحكوا معي أعرف انو هدول دخلاء ع الحلم فـ أعرف اني عم احلم وافيق .. اسا نحنا كنا انتقلنا قبل هالبيت ع بيت تاني من بيت أول (فهمتي كيف :lol:) يعني هو نحنا سكننا ب 3 بيوت مختلفة.. فـ كنت بردو كتير اصحى واتخيل عيلتي على فكرة :? (يعني هو احنا كنا عايشين ببلدة بعيدة عن بلدة اهلي وما كنا كتير نشوف القرايب) فلما رجعت ع بلدة أبوي صرت كل ليلة أحلم بقرايب أبوي :shock:

وهيك يعني..أمـا اسا الحمدلله صرلي فترة ما مشيتش وانا نايمة..خايفة اصير أمشي من ورا هالموضوع تبعك :cry:

بس يعني واضح انو السبب اللي كان يخليني أمشي هو تغيير الجو والبيئة والخوف من هالشي ..(بصراحة خايفة كتير لما انقل ع بيت جوزي اصير امشي وانا نايمة :cry:)

العوامل.. من الناحية النفسية .. التي تؤثر على اضطرابات النوم ومنها مشكلة السير:

1) كثرة الضغوط تزيد من مشكلة السير خلال النوم.

2) الاكتئاب .. هي عوامل مؤثرة ايضًا على عودة مشكلة السير خلال النوم
الضغوطات وخصوصا الإكتئاب موجود بحياتي:oops:
يعني العوامل موجودة بس ولا مرة بتزكر فيها أنو صحيت من النوم ومشيت :?

والله وموضوع يا متوش

مابخبي عليكي انا بتزكر اني وقت كنت زغيرة مشيت بنومي مرة واحدة
طلعت فيا من غرفتي رحت ع غرفة خيي وظليت ادقرو مفكرتو اختي

ومن وقتا مارجعت عدتا يمكن لانو الواحد كبر متل ماقلتي

صحيح هوي متل ما حكينا وقلنا انو من الطبيعي الزغير يمشي..
بيضل هالشي طبيعي لسن الـ 14 ..

يعني وقت انتِ مشيتي انتِ وزغيرة ما ضروري يكون هالشي ناتج عن مشكلة نفسية


هلا اسماء

موضوع مشوّق الحئيئة عنا بالبيت هالظاهرة مستشرية أخواتي البنات كلهون بيحكو بنومهن بس أنا يلي ما عندي هالمشكلة وما بعرف شو السبب أو شو الفرق بيني وبينهون

أختي ليلة فحص التاريخ بالباكلوريا كانت عم تحكيلي شلون كانت المؤامرة لاغتيال السلطان

هلأ انو اول شي الحمدلله انك نفدتي بالعيلة من هالمشكلة باعتبار انو بتحدث لاخواتك وانتِ لا
تاني شي.. بالنسبة لاختك فـ مشكلتها الحكي مو السير .. ومتل ما قلنا هو كمان من ضمن اضطرابات النوم

هلأ احنا قلنا انو الضغوطات بتأثر على هالمشكلة.. فـ باعتبار اختك يللي حكيتو هو شي متعلق بالدراسة
فـ هالشي قد يكون نتيجة لـ ضغوط الدراسة.. خاصة انها حكيت بليلة فحص بكالوريا اضافة الى انو يللي حكيتو هو شي بيتعلق بالمادة يللي كانت بتدرسها ويللي هيي التاريخ ..


أما شغلة المشي بالليل فما بعرف شي خطير بيجوز واحد يندب من عالبلكونة أو يطلع من البيت ويضيع أو ياخذ برد

بالنسبة للمشي .. فـ قلنا يللي عم يمشي ما بيؤذي حالو.. الا في حالات نادرة.. ادا شفتيه ممكن ينرمى ويوقع عن البلكونة فـ وقتها بترجعوه بـ طرق حكينا عنها .. اما انو يضيع.. فـ ادا كان الشخص واعي ما رح يضيع .. ما تخافي.. يعني متل ما قلنا يللي بيمشي بنومو شايف وسامع.. وماخد حذرو حتى..يعني بيتصرف طبيعي .. بس القصة انو ذاكرتو غايبة..ما عم تسجل شي..

بالنسبة للمشي خلال النوم والله كنت بدع بهالموضوع ...اكتر من مرة كنت اطلع عالاسطوح وما فيق على حالي الا وباب جايي وبيقلي شو عم تساوي عالاسطوح وما رد والصبح يحكيلي شو كنتي عم تساوي قلو انو انا ما سويت شي وانتو عم تألفو عليي

بس بدي قلكن هالقصة يعني لتضحكوا شوي....هاد بيوم من الايام كنت بدي نام وانا بطوّل لحتى ما اغفى واجا اخي من برا وكانت ملابسو بغرفتي فاجى بدو ياخدهم ولما رجع ليعلق ملابسو عملت حالي عم احكي وقلت والله غير ورجيك والله ما رح ارحمك وكنت عم راقب بطرف عيني ردة فعلو قرب مني فأنا وقفت فجأة ومسكت بقميصو وبلشت شد فيه وهوي بحكيلي ولك شو في ولك اتركيني وانا افرط من الضحك وأكلت كف بحياتي ما أكلت متلو ....ولهلق بعايرو بهديك الخوفة

متوش ثانكس عالموضوع

يا جماعة ... الله يرضى عليكم

الرجاء الالتزام بالسياق العلمي بالردود ... و ما تحولوا الموضوع سبام و حكي و تعارف ...



حتى يبقى الموضوع علمي ..

100 % .. انو صح كلامك .. ولموقف كمان صار معي انا شخصيا .. انو من زمان لسا عمري 6 او 7 سنين يمكن ..

و .. بيوم ما حسيت غير انو الجيران .. عم يقلولي شو فيك وخير .. طلعت طالع من البيت عال 11 يمكن .. ورايح عند الجيران " بينا وبين بيتن شي دقيقتين يمكن " .. وطالع على الدرج الطابق التاني .. وعم دق على الباب عندن .. ولا حتى حاسس شو صار بس انو طلعت الدرج عادي .. وطلعت فوق رصيف عالي نوعا ما كان .. احيانا .. اتلبك فيو وانا ماشي عادي .. يعني فعلا بكون .. في شي شغال وبخليك .. بعيد عن الاغلاط ..
انو الفكرة كتير لفتت انتباهي .. انو كيف وصلت لهنيك بدون ما اقلب او شي .. بس تحليل لقيتو اقرب للواقع ..

الحمدلله اولاً ما تكرر الموقف معك ..
تانيًا.. بنرجع لقصتك وبنربطها بالمقال .. وبنقول انو..قصتك تمامًا بتأثبت حكينا..
انو ما صرلك شي للسبب يللي احنا حكيناه حتمًا واللي هو انو نظرك وسمعك وحذرك كل هالاشيا شغالين
بس كل شي بالامر انك لما صحيت ما عرفت شو صاير لانو ذاكرتك كانت غايبة .. بهالفترة..

بيلفت بكلامك انو انت وصاحي(حسب ما فهمت) كنت تتلبك لما تطلع ع الرصيف بينما انت ونايم مشيت عادي
بقا هون بدي قلك..ممكن انت تلبكت..لكن مانك متذكر هالشي..مانك متذكر بشو حسيت وقت طلعت هالرصيف

هلا بالنسبة انو .. الاسباب ليش .. ما بعرف ما بتوقع انو كان عندي ضغوط او شي من قبل .. بس ما عاد صارت معي مرّة تانية .. انو اهلي .. تاني يوم يضحكو ويخبروني بالقصة .. انو انا استوعبت المسا اني طالع برا البيت .. بس رجعت نمت دغري ولتاني يوم لصحصحت تمام .. وعرفت اللي صار .. بس انو .. ما عاد صارت معي مرة تانية ..

هلأ بالنسبة لجملتك يللي بالاحمر.. انو ما كان في عندك ضغوط وانو ما بتعرف السبب .. فـ بحب نوّه انو انت حكيت قصتك عن لما كنت زغير .. بـ سن الـ 6 او7 سنين .. بقا بهالفترة شي طبيعي تمشي بنومك.. يعني مو شرط هالشي يكون ناتج لضغوط او لاسباب نفسية او صحية..مو شرط.. الضغوط تأثيرها اكتر بفترة فوق 14 ..


بس " على هوا ما بشوف عالم حواليي بحس انو اكتر شي ممكن يكون مأثر هوة التعب الكتير .. احيانا الواحد فينا .. بينام نومة بكون قبلا هلكان لدرجة مانا طبيعية .. يعني بكون طالع متل رحلة بحر او شي فلنفرض و3 تيام مانو نايم وعلى سباحة وهيك .. وبجي بينام نومة .. هون بصير اكتر من قصة المشي نفسا بصير .. حتّى ..
بيحكي .. وبيخبص وبيبربر .. وكلشي ..


هون بقا انت بتحكي..سباحة وهيك يعني بسن بلوغ خلينا نقول .. بقا بهالفترة العوامل يللي حكينا عنها بتأثر كتير.. من العوامل يللي قلناها..في عامل التعب .. التعب مزبوط بيأثر..بيخليك تحكي تمشي تكز ع الاسنان..الخ...

وللتنويه ايضًا..انو مو شرط..يللي بيعاني من ضغط نفسي وتعب انو يمشي..لكن في حال مشي فـ سبب مشكلة المشي بيعود لهالاشيا .. وطبعًا بتختلف حالة كل شخص..يعني ممكن حدا السبب بيعود لضغط نفسي ممكن حدا لمشكلة صحية .. وهكذا


ثانكس متوش .. :D

مية وردة
:D

الضغوطات وخصوصا الإكتئاب موجود بحياتي:oops:
يعني العوامل موجودة بس ولا مرة بتزكر فيها أنو صحيت من النوم ومشيت :?

انا قلت بهالرد انو:

[/color]

وللتنويه ايضًا..انو مو شرط..يللي بيعاني من ضغط نفسي وتعب انو يمشي..لكن في حال مشي فـ سبب مشكلة المشي بيعود لهالاشيا ..




يعني العوامل عندك موجودة بس ما عم تمشي..
ومتل ما قلنا فوق مو شرط انو تمشي في حال وجود هالعوامل .. ممكن تتواجد العوامل وما تمشي

اما الاسباب اللي بحطوها الاخصائيين ولا مرة أقنعتني صراحة..

انو سؤال : انتِ بتحكي عن اي اسباب تحديدًا بيحطوها الاخصائيين و ما اقنعتك؟!

أنا عن نفسي كنت اصحى من النوم وامشي كل ما كنا ننقل على بيت جديد .. متلا آخر بيت نقلنالو انا كنت شايفة وقت كانوا يبنوا فيه وهيك فــ حكوا انهن شافوا حية حول البيت و انا شفت عنكبوت كبير.. فأول ما سكننا بالبيت (بعمر ال 16 هالحكي) كنت تقريبا كل ليلة اصحى (لمدة اسبوع) وصير صرّخ واحكي انو يابا يمّا تعوا شوفوا العنكبوت بأوضتي..وبعد ما يصيروا يحكوا معي أعرف انو هدول دخلاء ع الحلم فـ أعرف اني عم احلم وافيق .. اسا نحنا كنا انتقلنا قبل هالبيت ع بيت تاني من بيت أول (فهمتي كيف :lol:) يعني هو نحنا سكننا ب 3 بيوت مختلفة.. فـ كنت بردو كتير اصحى واتخيل عيلتي على فكرة :? (يعني هو احنا كنا عايشين ببلدة بعيدة عن بلدة اهلي وما كنا كتير نشوف القرايب) فلما رجعت ع بلدة أبوي صرت كل ليلة أحلم بقرايب أبوي :shock:

انو حكيتي كأنو اكتر من فكرة مع بعض جوا بعض..فوتيهن ببعض..
عنكبوت..على ذكر قرايب..على نقل بيوت.. انو لو فصلتي الشغلات كل وحدة ع جنب..كان احلى لافهم عليكِ اكتر..

ع كل حال من يللي فهمتو منك بقلك:

1) انو تغيير الجو يمكن بيعملك خوف يمكن بيعملك ارتباك .. وباعتبار انو تكررت الحالة معك 3 مرات فـ بفكر انو هالشي ممكن يكون الو علاقة بشكل وبآخر بانك مشيتي بنومك

2)بالنسبة انك شفتي بمنامك عنكبوت..وصرتي تصرخي فـ هاد ممكن يكون تأثير المنام على نفسيتك وهاد غير الصراخ يللي بيصير بفترة من فترات النوم علمًا انو ما في حلم مزعج حلمانو..يعني صراخك الناتج عن حلم شفتيه غير مشكلة الصراخ يللي فجأة بيصير بدون سبب متل حلم او كابوس او هيك شي..

ويللي صار معك ما دخلو بـ فترة اول النوم يللي فيها بتصير مشكلة الروبسة.. لانو المنام بينشاف بـ اواخر فترة النوم .. هلأ بقلك هاد ممكن يكون شي مؤقت نتيجة خوفك من فكرة سمعتي عنها بالواقع وشفتيها بمنام بشكل ما .. فـ خفتي وبالتالي صرتي تصرخي..لكن هاد بيضل اعراض منام ، اعراض فكرة خوفتك..ممكن تكون مؤقتة فقط.
اللي صار معك سببه منام..خوف من منام..هذا سببه الجذري..

احنا قلنا انو الروبسة ومتلها اضطرابات النوم المتكررة يللي بتصير بـ اوائل فترة النوم سببها الجذري غير معروف..لكن حكينا عن العوامل اللي بتزيد نسبة حدوثها يعني انك خفتي من عنكبوت شفتيه بمنام وصرختي ما بيعني انو عندك مشكلة استمرارية ومتكررة كتير وسببها الجذري مبهم متل مشكلة الروبسة بسن متأخرة نسبيًا..

3)وبالنسبة لقرايبك برجع بقلك(قلتي احلم) يعني هاد حلم..غير مشكلة عم نحكي عنها يللي بتصير بـ اوائل فترة النوم

هلا مروشتي
:D


متوش ثانكس عالموضوع

نورتي عزيزتي .. انشالله نكون فدناكن :D

اوك ماتيا يمكن ما قدرتش اشرح او اوضح بالزبط شو بصير معي..وكلامي يمكن كلو فايت ببعضو..

هوي القصة انو احنا كنا ساكنين ببلد بعيد عن بلد عيلتنا وقرايبنا..فلما انتقلنا ع البلد تبع عيلتي..انو كنت كتير اقوم امشي وانا احلم..وانو اصّحي اهلي اقولهن انو عمي عالباب..او انو شي قريب اتصل عالبيت..ويطلع ما في حدا..وانو عم اتخيل وعم امشي بالحلم!

وبعدها بسنة انتقلنا ع بيت جديد (بنفس البلد)..فا انو كنت شاهدة على عملية البناء وهيك..فــ مرة وانا عم اتفرج عالبيت شفت بالساحة عنكبوت كبير..فـ ضليت خايفة وعلقت الشغلة معي..واول ما انتقلنا ع البيت كنت كتير امشي بالنوم واصحّي اهلي واقلهن انو في عنكبوت بهالاوضة وعنكبوت بهديك الاوضة..ولما يصيروا يحكوا معي اوعى عـ حالي واعرف انو هاد حلم مش حقيقة..

فالشي اللي كان يصير معي مش مجرد حلم او منام..لأ انا كنت اقوم وامشي واحكي مع العالم وافتح بواب وهيك..

فــ استنتجت انو تغيير الجو..او البيئة..وانو الاشيا اللي بتعلق بذاكرتي هية اللي بتسببلي الروبسة...

بتمنى كون وضحتلك الصورة احسن :D

فالشي اللي كان يصير معي مش مجرد حلم او منام..لأ انا كنت اقوم وامشي واحكي مع العالم وافتح بواب وهيك..
فــ استنتجت انو تغيير الجو..او البيئة..وانو الاشيا اللي بتعلق بذاكرتي هية اللي بتسببلي الروبسة...

بتمنى كون وضحتلك الصورة احسن :D

اي ما بينقال حلم لكان..يمكن كان قصدك تعبري انو شي وهم..مو حقيقة..بس كلمة حلم بتخلينا نفكر انو منام

وضحت الفكرة عزيزتي .. وتكرار حالتك قلتلك ممكن كتير يكون تغيير الجو مأثر عليكِ

ونورتي احلى مروى بالاخووووية كلها :D