هل كُنا سـَندرك الله لو لم يُرسـل أنبياء ؟


.


.

باختصار شديد
لا

هل كُنا سـَندرك الله لو لم يُرسـل أنبياء ؟


.


.




حضر ببالي مثل شهير ........ الله ما شافوه بس بالعقل عرفوه

على مر العصور .. نرى الناس بحثت عن الله ... او حتى عن الآلهة ...

باختصار شديد
لا


لا يا صديقي .. تعني إجابة غير قابلة للنقاش وَ أنا متشوقٌ للحديثِ مَعك

هل كانَ الإنسان لا يَعرف الله قبل وجود الأنبياء

وَ لماذا كانوا يَعبدون الروح التي تسكن الأصنام

وَ لماذا كانوا يعبدونَ الشمس وَ القمر وَ الكثير مِنَ الأشياء

ألم يدركوا بوجود الخالق

هل فكرة الخالق ضرورة فكرية

وَ هل هوَ فكرة حقاً ؟

جواب هذا السؤال حسب تعريفك ل الله اذا كان قصدك المذكور بالكتب الدينية ( لكل الديانات) اكيد نعم لانو عندو قدرات كافية حتى يثبت وجوده بدون الانبياء
اما اذا الله كفكرة حتى نبتعد عن الشر فالجواب لا لانو الانبياء هنى اصحاب هي الفكرة
هاد باختصار شديد ولي رجعة
هامش : هذا الرد كان التالت حسب الترتيب بدون ما اقرا باقي الردود

حضر ببالي مثل شهير ........ الله ما شافوه بس بالعقل عرفوه



على مر العصور .. نرى الناس بحثت عن الله ... او حتى عن الآلهة ...




إذاً كُنا سَـنتدبرُ أمورنا لولا وجود الأنبياء

هل تعتبر الأنبياء فائض فكري ؟

بو سارة كيفك

:D

انا كنت بعيد اصاغة السؤال ليصبح:
هل كنا سندرك اللة لو لم يظهر الانبياء... لانو في فرق كبير بين لتنين...
وبكل الاحوال الاجابة هيي لاء
ما كنا رح ندرك اللة...
بس يمكن كنا رح ندرك شي تاني...
بديل،
لانو على مر العصور
ما مرقت فترة الانسان ما كان فيها يعبد شي حدا...

إذاً كُنا سَـنتدبرُ أمورنا لولا وجود الأنبياء

هل تعتبر الأنبياء فائض فكري ؟




انا تحدثت عن ادراك وجود الله ...

يعني الانسان حاول الوصول الى راحة فكرية اكثر من عبادة ...


لكن شقك الثاني .. يحتاج الى وقفة

فالله ارسل الانبياء لقيادة الناس دينيا ...




بو سارة كيفك

:D



أهلين نوار ....

جواب هذا السؤال حسب تعريفك ل الله اذا كان قصدك المذكور بالكتب الدينية ( لكل الديانات) اكيد نعم لانو عندو قدرات كافية حتى يثبت وجوده بدون الانبياء

إذا كانَ لديه قدرة كافية لإثبات ماهيته فلماذا يَبعث بـِ الأنبياء ؟


اما اذا الله كفكرة حتى نبتعد عن الشر فالجواب لا لانو الانبياء هنى اصحاب هي الفكرة
هاد باختصار شديد ولي رجعة
هم أصحاب الفكرة أم

الإنسان كائن ضعيف وَ بـِ حاجة ماسّة للإنتماء لما هوَ أعظمُ منه

لو أدعى رجلٌ أنه نبي وجاء بالمعجزات .. هل تؤمنينَ به ؟

أو لو كُنتِ في زمن ِ الأنبياء هل كُنتِ مِنَ المؤمنين ؟

انا كنت بعيد اصاغة السؤال ليصبح:

هل كنا سندرك الله لو لم يظهر الانبياء... لانو في فرق كبير بين لتنين...
وبكل الاحوال الاجابة هيي لاء
ما كنا رح ندرك الله
بس يمكن كنا رح ندرك شي تاني...



أستشفُ بخبث مِنْ إجابتك الذكية

أنَ النبوة نتاج أرضي

لا أكثر ,.

رح شارككم معي بقصة صغيرة عن فيلسوف اسمه سونتونيز ... ما بعرف هالفيلسوف إلا من خلال هالقصة اللي قريتها من قبل يمكن كفكرة فيا الجواب

ادعى سونتونيز، أن الناس يعتقدون بوجود الله لنّ أهلهم لقّـنوهم هذا الاعـتقاد لمّا كانوا أطفالاً. وأراد أن يثبت رأيه بالتجربة والاختبار. فاتخذ رضيعاً وعزله عن الناس وربّاه دون أن يلفظ أمامه قط اسم الله.

و لما كبر الغلام ونمَا عقله وأخذ يفكر، فاجأه الفيلسوف يوماً، فرآه راكعاً على الأرض ينظر إلى الشمس المشرقة ويقول: ما أجملكِ أيتها الشمس وما أجمل من خلقكِ! فإن رأيتِهِ فقبّليه عني


ولي رجعة :D

إذا كانَ لديه قدرة كافية لإثبات ماهيته فلماذا يَبعث بـِ الأنبياء ؟
حسب التعريف الاول وهذا حسب رايي انو الانبياء حتى يساعدو الناس على فهم الفكرة بشكل اوضح مو اكتر
هم أصحاب الفكرة أم

الإنسان كائن ضعيف وَ بـِ حاجة ماسّة للإنتماء لما هوَ أعظمُ منه

مش متاكدي اذا فهمت قصدك بس بردو حسب رايي انو نفس الشي يعني الفكرة نفسها الانيباء موصوفين بانهم طيبين فهي الفكرة كانت حتى يحسنو العالم وبما ان الانسان ضعيف وبحاجة للانتماء متل ما قلت فوصوفو الله بانو قوي وكلي القدرة حتى يحسسو بالامان وهون بيظهر الذكاء للانبياء يعني الفكرتين مع بعض

لو جاءَ أدعى رجلٌ أنه نبي وجاء بالمعجزات .. هل تؤمنينَ به ؟

به اي الانسان صاحب المعجزات او الله ؟ اسفة ما فهمت عليك في مجال توضح ؟
أو لو كُنتِ في زمن ِ الأنبياء هل كُنتِ مِنَ المؤمنين ؟

صعب اني اجزم بس ما بعتقد الانبياء صحيح حسب القصص عملو معجزات بس ودعو للدين وكانو ناس صالحين بس كانو في فتعاملهن مع الناس شوية ظلم ( مع الاحترام ومش قصدي دين معين)
هامش : كل هذا الحكي حسب رايي على التعريف مش اكتر وايماني بالله او عدمو شي بخصني وما رح اكشفو هون

انا تحدثت عن ادراك وجود الله ...

يعني الانسان حاول الوصول الى راحة فكرية اكثر من عبادة ...

أيستطيع الإنسان العيش دونَ عِبادة وهوَ مُرتاح الضمير ؟


لكن شقك الثاني .. يحتاج الى وقفة

فالله ارسل الانبياء لقيادة الناس دينيا ...

لماذا تعددَ القادة .. ما الحكمة من هذهِ التعددية

وهل انتهى زمنُ القادة ؟

هلأ بحكيلك حسب نظرتي للامور..

اني بقول..(على الاقل انا.يعني على مستوى انا على الاقل عم بحكي)
انو اني بحس انو في قوّة عظمى عم بتساعدني..
عم تيسّر اموري وعم تصير شغلات بحس انها مرتبة من قبل قوّة مو عادية..وما فيني اعتبر هالشغلات صدفة لانها مو صدفة..قلنا هي مخططة ومرتبة ومنظمة من قبل قوّة مو عادية..يعني مو قوة انسان

طيب يعني اني حاسة انو في قوّة ورا هالتكوين وهالامور..دور الانبياء انو عرفونا انو هالقوة هي قوة الله
انو هالقوة العظيمة هي عـِـظمة الله سبحانه وتعالى..مثلاً لما والد النبي ابراهيم عليه السلام بيقلو انو صنع الاصنام قام قلو النبي عليه السلام انو انت صنعتها بـ ايدك بس ما فكرت مين صنعلك ايدك؟! (مضمونًا)
يعني هون انو اذا الواحد بدو يفكر بيعرف انو في قوة ورا هالتكوين مع تعقيدو وعظمتو..
فالانبيا عرّفونا انو هالقوّة هي قوة الله عز وجل
يعني يمكن ناس ما عم تفكر مين ورا هالاشيا وكذا..فـ الانبيا اجوا عرفوهم انو هالاشيا ما اجت الا من قوة الله

يعني في ناس بتقلك هيدي قوة الطبيعة..يعني عارفين في قوة ورا هالاشيا بس بيسموها قوّة طبيعة
فـ من خلال الانبيا بنعرف انو هالقوة هي قوة الله ..هلأ يللي ما صدق..عملولو معجزات
ناس آمنت..وناس لاء...

اذًا خلاصة حكيي..انو كـ قوة انا حاسة بوجودها لكن معرفتنا بـ انها قوة الله من خلال الانبيا



عليهم السلام جميعًا

أيستطيع الإنسان العيش دونَ عِبادة وهوَ مُرتاح الضمير ؟



راحة الضمير .. للإجابة على اسئلة أتعبت الانسان مثل الوجود و الخلود ..الخ

لكن من ناحية العبادة بحد ذاتها ... المسئلة تختلف كثير



لماذا تعددَ القادة .. ما الحكمة من هذهِ التعددية

وهل انتهى زمنُ القادة ؟



تعدد القادة بسبب تغير الازمان و تغير الفكر الانساني ...

حسب الاديان انتهى ذلك الزمن ... زمن الانبياء

هل كُنا سـَندرك الله لو لم يُرسـل أنبياء ؟





وهل أدركنا الله بعد إرساله أنبياء!؟!
.

.

بصراحة يا صديقي سؤال محير

فمن جهة اؤمن بقوة العقل البشري وقدرته على الاتفكير المنطقي

ومن جهة اخرى ارى الكثيرين في ايامنا هذه ممن غيبو المنطق واتبعو ما يرضي نفوسهم

فلو ان الله لم يبعث بانبيائه

فمن اي نوع كنا سنكون ؟؟؟؟

:?

أستشفُ بخبث مِنْ إجابتك الذكية

أنَ النبوة نتاج أرضي

لا أكثر ,.



صدقت
باعتقادي ان النبوءة
كما قلت،
نتاج ارضي بحت
نتاج ذكي الى حدود اللا معقول
كان يخدم المصالح الشخصية لفئة معينة من المجتمع
وبات الشريعة والتشريع الذي يسيّر العالم اجمعين

وبقينا نحن العاشقين
اكبر شريحة من المتضررين

برأيي ... وبصراحة

لو رجعنا كتييييييييير لورا ..... للانسان البدائي .... بطبيعة الانسان راح يبحث عن شيء ان صحت تسميته كذلك بدون الاسم "الله" .... واذا مشى حسب العقل والفطرة رح يوصل لهذا الشيء اللي هو "الله"

حسب التفكير رح يبحث عن شيء اكبر واعظم ووو ... من كل شيء ..... لأنه الله يعلم الاشياء يعني ما نعرف ويعلم ما لا نعرف وهي لا اشياء لاننا ما شوفناها او حلمنا فيها او فكرنا فيها حتى ....

اذا شذ الانسان عن الفطرة ..... رح يعبد اشي كبير مش الأكبر ... متل الشمس او القمر او البقر ... او اي شي بشوفوا عقلو انو قوي ... وانا تابع له ... حتى ارتاح روحياً ...

هلأ .... الانبياء برأيي بعثوا حتى يوفروا الايمان القلبي اللي البشر بحتاجوا .... بالاضافة الى تعليم المجتمع وتطويره واضافة اشياء غيبية للناس ...

وليش مش "الله" هو اللي وصل هاي الافكار ...
لأنو البشر عادتاً بيرتاحو مع البشر .... مش مع اشياء لا ترى ....

بعدين .... بشر + معجزة من الله ........... كفيل بايصال الافكار كما يجب ..... والانبياء شخصيات عبقرية وقيادية ... الناس رح تتبعها وتصدقها وتستفسر منها بشكل مباشر .............

:D

اذا اجيت لفكرة انو الله نزل ادم على الارض وحوا فـ الاجابة انو الله معروف

لكن السؤال بيكون ايمتا بلشت الناس تنسى الله ؟؟

الشي اللي ادى لارسال الانبياء والرسل للارض

هل كُنا سـَندرك الله لو لم يُرسـل أنبياء ؟


.



.


طيب ليش ما بنخلي السؤال

هل سندرك الله ؟؟

يعني خلينا ننسى موضوع الرسل والاديان واحنا هلئ بهاد الزمن
هل نحن قادرين ندرك الله.؟؟ بدون الكتب السماوية والرسل والتاريخ

صدقت

باعتقادي ان النبوءة
كما قلت،
نتاج ارضي بحت
نتاج ذكي الى حدود اللا معقول
كان يخدم المصالح الشخصية لفئة معينة من المجتمع
وبات الشريعة والتشريع الذي يسيّر العالم اجمعين

وبقينا نحن العاشقين

اكبر شريحة من المتضررين

إذا فسري لي,كيف تكلم عيسى بن مريم في المهد؟!
وكيف استطاع موسى شق البحر؟!................

إذا فسري لي,كيف تكلم عيسى بن مريم في المهد؟!
وكيف استطاع موسى شق البحر؟!................
خزعبلات...

أرسلَ اللهُ كثيراً من الأنبياء وعندما عجز الإنسان عن بلوغ قامته الأولى، شاءَ الإله فتجسَّدَ وأظهرَ بنفسِه ما لم يظهرْه الأنبياء. إنَّ الإنسانَ المخلوق على صورة الله ومثاله شوّه صورته هذه باختياره الشرَّ، وترميم هذه الصورة لم يكن ممكناً لأنَّ الجميع أخطأوا... كان البشرُ بحاجةٍ إلى إنسانٍ كاملٍ تامّ يحملُ عنهم عبءَ هذه الخطايا ويرمّم في ذاته صورتنا الحقيقيّة، فكان هذا مدعاةً إلى تجسّد الإله وحلوله بيننا بالجسد.

من هو أحقّ بأبناء البيت: الوكلاء أم ربّ البيت؟ هكذا بين الله والأنبياء!!!

الطريقُ إلى اللهِ مفتوحةٌ ولا حاجة بنا إلى نبيّ بعد!
بعد التجسّد لا وساطة بين البشرِ والله...
ومن لم يختبر اللهَ لا يُمكنه أن يتحدّث عن الإيمان.

خزعبلات...
حسنا
إما أن يكون هذا.. وبهالحالة..السؤال الذي يطرح نفسه..من كتب ذلك التاريخ؟وماهدفه؟!
إما أن نظرته ثاقبه كإله..
أو أنه كاتب عظيم.. لم يعرف العالم حتى يومنا هذا كاتبا بخصوبة خياله وإلمامه بمشكلات البشر وعلاجها..
قبل أن يشعل الإنسان النار.. لابد أنه إله.. أنا سأعبده على الأقل..
:larg:

الله هو المتجلي في كل شيء، المحيط بكل أمر .
عندما قرأت الموضوع تبادرت آية الى ذهني بشكل مخصوص :
(( ... رسلا مبشرين ومنذرين لئلا يكون للناس على الله حجة بعد الرسل وكان الله عزيزا حكيما ))
ولمن لم يفقهه تاويل الآية فإن ابن كثير يقول في ذلك :
" أي يبشرون من أطاع واتبع رضوانه بالخيرات وينذرون من خالف أمره وكذب رسله بالعقاب والعذاب،
أيّ أنه تعالى أنزل كتبه وأرسل رسله بالبشارة والنذارة وبيّن ما يحبه ويرضاه مما يكرهه ويأباه لئلا يبقى لمعتذر عذر
هذا هو غرض ارسال الرسل "
فلا يجوز إغراق أمور عقدية والخلط بين موضوعين إذ بيّن الله هدف ارسال الرسل
ولكن إدراك الله يندرج تحت ما يعرف بالايمان وهنا نعتمد على الفطرة الانسانية
تفكّر في خلق الله تدركه .....
وتقبلوا المرور .. ,, ..

حسنا
إما أن يكون هذا.. وبهالحالة..السؤال الذي يطرح نفسه..من كتب ذلك التاريخ؟وماهدفه؟!
إما أن نظرته ثاقبه كإله..
أو أنه كاتب عظيم.. لم يعرف العالم حتى يومنا هذا كاتبا بخصوبة خياله وإلمامه بمشكلات البشر وعلاجها..
قبل أن يشعل الإنسان النار.. لابد أنه إله.. أنا سأعبده على الأقل..
:larg:
ما بظن انو الفكرة هون هيي في تألية كاتب التاريخ... لانو هي شغلة اي حدا كان بيقدر يعملها... حتى انا وانت... بهديك الفترة التاريخ سجل وقائع حصلت ووقائع ما حصلت يعني صارت باذهان الناس بس...
يلي بتعجب منهن هني يلي بيقولو عن حالهن انبياء... بتعجب من مقدار ذكائهن وقوتهن والكاريزما يلي كانو يملكوها...بجد بحسدهن عليها... كيف قدرو يجرفو معهن كل هاي العقول الحائرة يلي كانت بحاجة للتحريك والتوجية من قبل شي محسوس... شي مبهم... شي يبعث فيهن الرهبة...
معقولة الالة خالق السماوات والارض وخالق كل شي ويلي بكبسة زر وحدة بيقدر يمحي كلشي عملو بسبع ايام... يكون بحاجة لكزا نبي وكزا ديانة مشان يثبتلنا وجودة... طيب ليش مثلا ما خلقلنا الايمان معنا مثل ما خلقنا وعملنا...
ذكرتني بقصة المتنبي لما قال انو اسمو لا مشان يدعي النبوءة... يعني تصور انو تكون زبطت مع هلرجال... كان بيكون عنا هلأ كمان ديانة...

ما بظن انو الفكرة هون هيي في تألية كاتب التاريخ... لانو هي شغلة اي حدا كان بيقدر يعملها... حتى انا وانت... بهديك الفترة التاريخ سجل وقائع حصلت ووقائع ما حصلت يعني صارت باذهان الناس بس...
يلي بتعجب منهن هني يلي بيقولو عن حالهن انبياء... بتعجب من مقدار ذكائهن وقوتهن والكاريزما يلي كانو يملكوها...بجد بحسدهن عليها... كيف قدرو يجرفو معهن كل هاي العقول الحائرة يلي كانت بحاجة للتحريك والتوجية من قبل شي محسوس... شي مبهم... شي يبعث فيهن الرهبة...
معقولة الالة خالق السماوات والارض وخالق كل شي ويلي بكبسة زر وحدة بيقدر يمحي كلشي عملو بسبع ايام... يكون بحاجة لكزا نبي وكزا ديانة مشان يثبتلنا وجودة... طيب ليش مثلا ما خلقلنا الايمان معنا مثل ما خلقنا وعملنا...
ذكرتني بقصة المتنبي لما قال انو اسمو لا مشان يدعي النبوءة... يعني تصور انو تكون زبطت مع هلرجال... كان بيكون عنا هلأ كمان ديانة...
معك حق بالذي قلته\
ولكن المتنبي لم يدع النبوة إنما هذه تهمة ملصقة به
لإكثاره من تناول الأنبياء في قصائده وتشبيه نفسه بهم ومما قاله في ذلك :
وما مقامي بأرض نخلة الا كمقام عيسى بين اليهود
أنا في أمة تداركها الله غريب كصالح في ثمود

معك حق بالذي قلته\
ولكن المتنبي لم يدع النبوة إنما هذه تهمة ملصقة به
لإكثاره من تناول الأنبياء في قصائده وتشبيه نفسه بهم ومما قاله في ذلك :
وما مقامي بأرض نخلة الا كمقام عيسى بين اليهود
أنا في أمة تداركها الله غريب كصالح في ثمود
هلأ ما رح نختلف على المتنبي وعلى شو قال المتنبي.... بس بحب قلك في كتير كتير مصادر ذاكرة هشي... ما بظن انها كتير بتفرق عن المصادر يلي ذكرت الانبياء... يعني بالاخير كلو بيكتب شو بيسمع مش بس شو بيشوف... لهيك مافي شي موثوق... ولهيك انا اشكك اذا انا موجود... ويلي بياخد كلشي كمفهوم ضمنا... يكون بعونو...

اعذورني بدي ادخل بالموضوع بنصه قبل ما اقرا الردود

مشان سؤالك اخوي نوار انا بجاوب عليه بـ لا و بـ نعم

لا
لأن الانسان لو لم يأتي ( اشخاص ) لقبّوا بال(رسل) ما كان سمعنا بشيء اسمه ( الله )

ونعم
لأن العقل البشري لو ما كان في رسل كان بدخ ( يستدرك ) او ( يبدع ) شيء مشابه لفكرة الله يمكن ما يكون الله بجلالة قدرة او بنفس شخصه وصفاته يمكن كان الابداع حيكون اله منحى تاني وبخط مختلف عن الخط اللي بين ايدينا بس بالأخير كان بده يصل لنفس النتيجة الفرق هوي الرسل اللي مرّت على البشرية ونوع اللمسة الشخصية اللي بصمها كل مواحد بشخص ( الله )
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ما بظن انو رح ندرك الله اذا ما كان في رسل ..

وظيفة الرسل .. تعريف الناس على " الله " .. وعلى الفروض يلي فرضها عليهم ..

ولو لا وجود الرسل ما كان حدا فينا عرف وجود " الله " .. وشو الفروض الي لازم نلبيها وكيفية عبادتة ..

ولو الله الي خلق الارض بسبع ايام .. خلقنا بالايمان ..

فمعناتوا شو الفائدة من انو خلقنا .. !!

كيفكون انا بدي بدي جرب غير صيغة السؤال بالاول ( رح ارجع عن صيغة سؤالك ) يعني بدال كلمة الله نحط اله رح يصير الناتج هل كُنا سـَندرك اللإله لو لم يُرسل أنبياء انا بقول اي رح ندركوا لأنو الإله هو فكرة عن مطلق ما و هيك بنلاقي انو منذ ظهور الانسان كان يبحث عن مطلق ما وهي قصتها معروفة .
اما عن صيغة سؤالك فكلمة الله هي اسم ذات هو اله المسلمين فلا تجد كلمة الله للتعبير عن اسم الاله في بقية الديانات ( انظر الى الكتب المقدسة و ليس الى كلام الناس في الشارع لأن الذاكرة الجمعية تغير من مفاهيم الذاكرات الفردية ) و بالتالي اذا تكلمنا عن الله من هذا المنطلق اي اسم ذات اله المسلمين فمن اعطاه تلك الصفات التي من خلاله يمكن التعرف عليه هم مفسري الكتاب و علماء الكلام بتمنى تكون الفكرة وصلت

أرسلَ اللهُ كثيراً من الأنبياء وعندما عجز الإنسان عن بلوغ قامته الأولى، شاءَ الإله فتجسَّدَ وأظهرَ بنفسِه ما لم يظهرْه الأنبياء. إنَّ الإنسانَ المخلوق على صورة الله ومثاله شوّه صورته هذه باختياره الشرَّ، وترميم هذه الصورة لم يكن ممكناً لأنَّ الجميع أخطأوا... كان البشرُ بحاجةٍ إلى إنسانٍ كاملٍ تامّ يحملُ عنهم عبءَ هذه الخطايا ويرمّم في ذاته صورتنا الحقيقيّة، فكان هذا مدعاةً إلى تجسّد الإله وحلوله بيننا بالجسد.

من هو أحقّ بأبناء البيت: الوكلاء أم ربّ البيت؟ هكذا بين الله والأنبياء!!!

الطريقُ إلى اللهِ مفتوحةٌ ولا حاجة بنا إلى نبيّ بعد!
بعد التجسّد لا وساطة بين البشرِ والله...
ومن لم يختبر اللهَ لا يُمكنه أن يتحدّث عن الإيمان.

التجسد كان ضرورة حتمية للرجوع الى الخليقة الاولى الصورة الاولى الكاملة الخالية من التشوه ..
عند التجسد ..... فتح باب العودة الى النقاء و الكمال تم , فتح طريق الكمال و السمو الروحي تم , فتح طريق المعرفة الكاملة و الابدية المطلقة تم , فهنيئا للقادرين على اجتياز هذا الطريق .. الطريق و الحق و الحياة
اخي ارفع لك القبعة احتراما على كلماتك ...:D

التجسد كان ضرورة حتمية للرجوع الى الخليقة الاولى الصورة الاولى الكاملة الخالية من التشوه ..
عند التجسد ..... فتح باب العودة الى النقاء و الكمال تم , فتح طريق الكمال و السمو الروحي تم , فتح طريق المعرفة الكاملة و الابدية المطلقة تم , فهنيئا للقادرين على اجتياز هذا الطريق .. الطريق و الحق و الحياة
اخي ارفع لك القبعة احتراما على كلماتك ...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وأنا أركعُ أمامَ لطف كلماتِك ومحبّتك...
نعم يا صديقي: هنيئاً وطوبى ونعمّا لمن عرف الحقَّ فسار في طريقِه وبلغ الحياة.

سيدنا ابراهيم رفض انه يعبد الاصنام وحاول انه يلاقى الخالق الحقيقى للكون الى ان اهتدى وعرف ان الله هو خالق الكون والبشر
اذا من جواك مش مأمن بالله وان الحياة اللى بتعشها ليها هدف وانك مخلوق لسبب وان الدنيا اللى حوالينا ليها خالق حتى اذا جالك100نبى مش هتصدق ولا هتأمن
ولو من جواك بتبحث عن الحقيقه هتدور وهتوصل للخالق سبحانه وتعالى

وهل ؟؟؟ أدركناه بعد كل هذا الجيش العرمرم من الأنبياء؟؟؟؟؟؟

وهل ؟؟؟ أدركناه بعد كل هذا الجيش العرمرم من الأنبياء؟؟؟؟؟؟

إذا اتفقنا على أننا لم ندركه يبقى السؤال هل المشكلة بنا؟ أم بهم؟ أم به؟

اما عن صيغة سؤالك فكلمة الله هي اسم ذات هو اله المسلمين فلا تجد كلمة الله للتعبير عن اسم الاله في بقية الديانات


هادا الحكي مو دقيق لأنو المسيحية (بالانجيل كمان اسمو الله)
على كل أنا مو ادران ادركوا لو بيجي مية نبي
فبرأي انو الله هو الانسانية فاذا انتشرت و عمت الانسانية عندها لا يبقى لوجود الله اي معنى

فبرأي انو الله هو الانسانية فاذا انتشرت و عمت الانسانية عندها لا يبقى لوجود الله اي معنى


ممكن تشرحلنا هي الجملة بالتحديد ؟؟

طبعا انو الله في الفترة التي لم تنتشر السيئات و كل ما هو مسيء للنفس البشرية من سرقة و زنى و فقدان الاحسان و انعدام الضمير و ما الى ذلك .......................... فان الله لم يتدخل في حياة البشر او بالاحرى لم يوجد انسان على وجه الارض احس بخطر يهدد وجود البشرية في المستقبل اما و بعد انتشار ما سبق ذكره فقرر الله او جاء طليعة من البشر النادرين الذين لا يوجد حدود لوعيهم و بدؤوا رسائلهم في سبيل انقاذ الانسانية و التي قد تكون موجهة او مسيرة و التي قد تكون مخيرة

إذا اتفقنا على أننا لم ندركه يبقى السؤال هل المشكلة بنا؟ أم بهم؟ أم به؟

تكون المشكلةبنا وبهم بدرجة محدودة , وبه بالدرجة الأولى, فإن كان بالأساس ,كما يصفه أنبياؤه ورسله , بهذه القدرة والقوة , لماذا غالباً ما يفشل في إقناعنا بوجوده, وإذا كانت محدودية عقلنا وتفكيرنا أمامه هي عذرنا , في عدم إدراكه, ولكن ما هو عذره في عدم قدرته على إقناعنا بوجوده رغم جيشه العرمرم ولّعت كتير بس ما خلصت الكبريتة معي ولاعة

[quote=stormsmaker;1084177]اما عن صيغة سؤالك فكلمة الله هي اسم ذات هو اله المسلمين فلا تجد كلمة الله للتعبير عن اسم الاله في بقية الديانات


هادا الحكي مو دقيق لأنو المسيحية (بالانجيل كمان اسمو الله)


فيك تقولي باي محل مذكور هذا الاسم و شكرا سلفا

الصفحة الاولى من انجيل متى 1 و 2 كأبسط مثال و في أول صفحة فتحتا:D

وَ لماذا كانوا يَعبدون الروح التي تسكن الأصنام

وَ لماذا كانوا يعبدونَ الشمس وَ القمر وَ الكثير مِنَ الأشياء

ألم يدركوا بوجود الخالق

هل فكرة الخالق ضرورة فكرية

وَ هل هوَ فكرة حقاً ؟




ربما كانت فكرة العبادة منذ البداية مرتبطة :
1_ عدم قدرة عقل الإنسان الأول على تحليل الظواهر المحيطة به , وكان العقل في مراحل تكونه الأولى
2- خوف الإنسان مما يجهله , وكان يجهل الكثير ,ونستطيع أن نقلب المعادلة ونقول كان لا يعلم إلا القليل
من هنا نستطيع ربط الموضوع بالجهل وضعف التفكير من جهة وبالخوف من جهة أخري ,وربما كانت فكرة الله هي كارثة الإنسانية التي ربطت الإنسان وقيدت تفكيرة لمئات السنين كا فعلت الكنيسة في القرون الوسطى
وكما يحصل اليوم حولنا فكل من يريد أن يفكر , مهدد بالقتل ذبحاً أو حرقاً , والمنفذ ملايين المؤمنين

هل كُنا سـَندرك الله لو لم يُرسـل أنبياء ؟
الدليل الكبير للجواب عن هالسؤال القران الكريم

هل كُنا سـَندرك الله لو لم يُرسـل أنبياء ؟

بختصار شديد نعم

هل كُنا سـَندرك الله لو لم يُرسـل أنبياء ؟
الدليل الكبير للجواب عن هالسؤال القران الكريم

ما فهمت يعني هو المهم انك تحكي أي شي؟؟؟

على القليلة حكيلك جملة إلها معنى... يعني السؤال محدد هل كنا سندرك الله لو لم يرسل أنبياء.. وجوابك مالو علاقة بالقصة... على اعتبار انو القرأن نقل عن طريق محمد ومحمد لازم يكون من الأنبياء.... اذاً انتفت علاقة السؤال بالجواب على اعتبار صيغة السؤال تحتوي على جملة لم برسل أنبياء...

لما القصة انو المهم تقولي قرأن شو ما كان الموضوع؟

الصفحة الاولى من انجيل متى 1 و 2 كأبسط مثال و في أول صفحة فتحتا:D

هل كُنا سـَندرك الله لو لم يُرسـل أنبياء ؟
الدليل الكبير للجواب عن هالسؤال القران الكريم

دق المي وهية مي ...:pos:

بعتقد اي لانو الانسان بفطرتو مافيو يعيش بدون فكرة الاله اللي بيحرسو وبسيرلو امورو انشالله يعبد بطيخ ..

فالفكرة موجودة من وقت الانسان البدائي بلشت طبعا بشغلات بسيطة متل عبادة الحجر ,الاصنام, الشمس ..etc

وتطورت هالفكرة مع ارسال الانبياء اللي الهدف منها كانت الاهتداء لفكرة وجود رب واحد اكبر من الشمس ومن

الحجر ومن اي شي ممكن نتخيلوا..

ع فكرة كلمة لو خطيرة كتير :lol:..don't let it trick you

بعدين .... بشر + معجزة من الله ........... كفيل بايصال الافكار كما يجب ..... والانبياء شخصيات عبقرية وقيادية ... الناس رح تتبعها وتصدقها وتستفسر منها بشكل مباشر .............

:D


لماذا توقفَ زمن المُعجزات

لماذا لا يوجد أنبياء وَ رُسل

لماذا نقتاتُ على بعضنا

أينَ صوتُ السَماءِ الأعلى ؟