اعلنت "جبهة الخلاص" السورية المعارضة التي يقودها نائب الرئيس السوري السابق عبد الحليم خدام, امس, انها تستعد لاطلاق قناة فضائية ناطقة بلسان المعارضة السورية بأطيافها كافة, وتبث برامج متنوعة من بينها برامج للأطفال.

واوضح مدير البرامج السياسية في القناة بشار رفيق السبيعي ان قناة "سورية الجديدة" ذاتية التمويل, وستبدأ البث مساء الجمعة المقبل, بكلمة يوجهها خدام الى الشعب السوري, وبمعدل ثماني ساعات في اليوم خلال المرحلة الأولى, ستشمل الى جانب نشرات الأخبار والحوارات السياسية, برامج ترفيهية ومسلسلات وبرامج للأطفال وسيقتصر بث القناة في المرحلة الأولى على القمر الصناعي الأوربي "هوت بيرد".

واشار الى أن الحوارات السياسية التي ستبثها القناة, ستكون مع شخصيات سورية وعربية وأجنبية بارزة, بهدف "الكشف عن ممارسات النظام بشكل عام, مثل انتهاكات حقوق الانسان للمواطن السوري, والفساد, وحالة الطوارئ المطبقة في البلاد منذ أكثر من 45 عاماً, والمحاكم الاستثنائية, وقضية معتقلي الرأي والضمير, وعملية الاصلاح والتغيير الديمقراطي, وتحييد السلطتين القضائية والتنفيذية وربطها بالعائلة الحاكمة".

وأكد سبيعي أن "سورية الجديدة" ستكون "ناطقة باسم المعارضة السورية بكل أطيافها وقياداتها القومية واليسارية والاسلامية والكردية, وليس باسم جبهة الخلاص فقط", مشيرا الى الجبهة "ستلعب الدور الأكبر في المحطة الفضائية".

ولفت الى ان المحطة "ستبث برامج كردية مترجمة الى العربية", نافياً أن تكون هذه البرامج تمثل طروحات الأحزاب الكردية الانفصالية, ومشدداً على أن المحطة "ستتميز بتوفير نافذة لحرية الرأي والتعبير للمواطن السوري من دون رقابة أو وصاية".

وأوضح سبيعي أن المحطة ستبث من دول أوروبية لم يسمها, وعزا ذلك الى "أسباب أمنية لكون المعارضة السورية بأطيافها كافة, مستهدفة من قبل النظام في سورية وأجهزته الأمنية".

وعن الجهات الممولة للمحطة, اشار الى ان "سورية الجديدة" استثمار خاص بين جهاد عبد الحليم خدام, نجل نائب الرئيس السوري السابق ورجال أعمال سوريين تجنب الكشف عن أسمائهم لأسباب أمنية أيضاً, نافياً أن تكون المحطة ممولة من قبل السعودية أو النائب اللبناني رئيس "تيار المستقبل" سعد الحريري أو الاتحاد الأوروبي, متهما "جهات مقربة من النظام السوري بترويج مثل هذه الطروحات".

في المقابل, اعتبر المتحدث باسم السفارة السورية في لندن جهاد مقدسي :
ان الموضوع برمته لا يستحق الرد عليه بإسهاب لكي لا نسهم بتوفير الدعاية المجانية لدكاكين تتألف من أشخاص بعدد أصابع اليد الواحدة تطلق على نفسها اسم معارضة ، لكنني أستطيع توصيف ما يحصل بالقول أن القناة التلفزيونية التي ذكرت أنها ستنطلق قريباً هي حصيلة عمل و جهد خليط من فاسدين مع متعصبين، أما مصدر التمويل فهو إما الأموال التي اختلسوها على مدى سنوات عديدة من البلد الذي ينتقدونه حالياً أو أموال مأجورة و مشكوك بمصدرها على أقل تقدير.

ستنضم القناة لقافلة القنوات الفضائية الفاقدة للمصداقية التي تقتصر مشاهدتها على العاملين بها و مموليهم لذلك ترى في الإعلان عنها أن فيها برامج للأطفال بهدف الاستجابة لحاجة عائلات القيمين عليها، على أية حال تجرتهم محكومة بالفشل حتماًً كما هو حال و أداء هذه المجموعات المنقسمة على بعضها أصلاً .

لسنا متفاجئين أبداً و لا يوجد أي جديد بالقناة غير اسمها، هؤلاء الانتهازيون موجودون في كل زمان و مكان و مكانهم محفوظ في التاريخ.

كل الثقة و الولاء المطلق من الشعب السوري لأجندة و مسيرة الرئيس الأسد، و من الطبيعي كلما ازداد النجاح أن تزداد الهجمة المأجورة على سورية.

كلنا شركاء

وعن الجهات الممولة للمحطة, اشار الى ان "سورية الجديدة" استثمار خاص بين جهاد عبد الحليم خدام, نجل نائب الرئيس السوري السابق ورجال أعمال سوريين تجنب الكشف عن أسمائهم لأسباب أمنية أيضاًً كل الثقة و الولاء المطلق من الشعب السوري لأجندة و مسيرة الرئيس الأسد، و من الطبيعي كلما ازداد النجاح أن تزداد الهجمة المأجورة على سورية.



]لك أخ عل هالزمن.. يلي جهاد خدام صار المستثمر "المعارض" بيمثل المعارضة.... وأخ من الزمن يلي لهلأ ما كانت تخلص الهجمات المأجورة على سوريا وماكانو يستوعبو انو شعبنا ماعد عندو ثقة بأجنداتهن العظيمة..

لك حكومة بلطجية وشبيحة وديكتاتورين و"معارضة" مرتزقه ولصوص ... والشعب الشريف رابح بين الرجلين

الحمد للرب انو الهوت بيرد ما بيطلع عندي

بس شو مشان انو اول شي كلمة لخدام
؟

الشي ملفت النظر برامج أطفال برامج كردية معربة...........شو القصد جهاد خدام منين جاب تمويل المحطة من تعبه وشقاه ولا من سرقاته التي لاتعد ولاتحصى ........مين حا يتابع مفلس

الحمد للرب انو الهوت بيرد ما بيطلع عندي

بس شو مشان انو اول شي كلمة لخدام
؟


اي طبعا , على اعتبار انو رح يصير الرئيس بعد ما يشحطو بشار على المحكمة الدولية بحسب الخطة الحريرية الجنبلاطية

والكلمة التانية اكيد رح تكون للبيانوني , على اعتبار رح يصير رئيس الوزراء

والتالتة , اكيد لجمال خدام , على اعتبار رح يكون البديل عن رامي مخلوف بالنظام الجديد

أنا بقترح اندماج مع الـ ANN
بتطلع محطة تحفة

هــاد خـدام لــعـبو لا ع الاطــفـال.. ولا ع الاكــراد بتمشــي ..


بــئى بقــترح يكــون اســم القــنـاه


ع ميــن يــا دادا

بلرغم من انو الكل شايف وعارف .. ومفتح .. بس هلحركة .. عظيمة القوة . وبإعتبار عميفكرو بهلطريئة من الحرفنة .. فا هلشي مرعب . اعتماداً عـ ثقافتنا الإعلامية .

فا تصورو المقدار الهائل من البلاوي البنفتحية .. يلي رح تهبط عـ سمانا .. على خلفية هيك قناة .. وبرجع بئول بلرغم من انو الكل .. صاير عم يميز الأبيض عن الأسود

فا الله يجيرنا من الأعظم

مصيرها مصير الـ ANN اول ما طلعت انطبلت العالم فيها

بس هلئ ........

قناة اهلية بمحلية .. مو اكتر

استغربت قبول بشار سبيعي بهيك مشروع.. ما بعرف... بيقولو فهمان بقصص الاعلام.. فشو حشرو مع هالجماعة ما بعرف...

القناة فاشلة من بداياتها... متلها متل قناة أب سومر

الجماهير السورية تنتظر عودة أبو جمال بفارغ الصبر
و مظاهر الأفراح تعم الساحل و الداخل







معقول نشوف هيك علاك بالمستقبل ..؟؟

بلرغم من انو الكل شايف وعارف .. ومفتح .. بس هلحركة .. عظيمة القوة . وبإعتبار عميفكرو بهلطريئة من الحرفنة .. فا هلشي مرعب . اعتماداً عـ ثقافتنا الإعلامية .

فا تصورو المقدار الهائل من البلاوي البنفتحية .. يلي رح تهبط عـ سمانا .. على خلفية هيك قناة .. وبرجع بئول بلرغم من انو الكل .. صاير عم يميز الأبيض عن الأسود

فا الله يجيرنا من الأعظم
ما رح تقدر تقدم أكتر من المستقبل أو العربية ..
بس بظن في فرق واحد بينهم ... أنها رح تقدم علاكها بطريقة فاشلة و مملة

ما رح تقدر تقدم أكتر من المستقبل أو العربية ..
بس بظن في فرق واحد بينهم ... أنها رح تقدم علاكها بطريقة فاشلة و مملة

ليش مثلاً .. المستقبل والعربية .. مائدمو شي ؟؟

لا ئدمو .. ولهلاأ عم يئدمو .

في مرحلة .. بظن ماحدا بيئدر ينساها .. وئت مشكلة الحدود مع العراق .. والحرب الإعلامية الفظيعة المشنة هداك الوئت .. كشعب سوري .. بتشوف كيف الخوف عمـ ينئط تنئيط . هي كشعب . وجينا نحني متل الأودام ( أو بمعنى آخر متل التوتو ) ماعدنا نعرف كيف بدنا نسكلج الحالة . هي كحكومة .

لشو أصبح طلعنا بتفتيئة سوريا الله حاميها . هيك اجت من الفلا ؟ اجت من الخوف والعجز يلي عمنعيشو يومية ؟

و انو تجي قناة بتحكي بلسان خدام ( عداك عن رفعت الأسد .. في كتير شغلات مابفهما بعلائتو مع الحكومة عنا ).. فا الله يجيرنا كشعب . كحالة نفساوية .. وهلشي رح ينعكس أكيد عـ كلشي بهلبلد المعطاء

ليش مثلاً .. المستقبل والعربية .. مائدمو شي ؟؟

لا ئدمو .. ولهلاأ عم يئدمو .

في مرحلة .. بظن ماحدا بيئدر ينساها .. وئت مشكلة الحدود مع العراق .. والحرب الإعلامية الفظيعة المشنة هداك الوئت .. كشعب سوري .. بتشوف كيف الخوف عمـ ينئط تنئيط . هي كشعب . وجينا نحني متل الأودام ( أو بمعنى آخر متل التوتو ) ماعدنا نعرف كيف بدنا نسكلج الحالة . هي كحكومة .

لشو أصبح طلعنا بتفتيئة سوريا الله حاميها . هيك اجت من الفلا ؟ اجت من الخوف والعجز يلي عمنعيشو يومية ؟
هلأ الخوف و العجز يللي كان بفترة من الفترات ... كان بسبب المستقبل و العربية ..!!!



أكيد لا ...
سوريا مرت بفترة كتير صعبة
و ماكنا بحاجة المستقبل أو العربية لنعرف هالشي
كذباتون مفضوحة ..و إعلامون فاشل



يعني مثلاً ... البروباغندا الصحيحة بتقوم على قول الحقيقة ... لكن ليس كل الحقيقة
يعني المؤسسة الإعلامية بتقدم الجزء يللي بهما من الحقيقة ....و بتسلط الضوء عليه

بينما العربية و المستقبل بيكذبوا كذبات من النوع الغبي
متل خبر اعتقال آصف شوكت مثلاً ..
أو على نمط الخبر يللي قدمتو السياسة الكويتية اليوم .. عن أنو المظاهرات و أعمل الشغب تعمّ الساحل السوري
لمطالبة بكشف ملابسات اغتيال العميد محمد سليمان
مع انو بيقدر أي زائر للمنطقة يكشف كذب هالخبر

يعني بغض النظر عن صحاب القناة , بس بالنهاية اخيرا رح نسمع رأي أخر ينافس سخافات و ترهات البعث الاسدي
مو احسن ما نستنى كل كم شهر لحتى يطلع شي برنامج معارض لللنظام سوري على المستقبل و العربية
بالتوفيق لهذه القناة
وياريت حدا يعطينا تردد هالقناة

مو احسن ما نستنى كل كم شهر لحتى يطلع شي برنامج معارض لللنظام سوري على المستقبل و العربية
هيك عم تنطر انت بالعادة ..؟؟ :o

ياهوووووووووووو
انبسطو رح نصير نشوف خدام كل فترة وفترة
شنو عم نشتقلو


يعني بغض النظر عن صحاب القناة , بس بالنهاية اخيرا رح نسمع رأي أخر ينافس سخافات و ترهات البعث الاسدي

:o:o
انت سميتها سخافات وترهات فيا رجل ليش لتنزلو لهالمستوى وتنافسو هيك سويات منحطة وليش هالتفاهات والترهات تشغل بال مدري كم محطة تلفزيونية ما التفاهات رح تبقى تفاهات وما حدا رح يسمعلا فليش عم تتعب حالك:o

ياهوووووووووووو
انبسطو رح نصير نشوف خدام كل فترة وفترة
شنو عم نشتقلو


:o:o
انت سميتها سخافات وترهات فيا رجل ليش لتنزلو لهالمستوى وتنافسو هيك سويات منحطة وليش هالتفاهات والترهات تشغل بال مدري كم محطة تلفزيونية ما التفاهات رح تبقى تفاهات وما حدا رح يسمعلا فليش عم تتعب حالك:o

بس تكون هالسويات المنحطة عايشة باحترامها و بدون اي تدخل بالأخرين , ساعتها كلامك مزبوط , و لكن شو نسيانة انو هالسويات المنحطة من اللصوص و المجرمين داعسة على رقاب الشعب السوري من 40 سنة.
اذا كان انتي رأيك الاستسلام و عدم الوقوف في وجه من يسلبنا حريتنا و يسرقنا اوكي هادا رأيك و بنحترموا بس اكيد مو كل الناس بتفكر متلك.
وانا ماني من جماعة خدام و البيانوني و لكني مستعد حط ايدي بايد الشيطان عندما تكون اهدافنا و مصالحنا مشتركة.

اذا كان انتي رأيك الاستسلام و عدم الوقوف في وجه من يسلبنا حريتنا و يسرقنا اوكي هادا رأيك و بنحترموا بس اكيد مو كل الناس بتفكر متلك.
.

حلو حكي رفض الاستسلامو والخنوح والذل والوقوف والمطالبة باستعادة الحريات... والحلو أكتر انو لما بدي احكي عن هيك مواقف وطنية اني التزم بمصالح وطني وشعبي...

وانا ماني من جماعة خدام و البيانوني و لكني مستعد حط ايدي بايد الشيطان عندما تكون اهدافنا و مصالحنا مشتركة

اي بتحط ايدك بإيد الشيطان اذا مانك مجربو لسا... بس يلي عم تحكي عنون جربناهون.. واحد حرامي كان شريك بهالمصايب يلي عم تحكي عنها لمدة 40 سنة وقلب اليوم أكيد مو لمصلحة بلدو وشعبو يلي مافكر فيهن يوم بحياتو.. بالعكس كان عراب الخراب بسوريا...
والتاني بيمثل تيار تكفيري متشدد أساء لسوريا ولغير دول أكتر من الانظمة بحد ذاتها...

شوف معلم... أنا ماني ضد انو نستفاد من عوامل اقليمية ودولية لمصلحة الشعب وحريتو وكرامتو.. بس ضد انو نستعين بهيك مرتزقه كلنا منعرف مين هنن...
لأنو وحياتك اذا استلمو هالبلد المسكين ليكملوا عليه ويحرقوه أكتر مو جماعة السلطة حارقينو اليوم...

بكرا بيصيرو يحطو الاخبار بالتعاون مع اخبار المستقبل :lol:

يعني بغض النظر عن صحاب القناة , بس بالنهاية اخيرا رح نسمع رأي أخر ينافس سخافات و ترهات البعث الاسدي
مو احسن ما نستنى كل كم شهر لحتى يطلع شي برنامج معارض لللنظام سوري على المستقبل و العربية
بالتوفيق لهذه القناة
وياريت حدا يعطينا تردد هالقناة

عنجد انكن مدعاة للشفقة .. وكلامك انت و هالناس اللي رح تعمل القناة هي السخيفة
شكلو لازمك سطل مي لتفيق من رقادك
بعدين قد ما طلعت برامج وقد ما عملو وساوو وقد ما شديت معاهن انتو نسبة قليلة ونحنا قلوبنا وروحنا ودمنا فدا سورية وفدا رئيسنا بشارالاسد
انت سمعان بالمتل اللي بيقول دق المي وهيي مي
انتو هيك عم بيصير فيكن قد ما حكيتو كلو كلام فاضي

باعتبار دارجة موضوة الخط الكبير وصايرة مقياس جديد لصحة الرأي فرح كبر خطي شوي:

أول شي بغض النظر عن رأيي بكلام بيبرس تركمان لأنو موضح رأي فيه فوق بس حبيت علق هالكلام الروعة...

عنجد انكن مدعاة للشفقة .. وكلامك انت و هالناس اللي رح تعمل القناة هي السخيفة شكلو لازمك سطل مي لتفيق من رقادك


بس هون بدي اسألو سؤال انتي فايقة من رقادك وانتي عم تحكي؟؟ شو رأيك قبل ماتوزعي الشفقات عالبشر تشفقي على "بلدك" وتشفقي على شباب بلدك يلي بالسجون.. وتشفقي على شعب بلدك المظلوم؟؟؟َ!!!

بعدين قد ما طلعت برامج وقد ما عملو وساوو وقد ما شديت معاهن انتو نسبة قليلة ونحنا قلوبنا وروحنا ودمنا فدا سورية وفدا رئيسنا بشارالاسد مين هنن بلا صغرة؟؟ لأنو لما عم شوف مين انتو فإذاً كل شي مخالف لنهج فداء بشار الأسد هنن النسبة القليلة ويلي أنا بعتبر حالي منهن فلازم جاوبك وبرجع بأكد مع مخالفتي الكاملة لرأي بيبرس تركمان..

أول شي لازم تعرفي انو النسبة القليلة اليوم هي النسبة يلي بتحكي حكيك من قلبها وضميرها "إن وجد"...

ضميرك وروحك وقلبك أحسن ما تفدي فيهن حدا حركيهن شوي كرمال ألاف المعتقلين من ولاد بلدك.. حركيهون شوي كرمال الشباب يلي بالسجون وكرمال المثقفين يلي عم يتعذبو بالسجون... حركيهون شوي كرمال شعبك يلي عم يسرقو رامي مخلوف كل يوم.. حركيهون شوي كرمال رواتب الموظفين يلي مو مكفيتهون حق أكل... باختصار حركي هالضمير والروح و"الدم" يلي عندك كرمال شعبك يلي عم تنهدر دمو وكرامتو كل يوم.

انت سمعان بالمتل اللي بيقول دق المي وهيي مي انتو هيك عم بيصير فيكن قد ما حكيتو كلو كلام فاضي

بدي هنيكي على وطنيتك ومحبتك لبلدك.. بدي هنيكي على فداء الناس يلي تاركين الجولان من 40 سنة تحت الاحتلال وملتهين بقمع الشعب وظلمو... الحقيقة حكيك المليان وحكي النسبة القليلة يلي بدها شعبها بعيش بكرامة وسوريتها تكون أحسن بلد بالدنيا هنن يلي حكيون فاضي...

هنيئاً لك وطنيتك.. وهنيئاً لنا بسوريا...
سوريا الكرامة.. سوريا الوطن... سوريا التي نفديها بالروح والدم

قناة فضائية معارضه تبدأ البث الجمعه المقبل...


أنو يعني ..... بدأ البث ولا لسا ..؟؟

أنو يعني ..... بدأ البث ولا لسا ..؟؟

إنو كان الجمعه الماضيه على اساس.. بس أجلوه لبعد بكرا لصعوبات فنيه.. على حسب تصريح المستثمر الإعلامي العظيم جهاد خدام

أنو يعني ..... بدأ البث ولا لسا ..؟؟

عم يفاوضو أم عمار مشان تنشق هيي التانية و تعمل ما يطلبه الجمهور.. بس لهلأ ما اتفقو :lol:


قريت انو تأجل البدء لصعوبات فنية كم يوم

بس بالنهاية اخيرا رح نسمع رأي أخر ينافس سخافات و ترهات البعث الاسدي


حرام عليك و الله حرام اذا افكار البعث سخافات بعدين منين لوين لتقول البعث الاسدي بعدين شو يعني

قولكون بيجيبوا امجد طعمة ؟
وشو بيحطوا مسلسلات بكرا برمضان.؟

أكتر شي مناسب هوي تسمية الجبهو بجبهة الخلاص , ياريت كل ما فتحنا عيونّا الصبح يصير في جبهة خلاص جديدة , يعني نخلص من شي خادم تاني غير أبو جمال , ولعل وعسى بت كرّ يعني بتكّر وبتدرج حبات المسبحة على هالخدم كل واحد وراه أخرى بعدين دخلك خيّي رح يستخدمو المواد المشعة بالترفيه تبعون ؟؟؟!!!!!, يا لطيف شو حاسبينها لقدام , طلعنا كلنا طشم ,تاري الشباب عم يحسبولنا ويحسبو لولادنا وولاد ولادنا ونحنا مو عارفين , والمليحة ما بتبين فينا , والأهم أنو صار فينا نقول, بعد العربية وال أم/بي/سي / والمستقبل ؟وأل بي سي,وروتانيات ومنتفعاتون , فينا نقول :" كان الحق ناقص بق إجا الخر...... وكمّلو " ولسا بيقولولك مجنون يحكي وعاقل بسمع

عم يفاوضو أم عمار مشان تنشق هيي التانية و تعمل ما يطلبه الجمهور.. بس لهلأ ما اتفقو :lol:


قريت انو تأجل البدء لصعوبات فنية كم يوم

يا ريت بياخدو أم عمار وأبو عمار وعمار , وكل اللي بالتلفزيون السوري مع ابتساماتون الظريفة واللطيفة ,ما نحنا تحت المزراب, من زمان, ومارح يصير فبنا متل ماقال المتل , من تحت الدلفة لتحت المزراب

بس تكون هالسويات المنحطة عايشة باحترامها و بدون اي تدخل بالأخرين , ساعتها كلامك مزبوط , و لكن شو نسيانة انو هالسويات المنحطة من اللصوص و المجرمين داعسة على رقاب الشعب السوري من 40 سنة.
اذا كان انتي رأيك الاستسلام و عدم الوقوف في وجه من يسلبنا حريتنا و يسرقنا اوكي هادا رأيك و بنحترموا بس اكيد مو كل الناس بتفكر متلك.
وانا ماني من جماعة خدام و البيانوني و لكني مستعد حط ايدي بايد الشيطان عندما تكون اهدافنا و مصالحنا مشتركة.
اها والله انو يعني افحمتني
لك انت صاير فيك متل يلي جاب الحرامي وحطو وزير عدل
هلق صار خدام بدو يحكي عن اللصوص والسويات المنحطة يلي انا مونسيانتها ابدا ولا بستسلملها
وعلى فكرة انا بشتغل من موقعي ضدها اكتر منك بكتيييييييييييييييييييييي يييير كتير فلا تبيعني وطنيات وتعمل متل يلي عم تنتقدون وحياتك
هلق شغلة الشيطان كتير ظريفة اقرا رواية فاوست لغوته بتعلمك كتيييييييييير كتير من حطت الايد بايد الشيطان ومنكم نستفيد:D

ونحنا قلوبنا وروحنا ودمنا فدا سورية وفدا رئيسنا بشارالاسد



:yahoo::yahoo::yahoo::yahoo:


قال فدا رئيسنا بشار الاسد قال .........

صحيح اللي اختشوا ماتوا

حبيبي , ما في حدا فدا التاني , وهادا الكلام , كذب بكذب


انا لم اعد اثق باحد , لا من رجالات النظام الفاسد , ولا ممن يسمون انفسهم احزاب معارضه .

:ss:

هادا خدام هلأ طلع حسو

مو كان نازل نهب بالبلد ايام حكمو

هلأ لأنو اتقلع صار بدو يعارض ليش ما عارض لما كان بالحكم

:pos: