أخر ما حرر.. إتصالات الإماراتيه تحجب موقع أخوية [الأرشيـــــف]

VivaSyria

05/08/2008, 02:27

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أخر ما حرر في دولة الإمارات العربية المتحده حجب أخوية وذلك بإدراجها ضمن فئة المواقع التي تحتوي على نشاط مخالف للقيم الإجتماعية أو السياسية أو الثقافية أو الدينية لدولة الإمارات..

مع العلم أن مزود خدمة الانترنت الأساسي في الدولة هو مؤسسة اتصالات التي تعتبر من أفضل مزودات الخدمة في المنطقة من حيث جودة الخدمة والحجب التعسفي للمواقع...

الغريب في الموضوع أن مؤسسة إتصالات لم تحجب أي من مواقع البورنو المشهورة على الشبكة.. كما ولم تحجب أي موقع ديني سلفي أو جهادي أو حتى إرهابي على الشبكة..كما ولم تحجب أي منتدى ديني تابع لأي دين أو طائفة !!!

ماهي القيم التي تخالفها أخوية؟؟

هل هي قيم فرض الرأي الواحد؟؟

هل هي قيم الحرية الفكرية؟؟

هل هي قيم الحوار الراقي المتمدن والحضاري؟؟؟

سؤال يطرح نفسه بقوة... ما الذي تمثله أخوية بالنسبة لحكوماتنا؟؟ بعض هذه الحكومات التي كنا نظنها يوماً "منفتحه".

المحارب العتيق

05/08/2008, 02:30

بعتقد السبب هو تشريع الكفر وأهانة المعتقدات يلي سادت بأخوية من فترة

biomen

05/08/2008, 02:33

هلا الحجب انتقل كمان للامارات...شي بيحير و الله :?
يعني اكيد هالقرار بيمتل وثيقة اعتراف بمصداقية الاخوية و الاكيد ان الاخوية صارت مش مجرد منتدى و بس بضن صارت شغلة اكتر من هيك...
او ممكن متل ما قال محارب

قرصان الأدرياتيك

05/08/2008, 02:38

مساؤك سعيد عزيزي فيفا بن سيريا...
اليومَ شعرتُ بأنّك كرهتني لأكثر من دقيقة، هل كان شعوري صحيحا، أم امتدَّ حقدُك عليّ لساعات طوال؟ :p.

وبعيداً عن سير الحبّ والكره تقول رسالة الحجب: "في حالة أردتَ فتح موقع قد أحجب، الرّجاء قم بتعبئة استمارة الملاحظات الموجودة على موقعنا"!!!
يدفعني الفضول إلى سؤالِك يا صديقي العزيز: هل يُمكن أن تحصلَ لنا على استمارة الملاحظات هذه؟!
وهل يكفي أن نملأ الاستمارة لنتمكّن من الدّخول؟!

طبعاً منتدى الأخويّة يرفض الدّخول في الحوارات الدينيّة لأسباب تتعلّق بالإدارة لا يحقّ لنا السؤال عنها، ولهذا نستطيع أن نختصر أسباب المنع بتلك الثقافيّة أو الاجتماعيّة أو السياسيّة.
وربّما المسألة تتعلّق بأسباب اجتماعيّة أكثر منها ثقافيّة أو سياسيّة.

تغريد

05/08/2008, 02:40

هو اكيد السبب ان اخويه بتاخد منظور الحادى عند البعض او الاغلبيه

وعموما انا هتاكد اذا كان الكلام صحيح ولا لا

cornholio

05/08/2008, 02:41

بعتقد انو السبب هوي لانو اخوية موقع محترم و القيود فيه مكسورة بس يا عمي شو الواحد بدو يشتغل اذا هيك الحكومات بدها
بس كمان في شغلة ما عجبتني ب اخوية ( ما تواخذوني يعني ) و هيي شغلة الكفر
انو اي بس شغلة سعدو و ما سعدو و السطل المقدس و مدري شو ......... يعني كمان الواحد لازم يضبط هيك شغلات ............. ولو انو مزح بس يعني الشغلة بدها
على كلن اخوية بيضل بالنسبة الي موقع محترم و منتدى من افضل المنتديات اليي فتت و اشتركت فيها

VivaSyria

05/08/2008, 02:46

بعتقد السبب هو تشريع الكفر وأهانة المعتقدات يلي سادت بأخوية من فترة

ياعيني عليك..

هاد يلي البعض عم يحاول يوحي انو موجود... تباكي وتحوير لأي موضوع فكري حتى يعكسو هي الصورة الكاذبة.. ماحدا مشرع اهانة شي وماحدا عم يهين شي.. إلا اذا في ناس حابة تسوق بهالقصة وتعملها علكة عالطالعة والنازلة...

ويمكن نجحو لحد معين بهاللعبة الوسخة... صار بعض الناس يصدقو كذبة انو في بأخوية تيار كفار وهاجمين على الدين

المحارب العتيق

05/08/2008, 02:53

ياعيني عليك..

هاد يلي البعض عم يحاول يوحي انو موجود... تباكي وتحوير لأي موضوع فكري حتى يعكسو هي الصورة الكاذبة.. ماحدا مشرع اهانة شي وماحدا عم يهين شي.. إلا اذا في ناس حابة تسوق بهالقصة وتعملها علكة عالطالعة والنازلة...

ويمكن نجحو لحد معين بهاللعبة الوسخة... صار بعض الناس يصدقو كذبة انو في بأخوية تيار كفار وهاجمين على الدين

قلتلي تباكي على موضوع فكري . ضحكتني يارجل
لك الناس وصلت لجميع أشكال أحترام الأخر ولسا لحنا ملاقييتن أهانة معتقد الأخر نوع من الحرية
وهو مو أكتر من أفراغ نزعة كره
أنت ملاقيه شي طبيعي . هنن برأيهم هاد الشي ضد قيم مجتمعهم . وهنن حرين
هاد اذا أفترضنا أنو سببي صحيح

..AHMAD

05/08/2008, 03:03

بعتقد السبب هو تشريع الكفر وأهانة المعتقدات يلي سادت بأخوية من فترة

أخوية سوريا .. ما شرعت .. ولا رح تشرع .. اي نوع من الكفر ... وما بتسمح باهانة لاي معتقد ان كان حق او باطل ... وهالشي واضح .. ما بدنا مين يصدقلنا عهالشي ... لانو شيئ واضح ..

وهاد بيعني بالمقابل ..

اخوية ما شرعت ولا رح تشرع ايضا .. اي تيار ديني كـ نهج

كون اخوية " مؤسسة سورية اجتماعية" متل ما بحب سميها

وبظن كلمة مؤسسة ما بتحمل اي نزعة دينية .. او لادينية
وكلمة سورية ... ما بتحمل نفس هالنزعات
ولا كلمة اجتماعية بتحمل هالنزعات

واخوية ... ببداية انطلاقها .. كان موقع مسيحي لاخوية مسيحية موجودة بحمص ...

لكن لما صار عليها اقبال من كافة اطياف واديان المجتمع السوري بنسبة كبرى .. ومجتمعات عربية بنسبة اصغر
نزعت عنها ردائها الديني ... وهاد ما بيعني انا لبست الرداء الـ لاديني .. او العلماني ..

ما بقدر انكر انو في نسبة كبيرة من العلمانيين بأخوية .. بس هاد ما بيعني انها بتمشي عمبدأ الأكثرية
متل مافي علماني .. ولاديني.. في المسلم والمسيحي واليهودي والبوذي وال مومعروف قرعة ابوه من وين

لزالك اخوية كانت ولا زالت بعيدة كل البعد عن اي نهج ديني او لاديني ... او نهج طائفي او اقليمي او عشائري

لانها .. بتهتم بالمجتمع السوري بالدرجة الأولى والاخيرة ... بغض النظر عن دينو او مسقط رأسو .. او من اي عيلة او قبيلة او عشيرة هوي

لانو بالنهاية .. اسمو سوري ...

ولما يسالوه .. بيقلهن فلان الفلاني من سوريا .. ما رح يقول العلماني فلان الفلاني من القرنة الفلانية
ولا رح يقول المسلم او المسيحي فلان الفلاني من المنطقة الفلانية بسوريا!

VivaSyria

05/08/2008, 03:05

مساؤك سعيد عزيزي فيفا بن سيريا...
اليومَ شعرتُ بأنّك كرهتني لأكثر من دقيقة، هل كان شعوري صحيحا، أم امتدَّ حقدُك عليّ لساعات طوال؟ :p.

بالشكل العام إحساسك صحيح.. لكن من حيث التوقيت بأسفني أن توقعك بعيد كل البعد عن الحقيقة بحكم أن شعوري بالحقد عليك مستمر حتى ساعة كتابة هذه السطور :larg:

وبعيداً عن سير الحبّ والكره تقول رسالة الحجب: "في حالة أردتَ فتح موقع قد أحجب، الرّجاء قم بتعبئة استمارة الملاحظات الموجودة على موقعنا"!!!
يدفعني الفضول إلى سؤالِك يا صديقي العزيز: هل يُمكن أن تحصلَ لنا على استمارة الملاحظات هذه؟!
وهل يكفي أن نملأ الاستمارة لنتمكّن من الدّخول؟!
صديقي الإستمارة هي عبارة عن صفحة انترنت بتكتب فيها شكوى وأسباب رغبتك بفتح الموقع وبتحكي عن الموقع.. صرنا باعتين شي 15 وحدة.. ناطرين الرد

ِAbu Alzooz

05/08/2008, 03:12

ههههههههههههههههههههههه

ان الطيور على اشكلها تقع

يعني مو بس عنا محجوبة

قرصان الأدرياتيك

05/08/2008, 03:25

بالشكل العام إحساسك صحيح.. لكن من حيث التوقيت بأسفني أن توقعك بعيد كل البعد عن الحقيقة بحكم أن شعوري بالحقد عليك مستمر حتى ساعة كتابة هذه السطور ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لَه له لَه... هاي بدها صلحة وبوسة من الشوارب!!!

المحارب العتيق

05/08/2008, 03:29

وما بتسمح باهانة لاي معتقد ان كان حق او باطل ...

يازلمة

من طول ردك رجعت قريت أسم المنتدى يلي كاتب فيه لكون مخربط

على كل . منيح يلي قلتلي أنو مابتسمح . وأنو أنت مابترضى بهاد الشي

لأنو كان في عضو أسمو ميدو هون . لو تشوف شو كان كاتب بمكانو . مع مين عم يلعب تركس

قمة أحترام معتقد الأخر

لك شبك ولو . لحنا من موقع واحد ومنعرف بعض

VivaSyria

05/08/2008, 03:35

..AHMAD

05/08/2008, 03:37

يازلمة

من طول ردك رجعت قريت أسم المنتدى يلي كاتب فيه لكون مخربط

على كل . منيح يلي قلتلي أنو مابتسمح . وأنو أنت مابترضى بهاد الشي

لأنو كان في عضو أسمو ميدو هون . لو تشوف شو كان كاتب بمكانو . مع مين عم يلعب تركس

قمة أحترام معتقد الأخر

لك شبك ولو . لحنا من موقع واحد ومنعرف بعض

أولاً .... نزلي راسك شوي لتحت ... مناخيرك بخشو السقف

تاني شغلة ... الله موكلك عنو شي عالارض؟؟

تالت شغلة ... المعتقدات .. الي فهمانها متل ما بدك

بحب وضحلك انو المعتقدات هية شغلة بتخص جماعة معينة .. دين معين .. طائفة معينة ... شعب معين ..

لما يجي موزمبيقي يهنلك مثلاً ... جبل قاسيون .. هاي اسمها اهانة معتقدات

لما يجي بوذي ... يهين الحجاب بالنسبة للاسلام ... هاد اسمو اهانة معتقدات ...

لما يجيك سنسكريتي ... يهين الصليب للمسيحين ... هاد اسمو اهانة معتقدات

المعتقدات .. اي شخص ملزم يدافع عنها طالما مقتنع فيها

بس الله .... مانو معتقد

لانو الله مانو بحاجة حدا يدافع عنو

فلزالك .. فيني اعتبرها مسالة شخصية

الا ازا كان باعتلك جبرائيل .. ومبلغك نبوئتك ... وحقك بالدفاع عنو ؟

فـ الله مافيني اعتبرو غير حالة طبيعية ... متل اي شغلة موجودة بالطبيعة

المحارب العتيق

05/08/2008, 03:41

برافو عليك.. عينة جيدة عن طريقة تحويل أي موضوع لموضوع مس بالأديان... بس مابتذكر إنو ميدو كان عم يلعب تركس مع شي كتاب مقدس من كتب الأديان.. ولا هان دين حدا ...

على فكرة حتى هاد الموضوع حولته لإتهامات تكفيريه بشطارتك.

أي حولتو لتكفيري وهدرت دمك أنا مادريت

أنا كتبت رأيي . وحضرتك ماعجبك وعصبت ومدري شو صرلك

شو بدك ياني ضل ساكت وتطلع وجهة نظرك الغلط صح .

يا أما بحكي وبتطلعني تكفيري مشان تسكتني

بعدين حاجة تستهبلني .

ماحدا بيروح لعند هندي وبيقلو وأذا عم هنلك البقرة مثلا . المهم ماهنتلك شريعتها

المحارب العتيق

05/08/2008, 03:47

[center]

أولاً .... نزلي راسك شوي لتحت ... مناخيرك بخشو السقف

تاني شغلة ... الله موكلك عنو شي عالارض؟؟

تالت شغلة ... المعتقدات .. الي فهمانها متل ما بدك

بحب وضحلك انو المعتقدات هية شغلة بتخص جماعة معينة .. دين معين .. طائفة معينة ... شعب معين ..

لما يجي موزمبيقي يهنلك مثلاً ... جبل قاسيون .. هاي اسمها اهانة معتقدات

لما يجي بوذي ... يهين الحجاب بالنسبة للاسلام ... هاد اسمو اهانة معتقدات ...

لما يجيك سنسكريتي ... يهين الصليب للمسيحين ... هاد اسمو اهانة معتقدات

المعتقدات .. اي شخص ملزم يدافع عنها طالما مقتنع فيها

بس الله .... مانو معتقد

لانو الله مانو بحاجة حدا يدافع عنو

فلزالك .. فيني اعتبرها مسالة شخصية

الا ازا كان باعتلك جبرائيل .. ومبلغك نبوئتك ... وحقك بالدفاع عنو ؟

فـ الله مافيني اعتبرو غير حالة طبيعية ... متل اي شغلة موجودة بالطبيعة

روء شوي مشان صحتك

لسا مالقو دوا للمنسق أذا أنجلط :lol:

خلص هلأ بيشوفو الأحترام بردك بالأمارات وبيرجعو بيفتحو المنتدى

بس مو كأنو ردك هاد أنو معتقد كل شخص بيختلف عن التاني . وأنو طالما بيختلف معو مو شرط أنو يحترمو .

بتتناقد مع ردك الأولاني

مابدها كيميا . مشان ماتتشاطر عليي بالرد . أحترام المعتقد , بسهولة فيك تميز فيه

ماحدا قال مثلا لما ملاك السعودية هاجمت سورية أنها عم تهاجم معتقد

VivaSyria

05/08/2008, 03:49

أي حولتو لتكفيري وهدرت دمك أنا مادريت

أنا كتبت رأيي . وحضرتك ماعجبك وعصبت ومدري شو صرلك

شو بدك ياني ضل ساكت وتطلع وجهة نظرك الغلط صح .

يا أما بحكي وبتطلعني تكفيري مشان تسكتني

بعدين حاجة تستهبلني .

ماحدا بيروح لعند هندي وبيقلو وأذا عم هنلك البقرة مثلا . المهم ماهنتلك شريعتها

مو فارقة كتير قصة هدر الدم.. لأنك مو أول واحد

لعلمك أنا ما عم سكتك.. بس يلي ما عم افهمو شو هالمقدرة لتقلبو المواضيع متل مابدكن؟؟

لك تصور انو هاد الموضوع كان بزمناتو عن حجب أخوية بالإمارات على شوي رح تعلن فيه الجهاد المقدس وتفوتلنا شي تنين يفجرو حالهون فينا...

مو حاسس انو مزودينها شوي ودرجة حساسيتكن صايرة مرتفعه كتير؟

المحارب العتيق

05/08/2008, 03:55

مو فارقة كتير قصة هدر الدم.. لأنك مو أول واحد

لعلمك أنا ما عم سكتك.. بس يلي ما عم افهمو شو هالمقدرة لتقلبو المواضيع متل مابدكن؟؟

لك تصور انو هاد الموضوع كان بزمناتو عن حجب أخوية بالإمارات على شوي رح تعلن فيه الجهاد المقدس وتفوتلنا شي تنين يفجرو حالهون فينا...

مو حاسس انو مزودينها شوي ودرجة حساسيتكن صايرة مرتفعه كتير؟
مبلا زودناها
بالعلامة شوف ردي شو تكفيري وتفجيري وأنتحاري :?

بعتقد السبب هو تشريع الكفر وأهانة المعتقدات يلي سادت بأخوية من فترة

VivaSyria

05/08/2008, 03:58

شو رأيك تشوف هدول كمان.. باعتبار الشغلة بندورة وتنقايه :

لك الناس وصلت لجميع أشكال أحترام الأخر ولسا لحنا ملاقييتن أهانة معتقد الأخر نوع من الحرية
وهو مو أكتر من أفراغ نزعة كره

لأنو كان في عضو أسمو ميدو هون . لو تشوف شو كان كاتب بمكانو . مع مين عم يلعب تركس

قمة أحترام معتقد الأخر

أي حولتو لتكفيري وهدرت دمك أنا مادريت

ماحدا بيروح لعند هندي وبيقلو وأذا عم هنلك البقرة مثلا . المهم ماهنتلك شريعتها

المحارب العتيق

05/08/2008, 04:00

شو رأيك تشوف هدول كمان.. باعتبار الشغلة بندورة وتنقايه :

برافو .
عمنادي بأحترام المعتقدات . وين كفرتك وفجرتك ومدري شو من هدول يلي بتقولهم
ماعرفت :?
بعدين مو كل هالنقاش . صار على أول رد لألي
الكلام يلي أنت مقتبسو أجا بعدين
مشان وضع البندورة :?

..AHMAD

05/08/2008, 04:03

بس مو كأنو ردك هاد أنو معتقد كل شخص بيختلف عن التاني . وأنو طالما بيختلف معو مو شرط أنو يحترمو .

بالنسبة الك هاد ...
بس بالنسبة لأخوية لاء...
كل شخص ملزم باحترام معتقدات الآخرين ... بغض النظر ازا بيآمن فيها او لاء

بتتناقد مع ردك الأولاني

مو مشكلتي ازا مخك ما اسعفك وفهمك فكرة ما بطريقة صحيحة ... انو يكون هاد تناقض بحكيي

مابدها كيميا . مشان ماتتشاطر عليي بالرد . أحترام المعتقد , بسهولة فيك تميز فيه

ماحدا قال مثلا لما ملاك السعودية هاجمت سورية أنها عم تهاجم معتقد

وبحب قلك بالنهاية

لا تهن من شئت ... بل أهن من استطعت

بس .. حالياً

Abu Guzef

05/08/2008, 05:41

ما أطول روحكون أنتو التلاتة شي نص كيلو طولة بال بالله
......
هاد كان هامش أول الصفحة ع قولة غابي
طيب منرجع لموضوعنا يلي ماعاد ينعرف صلب الموضوع عن شو عم يحكي عن الحجب ولا الأديان ولامعتقدات و أنا بعرف

يعني إنو أول شي اخوية صارت محجوبة بالإمارات
هه أحلا شي بكرا ولا أخوية محجوبة بأمريكا
والنعم والله مالي عرفان بشو أخوية عم تإزي البشر غير إنو مساحة الحرية
وهاد الشي يلي بلوم عليه دكتور حسام (الله يعافيه)
بلومو ليش :
لأن هالعالم بعدا ما عرفانة كيف تتعامل مع هالقسط من الحرية التعبيرية ولانون ما متعودين عليه لسا
ف نقلب علينا وعلى أخوية لأن مستوى أخوية متقدم جدا بحيث ماكل العالم عم تقدر تجاريه ف بيصيرو يلقبوها ب موقع ملحدين (مع أنو فيها من كل الأديان) موقع سياسي (مع أنو فيها شي مع وشي مو مع) موقع مدري شو
ف شو بدو الواحد يسوي
هلق بالنسبة لموضيع المعتقدات
لك ياعمي فكونا من هالقصص المصدية
معتقداتك خليها معاك ب بيتك ب قلبك ب يلي بدك
مافي داعي كل واحد بيعرف الله شوي عامل حالو خوري ولاشيخ بدو يهدي هالعالم كلا
وغير عقولن
أخي نسطفل ننباع بالعزا في رب بيحاسب ومابعتقد إنو في حدا بيآمن فيه وبينكر أنو هوي ماقادر مثلا يرد ع هالعالم
أخي خلص ربنا بيحاسبنا ماحدا بيعرف بيجوز في واحد لاديني (بيفرق عن الملحد هادا وإزا بدك شو بيفرق مشان إشرحلك) بيجوز هاد الزلمة عامل شغلات منيحة أحسن من مية وشيخ وخور
ي

يعني بيجوز يكون أسوء الجيدين بس معلي بضل أحسن السيئ (موعالي الجودة سمايلي اب لسان )

وبس نشكر حسن متابعتكم

yass

05/08/2008, 05:46

VivaSyria

05/08/2008, 05:50

ليش كانو فاكين الحجب عن أخوية بالامارات؟؟ لأنو من شي سنتين تلاته حجبونا.. أول دولة حجبتنا هيي الامارات.. قبل السعودية (اللي حجبنا حالنا عنا قبل ما تحجبنا لأسباب يطول شرحها) و قبل سوريا بكتييير.. ما كان عندي علم انو فكو الحجب بعدا

من أول السنة والدومين الرئيسي أخوية .نت شغال نظامي .. من كم يوم اتفاجئنا انو رجع انحجب... بس على فكرة الحجب ما شمل غير الدومين الرئيسي يعني الشباب لسا ماوصلو لخبرة جماعتنا بموزمبيق.

The morning

05/08/2008, 07:06

الدول عاده ما بتحب الشعب يفكّر من منظور غير منظورها و يعرف اكتر من ما هيّ بتحبّه يعرف لذلك حجب أخويه بأي دوله كانت, ان دلّ على شيئ فبدل على قدرته اخويه على صناعه تغيّر هالدول بتخشاه و اللي بيخاف عاده ما بكون على حق كامل ..
بكل الاحوال أخويـــه باقيـــــــــــه و باقيه على نهجها ان كان الاجتماعي او السياسي او الثقافي او الديني سواء توافق او تعارض مع سياسات أو ثقافات او ديانات اخرى .

:D

HashtNasht

05/08/2008, 07:48

VivaSyria

05/08/2008, 07:51

لك يا صديقي من أول السنة وقصة الVPN الجديد والمدري شو صار يفتح عنا طبيعي.. أول مبارح رجع وقف.. مابعرف شو صار تحديداً بس أنا كنت عم افتحو طبيعي من أخوية.نت...
بعدين لا تستغرب أنا يلي مستغرب من قصة حجب مندى بالإمارات يلي شعبها كلو على تسالي بالمنتديات

HashtNasht

05/08/2008, 07:51

ليش كانو فاكين الحجب عن أخوية بالامارات؟؟ لأنو من شي سنتين تلاته حجبونا.. أول دولة حجبتنا هيي الامارات.. قبل السعودية (اللي حجبنا حالنا عنا قبل ما تحجبنا لأسباب يطول شرحها) و قبل سوريا بكتييير.. ما كان عندي علم انو فكو الحجب بعدا

ابو شريك الحجب ما انفك ابدا عن الدوت نت

و هلأ انا ماني فهمان شو هو هاد الموضوع يعني ...و لشو كل هالهوبرة !!

شتاء

05/08/2008, 07:53

طولوا بالكم يا جماعة ما في شي من هالحكي والله
هلق اي في مواقع كتيرة محجوبة
بس أخويتنا بخير
ولا يهمكم
الموقع متوفر وغير محجوب
وهي عم حاكيكم انا

VivaSyria

05/08/2008, 07:57

طولوا بالكم يا جماعة ما في شي من هالحكي والله
هلق اي في مواقع كتيرة محجوبة
بس أخويتنا بخير
ولا يهمكم
الموقع متوفر وغير محجوب
وهي عم حاكيكم انا

أخي مابعرف بيجوز في خطوط محجوبة وخطوط مانها محجوبة وخطوط عم تنحجب وخطوط عم تنفتح..

بكل الأحوال نحن نقاشنا على فكرة حجب المواقع بالدول العربية بشكل عام..

Sun Shine Art

05/08/2008, 08:42

يا جماعه انا عايشه بدبي ... ومن كم شهر كنت عم فوت ع الاخويه منAkhawia.net
من حوالي 4 ايام انحذف هدا الدومين كمان وعم فوت من واحد تاني ....

يعني بدنا نضل ع هل الحاله .....؟؟؟:frown:

هبه الاردن

05/08/2008, 09:16

الازم يصير هوه اتفاق ما بيتعرض اي شخص لموضوع الاديان

وهيك بنصفي راسنا ok

خلص روقو

Reemi

05/08/2008, 09:27

بعتقد السبب هو تشريع الكفر وأهانة المعتقدات يلي سادت بأخوية من فترة

لينكات اخيي...اذا عندك لينكان لحكيك عطينا غير هيك ما بنسمع ...!

وصرت قايلتلك مليون مره يمكن الصوت العالي بلاه ... بيدايقلي سمعي اي ؟؟؟

طبعا الصوت العالي ما بس ما مع المنسق هق نو لا ..مع الكل ... :D

مايسترو

05/08/2008, 11:15

ايوة

مو ناقص غير يطلبونا الانتربول الدولي

ويحاكمونا بالمحكمة الدولية بتهمة الانتماء لاخوية

مهزلة

صار لازم نعدل التوقيع ونكتب

"We ask the uae government to stop banning Akhawi

بنفسجة

05/08/2008, 11:42

كل الحق على سعدو السطل
هيدا عدو الحكومات العربية الاوحد:frown:

Ms. J.A

05/08/2008, 11:59

الازم يصير هوه اتفاق ما بيتعرض اي شخص لموضوع الاديان

وهيك بنصفي راسنا ok

خلص روقو
في رد لأبو جوزيف (خرط مشطي)

لأن هالعالم بعدا ما عرفانة كيف تتعامل مع هالقسط من الحرية التعبيرية ولانون ما متعودين عليه لسا
ف نقلب علينا وعلى أخوية لأن مستوى أخوية متقدم جدا بحيث ماكل العالم عم تقدر تجاريه ف بيصيرو يلقبوها ب موقع ملحدين (مع أنو فيها من كل الأديان) موقع سياسي (مع أنو فيها شي مع وشي مو مع) موقع مدري شو
ف شو بدو الواحد يسوي

اللي بيميز اخوية عن كل المنتديات والمواقع العربية التانية هالهامش من الحرية اللي ماخدينو الأعضاء !!
انو ما في خوف تحكي بأي موضوع بدك اياه وما في اي مشكلة تنتقد اي اشي شايف انو غلط حتى لو كان عند أغلب الناس خط أحمر وممنوع تنتقدو !

لما أخوية بدها تمنع الحديث عن الأديان والمعتقدات رح تفقد اشي بيميزها ورح نخسر احنا كتير كمان لأنو صعب تلاقي محل في ناس بتختلف من ناحية المعتقدات والأفكار !!
برأيي المشكلة مش بأخوية ابدا لحتى ندورلها ع حل هون ! المشكلة بحكوماتنا العربية نفسها اللي بتخاف الناس تصير تفكر!

ست0الكل

05/08/2008, 12:19

قال الاخوية عم بيفسدلون اخلاقون و بناتون ...و عم يفتحلون عيونون مشان هيك ؟؟؟

ماغنوم56

05/08/2008, 12:42

من حكم بمالو ما ظلم

LiOnHeArT.3LA2

05/08/2008, 12:51

ببساطة ..

ما رح فوت كتير بالحيثيات .. وبالمشكلة ..

we ask all Government's in the wolrld .. and say : 7lo 3n rb akhawia

أبوعلي

05/08/2008, 15:03

والله حاجه غريبه

boy freind

05/08/2008, 15:11

ببساطة ..

ما رح فوت كتير بالحيثيات .. وبالمشكلة ..

we ask all Government's in the wolrld .. and say : 7lo 3n rb akhawia
هههههههههههههه

We ask all goverments in the world to stop banning akhawia

هي قوية تمام

suryoyo

05/08/2008, 15:23

شغلة محيرتني ....... موقع يشيع الكفر

ليش تفوتولو باستمرار رغم انه محجوب ؟؟؟

شي غريب فعلا و محير

الباحثة عن الحرية

05/08/2008, 15:34

لاه لاه لاه معقول يعني؟ اشي كتير غرييييييييييييييب
حكومة عربية بتحجب موقع بيسمح بالحريات وبخلينا نعبر عن راينا ؟؟؟
الحكومات العربية بتحجب موقع فيو النقاش حضاري وفيو احترام للاراء؟ وفينا نفش خلقنا فيو ونحكي ونعترض؟
غريبة عاد الحكومات العربي همها الوحيد راحة الشعب وكيف تنورو وتخلي يفكر ويقرر وبتعطي الحرية
ولكوووووووووو اخخخخ اخخخخخخخخخخ شو بدي اقول يعني؟؟

MadMax

05/08/2008, 15:57

بعتقد السبب هو تشريع الكفر

الكفر بشو .....
ما الكفر شغلة نسبية
يللي بكون عندك قمة الايمان ... يمكن يكون عند غيرك كفر

و كيف يعني تشريعو ...
يعني المفروض نجبر الناس تآمن بمعتقداتك أو معتقدات غيرك ؟؟
ولا لازم المشرفين هون يصيروا مطوعين ... و جماعة أمر بالمعروف و نهي عن المنكر ....؟؟

اطلعوا بقى من ثقافة المنتديات الخليجية

LiOnHeArT.3LA2

05/08/2008, 16:21

بعتقد السبب هو تشريع الكفر

ما بعرف ليش .. بس ما قدرت انو اتغاضا عن الرد

هلأ بالنسبة لتشريع الكفر .. وانتي عم تقول انو احترام المعتقدات
طيب تمام .. بالنسبة الي
المنتديات الخليجية والدينية البحتة ..

هيي منتديات تشرع الكفر ..

الكفر بعقيدتي .. الكفر بشي آنا مآمن فيه ..

بس انا ما بفوت عالمنتديات الخليجية ..

مشان ما شوف المنتديات اللي بتشرع انو تكفرني وتساويلي عقلي ممسحة

يعني بيطلعع معن انو انا امبريالي صهيوني .. بيكره العالم كلياتن

يعني عرفان عليي شلون ..

كل واحد بيحكي اللي بدو ياه ..

متل ما انتي بتكره الشباب اللي بيحكولن على دينك

انا كمان بكرهن

بس في شغلة انتي ما بتكرها انا بكرها

هيي التخلف الديني ..

يعني الاسلام ما فيه شي .. بس " بعض " المسلمين شوهو هالشغلة هي

في شغلة قالا واحد مسلم .. ما بزكر وين بالضبط

قال انو النبي محمد : لو كان هون كان اول واحد نادا

بالتطور والانفتاح على العالم ..

وكان فكر شلون بدو يظبط العالم ..

بس بيفكر من الشغلات الاساسية ..

ما بيبلش اول شي بشغلة باينو رجل بيفوت الزلمي عالحمام وشو لازم يقول

يعني حبيبنا ..

انا عم بحكي باسمي وباسم اغلب العلمانين ..

نحن لا نكره الدين .. ولكن نكره من يغالي . ويتغابا في تطبيق الدين
ونكره .. من يكرهنا

MadMax

05/08/2008, 16:53

شغلة محيرتني ....... موقع يشيع الكفر

ليش تفوتولو باستمرار رغم انه محجوب ؟؟؟

شي غريب فعلا و محير

في شب صاحبنا ...... بضل يقول سنوات الضياع مسلسل تافه

بس من جهة تانية ما بفوّت منو حلقة

قولك ليش ..؟؟ :?

suryoyo

05/08/2008, 21:13

في شب صاحبنا ...... بضل يقول سنوات الضياع مسلسل تافه

بس من جهة تانية ما بفوّت منو حلقة

شغلتو سهلة ... يعني يجوز ..... يجوز معجب بلميس خانم او ممثلة اخرى .... :lol:

قولك ليش ..؟؟ :?
و يبقى السر غامضا :larg:

ابو عمير السوري

05/08/2008, 21:52

بعتقد السبب هو تشريع الكفر وأهانة المعتقدات يلي سادت بأخوية من فترة

تماما أجزم بذلك مقولة ومن الجهل ماقتل المقصودين بها نحن ستجعل أخوية متقوقعة على ذاتها وأحد المنسقين العلمانين بصراحة يقول أن مهمة أخوية تفتيخ مخ 60% من الشعب السوري طيب ليش مايكون يلي عم يدعي على غيرو بالجهل هو الجاهل من الحكم هنا

ابو عمير السوري

05/08/2008, 22:01

الكفر بشو .....
ما الكفر شغلة نسبية
يللي بكون عندك قمة الايمان ... يمكن يكون عند غيرك كفر

و كيف يعني تشريعو ...
يعني المفروض نجبر الناس تآمن بمعتقداتك أو معتقدات غيرك ؟؟
ولا لازم المشرفين هون يصيروا مطوعين ... و جماعة أمر بالمعروف و نهي عن المنكر ....؟؟

اطلعوا بقى من ثقافة المنتديات الخليجية

من اي حق تعطي لنفسك كمال الفكر وتتعجرف على الناس يلي برأيك متخلفين وانت ابوقراط حاج غرور يازلمة اطلع من عقدة الكمال تبعك كلنا بسطاء وطلاب علم