ظاهرة تسول جديدة علي على الاقل !!! [الأرشيـــــف]

عرض كامل الموضوع : ظاهرة تسول جديدة علي على الاقل !!!

W.E.G.A

04/08/2008, 12:16

مرحبا كيفكن

مبارحة وانا عم اتمشى بهالشوراع
ولا بيوقفني شب مابو شي
لابس منيح شكله ابن علام وناس
ودار بينا الحديث التالي

هو : انت من هون اخي

انا : اي انا من هون خير لازمك شي

هو : والله يا اخي انت شكلك ابن عالم وناس ورح قلك مشكلتي

انا : تفضل ( مع ان مافهمت شودخل شكل بمشكلته المهم )

هو : والله جيت لهون لعند رفيقي مشان شوفه صرلي زمان ما شفته ولا بيقولولي الجيران انه انتقل
ومابيعرفو لوين وانا جيت بدي ارجع على بلدي ( هو من غير بلد ) ولا حسيت ان حزداني ضايع
ما لاقيته وما معي ولا ليرة فياريت انت تقدر تساعدني
يعني هي القصة ممكن تصير معك بيوم من الايام
وانا والله بس ارجع رح ابعتلك المصاري انت بس عطيني رقمك
ورح ابعتلك جبنة وغراض كتير لانك ابن حلال ( كمان ما فهمت الرابط )

انا : طيب ممكن اسالك سؤال

هو : اتفضل

انا : مو انت نفس الشخص الي وقفني من شي 6 شهور وحكالي نفس هي القصة
معقول 6 شهور ما لقيت حدا ابن حلال يعطيك
ولا انت كل رفقاتك انتقلو وكا مابتجي لعند حدا بكون منتقل
ولا ماشوف الا واحد طلع فيني نظرة حقد ما بعرف ليش
ودار ضهرو ومشي

شو رايكن بالله

:D

مايسترو

04/08/2008, 12:36

لا والله ما مرق بهالشكل

يعني مرق انو حجي بدو خمسة لانو مدري شو

وبعد بكم يوم تكرر نفس الشي

بلاك 1

04/08/2008, 12:38

ييييييييييييييييييييييييي ييييييهه شو صايرة معي
بس عنا مافي قصص سفر لأنو احنا بحصار ومافي حدا بيقدر يسافر أو يجي من السفر

القصة بتصير عنا على أساس انو اجا عالمستشفى واكتشف انو مرتو بدها عملية وهلا فورا فورا لذلك الله يخليك ساعدني بقرشين لأني مارح اقدر اترك مرتي وأروح عالبيت اجيب مصاري

بس المسكين قادر يترك مرتو ويطلع عالشارع يشحت:jakoush:
لعمش وعلى فكرة هو هو نفسو وقفني مرة تانية قدام الجامعة وقال شو عندو 8 ولاد وراتبو مقطوع
وللصدفة رجع وقفني بعد حوالي اسبوعين وأعد يشرحلي القصة انو هو عندو 12 ولد وماقادر يصرف عليهن طلعت فيه وقلتلو شو عاملين متل الأرانب؟:shock::? من أسبوعين كان عندك 8 ولاد بهالسرعة بتخلفوا
حمل حالو وراح
بعد يومين وأنا عباب الجامعة المسكين اجا بدو يشحت مني
وعم يقلي لو سمحتي ممكن ........ طلع فيني وعرفني:o هههههههههههه حط راسو بالأرض وسبلو مسبتين ومشي

HashtNasht

04/08/2008, 13:05

MadMax

04/08/2008, 13:19

في حلقة من بقعة ضوء عن هيك موضوع ....
بكرا منحطلكون ياها ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Marooshe

04/08/2008, 13:49

على سيرة هي الظاهرة،
صار معي هيك نهفة هون بالاخوية...
من اسبوع وصلتني رسالة من عضو جديد انو عندو مشكلة ويا ريت فيني ساعدو،
قمت انا بقلو تفضل بشو ممكن ساعدك؟
قام سردلي قصة واحد رفيقو مريض ومدري شو
شي بيقطع القلب
وال بدو يجمعلو مصاري وانا شكلي بنت حلال وشهمة وما بعرف هيك قلي كمان شوية تخابيص وانو بكسب ثواب ازا بساعدو...
باختصار قصة شي فظاعة يعني بالافلام ما حبكوها هيك...
انو شو رايكون فيها؟؟؟
معقول بكرا تصير الاخوية بسطة تبرعات؟؟؟

يمان Rooooonaldo

04/08/2008, 14:48

هه ...صارت معي بزمناتو ...و هاد الزلمي كنت شوفو كل يوم بنفس المحل و انا طالع ع الجامعة ..يعني محل ما بنطر السرفيس !!

حكالي الحكاية نفسها هاي..قلتلو شو رايك وصلك ؟

قلي معك سيارة ؟

قلتلو لاء منطلع سوا ...بوصلك و برجع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طبعا الزلمي ا**عص و قص حالو

تسالي الشباب

بالضبط .. انا محل ما كنت شوفو .. ناح اخر جسر الرئيس .. وانت جاية من البرامكة .. بكون وين قصر الضيافة الموجود مقابيل مشفى التوفيق .. طلعلي هنيك 4 مرات :p مالو سئلة .. كل مرّة ..

HashtNasht

04/08/2008, 15:08

بالضبط .. انا محل ما كنت شوفو .. ناح اخر جسر الرئيس .. وانت جاية من البرامكة .. بكون وين قصر الضيافة الموجود مقابيل مشفى التوفيق .. طلعلي هنيك 4 مرات :p مالو سئلة .. كل مرّة ..

بحلب هاد الحكي ؟ :shock:

بيبارس

04/08/2008, 15:26

والله قصه عبره وهاد الي اشي بصير بمجتمعنا كثير :deal:

العربي الأصيل

04/08/2008, 15:31

أنا صوتت أنه صارت معي كتير...المشكلة أنه مو بس بسوريا...أنا صارت معي كتير ب دبي كمان ..وبقصص متنوعة.. تخيلوا مرة واحد راكب سيارته هو وزوجته وولاده..وطلب مني مساعدة...مع العلم انه كانت الدنيا شوب..وأنا عم وعم أمشي تحت الشمس لحتى لاقي تاكسي....

ولله في خلقه شؤون.:shock:

souriana

04/08/2008, 17:47

من شي 4 سنين كنت اسا بسورية فات لعندي عالمكتبة واحد وقلي انو بدو يرجع على اللاذقية ومضيع جزدانو

MadMax

04/08/2008, 18:49

بحلب هاد الحكي ؟ :shock:
بطلنا نعرف مين الحمصي بهالمنتدى ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

MadMax

04/08/2008, 18:51

.. طلعلي هنيك 4 مرات ..
انت متأكد أنو كان بدو مصاري ..؟؟ :p

sona78

04/08/2008, 19:37

مارق كتير وللاسف من نسوان معون ولاد او من شباب طول وعرض .. نفس المراة وقفتني 3 مرات وحكتلي انها بدها 50 ليرة اجار سرفيس الها ولولادها.. هيدا الحكي من ست سنوات ع الاقل !!!!

sona78

04/08/2008, 19:39

suryoyo

04/08/2008, 20:56

صارت وياي ... باسلوب مختلف ...

شاب بايدو ورقة من كتاب مرسوم عليها رسم للقلب ..... قلي عندي عملية اليوم بالقلب و هذا التقرير الطبي :lol:

هدوء البحر

04/08/2008, 22:01

صارت معي بس غير هيك انو هو بس بدو اجار مكرو لانو مضيع مصاريه

القلب الدافئ

04/08/2008, 23:39

انا بدي صارت معي اني في واحد بدو حق ربطة خبز
وكل اسبوع بيجي لعندي عالمحل

biomen

05/08/2008, 00:28

انا كتير بتحصل معي...:lol:
بس اللي بكرهو في الموضوع انو لمايجيك حدا تلاقيه رجل في عز شبابو قادر انو يشتغل و يامّن كل شي بدو ياه...بس رغم هيك بيتسوّل و مادد ايدو للناس:frown:
و كمان شغلة النسوان اللي يجيبو و لادهن مشان يعلموهن سر المهنة...بيطالعوهن من المدارس و يعلموهم الاسترزاق من الشارع :frown:

بس الشغلة اللي حصلت معي و مابنساها ابدا...

انو مرة كنا طالعين من الجامعة..فجاة شفنا بنت تكون في سن 10 سنوات هيك كانت عم تتسول بطريقة عجيبة جدا :???:..كانت عم تتعلق باللي جاي و اللي رايح و ياويلك اذا ما عطيتها...بتقوم بتسبك و تشتمك من كل لسان و كانت ما تسيبك حتى تاخذ منك اللي بدها ياه وصلت حتى للضرب والله :abo3aen:....و اذا تلطفت و عطيتها شي من اللي عندك بتقلك هادا اللي طلع معك و بتصير كمان تسب و تشتم..حتى صرنا لما نشوفها بنغير طريق :i7raj:..حتى انو حسبناها كامرا مخفية :o..و بعد يومين لقيناها داخل الحرم الجامعي عم تتسول ما بنعرف من وين فاتت المقوصة...وبعدين صارت مطاردة من اعوان الامن داخل الحرم :blusted:...و الله عن جد كان فلم ....المهم الشغلة انتهت على خير و خلصنا من هديك البنت و الله يبعد عنكم شرها :jakoush:

W.E.G.A

05/08/2008, 10:05

صارت وياي ... باسلوب مختلف ...

شاب بايدو ورقة من كتاب مرسوم عليها رسم للقلب ..... قلي عندي عملية اليوم بالقلب و هذا التقرير الطبي :lol:

ههههههههههههههههههههههه

يحرق عرضه شو لذيذ

ههههههههه
:D

يمان Rooooonaldo

05/08/2008, 10:17

بحلب هاد الحكي ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

نو حجّي مالا علاقة انت وين ولا انا وين .. بس انا قصدي كان .. أنو بالضبط نفس الحالة بيطلع بنفس المكان دائما كان ..

انت متأكد أنو كان بدو مصاري ..؟؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي .. متأكد .. ما يكون من طرفك بس .. :p