خط فقر الغذاء حسب الدخل 13580 ليرة سورية شهريا...
و خط الفقر المطلق حسب إنفاق الأسرة هو 27160 ليرة سورية شهريا...






قدر الدكتور قدري جميل الحد الأدنى لمستوى المعيشة لوسطي الأسرة السورية أو ما يسمى بخط الفقر المطلق حسب إنفاق الأسرة بنحو 27160 ليرة سورية شهريا.

وحلل الدكتور جميل في ورشة العمل التي أقامتها جمعية العلوم الاقتصادية السورية والتي حملت عنوان المنعكاسات الاقتصادية والاجتماعية لسياسات رفع الدعم بالإشارة إلى أن الإنفاق اليومي للفرد على السلع الغذائية الضرورية لتأمين 1400 حريرة يوميا يبلغ نحو 97 ليرة وبذلك نجد أن إنفاق الفرد على السلع الغذائية يبلغ نحو 2900 ليرة سورية شهريا وباعتبار أن متوسط حجم الأسرة السورية يبلغ 5.6 فردا ينتج أن إنفاق الأسرة على السلع الغذائية يساوي 16296 ليرة سورية شهريا وهو ما يسمى خط فقر الغذاء حسب إنفاق الأسرة، وباعتبار مستوى الإعالة في سورية هو 4.1 فردا لكل فرد ينتج أن مستوى الدخل الضروري لتلبية الاحتياجات الغذائية فقط يساوي 13580 ليرة سورية شهريا وهو ما يسمى خط فقر الغذاء حسب الدخل، و باعتبار أيضا أن الإحصاءات الرسمية قدرت إنفاق الأسرة السورية على الغذاء بـ 40% من إجمالي إنفاقها ونظرا لأن الأسرة الفقيرة تنفق الجزء الأكبر من دخلها على الغذاء فقد قدر إنفاق الأسرة على السلع الغذائية بنحو 60% من إنفاقها الإجمالي و إنفاقها على السلع غير الغذائية بنحو 40% من كامل إنفاقها ويساوي 10864 ليرة سورية شهريا وبجمع قيمتي الإنفاق على السلع الغذائية وغير الغذائية نحصل على الإنفاق الإجمالي للأسرة السورية والذي يساوي 27160 ليرة سورية شهريا و هو الحد الأدنى لمستوى المعيشة لوسطي الأسرة السورية أو ما يسمى بخط الفقر المطلق حسب إنفاق الأسرة.

سيريا ستبس

من أهم منجزات السلطه :تجويع الشعب وإشغاله في تحصيل لقمة عيشه.. حتى ينسى ممارساتها وديكتاتوريتها..

يعني كم واحد بسوريا ممكن يوصل راتبن ل 27 الف بالشهر؟؟

لسا في ناس رواتبن ب ال 7 و8 الاف يعني اذا قرر واحدن يتجوز ويبني اسرة بصير بدو 3 اضعاف راتبو بس لياكل ويشرب هو وعيلتو

والدي كان موظف بالستينات , كان راتبو شي 250 ليرة سورية وكان غرام الدهب وقتها بشي 5 ليرات يعني كان راتبو يشتريلو 50 غرام دهب بالشهر , هلق المواطن راتبو مابقى يكفي اكل وشرب

وكل شي بسوريا ما عدا الاكل والشرب صار يعتبر كماليات, البيت والسيارة و غيرو من الشغلات الي تعتبر عند شعوب تانية اساسيات

مابعرف قديش يعني ممكن هالشعب يتحمل كمان قبل ما ينفجر؟؟

العيشة بسوريا صارت نار كاوية ..
صحيح الغلاء موجود بالمنطقة كلها لكن بسوريا اضعاف مضاعفة ... مع العلم اننا بلد زراعي من الطراز الاول على مستوى المنطقة ككل

مع العلم اننا بلد زراعي من الطراز الاول على مستوى المنطقة ككل

ومع العلم .. انو كنا من الدول الاولى بتصدير القمح

وهلئ عمنستورد 15 مليون طن قمح من العالم

ومع العلم .. انو سوريا ... وبالاحرى ضيعتي سرغايا.. هية الضيعة الأولى على مستوى العالم .. بانتاج التفاح .. بكمية تكفي لاغراق السوق السورية ... واغراق الاسواق العالمية ...

والسنة عميستوردو التفاح من الجولان ....

لاحظلي ... الربط بين .. يستوردو + جولان

انو الله يعين هالخلق .. عشو بدها تصبر لتصبر .. وشو بدها تلقى تلقى ... وقديش بدها تجوع لتجوع

الوضع بسوريا صار بيخوف و عن جد ما بعرف لإيمت ممكن يتحمل المواطن
و فعلاً صار اي شي غير الاكل و الشرب هو من الرفاهيات والكماليات الي الناس صارت تستغني عنها
حتى الأكل و الشرب ... صارت الناس تحاول تقلل من الصرف شوي
يعني بدل ما الواحد يجيب على بيتو تفاح و برتقال و موز و كرز و مشمش و مدري شو .. صار يجيب نوع واحد أو نوعين بالكتير ( اذا جاب )

الله يكون بعون الناس ..

والسنة عميستوردو التفاح من الجولان ....


استيراد التفاح من الجولان ما كان بسبب حاجة السوق السورية للتفاح ... كان بسبب امتناع ( دول الاحتلال اسرائيل ) من تسويق التفاح الجولاني .. و الي رح يسبب خسائر كبيرة كتير للسوريين المتواجدين هونيك والي بيعتمدو على بيع التفاح ... لهيك صار في اتفاق أنو سوريا تشتري كل التفاح الجولاني لتنفع السورييين الي هونيك

استيراد التفاح من الجولان ما كان بسبب حاجة السوق السورية للتفاح ... كان بسبب امتناع ( دول الاحتلال اسرائيل ) من تسويق التفاح الجولاني .. و الي رح يسبب خسائر كبيرة كتير للسوريين المتواجدين هونيك والي بيعتمدو على بيع التفاح ... لهيك صار في اتفاق أنو سوريا تشتري كل التفاح الجولاني لتنفع السورييين الي هونيك

انو اي ... عراسنا الجولان ...

وطز بالباقي يعني ؟

معقول لكن ... المزارع ينزل سعر التفاح عندو من ال 36 بالـ 2007 ... لل 12ليرة بالـ 2008 ... ؟؟؟؟؟؟

أي بهي معك حق ...أنا فكرتك عم تقصد أنو ما في تفاح بالبلد لهيك استوردوه من الجولان

يعني لو بيخلوه معد للتصدير و بيعرفو يعملو ( أمبلاج ) منيح واعتناء كويس بالبضاعة المصدرة والله ليكون التفاح السوري بكل بلدان العالم

العيشة بسوريا صارت نار كاوية ..
صحيح الغلاء موجود بالمنطقة كلها لكن بسوريا اضعاف مضاعفة ...
المشكلة الكبيرة مو بالأسعار ..... الاسعار عنا بالمواد الأساسية مساوية .. و في منها أرخص من الدول المجاورة
بس المشكلة بالفرق الهائل بين الدخل عنا و الدخل بكل دول العالم



يعني المفروض كان قبل ما يتذاكوا و يبلشوا بتنفيذ خطة فع الدعم ...يحسنو دخل المواطن



بمقابلة لوزير المالية عالجزيرة .. ...... سألوه كيف رح تحسنوا وضع المزارعين بسوريا طالما هني مو مشمولين بزيادة الواتب
كان جوابو عبقري
قال منرفع أسعار السلع الزراعية .... فبيرتفع دخل المزارع



يعني مطرح ما خـ****ي شنقوه
صار بدنا زيادة تانية ليقدر الموظف يشتري السلع الزراعية
و منرجع نرفع اسعارها لنحسن وضع المزارع ...... يعني عم ندور بحلقة مفرغة






و دورها دور

:oمعقول
الشي اللي عبتكتب عنوا صاير بسوريا معقول ه الغلاء المعيشي عبحس حالي اني عبقرا عن غير بلد يمكن لبنان او الامارات بس مو سورياالمهم اذا كان كلامك صح ليش لهلق الشعب عبصفق وبيهتف
شعبك ياصديقي عايش احلى عيشة واذا مانك مصدق راجع ذاكرتك كم سنة لورا وتذكر انتخابات رئاسة الجمهورية بلا يمين ضل الشعب السوري يرقص 40 يوم والفضائية السورية تنقل الحدث بالصوت والصورة من جميع المحافظات السورية الصغيرة والكبيرة حتى بالقرى حتى بالبيوت كانت التغطية شاملة ولله وقت شفنا هالعرس الوطني ع التلفزيون وكلمة نعم الى الابد نعم نعم فرحنا قلنا ولله الدنيا بخير اذا كل الشعب عبيرقص
اي بقى وين رايح بهزحمة لاحدا جوعان ولاحدا عريان مافي حدا مات ابنوا قدام عينوا من الفقر هلق قوم نجدد البيعة كل الشعب الجوعان العريان الفقير بيقول
نعممممممممممم
:deal:
نعم
نعم
الى الابد:jakoush::jakoush:

اخي ازا االمواطن السوري كل مابدو يطلع من بلدو بدو يحطلو 1500 ليرة خروجية
يعني اللي عندو 5 ولاد مثلا بدو يحط 10 تالاف ليرة خروجية بس
يعني لهلأ هالشغلة ماعبفهما اش الا طعمة وليش يعني .. ومابعرف انا لحد الان ماشفت غير السوريين بدفعوا هالشغلة (مابعرف ازا دول تانية عندا هالقانون كمان)
ولا ضريبة الرفاهية !!

يعني متل مانزكر .. الغلى بكل العالم .. بس مثلا مثلا .. بقطر لما غليت الاسعار زاد راتب المواطن القطري 50 % تقريبا من سنتين لهلأ .. وحتى المقيمين بس بنسبه اقل ..
ومع انو المواطن القطري اصلا ما اثر عليه الغلا اصلا لانو راتبو بشيل وهو مرتاح ..

يعني 10 سنين حد اقصى وبصير فينا ألعن من مصر لانو بالقوانين الجديدة عم تنقص نسبة الطبقة المتوسطة بالمجتمع ويتحول بعضها إلى الفقر والأخر الى الغنى
بمصر الطبقة المتوسطة تلات رباع معدومة

دخلكن هلق رفع الاسعار من منجزات الحركة التصحيحية ولا من نتائج حرب تشرين
المهم يا سيدي في حل واحد لمشكلة المصاري بسوريا هنن انهن يخففوا شوي المصاريف اللي بلا طعمة للجيش مو قصدي ما عاد يطعموا العساكر لا بس في ضباط مصروفن بيطعمي المزارعين و الموظفين المذكورين اعلاه يعني عم احكي لاني كنت شايف كنمت اعرف ابن ضابط و هاد الضابط هلق صار وزير كل يوم بدو حوالي عشرين الف ليسهر غير باقي المصاريف بعرف انو ابو من لما اتوظف و هوي عم يجمع مصاري مشان يسعد ابنو بس يكبر متلو متل غير مسؤولين بس يعني مو لهالدرجة يسهروا هالشعب بطريئن

المشكلة مو بس بالكل والشرب ..أو المواصلات أو اللبس .أو الكتب والدفاتر للولاد للمدرسة وسعر المازوتات للشتوية والأدوية وغيرن وغيراتون... المشكلة انو الشب ماعاد عندو بصيص أمل انو يفكر يحلم يوماً ما بامكانية أنو ينضرب على قلبو وتتاح ألو أمكانية انو يتزوج
ارتفع سن الزواج بالنسبة للشب السوري من 25 لل35 واكتر واسا ما بكون امن حالو يعني اذا ضل الوضع هيك بصير كلمة شب مامن بتشير للي عمرن 45 سنة يعني بكون الواحد على حفة قبرو

لعما طلعت عايش تحت خط الفقر المدقع
منيح يلي بعدني ببيت أهلي على مهلي
يعني المقصد إنو لو أنا عايش لحالي كنت هلق متل هدول يلي بيطلعون بالتلفزيون تبع كينيا ودارفور

يعني صراحة الوضع المعيشي تعبان
كان من قبل الغلا
كنت سلك أموري ماشي حالني تقريبا عم أطلع راس براس
بس يلي صاير هلق
شغل إسبوع بنزين
شغل إسبوع تاني للموبايل والنت
شغل تالت للدخان و كم شغلة بيطلعولك نكويش
شغل رابع قسط سيارة
هاد بعدني لا أكلت ولاشربت ولامرضت

يعني بآخر الحلقة ب مسلسل الشهر عم تطلع خسرانة

منيح يلي بعدني ببيت أهلي على مهلي
يعني المقصد إنو لو أنا عايش لحالي كنت هلق متل هدول يلي بيطلعون بالتلفزيون تبع كينيا ودارفور


حسون أنا بزكر إنو هي الألف وخمسمية
كانت ألف

بس شو قصتا مابعرف

عالأغلب رفاهية
قالو يلا العالم عم تطلع (طفش) بأعداد كبيرة
خلينا نلحق حالنا نهبش هبشة طالما صايرة وصايرة

بالسبعينات كان متوسط دخل الموظف (بالسنة يمكن) قريب 2100 دولر وخط الفقر اللي محددتو الامم المتحدة 1400 دولر يعني المواطن السوري معو 700 دولر فوق خط الفقر
وهلئ متوسط دخل المواطن 1300 دولر وتبع الامم المتحدة صار فوق 5000 دولر
هاد خلال 30 سنة من لما استلموا الشباب
وقال شو عملو التأميم مشان الملكية العامة بانو حق بتشلح واحد اراضي اللي ورتانون عن ابو (يعني مال حلال) وبتعطيون للعالم ....
اخي حلو قلت بدك تأميم الزفت وملكية عامة على عيني وراسي بانو حق صارت نص البلاد الون وين المليكة العامة والديمقراطية والتأميم والحكي الفاضي
اخي الله وكيلك اذا هلئ بصير تأميم ما حدا من الشعب بينضر .....
وسلام

أنا رايح جيب كيلو فواكه اتصور جنبو مشان الذكريات وهالحكي الفاضي ....
مليت