أصدر الرئيس السوري بشار الأسد اليوم الأربعاء مرسوماً رئاسية بتنحية وزيرة المغتربين بثينة شعبان وتعيين وزير الدولة جوزيف سويد وزيراً للمغتربين في سورية، كما تم تسمية شعبان مستشارة للشؤون السياسية والإعلامية في رئاسة الجمهورية

وكان مفاجئاً هذا المرسوم الجمهوري، حيث كانت تعتبر الوزيرة شعبان من المقربين إلى السلطة وشغلت مناصب قيادية عدة في الحكومات السورية المتعاقبة بعد استلام الرئيس بشار الأسد السلطة

وسويد، وزير الدولة وأمين سر المكتب السياسي للحزب القومي السوري الاجتماعي، وهو حزب مقرب من السلطة، ودخل الحكومة في عهد الرئيس بشار الأسد وله ممثلين في البرلمان ووزراء، وهو حليف جيد لسورية في لبنان

ويعتقد بعض المراقبين أن أسباب تنحية شعبان تعود لتصريحات أدلت بها لا تنسجم مع سياسة الدولة، وتعاملت من خلالها على أنها شريكة في القرار السياسي، وهي تصريحات من مهام وزارات أخرى غير وزارتها كالخارجية والإعلام.

وكالة آكي

المكتب السياسي للحزب القومي السوري الاجتماعي، وهو حزب مقرب من السلطة

طبعاً للعلم هاد الحزب عبارة عن مرتزقه بتكنون بأنهم قوميون سوريون.. متل جماعة الشيوعي يلي بالجبهة والشيوعية منهم براء... شوية منتفعين لصوص لتاريخ هالأحزاب الوطنية العريقة

الله اعلم شو صاير .. في قصة ورا هالتعينية مو سليمة

طبعاً للعلم هاد الحزب عبارة عن مرتزقه بتكنون بأنهم قوميون سوريون.. متل جماعة الشيوعي يلي بالجبهة والشيوعية منهم براء... شوية منتفعين لصوص لتاريخ هالأحزاب الوطنية العريقة


انت عملت اضرب من بوش

من ليس معنا فهو ليس ضدنا

اذا افكارهم مابتناسبك فم معناه نسب ونتهم

في شي اسمو احترام

معناها انا بدي قول عن هاد عارف دليلة انو خاين بس لانو مابيوافق افكاري ؟؟؟

غريب امركم

انت عملت اضرب من بوش

من ليس معنا فهو ليس ضدنا


أول شي مبدأ بوش من ليس معنا فهو ضدنا.. باعتبار ليس معنا عادي انو يكون ليس ضدنا...على فكرة ماني مستغرب منك هيك غلطة طبيعي :lol:
اذا افكارهم مابتناسبك فم معناه نسب ونتهم

أفكارهن مابتناسبني؟؟!!! لاء للأسف مازبطت معك هي لأنو أنا عم إحكي عن بلدي يلي حارقينو وسارقينو.. وبرجع بقلك الشيوعية منهن براء والقوميين منهم براء لعالمرتزقه اللصوص...
في شي اسمو احترام

صحيح الإحترام واجب.. وأهم نوع من الإحترام هو إحترام البلد ويلي مابيحترم بلدي اذا بيكون نبي مابحترمو.. بس للأسف في ناس مابتعرف من البلد غير الهتاف والتصفيق....
معناها انا بدي قول عن هاد عارف دليلة انو خاين بس لانو مابيوافق افكاري ؟؟؟

مابيطلعلك لا إنت ولاغيرك تقول عن الدكتور عارف شي.. والسبب بسيط انو انسان شريف وماكان همو لايسرق الشعب هو وقرايبينو.. ولا كان هدفو يحرق البشر ويسجن الوطنيين ويعمل سوريا مزرعه ... عارف دليلة بالسجن لأنو ماقبل يكون من هالعصابة...
بالفعل غريب أمرنا.. منحب بلدنا

غريب.. مو كتير فهمان هالاجراء.. يعني اساسا هالوزارة تفصّلت تفصيل على قياسها باعتبار شخصية تحظى بعلاقات دولية هامة.. هلأ رجعو فصلولا منصب على قياسها كمان..

بس ارتفاع القومي السوري -جناح الجبهة- مثير للاهتمام يعني.. انو كيف ممكن ناس يبيعو مبادئون منشان المنصب.. انو هلأ بالأخير مين اغتال المالكي؟ و مين كان خاين و مرتبط بالأحلاف الاستعمارية و انعزالي و مدري شو...

سيدي.. حط بالخرج و لا تدقق

طبعاً للعلم هاد الحزب عبارة عن مرتزقه بتكنون بأنهم قوميون سوريون.. متل جماعة الشيوعي يلي بالجبهة والشيوعية منهم براء... شوية منتفعين لصوص لتاريخ هالأحزاب الوطنية العريقة


يا سيدي مو بس هدول مرتزقة, كل الاحزاب اللي كانت موجودة بسوريا قبل 1963 كان امامها خيارين يا اما التدجين والتحول لاحزاب سلطوية كرتونية ما بتمثل شي او السجن والملاحقة متل ما صار بجماعة رياض الترك وكل اللي رفض الانصياع للنظام

ومو بس ضمن سوريا على مستوى لبنان انعمل نفس الشي بالاحزاب القومية واليسارية واليمينية و على المستوى الفلسطيني انعمل نفس الشي مع حركة قتح وغيرها من التنظيمات الفلسطينية

هامش
برأيي أنو مكانها بمنصب وزير المغتربين . أفضل مثال على أنو في سورية الرجل المناسب في المكان المناسب :lol:
وكأنهم كانو عم بيقولو للمغتربين بتعيينها أوعكون تفكروا بالبلد :lol:

شو الفرق ....الي كانت هون او هونيك ......كلو متل بعضو ...
وكلو داخل ع كلو ..شو نايلنا ع اساس ولا شي ........
هنون بدنيا ....والشعب بدنيا .....

خدون ع قد معلوماتي..
بس انو مستشاره بالشؤون السياسيه مو احسن من وزيره؟

خدون ع قد معلوماتي..
بس انو مستشاره بالشؤون السياسيه مو احسن من وزيره؟

لاء طبعاً ريم مستشارة شبه تجميد لوضعها بس جائزة ترضية.. ـأما مافي أي مهمات أو أي مسؤوليات يعني فيكي تعتبريه مكافإة نهاية خدمة... لأنو بالصورة العامة لو عزلها وماحطا بمحل هاد الحكي بيعني انو هي سيئة "وتحديداً إنو من النوادر بسوريا تعديل وزاري لوزير واحد" بس بهالإخراج هاد عملو كأنو إعادة توزيع للمسؤوليات.

له له ..عاد انا انبسطت انها صارت مستشاره :lol:

شوفي وجها وقت استقبلها الرئيس بتشوفي أديش مبسوطة هيه :lol:



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هلأ بالله شو قدمت شي مهم لجماعة هالمغتربين المعترين خلال فترة سلطتا .. ؟

هلأ بالله شو قدمت شي مهم لجماعة هالمغتربين المعترين خلال فترة سلطتا .. ؟

اللي قاهرني انو هي كانت وزيرة مغتربين....بس كل مؤتمر صحفي تعملو تحسها هي وزيرة الخارجية وتحكي بالسياسة

ولا مرة حكت بشؤون الطافشين....الحمد لله خلصنا منها .... كانت معبية الكرسي عالفاضي