متابعة مسلسل نور= (محاربة الله ورسوله)!!
.
.

مفتي عام المملكة العربية السعودية الشيخ عبدالعزيز بن عبدالله آل الشيخ أكد أن المسلسل التركي "نور" ، الذي تبثه قناة "إم.بي.سي4" السعودية، هو مسلسل "منحط منحل و يسيء للأخلاق" وأي محطة تنشره "أعلنت الحرب على الله ورسوله"، ما يعني تحريم بثه ومشاهدته.

وقال آل الشيخ في فتواه،عن الحكم الديني المتعلق بالمسلسل التركي الذي انتشر في الآونة الأخيرة ويتابعه ملايين العرب، "هذا المسلسل قرأنا عنه في اللجنة قراءة تفصيلية، وعلى حسب ما قرأنا وسمعنا فإنه مسلسل إجرامي خبيث ضال ضار مؤذ مفسد وهذا فيلم لا يمكن لأحد أن يُجوز النظر إليه ولا مشاهدته، فهو فيه من الشر والبلاء وهدم الأخلاق ومحاربة الفضائل، ما الله به عليم".

وأضاف مفتي المملكة العربية السعودية بأن المسلسل يدعو إلى" الرذيلة ويحبذها وينصرها ويؤيدها، وينشر أسبابها ويصور الجريمة كمادة ترى حية والعياذ بالله بدليل انتزاع الحياء"

وقال:" إن من يقوم على إعداد هذا المسلسل متخصصون في الإجرام، متخصصون في الضلال، دعاة الشيطان وجنود إبليس".

والجدير بالذكر أن رئيس هيئة كبار العلماء وإدارة البحوث العلمية والإفتاء وفي ملتقى "ربوة الرياض" أكد إن المسلسل التركي الذي يتابعه الشباب مسلسل يحظى ب "الانحلال، الخبيث الضار".

نقلاً عن تلفزيون الدنيا
.
.

** كنت رح حط الموضوع بـ ع الطاير.. نهفة :lol: بس كونو خبر جدي.. حطيتو هون

وبحب قول.. المفتي يللي افتى هالفتوى ضد مسلسل نور وضد مشاهديه وضد من يبث المسلسل معلوم انه سعودي.في حين انو المحطة يللي عم تعرض المسلسل هي سعودية.. وسعودية جدًا..

صراحة عنجد نهفة :lol:

شكرا لك علي نقل

و يعطيك الف عافية
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هازا مفتي السعودية هيك حكي بكرا بنط مقتدي الصدر بيقول متابعة سنوات الضياع محاربة للإمام ُ علي و الحسين ..

:o

أول مره بسمع بهالشي والله ..

يالله بلكي ببطلو يحطو نغمات المسلسل عالموبايل :lol:..

صرعووووووووني :x

هازا مفتي السعودية هيك حكي بكرا بنط مقتدي الصدر بيقول متابعة سنوات الضياع محاربة للإمام ُ علي و الحسين ..

:o

قولتك أوبة متخلفين وجاهلين بقلب بعض :larg:

بس كان مأفتى متأخر الاخ ........يعني ناطر ليخلص المسلسل ويحكي ...
مسخره هل المسلسل وهل الشيخ

للإمام ُ علي و الحسين ..


ريتك عارف تشكل على الاقل :lol: ..

اسم مرفوع بالضمة بعد حرف جر؟ انو كيف زبطت معك :lol:

للامامُ؟؟؟ :lol:

.............................

بكفي يللي حكيتو بالفراغ....

بصراحة....معو حق 100%
كل الاوصاف الي قالها بتنطبق عالمسلسل...

طيب!!
ليش زعلانين ازا البوكيمون عمللهم مشاكل بدها نور ما تأزمهم نفسيا ؟؟
خلص حرام حرام
بلا ما يحضرو

ريتك عارف تشكل على الاقل :lol: ..


اسم مرفوع بالضمة بعد حرف جر؟ انو كيف زبطت معك :lol:

للامامُ؟؟؟ :lol:





يعني هلأ صرنا عارفين كلنا بالأخوية إنك ضليعة جدا ً جزيلا ً بالعربي الفصيح .. ( معد في داعي تصلحيلي أخطاء إملائيّة أكتر من هيك أزا كان هيك قصدك )

و ما في داعي تكبرّي الخط أكتر من هيك كل الأخوية عرفت إني أنا "بلاك" غلطت و إنك "ماتيا" العالم سيبيويه في اللغة العربيّة ..

هالأمور كلنا متأكدين منها ..

و كوني متأكدة إني ماني عم شكل لأني عم أتفصحن بالعربي لأني بسمعون بقولو "الأمامو علي" فا حطيتلا ضمة

بالأخير كوني متأكدة إني برحب جدا ً بتصليح أخطائي الإملائيّة .. و أهلين ..

هو السؤال ...... شلون عرف بهذه الصفات في المسلسل ........


أكيد شايف كثير حلقات من المسلسل و استنتج هذا الكلام ....... !

هازا مفتي السعودية هيك حكي بكرا بنط مقتدي الصدر بيقول متابعة سنوات الضياع محاربة للإمام ُ علي و الحسين ..

:o


وليش انت محروق خليك متابع نور وسنوات الضياع

هو السؤال ...... شلون عرف بهذه الصفات في المسلسل ........


أكيد شايف كثير حلقات من المسلسل و استنتج هذا الكلام ....... !


هلأ هو قال حسب قراءات باللجنة.. وحسب ما قرأ " وسمع "

لكن قولك ادا هو بـ شخصو حضر المسلسل فـ بتوقع اي ممكن كتير يكون حضرانو ..

وليش انت محروق خليك متابع نور وسنوات الضياع


على العكس كتير مسرور و حاطلّك هالسمايل ":o" بدك نضارات عزيزتي أكيد.

بصراحة....معو حق 100%
كل الاوصاف الي قالها بتنطبق عالمسلسل...

بصراحه انهون تسالي أكتر من المسلسل :larg:

بصراحة....معو حق 100%
كل الاوصاف الي قالها بتنطبق عالمسلسل...

لا ما معو حق..

هلأ بـ وصف المسلسل.. يوصفو متل ما بدو.. يصطفل

بس انو يحكي على مشاهدي المسلسل ( بالرغم من اني ماني من مشاهديه )
ويقول انو كفرة وعبدة الشيطان والخ... انو وين بتصير هيدي؟

هون الاختلاف معو..

ههههههههههههههه لك شو هاد اسا تركو كل مشاكل العالم وحايفين نور ؟؟ كنو السوق داقر ولا شو؟

بس ما معك حق هيك ما بصير كان لازم تحطيها في على الطاير :p

سيد BL@CK اني بدي احكي شي.. وبتمنى يكون آخر رد عن هالنقطة
لانو ادا كترت الردود عن النقطة يللي بدي احكيها هلأ بنكون طلعنا عن سياق الموضوع
وحتى اني ترددت بـ اني اكتب الرد لكن حبيت وضحلك شي..

بس للتوضيح مش اكتر بحب قلك :

يعني هلأ صرنا عارفين كلنا بالأخوية إنك ضليعة جدا ً جزيلا ً بالعربي الفصيح .. ( معد في داعي تصلحيلي أخطاء إملائيّة أكتر من هيك أزا كان هيك قصدك )

و ما في داعي تكبرّي الخط أكتر من هيك كل الأخوية عرفت إني أنا "بلاك" غلطت و إنك "ماتيا" العالم سيبيويه في اللغة العربيّة ..

هالأمور كلنا متأكدين منها ..

و كوني متأكدة إني ماني عم شكل لأني عم أتفصحن بالعربي لأني بسمعون بقولو "الأمامو علي" فا حطيتلا ضمة

بالأخير كوني متأكدة إني برحب جدا ً بتصليح أخطائي الإملائيّة .. و أهلين ..

انا نهائيًا ما هدفي من يللي قلتو انو ينقال عني اني ضليعة بالعربي الفصيح..لانو انا مش ضليعة بالعربي الفصيح..ونهائيًا ما كان قصدي صلحلك الخطأ لانو بدي صلحلك خطأ.. انا وبقلك ياها بصراحة من فترة من بعد رد الك قررت لا بدي صلحلك خطأ ولا شي.. لانو وصلني احساس عدم تقبلك لتصحيح الاخطاء ( بالرغم من انك عم تقول بترحب بتصليح الاخطاء ) لكن انا هيك حسيت وهيك قررت.. وثق تمامًا تصليحي اعلاه كان لغاية تانية.. مش لانو بدي صلحلك ولا لانو بدي ينقال عني سيبويه.. انا ماني سيبويه اصلاً ولا بدي ينقال عني لقب او صفة او تشبيه ما بستحقو..

بالنسبة لتكبير الخط.. فـ بحكيلك بـ صدق.. وانت حر تصدق او لا..
انا ما كبرت الخط.. ولهلأ ما بعرف شو حجم الخط.. لانو صدقــًا ما اخترت حجم للخط بالرد فوق
انا كتبت بخط بسيط.. الخط المعتمد متل العادة.. اصلاً ما بحب اكتب بخط حجمو كبير متل فوق..
لو ما المقالة مقالة ما كنت كتبتها بخط كبير... فـ اعتمدت الرد على اساس خط متل العادة بسيط
بس انا حقيقةً بقلك تفاجأت لما شفت الخط كبير.. ولهلأ ما بعرف شو السبب.. وكنت رح عدلو
لكن كنت مستعجلة نظرًا الى انو كان وقت برنامج ثقافي انا عم استناه من كم يوم..

برجع بقلك حر تصدق.. يللي بيهمني اني حكيت الصدق..
وانا عن حالي ما بحب اكتب بـ خط كبير متل فوق

هيك.. وبتمنى عنجد نسكّر عن هالنقطة.. لانو بنكون طلعنا عن الموضوع..

بيعينك الله.. الرد طويل.. بس وَجَب ذلك

يلا بكرا بيلاقولهن شي تاني يلتهو فية...

سيد BL@CK اني بدي احكي شي.. وبتمنى يكون آخر رد عن هالنقطة
لانو ادا كترت الردود عن النقطة يللي بدي احكيها هلأ بنكون طلعنا عن سياق الموضوع
وحتى اني ترددت بـ اني اكتب الرد لكن حبيت وضحلك شي..

بس للتوضيح مش اكتر بحب قلك :



انا نهائيًا ما هدفي من يللي قلتو انو ينقال عني اني ضليعة بالعربي الفصيح..لانو انا مش ضليعة بالعربي الفصيح..ونهائيًا ما كان قصدي صلحلك الخطأ لانو بدي صلحلك خطأ.. انا وبقلك ياها بصراحة من فترة من بعد رد الك قررت لا بدي صلحلك خطأ ولا شي.. لانو وصلني احساس عدم تقبلك لتصحيح الاخطاء ( بالرغم من انك عم تقول بترحب بتصليح الاخطاء ) لكن انا هيك حسيت وهيك قررت.. وثق تمامًا تصليحي اعلاه كان لغاية تانية.. مش لانو بدي صلحلك ولا لانو بدي ينقال عني سيبويه.. انا ماني سيبويه اصلاً ولا بدي ينقال عني لقب او صفة او تشبيه ما بستحقو..

بالنسبة لتكبير الخط.. فـ بحكيلك بـ صدق.. وانت حر تصدق او لا..
انا ما كبرت الخط.. ولهلأ ما بعرف شو حجم الخط.. لانو صدقــًا ما اخترت حجم للخط بالرد فوق
انا كتبت بخط بسيط.. الخط المعتمد متل العادة.. اصلاً ما بحب اكتب بخط حجمو كبير متل فوق..
لو ما المقالة مقالة ما كنت كتبتها بخط كبير... فـ اعتمدت الرد على اساس خط متل العادة بسيط
بس انا حقيقةً بقلك تفاجأت لما شفت الخط كبير.. ولهلأ ما بعرف شو السبب.. وكنت رح عدلو
لكن كنت مستعجلة نظرًا الى انو كان وقت برنامج ثقافي انا عم استناه من كم يوم..

برجع بقلك حر تصدق.. يللي بيهمني اني حكيت الصدق..
وانا عن حالي ما بحب اكتب بـ خط كبير متل فوق

هيك.. وبتمنى عنجد نسكّر عن هالنقطة.. لانو بنكون طلعنا عن الموضوع..

بيعينك الله.. الرد طويل.. بس وَجَب ذلك


و ما نيل المطالب بالتمني .. فا لا تتمني إني يكون آخر رد .. المواضيع هون بالأأخوية بشكل عام مفتوحة للأخد و العطي فا من طبعي بحب آخد و أعطي فا ليش لنوقف أخد و عطا يعني

الكلام اللي كتبتو حضرتي عم أثني عا فصحنتك بالعربي و ضلاعتك اللامتناهية بحيث إني و ما رحت عم شوفك عم تصلحلي أخطاء عربيّة للأعضاء و لإلي و لغيري فا ما في داعي لا نسكّر و لا يحزنون ..

و أنا لما قلت إني متقبل إنك تصلحي أغلاطي فاأنا عند كلمتي ما في داعي تقعدي تحللي و تستنتجي بتقبل أو لأ ..

و مشان تكوني ممنونة .. رح نرد نعيدلك الجملة .. و بلا أخطاء إملائيّة ..

"هازا مفتي السعودية هيك حكي بكرا بنط مقتدي الصدر و مفتي إيران بيقول متابعة سنوات الضياع محاربة للإمام علي و الحسين .. "

mani ktir metel3a 3ala mousalsal nour bes bdon enou mousalsal tafeh metl kel elmousalsalat elmoudablaja
bes hal moufti lazem yehki 3alkanawat el ibahya yali tal3a men douwal eljhalij yali hata elajaneb ma bye3emlou metelhoun ba3din yehki 3an hik mousalsalat
tani chi akid hal moufti bedou ichaweh soret dinou la aktar

الغريب انو بكل هالقصة مافهمت شو الهدف من تصحيح الأغلاط الإملائية للبشر؟؟ تحديداً إنو نحنا عم نحكي عامي ومو فصحة... :larg:

هلاء من بين كل المسلسلات المدبلجة اللي كانو يبطلعو ع ال lbc و ال mtvو ..و..و..
مش حرام بس نور هوي الحرام؟

يعني المسلسلات المكسيكية حلال؟؟

يقطع عمرن هالمفتيين لك شو عم يخبصو؟؟
يروحو يفتو ع حالن بالاول وبعدين يجو يحكو

بعدين هنن تاركين كل الظلم اللي عم تعيشو الامة ونازلين افتاء بالاشيا التافهة

ينعن سعدو ع هيك مفتيين :x

بعدين هنن تاركين كل الظلم اللي عم تعيشو الامة ونازلين افتاء بالاشيا التافهة


كل المشاكل خلصت ....... و احنا براحة تامة ... و كلشي نصنع و منتجاتنا تصل للمريخ !

بس ظلت مسلسلة نور تحز بالقلب :lol:

HALA MOU MEN CHAN CHI BES JAD HIK MAWADI3 MA BTESTAHEL ETIKRAR OU ENAKL LEANOU HEY WADHA ENOU YALI 3AM YOUKTOUBHA OU YALI 3AM YEFTI ASLAN MA ELHOUN AYAT 3ALAKA LA BIDIN OU LA BGHIROU BEL3AKS
3AM IHAWLOU TACHWIH ESORA
HALA HMAR YALI KATAB HAMAKAL OU NAKALOU 3AN YALI AHMAR MENOU ALAH OU ERASOUL SALA ALLAH 3ALEYHI WA SALAM CHOU 3ALAKETHOUN BI FILM METL HAD AW BESINIMA ASLAN

HELMAWDO3 FAKARNI BILMAKALAT YALI NAZALET LAMA NEZEL FILM 3AN SEYEDNA 3ISSA MEN KAZA SANA O YALI MA 3AJAB 3ADAD MNELMASIHYINE YALI MEN ZOMRAT CHOUYOUJH ELMOUSLIMINE

اي والله هالمفتي ما أغباه ل‘نو بفتي لجيل تافه

لا ما معو حق..

هلأ بـ وصف المسلسل.. يوصفو متل ما بدو.. يصطفل

بس انو يحكي على مشاهدي المسلسل ( بالرغم من اني ماني من مشاهديه )
ويقول انو كفرة وعبدة الشيطان والخ... انو وين بتصير هيدي؟

هون الاختلاف معو..

و هاي هي النقطة المهمة بالموضوع :D

يعني اذا بدّو يحكي عن شغلات ما عجبتو بالمسلسل اوكي...بس انو يقول اللي يتابعو المسلسل كفرة هون زودها شوي...ما الو حق انو يكفر حدا...

الأعور فى بلاد العمى اسمه كحيل العيون :cry:

الشيخ عبدالعزيز بن عبدالله آل الشيخ...
هادا اسمو بدو صفحة لحالو ..
وكمان إذا مسلسل نور بيعمل هيك ..
ليش ما بيحكو عالبورنو والإباحية اللي عال hotbird والمواقع الإباحية عالنت ..
حاج مسخرة بقا ..

هادا اسمو بدو صفحة لحالو ..
وكمان إذا مسلسل نور بيعمل هيك ..
ليش ما بيحكو عالبورنو والإباحية اللي عال hotbird والمواقع الإباحية عالنت ..
حاج مسخرة بقا ..
ما أزكاك كتير طيب

اي والله هالمفتي ما أغباه ل‘نو بفتي لجيل تافه

اها يعني الفتوى زابطة برايك؟؟؟.. بس العلّة بهالجيل " التافه " على حد وصفك

انو يللي بيحضر نور عبدة شيطان.. وجند ابليس.. وكافر بـ الله ..

بس المشكلة.. هالجيل ما مقدر قيمة هالفتوى.. اي شو بدنا نساوي جيل تافه

بتعرف عبالي جبلكن صورة الشيخ.. اني ما جبتها قصدًا لانها بصراحة مرعبة

قال " سماههم في وجوههم " لهيك عبالي جبلك الصورة..

فعلا ...للفن عدو يدعى الجهل

بدى احكى قصة ظريفة عن شيخ من هذه النوعية ,,,
بعد رمضان اللى فات بكام يوم ظهر شيوخ على احدى القنوات الفضائية بيتكلموا بعصبية ,,,قلت اتفرج لاشبع عزيزتى السادية المهم جم بالاخير يشتموا ع الفسق والفجور الى حصل فى رمضان فى التليفزيونات
وقعدوا يسبوا فى المسلسل الفلانى والعلانى والله حسيتهم اتفرجوا على كل مسلسلات ...الفجور !! ( برمضان ) اكثر منى ,,,واعيين واعيين يعنى

القصد بدى قول ان هذا الشيخ صاحب الفتوى مو مستبعد انو يكون بيشوف المسلسل ( بالسر ):oops:

يا افاضل ها الجماعة جواهم كبت ما فيهم يهذوا يهنى؟؟؟ شو هالقسوة منكم:x

اهالمفتي بس اللي حريص ع دينو و حارص ع بني البشر اللي متلو ...و ما تلوموه لانو مفتي و الواحد بس يتقمص هيك منصب منشوف شو بدو يطلع معو لانو منصب مو هين منوب منوب ...
بقى وقفت عليه للزلمة ؟؟؟طيب فينا نقارن المفتي اللي خايف يمكن ع الامة اللي هوي منا ب سماحة السيد نصر الله اللي خايف ع ارضو و عولاد بلدو ...اي زات الشي و الله ...
مع انو يا ريت هالمفتي ما حكى من اصلو اي خليهون ملتهيين بنور و خلافو

المسلسل تافه جدا جدا جدا

بكلشي من قصة وممثلين وحوار

كتير صارت مشاكل من ورا المسلسل لانو العالم عئلها زغير

شي منسمع وحدة صار بدها اسم جوزها يكون مهند

وهاد يلي بدو مرتو تكون متل نور

وهديك ماعاد عجبها تصرفات جوزها معها لانو شافت مهند كيف بيعامل نور


...................

وبعدين ؟؟؟؟؟؟؟؟ لإيمتى بدنا نضل هيك صاير المسلسل حديث الشارع وتاركين اشياء اهم بكتير

وهديك ماعاد عجبها تصرفات جوزها معها لانو شافت مهند كيف بيعامل نور

هي عجبتني هي بس شو تصرفاتو لمهند ؟؟؟اي بلسم ....ريتو يقبر قلبي :pبتمنى يكونو الرجال تعلمو منو شوي الاعيب يضحكو فيا ع نسوانون مشان يغطو منيح الخيانة ...:o

انه هو صحيح الي عاملين المسلسل

قاصدين الترويج ونشر العلمانية ( يعني في شي من كلامه صح )

بس كما لا ينسى وجود العقول

يعني ما كل واحد شفلي حلقة حارب الله ورسوله

اي كتر كتير

:D

هلاء من بين كل المسلسلات المدبلجة اللي كانو يبطلعو ع ال lbc و ال mtvو ..و..و..
مش حرام بس نور هوي الحرام؟

يعني المسلسلات المكسيكية حلال؟؟

يقطع عمرن هالمفتيين لك شو عم يخبصو؟؟
يروحو يفتو ع حالن بالاول وبعدين يجو يحكو

بعدين هنن تاركين كل الظلم اللي عم تعيشو الامة ونازلين افتاء بالاشيا التافهة

ينعن سعدو ع هيك مفتيين :x

ومن هل الاشياء التافهه ......

ياريت هل المفتي ...يحرك حالو شوي ...ويروح يفتي فتوى ...يمنع فيها اغتصاب الاطفال ...في بيوت الله الي عم ع اساس عم يعلمو فيها الاولاد الدين ......فا من هل التعليم ..عم يكون الاغتصاب ....فا شو رأيه المفتي بهل الشي ؟؟؟؟؟؟؟؟
شي بيقرف يا .....

انا بدي احكي شغلة للتوضيح.. ماني ضد انو يوصف مسلسل نور بـ الوصف يللي بدو ياه
مسلسل تافه صحيح.. وما الو اي خلفية الها القيمة كمان صحيح
بس انو ربط مشاهدة هالمسلسل بـ الكفر.. هيدا غلط

ممكن انسان يحضر كم حلقة.. ممكن انسان يتابع المسلسل رغم تفاهتو لسبب انو علق بشي ما بيقدر يترك متابعتو بنص الطريق... وممكن ناس على مبدأ جملة حكاها بسام كوسا بـ الفصول الاربعة انو عم يتابعوا هالمسلسل " ليشوفوا آخرة هالمهزلة "

وَ حتى لو انسان عاجبو المسلسل ما بيحقلنا نجي نقلو انت كافر
شو هالحكي.. ممكن نقلو هالمسلسل مضيعة للوقت وكذا.. وننصح بـ انو بنتبهوا من هيك نوعية
بس انو نكفّر ونغلّط ونقول عبدة شيطان وما بعرف شو.. هالشي انا ضدو

فينا نقارن المفتي اللي خايف يمكن ع الامة اللي هوي منا ب سماحة السيد نصر الله اللي خايف ع ارضو و عولاد بلدو ...اي زات الشي و الله ...


شو يا.. ما بتعرفي انو المساواة او التشبيه ما بتم بين طرفين مختلفين تمامًا.. اي شو جاب لجاب يا
ما فيكِ بـ اي شكل من الاشكال انك تشبهي وتساوي بين حدا بيكفّر انسان لانو متابع مسلسل
وبين انسان ما بعمرو بيقول لناس بانهم عبدة شيطان .. وجند ابليس ..
ولا ممكن يقول انو والله يللي بيتابع مسلسل كذا او برنامج كذا هو كافر بـ الله

حلو يكون في توعية انو انتبهوا للنوعية يللي بتختاروها لانها بتأثر عليكن ..
وانو نصيحة بدل مضيعة الوقت على هيك سخافة روحوا زيدوا ثقافتكن

اما هون القصة ما قصة توعية.. هون قصة تكفير على شو اصلاً ؟

بقى يا ريت تنتبهي اكتر بس بدك تساوي بين طرفين

اها يعني الفتوى زابطة برايك؟؟؟.. بس العلّة بهالجيل " التافه " على حد وصفك

انو يللي بيحضر نور عبدة شيطان.. وجند ابليس.. وكافر بـ الله ..

بس المشكلة.. هالجيل ما مقدر قيمة هالفتوى.. اي شو بدنا نساوي جيل تافه

بتعرف عبالي جبلكن صورة الشيخ.. اني ما جبتها قصدًا لانها بصراحة مرعبة

قال " سماههم في وجوههم " لهيك عبالي جبلك الصورة..
ولو أنا حكيت هيك شي؟؟؟ أبدا الجيل التافه ياللي عمل ضوجه لفتوى أتفه

وعلى حسب ما قرأنا وسمعنا فإنه مسلسل إجرامي خبيث ضال ضار مؤذ مفسد ..
قال قرا عنو قال





لك بقص ايدي إذا ماكان عم يتابعو

اي والله هالمفتي ما أغباه ل‘نو بفتي لجيل تافه
اي بالفعل ...
لازم يخبي فتاواه القيّمة ...... لناس قد المقام




أو لازم يكون تفكيرو أبعد بشوي من سنوات الضياع

الجيل التافه ياللي عمل ضوجه لفتوى أتفه

لاااااا يا ئبضاي لاااا.. هيك ما زبطت معك
لما يتم اصدار فتوى تافهة " بتعبيرك انت " لازم نحكي عنها
لانو السكوت رح يخبّي واقع مهم هو .. انو هالمفتي .. مو بمحلو

على قولة مطر " المشكلة .. انو ما بيتم اختيار الرجل المناسب بالمكان المناسب "
لما ننتقد فتوى هالمفتي.. بنكون عم نوصل معلومة مهمة .. انو هالمفتى مو بمحلو
وادا ما بتعرف.. انو يكون مفتي بغير محلو .. مشكلة

[/center]
قال قرا عنو قال
لك بقص ايدي إذا ماكان عم يتابعو

هيك بيطلع عم يكفّر حالو
معقول يسب حالو ويكفّر حالو؟:lol:

وعلى قولة طفولة .. ما محرزة القصة .. بذكر هيك مرة قالت
يعني ما محرزة قصة ايدك ابن العم

مين قال انو مسلسل تافه ((طبعا انا ما بتابعو وهو اكيد تافه))

بس اللي صاير بهالامة هو التافه لك الشوارع بتفضى وقت المسلسل بيكون مبلش
احنا هون واقعين بمشكلة انو صار الشعب بدو قصة ليعلق فيها وهاد مو شي جديد لأنو بلش وقت كاساندرا

على كلن يصطفلو

بالــعـاده مــا بسـمع كلام مفــتي او غــيرو .. تــ يعلمنــي

وهــلئ مـا دخــل بـراســي كلام حضــرتـو .. لأنــو بغــض النظـر .. عــم ينــصـح بطــريئه بتــنفــر .. ولهــدف مخــتلف عــن هــدفـي

النئــطـه ويــن .. مو بالكــبار الي عــم يتــابـعو (للتسليه . او او .. الخ ) ..

النئــطـه بالأطـفال الي عــم يتـابـعو مـع اهاليــون .. بكــير علــيون هالامـور .. بكــير نســمع اسـئله من طــفل عمــرو 5 ســنه .. عــن امــور مو منـاسـبه لعمــرو

على العكس كتير مسرور و حاطلّك هالسمايل ":o" بدك نضارات عزيزتي أكيد.


لك شو العدسات ما يكفوووووووووو؟؟؟؟؟؟؟؟؟؟؟:c ry::cry:

شو بدكون تتوقعوا يعني من هيك أشخاص جاهليييييييييييين ولا يفهون شيء في الحياة وتكفيريين

لككككككككككك اضرب على هيك شعب

ملاحقة اخبار حجب نور و مهند ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


اقتباس:

وآخر مهازل بعض رجال الدين السعوديين كان تحطيم أهالي قرية في جنوب المملكة العربية السعودية أطباق صحون فضائية لاقطة بعدما فرغوا من أداء صلاة الجمعة الأسبوع الماضي والتي حرمت خطبتها المسلسل التركي المدبلج "نور"

حيث أن شيخاً وعدداً من أهالي قرية الحجرة (على مسافة 70 كيلومتراً من منطقة الباحة جنوب السعودية) نفذوا وصية قاضي القرية، "إنقاذا للأبناء من المفاهيم الخاطئة في تلك المسلسلات".

وبدأ الشيخ بتحطيم أطباق بيته، وتبعه بعد ذلك الأهالي في تحطيم أجهزة الاستقبال داخل المنازل.
وكانت خطبة الجمعة التي ألقاها قاضي قرية الحجرة مؤثرة في نفوس الأهالي، إذ طالب الآباء والأمهات بمراقبة أبنائهم وتوجيههم لما فيه فائدتهم خلال أوقات فراغهم وبخاصة في العطلات المدرسية


تلفزيون الدنيا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)